Addis Ababa Light Rail Transport Service Enterprise

01/06/2026

27/05/2026

ኢድ ሙባረክ!

25/05/2026

25/05/2026

አመስጋኝነት - የወርቃማው ሰኞ የመወያያ ርዕሰ

አቅራቢ :- ወ/ት ሀና ሀይሉ
የሴኩሪቲ ቡድን መሪ

ቀን ፡- ግንቦት 17 ፣ 2018 ዓ.ም

አመስጋኝነት በርካታ አካላዊ፣ አእምሯዊና ስሜታዊ ጥቅሞች እንዳሉት ተረጋግጧል፤ በመሆኑም ሁሉም ሰው በዕለት ተዕለት ሕይወቱ አመስጋኝ መሆኑ በጣም አስፈላጊ ነው።

አመስጋኝነት ለጤንነታችን ጠቃሚ የሆነው እንዴት ነው?

የሕክምናው ሳይንስ ምን ይላል?

ሃርቫርድ ሜንታል ኸልዝ ሌተር በተባለው ጽሑፍ ላይ የወጣ አንድ ርዕስ “አመስጋኝነት ይበልጥ ደስተኛ ለመሆን ከፍተኛ አስተዋጽኦ ያደርጋል” ብሏል። አመስጋኝነት ሰዎች ጥሩ ስሜት እንዲሰማቸው፣ መልካም ነገር ሲያጋጥማቸው እንዲደሰቱ፣ ጤናቸው እንዲሻሻል፣ ችግሮችን እንዲቋቋሙ እንዲሁም ከሌሎች ጋር ጠንካራ ዝምድና መመሥረት እንዲችሉ ይረዳቸዋል።

አመስጋኝነት ከሌሎች ጋር ያለንን ግንኙነት የሚያሻሽለው እንዴት ነው? ከተሞክሮ ምን ማየት ይቻላል?

ለተሰጠን ስጦታ፣ ማበረታቻ ወይም እርዳታ ከልባችን ስናመሰግን ሰጪው ከፍ አድርገን እንደምንመለከተውና እንደምናደንቀው እንዲሰማው እናደርጋለን። የማናውቃቸው ሰዎችም እንኳ ደግነት ሲያሳዩን፣ ለምሳሌ በር ከፍተው ቀድመን እንድናልፍ ሲያደርጉ ከልባችን ካመሰገንናቸው ጥሩ ምላሽ መስጠታቸው አይቀርም

የአመስጋኝነት ጥቅሞች በስራ ቦታ 

ለሰራተኞች :-
ደስታን ያበዛል፤ጭንቀትን ይቀንሳል፤በራስ መተማመንን ያሳድጋል ።

ለድርጅት ያለው ጥቅም:-

የስራ ውጤት ይጨምራል፤ጥሩ የቡድን ስራ ይፈጥራል፤ የሰራተኛ ታማኝነትን ያጠናክራል ።

መደምደሚያ
=>አመስጋኝነት በስራ ቦታ ሰላምና መተባበርን ያመጣል።
=>አመስጋኝ ሰራተኛ የተሻለ ውጤት ያመጣል።
=>ትንሽ ምስጋና ትልቅ ለውጥ ይፈጥራል።
=>አመስጋኝ መሆን በስራ ቦታም ሆነ በማህበራዊ ሕይወት ሰላም፣ ፍቅር እና መተባበርን ያመጣል።
=>“አመስጋኝ ልብ ደስተኛ ሕይወት ይፈጥራል።
=>ሁልጊዜ መንቀፍና አቤቱታ ማቅረብ የስራ አካባቢን ያበላሻል።
=>አዎንታዊ አስተሳሰብና አመስጋኝነት ግን የተሻለ ውጤትና ግንኙነት ያመጣል።

22/05/2026

የማዘጋጃ ቤታዊና የትራንስፖርት ክላስተር የሚያዚያ ወር የእቅድ አፈጻጸም ሪፖርት ግምገማ አከናወነ።

ግንቦት 14 ፣ 2018 ዓ.ም

የአዲስ አበባ ከተማ ስራ አስኪያጅ ፅ/ቤት የማዘጋጃ ቤታዊ ክላስተር ቅንጅታዊ አሰራር የቴክኒክ ኮሚቴ የሚያዚያ ወር የእቅድ አፈፃፀም ግምገማ በዛሬው እለት በጋራ ገምግሟል።

መድረኩ በክላስተሩ በሚያዚያ ወር በቅንጅት ያከናወኗቸውን ማለትም የተቀናጀ የትራንስፖርት ስርዓትን ከማስፋፋት ፣የተሳሰረ የትራንስፖርት መሠረተ ልማት ከመዘርጋት፣የግንባታ ቦታዎች ደህንነት ከማረጋገጥ፣ለአደጋ ተጋላጭ የሆኑ ቦታዎችን ከመለየትና መፍትሄ ከመስጠት፣ከቀልጣፋና ሰዉ ተኮር የህዝብ አገልግሎት አቅርቦትን ከማሳደግ፣የአደጋ ጊዜ ምላሽ ስልጠናዎችን ከማካሄድ፣የእንቅስቃሴ ቁጥጥርና የአካባቢ አያያዝን ከማጠናከር፣የህዝብ መናፈሻዎችን እና የከተማ ደኖችን ከማልማት አንፃር በእነዚህና በሌሎች የተከናወኑ ተግባራትን የያዘ ሪፖርት ቀርቦ በአፈፃፀም ላይ የታዩ ጥንካሬዎች እና ክፍተቶች ላይ ውይይት በጋራ ተካሂዷል።

በዚሁ መድረክ በክላስተሩ ተቋማት መካከል የተፈጠረው የተቀራረበ የቅንጅት ስራ ጥራትና ተቀናጅቶ እና ተናቦ እንዲሁም ተግባራትን በጋራና በውጤታማነት ለመፈጸም የሚያስችል ተግባራትን በሚያዚያ ወር ማከናወን መቻሉ ተገልጿል።

በውይይቱ ተሻጋሪ የሆኑ ስራዎችን በተናበበ መልኩ እየተከናወኑ በመሆኑ የአገልግሎት አሰጣጡ ቀልጣፋ እንዲሆንና በስራ ሂደት እያጋጠሙ ያሉ ችግሮችን በጋራ በተናበበ መልኩ በቅንጅት መስራት በመቻሉ ክፍቶችን በወቅቱ እየፈቱ መሄድ የሚያስችል ምቹ ሁኔታ እንደተፈጠረ በመድረኩ ተመላክቷል።

በቀጣይም በእቅድ ተይዘዉ ያልተከናወኑ ተግባራትን በመለየትና በጋራ ተቀራርቦ በመስራት ያጋጠሙ ችግሮችን በመለየትና በወቅቱ መፍታት እንደሚገባ ተገልጾ ድጋፍ የሚፈልጉ ተግባራትን መለየትና የቅንጅታዊ አሰራሩን አጠናክሮ በማስቀጠል በቀጣይ የተሻለ አፈፃፀም ማስመዝገብ እንደሚገባም በመድረኩ ተገልጿል።

18/05/2026

የአሰራር ስርዓት ለተቋም ውጤታማነት - የወርቃማው ሰኞ
የመወያያ ርዕስ
አቅራቢ :- አቶ ደገፋው ማንደፍሮ
የፀረ ሙስናና ስነምግባር ዳይሬክቶሬት ዳይሬክተር

ለአንድ ተቋም እድገትና ስኬት ወሳኝ መሰረት ነው። ግልጽ፣ ዘመናዊ እና የተቀናጀ የአሰራር ስርዓት መዘርጋት የተቋምን ምርታማነት በከፍተኛ ደረጃ ይጨምራል።

1. የአሰራር ስርዓት ለተቋም እድገት ያለው ጥቅም

ግልጽነትን ይፈጥራል፦ እያንዳንዱ ሰራተኛ ስራውን፣ ኃላፊነቱን እና የሚጠበቅበትን ውጤት በግልጽ እንዲያውቅ ያደርጋል።

ጊዜና ጉልበት ይቆጥባል፦ ተደጋጋሚ ስራዎችን በማስቀረት እና አሰራርን በማቅለል የስራ ፍጥነትን ይጨምራል።

ጥራትን ያረጋግጣል፦ ሁሉም ስራዎች በአንድ ወጥ ደረጃ (Standard) ስለሚሰሩ የገበያ ወይም የአገልግሎት ጥራት አስተማማኝ ይሆናል።

ክትትልን ያመቻቻል፦ የአፈጻጸም መለኪያዎችን (KPIs) በመጠቀም የተቋሙን ጥንካሬና ድክመት በቀላሉ ለመገምገም ይረዳል።

ዘላቂነትን ያረጋግጣል፦ ተቋሙ በግለሰቦች እውቀት ላይ ብቻ ሳይሆን በስርዓት ላይ እንዲገነባ ስለሚያደርግ የሰው ሃይል ቢቀየርም ስራው አይስተጓጎልም።

2. ውጤታማ የአሰራር ስርዓት ለመዘርጋት መወሰድ ያለባቸው እርምጃዎች

ራዕይና ግብን ማጣጣም፦ የአሰራር ስርዓቱ የተቋሙን ትልልቅ ግቦች የሚያሳካ መሆኑን ማረጋገጥ።

የስራ ሂደቶችን መቅረጽ (Workflow Mapping)፦ ከጅማሬ እስከ ፍጻሜ ያሉትን የስራ ቅደም-ተከተሎች በግልጽ ማስቀመጥ።

ቴክኖሎጂን መጠቀም፦ ስራዎችን ለማቀላጠፍ ዘመናዊ የሶፍትዌር እና የዲጂታል መተግበሪያዎችን ስራ ላይ ማዋል ።

መመሪያና ማኑዋሎችን ማዘጋጀት፦ የአሰራር ደንቦችን በፅሁፍ አስፍሮ ለሰራተኞች ማጋራት።

ቀጣይነት ያለው ማሻሻያ ማድረግ፦ ወቅታዊ ለውጦችን ግምት ውስጥ በማስገባት ስርዓቱን በየጊዜው ማዘመን።

እንደ አቶ ደገፋው ገለጻ ቀልጣፋ የአሰራር ስርዓት መዘርጋት የአገልግሎት ጥራትን ለማሳደግ እና የህዝብን እርካታ ለማረጋገጥ መሰረታዊ እርምጃ ነው ።

17/05/2026

14/05/2026

#ፋና #ኢትዮጵያ

11/05/2026

ቅንነት በስራ ቦታ - የወርቃማው ሰኞ የመወያያ ርዕስ

አቅራቢ - ሳምራዊት አቡበከር (ኢ/ር)
የትራንስፖርት ደህንነት አጠባበቅ መምሪያ ኃላፊ

ግንቦት 3/2018 ዓ.ም

ቅንነት በስራ ቦታ ሲባል ምን ማለት ነው ?

ቅንነት በስራ ቦታ ስንል በስራችን ላይ ታማኝ፣ ግልጽ እና ለሌሎች የስራ ባልደረቦች ቀና አመለካከት መያዝ ማለት ነው። ይህ ደግሞ ለግል እድገትም ሆነ ለድርጅቱ ስኬት ወሳኝ ነው ።

ቅንነት በስራ ቦታ ምን ጥቅሞች ያስገኛል?

=> መተማመንን ይፈጥራል፦ ባልደረቦችህና አለቆችህ በአንተ ላይ ሙሉ እምነት እንዲኖራቸው ያደርጋል።

=>ጥሩ የስራ መንፈስ ይፈጥራል፦ በግልጽነትና በቅንነት የሚሰሩ ሰዎች ባሉበት ቦታ ጭንቀትና መጠራጠር ስለማይኖር የስራ አካባቢው ደስ የሚል ይሆናል።

=>ለችግሮች ፈጣን መፍትሄ፦ ስህተት ሲፈጠር በቅንነት አምኖ መቀበልና ለማስተካከ መሞከር ለስራው ውጤታማነት ትልቅ አስተዋጽኦ አለው።

=>የረጅም ጊዜ ስኬት፦ በጊዜያዊ ብልጥነት ሳይሆን በቅንነት የሚሰራ ሰው ዘላቂ የሆነ ክብርና የሙያ እድገት ያገኛል።

ቅንነት በአጭሩ ሲገለፅ ምን ይመስላል ?

በአጭሩ፣ ቅንነት በስራ ቦታ "ያለህን ምርጥ ማንነት ለስራህና ለሰዎች ማሳየት" ነው።

ልምድ ልውውጥ

በስራ ቦታ ቅንነትን ለማሳየት አንተ የምትከተላቸው ልዩ ልምዶች አሉህ? መልሳችሁን ኮሜንት ላይ ፃፉልን።

10/05/2026

እሁድ ማለዳ የባቡር መስመር ፅዳት ዘመቻ!

ግንቦት 02/2018 ዓ.ም

ከ300 በላይ የፅዳት ሠራተኞች የተሳተፉበት የፅዳት ዘመቻ ከአዲስከተማ ፤ ቂርቆስ እና ንፋስስልክ ላፍቶ ክ/ከተማ ጋር በጋራ በመሆን ከቃሊቲ እስከ ፒያሳ ባለው የባቡር መስመር ኮሪደር ውስጥ ያሉ የባቡር ሀዲድ መስመር ፣ ባቡር መሳፈሪያ ጣቢያ እና ማቋረጫዎች ፅዳት ተካሂዷል።

በትራንስፖርት አገልግሎት ደህንነት አጠባበቅ መመሪያ
ኢንቫሮመንት ቡድን አስተባባሪነት የተካሄደው የባቡር መስመሮችን የማፅዳት ስራ የጠቅላላ አገልግሎት እና ሲቪል መሠረተልማት ጥገና ስራ ክፍሎች በቅንጅት ተሳትፈውበታል።

ይህ የፅዳት ንቅናቄ በሌሎች የባቡር መስመሮች የሚቀጥል ይሆናል።