Tesfaye DABA Wakjira

11/08/2026

06/08/2026

06/08/2026

03/08/2026

#እንኳን ለ8ኛ ዙር የአረንጋዴ አሻራ የአንድ ጀንበር ችግኝ ተከላ ቀን አደረሰን !
#የ800ሚሊዮን የችግኝ ተከላ ዕቅዳችንን አሳክተናል ፈጣሪ ይመስገን🙏
"ዛሬ የምንተክለው ችግኝ፣ ነገን የምንተክለው ተስፋ ነው።"
🌱🌳💚🌍💚🌍💚🌍💚🌍💚🌍💚🌍
ዛፍ የምድር ሳንባ ነው፤ ሕይወትን ያለምልማል፣ አየርን ያጸዳል፣ ውሃን ይጠብቃል፣ ለትውልድ ጥላና በረከት ይተዋል።
የምንተክለው ዛፍ ለእኛ ብቻ ሳይሆን ለልጆቻችንና ለሚመጣው ትውልድ የሕይወት ስጦታ ነው።
"ችግኝ መትከል ትውልድን መትከል ነው!" 💚🌍

01/08/2026

🇪🇹 ክብር ለጀግናው የመከላከያ ሠራዊታችን ! 🫡
እኛ በሰላም የምንተኛበት ሌሊት፣ እነሱ በንቃት የሚጠብቁት የአገር አደራ ነው።
እኛ በነፃነት የምንኖርበት ቀን፣ እነሱ በቁርጠኝነት የሚሸከሙት የሀገር ኃላፊነት ነው።

የመከላከያ ሠራዊታችን የሀገር መከታ፣ የሕዝብ ጋሻ እና የሰላም ዘብ ነው። በተራራ፣ በሸለቆ፣ በበረሃም ሆነ በዝናብ ውስጥ የሚቆመው ለክብር ሳይሆን፣ ሕዝቡ በሰላም እንዲኖር ነው።

በአደራ የቆሙ፣ በታማኝነት ያገለገሉ፣ በመስዋዕትነት የሀገርን ክብር ያስጠበቁ ጀግኖቻችን ለዘላለም ይከበራሉ።

ክብር ለኢትዮጵያ መከላከያ ሠራዊት!
ክብር ለሀገር ሲሉ የቆሙ ጀግኖች!
ኢትዮጵያ በጀግኖቿ ትፀናለች፤ ሰላምዋም የሁላችን የጋራ አደራ ነው።

29/07/2026

"ዛሬ የምንተክለው ችግኝ፣ ነገን የምንተክለው ተስፋ ነው።"
🌱🌳💚🌍💚🌍💚🌍💚🌍💚🌍💚🌍
ዛፍ የምድር ሳንባ ነው፤ ሕይወትን ያለምልማል፣ አየርን ያጸዳል፣ ውሃን ይጠብቃል፣ ለትውልድ ጥላና በረከት ይተዋል።
ስለዚህ ሁሌም ይህንን ምስል እያስታወስን ችግኝ እንትከል። የምንተክለው ዛፍ ለእኛ ብቻ ሳይሆን ለልጆቻችንና ለሚመጣው ትውልድ የሕይወት ስጦታ ነው።
"ችግኝ መትከል ትውልድን መትከል ነው!" 💚🌍

25/07/2026

እንኳን ለሐምሌ 19 የሊቀ መላእክት የቅዱስ ገብርኤል በዓል አደረሳችሁ 🙏❤🙏
══════◄✣••✥••✣►══════
❖ሐምሌ 19 ዕለት የመላእክት አለቃ ቅዱስ ገብርኤል አምላካቸው ክርስቶስን አንክድም በማለታቸው የፈላ ጋን ውስጥ የተወረወሩት ቅዱስ ቂርቆስና እናቱን ቅድስት ኢየሉጣ ተራድቶ ያዳነበት በዓል ነው።

❖ ይኸውም የቅድስት ኢየሉጣን ልጅ ሕፃኑ ቅዱስ ቂርቆስ ከሐዲው መኰንኑ ይዞ “ስምኽ ማነው” ብሎ በጠየቀው ጊዜ “ነቅዕ ዘእምዐዘቅት ንጹሕ ወእማይ ዘኢይማስን ክርስቲያን ስምየ” (ከንጹሕ ዐዘቅትና ከማይለወጥ ከማይጠፋ ውሃ የተገኘ ስሜ ክርስቲያን ነው ሞክሼ ስም ከፈለግኽ ደግሞ እናቴ የሠየመችኝ ቂርቆስ ነው) በማለት ክርስትናው መመኪያው የኾነው ይኽ ቅዱስ ሕፃን መለሰለት፡፡

❖ መኰንኑም ለአማልክት ከሠዋኽ ስታድግ እሾምኻለኊ ክርስቶስን ካድ ቢለው ቅዱስ ቂርቆስ ግን “የሰይጣን መልእክተኛ ለእውነትም ጠላቷ የኾንኽ ከእኔ ራቅ” አለው፡፡ መኰንኑም ይኽነን ሰምቶ በመቈጣት የቅዱስ ቂርቆስ ደሙ እንደ ውሃ እስኪፈስስ ድረስ እንዲጨምቁት እና ጨውና ሰናፍጭ በኹለቱ የአፍንጮቹ ቀዳዳዎች እንዲጨመሩ ቢያደርግበት፤ በመንፈስ ቅዱስ ጸጋ የጠነከረው ሕፃኑ ቅዱስ ቂርቆስ ግን “ትእዛዝኽ ለጒረሮዬ ጣፋጭ ኾነ ከማርና ከሥኳርም ለአፌ ጣመኝ” እያለ አምላኩ ክርስቶስን አመሰገነ፡፡

❖ መኰንኑ በዚኽ ሳያበቃ እናትና ልጇ በክፉ አሟሟት እንዲሞቱ በማሰብ የረዘሙና የተሳሉ በእሳትም እንደ ፍም የጋሉ ዐሥራ አራት የብረት ችንካሮች እንዲመጡ አስደርጎ ሰባቱ በእናቱ አካላት፤ ሰባቱ በሕፃኑ ሰውነት ላይ እንዲሰካ ቢያስደርግም በጌታችን ትእዛዝ ግለቱ ጠፍቶ እንደ በረዶ በመቀዝቀዝ ምንም ምን ጒዳት ሳያደርስባቸው ቀረ፡፡

❖ ከዚያም ወደ ወኅኒ ቤት እንዲገቡና እንዲዘጋባቸው አደረገ፤ ከዚያም ሕፃኑና እናቱ የሚሠቃዩበት ታላቅ መንኰራኲር ለ፵ ቀናት ተሠርቶ ካለቀ በኋላ ኹለቱንም በደራቁ ራሳቸውን ላጭተው የእሳት ፍሕምን በላያቸው ላይ ቢያደርጉም የእግዚአብሔር መልአክ ሥቃዮቹን ኹሉ ከእነርሱ አራቀላቸው፡፡

❖ የሕፃኑ ምላስ እንዲቈረጥ አዝዞ ቢያስቈርጠውም ጌታችን ምላሱን መልሶለታል፡፡ “ወአዘዘ ካዕበ ያፍልሑ ማየ ውስተ ጽሕርት ዐቢይ ወይደይዎሙ ለሕፃን ቂርቆስ ወለእሙ ኢየሉጣ” ይላል በታላቅ ጋን ውሃ አፍልተው ሕፃኑንና እናቱን እንዲጨምሯቸው ሲያዝዝ ከሚፍለቀለቀው ውሃ ድምፅ የተነሣ ለጊዜው እናቱ ፍርሀት ሥጋዊ ቢያገኛትም ልጇም ወደ ጌታችን በጸለየላት ጊዜ ፍርሃቱ ርቆላት ከልጇ ጋር ስትገባ መልአከ ብርሃን ቅዱስ ገብርኤል ወርዶ ውሃውን አቀዝቅዞ ሐምሌ ፲፱ አውጥቷቸዋል፡፡

❖ በመጨረሻም የሰማዕትነትን አክሊል የሚያገኝባት ጊዜ ሲደርስ ጌታችን ተገልጾለት ስሙን ለሚጠራ ኹሉ ቃል ኪዳንን ከሰጠው በኋላ ሥጋኽን በኤልያስ ሠረገላ ላይ አኖርልኻለኊ አለው፤ ይኽነን በሰማ ጊዜ በእጅጉ ተደሰተ፤ ከዚኽም በኋላ ጥር ፲፭ በሦስት ዓመቱ በሌሊቱ እኲሌታ ከእናቱ ጋር አንገቱ ተቈረጠ የሰማዕትነትን ክብር ተቀዳጅተዋል።

══════◄✣••✥••✣►══════
ለአብ ለወልድ ለመንፈስ ቅዱስ ክብር ምስጋና ይሁን ። ከምታልቀዋ ከዛሬዋ ቀን እስከማይፈጸም ዘመን ። ከደካማው ልባችን እስከ ጸናው ሰማይ።
ለዘላለሙ አሜን ❗️❗️❗️
══════◄✣••✥••✣►══════

20/07/2026

"የምተማመነው በአንተ ስለ ሆነ፣ በየጠዋቱ ምሕረትህን እንዳውቅ አድርገኝ፤ የምሄድበትንም መንገድ አሳየኝ፤ ነፍሴን ወደ አንተ አነሣለሁና።"
መዝሙር 143:8
አዲስ ሳምንትን በእግዚአብሔር መመሪያ እንጀምር። እርሱን በሙሉ ልብ ስንታመን፣ የምንሄድበትን መንገድ ያሳየናል፣ ጥበብን ይሰጠናል፣ ሰላሙንም ይሞላብናል።
መልካም ሰኞ!
ይህ ሳምንት በእግዚአብሔር ምሕረት፣ በጥበቡ እና በበረከቱ የተሞላ ይሁን። 🙏❤🙏