Ethiopian Press Agency/Tigrigna

05/09/2026

ኢትዮ ቴሌኮም ንቑፅሪ ዓማዊል ቴሌብር ልዕሊ 67 ሚሊየን ንምብፃሕ ተሊሙ
++++++++++++++

| ኢትዮ ቴሌኮም ኣብ ቐፃሊ ኣድማስ ስትራቴጂ ኻልኣይ ዓመት ብቴሌብር ኣቢሉ ሓቛፋይነት ፋይናንስ ንምርግጋፅ ስነ-ምህዳር ዲጂታል ኢኮኖሚ ብምዕባይ ዘኽእሎ ተግባራት ክሰርሕ 'ዩ።

ኣብ በጀት ዓመት 2019 ንቑፅሪ ዓማዊል ቴሌብር 67 ነጥቢ 69 ሚሊዮን ንምብፃሕ ተሊሙ።

ዋና ፈፃሚት ስራሕ ፍሬህይወት ታምሩ ትልሚ ስራሕ በጀት ዓመት 2019 እቲ ትካል ንመራኸብቲ ሓፋሽ ኣብ ዝብርሃሉ፤ ኣብ በጀት ዓመት 2019 ንቑፅሪ ዓማዊል ቴሌብር 67 ነጥቢ 69 ሚሊዮን ንምብፃሕ ተሊሙ።

ሓፈሻዊ በዝሒ ዕድጊት ቴሌብር 4 ነጥቢ 99 ቢሊዮን ንምብፃሕ ተሊሙ። እዚ 'ውን 7 ነጥቢ 4 ትሪክ ብር ዝግመት ፍሰት ገንዘብ ኣብ ዲጂታል ስርዓት ውሽጢ ንምንቅስቓስ የኽእል።

እቲ ኩባንያ ኣብ መወዳእታ እቲ በጀት ዓመት ንሰብ-ኣኽስዮን 43 ነጥቢ 1 ቢሊዮን ብር ኽፍፍል መኽሰብ ንምግባር ተሊሙ።

እቲ ትካል ኣብቲ በጀት ዓመት ንዝኸፍሎ ቐጥታውን ቐጥታዊ ዘይኾነን ኽፍሊት ግብሪ 83 ነጥቢ 8 ቢሊዮን ብር ንምብፃሕ ተሊሙ እናሰርሐ ከምዝርከብ እተን ዋና ፈፃሚት ስራሕ ገሊፀን።

ንብሄራዊ ፈንድ መልሲ ስግኣት ሓደጋ ኢትዮጵያ 8 ነጥቢ 1 ቢሊዮን ብር ኣበርክቶ ንምግባር ኸምኡ 'ውን ንማሕበራዊ ሓላፍነት 533 ሚሊዮን ብር ዝግመት ድጋፍ ንምግባር ምትላሙ ኣብሪሀን።

++++++++++++++++

05/09/2026

ኢትዮጵያ ኣብ ዙርያ ግድብ ህዳሰ ንዘለዋ ፋይል ድርድር ብምዕፃው ናብ ኣፍደገ ባሕሪ ተሳጊራ 'ያ
- ኣብ ዩኒቨርሲቲ ኣዲስ ኣበባ መምህር ምህንድስና ማይ
++++++++++++++++

| ኣብ ጂኦ-ፖለቲካዊ ጉዳያትን ምስ ኣፍደገ ባሕሪ ኣብ ዝተተሓሓዙ ነጥብታትን እንተዘይኾይኑ ኣብ ዙርያ ግድብ ህዳሰ ምስ ግብፂ ምድርዳር ዘየዋፅእን ርብሒት ዜሮ ምዃኑን ኣብ ዩኒቨርሲቲ ኣዲስ ኣበባ መምህር ምህንድስና ማይ ፕሮፌሰር ይልማ ስለሺ ገሊፆም።

ኣብቲ ድርድር ናይ ግብፂ ድልየት ኢትዮጵያ ኣብ ማይ ሩባ ኣባይ ዝኾነ ዓይነት መሰል ከምዘይብላ ተገይሩ ንኽፍረመላ ከምዝኾነ ንጋዜጣ ፕላስ ዝገለፁ ፕሮፌሰር ይልማ፤ “ማይ ኣይንክይን” ወይ “ኻልኦት ግድባት ኣይንሰርሕን” ዝብል መተኣማመኒ ምሃብ ከምዘይከኣል ተዛሪቦም።

ኢትዮጵያ ኣብ ዙርያ ግድብ ህዳሰ ንዘለዋ ፋይል ድርድር ዓፂያ 'ያ። ካብ መጀመርትኡ 'ውን ነቲ ድርድር ኣቋሪፆም ዝወፅኡ ግብፂ ምዃኖም ዘልዐሉ እቶም ፕሮፌሰር፤ ደጊምካ ምስ ግብፂ ዝግበር ድርድር ዘዋፅእ ከምዘይኾነት ገሊፆም።

ኢትዮጵያ ንተፈጥሮኣዊ ሃፍታ ብሕጋዊ መገዲ ንምጥቃም ናይ ዝኾነ ይኹን ፍቓድ ኣይትፅበይን ዝበሉ እቶም ፕሮፌሰር፤ ግብፂ ንኢትዮጵያን ቕድሚ ምውንጃላ ብካናል ወሲዳ ንተልምዖ መሬት ክትምልከት ከምዘለዋ ኣተሓሳሲቦም።

ሃገርና ነቲ ማይ ምሉእ ብምሉእ ካብ ጫፍ ክሳብ ጫፍ ዝደፍን ስራሕ ከምዘይሰርሐት ብምሕባር፤ ገና ትሕቲ ዝብፅሓ እናተጠቐመት ብምዃና ቕሬታ ዘልዕል ጉዳይ ከምዘየለ ገሊፆም።

ሎሚቕነ ፕሬዝዳንት ኣሜሪካ ዶናልድ ትራምፕ ኣብ ዙርያ ግድብ ህዳሰ ንኢትዮጵያን ግብፅን ንምድርዳር ድልየት ከምዘለዎም ምግላፆምን ግብፂ 'ውን ተበዲለ ዝብል ቕሬታ እናቕረበት ምዃና ዝዝከር 'ዩ።

+++++++++++
#ዲፕሎማሲ #ብትፕኢ #ኢትዮጵያ #ግብፂ

05/09/2026

ኢትዮጵያ ዝወፁን ዝኣትዉን ፍርያታታ ንምቅልጣፍ ብ83 ቢሊዮን ብር ወፃኢ 16 መርከባት ክትገዝእ 'ያ
+++++++++++++

| ኢትዮጵያ ሕዚ ካብ ዘለዉዋ 10 መርከባት ብተወሳኺ ብ83 ነጥቢ 1 ቢሊዮን ብር ወፃኢ 16 መርከባት ንምግዛእ ተሊማ ዕድጊት ሽዱሽተ መራኽብ ኣብ ኸይዲ ምዃኑ ትራንስፖርት ባሕርን ሎጂስቲክስን ኢትዮጵያ ኣፍሊጡ።

መካየዲ ስራሕ ዋና ክፍሊ ምድላው ትልምን ክትትልን ትራንስፖርት ባሕርን ሎጂስቲክስን ኢትዮጵያ ኣይተ ስንታየሁ ሃይለማርያም ንጋዜጣ ኣዲስ ዘመን ከምዝገለፅዎ፤ ኢትዮጵያ ንዝወፁን ዝኣትዉን ፍርያታት ካብ ትጥቀመሎም 10 መርከባት ብተወሳኺ 16 መርከባት ንምግዛእ ተሊማ።

ነተን መርከባት ኣብ ዝቕፅሉ ሓሙሽተ ዓመታት ንምግዛእ ዝተተለመ እንትኸውን፤ ነዚ 'ውን 83 ነጥቢ 1 ቢሊዮን ብር በጀት ከምዝተትሓዘ ገሊፆም፤ እተን መርከባት ብዕድጊት ናይ ኢትዮጵያ ናይ ምግባር ስራሕቲ ካብ ስትራቴጂክ ትልምታት እቲ ትካል ሓደ ምዃኑ ሓቢሮም። በዚ 'ውም ሕጋዊ ስርዓት ዕድጊት ሽዱሽተ መርከባት ኣብ ኸይዲ ምዃኑ ገሊፆም።

ኣብዚ ሕዚ እዋን ኣብ ስራሕ ዝርከባ መራኽብ ሓፈሻዊ ናይ ምሽካም ዓቕመን ካብ 25 ሽሕ ክሳብ 28 ሽሕ ቶን እንትኸውን፤ ናይተን ሓደሽቲ መራኽብ ናይ ምሽካም ዓቕሚ ምስተን ናይ ቐደም እንትነፃፀር ዓበይትን ካብ 50 ሽሕ ክሳብ 63 ሽሕ ቶን ናይ ምፅዓን ዓቕሚ ዘለወን 'የን ኢሎም።

እቲ ትካል ኣብቲ በጀት ዓመት በመርከባት እቲ ድርጅት፣ ብስሎትን ብናይ ኽራይ መርከባትን ብቱን ኣቕሓ ሓዊሱ 4 ነጥቢ 2 ሚሊዮን ቶን ዝኣትው ኣቕሓ ንምጉዕዓዝ ተተሊሙ 3 ነጥቢ 9 ሚሊዮን ቶን ኣጎዓዒዙ።

++++++++++++
#መርከብ #ኢኮኖሚ #ኢትዮጵያ

05/09/2026

ህዝቢ ትግራይ ብመገዲ ዕንወትን ፀልማትን ክቕፅል የብሉን!

++++++++++
| ኣብዚ እዋን እዚ ዞባ ቀርኒ ኣፍሪካ ብሰንኪ ዝተሓላለኹ ፀገማት ፖለቲካን ፀጥታን ኣብ ፈተና ዝወደቐሉ እዋን ‘ዩ። ይኹን ‘ምበር፤ ኣብ ውሽጢ እዚ ዞባ ብፍላይ ድማ ኣብ ክልል ትግራይ ዘሎ ወድዓዊ ኹነታት ብሰንኪ እቲ ስልጣኑ ንምዕቃብ ክብል ነቲ ህዝቢ ጅሆ ሒዝዎ ዘሎ ዘይሕጋዊ ጉጅለ ህወሓት ሓደገኛ መልክዕ ሒዙ ኣሎ።

ብትዕቢትን ግጉይ ፖለቲካዊ ኣካይዳን እቲ ጉጅለ ምኽንያት ኣብ ልዕሊ ህዝቢ ትግራይ ተደኲኑ ዘሎ ኩለ መዳያዊ ቅልውላው ካብ ግዜ ናብ ግዜ ከቢድ መልክዕ ይሕዝ ኣሎ። እቲ ጉጅለ ካብ ፕሪቶሪያ ስምምዕ መንፈስ ወፃኢ ብምውጻእ፣ ህዝባዊ መሰረት ዘይብሎምን ዝፍፅሞም ፀረ-ህዝቢ ተግባራትን ናብ ዝኸፍአ ሓደገኛ ደረጃ በፂሑ ኣሎ።

እቲ ጉጅለ ምስ ውሽጢ ሃገርን ወፃኢን ፀረ-ሰላም ሓይልታት ብምስጢርን ብግልፅን ፅምዶ ፈጢሩ፣ ኣብ ዞባ ቀርኒ ኣፍሪካ ዳግማዊ ምስፍሕፋሕ ዘይምርግጋእ ንምፍጣር ይፅዕር ኣሎ። እዚ ድማ ነቲ ሰላም ዝናፈቕ ህዝቢ ትግራይ ኣብ ዓዘቕቲ ስግኣትን ሓደጋን ኣእቲዎ ኣሎ። ህዝቢ ትግራይ ሰላምን ልምዓትን እንትደሊ፣ እቲ ዘይሕጋዊ ጉጅለ ግና ስልጣኑ ንምንዋሕ ክብል ናይ መፃኢ ዕድል ትግራይ የፀልምት ኣሎ።

ብፍላይ ድማ መፃኢ ተስፋ እታ ሃገር ዝኾኑ መናእሰይ ትግራይ፤ ንውልቃዊ ረብሓ እቲ ጉጅለ መስዋእቲ ክኾኑ ይግደዱ ኣለዉ።۔ እቲ ጉጅለ ኣብ ዝፈጠሮ ናይ ህልውና ሓደገኛ ዓዘቕቲ ንዘይምጥሓል ክብል፤ መፃኢ ተስፋ እታ ሃገር ዝኾኑ መናእሰይ ትግራይ ብግዲ ብምግፋፍ ንዝተፈላለዩ ናይ ጥፍኣት ኣጀንዳታት የውዕሎም ኣሎ።

“ኵናት ኣይንደልን” ዝብሉ መናእሰይ ድምፂ ብምጭፍላቕ፣ ካብቲ ቀደም ዝነበረ ዝኸፍአን ብግዲ ናብ ኹናት ይኣትው፣ናብ ሱዳን ይሽየጡ ኣለው።ብዶላር እናሸጠ ኣታዊኡ ንምዕባይ ክብል ግፋ መናእሰይ ኣጠናኺሩ ቀፂሉሉ ኣሎ። እዚ ተግባር እዚ ንወለዶ ትግራይ ንምጥፋእን ህዝቢ ንዝገደደ መሪር ስቓይ ንምቃልዕን ዝግበር ዘሎ ተግባር ስለዝኾነ ኩሉ ክቃለሶ ይግባእ።

ህዝቢ ትግራይ ሰላምን ምዕባለን ይግብኦ ‘ዩ። ይኹን ‘ምበር እቲ ዘይሕጋዊ ጉጅለ ነዚ ረብሓ እዚ ብምርጋፅ፣ ንህዝቢ ትግራይ ከም ጅሆ ክጥቀመሉ ይፍትን ኣሎ። ኣብቲ ከባቢ ዝተከሰተ ተፈጥሮኣዊን ሰብ ሰራሕን ድርቂ ከምፅቡቕ ኣጋጣሚ ብምጥቃም፣ ህዝቢ ብጥሜትን ስቓይን ተሰልዩ ትኩረቱ ንክስበርን ንፖለቲካዊ ረብሓኡ ከምዝጥዕሞ ገይሩ ይጥቀመሉ ኣሎ።

መሰረታዊ ሰብኣዊ መሰላት ህዝቢ ዕሽሽ ብምባል፣ ሰብኣዊ ሓገዛትን ዕድላትን ንፖለቲካዊ ረብሓን መናዊሒ ስልጣንን መሳርሒ ኹናቱን ክኾኑ ይገብሮም ኣሎ። በዚ ድማ ነቲ ህዝቢ ካብ ቀፃሊ ስደትን ስቓይን ንምድሓን ዝግበር ፃዕሪ ዕንቅፋት ኮይኑ ስለዘሎ ዓለምለኸ ማሕበረሰብ’ውን ንተግባር እዚ ዘይሕጋዊ ጉጅለ ህወሓት ክውግዞ ይግባእ።

ህዝቢ ብጥሜትን ፀገምን ኣብ ዝሳቐየሉ፣ መሰረታዊ ሰብኣዊ ድሌታት ኣማሊኡ ክነብር ኣብ ዘይክእለሉ እዋን፤ እቲ ጉጅለ ብዘይሕጋዊ መንገዲን ብስርቂን ኣብ ዝእከቦ ሃፍትን ንብረትን ሓድሽ ኣፅዋር ብምግዛእ ንኻልእ ዙር ዕንወትን ኵናት ንምድላው ይንቀሳቐስ ኣሎ። ካብዚ ሓሊፉውን “ፅምዶ” ዝተባህለ መጥፊኢ ጥምረት ብምፍጣር ኣብቲ ዞባ ቀርኒ ኣፍሪካ ተወሳኺ ሓደጋ የንፀላልው ኣሎ።

ስለ ዝኾነ ድማ ሕዚ ‘ውን እንተኾነ፤ ኩሎም ሰላም ዝደልዩ ሓይልታት፣ መናእሰይ፣ ኣቦታትን ኣዴታትን ትግራይ ነቲ ህዝቢ ጅሆ ሒዝዎ ዘሎ ዘይሕጋዊ ጉጅለ ህወሓት ብሓባር ክቃወሙዎ ይግባእ። ህዝቢ ትግራይ ካብዚ ናይ ጥፍኣት ዓንኬልን ናይ ህልውና ሓደጋ ንምድሓን፣ ኣመራርሓ ዘይሕጋዊ ጉጅለ ህወሓት ቅልጡፍ ውድቀት ክገጥሞ ይግባእ።

ፖለቲካዊ ሓይልታት ሰላም ዝደልዩ ኣካላት ተጠርኒፎም ነዚ መጥፊኢ ጉጅለ ካብ ምእላይ ጎናጎኒ፡ መንግስቲ ፌደራልን መዳርግቲ ኣካላትን ህዝቢ ካብዚ ሰብኣዊ ቅልውላው ንምድሓን ቅልጡፍን ግቡእን መፍትሒ ስጉምቲ ክወስዱ ይግባእ። ዓለምለኻዊ ማሕበረሰብን መሻርኽቲ ሰላምን ድማ ነዚ ግህሰት ሰብኣዊ መሰላትን ናይ ስደት ስቓይን ብዕቱብ ብምክትታል ኣብ ልዕሊ እቲ ህዝቢ ዝወርድ ዘሎ መከራ ደው ክብል ፀቕጢ ክገብሩ ይግባእ።

ትግራይ ካብዚ ሕዚ ዘላትሉ ዘላ ፀላምን ደልሃመትን ወፂኣ ናብ ናይ ብርሃን፣ ሰላምን ልምዓትን መንገዲ ንክትምለስ እቲ ፀረ ሰላም ዘይሕጋዊ ጉጅለ ህወሓት ብሓይሊ ካብ ዝሓዞ ስልጣን ክእለ ኣለዎ። ህዝቢ ትግራይ ድማ ናፃ ኰይኑ ሰላማዊ መፃኢኡ ክመረፅ መሰሉ ክረጋገፅ ይግባእ።

+++++++++++++
#ትግራይ #ፅምዶ

05/09/2026

ከመይ ሓዲርኩም?
://press.et/e-paper

05/09/2026

04/09/2026

ኢትዮጵያ ሕቶ ኣፍደገ ባሕራ ንምዕዋት ዘኽእላ መሰረተ ልምዓት ሎጂስቲክስ ተዳልው ኣላ
- ኢንጂነር ታከለ ኡማ
+++++++++++++++++++

- ኢትዮጵያ ኣብ ቐፃሊ ኣብ ኣፍደገ ባሕርን ውቅያኖስን ንትገብሮ ኹለንተናዊ ተሳትፎን ምንቅስቓስን ውፅኢታዊ ንምግባር ዘኽእሉ ምድላዋት ሎጂስቲክስ፣ ቴክኖሎጅን ሓይሊ ሰብን እናካየደት ከምትርከብ ኣባል ቦርድ ግልጋሎት ትራንስፖርት ባሕርን ሎጂስቲክስን ኢትዮጵያ ኢንጂነር ታከለ ኡማ ተዛሪቦም።

ግልጋሎት ትራንስፖርት ባሕርን ሎጂስቲክስን ኢትዮጵያ ንሎጂስቲክስ ዘቀላጥፍ ፕላትፎርም ቴክኖሎጂ ኣመሪቑ።

ኢንጂነር ታከለ ኡማ ግልጋሎት ትራንስፖርት ባሕርን ሎጂስቲክስን ኢትዮጵያ ሓዱሽ ንዘማዕበሎ ፕላትፎርም ቴክኖሎጂ ኣብ ዘመረቐሉን ስራሕ ኣብ ዘጀመረሉን እዋን ከምዝተዛረብዎ፤ ብመሪሕነት ቀዳማይ ሚኒስትር ኣብይ ኣሕመድ(ዶ/ር) እናተኻየደ ዝርከብ ምንቅስቓስ ምውናን ኣፍደገ ባሕሪ ኹለመዳያዊ ዕብየት ኢትዮጵያ ዘረጋግፅ ወሳንን ኣድላይን ጉዳይ 'ዩ።

ክንዲ ንደልዮ ዝኣክል ቴክኖሎጂ እንተንሃንፅ፣ መርከባት እንተንገዝእን ትራንስፖርት ምድሪ እንተነስፋሕፍሕን ወነንቲ ኣፍደገ ባሕሪ እንተዘይኾይንና ምሉእ ብምሉእ ውፅኢታዊ ክንኸውን ኣይንኽእልን ክብሉ ኢንጂነር ታከለ ገሊፆም።

ስራሕቲ ምስፍሕፋሕ ደረቕ ወደባት፣ ሓደሽቲ መርከባት ምግዛእ፣ ሓይሊ ሰብ ምስልጣንን ዘመናዊ ቴክኖሎጂ ምህናፅን እናተሰርሑ ምዃኖም፤ እቲ ትካልን ሃገርናን ቐፃሊ ንዝህልው ወናንነት ኣፍደገ ባሕሪ ዓርሶም ቐዲሞም እናዳለዉ ምዃኖም ዘርእይ 'ምዃኑ ገሊፆም።

እዚ ህንፀት ፍልጠት፣ ኽእለትን መሰረተ ልምዓት ቴክኖሎጅን ሕቶ ኣፍደገ ባሕርና እንትዕወት ብቐጥታ ኣብ ስራሕቲ ማይን ውቅያኖስን ዝውዕል ምዃኑ ኣብሪሆም።

ግልጋሎት ትራንስፖርት ባሕርን ሎጂስቲክስን ኢትዮጵያ ልክዕ ከም መንገዲ ኣየር ኢትዮጵያ ኣብ ባሕርን ውቅያኖስን ኣብ ምብራቕ ኣፍሪካ ኾነ ብብርኪ ዓለም ለኸ ተወዳዳራይ ዝኾነ ዓብዪ ትካል ኾይኑ ንክቕፅል እናሰርሐ ይርከብ ኢሎም።

++++++++++++++++

04/09/2026

ሰንሰለት ደላልን ምውህላል ፍርያት ሕብረት ማሕበራትን

በዚህ የጋዜጣ ፕላስ ቮድካስት ዝግጅታችን፣ በአዲስ አበባ ህብረት ስራ ኮሚሽን የግብይት ዳይሬክተር የሆኑትን...

04/09/2026

ኣብ ኢትዮጵያ ፕሮጀክት መሰረተ ልምዓት መንገዲ ኣብ ሓሙሽተ ዓመት

- 407 ሚሊዮን ዶላር በጀት ተታሒዙ
- ኣብ 126 ወረዳታት ክትግበር 'ዩ
- 7 ሽሕን 550 ኪሎሜትር ሓዱሽ መንገዲ ክህነፅ 'ዩ
- 10 ሽሕ ኪሎሜትር መንገዲ ክፅገን 'ዩ
- 373 መንገድታት እግረኛን ድልድላትን ክህነፁ 'ዮም
- ክሳብ ሕዚ 1667 ኪሜ ሓደሽቲ መንገድታት ተሃኒፆም
- 3 ሽሕን 596 ኪሜ መንገዲ ተፀጊኑ
- ን885 ቑሸታት ብመንገዲ ብምርኻብ 5 ሚሊዮን ህዝቢ ተጠቃሚ ኾይኑ
- ብስራሕቲ መንገዲ ን88 ሽሕ መናእሰይ ዕድል ስራሕ ተፈጢሩ
- 39 ደቀቕትን ኣናእሽትን ኢንተርፕራይዛት ፅገና መንገዲ ክሰርሑ 'ዩ

04/09/2026

ፕሮጀክት ፍልፍል ሓይሊ ማይ ኮይሻ......

👉 ህንፀት እቲ ግድብ ልዕሊ 77 ሚኢታዊ በፂሑ

👉 እቲ ግድብ 201 ሜትር ብራኸ ክህልዎ 'ዩ፤ ኣብዚ ሕዚ ኣብ 140 ሜትር ብራኸ በፂሑ

👉 እቲ ግድብ ተዛዚሙ ማይ እንትሕዝ ክሳብ 130 ኪሎሜትር ንድሕሪት ዝድቅስ ማይ ክህልዎ 'ዩ

👉 ብሽዱሽተ ተርባይናት 1 ሽሕን 800 ሜጋ ዋት ሓይሊ ናይ ምፍልፋል ዓቕሚ ክህልዎ 'ዩ

👉 ብሰለስተ ቢሊዮን ዩሮ ወፃኢ ህንፀቱ እናተኻየደ ይርከብ

👉ኣብ 2021 ዓ.ም ምሉእ ብምሉእ ክዛዘም 'ዩ ተባሂሉ ትፅቢት ይግበር