W/ra Qonnaa Aanaa Gommaa

16/05/2026

Godina Jimmaa Inisheetiivii Misooma Baala Shaayee Kilaastara Bashaashaa!

09/05/2026

09/05/2026

Aanaa Gommaatti Sagantaan saaqiinsa dhaabbii biqiltuu Baala Shaayee bara 2018 taasifame.
◇◇◇◇◇◇◇◇◇◇◇◇
Godina Jimmaa Aanaa Gommaatti dhaabbiin biqiltuu baala shaayee bara 2018 guyyaa har'aa bakka hoggansi Naannoo,Godinaafi Aanaa argamanitti humna walootiin ganda Oomaa-Funxulee Kilaastara Cawuraatti eegalchiifameera.

Mootummaan inisheetiiviiwwan fayyadamummaa hawaasaa mirkaneessuun jiruufi jireenya lammiilee fooyyeessuu akkasumas galiifi diinagdee biyyatti guddisuuf kallattii hundaan xiyyeeffannoo addaa itti kennee hojjachaa jira. Inisheetiiviiwwan mootummaa jijjiiramaa Paartii badhaadhinaatiin hogganamuun bocaman keessaa inisheetiiviin misooma baala shaayee isa tokkodha.Inisheetiiviiwwaan mootummaan bocaman hedduun aanichatti hojiirraa oolaa kan jiran yoo ta'u misoomni baala shaayee oomishaalee al-ergii guddina dinagdee qonnaan bulaafi biyyaa guddisuu keessatti shoora ol'aanaa qaban keessaa tokko waan ta'eef kanarraa ka'uunis waggoottan 2,3'n darban Aanaa Gommaa keessattis xiyyeffannoon adda itti kennamee hojjetamaa jiraachuu Bulchaan bulchiinsa Aanaa Gommaa obbo Fu'aad Raayyaa himaniiru.

07/05/2026

Inisheetiivii Misooma Baala Shaayee Ganda Oomaa-Funxulee
**********
Godina Jimmaa Aanaa Gommaatti Inisheetiiviin misooma baala shaayee akka milkaa'aniif bara 2016 irraa kaasuun xiyyeeffannoo olaanaadhaan ittifufiinsaan hojjetamaa jira.

Bu'uuruma kanaan Bulchaan bulchiinsa Aanaa Gommaa obbo Fu'aad Raayyaa ganda Oomaa-Funxulleetti argamuun Inisheetiivii misooma baala shaayee ganna bara 2017 gandichatti dhaabbatee kunuunfamaa jiru maalirra akka jiru ilaaluun jajjabeessaniiru.

Sagantaa kanarrattis Ittigaafatamaan Waajjira Daldalaa Godina Jimmaafi Ramadamaa Aanaa Gommaa obbo Xaahir Abduu fi Ittaanaa Bulchaafi Ittigaafatamaan Waajjira Qonnaafi Lafaa Aanaa Gommaa obbo Mahammadsaanii Biyyaa argamaniiru.

04/05/2026

Aanaa Gommaatti hojiin Inisheetiivii misooma baala shaayee milkeessuuf hojjatamaa jiru cimee itti fufee jira.

Aanaan Gommaa Aanolee Godina Jimmaa garaa garaa hojiin Inisheetiivii misooma baala shaayee bal'inaan keessatti hojjatamaa jiru keessaa tokko yoo ta'u, Aanicha keessattis dhaabbiiin baala shaayee bara 2016 irraa kaasuun waggoota lamaan darban hanga ammaatti dhaabbii bara kanaa osoo hin dabalatin lafa hektaara 246 ol irratti dhaabbatee haala gaarii ta'een kunuunfamaa jiru yoo ta'u bara kanas xiyyeeffannoon addaa itti kennamee bal'inaan biqiltuu baala shaayee lafa hektaara 545 irratti dhaabuuf karoorfamee hojjatamaa jira.

Bu'uuruma kanaan dhaabbii biqiltuu bara kanaa eegaluuf guyyaa har'aa hojiin biqiltuu baala shaayee iddoo buufata biqiltuu irraa gara kilaastara dhaabbiif qophaa'eetti geejjibsiisuu eegalamee jira.

19/04/2026

Hooggantoonni olaanoon Bulchiinsa Mootummaa Naannoo Gambeellaa Godina Jimmaa Aanaa Gommaatti hojiiwwan misoomaa garagaraa daawwachuun muuxannoo qooddatan.

Godina Jimmaa Aanaa Gommaatti Hooggantoonni olaanoon Bulchiinsa Mootummaa Naannoo Gambeellaa hojiiwwan misoomaa gandoolee Aanichaa garagaraa daawwachuun muuxannoo qooddataniiru.

Daawwannaa kanaanis hojiiwwan misooma qonnaa keessattuu inisheetiivii misooma qonnaa ganda Xessoo-Sadachaa erga daawwatanii booda lafa seenaqabeessa bakka argama Buna Arabikaa Coocee Kattaa Muuduuga'aafi bakka giddugala qu'aannoofi qorannoo Jiin Baank ganda Magaalaa Cooceetti argamu daawwachuun muuxannoo qooddachaa daawwannaa isaanii Aanichatti taasisan ittifufaniiru.

Sagantaa kanarratti kan argaman ittaantuun Biiroo Qonnaa Oromiyaa Doktar Amiinaa Abdurraahmaan akka dubbatanitti tarkaanfiiwwan qonnaa adda addaa Mootummaan naannoo Oromiyaa Badhaadhina hunda-galeessa mirkaneessuuf boce hojiirra oolchuun galmoota gama kanaan jalqabaman dhugoomaa jiraachuu himuun ammas kana akka jalqabbii gaariitti fudhachuun kana caalaatti xiyyeeffannoon hojjetamaa kan jiru ta'uu himaniiru.

Daawwaannaa kanaanis hojiiwwan Aanichatti hojjetamaa jiran imala badhaadhinaa milkeessuuf agarsiiftuu gaarii ta'uu himuun kanarras muuxannoo gaarii kan irraa qooddatan akka ta'e hoggantoonni naannoo Gambeellaa haasawaa taasisan himaniiru.

01/04/2026