West Shoa Zone Communication

Directions

West Shoa Zone Communication Ergaa nuuf ergitaniif galatoomaa!

Gadaan Mallattoo Dimokiraasii Morkii tokko malee Aangoo Waliif dabarsanii kennanidha.Sirni Oofkaltii tumaa Gadaa Birmaji...
22/09/2026

Gadaan Mallattoo Dimokiraasii Morkii tokko malee Aangoo Waliif dabarsanii kennanidha.

Sirni Oofkaltii tumaa Gadaa Birmajii waggoottan 8 dhufaniif aangoo Gadaa Roobalee irraa fudhachuuf Godina Shawaa Lixaa bakkeewwaan adda addaatti qophii taasiisaa jira.

Kaayyoon Sirna Sagantaa Kanaas Gadaan Birmajii Gadaa Roobalee irraa Aangoo fudhachuun Waggoottan 8 itti Aanu Bulchuuf ofkaltii keessa darbaa jiraachuu ibsameera.

Imalli gara malkaa deemuun tumaa ittiin bulmaata waggoota 8 dhufanii adeemsifameera.

Gadaan Quufaa Gabbina Oofkalchi Waaq.

Imalli Karoora of danda'uu hojjetamaa jiruun Godinichi Oomisha alaa galu kan biyya keessaan bakka buusaa jira.Waggoottan...
19/09/2026

Imalli Karoora of danda'uu hojjetamaa jiruun Godinichi Oomisha alaa galu kan biyya keessaan bakka buusaa jira.

Waggoottan jijjiiramaan asitti Mootummaan Xiyyeeffannoo Qonnaaf kennameen Qonnaan Bultoonni ofirra Darbuun Oomisha isaanii gabaa biyya keessaa fi Biyya Alaaf erguun Birmadummaan dinagdee Mirkana'ee jira.

Godina Shawaa Lixaattis Qonnaan Bultoonni Godinicahaa Kilaasteraan ijaaramuun hojii hojjechaa jiraniin bu'aa qabeessa ta'anii jiru.

Godina Shawaa Lixaa aanaa Dandiitti kilaastara oomisha Qamadii Bara kana Misoome suuraan
13/09/2026

Godina Shawaa Lixaa aanaa Dandiitti kilaastara oomisha Qamadii Bara kana Misoome suuraan

Daneessummaan Walooma .Waajirri Pirojektii Qindeessaa Hirmaannaa Uummataa Hidha Haaromsaa Guddichaa Damee Oromiyaa guyy...
09/09/2026

Daneessummaan Walooma .

Waajirri Pirojektii Qindeessaa Hirmaannaa Uummataa Hidha Haaromsaa Guddichaa Damee Oromiyaa guyyaa daneessummaa sababeeffachuun maaddii qoodan

Qaammee 4, 2018 – Waajjirri pirojektii Qindeessaa Hirmaannaa Uummataa Hidha Haaromsaa Guddichaa Damee Oromiyaa Godina Shawaa Lixaa Aanaa Jalduutti guyyaa daneessummaa sababeeffachuun Namoota harka qalleeyyiif maaddii qoodaniiru.

Itti Gaafatamaan Paartii Badhaadhinaa Godina Shawaa Lixaa obbo Muluuwarqi Amanaa Badhaadhina maatii mirkaneessuuf dhaloota har'aa Dinagdeen ijaaruun tokkummaa isaa cimsuun murteessaa ta'uu himaniiru.

qaamolee hojiiwwan maaddii qooduu kanarratti hirmaatan galateeffataniiru.

Bulchaan Aanaa Jalduu obbo Badhaadhaa Dabalaa gama isaanii Qaamolee Deeggarsa taasiisan galateeffatanii Daneesummaan tokkummaa hawaasaa cimsuun injifannoo sadarkaa biyyaatti argame milkeessuu keessatti shoora ol'aanaa qabaachuu ibsaniiru.
Hawaasini deeggarsi kun taasifameefis gamnadanii jiraachuu himaniiru.

Sagantaa Maaddii Qooduu kana irratti Itti Gaafatamaan Paartii Badhaadhinaa GodinabShawaa Lixaa obbo Muluuwarqi Amanaa fi itti Gaafatamaan Waajjira Kominikeeshinii Godina Shawaa Lixaa obbo Tasfaayee Daggafaa argamaniiru.

Milkaa'inoonni Siyaasaan argaman Dinagdeen Utubamaniiru.Bulchaan itti Aanaa Godina Shawaa Lixaa obbo Abbabee Camadaa Qaa...
07/09/2026

Milkaa'inoonni Siyaasaan argaman Dinagdeen Utubamaniiru.

Bulchaan itti Aanaa Godina Shawaa Lixaa obbo Abbabee Camadaa Qaammee 2 guyyaa olka'iinsaa Sababeeffachuun Aanaa Dandiitti Waarshaa Oomisha Cuppudii ijaaramaa jiru Daawwatan.

Imalli olka'iinsa Biyyaa Siyaasaan argame Dinagdeen Utubuun guddinni waggoottan jijjiiraamaa asitti jiru Itoophiyaaf Boqqonnaa haaraa Uumeera.

Qaammee 1, 2018 Godina Shawaa Lixaa Aanaa Ejereetti manneen jireenyaa hojii tajaajila Lamummaan Qindeessummaa dhaabbat...
06/09/2026

Qaammee 1, 2018 Godina Shawaa Lixaa Aanaa Ejereetti manneen jireenyaa hojii tajaajila Lamummaan Qindeessummaa dhaabbata OSF fi Dr Ashannaafii Gaaddisaan Manni jireenyaa 7 Qarshii miliyoona 22 ijaaramee xumuramuun dabarfamee kenname.

Manni jireenyaa Kunis dhaabbata OCG,OAG,TDG,OPG,OAsG,OMG fi ,Siinqee Group,fi Mana Amantaa idil Adunyaa Waldaa Abbaa Waaqarraan ijaaramee jiraachuu ibsameera.

Bulchaan Godina Shawaa Lixaa obbo Didhaa Guddataa mootummaan Jijjiraamaa Yaadama Haaraadhaan Labsii tajaajila Lamummaa hojiirra Oolchuun Manneen harka Qalleeyyii ijaaraa jiraachuu himanii dhaabbileen kaayyoo mootummaan qabatee jiru hojiitti hiikuun hojjechuun murteessaa ta'uu himaniiru.

Oromiyaa jabduu ijaaruuf tumsi dhaabbilee Murteessaa ta'uu kaasanii dhaabbileen Amantaas nama rakkate gargaaruuf fakkeenyummaan hojjechuu akka qaban obbo Didhaan dhaamaniiru.

Itti Aanaan Dhaabbata OSF obbo Damisee Sh*ttoo gama isaaniin Dhabbanni OSF Hojiiwwaan addaa hojjechuun cinatti hojii tajaajila hawaasaa xiyyeeffannoon hojjechaa jiraachuu himaniiru.

Bulchaan Aanaa Ejeree Aadde Likkeellesh Bayii walgargaaruu Aadaa godhachuun hawasaa Rakkate cina dhaabbachuun murteessaa ta'uu himaniiri.

Namoonni Manni ijaarameefis jireenya yeroo roobaa rakkatan keessaa ba'uun manni ijaaramuu isaati gamnadanii jiraachuu himaniiru.

Yaa'iin Abbootii Seeraa Manneen Murtii Godina Shawaa Lixaa 8ffaan Haroo Wancii bakka Seenaa qabeessa Ikkoo Turizimiitti...
05/09/2026

Yaa'iin Abbootii Seeraa Manneen Murtii Godina Shawaa Lixaa 8ffaan Haroo Wancii bakka Seenaa qabeessa Ikkoo Turizimiitti gaggeeffamee jira.

Hagayya 30,2018 Godina Shawaa Lixaatti Yaa'iin Abbootii Seeraa Manneen Murtii Godina Shawaa Lixaa 8ffaan Haroo Wancii bakka Seenaa qabeessa Ikkoo Turizimiitti gaggeeffamaa jira.

"Qulqullina Kenna Tajaajilaa Abbaa Seeraa Dabaluun Amantaa Uummata ni horanna "Mata duree jedhuun yaa'ichi geggeeffamaa jira.

Pirezadaantiin Mana Murtii Ol'aanaa Godina Shawaa Lixaa obbo Dabalaa Didhaa Kenna tajaajila abbaa seerummaa si'ataa, dhaqqabamaafi haqa qabeessa ta'e hojiirra Oolchuun hojjetamaa jiraachuu himanii yaa'ichaan hanqinoota jiran addaan baasuun ciminoota raawwii hojii keessatti mul'atan itti fufsiisuun haqinoota mul'atan ammoo furuuf ta'uu himaniiru.

Daarikteera kenniinsa tajaajila Abbaaseerummaa Mana Murtii Walii galaa Oromiyaa obbo Mokkonnin Raggaasaa Hojiin ijoo Manneen Murtii Tajaajila Abbaa Seerummaa Haqa qabeessaa fi dhaqabamaa ta'e hojiirra Oolchuun Antummaan Hawaasaa ofii tajaajiluu ta'uu himaniiru.

Yaa'ii kana irrattis barreeffamni gabaabaan kenniinsa tajaajila Abbootii Seeraa ibsu dhihaatee mariinis irratti kan gaggeeffamu ta'uu ibsameera.

Xumura sagantaa kanaa irratti Badhaasaa fi beekkamtiin kan kenna ta'uu ibsameera.

Qonnaan Bultoonni Aanichaa Kilaasteraan ijaaramuun hojjechaa jiran Fayyadamoo ta'aniiru Bulchaa itti Aanaa fi itti Gaaf...
02/09/2026

Qonnaan Bultoonni Aanichaa Kilaasteraan ijaaramuun hojjechaa jiran Fayyadamoo ta'aniiru Bulchaa itti Aanaa fi itti Gaafatamaa Waajjira Qonnaa fi Lafaa Aanaa Dandii obbo Baqqalaa Damee.

Qonnaan bultoonni Godina Shawaa Lixaa Aanaa Dandii paakeejii qonnaa guututti fayyadaman callaa gaarii Abdataa jiraachuu himan.

Godinichatti birmadummaa Dinagdee mirkaneessuuf taasifamu xiyyeeffannoon hojjechuun qonnaan bulaan kilaastaraan gurmaahuun oomisha fooyyee qabu akka argatuuf hojii hojjatamaa jiru bu’aa qabeessa ta'uu ibsameera.

Itti Aanaa Bulchaa fi itti Gaafatamaan Waajjira Qonnaa fi Lafaa Aanaa Dandii obbo Baqqalaa Damee bara kana Aanichatti Oomisha adda addaa lafa heektaara kuma 44 ol Oomishuuf xiyyeeffannoon kennamee hojjetamaa jiruun Callaan kutaala Miliyoona 1 fi kuma 700 ol sassaabuuf karoorfamee hojjetamaa jiraachuu ibsaniiru.

Qonnaan Bultoonni Paakeejii guutuu Fayyadamuun hojjechaa waan jiraniif Oomisha bara kanaa irraa Callaa gaarii akka argataniif deeggarsi adda addaa qonnaan Bultootaaf kennamaa jiraachuu ibsaniiru.

Qonnaan Bultoonni Aanichaa Kilaasteraan ijaaramuun Oomisha isaanii Oomishaa jiranis Bara Kana Callaa gaarii argachuuf Oosha isaanii kunuunfachaa jiraachuu himaniiru.

Hojii Kenna Tajaajila Lammummaan Barattoota Harkaa qalleeyyiifi Maatii Harka Qalleeyyii 150 ta'aniif Deeggarsi akaakuu ...
31/08/2026

Hojii Kenna Tajaajila Lammummaan Barattoota Harkaa qalleeyyiifi Maatii Harka Qalleeyyii 150 ta'aniif Deeggarsi akaakuu garaagaraa Qr 8,000,000 tilmaamamu taasifame.

Godina Shawaa Lixaa Aanaa Ejereetti,hojii tajaajjila lammummaan harka qalleeyyiif deggarsi gosa garaagaraa hirmaannaa Biiroo Qonnaa Oromiyaan, bakka I/G Biiroo Qonnaa Oromiyaa Obbo Geetuu Gammachuu, Bulchaa Godina Shawaa Lixaa Obbo Didhaa Guddataa, Bulchaa Aanaa Ejeree Aadde Likkeellesh Bayiifi Koree qindeessituu Aanaa Ejeree argamanitti, taasifame



I

Bosona Jibaat Paarkii Biyyaaleessaa .Dachee Qabeenya Uumamaan Badhaate Godina Shawaa Lixaa.Godinni Shawaa Lixaa qabeenya...
31/08/2026

Bosona Jibaat Paarkii Biyyaaleessaa .
Dachee Qabeenya Uumamaan Badhaate Godina Shawaa Lixaa.

Godinni Shawaa Lixaa qabeenya uumamaa fi iddoowwan seenaa qabeessa hedduun kan badhaatedha. Qabeenyi godinichaa aanaalee itti argamu keessaa aanaan Jibaat isa tokko.

Aanaan Jibaat bakkeewwaan hawwata turizimiitiif oolaan uumaman badhaadhaan hedduu qabdu keessaa: kanneen akka ardaa jilaalee, dhagaa Tuullaa katar, Fincaawwaan akka fincaa'aa Gaattiraa, Faalleefi Leemman, Bosonoota gurguddoo Akka Bosona Jibaatiifi Asaasaa, Laaftoo Libaniifi kanneen biroon hedduudha. Isaan kanneen keessaa har'aaf waa'ee Bosona hamma tokko jabaa isiniin jenna.

Bosonni Jibaat Godina Shawaa Lixaa Aanaa Jibaat Magaalaa Shanan irraa km 8 fagaatee kan argamudha. Bosonni jibaat lafa iskuweer kiilomeetirii 12,000 ol uffisee kan argamuufi gosoota biqiloota garaagaraa 66 ol of keessaa qabaachuu isaa odeeffanneerra.

Kana malees bosonni kun akka madda tuuriziimiitti taajajila kennuun cinaatti bakka jireenya bineensoota gurguddoofi kanneen lafarra lohaan mukeenirra jiraatanfi kanneen biroollee ta'ee tajaajila jira.

Akkasumas yeroo dhiyoo asitti cinaa bosonichaatti dargaggoonniifi hawaasni muraasni gaagura aadaafi ammayyaa hidhuun damma irraa oomishamaa jiraachuus ibsameera.

Bosonni jibaat hedduu bal'aafi faayidaa hedduus akka qabu ibsmeen bosonni jibaat Roobaa gahaa naannoo sanaafi akka biyyaatti uumuun cinatti madda bishaan dhugaatii qulqulluu hawaasni jibaatiifi naannooshe hedduun irraa fayyadamaniiti.

Bosonni Jibaat Godina Shawaa Lixaa keessatti kan argamu aanaalee godina Shawaa Lixaa afur Daannoo, Noonnoo, Jibaat fi Liiban Jaawwii keessatti kan argamuudha.

Kana malees Bosonni Jibaat Bishaan hedduu qulqulluufi dhandhama gaarii of keessa qabuus waan keessaa burquuf Bishaan filatamaa fi uumamaan argamudha.
Paarkiin Biyyaaleessaa Bosona jibaat Misoomsinaan Dinagdeen of danda'uun Milkaayina Badhaadhinati.

Address

Ambo

Website

Alerts

Be the first to know and let us send you an email when West Shoa Zone Communication posts news and promotions. Your email address will not be used for any other purpose, and you can unsubscribe at any time.

Shortcuts

Share

Category