Oromia Revenues Bureau /BGO

14/08/2026

08/08/2026

03/08/2026

Hojjettoonni Biiroo Galiiwwan Oromiyaa Waajjira ol'aanaa irraa Ashaaraa Magariisaa dhaadanno "Abdii Dhaabuu!" jedhuun Biqiltuu dhaabaan.

17/07/2026

Adoolessa, 10/2018
Adaamaa
Biiroon Galiiwwan Oromiyaa Sirna Beekamtii Mana Hojii Geggeesse!
******
Biiroon Galiiwwanii Oromiyaa bakka I/G Waaj/Kil/ Bulchiinsa Horataalee Mootummaa Naannoo Oromiyaa Kab/ Obbo Shallamaa Immaanaa ,Hooggantoonni Olaanoo Biiroo Galiiwwan Oromiyaa fi I/Gaafatamtoonni Waajjira Galii Dameewwan Godinaalee, Magaalota, Aanaalee fi Kutaalee Magaalaa argamanitti manneen hojii sadarkaan raawwii isaanii olaanaa ta’aniif beekamtii kennee jira.
Sirna beekamtii kana irratti haasaa saaqinsaa kan taasisan Hogganaa I/A fi I/G Damee Ammayyeessuu fi Koroppireetii Kab. Obbo Gosaa Fayisaa akka jedhanitti raawwii olaanaa karoora xiiqii bara kana Biiroon Galiiwwan Oromiyaa Badhaasa Pirezidaantawaa irratti Sadarkaa Warqeedhaan beekamtiin kennameef dhamaatii dafqaa fi dhiigaan kan dhufe akka ta’e ibsanii ergaa baga gammaddanii dabarsanii jiru. Karaa biraatiin, Obbo Gosaan akka jedhanitti raawwiin kun kan akka waan hojii xumurreetti itti of-dagannu osoo hin taane karoora of-danda’uu bara bajataa 2019tiif kaka’umsa akka godhannu kan nu fayyadu ta’uu akka qabu himaniiru.
Akkasumas Hogganaa I/A fi I/G Damee Bulchiinsa Taaksii BGO kan ta’an Kab. Obbo Lammeessaa Ayyalee kallattii hojii bara bajataa 2019 kennan irratti raawwii ol'aanaa bara kanaatti gammaduun hojii fuulduraatiif of qopheessuu dhiisuun kufaatii fiduu waan danda’uuf akkaataa kallattii hojii yeroo yeroon kennamu faana bu’uun hordofanii raawwii caaluuf of qopheessuun barbaachisaa akka ta’e dubbatanii jiru.
Gabaasa raawwii hojii bara bajataa 2018 dhiyaate irratti sadarkaan raawwii bara kanaa %109.5 ykn qarshii 342.35 bil ta’uu isaa Daayirekteera Daayrektooreetii Karooraa Obbo Taarraqany Qana’aa ibsaniiru.

16/07/2026

Adoolessa, 9/2018
Finfinnee
Waajjira Olaanaa Biiroo Galiiwwan Oromiyaatti Waajjirri Damee Finfinnee Gamaaggama Raawwii Hojii bara 2018 gaggeesse!
*****
Waajjirri Galiiwwan Damee Finfinnee bakka Hooggansi Damechaa Aadde Annilleyyi Taayyewarqi argamanitti gamaaggama raawwii hojii bara bajataa 2018 gaggeessee jira.
Gamaaggama hojii bara kanaa ilaalchisee gabaasa raawwii hojii dhiyaateen Waajjirri Galiiwwani Damee Finfinnee bara kana karoora sassaabbii galii qarshii Biliyoona 78,984,630,042 sassaabuuf karoorfate keessaa qarshii 78,045,497,345 (%99) raawwachuu ibsee jira.
Karaa biraatiin kallattii hojii bara bajataa 2019 kan kennan Hooggantuun Waajjira Damee Finfinnee Aadde Annilleyyi Taayyewarqi yaada kaasaniin raawwiin bara kanaa baayyee kan nama onnachiisu ta’uu isaa dubbatanii karoora bara bajataa 2019 qarshii 111,846,037,764.4 ciminaan sassaabuudhaaf hojjechuun galma gahiinsa karoorichaaf murteessaa akka ta’e dubbatanii jiru.

16/07/2026