Oromia Irrigation & Pastoralist Dev't Bureau

Oromia Irrigation & Pastoralist Dev't Bureau Biiroo Misooma Jallisii fi Horsiisee Bulaa Oromiyaa labsii Lakk. 242/2014 tiin hunda'e.

Biiroon Misooma Jallisii fi Horsiisee Bulaa Oromiyaaa Raawwii hojii sagantaalee Biiricha jala jiran bara 2018 fi Karoora...
03/09/2026

Biiroon Misooma Jallisii fi Horsiisee Bulaa Oromiyaaa Raawwii hojii sagantaalee Biiricha jala jiran bara 2018 fi Karoora bara 2019 bakka Hoogganaa Biiroo Misooma Jallisii fi Horsiisee Bulaa Oromiyaa argamanitti mareen gaggeeffame.
====================
Hagayya 28/2018 BMJHO
Raawwiin hojii sagantaalee bakka Injinar Girmaa Raggaasaa Hoogganaa Biiroo Misooma Jallisii fi Horsiisee Bulaa Oromiyaa argamanitti qindesitoota sagantaalee fi miseensoota maanajimantii Biichaa fi sagantaalee waliin mariin raawwii hojii 2018 fi karooraa Sagantaaleen hojjatame irratti gaggeeffamaa jira.
Sagantaalee LLRP,DRIVE,BERFON,FSRP fi PACT Hojiiwwan fayyadamummaa hawaasa qonnaan bulaa fi Horsiisee Bulaa fayyadamaa taasisu irratti xiyyeeffatee hojiiwwan gurguddoo hojjataman gabaasinii fi karoorri dhiyaatee miseensoota maanajimantii Biiroo Misooma Jallisii fi Horsiisee Bulaa Oromiyaatin xiinxalamee jira.
Xumura irrattis Hoogganaa Biiroo Misooma Jallisii fi Horsiisee Bulaa Oromiyaa Injinar Girmaa Raggaasaa kallattii hojii kennaniin raawwii hojii sagantaalee kanaan fayyadamummaa hawaasa keenyaaaf hojiin hojjatame gaarii ta'us bara kana ammoo karoora qabame galmaan ga'uuf qaamni hundi gumaacha irraa eegamu ba'hachu qaba jedhanii, Hojiin hojjatamu safisaa fi qulqullina karaa giddu galeeffateen hawaasa fayyadamaa taasisuuf hojjachuun murteessaa akka ta'ee himaniiru.

Sagantaa GIZ CDSDR III Gamaggamni Raawwii Hojii Bara 2018 Magaalaa Adaamaatti Geggeeffame‎=========================‎Biir...
03/09/2026

Sagantaa GIZ CDSDR III Gamaggamni Raawwii Hojii Bara 2018 Magaalaa Adaamaatti Geggeeffame
‎=========================
‎Biiroon Misooma Jallisiifi Horsiisee Bulaa Oromiyaa, sagantaa GIZ CDSDR III jalatti fayyadamummaa hawaasaa mirkaneessuuf hojjetamaa jiru irratti marii fi gamaggama raawwii hojii bara 2018 gaggeesse.
‎Waltajjiin marii fi gamaggamaa kun qooda fudhattoota pirojektii GIZ CDSDR, caasaa Biiroo Misooma Jallisiifi Horsiisee Bulaa Oromiyaa fi qindeessitoota pirojektichaa waliin Magaalaa Adaamaatti gaggeeffame.
‎
‎Waltajjicharratti Itti Aanaan Biiroo Misooma Jallisii fi Horsiisee Bulaa Oromiyaa fi Itti Gaafatamaan Damee Horsiisee Bulaa Oromiyaa, haasaa baniinsaa taasisaniin, wantoota sagantaa GIZ CDSDR III sagantaalee biro irraa adda taasisan keessaa hirmaannaa uummataa, baajata xiqqaan hojii dhaloota irraa dhalootatti darbu hojjechuu, hawaasa eeggattummaa irraa gara of danda’uutti ceesisuu fi hirkattummaa hir’isuuf hojjechuu ta’uu ibsaniiru.
‎Dabalataanis, sagantichi qabeenya uumamaa manca’e deebisee misoomsuu, jireenya hawaasaa tasgabbaa’aa fi waaraa ta’e uumuuf hojjechuu, akkasumas hojiiwwan hojjetamanitti dhiyeenyaan hordoffii fi qindoomina taasifamu irratti xiyyeeffannoo addaa kan kennu ta’uu ibsameera.
‎Waltajjichi raawwii hojii hanga ammaatti jiru gamaaggamuun, ciminaalee mul’atan caalaatti jabeessuu, hanqinoota jiran adda baasuun furuufi hojiiwwan fuulduraa milkaa’inaan raawwachuuf qooda fudhattoonni hundi caalaatti qindoominaan fi waliin ta’uun hojjechuu akka qaban irratti kallattii kaa’ameera.
‎Sagantaan GIZ CDSDR III kun fayyadama hawaasaa mirkaneessuu, of danda’uu cimsuu fi jireenya hawaasa horsiisee bulaa waaraa ta’e ijaaruuf hojiiwwan gara garaa irratti xiyyeeffachuun hojjetamaa jira.
‎
‎Hagayya 28/2018
‎Adaamaa

Daawwannaan Hojii Dirree Mirkaneessa Diizaayinii Pirojektoota Finnaa Godina Baalee Bahaa Guyyaa Sadaffaa Itti Fufeera.‎=...
03/09/2026

Daawwannaan Hojii Dirree Mirkaneessa Diizaayinii Pirojektoota Finnaa Godina Baalee Bahaa Guyyaa Sadaffaa Itti Fufeera.
‎========================
‎Baalee Bahaa Daawwannaan hojii fi qorannoon dirree pirojektoota Finnaa Oromiyaa Godina Baalee Bahaa keessatti gaggeeffamaa jiru guyyaa sadaffaaf itti fufeera.
‎
‎Finni Oromiyaa abdii egeree hawaasa horsiisee bulaa ta’uun, bishaan kuusuu irraa gara oomishtummaatti ceesisuun jijjiirama jireenyaa fiduuf kan akeekateedha.“Finni akka maqaasaa ilma sabaati” jedhuun hawaasa fayyadamaa taasisuuf hojii bal’aan hojjetamaa jira.
‎
‎Biiroon Misooma Jallisii fi Horsiisee Bulaa Oromiyaa, pirojektoota Finnaa Oromiyaa Godina Baalee Bahaa keessatti karoorfaman irratti diizaayinii fi qorannoo duraan qophaa’e lafatti mirkaneessuuf daawwannaa fi qorannoo dirree gaggeessaa jira.
‎
‎Daawwannaa mirkaneessa Diizaayinii guyyaa sadaffaa kanaatiin, Pirojektii Finnaa Odaa Muudaa, Godina Baalee Bahaa, Aanaa Lagaa Hidhaa, Ganda Heeroo keessatti hojjatamuuf jiru iddoon isaa daawwatameera. Pirojektiin kun bishaan MCM miliyoona 15 kuusuuf kan karoorfamedha.
‎Sagantaa Daawwannaa kana irratti
Itti Aanaa Hoogganaa Biiroo Misooma Jallisiin fi Horsiisee Bulaa Oromiyaa Injinar Alamuu Raggaasaa,gorsaan bu’uuraalee Misooma Jallisii Pirezidaantii Naannoo Oromiyaa, Ambaasaaddar Shifarraa Jaarsoo, Itti Aanaan Hoogganaa Korporeeshinii Injinariingii Oromiyaa Injinar Tacaan, hoggantoonni Godina Baalee Bahaa, ogeeyyiin damee adda addaa fi qaamoleen dhimmi ilaallatu biroo argamuun qorannoo fi mirkaneessa diizaayinii dirree pirojektoota Finnaa irratti hirmaataniiru.
‎
‎Daawwannaan kunis, pirojektoota Finnaa Oromiyaa qabatamaan lafatti mirkaneessuun, bishaan kuusanii gara oomishtummaatti jijjiiruun, akkasumas hawaasa horsiisee bulaa fayyadamaa fi oomishtaa taasisuuf hojiiwwan karoorfaman saffisaafi qulqullinaan akka raawwataman keessatti gahee olaanaa qaba.
‎
‎BMJHBO
‎Hagayya 28/2018
‎Gindhiir
‎

Gammoojjii Baalee Bahaa Keessatti Pirojektoota Finnaa Oromiyaa Hojiirra Oolchuuf qorannoof Diizaayiniin Lafa Irratti Mir...
02/09/2026

Gammoojjii Baalee Bahaa Keessatti Pirojektoota Finnaa Oromiyaa Hojiirra Oolchuuf qorannoof Diizaayiniin Lafa Irratti Mirkanaa’e
‎=============================
‎Biiroo Misooma Jallisiif Horsiisee Bulaa Oromiyaan Godina Baalee Bahaa keessatti pirojektoota Finnaa Oromiyaa hojiirra oolchuun Bishaan kuusuun misooma Jallisiif dhugaatii Beelladaaf fayyadamuun oomishtummaa naannichaa guddisuuf, qorannoo duraan Biiroon gaggeeffame irratti hundaa’uun, diizaayinii pirojektootaa lafa irratti mirkaneessuuf daawwannaan hojii dirree gaggeeffameera.
‎Daawwannaan hojii fi qorannoo dirree pirojektoota Finnaa Baalee Bahaa, garee hojii Itti Aanaa Hoogganaa BMJHBO, Injinar Alamuu Raggaasaan kan durfamu yoo ta'u,dabalataan gorsaa bu’uuraalee Misooma Jallisii Pirezidaantii Naannoo Oromiyaa, Ambaasaaddar Shifarraa Jaarsoo, Itti Aanaan Hoogganaa Korporeeshinii Injinariingii Oromiyaa Injinar Tacaan,Bulchaan Bulchiinsa Godina Baalee Bahaa Obbo Jaarsoo Booruu fi Hooggansa Aanaalee Baalee Bahaa ogeeyyii damee adda addaa fi qaamoleen dhimmi ilaallatu biroon bakka argamanitti gaggeeffameera.
‎
‎Gareen kun Godina Baalee Bahaa, Aanaa Raayituu, Ganda Anolee keessatti kan argamu Pirojektii Finnaa Dharroo daawwachuun, haala iddoo pirojektichaa fi qorannoo bishaanii gaggeeffame mirkaneesseera. Pirojektiin Finnaa Dharroo kun dandeettii bishaanii MCM 23 qabaachuun, bishaan kuusuu fi itti fayyadama isaa karaa bu’a qabeessa ta’een babal’isuuf carraa olaanaa qaba.
‎
‎Haaluma walfakkaatuun, Pirojektii Finnaa Kuriftuu, Aanaa Daawwee Seraar keessatti ijaaramaa jiru daawwannaan hojii taasifameera. Ijaarsi pirojektichaa yeroo ammaa haala gaarii irra kan jiru yoo ta’u, yeroo roobaa dhufu bishaan kuusuun akka danda’amuuf hojiiwwan ijaarsaa itti fufinsaan gaggeeffamaa jiru.
‎
‎Daawwannaan kunis qorannoo fi diizaayinii pirojektoota Finnaa duraan qophaa’an haala qabatamaa lafa irratti mirkaneessuu, bakka mijataa adda baasuu fi pirojektoota bishaanii gara hojiitti hiikuuf tarkaanfii murteessaa ta’uun ibsameera.
‎
‎Finnaa Oromiyaa — Bishaan kuusuu irraa gara oomishtummaa fi jijjiirama jireenyaatti!
‎
‎BMJHBO
‎Hagayya 27/2018
‎Gindhiir

Finna Oromiyaa Godina Baalee Bahaa Keessatti Bishaan Kuusuun Oomishtummaa Guddisuuf Karoorri Haaraan Biiroon Bocame.‎==...
01/09/2026

Finna Oromiyaa Godina Baalee Bahaa Keessatti Bishaan Kuusuun Oomishtummaa Guddisuuf Karoorri Haaraan Biiroon Bocame.
‎===========================
‎Biiroo Misooma Jallisiif Horsiisee Bulaa Oromiyaan Pirojektii Misooma Jallisii Finnaa Gammoojjii Baalee Bahaatti babal’isuuf, diizaayinii fi karoora haaraa qophaa’e irratti hundaa’uun daawwannaan hojii dirree gaggeeffamaa jira.
‎Daawwannaa hojii dirree fi qorannoo pirojektoota Finnaa Baalee Bahaa, garee hojii Itti Aanaa Hoogganaa Biiroo Misooma Jallisii fi Horsiisee Bulaa Oromiyaa (BMJHBO), Injinar Alamuu Raggaasaa durfamuun gaggeeffameera.
‎Daawwannaa kanaan Pirojektii Finnaa Sirbaa, Godina Baalee Bahaa, Aanaa Daawwee Qaachaan, Ganda Didibbisaa Gaalee keessatti argamu ilaalameera. Pirojektiin kun bishaan MCM miliyoona 22 kuusuu kan danda’u yoo ta’u, qorannoo fi mirkaneessa diizaayinii isaa irratti hojiiwwan barbaachisoo gaggeeffamaa jiru.
‎Dabalataanis, gareen daawwannaa kun Pirojektii Finnaa Bakkee Harroo, Aanaa Daawwee Qaachaan keessatti argamu daawwachuun haala ijaarsaa isaa irratti hordoffii taasiseera. Pirojektichi yeroo ammaa hojii ijaarsaa gaarii irra kan jiru yoo ta’u, yeroo roobaa Fulbaanaa irraa eegalee bishaan qabatee kuusuu akka danda’u eegama.
‎Daawwannaa fi mirkaneessa diizaayinii pirojektota Finnaa kana irratti Gorsaan Bu’uuraalee Misooma Jallisii Pirezidaantii Naannoo Oromiyaa, Ambaasaaddar Shifarraa Jaarsoo, Itti Aanaan Hoogganaa Korporeeshinii Injinariingii Oromiyaa Injinar Tacaan,Hooggansa Godina Baalee Bahaa ogeeyyii damee adda addaa fi qaamoleen dhimmi ilaallatu biroon argamuun, haala pirojektotaa, qulqullina diizaayinii fi tarkaanfiiwwan hojii itti aanan irratti marii bal’aa gaggeessaniiru.
‎Finna Oromiyaa Bishaan kuusuu irraa gara oomishtummaa fi jijjiirama jireenyaatti!
‎BMJHBO
‎Hagayya 26/2018
‎Gindhiir

Sirni Awwaalchaa Abbaa Gadaa Booranaa 69ffaa Liiban Jaldeessaa Raawwatame‎‎Abbaan Gadaa Booranaa 69ffaa fi Abbaa Seera G...
31/08/2026

Sirni Awwaalchaa Abbaa Gadaa Booranaa 69ffaa Liiban Jaldeessaa Raawwatame
‎
‎Abbaan Gadaa Booranaa 69ffaa fi Abbaa Seera Gadaa Booranaa, Yuub Liiban Jaldeessaa, sirni awwaalchaa isaanii Godina Booranaa Bahaa, Aanaa Areeroo, qa’ee isaanii keessatti raawwatame.
‎
‎Yuub Liiban Jaldeessaa bara Gadooma isaanii keessatti faayidaa uummataa, kabaja daangaa Oromiyaa, cimsina sirna Gadaa fi hariiroo hawaasa Oromoo Itoophiyaa fi Keeniyaa keessatti gahee olaanaa bahanii turan.
‎
‎Keessumaa, Gumii Dibbee Eeldalloo, sirna marii sabaa fi sablammii walitti fidu, waggoota hedduuf addaan citee ture deebisanii haaromsuu keessatti qooda guddaa bahuu isaanii maanguddoonniifi hayyoonni Gadaa Booranaa himaniiru.
‎
‎Abbaan Gadaa Liiban Jaldeessaa nama waan itti amanan irratti cichanii, faayidaa uummataa fi kabaja sirna Gadaaaf dhaabbatan turan.
‎
‎Sirna awwaalchaa isaanii irratti hoggantoonniifi jiraattonni Keeniyaa irraa dhufanis argamuun gadda isaanii ibsaniiru. Hojiin isaanii hariiroo hawaasa Itoophiyaa fi Keeniyaa cimsuuf hojjetan cimee itti fufuu qaba jedhameera.
‎
‎Yuub Liiban Jaldeessaa — Seenaa Gadaa Booranaa keessatti hojii fi yaadannoo hin dagatamne dhaalchisanii darban.
‎
‎Rabbiin boqonnaa isaanii haa kennu. Maatii, firoottan, uummata Booranaa fi Oromoo maraaf jajjabina haa kennu.

Godina Shawaa Bahaatti Haroo qotuudhaan Bishaan roobaa cimmisuun misooma midhaaniif olchuuf hojjatamaa jira.============...
31/08/2026

Godina Shawaa Bahaatti Haroo qotuudhaan Bishaan roobaa cimmisuun misooma midhaaniif olchuuf hojjatamaa jira.
=================
Hagayya 25/2018 BMJHO
Qabeenya Bishaanii qabnu sirnaan fayyadamuu fi hirkattummaa roobaa jalaa bahuuf bishaan roobaa cimmisuun oomishaaf wabii kan ta’u qopheessuu bira darbee waggaatti yeroo lamaa fi isaa ol oomishuuf haala mijataa uumuudha.
Qabeenyi uummamaa naannoon keenya qabdu keessaa inni tokko qabeenya bishaanii yemmuu ta’u midhaan waqtii Gannaa misoomaa jiruuf hanqinni roobaa yoo mudate kan wabii ta’uuf akkasumas waqtii bonaa ittiin oomishuudhaan aadaan waqtii hundaa misoomsuu akka guddatuuf qonnaan bultootni Haroo qotuudhaan rooba cimmisuu irratti argamu. Kun immoo imala dinagdee ijaaruun of danda’uu dhugoomsuuf taasifamuuf daandii murteessaadha.
Qabeenyi bishaanii qabeenya murteessaa diinagdeen ittiin ijaaramu waan ta’eef carraawwan jiru hundaan hoogganuudhaan karaa wabii nyaataa mirkaneessuuf humna ta’utti itti fayyadamuuf aadaan murteessaan ijaaramaa jira.
Bishaan roobaa cimmisuun kun hanqinni roobaa yoo mudate midhaan misoomaa jiruuf wabii qopheessuu bira darbee waggaatti yeroo lamaa ol oomishuuf haala mijataa Kan uumuudha jedhan itti gaafatamaa Waajjira Misooma Jallisii fi Horsiisee Bulaa Godina Shawaa Bahaa Obboo Omaars Leencamoo.

IBSA GADDAA‎‎Biiroon Misooma Jallisii fi Horsiisee Bulaa Oromiyaa, du’aan Boqochuu Abbaa Gadaa Liibaan Jaldeessaa, nama ...
30/08/2026

IBSA GADDAA
‎
‎Biiroon Misooma Jallisii fi Horsiisee Bulaa Oromiyaa, du’aan Boqochuu Abbaa Gadaa Liibaan Jaldeessaa, nama Oromoo fi uummata Booranaa keessatti kabajaa fi jaalala guddaa qabanitti gadda itti dhaga’ame ibsa.
‎
‎Abbaan Gadaa Liibaan Jaldeessaa Abbaa Gadaa Booranaa 69ffaan gaafa guyyaa 23 Hagayya 2018 du’aan addunyaa kanarraa boqotaniiru. Du’aan boqochuu Abbaa Gadaa Liiban maatii isaanii, Abbootii Gadaa, jaarsolii biyyaa, uummata Booranaa fi ummata Oromoo maraaf gadda guddaa ta’eera.
‎
‎Biiroon Misooma Jallisii fi Horsiisee Bulaa Oromiyaa maatii fi firoottan isaanii, akkasumas uummata Booranaa fi ummata Oromoo maraaf jajjabina hawwa.
‎
‎Biyyeen isinitti haa salphatu,
‎Abbaa Gadaa Liibaan Jaldeessaa!
‎
‎Biiroo Misooma Jallisii fi Horsiisee Bulaa Oromiyaa

Misooma Marga Nyaata Beelladaa Cimsuun Rakkoo Yeroo Bonaa fi Hongee Furuuf Hojjetamaa Jira‎‎Godina Booranaa Bahaa Aanaa ...
29/08/2026

Misooma Marga Nyaata Beelladaa Cimsuun Rakkoo Yeroo Bonaa fi Hongee Furuuf Hojjetamaa Jira
‎
‎Godina Booranaa Bahaa Aanaa Gooroo Doolaa keessatti, ganda Goofaa Yamboootti hojii misooma marga nyaata beelladaa yeroo bonaa fi rakkoo hongee keessatti hawaasa horsiisee bulaa deeggaruuf hojjetamaa jiru daawwatame.
‎
‎Hojii misooma margaa kun deeggarsa Biiroo Misooma Jallisii fi Horsiisee Bulaa Oromiyaa, damee Pirojektoota BREFONS fi DRIVE, Waajjira Qonnaa fi Horsiisee Bulaa Aanaa Gooroo Doolaa waliin ta’uun, hawaasa horsiisee bulaa ganda Goofaa Yamboo keessatti gurmaa’uun hojjetamaa jiruudha.
‎
‎Hawaasni horsiisee bulaa ganda Goofaa Yamboo keessatti waldhaan gurmaa’uun marga nyaata beelladaa misoomsaa, yeroo isaa ga’utti haamaa fi maashina beeliitiin walitti qabaa jiru. Hojiin kunis yeroo bonaa fi hongee keessatti hanqina nyaata beelladaa mudatu hir’isuuf gahee olaanaa qaba jedhameera.
‎
‎Keessumaa, Waldaan Misooma Margaa Kurkurruu jedhamu marga misoomsaa jiru haamee, gogsee, maashina beeliitiin walitti qabuun kuusaa jira. Marga haala kanaan qopheessuun yeroo dheeraaf tursiisee, yeroo bonaa fi hongee keessatti beelladaaf akka nyaataatti oolchuuf akka gargaaru miseensonni waldichaa ibsaniiru.
‎
‎Hojii misooma margaa kana cimsuufis, mootummaa irraa deeggarsa maashina beelii fi bakka kuusaa marga yeroo roobaa ijaaramee akka isaaniif kennamu gaaffii dhiyeessaniiru.
‎
‎Daawwannaa hojii misooma marga nyaata beelladaa kana irratti hoggansa Aanaa Gooroo Doolaa dabalatee, gareen qindeessaa Pirojektoota BREFONS fi DRIVE Kilaastera Roobee, Obbo Habtaamuu Dinquu tiin durfamu, akkasumas qaamoleen dhimmi ilaallatu biroon argamaniiru.
‎
‎Hojiiwwan misooma marga nyaata beelladaa akkanaa babal’isuun, hawaasa horsiisee bulaa yeroo bonaa fi hongee keessatti rakkoo hanqina nyaata beelladaa irraa dhufu dandamachiisuufi oomishtummaa beelladaa cimsuuf murteessaa ta’uun ibsameera.
BMJHBO
Hagayya 23/2018

Biiroon Misooma Jallisii FiHorsiisee Bulaa Oromiyaa Baratootaa fi harka Qalleeyyii Magaalaa Mattuuf Deeggarsa taasisee...
28/08/2026

Biiroon Misooma Jallisii FiHorsiisee Bulaa Oromiyaa Baratootaa fi harka Qalleeyyii Magaalaa Mattuuf Deeggarsa taasisee.
========================
BMJHO Hagayya 22/2018
Biiroon Misooma Jallisii FiHorsiisee Bulaa Oromiyaa harka qalleeyyii, qaama miidhamtootaa fi barattoota maatiin isaanii harka qalleeyyii ta’an Magaalaa Mattutti argamaniif deeggarsa meeshaalee barnootaa, midhaanii fi zayitii kan qarshii miiliyoona 1 fi kuma 100 olitti tilmaamamu, gumaacheera.

Deeggarsichi bakka kantibaa Bulchinsa Magaalaa Mattuu obbo Tashaalee Ejersoo fi hoggantoonni Magaalaa Mattu argamanitti qaamolee deeggarsa barbaadaniif dabarfamee kennameera.

Walitti qabaa koree tajaajila lamummaa Biiroo Misooma Jallisii FiHorsiisee Bulaa Oromiyaa Obbo Urgaa Ibsaa Birichii hojiiwwan tajaajila lammummaa keessatti gahee irraa eegamu bahachaa jiraachuu ibsaniiru.

Haaluma kanaan, barattoota maatiin isaanii harka qalleeyyii ta’an 300 ta’anif nama tokkof daabtara kudha lamaa fi qalama lama lama kennuu ibsaniiru.

Dabalataanis, dubartoota harka qalleeyyii, maanguddoota nama isaan gargaaru hin qabne fi qaama miidhamtoota Magaalaa Mattu keessa jiraatan namoota 210 ta’aniif, daakuu fi zayitii nyaataa liitira 5 tokko tokkoof raabsaniiru.

Biiroon Misooma Jallisii fi Horsiisee Bulaa Oromiyaa Magaalaa Mattu keessatti mana jireenyaa haadha tokkoo ijaaruufis qophii ta’uu Obbo Urgaa Ibsaa himani , mana jireenyaa haadha miidhamtuu tokkoo koree walin daawwachuun waadaa galaniiru.

Qaamoleen hawaasaa deeggarsa kana argatanis Biiroo Misooma jallisii fi Horsiisee Bulaa Oromiyaa gumaacha isaaniif taasiseef galateeffachuun, deeggarsa argatanitti gammachuu qaban ibsaniiru.

Address

Addis Ababa

Telephone

+251910115371

Website

Alerts

Be the first to know and let us send you an email when Oromia Irrigation & Pastoralist Dev't Bureau posts news and promotions. Your email address will not be used for any other purpose, and you can unsubscribe at any time.

Shortcuts

Share

Category