https://www.facebook.com/118765538761830/

Aleta Wondo General Hospital, Aleta (2026)

11/09/2026

.ም

👉አዲስ ዓመት ማለት አዲስ ተስፋ፣ አዲስ ራዕይ፣ አዲስ ጉልበት እና መልካም ምኞቶች የምንቀበልበት ልዩ የደስታ ወቅት ነው።

👉በመሆኑም በሆስፒታል ውስጥ ለማህረሰባችን የጤና አገልግሎት በምንሰጥበት በዚህ ሰዓት፣ በዓሉን አብሮ ማክበር ለሰራተኞቻችን፣ ለታካሚዎቻችን እና ለአስታማሚዎቻችን ልዩ ትርጉም አለው።

👉በዚህ መሠረት የአለታ ወንዶ አጠቃላይ ሆስፒታል MCC ኮሚቴ የ2019 ዓ.ም አዲስ ዓመትን ከሆስፒታሉ ሰራተኞች፣ ታካሚዎችና አስታማሚዎች ጋር በመሆን በደስታ ለማሳለፍ በማለም ልዩ የበዓል መርሃ ግብር በማዘጋጀት አክብሮ ውሏል።

👉 በሆስፒታሉ ውስጥ በዛሬው ዕለት በስራ ላይ ያሉ ሰራተኞች፣ ህክምና እያገኙ ያሉ ታካሚዎች እና ከወዳጆቻቸው ጋር በመሆን ታካሚዎቻቸውን የሚንከባከቡ አስታማሚዎች የበዓሉን ደስታ እንዲካፈሉ የሚያደርግ የአብሮነት መርሃ ግብር ተከናውኗል።

🎊 ከዚህ ባሻገር ኮሚቴው በየጊዜው በሚያደርገው የማዕድ ማጋራት ፕሮግራም በዛሬው ዕለትም ዝቅተኛ ገቢ ያላቸው እና ድጋፍ የሚያሻቸውን ሠራኞች በመለየት የበዓል ግብዓቶች በስጦታ ተበርክቶላቸዋል፡፡

👉MCC ኮሚቴ ከሚያከናውናቸው በርካታ ስራዎች በተጨማሪ በዛሬው ዕለት የከወነው በጎ ተግባር የስራ መንፈስ ከማጠናከር ባለፈ፣ በሆስፒታሉ ውስጥ የእንክብካቤ፣ የርህራሄ፣ የአክብሮት፣ የመተሳሰብ መንፈስ እንዲጎለብት ያደርጋል።

👉የአለታ ወንዶ አጠቃላይ ሆስፒታል በሚሰጠው የጤና አገልግሎት ሁሉ ውስጥ ታካሚውን በክብር፣ ሰራተኛውን በእንክብካቤ እና ማህበረሰቡን በቁርጠኝነት ማገልገል የሚለውን እሴቱን ይቀጥላል።

🙏 የአለታ ወንዶ አጠቃላይ ሆስፒታል ይህን የሚያምር የአብሮነት ተግባር ላዘጋጀውና ላስተባበረው MCC ኮሚቴ፣ ለተሳተፉ ሰራተኞች እና ይህን መልካም ተግባር በማገዝ የበዓሉን ደስታ ለሌሎች ላጋሩ ሁሉ ከልብ ያመሰግናል።

🌼 በድጋሜ እንኳን ለ2019 ዓ.ም አዲስ ዓመት አደረሳችሁ! 🌼

11/09/2026

#🌿 መልካም_አዲስ_ዓመት_2019_ዓ.ም 🌿

.ም

👉ውድ የአለታ ወንዶ አጠቃላይ ሆስፒታል ቤተሰቦች!

👉አዲስ ዓመት አዲስ ተስፋን፣ አዲስ ራዕይን፣ አዲስ ጉልበትንና አዲስ የስኬት ጉዞን ይዞ የሚመጣ የለውጥ ወቅት ነው እና እንኳን ለ2019 ዓ.ም. አዲስ ዓመት አደረሳችሁ! 🌼🌼🌼

👉2018 ዓ.ም. በሆስፒታላችን ውስጥ ለተመዘገቡት ውጤቶችና ለተከናወኑት የለውጥ ስራዎች ከፍተኛ ኩራት ይሰማኛል።

🌟 2018 ዓ.ም. — የውጤት ዓመት

👉በ2018 ዓ.ም. አለታ ወንዶ አጠቃላይ ሆስፒታል የህብረተሰቡን የጤና ፍላጎት በተሻለ መንገድ ለመመለስ በርካታ ስራዎችን አከናውኗል።

👉በዓመቱ የተገኙት ውጤቶች የክልላችን ጤና ቢሮ፣ የተቋማችን ቦርድ፣ የማኔጅመንት አካላትን ጨምሮ የሁሉም የሆስፒታሉ ሰራተኞች፣ የልማት አጋሮች እና የህብረተሰባችን የጋራ ጥረት ውጤቶች ናቸው።

👉በዚህ ጉዞ ውስጥ፦

🔹 የህክምና አገልግሎታችንን በስፋትና በጥራት ማስፋት ችለናል።
🔹 የድንገተኛ አደጋ፣ የአስተኝቶ ታካሚ፣ የእናቶችና ህጻናት፣ የቀዶ ህክምና፣ የላብራቶሪ፣ የX-Ray፣ Imaging ምርመራና ሌሎች የህክምና አገልግሎቶች የተሻለ አፈጻጸም አሳይተዋል።
🔹 የህጻናት ከአንገት በላይ ቀዶ ህክምና ዘመቻን ጨምሮ የተለያዩ ልዩ የህክምና ዘመቻዎችን በማከናወን ብዙ ታካሚዎች በአጭር ጊዜ ልዩ ህክምና እንዲያገኙ አድርገናል።
🔹 የጥራት ማሻሻያ ስራዎችን በማጠናከር በተለያዩ የጤና አገልግሎት ጥራት ግምገማዎች ከፍተኛ ውጤት ማስመዝገብ ችለናል።
🔹 የተሻለ የታካሚ እንክብካቤ፣ የተሻለ የህክምና ሂደት እና የተሻለ የስራ ባህል ለመፍጠር በርካታ የለውጥ ሀሳቦችን ተግብረናል።

👉ከ2018 ዓ.ም. ትላልቅ ስኬቶቻችን አንዱ የዲጂታል ጤና ይገኝበታል። የኤሌክትሮኒክ የህክምና ስርዓትን በሙሉ አገልግሎት ውስጥ በማስገባት፣ የወረቀት ሂደቶችን በመቀነስ፣ የታካሚ መረጃን በፍጥነት ማግኘትና የሆስፒታሉን አፈጻጸም መከታተል የሚያስችል ስርዓት ፈጥረናል።

👉ይህ ለውጥ የቴክኖሎጂ ለውጥ ብቻ ሳይሆን የስራ ባህል፣ የባለቤትነት፣ የመረጃ አጠቃቀምና የታካሚ እንክብካቤ ላይ ትልቅ ለውጥ ማጣት አስችሎናል።

👉ባሳለፍነው ዓመት የተገኘው ውጤት የመጨረሻ መዳረሻ ሳይሆን የቀጣይ ስኬት መነሻ ይሆናል።

🚀 2019 ዓ.ም. — የበለጠ ለውጥና ስኬት
በ2019 ዓ.ም. ከዚህ በላይ ጥራት፣ ተደራሽነት እና ታካሚ-ተኮር አገልግሎት ለመስጠት ቆርጠን ተነስተናል።
በቀጣዩ ዓመት በተለይ፦
✅ የታካሚ ደህንነትና የጤና አገልግሎት ጥራትን የበለጠ ማሻሻል፣
✅ የዲጂታል ጤና ስርዓታችንን ማጠናከርና ተጨማሪ ዲጂታል መፍትሄዎችን ማስፋት፣
✅ የህክምና መሳሪያዎችንና ቴክኖሎጂዎችን ማሳደግ፣
✅ የስፔሻሊቴ አገልግሎቶችን ማስፋትና የቀዶ ህክምናን ማሳደግ፣
✅ የእናቶችንና ህጻናትን ጤና አገልግሎት ማጠናከር፣
✅ CPD ማጠናከር፣
✅ የህብረተሰብ ተሳትፎን ማጠናከር፣
✅ ከጤና ቢሮ፣ ከልማት አጋሮች፣ ከአካዳሚያዊ ተቋማትና ከሌሎች ባለድርሻ አካላት ጋር በበለጠ ቅንጅት መስራት፣
ከሁሉም በላይ “ታካሚ ተኮር” የሆኑ ስራዎችን በይበልጥ የሚሰራባቸው ይሆናል።

❤️ ለሆስፒታላችን ሰራተኞች
ውድ የሆስፒታላችን ሰራተኞች፤
የ2018 ዓ.ም. ስኬታችን የእናንተ የዕለት ተዕለት ትጋት፣ ትዕግስት፣ ርህራሄ፣ ተጠያቂነትና ሙያዊ ብቃት ውጤት ነው።
በሌሊትና በቀን፣ በበዓልና በመደበኛ ቀን ለታካሚዎቻችን ከጎናቸው የቆማችሁ ሁሉ ከፍተኛ ምስጋናና ክብር ይገባችኋል።
በ2019 ዓ.ም.ም በተመሳሳይ መንፈስ አንድ ሆነን፣ በመተባበር፣ በፈጠራ እና በባለቤትነት የበለጠ እንሰራለን።

🙏 ለአጋሮቻችን
ለሆስፒታላችን ልማትና ለህብረተሰባችን ጤና መሻሻል የምትደግፉንን የልማት አጋሮች፣ የጤና ተቋማት፣ የአካዳሚያ ተቋማት፣ መንግስታዊና መንግስታዊ ያልሆኑ ተቋማት፣ የሆስፒታሉ ቦርድ እና መላው የህብረተሰብ አባላት ልባዊ ምስጋናችንን እናቀርባለን። የእናንተ ድጋፍ ለሆስፒታላችን ስኬት እና ለህብረተሰባችን የጤና ብልጽግና ወሳኝ ሚና ይጫዎታል።

2019 ዓ.ም፦
🌿 የሰላም፣
🌿 የጤና፣
🌿 የፍቅርና የአንድነት፣
🌿 የስኬትና የብልጽግና፣
🌿 የፈጠራና የለውጥ፣
🌿 የተሻለ ጤና አገልግሎትና የተሻለ ህይወት የምንገነባበት ዓመት ይሁንልን!

🎉በድጋሜ እንኳን ለ2019 ዓ.ም አደረሳችሁ! 🎉

መልካም አዲስ ዓመት!

ፍጹም ዳንጉራ
የአለታ ወንዶ አጠቃላይ ሆስፒታል ስራ አስኪያጅ (CEO)

10/09/2026

&_SURGICAL_CENTER

🏥በሁለት ቀናት ብቻ ከ45 በላይ ነጻ ቀዶ ሕክምናዎች — በአለታ ወንዶ አጠቃላይ ሆስፒታል!

👉የአለታ ወንዶ አጠቃላይ ሆስፒታል ከሩህ ከአንገት በላይ እና ቀዶ ህክምና ማዕከል ጋር በመተባበር ላለፉት ሁለት ቀናት ልዩ የቀዶ ሕክምና አገልግሎት ሲሰጥ ቆይቷል።

👉በዚህ የቀዶ ሕክምና መርሃ ግብር ዶ/ር #ሙሉቀን በቀለ እና የሙያ ቡድናቸው ወደ አለታ ወንዶ አጠቃላይ ሆስፒታል በመምጣት፣ ከሆስፒታላችን የጤና ባለሙያዎች ጋር በመቀናጀት በሁለት ቀናት ብቻ በበጎ ፈቃድ ከ45 በላይ ቀዶ ሕክምናዎችን በተሳካ ሁኔታ አከናውነዋል።

👉ይህ ውጤት በቁጥር ብቻ የሚገለጽ ሳይሆን ከ45 በላይ ታካሚዎች ለረዥም ጊዜ በህመም ሲሰቃዩ የነበሩበትን ጊዜ ለአንዴ እና ለመጨረሻ ጊዜ እፎይታን የሰጣቸው ሲሆን የሕክምና ጊዜያቸውን እንዲያሳጥሩ እና ወደ ቤተሰቦቻቸው ወደ ዕለት ተዕለት ኑሯቸው በተሻለ ሁኔታ እንዲመለሱ ያስቻለ ትልቅ ዘመቻ ነው።

👉ታካሚዎች ለረጅም ጊዜ ሊጠብቁት የሚችሉትን የቀዶ ሕክምና አገልግሎት ወደ እነርሱ በማቅረብ፣ የጉዞ ፣ የህክምና ወጪን፣ የጊዜ ኪሳራን እና ከተቋም ወደ ተቋም የመሄድ ችግርን በመቀነስ ለማህበረሰባችን ትልቅ እፎይታን አምጥቷል።

👉በቀዶ ሕክምናው የተሳተፉ ታካሚዎቻችን አሁን በድኅረ-ቀዶ ሕክምና ክትትል ላይ ይገኛሉ። በአሁኑ ወቅት ሁሉም ታካሚዎች በጥሩ የጤንነት ሁኔታ ላይ ይገኛሉ።

👉በዚህ ቀዶ ህክምና የቀዶ ህክምና ስፔሻሊስት የሆኑት ዶ/ር ሙሉቀን በቀለን ጨምሮ ፣ የአንስቴዥያ ባለሙያዎች፣ ነርሶች፣ የማገገሚያ ክፍል ባለሙያዎች፣ የጽዳት ሠራተኞች የላብራቶሪና የፋርማሲ ባለሙያዎች ልዩ ልዩ የመመርመሪያ አገልግሎቶች እንዲሁም ሌሎች የሆስፒታሉ የጤና ባለሙያዎች ተሳትፈዋል።

🙏የሲዳማ ክልል ጤና ቢሮ ኃላፊ ክብርት ዶ/ር የቢሮው ምክትል ኃላፊዎች እንዲሁም የሀገር ሽማግሌዎች በሆስፒታላችን በመገኜት ቀዶ ህክምና የተሰራላቸውን ህሙማን ጎብኝተዋል።

👉በማስከተልም ክብርት ዶ/ር ከጉብኝቱ በኃላ ባስተላለፉት መልዕክት ከሀገር ውስጥም ከባህር ማዶም ባሉ የየአካባቢው ተወላጆች እና በጎ አድራጊዎች በመሰል ሰናይ ተግባራት ላይ እንዲሳተፉ እና ችግር ፈች የማህበረሰብ ጉዳዮች ላይ እንዲሰሩ ጥሪ አስተላልፈዋል።

👉አስከትለውም የክልል ጤና ቢሮ የመንግስት እና የግል ጤና ተቋማትን በማቀናጀት ለማህበረሰባችን አፋጣኝ እና ጥራት ያለው የጤና አገልግሎት ለማቅረብ የሚስችሉ ምቹ ሁኔታዎችን እያመቻቸ እንደሚገኝ እና የጤና ተቋማት ምላሽ እንዲሁ ተጠናክሮ እንዲቀጥል ጥሪ አስተላልፈዋል።

👉የቢሮ ኃላፊዋም ዶ/ር እና ቡድናቸው ላበረከቱት የላቀ አስተዋጽኦ በመላው የሆስፒታሉ ማህበረሰብ ስም የላቀ ምስጋና አቅርበዋል።

🙏የዚህን የላቀ አስተዋጽኦ እና ለሆስፒታላችን ማህበረሰብ ያለውን ጠቀሜታ በመገንዘብ፣ የአለታ ወንዶ አጠቃላይ ሆስፒታል ቦርድ ሰብሳቢ ክቡር አቶ እና የቦርድ አባላት ለዶ/ር ሙሉቀን ልዩ እውቅና ሰጥተዋል። 🏅

👉የሆስፒታላችን ስራ አስኪያጅ አቶ ይህን ነጻ የህክምና ዘመቻ ላሳኩ የዶ/ር ሙሉቀንን የህክምና ቡድን እንዲሁም የሆስፒታላችንን ባለሙያዎች እና መላው የዚህ ሰናይ ተግባር ተሳታፊዎችን አመስግነዋል።

👉ለታካሚዎቻችን ጤና በመቆም፣ የሙያ ዕውቀታችሁንና ልምዳችሁን በማካፈል፣ ከፍተኛ የሥራ ጫናን በትጋት በመሸከም እና ከሆስፒታላችን ቡድን ጋር በመተባበር ላደረጋችሁት አስደናቂ ሥራ እጅግ እናመሰግናለን።

❤️ ከልብ እናመሰግናለን!

🌟 መሰል ዘመቻዎችን የሚቀጥሉ ይሆናል!

09/09/2026

🏥 የአለታ ወንዶ አጠቃላይ ሆስፒታል ቦርድ የ4ኛ ሩብ ዓመትና የ2018 በጀት ዓመት ዓመታዊ የአፈጻጸም ግምገማውን በዛሬው ዕለት አካሂዷል፡፡

👉 የአለታ ወንዶ አጠቃላይ ሆስፒታል የ2018 በጀት ዓመት ዕቅድ አፈጻጸም፣ የተመዘገቡ ውጤቶች፣ የተለዩ ክፍተቶች እና የቀጣይ ዓመት የሥራ አቅጣጫዎችን የሚያጠናክር ዓመታዊ የአፈጻጸም ግምገማና ቦርድ ስብሰባ በሆስፒታሉ የመሰብሰቢያ አዳራሽ ተካሂዷል።

👉 በቅድሚያም አጠቃላይ የተቋም ጉብኝት የተካሄደ ሲሆን፣ በጉብኝቱም የሆስፒታሉ የጤና አገልግሎት፣ የጥራት ማሻሻያ ሥራዎች፣ EMR (Electronic Medical Record) ጨምሮ የዲጂታል ጤና አገልግሎቶችና አተገባበር በስፋት ተጎብኝተዋል።

👉 በተለይም ሆስፒታሉን ወደ ወረቀት አልባ የጤና አገልግሎት ለማሸጋገር የተከወኑ ስራዎች እና አተገባበር፣ የፋርማሲ ዲጂታላይዜሽን፣ የላቦራቶሪና የምርመራ ማሽኖች ውህደት እና የተለያዩ የዲጂታል ሲስተሞች አጠቃቀም በትኩረት ታይተዋል።

👉 በመድረኩ ላይ የሲዳማ ብሔራዊ ክልላዊ መንግስት ፕሬዝዳንት ልዩ አማካሪ ክቡር ፣ የሲዳማ ክልል ጤና ቢሮ ምክትል ቢሮ ኃላፊና የህዝብ ግንኙነት ዳይሬክቶሬት ዳይሬክተር ፣ የደቡባዊ ሲዳማ ዞን ዋና አስተዳዳሪ ክቡር ሌሎች የቦርድ አባላት ስብሰባውን ተካፍለዋል፡፡

👉 በሆስፒታሉ ቦርድ ሰብሳቢ በሚመራው መድረክ የመክፈቻ ንግግር ከተደረገ በኋላ የውይይት አጀንዳዎች በቅደም ተከተላቸው ቀርበዋል።

📌 ዋና ዋና የስብሰባው አጀንዳዎች
👉 የ2018 በጀት ዓመት የ4ኛ ሩብ ዓመትና ዓመታዊ የሥራ አፈጻጸም ግምገማ
👉 የ2019 በጀት ዓመት ዕቅድና የትኩረት አቅጣጫዎች
👉 የጤና አገልግሎት አፈጻጸምና የጥራት ማሻሻያ ሥራዎች
👉 የሰው ሀብት አፈጻጸምና የባለሙያ ቅጥር
👉 የፋይናንስና የውስጥ ገቢ አፈጻጸም
👉 የመድኃኒትና የሕክምና ግብዓት አቅርቦት የSupply Chain Management አፈጻጸም
👉 የዲጂታል ጤናና EMR አተገባበር
👉 የሪፎርም፣ ኢኒሼቲቭና የተቋም ለውጥ ሥራዎች
👉 የአጋር ድርጅቶች ድጋፍና ትብብር
👉 ያጋጠሙ ችግሮችና የቀጣይ የሥራ አቅጣጫዎች በዝርዝር ቀርበዋል።

📊 የ2018 ዓ.ም ዋና ዋና የአገልግሎት አፈጻጸሞች
👉 የእናቶች ጤና አገልግሎት
📌4,405 እናቶች የANC1 አገልግሎት ተጠቃሚ ሆነዋል።
📌3,452 እናቶች ANC8 ማጠናቀቅ ችለዋል፤ ይህም ከዕቅድ አንጻር 134% አፈጻጸም ነው።
📌2,722 እናቶች በሠለጠነ የጤና ባለሙያ የወሊድ አገልግሎት አግኝተዋል፤ ከዕቅድ አንጻር 109% አፈጻጸም ተመዝግቧል።
📌469 እናቶች የቀዶ ሕክምና የማዋለድ (C/S) አገልግሎት አግኝተዋል።
👉 የህጻናትና ጨቅላ ሕፃናት ጤና
📌335 ጨቅላ ሕፃናት በNICU የሕክምና አገልግሎት አግኝተዋል፤ ከዕቅድ አንጻር 120% አፈጻጸም ተመዝግቧል።
📌የክትባት፣ IMNCI እና KMC አገልግሎቶችን በማጠናከር የእናቶችና ህጻናት ጤና አገልግሎት ተጠናክሯል።
👉 OPD፣ Emergency እና Inpatient Services
📌171,952 ተመላላሽ ታካሚዎች የOPD አገልግሎት አግኝተዋል፤ 117% አፈጻጸም።
📌11,080 የድንገተኛ ታካሚዎች አገልግሎት አግኝተዋል፤ 103% አፈጻጸም።
📌4,600 ታካሚዎች በIPD ተቀብለው ሕክምና አግኝተዋል፤ 103% አፈጻጸም።
📌56 ጽኑ ሕመምተኞች በAdult ICU የሕክምና አገልግሎት አግኝተዋል።
👉 የቀዶ ሕክምና እና ስፔሻሊቲ አገልግሎቶች
📌861 ታካሚዎች ከፍተኛ የቀዶ ሕክምና (Major Surgery) አግኝተዋል፤ 103% አፈጻጸም።
📌በአይን፣ ጥርስ፣ ስነ-አእምሮ፣ ቆዳ እና አባላዘር ሕክምና የተለያዩ ስፔሻሊቲ አገልግሎቶች ተጠናክረዋል።
📌10,270 ተገልጋዮች የX-ray እና Ultrasound አገልግሎት አግኝተዋል።
👉 የስፔሻሊቲና የCritical Care አገልግሎት
💧 የEye, Psychiatry, Dental, Dermatovenereology እና Pathology አገልግሎቶች ተጠናክረዋል።
💧 የAdult ICU አገልግሎት በ4 Mechanical Ventilators እና በሌሎች ወሳኝ የሕክምና መሣሪያዎች ተጠናክሯል።
👉 የላቦራቶሪና ምርመራ አገልግሎት
💧 የLaboratory service አቅም በማሳደግ ከ328,000 በላይ የላብራቶሪ ምርመራዎች ተከናውነዋል።
💧 የPathologyና Microbiology አገልግሎቶችን በማጠናከር የምርመራ አቅም ተሻሽሏል።

💻 ዲጂታል አተገባበር እና የEMR አፈጻጸም
👉 በ2018 ዓ.ም ሆስፒታሉ በዲጂታል ጤና ለውጥ የላቀ አፈጻጸም ያስመዘገበበት ዓመት ሆኗል።
📌የወረቀት አጠቃቀምን በመቀነስ EMR በሰፊው ተግባራዊ ሆኗል።
📌የታካሚ መረጃ በኤሌክትሮኒክ መልክ በመመዝገብ የመረጃ ተደራሽነትና የክሊኒካል ውሳኔ አሰጣጥ ተሻሽሏል።
📌የታካሚ ካርድ ፍለጋ ጊዜ ከረዥም ደቂቃ ፍለጋ ወደ ፈጣን ኤሌክትሮኒክ retrieval ተቀይሯል።
📌የጠፉ ካርዶችና የድግግሞሽ ምዝገባ ችግሮች በእጅጉ ቀንሰዋል።
📌Real-Time Data Monitoring በመጠቀም የሆስፒታሉን አፈጻጸም በተሻለ ሁኔታ መከታተል ተችሏል።
👉 በተጨማሪም eAPTS፣ Dagu፣ LMIS፣ MEMIS፣ iHRIS እና ሌሎች የዲጂታል ሲስተሞችን በመጠቀም የመድኃኒት፣ የህክምና መገልገያ ቁሳቁስ፣ የሰው ኃይልና የሆስፒታል መረጃ አስተዳደር ተጠናክሯል።

📈 የጥራት ማሻሻያና የሪፎርም አፈጻጸም
👉 በSBFR፣ Evidence-Based Care፣ Clinical Audit፣ QI Projects፣ Infection Prevention፣ Patient Safety እና ሌሎች የጥራት ማሻሻያ ሥራዎች ተጠናክረዋል።
👉 በተለያዩ የክልል አካላትና ተቋማት በተደረጉ የጥራት ግምገማዎች ሆስፒታሉ ከፍተኛ ውጤቶች በልዩ ልዩ መስኮች ያሳካ ሲሆን በሆስፒታሎች ምዘናም አረንጓዴ ማስመዝገብ ችሏል።

💰 የፋይናንስ አፈጻጸም
👉 በ2018 ዓ.ም የሆስፒታሉ የውስጥ ገቢ አፈጻጸም 37.2 ሚሊዮን ብር ደርሷል።
👉 የCBHI አገልግሎትን በማጠናከር 45,350 የCBHI ተጠቃሚ ጉብኝቶች ተመዝግበዋል።

👉 የቲቢና የተለያዩ በሽታዎች አገልግሎት
💧 የTB case detection, diagnosis, treatment እና follow-up አገልግሎቶች ተጠናክረዋል።
💧 የART አገልግሎትና የታካሚ ክትትል ተጠናክሯል።

🤝 አጋርነትና የሆስፒታሉ አቅም ማሳደግ
👉 በተለያዩ የልማት አጋሮች ድጋፍ የዲጂታል ጤና፣ የCPD ማዕከል፣ የሕክምና መሳሪያና የመሠረተ ልማት አቅም ማሳደግ ሥራዎች ተከናውነዋል።
👉 ከAMREF Health Africa ፣ JSI፣ SDA EngenderHealth፣ EMwA እና ሌሎች አጋሮች ጋር ያለው ትብብር ተጠናክሯል።

📈 የቀጣይ ትኩረት አቅጣጫዎች
👉 የመድኃኒትና የሕክምና ግብዓት አቅርቦትን ማሻሻል
👉 የሆስፒታሉን የህንፃና የመሠረተ ልማት ክፍተቶች መፍታት
👉 የህዝብ መድኃኒት ቤት አገልግሎትን ማስፋፋት
👉 Rehabilitative and Palliative Care አገልግሎቶችን ማጠናከር
👉 የስፔሻሊቲና የCritical Care አገልግሎቶችን ማስፋፋት
👉 የሰርጀሪ የሕክምና ፍላጎትን በተሻለ መልኩ መመለስ
👉 የጤና አገልግሎት ጥራትንና የታካሚ ደህንነትን በቀጣይነት ማሻሻል
👉 የEMR አተገባበርን ከሰው ሰራሽ አስተውሎት (AI) ጋር ማጣመር
👉 የHospital-to-Health Center Mentorship ሥራን ማጠናከር
👉 የማህበረሰብ ተሳትፎንና የአጋር ድርጅቶችን ትብብር ማሳደግ ይገኙበታል፡፡

👉የሆስፒታሉ ቦርድ በ2018 በጀት ዓመት የተመዘገቡትን ውጤቶች፣ የተገኙ ስኬቶች፣ ያሉ ክፍተቶች ከገመገመ በኃላ መልካም ውጤቶችን በማስቀጠልና ያሉትን ክፍተቶች በቀጣይ በተቀናጀ መልኩ በመፍታት፣ አለታ ወንዶ አጠቃላይ ሆስፒታል ለማህበረሰቡ ተደራሽ፣ ጥራት ያለው፣ ደህንነቱ የተጠበቀና ዘመናዊ የጤና አገልግሎት ለመስጠት ያለውን ቁርጠኝነት አጠናክሮ እንደሚቀጥል ተገልጿል።

🎯 በስብሰባው መጨረሻም ለተገኙት ስኬቶች የሆስፒታሉ ቦርድ፣ አመራሮች፣ ሠራተኞች፣ አጋር ድርጅቶችና ሁሉም ባለድርሻ አካላት ምስጋና ቀርቦ፣ በቀጣይ የተሻለ ውጤት ለማምጣት የሥራ አቅጣጫዎች ተቀምጠዋል።
🎯 ወደ 2019 ዓ.ም በተሻለ አቅም!

08/09/2026

With Aleta Wondo General Hospital – I just made it onto their weekly engagement list by being one of their top engagers!

04/09/2026

💫የአለታ ወንዶ አጠቃላይ ሆስፒታል በ2018 በጀት ዓመት በልዩ ልዩ ዘርፎች ስኬቶችን ማስመዝገብ ችሏል።

💥በዛሬው ዕለትም በደቡባዊ ሲዳማ ዞን ፀጥታ እና መልካም አስተዳደር መምሪያ በተዘጋጀው መድረክ የተሻለ ውጤት በማስመዝገብ ከመምሪያው የሰው ሀብት ልማት አስተዳደር በኩል የዋንጫ እና የምስክር ወረቀት ተበርክቶለታል።

04/09/2026

🎯EMOTIVE/PPH ዓመታዊ የአፈጻጸም ግምገማ መድረክ

👉EMOTIVE/PPH ላይ ያተኮረ ዓመታዊ የአፈጻጸም ግምገማ መድረክ በአለታ ወንዶ አጠቃላይ ሆስፒታል የ CPD ማዕከል ተካሂዷል።

👉የግምገማ መድረኩ ባለፈው ዓመት በEMOTIVE/PPH ፕሮግራም የተከናወኑ ተግባራትን፣ የተመዘገቡ ውጤቶችንና ስኬቶችን በመገምገም፤ ያጋጠሙ ችግሮችንና ክፍተቶችን በመለየት ለቀጣይ የሥራ ዘመን የማሻሻያ አቅጣጫዎችን ለማስቀመጥ ያለመ ነው።

👉በሆስፒታላችን የተተገበረው የEMOTIVE Bundle Approach የእናቶችን ሕይወት ለማዳን፣ የወሊድ አገልግሎትን ጥራት ለማሻሻል እና በወሊድ ጊዜና ከወሊድ በኋላ የሚከሰቱ የደም መፍሰስ (PPH) ችግሮችን በተቀናጀ መልኩ ለመከላከልና ለመቆጣጠር ያስቻለ መሆኑ በምርጥ ተሞክሮ ቀርቧል።

🎯 ከዚህ ባሻገር በውይይት ወቅትም
👉 የEMOTIVE/PPH አፈጻጸምን በየወቅቱ መገምገም፤
👉 በእናቶች የጤና አገልግሎት የተመዘገቡ ስኬቶችን ማጠናከር፤
👉የወሊድ ጊዜ እና የድህረ-ወሊድ ደም መፍሰስን በፍጥነት ለመለየትና ለመቆጣጠር የሚደረጉ ሥራዎችን ማጠናከር፤
👉 በተቋማት የሚሰጠውን የወሊድ አገልግሎት ጥራት ማሻሻል፤
👉 የጤና ባለሙያዎችን እውቀት፣ ክህሎትና ብቃት ማጠናከር፤
👉 የተለዩ ክፍተቶችን ለመፍታት የጋራ የሥራ ዕቅድ ማዘጋጀት፤ እና
👉በማህበረሰብና በጤና ተቋማት መካከል የትብብርና የቅንጅት ሥራን ማጠናከር እና ሌሎች ጉዳዮች በስፋት ተዳሰዋል።

👉መድረኩ በአለታ ወንዶ ወረዳ ጤና ጽ/ቤት፣ JSI/ SDA እና በአለታ ወንዶ አጠቃላይ ሆስፒታል CPD ማዕከል ትብብር የተዘጋጀ ሲሆን፣ ከጤና ሚኒስቴር፣ ከክልል ጤና ቢሮ፣ ከወረዳ ጤና ጽ/ቤት፣ ከሆስፒታላችን እና ከልዩ ልዩ ጤና ጣቢያዎችና ጤና ኬላዎች ባለሙያዎች ተካፍለዋል።

👉መድረኩ በStrengthening Service Delivery (SSD) Project ድጋፍ የሚከናወኑ የጤና ሥርዓት ማጠናከሪያ ሥራዎችን ለማስፋት የላቀ ሚና ኖረዋል።

31/08/2026

#ሰብአዊነት
#በጎነት #አብሮነት

🌿 የክረምት በጎ ፈቃድ ህመምተኞችን መጠየቅ!

👉የሐዋሳ ከተማ አስተዳደር የሴቶች፣ ወጣቶችና ማህበራዊ ጉዳይ መምሪያ ኃላፊ ወ/ሮ #ፍሬህይወት ወ/ጻድቅ ከመምሪያው ምክትል ኃላፊዎችና የማኔጅመንት አባላት ጋር በመሆን ዛሬ በሆስፒታላችን በመገኘት ህሙማንን ጠይቀዋል።

🤝 ይህ ተግባር የክረምት በጎ ፈቃድ አገልግሎት አካል ሲሆን፣ በሆስፒታል ህክምና እያገኙ የሚገኙ ህሙማንን በመጠየቅ፣ በማበረታታትና በመደገፍ የሰብአዊነትና የማህበራዊ ኃላፊነት
በተግባር ያሳየ ነው።

🎁 በጉብኝታቸውም ለህሙማን የሚያስፈልጉ የተለያዩ የመጠየቂያ ግብዓቶችን በመያዝ በተለያዩ የሆስፒታሉ ክፍሎች በመዘዋወር ህሙማንን ጠይቀዋል። ከህሙማንና ከቤተሰቦቻቸው ጋርም በመገናኘት የማበረታቻና የተስፋ ቃላትን አካፍለዋል።

❤️ እንዲህ ያሉ በጎ ተግባራት ለህሙማን ተስፋን ከመስጠት ባለፈ የማህበረሰብ መተሳሰብንና አብሮነትን ያጠናክራሉ።

🙏 በዚህ መልካም ተግባር፣ ለህሙማን ላሳያችሁት ፍቅርና እንክብካቤ ከልብ እናመሰግናለን!

31/08/2026

🌟 የልዩ ልዩ ግብዓቶች ድጋፍ ለ CPD ማዕከላችንን!

👉የአለታ ወንዶ አጠቃላይ ሆስፒታል የተከታታይ ሙያ ማጎልበቻ ማዕከልን (CPD) ለማጠናከር እና ለጤና ባለሙያዎቻችን የተሻለ የመማሪያና የስልጠና አካባቢ ለመፍጠር በማለም በዛሬው ዕለት JSI የልዩ ልዩ ቁሳቁሶች ድጋፍ አድርጎልናል፡፡

👉JSI ለCPD ማዕከላችን ወንበሮች፣ ኮምፒውተር፣ Smart TV እና ሌሎች አስፈላጊ ግብዓቶችን በማበርከት ለሰልጣኞቻችንና አጠቃላይ ለስልጠናው ሂደት ምቹ አካባቢ መፍጠር ተችሏል፡፡

👉ይህ ድጋፍ የጤና ባለሙያዎቻችን እውቀትና ክህሎት በቀጣይነት እንዲዳብር፣ የሙያ አቅም እንዲጎለብት እና በመጨረሻም ለማህበረሰባችን የምንሰጠውን የጤና አገልግሎት ጥራት እንዲሻሻል ትልቅ አስተዋፅኦ ያደርጋል።

💙 JSI ላደረጋችሁልን ድጋፍ ከልብ እናመሰግናለን!

አብረን የጤና ሰው ኃይላችንን እናጠናክራለን፤ የጤና አገልግሎት ጥራት እናሻሽላለን!

31/08/2026

#አለታወንዶጠቅላላሆስፒታል

👉የህጻናት አፍንጫ እና የጉሮሮ ቶንሲል ቀዶ ሕክምና ዘመቻ

👉ከዚህ ቀደም ባሳወቅነው ማስታወቂያ መሰረት የአለታ ወንዶ አጠቃላይ ሆስፒታል በዘርፉ ልምድ ካካበቱ ባለሙያ ሐኪሞች ጋር በመተባበር ለህጻናት የአፍንጫ እና የጉሮሮ ቶንሲል ቀዶ ሕክምና ዘመቻ ለማካሄድ የቅድመ ልየታ ስራዎች ሲከውን መቆየቱ ይታወሳል፡፡

👉በዚህም በርካቶች ወደ ጤና ተቋማችን በመምጣት እየተመረመሩ ሲሆን የቅደም ልየታ ስራዎች እየተሰሩ ይገኛሉ፡፡

👉ይህ ዘመቻ ሆስፒታላችን ከሩህ ከአንገት በላይ እና ቀዶ ህክምና ማዕከል ጋር በመቀናጀት የሚከወን ሲሆን ቀዶ ህክምናው ከመጪው ጳጉሜ 1 ጀምሮ የሚሰራ ይሆናል፡፡

👉 #ዶ/ር በሩህ ከአንገት በላይ እና ቀዶ ህክምና ማዕከል የአንገት በላይ ስፔሻሊስትና የጆሮ ቀዶ ህክምና ሰብስፔሻሊስት ሲሆኑ በሆስፒታላችን ለሚኖረው ዘመቻ የህክምና ቡድኑን የሚመሩት ይሆናሉ፡፡

👉በመሆኑም አሁንም በቀሩት ቀናቶች በቤታችሁ ወይም በአቅራቢያችሁ ያሉ ልጆች/ህጻናት በተደጋጋሚ ቶንሲል ኢንፌክሽን ካለባቸው ወይም በእንቅልፍ ጊዜ ማንኮራፋትና የመተንፈስ መቸገር ከታየባቸው፣ የዚህ ዘመቻ ተጠቃሚ እንዲሆን እንድታደርጉ በድጋሜ ጥሪያችንን እናስተላልፋለን፡፡

👉ተጨማሪ መረጃ፦ በሆስፒታላችን በመገኘት ማግኘት የሚችሉ ይሆናል!

ቦታ፦ አለታ ወንዶ አጠቅላላ ሆስፒታል

Aleta Wondo General Hospital

11/09/2026

11/09/2026

10/09/2026

09/09/2026

08/09/2026

04/09/2026

04/09/2026

31/08/2026

31/08/2026

31/08/2026

Address

Telephone

Website

Alerts

Contact The Organization

Shortcuts

Share

Listing takedown request