Reformation in ethio

Reformation in ethio Contact information, map and directions, contact form, opening hours, services, ratings, photos, videos and announcements from Reformation in ethio, Library, Wolita, Addis Ababa.

03/09/2020

አስተውል ይሄ እውነታ ነው ‼
️ •| ጠንካራ ሰው ሁን ማለት አትወደቅ ማለትአይደለም!ወድቀህ መነሳትን ልመድ ማለት እንጂ ።
•| ዝም በል ማለት አትናገር ማለት አይደለም ! ሌሎችን ለመስማትም ጆሮ ስጥ ማለት እንጂ ።
•| ሆዳም አትሁን ማለት አትብላ ማለት አይደለም ! በሰዎች ሃቅ ላይ አትለፍ ማለት እንጂ ።
•| አትቆጣ ማለት ስሜት አይኑርህ ማለት አይደለም !ከቁጣ ቶሎ ተመለስ ማለት እንጂ ።
•| ይቅርታ አድርግ ማለት አልተጎዳህም ማለት አይደለም ! በሆድ ቂም መያዝ ሌላ ጉዳት ስለሆነ እንጂ ።
•| ጠላትህን ውደድ ማለት ጠላት ጥሩ ነው ማለት አይደለም !ከጥላቻ ይልቅ ፍቅር ስለሚያሸንፍ እንጂ ።
•| ደስተኛ ሁን ማለት ሁሉ ይኑርህ ማለት አይደለም ! ባለህ ነገር ደስ ይበልህ ማለት እንጂ ።
•| ስራህን ወደድ ማለት የምትሰራው ስራ ጥሩ ነው ማለት አይደለም ! ነገ ጥሩ ስራ እንዲኖርህ ዛሬ የምትሰራውን ወደድ ማለት እንጂ :: በቅንነት ሼር ያድርጉልኝ 👇👇👇👇👇👇👇👇 😷😷😷😷

23/06/2020

ወጣቱ ክፍል ምክንያታዊነትንና የሀሳብ ልእልናን ባህል ማድረግ አለበት!!!

30/04/2020

አለቃ ወይስ መሪ?
መሪ ሁሉ አለቃ ነው፣ አለቃ ሁሉ ግን መሪ አይደለም!
መሪ ባለው ቀደም ብሎ የመራመድ ሚና ፈርን የመቅደድ ሃላፊነቱ ስላለው አለቃም ነው ብንል አንሳሳትም፡፡
ሆኖም፣ በተለያዩ የስልጣን ምንጮች አለቃ የሆኑ ሁሉ መሪዎች ናቸው ለማለት አስቸጋሪ ነው፡፡ አለቃ፣ አለቃ ነው፤ በማስፈራት ይገዛል እንጂ አይመራም፡፡
መሪ አለቃ ነው ተብሎ ቢጠራም እንኳ በተለምዶ አለቆች የሚያሳዩትን ባህሪ አያንጸባርቅም፡፡ ስለዚህ መሪ የአለቅነቱ ዝንባሌ በጎላ ቁጥር የመሪነቱ መልክና ተጽእኖ እየደበዘዘና እየጠፋ ይሄዳል፡፡
ማንኛውም አለቃ መሪ ለመሆን በተከታዮቹ ወይም በሰራተኞቹ ላይ የአብሮ ሰራተኝነትን ስሜት ሊያሳድር ይገባዋል፡፡ “አለቃ ስለሆንኩኝ ብቻ ሊታዘዙኝና ሊያከብሩኝ ይገባል” ከሚል አመለካከት ወጥቶ በሚያስፈልጋቸው ሁኔታ ሁሉ ለመገኘት ራሱን በማቅረብ፣ ብቃቱን በማዳበርና በምሳሌነት በመምራት ተጽእኖን ማሳደር ይጠበቅበታል፡፡
ስለዚህም ሰዎች፣ መሪን በናፍቆትና በአክብሮት ሲታዘዙት፣ አለቃን ግን በፍርሃት ይታዘዙታል፡፡
የሚከተሉትን ንጽጽሮች እንመልከት፡፡
• አለቃ ሰዎችን በኃይል ይነዳል፤ መሪ ሰዎችን በመልካም ተጽእኖ ያነሳሳል፡፡
• አለቃ በስልጣኑ ላይ ይደገፋል፤ መሪ ባዳበረው ተቀባይነት ላይ ይደገፋል፡፡
• አለቃ ፍርሃትን ይለቅቃል፤ መሪ ፍቅርንና አክብሮትን ያስፋፋል፡፡
• አለቃ “እኔ” ማለት ያበዛል፤ መሪ “እኛ” ይላል፡፡
• አለቃ ስህተተኛው ማን እንደሆነ ያውጣጣል፤ መሪ ስህተቱን ፈልጎ ለማረም ይፈጥናል፡፡
• አለቃ ትኩረቱ ስራው መሰራቱ ላይ ብቻ ነው፤ መሪ ስራውን የሚሰሩት ሰዎች ላይ ትኩረቱን ይጥላል፡፡
• አለቃ ካላከበራችሁኝ ይላል፤ መሪ በሁኔታው መከበርን ያነሳሳል፡፡
የአለቃ አመለካከት
አለቅነት ተገቢና አስፈላጊ ጉዳይ የመሆኑን እውነት መዘንጋት የለብንም፡፡ ሆኖም፣ አለቅነት በተከታዮች ዘንድ ከተገኘ ተቀባይነት ሲመነጭ ትክክለኛና ጤናማ ተጽእኖ ያመጣል፡፡ ስለዚህ አንድ ሰው አለቃ ከመሆኑ በፊት ተቀባይነት ያገኘ መሪ ወደ መሆን ማደግ አለበት፡፡ስልጣንን ብቻ የሚጠቀም አለቅነት ወደ ጭፍን አገዛዝ ያመራልና፡፡
የተጽእኖ ቢስ አለቃ አመለካከት ይህንን ይመስላል፡-
• ሰራተኛው ብዙ ጊዜ ሲወስድ ቀርፋፋ ነው፤ እኔ ብዙ ጊዜ ስወስድ ግን ጠንቃቃ ነኝ፡፡
• ሰራተኛው ሳይሰራ ሲቀር ሰንፎ ነው፤ እኔ ካልሰራሁ ግን ስራ በዝቶ ነው፡፡
• ሰራተኛው ከተሰጠው የስራ ድርሻ አልፎ ሲሰራ ቀልቃላ ነው፤ እኔ ስሰራ ግን የተነሳሳሁ ነኝ፡፡
• ሰራተኛው የራሱ መነሳሳትና አቋም ሲኖረው ሕገ-ወጥ ነው፤ እኔ ሲኖረኝ ግን አዲስ ነገር እየጀመርኩ ነው፡፡
I • ሰራተኛው አለቃን ለማስደሰት ሲሞክር አሽቃባጭ ነው፤ እኔ አለቃየን ለማስደሰት ስሞክር ግን ትብብርን እያሳየሁ ነው፡፡ “ያላቸውን ነገር ሁሉ እስካልወሰድክባቸው ድረስ በሰዎች ላይ ስልጣንን ልትለማመድ ትችላለህ፡፡ አንድን ሰው ያለውን ሁሉ ከወሰድክበት በኋላ ግን በስልጣንህ ስር አይቆይልህም” - Aleksandr Solzhnitsyn

ለበለጠ እውቀት መጽሐፉን ይግዙና ይጠቀሙ!
ምንጭ ደራሲ ኢዮብ ማሞ

27/11/2019

like and share...
በችግሮችህ ላይ ያለህ እይታ ምን ይመስላል?

“ጉዞው ሲበረታ፣ ብረቱዎች ጉዟቸውን ይቀጥላሉ” በአሁን ሰዓት እኔና አንተ የምንጋራቸውን ነገሮች እንዘርዝር ብንል ብዙ ሁኔታዎችን እናገኛለን፡፡ ከእነዚህ ሁኔታዎች አንዱ “ችግር” የሚባለው ጉዳይ ነው፡፡ ሁላችንም ብንሆን በተለያዩ ጊዜያት የተለያዩ ችግሮችን እንጋፈጣለን፡፡ ችግርን በመጋፈጥ ደረጃ አንድ ስንሆን፣ የምንለያየው በችግራችን ላይ ባለን አመለካከት ነው፡፡
ችግሮችህ ከአቅምህ ቢበልጡ ኖሮ ባለፉት ሁኔታዎችህ ተውጠህ በቀረህ ነበር፡፡ አንተ ማንኛውም ሰው ካሉበት ችግር አልፎ የመሄድ ብቃት እንዳለው ከሚያመላክቱ ዋነኛ ምልክቶች አንዱ ነህ፡፡ አንድናድ ጊዜ ግን ችግሮችህ ያየሉና ከአቅምህ በላይ እንደሆኑ ልታስብ ትችላለህ፡፡ ይህ የመሸነፍ ስሜት ከተለያዩ ተጽእኖዎች ሊመጣ ይችላል፡፡ ከሚከተሉት አጉል ተጽእኖዎች ነጻነትህን አውጅ፡-
1. የሌሎች ልምምድና ሁኔታ ተጽእኖ
አሁን በሕይወትህ የሚጋፋህ ችግሮች ከዚህ በፊት በሌሎች ሰዎች ላይ ያስከተሉትን አስከፊ ሁኔታዎች ስታስብ የፍርሃት ስሜት ሊያጠቃህ ይችላል፡፡ አንድ ችግር ሌላውን ሰው አሸነፈው ማለት ግን አንተን ያሸንፍሃል ማለት አይደለም፡፡
2. የግልህ ልምምድና ሁኔታ ተጽእኖ
አሁን የተጋፈጥከው ችግር ከዚህ በፊት ጎድቶህ ካለፈ አሁንም ያው ሁኔታ የሚደገም ስለሚመስልህ ፍርሃት ሊጫጫንህ ይችላል፡፡ ሆኖም፣ ከመፍራት ይልቅ ሁኔታው ከዚህ በፊት ሳያሸንፍህ እዚህ መድረስህ ላይ ማተኮርን ምረጥ፡፡
3. የመሰረተ-ቢስ ፍርሃት ተጽእኖ
አንዳንድ ጊዜ ፍርሃት ራሱ ያስፈራናል፡፡ በውስጥህ የሚሰማህን ፍረሃት ምንጭ ለማወቅ ብትሞክር እንኳ ላታገኘው ትችላለህ፡፡ ይህ አይነቱ ፍርሃት እንዲያደክምህ ግን መፍቀድ የለብህም፡፡ መፍራትህን በመፍራት አትንበርከክ፡፡ አደጋው ያለው ፍርሃት ላይ ሳይሆን ለፍርሃት የምትሰጠው ምለሽ ላይ ነው፡፡ በቅንነት ሼር ያድርጉ 👇

04/11/2019

️ next class coming soon...
Like and share

የሚረዱ የሕይወት መርሆዎች!
❀︵‿♡ ~♡︵❀ ?? !" :
☞ሁላችንም እንደ አሻራችን ሁሉ ባህሪያችን እና ፍላጎታችንም በጣም ይለያያል። #ደስታን ከሚያጠፉ ምክንያቶች አንደኛው እራስን ከሰው ጋር ማፎካከር ነው። አሳ🐬 ደስታዋን እንደ ወፍ🦅 በሰማይ ልፈልግ ብትል፤ወፍ ደግሞ እንደ አሳ በውሃ ውስጥ ልፈልግ ብትል፤ ሁለቱም ሳይደሰቱ ይቀራሉ። 🔐ስለዚህ ደስታህን በራስህ መለኪያ ለካው። አንተ በሌሎች ስትቀና ሌሎችም ባንተ እንደሚቀኑ እወቅ። :
🔺 #አትኩሮትህን በሌለህ ነገር ላይ ሳይሆን ባለህ ነገር ላይ አድርገው!" :
? ብታመዛዝነው የቱ ይበልጣል? ብዙዏቻችን ሃሳብ እና አትኩሮቶቻችን በሌለን ነገር ላይ ስለሆነ፤ ያለንን ነገር ሳንጠቀምበት እንቀራለን። #ደስተኛ ለመሆን ሁሉም ነገር ሊኖርህ አይገባም። በደንብ ካስተዋልከው አሁን ያለህ ነገር ደስተኛ ለመሆን በቂ ነው። ምክንያቱም አንተ ያለህን የሚመኙ ምስኪኖች ብዙ ናቸውና።
: 🔻 ! :
☞በዚህ ምድር ላይ ሌላውን ለመምሰል እንደመሞከር ከበድ ነገር ምን አለ? ሌላውን ለመምሰል ስትሞክር፤ የምትጣላው ከሰው ጋር ሳይሆን ከገዛ እራስህ ጋር ነው። #እናም እራስህን አታስቀይመው፤ እውነተኛ ወዳጆችህ አንተን ባንተነትህ ይቀበሉሃል… ከምንም በላይ እራስህን በመሆን ከራስህ ጋር ሰላም ፍጠር፤ :
🔺 ! :
☞አንድ ነገር ስታደርግ ሰዎች ደስ እንዲላቸው ብለህ ሳይሆን ትክክለኛ እና አንተ ያመንክበት ነገር ስለሆነ ይሁን። በዚህ ምድር ላይ ምንም አይነትጻዲቅ ሰው ብትሆን እንኳን ሁሉንም ሰዎች ማስደሰት አትችልም። #ስለዚህ የምታደርጋቸው ነገሮች ከህሊናህ ጋር እስከተስማሙ ድረስ በቂ ነው። ለሰው ሳይሆን ለህሊናህ ኑር። :
🔻 ! :
☞በውሸት ደስታና በእውነተኛ ደስታ መካከል ትልቅ ልዩነት አለ። የውሸት ደስታ፤ ጊዜያዊ በሆኑና ከውጪ በምናገኛቸው ነገሮች የሚመጣ ነው። ሃዘናችንን ለጊዜው የሚጋርድ ጊዜያዊ ማስታገሻ፤ እውነተኛ ደስታ ግን ሃሳባችን፤ አላማችን፤ ምግባራችን ሲጣመር የሚፈጠር ስሜት ነው። ሃዝን እና መከራችንን ሳንደብቅ የምንጽናናበት ደስታ፤ :

31/10/2019

ጣሪያህን ንቀለው

“ውስንነትህን ለይተህ እወቅ፣ ነገር ግን በፍጹም አትቀበለው”

ጣሪያህ ምንድን ነው? ጣሪያህ ሁኔታዎች የወሰኑልህና እንዳንተ አይነት ሰው የትም አይደርስም ብለው የደመደሙብህ እይታ ነው፡፡

ጣሪያህ ምንድን ነው? በአንተ ሁኔታ የተወለደና ያደገ ሰው በፍጹም ከዚህ ከፍታ በላይ ሊሄድ አይችልም ብሎ ሕብረተሰቡ የደመደመው ገደብ ነው፡፡

ጣሪያህ ምንድን ነው? ሰዎች የገቢህን ሁኔታ፣ የትውልድህን አመጣጥና የትምርት ደረጃህን ከደመሩና ከቀነሱ በኋላ የራሳቸው ድምዳሜ ላይ በመድረስና መስመርን በማስመር በላይህ ላይ የከደኑት ክዳን ነው፡፡

አየህ፣ ሕብረተሰቡ ይህንን የማድረግና “ከዚህ አታልፍም” ብሎ መስመር የማስመር መብቱ የተጠበቀ ነው፡፡ አንተም በበኩልህ ያንን መስመር አልፈህ የመሄድ ሙሉ መብት አለህ፡፡

ያለፈው ትውልድ ያቆመበት ላይ ማቆም የለብህም፣ አዲስ ፈር ልትቀድና ወደ አዲስ አቅጣጫ ልትዘልቅ ይገባሃል፡፡

ይህ እንዲሆን ግን “ባለሁበትና ሰዎች ነህ ብለው በወሰኑልኝ ሁኔታ አልወሰንም” የሚል ቁርጥ ውሳኔ ከአንተ ይጠበቃል፡፡

መልካም ቀን…🙏

"Reformation for ethio youth"

Address

Wolita
Addis Ababa

Website

Alerts

Be the first to know and let us send you an email when Reformation in ethio posts news and promotions. Your email address will not be used for any other purpose, and you can unsubscribe at any time.

Shortcuts

Share

Category