Oromia Seed Enterprise

Call Directions Website Contact the organization

Oromia Seed Enterprise ISFO

Intarpiraayiziin Sanyii Filatamaa Oromiyaa Innisheetivii Furdisa Loonii Eegale.=========Fulbaana 15, 2019 (ISFO) – Intar...
27/09/2026

Intarpiraayiziin Sanyii Filatamaa Oromiyaa Innisheetivii Furdisa Loonii Eegale.
=========
Fulbaana 15, 2019 (ISFO) – Intarpiraayiziin Sanyii Filatamaa Oromiyaa (ISFO), hojii sanyii filatamaa baay’isuu fi oomishuu cinaatti, innisheetivii furdisa loonii eegaluun hojiin jalqabame abdachiisaa ta’uu ibsame.
========
Itti Aanaan Hojii Gaggeessaa Ol’aanaa fi Hogganaan Damee Oppireeshinii ISFO, Obbo Caalaa Abbabaa, akka ibsanitti, Intarpiraayizichi bara kana qonnaalee isaa irratti hojii sanyii baay’isuu cinaatti, inisheetivii sangoota furdisuu eegaluun isaa jalqabbii gaarii ta’uu himaniiru.
========
Akka Obbo Caalaa Abbabaa ibsanitti, Intarpiraayizichi hojii sanyii filatamaa baay’isuu, oomishuu fi dhiyeessuu irratti xiyyeeffannoo kennuun cinaatti, carraalee hojii fi galii adda addaa uumuu danda’anirrattis hojjechaa jira.
=======
Intarpiraayiziin Sanyii Filatamaa Oromiyaa, hojii sanyii filatamaa baay’isuu fi dhiyeessuu cinaatti, inisheetiviiwwan akkasii gara fuulduraattis cimsee itti fufuuf hojjechaa akka jiru Obbo Caalaan ibsaniiru.

ISFO'n Damee Arsii Barattoota Harka Qalleeyyii Deeggarsa Meeshaalee Barnootaatiin Cinaa Dhaabbate.======Fulbaana 15, 20...
25/09/2026

ISFO'n Damee Arsii Barattoota Harka Qalleeyyii Deeggarsa Meeshaalee Barnootaatiin Cinaa Dhaabbate.
======
Fulbaana 15, 2019 (ISFO) – Intarpiraayizii Sanyii Filatamaa Oromiyaa (ISFO) Damee Arsii, barattoota harka qalleeyyii fi deeggarsa barbaadan deeggaruuf meeshaalee barnootaa qarshii kuma 500 olitti tilmaamamu deeggarsa taasise.
==========
Deeggarsa kanaan barattoota 100 ol ta’aniif dabtaroota, qalama, kopheewwan fi meeshaalee barnootaa adda addaa kennuun, barnoota isaanii haala gaariin akka itti fufan deeggarsi taasifameera.
=======
Akkasumas, barattoota haala addaa keessatti argamaniif daakuu kennuun deeggarsi dabalataa taasifameera.
=====
Hojii Gaggeessaan ISFO Damee Arsii Obbo Taganee Girmaa, deeggarsi kun sadarkaa qonnaalee ISFO Damee Arsiitti kan itti fufu ta’uu ibsaniiru.
=======
Akka Obbo Taganee Girmaa jedhanitti, ISFOn waggaa waggaan barattoota qaama hawaasaa ta’an deeggaruun gama hundaanuu deeggarsa walirraa hin cinne kan taasisu ta'uu ragaan Damee Arsii irraa argame ni mul'isa.
======={
«“Hawaasa keenyaaf oomishuu qofa osoo hin taane, dhaloota boruu ijaaruufis cinaa dhaabbanna.”» - ISFO Abdii Dhalootaa.

Jilli Obbo Caalaa Abbabaan Durfamu Sochii Hojii fi Kunuunsa Oomisha Qonnoota Intarpiraayizichaa Bara 2018/19 Daawwate.Fu...
25/09/2026

Jilli Obbo Caalaa Abbabaan Durfamu Sochii Hojii fi Kunuunsa Oomisha Qonnoota Intarpiraayizichaa Bara 2018/19 Daawwate.

Fulbaana 15, 2019 (ISFO) — Sochii kunuunsaa fi hordoffii oomisha bara 2018/19 qonnaalee Intarpiraayizichaa irratti taasifamaa jiru cimsuuf, jilli Itti Aanaa Hojii Gaggeessaa Ol’aanaa Intarpiraayizii Sanyii Filatamaa Oromiyaa, Obbo Caalaa Abbabaa, durfamu qonnaalee Intarpiraayizichaa daawwate.

Daawwannaan kun haala yeroo ammaa oomishni qonnaalee Intarpiraayizichaa irratti argamu, hojiiwwan kunuunsaa fi hordoffii oomishaa, akkasumas hojiiwwan oomisha fi oomishtummaa ol’aanaa mirkaneessuuf hojjetamaa jiran ilaaluuf kan gaggeeffame ta’uu ibsameera.

Intarpiraayiziin Sanyii Filatamaa Oromiyaa, sanyii filatamaa sadarkaa isaa eeggate yeroon qonnaan bultootaaf dhiyeessuun, qonna naannichaa bu’uura irraa jijjiiruuf hojjechaa jira. Keessumaa, sanyii filatamaa yeroon dhiyeessuun oomisha qonnaa guddisuu fi oomishtummaa qonnaan bultootaa dabaluuf hojiiwwan garaagaraa irratti xiyyeeffannoon hojjetamaa jira.

Akka qaamni Intarpiraayizichaa ibsutti, hojiiwwan kun qonna naannichaa ammayyeessuu, fayyadama teeknooloojii fi sanyii filatamaa babal’isuu, akkasumas oomisha qonnaa fooyyeessuu keessatti gahee olaanaa qabu.

Jilli Obbo Caalaa Abbabaa durfamus qonnaalee daawwachuun, haala oomishni irra jiru, hojiiwwan kunuunsaa fi hordoffii taasifamaa jiran, akkasumas raawwii hojii qonnaalee irratti argamu daawwatee jira.

Intarpiraayiziin Sanyii Filatamaa Oromiyaa, qonnaalee isaa irratti oomisha qulqullina qabu fi oomishtummaa ol’aanaa argamsiisuuf, sanyii filatamaa qopheessuu fi dhiyeessuu irraa kaasee hanga oomishaatti hojiiwwan barbaachisan cimsuun hojjechaa jira.

Daawwannaa kanarrattis Gaggeessitoonni Damee Baalee, Lixaa fi Arsii, akkasumas manajimantiin ISFO Waajjira Ol’aanaa fi Dameelee argamaniiru.

Hirmaannaan gaggeessitootaa fi manajimantii kunis hojiiwwan qonnaalee irratti hojjetamaa jiran sirnaan hordofuu, rakkoolee hojii keessatti mul’atan adda baasuu fi furmaata yeroo isaa keessatti kennuuf gahee olaanaa qaba.

Bara kana Bokkaan hanqinna qabaachuu irraa kan ka'e Qonnoota muraasa irratti miidhaan qaqqabsiisuu isaa daawwannaa kanaan ilaalamee jira.

Sanyii Filatamaa Oromiy
Siraaroo





Dhiyeessii Sanyii Filatamaa Fooyyeessuuf Xiyyeeffannoon Hojjetamaa Jira.Fulbaana 12, 2019 (ISFO) — Intarpiraayizii Sanyi...
22/09/2026

Dhiyeessii Sanyii Filatamaa Fooyyeessuuf Xiyyeeffannoon Hojjetamaa Jira.

Fulbaana 12, 2019 (ISFO) — Intarpiraayizii Sanyii Filatamaa Oromiyaa, sanyiiwwan filatamoo Boqqolloo Godinaalee Gujii fi Gujii Lixaa keessatti raabsee, qonnaan bultootaa fi qooda fudhattoota adda addaa daawwachiise.

Itti Aanaa Hojii Gaggeessaa Ol’aanaa fi Hoogganaa Damee Oppireeshinii Intarpiraayizii Sanyii Filatamaa Oromiyaa, Obbo Caalaa Abbabaa, Intarpiraayizichi sanyii filatamaa baay’ina barbaadamuu fi qulqullina barbaachisaa qabuun qopheessuun raabsaa jiraachuu ibsaniiru.

Akka Obbo Caalaan jedhanitti, hojiiwwan kunneen qonna naannichaa ammayyeessuu, oomishaa fi oomishtummaa qonnaan bultootaa dabaluun, galma badhaadhinaa akka biyyaatti qabame dhugoomsuuf gahee olaanaa qabu.

Bara kana hanqinni roobaa jiraachun, Sanyii Boqqoolloo caaman miidhamus, sanyiiwwan haala qilleensa naannootiin wal-siman, akkasumas dhibee dandamachuu danda’an qopheessuun, fedhii sanyii qonnaan bultoota Naannoo Oromiyaa guutuu guutuuf qooda fudhattoota waliin qindoominaan hojjetamaa jiraachuu Obbo Caalaan ibsaniiru.

Gama biraatiin, Intarpiraayizii Sanyii Filatamaa Oromiyaatti Hojii Gaggeessaa Damee Baalee, Obbo Muluqen Aschaalow, sanyiiwwan gosoota midhaan garaagaraa Intarpiraayizichi qonnaan bultootaaf dhiyeessu oomisha dachaan dabalaa fi wabii midhaan nyaataa qonnaan bultootaa mirkaneessaa jiraachuu ibsaniiru.

Qonnaan bultoonni sanyii filatamaa argatanis sanyiiwwan kana haala gaariin fayyadamuun oomishaa fi oomishtummaa isaanii akka dabalan dhaamaniiru.

Oromia Seed Enterprise

SANYII FILATAMAA OROMIYAA Harargee Bahaa Qarsaa Burqaa Nagayaa=======🌽 Sanyii Filatamaa Boqqolloo BH-661Sanyiin fil...
19/09/2026

SANYII FILATAMAA OROMIYAA
Harargee Bahaa
Qarsaa
Burqaa Nagayaa
=======
🌽 Sanyii Filatamaa Boqqolloo BH-661
Sanyiin filatamaan Boqqolloo BH-661, Godina Harargee Bahaa Aanaa Qarsaa Araddaa Burqaa Nagayaa keessatti kilaastaraan faca’uun misoomaa jiru haala gaarii abdachiisaa irratti argama.
======
Qonnaan bulaa keenyaaf sanyii qulqulluu fi oomishtummaa olaanaa qabu dhiyeessuuf hojjechaa jirra.

Intarpiraayizichi Sanyii Boqqolloo Kilaastaran Faca'e Qonnaan Bultoota Daawwachiise.==========Intarpiraayiziin Sanyii ...
17/09/2026

Intarpiraayizichi Sanyii Boqqolloo Kilaastaran Faca'e Qonnaan Bultoota Daawwachiise.
==========
Intarpiraayiziin Sanyii Filatamaa Oromiyaa Damee Arsii Sanyii Boqqolloo BH-661 Godina Harargee Bahaa Aanaa Qarsaatti Kilaastaran faca'e misoomaa ture Qonnaan Bultoota fi qooda fudhattoota daawwachiisee Jira.
========
Intarpiraayiziichi hanqinna Sanyiin filatamaa furuuf bal'inaan hojjechaa kan jiruufi Sanyii Boqqolloo Godina Harargee Bahaa, Aanaa Qarsaatti raabsee misoomaa jiru haala fooyya’aa fi abdachiisaa irratti argama.
=========
Intarpiraayizii Sanyii Filatamaa Oromiyaatti Hojii Gaggeessaan Damee Arsii, Obbo Taganee Girmaa, Godinaalee Harargee lamaan keessattis sanyiiwwan filatamoo Boqqolloo qonnaan bultootaaf dhiyeessaa jiraachuu dubbatan.
Sanyiin filatamaa Boqqolloo Godina Harargee Bahaa, Aanaa Qarsaatti misoome, oomishni fi callaa gaarii kan argamsiisu ta'uu dubbatan.
======
Sanyiiwwan gosoota midhaan garaagaraa Intarpiraayizichi qonnaan bultootaaf dhiyeessu oomisha dachaan dabalaa jiraachuu fi wabii midhaan nyaataa qonnaan bultootaa mirkaneessaa akka jiru kan ibsan ammoo, Intarpiraayizii Sanyii Filatamaa Oromiyaatti Qindeessaa fi To'ataa Qulqullina Sanyii, Obbo Dammaqaa Dhugumaati.
Qonnaan bultoonni sanyii filatamaa haala gaariin fayyadamuu akka qabanis dhaamaniiru.
======
Qonnaan bultoonni Godina Harargee Bahaa, Aanaa Qarsaa, sanyii filatamaa kanarraa oomisha gaarii kan abdatan ta'uu himanii jiru.

OROMIA SEED ENTERPRISEWest Branch | Uke Farm🌽 Sanyii Boqqolloo Diqaalaa – BH-547Sanyiin Boqqolloo diqaalaa akaakuu BH-54...
14/09/2026

OROMIA SEED ENTERPRISE
West Branch | Uke Farm

🌽 Sanyii Boqqolloo Diqaalaa – BH-547

Sanyiin Boqqolloo diqaalaa akaakuu BH-547, Qonna Ukkee irratti baay'achaa jiru haala gaarii fi abdachiisaa ta’e irra jira.

Qonnaan bultootaaf sanyii filatamaa, qulqullina qabuufi oomishtummaa gaarii qabu dhiyeessuun kaayyoo keenya!
=====
Sanyii Filatanii Facaasun Oomisha dabala, Oomishtummaa fooyyeessa.
========

Baga Geessan!!!
10/09/2026

Baga Geessan!!!

📚 COMING SOON… 🔥ATIS KALEESSA XIQQAA TURTE!Kitaabni haaraan barreessaa✍️ Caalaa Abbabaatiin barreeffamedhufaa jira!=====...
09/09/2026

📚 COMING SOON… 🔥

ATIS KALEESSA XIQQAA TURTE!

Kitaabni haaraan barreessaa
✍️ Caalaa Abbabaatiin barreeffame
dhufaa jira!
======
📖 ATIS KALEESSA XIQQAA TURTE!
✍️ Caalaa Abbabaa

⏳ COMING SOON…

Yeroon isaa dhihaateera!










Milka'inna Qonnoota Damee Baalee🏆====== Dameen Baalee gamaaggama raawwii hojii bara 2017/18 Sadarkaa ISFOtti gaggeeffame...
02/09/2026

Milka'inna Qonnoota Damee Baalee🏆
======
Dameen Baalee gamaaggama raawwii hojii bara 2017/18 Sadarkaa ISFOtti gaggeeffameen qonnaalee hojii isaantiin milka'aniif beekkamtii kenne.
Sirna beekkamtii kennuu kanaan
🥇 Qonna Heraroo – Sadarkaa 1ffaa
🥈 Qonna Sinaanaa – Sadarkaa 2ffaa argachuun beekamtii argatanii jiru.
=======
Milka'inna Hojii Bara kanatiif Qonna Sinaanaatti Abbootii Amantaa fi Hojjettoota waliin ta’uun, hojii qonnaa fi oomishaaf murteessaa kan ta’e sirna kadhannaa roobaa gaggeeffamee jira. Kunis hojii qonnaa keessatti abdii, tumsa fi waaqeffannaa walitti fiduun milkaa’inaaf hojjechuu kan mul’isuudha.
======
Xumura irratti, qonnaalee sadarkaa gaarii galmeessisan jajjabeessuu fi hojii isaanii itti fufsiisuuf, beekkamtii fi sanada waliigaltee waadaa waliif mallatteessuun, waadaa hojii fi itti gaafatamummaa waliif kennuu gaggeeffamu ragaa Damee Baalee irraa argame ni mul'isa.

Address

Addis Abeba
Addis Ababa

Telephone

+251114673862

Website

Alerts

Be the first to know and let us send you an email when Oromia Seed Enterprise posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Oromia Seed Enterprise:

Shortcuts

Share

Category