Oromia Water and Energy Bureau

03/06/2026

Shawaa Kibba Lixaatti Pirojektoonni Bishaanii Qarshii Miliyoona 82 Oliin Hojjetaman hawaasa kuma 63 ol fayyadamoo taasisan.
========
– (Caamsaa 26/2018)-Godina Shawaa Kibba Lixaatti pirojektoonni bishaan dhugaatii garaagaraa bajata mootummaa fi dhaabbilee arjoomtotaa walumatti qarshii miliyoona 82 oliin bara kana hojjetamaa turan xumursiisuun rakkoon hawaas-dinagdee jiraattotaa furamuu Waajjirri Bishaaniifi Inarjii Godinichaa beeksise.
Kana keessaa Aanaa Gooroo, Ganda Feencir Ambabbeessaatti pirojektiin bishaan dhugaatii humna aduutiin hojjetu Dhaabbata Direct Aidtiin qarshii miliyoona 16 oliin ijaarame bakka hoggantoonni mootummaa fi hawaasni argamanitti eebbifamee hojii eegaleera.

Itti Gaafatamaan Waajjira Bishaaniifi Inarjii Godinichaa Obbo Alamaayyoo Shallamaa akka ibsanitti, pirojektoonni hojiin isaanii xumuruun tajaajilaaf banaa ta’an rakkoo dhiyeessii bishaanii hawaasaa furuun fayyadamummaa uummataa qabatamaan mirkaneessaa jiru.

Pirojektoonni kunneen, hawaasa 63,223 fayyadamaa taasisaniiru.
Dabalataanis, damee inarjiitiin teknooloojii baayoo gaazii 80, raabsaa soolaarii 6,177 fi geemmoo fooyya’aa 59,139 hawaasaaf raabsuun namoota 281,980 fayyadamaa taasisuu obbo Alamaayyoon eeraniiru.

Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

02/06/2026

-(Caamsaa 25/2018)-Godina Bu/Beddellee Aanaa Dhidheessaatti, Pirojektiin Bishaan Dhugaatii Magaalaa Dambii Qar mil 131 fi kuma 900 oliin ijaaramaa ture xumuramuun tajaajila kennaa jiraachuun ibsame. Pirojektiin kun boolla bishaanii gadi fagoo lamarraa maddurraa sarara bishaanii km 35 diriirfameen ummata kuma 25 oliif tajaajila kennuu danda'a jedhame.

Godina Baaletti kan argamu Dhaabbanni Tajaajila Bishaan dhugaatiifi Dhangala'aa Mi'oo-Gaasaraa ammoo sarara bishaanii km 11.2 diriirsuun hawaasa kuma lamatti siquuf tajaajila bishaan dhugaatii dhiheesse.

Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

28/05/2026

Yeroon Callisa harra irraa (20/9/2018) eegalee hanga guyyaa Filannooti.
Hanga guyyaa kanaatti Wantoota dhorkaman hubannoo keessa galchuun barbaachisa.

27/05/2026

"Akka seenaa biyya kanaatti Bishaan dhugaatiif oolu kiloomeetira dheeraa mijeessanii Uummataaf qaqqabsiisuun kan ammaa kan gahu hin jiru":- Looreta Nagaa Addunyaa, Muummee Ministira Abiyyi Ahimad(PHD).
=========
Jilli Mummee Ministiraa Dr. Abiyyi Ahimadiin durafamu harra Gara qe'ee hangafa Oromoo -Booranaatti imaluun Pirojektii Dhiheessa Bishaanii dhugaatii Booranaa akkuma biyya keenyattuu adda ta'e daawwataeera.

Pirojektiin kun madda bishaanii Galchet irraa kaasee karaa sarara bishaanii dheeraa, kuusaa bishaanii hedduun buufata pampii fi networkii raabsaa ammayyaatiin hawaasa bal’aaf tajaajila bishaan dhugaatii qulqulluu dhiyeessuu eegalee jira. Hojiin kun jiruufi jireenya hawaasa horsiisee bulaa fi qonnaan bulaa Booranaa keessatti jijjiirama guddaa uumaa jira.

Pirojektichi Aanaalee Godina Booranaa torba kan waliin gahu yoo ta'u, yeroo ammaa Aanaalee kanneen akka Yaaballoo, Dubluk, Areeroo, Weebii fi naannoolee birootti sarara bishaanii kilometira dhibbaan lakkaa’amu diriirfamee jira. Karaa kanaanis hawaasni kuma dhibbaan lakkaa’amu bishaan dhugaatii qulqulluu argachee eegalaniiru.
Akkasumas beellada isaanii miliyoona hedduu ta’aniif bishaan argachuun bu’aa guddaa irraa argachaa jiru.
Pirojektiin kun Marsaan qoodamee hojii irra oolaa jira. Fakkeenyaaf:
Route keessatti dheerinni sarara bishaanii km 214 yoo ta’u, uummata kuma 27 fi beellada kuma 82 fayyadamoo taasisa.
Route dheerina km 183 qabuun uummata kuma 83 fi beellada kuma 101 fayyadamaa taasisa.
Route uummata kuma 47.5 fi beellada kuma 272.5 tajaajila.
Route uummata kuma 101 fi beellada kuma 280 fayyadamoo taasisa.
Pirojektiin kun keessatti kuusawwan bishaanii hedduun ijaaraman, boolla bishaanii yeroo dheeraa tajaajilan qotaman, akkasumas buufatni pampii sadarkaa olaanaa diriirfameera. Kunis bishaan yeroo dheeraa kuusuu fi raabsuu keessatti shoora olaanaa qaba.
Hojii kana keessatti mootummaa, dhaabbilee deeggarsaa fi hawaasni hirmaannaa olaanaa taasisaa jiru.

Ministirti Muummee Dr. Abiyyi Ahimad wayita dawwannaa Pirojektii kanaa taasisanitti "Akka seenaa biyya kanaatti Bishaan dhugaatiif oolu kiloomeetira dheeraa mijeessanii Uummataaf qaqqabsiisuun kan ammaa kan gahu hin jiru" jedhanii, ummataan baga gammaddan jedhaniiru. Pirojektiin kun ummata, Booranaaf hiikkaa guddaa qaba jedhan.

Daawwannaa Kanarratti Pirezidaantii Mootummaa Naannoo Oromiyaa Obbo Shimallis Abdiisaa dabalatee Hoggantoonni Olaanoon Mootummaa Federaalaafi Naannoo argamaniiru.
!

Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org

27/05/2026

27/05/2026

Jilli MM. Dr. Abiyyi Ahimadiin durfamu Booranaatti Daawwannaa Bishasn Dhugaatii Boorana taasisan.

27/05/2026

Hordoftoota amantaa Musliimaa maraan baga Ayyaana Id-Al-Adahaa (Arafaa) Bara 1447ffaan isin gahe jechuun, ayyaanichi kan nagaa, gammachuu, milkii fi badhaadhinaa akka ta’u Biiroon Bishaaniifi Inarjii Oromiyaa hawwii qabu gammachuun ibsa!

𝐀𝐲𝐲𝐚𝐚𝐧𝐚 𝐆𝐚𝐚𝐫𝐢𝐢!

26/05/2026

26/05/2026

Harargee Lixaatti Pirojektiin bishaan dhugaatii Qar. Miliyoona 130tti siquun ijaarame eebbifame.
============
-(Caamsaa 18, 2018)- Godina Harargee Lixaa Aanaa Cirootti Pirojektiin Bishaan Dhugaatii Qulqulluu Qarshii Miliyoona 130 tti siquun Hojjetame Eebbifame.
Pirojektiin kun Aanaa Ciroo Gandaa Laalluu Guddootti bajata mootummaatiin ijaarame.

Itti Gaafatamaan Waajjira Bishaanii fi Inarjii Godina Harargee Lixaa Injinar Maashoo Dheekkamoo akka jedhanitti, pirojektiin kun jiraattota gandichaa kuma 9 ol bishaan dhugaatii qulqulluu fayyadamoo taasisuu danda'eera.

Hawaasni gandaa Laalluu Guddoos pirojektiin bishaan dhugaatii kun rakkoo bishaanii yeroo dheeraa ture kan hiike ta’uu ibsanii, mootummaa gaaffii isaanii deebiseef galateeffataniiru.

Odeeffannoolee adda addaatiif Marsaalee Hawaasaa keenya sirriitiin nu hordofaa 👇🏽
Telegram ➲ https://t.me/oromiawaterandenergy
Facebook ➲ hOromia Water and Energy BureauTwitter ➲ https://twitter.com/oromiawater_
YouTube ➲ https://www.youtube.com/
Instagram ➲ https://www.instagram.com/oromiawaterandenergy
LinkedIn ➲ https://www.linkedin.com/company/oromiawaterandenergy
Website ➲ https://oromiawaterandenergy.org