Bole Woreda 14 Communication

26/10/2026

26/10/2026

26/10/2026

25/10/2026

የቦሌ ወረዳ 14 ሴቶች፣ ሕፃናትና ማህበራዊ ጉዳይ ጽሕፈት ቤት 35ኛውን ሀገር አቀፍ የአረጋውያን ቀን በድምቀት አከበረ።

ጥቅምት 15/2019 ዓ.ም (ቦሌ ወረዳ 14 ኮሙኒኬሽን)

የቦሌ ወረዳ 14 ሴቶች፣ ሕፃናትና ማህበራዊ ጉዳይ ጽሕፈት ቤት የ35ኛውን ሀገር አቀፍ የአረጋውያን ቀን "እንክብካቤና ዘላቂ ደህንነት ለአረጋውያን መልካም ህይወት" በሚል መሪ ቃል በደማቅ ሁኔታ አከበረ።

በዕለቱ የተዘጋጀውን መድረክ አስመልክቶ የጽሕፈት ቤቱ ኃላፊ ወ/ሪት ሰላማዊት ተካ ንግግር አድርገዋል። በንግግራቸውም አረጋውያን አገራቸውን በዕውቀታቸው፣ በጉልበታቸው እና በሞራላቸው ያገለገሉ የህብረተሰባችን ማዕዘን መሆናቸውን አንስተዋል። አያይዘውም ትውልዱ ለአረጋውያን ሊያደርግ የሚገባውን ክብር፣ እንክብካቤ እና ድጋፍ አጠናክሮ መቀጠል እንዳለበት አጽንኦት ሰጥተዋል።

በመርሐ-ግብሩ ላይ የተገኙ አረጋውያን በበኩላቸው ለተደረገላቸው ማህበራዊ ፍቅር፣ እንክብካቤ እና ክብር የተሰማቸውን ደስታ ገልጸው፤ መሰል መድረኮች አረጋውያን በህብረተሰቡ ውስጥ ያላቸውን ቦታና ክብር ከፍ የሚያደርጉ መሆናቸውን ገልጸዋል።