Addis Ababa CRRSA - Civil Registration and Residency Service Agency

24/09/2026

23/09/2026

23/09/2026

አዲሱ መንግሥት መስከረም 25 ቀን 2019 ዓ.ም ይመሰረታል - አፈ-ጉባኤ ታገሰ ጫፎ

የሕዝብ ተወካዮች ምክር ቤት አፈ-ጉባኤ አቶ ታገሰ ጫፎ የ7ኛው ጠቅላላ ምርጫ መጠናቀቅን ተከትሎ መስከረም 25 ቀን 2019 ዓ.ም የመንግሥት ምሥረታ እና የምክር ቤቱ መክፈቻ ሥነ-ሥርዓት እንደሚከናወን አስታውቀዋል፡፡

አፈ-ጉባኤው በመልዕክታቸው 42 የፖለቲካ ፓርቲዎች፣ 10 ሺህ 438 ዕጩዎች እንዲሁም ከ54 ሚሊዮን በላይ መራጮች የተሳተፉበት 7ኛው ጠቅላላ ምርጫ ሰላማዊ፣ ዴሞክራሲያዊ፣ ፍትሃዊና ተዓማኒነት ባለው ሁኔታ በስኬት መጠናቀቁን አብራርተዋል፡፡

በሕገ-መንግሥቱ አንቀጽ 50 ንዑስ አንቀጽ 3 መሠረት የፌዴራሉ መንግሥት ከፍተኛ የሥልጣን አካል የሕዝብ ተወካዮች ምክር ቤት መሆኑንና ተጠሪነቱም ለኢትዮጵያ ሕዝብ እንደሆነ ያስታወሱት አፈ-ጉባኤው፤ የምክር ቤቱ የሥራ ዘመንም በመስከረም ወር የመጨረሻ ሳምንት ሰኞ እንደሚጀምር በሕገ-መንግሥቱ አንቀጽ 58 ንዑስ አንቀጽ 2 መደንገጉን አንስተዋል፡፡

እንደዚሁም በሕገ-መንግሥቱ አንቀጽ 56 መሠረት በምክር ቤቱ አብላጫ መቀመጫ ያገኘ የፖለቲካ ድርጅት ወይም ጥምር ድርጅቶች የፌዴራሉን መንግሥት የሕግ አስፈጻሚ አካል እንደሚያደራጅና እንደሚመራ ጠቅሰዋል፡፡

በዚህም መሠረት መስከረም 25 ቀን የመንግሥት ምሥረታ እና የምክር ቤቱ መክፈቻ ሥነ-ሥርዓት እንደሚከናወን ገልጸዋል፡፡

ለሥነ-ሥርዓቱ አስፈላጊው ዝግጅት መጠናቀቁን የጠቆሙት አፈ-ጉባኤው፤ በሕዝብ የተመረጠው አዲሱ መንግሥት ቀጣዩን አምስት ዓመታት ሀገርና ሕዝብ የመምራት ኃላፊነት እንደሚረከብ አረጋግጠዋል፡፡

መጪው ዘመን የሰላም፣ የጤና፣ የደስታ፣ የፍቅር፣ የአንድነት እና የብልፅግና እንዲሆን የመልካም ምኞት መልዕክታቸውንም አስተላልፈዋል፡፡

22/09/2026

የላቀ አገልግሎት ለመስጠት በትኩረት መስራት ይገባል -ኤጀንሲው

CRRSA: መስከረም12/2019ዓ.ም

የሲቪል ምዝገባ እና የነዋሪነት አገልግሎት ኤጀንሲ የላቀ ፈጣን እና ቀልጣፋ አገልግሎት ለመስጠት በአዋጆች እና መመሪያዎች ዙሪያ የአቅም ግንባታ ስልጠና መስጠት ጀምሯል፡፡

ኤጀንሲው የጀመረውን የኦን ላይን አገልግሎት እና የኩነት ምዝገባ ስርዓት የበለጠ ፈጣን፣ የተሳለጠ እና በህብረተሰቡ ዘንድ እርካታን ለመፍጠር እንዲቻል የአቅም ግንባታ ስልጠና በክፍለ ከተሞች መስጠት የጀመረ ሲሆን የኤጀንሲው ዋና ዳይሬክተር አቶ ዮሴፍ ንጉሴ በአዲስ ከተማ ክፍለ ከተማ በመገኘት ባደረጉት የመክፈቻ ንግግር ስለምንስጠው አገልግሎት ወጥ የሆነ እና ተመሳሳይ ግንዛቤ እንዲኖር በማድረግ የሚታዩ ውስንነቶችን እና ክፍተቶችን በአሰራር እና በመመሪያ በመድፈን ህብረተሰቡ የሚረካበት አገልግሎት መስጠት እንደሚገባ አሳስበዋል፡፡

ዋና ዳይሬክተሩ አክለውም ስልጠናው እውቀት ለመስጠት ብቻ ሳይሆን፣ እውቀቱን ወደ ተግባር በመቀየር የተሻለ፣ ፈጣን፣ ወጥና ተደራሽ የህዝብ አገልግሎት እንድንሰጥ አቅማችንን ለማጠናከር የሚያግዝ ነው ያሉት ዳይሬክተሩ እያንዳንዱ አመራርና ባለሙያ በስልጠናው ያገኘውን እውቀት ወደ የዕለት ተዕለት ስራው በመቀየር ለተገልጋዩ የሚሰጠውን አገልግሎት በተግባር ማሻሻል ይጠበቅበታል ብለዋል።

አቶ ዮሴፍ የስልጠና ውጤት የሚለካው በስልጠና አዳራሽ ውስጥ በተገኘው እውቀት ሳይሆን ያገኘነውን እውቀት በስራ ቦታ ላይ በሚኖረው ተጨባጭ ለውጥ መሆኑን ጠቁመው ከማዕከል እስከ ወረዳ ያሉ አመራሮችና ባለሙያዎች በስልጠናው በንቃት በመሳተፍ የተገኘውን እውቀት በተግባር በመተርጎምና የሚያጋጥሙ የአሰራር ችግሮችን በጋራ በመፍታት የኤጀንሲውን የለውጥ ጉዞ እንዲያፋጥኑ ጥሪ አቅርበዋል።

በአዲስ ከተማ ክፍለ ከተማ በሲቪል እና ቤተሰብ ምዝገባ አዋጅ 1370/2017 ዙሪያ የአቅም ግንባታ ስልጠና የሰጡት በኤጀንሲው የነዋሪዎች መረጃ እና ማስረጃ አገልግሎት ዳይሬክቶሬት ዳይሬክተር ወ/ሮ ሰብለወርቅ ታደሰ የአዋጁን ተፈፃሚነት ወሰን እና የኤጀንሲው የሚሰጣቸውን አገልግሎቶች ለማቀላጠፍ በአዋጁ የተካተቱ ዝርዝር ጉዳዮችን በስፋት አስረድተዋል፡፡

በተጨማሪም የግንዛቤ ማስጨበጫ ስልጠናው በህትመት ስርጭትና ቁጥጥር መመሪያ ዙሪያ በኤጀንሲው የህትመት ስርጭት እና ቁጥጥር ዳይሬክቶሬት ዳይሬክትር ወ/ሮ እስከዳር አማረ ተሰጥቷል፡፡

ኤጀንሲው በዛሬው ዕለት ከአዲስ ከተማ ክፍለ ከተማ በተጨማሪዎች በየካ ክፍለ ከተማ በነዋሪዎች መመሪያ ቁጥር145/2015 እንዲሁም በአቃቂ ቃሊቲ ክፍለ ከተሞች ተመሳሳይ ይዘት ያላቸው ስልጠናዎች እየተሰጠ የሚገኝ ሲሆን ስልጠናው በሌሎች ክፍለ ከተሞችም የሚቀጥል ይሆናል፡፡

የስልጠናው መርሀ-ግብር በተለያዩ ዙሮች የሚቀጥል ሲሆን፣ በዚህም ከማዕከል እስከ ወረዳ የሚገኙ አመራሮችና ባለሙያዎች በኤጀንሲው አዋጆች፣ መመሪያዎች፣ አሰራሮችና በአዲሱ ሲስተም ዙሪያ ያላቸውን የተግባር ክህሎት እንዲያጠናክሩ ይደረጋል።

ለበለጠ መረጃ፣ ጥቆማ ወይም ማብራርያ በተገልጋይ የስልክ መስመራችን 7533 ደውለው ያግኙን

የኦንላይን መመዝገቢያ ፖርታል https://portal.aacrrsa.gov.et

ዌብ ሳይት (website): https://www.aacrrsa.gov.et

ፌስቡክ (Facebook): https://www.facebook.com/profile.php?id=100064083391686

ቴሌግራም (Telegram): https://t.me/addisvaitalpress

ዩትዩብ (youtube)፡ https://www.youtube.com/

19/09/2026

የኤጀንሲው የሰራተኞች የቁጠባና ብድር ማህበር መደበኛ ጠቅላላ ጉባኤ አካሄደ

CRRSA: መስከረም9/2019ዓ.ም


የሲቪል ምዝገባ እና የነዋሪነት አገልግሎት ኤጀንሲ ከማዕከል እስከ ወረዳ የሚገኙ ሰራተኞች በጋራ በመሆን ያቋቋሙት የሰራተኞች የገንዘብ ቁጠባና ብድር ኃላፊነቱ የተወሰነ የህብረት ስራ ማህበር 1ኛ መደበኛ ጠቅላላ ጉባኤውን አካሂዷል፡፡

በማህበሩ መደበኛ ጠቅላላ ጉባኤ ከማዕከል እስከ ወረዳ የሚገኙ የማህበሩ አባላት የተገኙ ሲሆን የኤጀንሲው ዋና ዳይሬክተር አቶ ዮሴፍ ንጉሴ ባስተላለፉት መልዕክት ኤጀንሲው በከተማችን የተሻለ አገልግሎት የሚሰጥ፣አዳዲስ ሀሳቦችን እና አሰራሮችን የሚያመነጭ ተቋም መሆኑን በመጥቀስ የተመሰረተው የሰራተኞች የገንዘብ የቁጠባና ብድር ኃላፊነቱ የተወሰነ የህብረት ስራ ማህበር ከሀሳብ ወደ ተግባር የመጣ ድርጅት ነው ሲሉ ገልፀዋል፡፡

ዋና ዳይሬክተሩ አክለውም ሰራተኛው ራሱን በኢኮኖሚ እንዲገነባ ለማድረግ የኤጀንሲው አንዱ የሪፎርም አካል አድርጎ ሲሰራ መቆየቱን በመጥቀስ ካለን ቆጥበን በጋራ በመተሳሰብ የተሻለ ነገን ለመፍጠር እንሰራለን ሲሉ ተናግረዋል፡፡

የቦርድ ዋና ሰብሳቢ አቶ እንዳለ አለሙ በመድረኩ እንደገለጹት ማህበሩ የተመሰረተው የሰራተኞቻችንን ማህበራዊና ኢኮኖሚያዊ ተጠቃሚነት ለማረጋገጥ፣ በችግር ጊዜ የመደጋገፍ ባህልን ለማጠናከር እና የቁጠባ ባህልን ለማዳበር እንዲሁም ለወደፊቱም አባላትን ተጠቃሚ የሚያደርጉ አዳዲስ አሰራሮችን በመዘርጋት፣ የፋይናንስ አቅማችንን በማጠናከር ግልጽነትና ተጠያቂነት የሰፈነበት አሰራር በመከተል ማህበሩን ወደ ከፍታ ለማሳደግ ያለመ መሆኑን አክለዋል፡፡

አቶ እንዳለ አክለውም ማህበራችን ከተቋቋመበት ጊዜ አንስቶ እስካሁን ድረስ ለደረሰበት ስኬት የድርሻቸውን ላበረከቱ አባላት፣ ለቦርድ አባላት እና ከጎናችን ለቆሙ አካላት ምስጋና ያቀረቡ ሲሆን በአንደኛ ጠቅላላ ጉባኤያችን ላይ ያስቀመጥናቸውን ግቦች እና አቅጣጫዎች እውን ለማድረግ የሁላችንም የተናጠል እና የጋራ ርብርብ ወሳኝ ነው ሲሉ ገልጸዋል።

መደበኛ ጠቅላላ ጉባኤው የማህበሩ የ2018 በጀት ዓመት የስራ እንቅስቃሴዎችና የተመዘገቡ ውጤቶች፣ የ2019 በጀት ዓመት ዕቅድ እና ቀጣይ አቅጣጫዎች በማህበሩ የተለያዩ የቦርድ አባላት ቀርቦ ውይይት የተደረገ ሲሆን በቀረቡ ሰነዶች ላይ አባላቱ በሙሉ ድምጽ አጽድቀዋል፡፡
ነገን የተሻለ ለመኖር
ዛሬን እንቆጥብ !!

ለበለጠ መረጃ፣ ጥቆማ ወይም ማብራርያ በተገልጋይ የስልክ መስመራችን 7533 ደውለው ያግኙን

የኦንላይን መመዝገቢያ ፖርታል https://portal.aacrrsa.gov.et

ዌብ ሳይት (website): https://www.aacrrsa.gov.et

ፌስቡክ (Facebook): https://www.facebook.com/profile.php?id=100064083391686

ቴሌግራም (Telegram): https://t.me/addisvaitalpress

ዩትዩብ (youtube)፡ https://www.youtube.com/

ቲክቶክ (TikTok): www.tiktok.com/

ኢንስታግራም (Instagram) https://www.instagram.com/aacrrsa_head_office/

ትዊተር (Twitter): https://x.com/CRRSA1935

16/09/2026

የመስቀል ደመራና የኢሬቻ በዓላት በሰላምና በአብሮነት ማክበር እንደሚገባ ተገለፀ

CRRSA: መስከረም 6/2019ዓ.ም

የመስቀል ደመራና የኢሬቻ በዓላት ባህላዊ፣ ሃይማኖታዊና ማህበራዊ እሴቶችን በማጠናከር፣ አብሮነትን፣ ይቅርታን፣እርቅንና የሰላም ባህልን በማስፋፋት በኩል ያላቸው ሚና ጉልህ መሆኑ በሲቪል ምዝገባ እና የነዋሪነት አገልግሎት ኤጀንሲ ተገለጸ፡፡

ኤጀንሲው በቀጣይ ቀናት የሚከበሩትን የመስቀል ደመራና የኢሬቻ በዓላት በሰላም በአብሮነትና በፍቅር ለማክበር በተዘጋጀ ሰነድ ዙሪያ ከሰራተኞች ጋር ውይይት ያደረገ ሲሆን በዓላቱ ከሃይማኖታዊና ባህላዊ ትውፊቶች ባሻገር ለማህበረሰብ አብሮነትና ለሀገራዊ መግባባት ያላቸው ፋይዳ ተመላክቷል።

የመወያያ ሰነዱን ያቀረቡት የኤጀንሲው ምክትል ዋና ዳይሬክተር አቶ ጥጋቡ ሹመይ የመስቀል ዳመራ እና የኢሬቻ በዓላት የኢትዮጵያ ህዝቦች መንፈሳዊ፣ ባህላዊ እና ማህበራዊ እሴቶች ጎልተው የሚታዩባቸው፣አብሮነትን እና እርቅን የሚያጠናክሩ ታላላቅ የመኸር ወቅት በዓላት መሆናቸውን ተናግረዋል፡፡ምክትል ዳይሬክተሩ አክለውም በዓላቱ በቀጥታ ከእምነት እና ከባህል ጋር የተያያዙ ቢሆኑም፣ከዚያ ባሻገር የማህበረሰብ አንድነትን፣ይቅርታን እና ከተፈጥሮ ጋር ያለንን ትስስር የሚያጎሉ የጋራ መድረኮች ናቸው ሲሉ ገልፀዋል።

በዩኔስኮ ከተመዘገቡ የማይዳሰሱ ቅርሶች መካከል መስከረም ወር ላይ የምናከብረው የመስቀል ዳመራ እና የገዳ ስርዓት አካል የሆነው የእሬቻ በዓል የሚጠቀሱ ናቸው ያሉት አቶ ጥጋቡ የበዓላቱን ትውፊት በጠበቀ እና በዓላቱ ለኢኮኖሚ ያላቸውን ፋይዳ፣ለአብሮነታችን የሚያስተላልፉትን መልዕክት ታሳቢ በማድረግ በሰላም እንዲከበሩ ማድረግ ጠቀሜታው ዘርፈ ብዙ መሆኑ አብራርተዋል፡፡

በመድረኩ የማጠቃለያ መልዕክት ያስተላለፉት የኤጀንሲው ዋና ዳይሬክተር አቶ ዮሴፍ ንጉሴ በዓላቱ በትውፊታቸውና በባህላዊ ሥርዓታቸው መሠረት ሰላማዊ ሆነው እንዲከበሩ ማድረግ ለማህበረሰብ መተሳሰብና ለከተማዋ ሰላም ጠቃሚ መሆኑ ተናግረዋል።

በዓላቱ ህዝብ በአደባባይ ወጥቶ የሚያከብራቸው በመሆናቸው የህዝብ ደህንነት፣ በመጠበቅ በሰላም እንድከበሩ ሁሉም የበኩሉን ድርሻ መወጣት እንዳለበት አሳስበው በዓላቱ የተለያዩ ማህበረሰቦች ባህላቸውን በነፃነት እያሳዩ በአንድነት የሚሳተፉበት እንዲሆን ማድረግም የጋራ ሀገራዊ እሴቶችን ለማጠናከር የሚያግዝ መሆኑን አክለዋል፡፡

ለበለጠ መረጃ፣ ጥቆማ ወይም ማብራርያ በተገልጋይ የስልክ መስመራችን 7533 ደውለው ያግኙን

የኦንላይን መመዝገቢያ ፖርታል https://portal.aacrrsa.gov.et

ዌብ ሳይት (website): https://www.aacrrsa.gov.et

ፌስቡክ (Facebook): https://www.facebook.com/profile.php?id=100064083391686

ቴሌግራም (Telegram): https://t.me/addisvaitalpress

ዩትዩብ (youtube)፡ https://www.youtube.com/

ቲክቶክ (TikTok): www.tiktok.com/

ኢንስታግራም (Instagram) https://www.instagram.com/aacrrsa_head_office/

ትዊተር (Twitter): https://x.com/CRRSA1935