Bahirdar Zuria Communication

Directions

Bahirdar Zuria Communication 07448

አለም አቀፍ የታዳጊ ሴቶች ቀን ተከበረበሰሜን ጎጃም ዞን በባህር ዳር ዙሪያ ወረዳ አለም አቀፍ የታዳጊ ሴቶች ቀን "የታዳጊ ሴት ልጆች ህልም የኢትዮጵያ የነገ ተስፋዎች" በሚል መሪ ቃል በአለ...
09/10/2026

አለም አቀፍ የታዳጊ ሴቶች ቀን ተከበረ

በሰሜን ጎጃም ዞን በባህር ዳር ዙሪያ ወረዳ አለም አቀፍ የታዳጊ ሴቶች ቀን "የታዳጊ ሴት ልጆች ህልም የኢትዮጵያ የነገ ተስፋዎች" በሚል መሪ ቃል በአለም ለ14ኛ ጊዜ፣በሀገራችን ለ9ኛ ጊዜ ፣በዞንና በወረዳ ለ2ኛ ጊዜ በፊታውራሪ ሀብተማርያም ሁለተኛ ደረጃ ትምህርት ቤት በአስተማሪ ድራማ ና በፓናል ውይይት ተከብሯል።

በእለቱ የዞንና የወረዳ አመራሮች፣መምህራን እና ተማሪዎች ተገኝተዋል ።

የበአሉ ዋና አላማ ጾታዊ ጥቃትን ፣የልጅነት ጋብቻን ፣ የሴት ልጅ ግርዛትን አጠቃላይ በሴት ልጆች ላይ የሚደርሱ ጎጅ ልማዳዊ ድርጊቶችን ለመከላከልና የታዳጊ ሴቶችን መብት ለማስከበር ያለመ ነው።

በእለቱ ለታዳጊ ሴት ተማሪዎች የትምህርት ቁሳቁስ እና የንጽህና መጠበቂያ ቁሳቁስ ተበርክቶላቸዋል።

የአገልግሎት አሰጣጥን በማሻሻል ከእንስሳት ዘርፍ የሚገኘውን ምርት ማሳደግ እንደሚገባ ተገለጸየባህር ዳር ዙሪያ ወረዳ እንስሳትና ዓሳ ሀብት ልማት ጽ/ቤት የ2018 እቅድ አፈጻጸም ግምገማ እና...
08/10/2026

የአገልግሎት አሰጣጥን በማሻሻል ከእንስሳት ዘርፍ የሚገኘውን ምርት ማሳደግ እንደሚገባ ተገለጸ

የባህር ዳር ዙሪያ ወረዳ እንስሳትና ዓሳ ሀብት ልማት ጽ/ቤት የ2018 እቅድ አፈጻጸም ግምገማ እና የ2019 እቅድ ትውውቅ የወረዳ አመራሮች፣ የጽ/ቤቱ ሰራተኞች፣የቀበሌ ግብርና ጽ/ቤት ሀላፊወች፣የቀበሌ የእንስሳት ጤና ባለሙያወች እና የእንስሳት እርባታ ባለሙያወች በተገኙበት ተካሂዷል ።

በጽ/ቤቱ የእንስሳት ጤና ቡድን መሪ የሆኑት አቶ ንብረት ሽባባው በተጠናቀቀው በጀት አመት የእንስሳትን ጤና ለመጠበቅ 585ሺ 845 እንስሳትን የክትባት አገልግሎት አግኝተዋል ብለዋል።

በ2018 በጀት አመት በወረዳው 350,332 ለሚሆኑ እንስሳት የቅድመ መከላከል ህክምና ማግኘታቸውን የገለጹት ቡድን መሪው 268ሺ 461ለሚሆኑ የተለያዮ እንስሳት የፈውስ ህክምና ማግኘታቸውን ገልጸዋል ።

የባህር ዳር ዙሪያ ወረዳ እንስሳትና ዓሳ ሀብት ልማት ጽ/ቤት የእንስሳት እርባታ ቡድን መሪ የሆኑት ወ/ሮ የዝና አንለይ በበኩላቸው በ2018 በጀት አመት የእንስሳት ተዋጽኦ ምርቶችን ለማሻሻል በተሰራው ስራ 38ሺ256 ቶን የወተት ምርት፣12,392 ቶን የስጋ ምርት፣1388ቶን የዓሳ ምርት እንዲሁም 117,170 የቆዳና ሌጦ ምርት መገኘቱን ገልጸዋል።

የባህር ዳር ዙሪያ ወረዳ እንስሳትና ዓሳ ሀብት ልማት ጽ/ቤት ሀላፊ የሆኑት ወ/ሮ አያልነሽ አዱኛ በተጠናቀቀው በጀት አመት የተለያዮ መኖዎች እንዲመረቱ በማድረግ አርሶአደሮችን ተጠቃሚ ማድረግ መቻሉን ገልጸዋል።

በ2018 ዓ.ም 134ሺ የዓሳ ጫጩቶችን በኩሬ በሀይቅና በግድቦች መጨመሩን ገልጸው 4 የዶሮ ማህበር የማቋቋም ፣295 ለሚሆኑ ሴቶች ወጣቶችና አካል ጉዳተኞች የስራ እድል የመፍጠር፣የእንስሳት ዝርያ ማሻሻል ስራዎች፣የማር ምርትና እና ሌሎችም ተግባራት ተከናውነዋል ብለዋል።

የተለያዮ እንስሳት ዝርያዎች ላይ በተሰራው ሰፊ ስራ የማህበረሰቡን የአመጋገብ ስርአት ማሻሻል መቻሉን የገለጹት ወ/ሮ አያልነሽ ቀበሌዎችን ሙሉ በሙሉ ተደራሽ አለማድረግ፣የሰው ሀይል ችግር እና የግብአት አቅርቦት ችግሮች እንደነበሩ ገልጸዋል።

በ2019 በጀት አገልግሎት አሰጣጡን በማሻሻል አደረጃጀቶችንና ክላስተሮችን በመጠቀም የእንስሳት ዘርፉን ለማዘመን ወደ ስራ መገባቱን የገለጹት ወ/ሮ አያልነሽ የመኖ ልማት፣የስራ እድል ፈጠራ ፣የእንስሳት ማድለብ፣የንብ አምባ መፍጠር ላይ በትኩረት ይሰራል ብለዋል።

የባህር ዳር ዙሪያ ወረዳ አስተዳዳሪ የሆኑት አቶ ተመስገን ደጋረገ ባህር ዳር ዙሪያ ወረዳ ለእንስሳት ሀብት ልማት ተስማሚ ወረዳ ቢሆንም ማህበረሰቡ ከዘርፉ በሚፈለገው መንገድ ተጠቃሚ በማድረግ በኩል ውስንነቶች አሉ ብለዋል።

በወረዳው የሌማት ትሩፋት በስፋት እየተሰራ ነው ያሉት አቶ ተመስገን ክላስተሮችን በመጠቀም የእንስሳት ምርትና ምርታማነትን በማሳደግ ከዘርፉ ህብረተሰቡን ተጠቃሚ ለማድረግ መስራት ያስፈልጋል ብለዋል።

ጠቅላይ ሚኒስትር ዐቢይ አሕመድ (ዶ.ር) ለተለያዩ የሥራ ኀላፊዎች ሹመት ሰጡ። ጠቅላይ ሚኒስትር ዐቢይ አሕመድ (ዶ.ር) ከዛሬ ጀምሮ ለተለያዩ የሥራ ኀላፊዎች ሹመት ሰጥተዋል። 1. አቶ አ...
08/10/2026

ጠቅላይ ሚኒስትር ዐቢይ አሕመድ (ዶ.ር) ለተለያዩ የሥራ ኀላፊዎች ሹመት ሰጡ።

ጠቅላይ ሚኒስትር ዐቢይ አሕመድ (ዶ.ር) ከዛሬ ጀምሮ ለተለያዩ የሥራ ኀላፊዎች ሹመት ሰጥተዋል።

1. አቶ አደም ፋራህ በምክትል ጠቅላይ ሚኒስትር ማዕረግ የዴሞክራሲ ሥርአት ግንባታ አሥተባባሪ

2. አምባሳደር በትረ መንግሥቱ የጠቅላይ ሚኒስትር ጽሕፈት
ቤት ኀላፊ እና የካብኔ ጉዳዮች ሚኒስትር

3. ወይዘሮ እናትዓለም መለስ የመንግሥት ኮሙዩኒኬሽን አገልግሎት ሚኒስትር

4. አቶ ፍቃዱ ተሰማ የመንግሥት ዋና ተጠሪ ሚኒስትር

የሕዝብ ተወካዮች ምክርቤት 22 የካቢኔ አባላትን ሹመት አፀደቀ!የሕዝብ ተወካዮች ምክር ቤት በ7ኛ የስራ ዘመን 1ኛ መደበኛ ስብሰባው በጠቅላይ ሚኒስትር ዐቢይ አሕመድ (ዶ/ር) የቀረቡ 22 የ...
08/10/2026

የሕዝብ ተወካዮች ምክርቤት 22 የካቢኔ አባላትን ሹመት አፀደቀ!

የሕዝብ ተወካዮች ምክር ቤት በ7ኛ የስራ ዘመን 1ኛ መደበኛ ስብሰባው በጠቅላይ ሚኒስትር ዐቢይ አሕመድ (ዶ/ር) የቀረቡ 22 የካቢኔ አባላትን ሹመት መርምሮ አጽድቋል።

በዚህ መሠረት፦

1. ፍጹም አሰፋ (ዶ/ር) የገንዘብ ሚኒስትር፣

2. ፕሮፌሰር ብርሃኑ ነጋ የትምህርት ሚኒስትር ፣

3. አቶ አዲሱ አረጋ የግብርና ሚኒስትር፣

4. አቶ መሐመድ እድሪስ የመከላከያ ሚኒስትር፣

5. ጌዲዮን ጢሞቲዮስ (ዶ/ር) የውጭ ጉዳይ ሚኒስትር፣

6. ሀብታሙ ኢተፋ (ዶ/ር) የውኃ እና ኢነርጂ ሚኒስትር፣

7. ወ/ሮ ሃና አርአያ ሥላሴ የፍትሕ ሚኒስቴር፣

8. ፍስሐ ይታገሱ (ዶ/ር) የኢንዱስትሪ ሚኒስትር፣

9. ወ/ሮ ያስሚን ወሀቢረቢ የንግድ እና ቀጣናዊ ትሥሥር ሚኒስትር፣

10. አቶ አወሉ አብዲ የሥራ እና ክህሎት ሚኒስትር፣

11. ወ/ሮ ሸዊት ሻንካ የሴቶች እና ማኅበራዊ ጉዳይ ሚኒስትር፣

12. አቶ ሙሳ አደም የሰላም ሚኒስትር፣

13. ፍሬሕይወት ታምሩ የኢኖቬሽን እና ቴክኖሎጂ ሚኒስትር፣

14. ዓለምፀሐይ ጳውሎስ የማዕድን ሚኒስትር፣

15. ኢንጂነር ሙሐመድ አብዱራህማን የከተማ እና መሠረተ ልማት ሚኒስትር፣

16. አቶ ሳዳት ነሻ የሎጂስቲክስ ሚኒስትር፣

17. አቶ በረከት ፍስሐፅዮን የብሔራዊ ስትራቴጂ ሚኒስትር፣

18. ወ/ሮ ዓይናለም ንጉሤ የገቢዎች ሚኒስትር፣

19. ዶ/ር መቅደስ ዳባ የጤና ሚኒስቴር፣

20. ወ/ሮ ሰላማዊት ካሳ የባሕልና ቱሪዝም ሚኒስቴር፣

21. ሱልጣን ወሌ (ዶ/ር ኢንጂነር) የመስኖ እና ቆላማ አካባቢዎች ሚኒስትር፣

22. (ዶ/ር) አክሊሉ ታደሰ የወጣቶችና ስፖርት ሚኒስቴር ሆነው ተሹመዋል።

በሰሜን ጎጃም ዞን በባህርዳር ዙሪያ ወረዳ ብልፅግና ሴቶች ክንፍ ጽ/ቤት ህብረት የ1ኛ ሩብ ዓመት የህብረት ኮንፈረንስ እየተካሄደ ነው።
07/10/2026

በሰሜን ጎጃም ዞን በባህርዳር ዙሪያ ወረዳ ብልፅግና ሴቶች ክንፍ ጽ/ቤት ህብረት የ1ኛ ሩብ ዓመት የህብረት ኮንፈረንስ እየተካሄደ ነው።

በሰሜን ጎጃም ዞን በባህርዳር ዙሪያ ወረዳ "ጠንካራ የህብረት አደረጃጀት፣ለጠንካራ ፖርቲ መሠረት ነው" በሚል መሪ ቃል የባህርዳር ዙሪያ ወረዳ ብልፅግና ፓርቲ ቅርንጫፍ ጽ/ቤት የ2019 በጀት...
07/10/2026

በሰሜን ጎጃም ዞን በባህርዳር ዙሪያ ወረዳ "ጠንካራ የህብረት አደረጃጀት፣ለጠንካራ ፖርቲ መሠረት ነው" በሚል መሪ ቃል የባህርዳር ዙሪያ ወረዳ ብልፅግና ፓርቲ ቅርንጫፍ ጽ/ቤት የ2019 በጀት አመት የ1ኛ ሩብ ዓመት የመንግስት ሰራተኛ አባላት የህብረት ኮንፈረንስ እየተካሄደ ነው።

"የገፏትን የጣለች፣ የነኳትን ያቃጠለች" ጀግንነት አጽንቷታል፣ አንድነት ጠብቋታል፣ ጽናት አቁሟታል፣ ከዓለት የጠነከረች፣ ከውቅያኖስ የጠለቀች አድርጓታል። አንድነት ጠላቶቿን ሁሉ ድል ነስቶላ...
06/10/2026

"የገፏትን የጣለች፣ የነኳትን ያቃጠለች"

ጀግንነት አጽንቷታል፣ አንድነት ጠብቋታል፣ ጽናት አቁሟታል፣ ከዓለት የጠነከረች፣ ከውቅያኖስ የጠለቀች አድርጓታል። አንድነት ጠላቶቿን ሁሉ ድል ነስቶላታል፣ በኩራት አኑሯታል፣ በአሸናፊነት አዝልቋታል።

እርሷ ጠላቶች የማይችሏት፣ የጦር ፍላጻዎች የማያሸብሯት፣ የጠላት ጋጋታ የማያስደነግጣት፣ ለድል የተፈጠረች፣ በድል የኖረች፣ ለአሸናፊነት የተመረጠች፣ በድል ጎዳና ለዘመናት የተጓዘች፣ በጠላቶቿ ላይም ብርቱ የኾነች ብርቱዎች የሚኖሩባት፣ ጀግኖች የሚፈጠሩባት፣ ልበ ሙሉዎች የሚጠብቋት እመቤት ናት።

የገፏትን የጣለች፣ የነኳትን ያቃጠለች፣ የተዳፈሯትን የቀጣች፣ አንገታቸውን ያስደፋች፣ አፈር እና ትቢያ ያደረገች የጀግኖች ምድር፣ የአናብስቱ ሀገር ናት ኢትዮጵያ።

ትናንት በጠላትነት የተነሱባትን ጥላቸዋለች፤ የጀግንነት ልኳን አሳይታቸዋለች፤ ዛሬም የሚነሱባትን እየቀጣቻቸው ነው፣ ነገም የሚነሱባትን ትቀጣለች፣ እርሷ ሌሎችን አትነካም፣ ከነኳት ግን አትታገስም። ስለ ምን ቢሉ ክብሯን የሚነካባት፣ ነጻነቷን በክፉ ዐይን የሚመለከትባት አትሻምና።

ጠቅላይ ሚኒስትር ዐቢይ አሕመድ (ዶ.ር) በመደመር መንግሥት ምሥረታ ላይ ባስተላለፉት መልዕክት ያለፉት ዓመታት ጉዟችን እንደ ኮሪደር የተስተካከለ፣ እንደ ወንዝ ዳር ልማት ያማረ አልነበረም፣ ብዙ ፈተናዎችን አልፈናል ይላሉ።

የኢትዮጵያ ለውጥ ያስደነገጣቸው አካላት በክፉ ዐይናቸው ያዩን ጀመር፣ ይህች ሀገር እንዴት እንደተነሳች፣ ለምን እንደተነሳች፣ የት ለመድረስ እንደተነሳች ገብቷቸዋል፤ ዋርካ ከኾነች በኋላ አንችላትም ብለው ሰጉ፤ ባልበላው ጭሬ ላፍስሰው በሚለው የደካማዋ ዶሮ መንገድ ተነሱ ነው ያሉት።

ዘሩ ከመብቀሉ በፊት፣ ቡቃያው ከማፍራቱ አስድሞ፣ ሰብሉ ደርሶ መታጨድ ሳይጀምር ማጨናገፍ አለብን ብለው ተንቀሳቀሱ፣ ከሮጠች አንይዛትም ብለው የመጨረሻውን ጥይታቸውን መተኮስ ጀመሩ ይላሉ።

በዓዳ እና ባንዳ ለእኩይ ዓላማ ተባበሩ፣ የውጭ ላኪ እና የውስጥ ተላላኪ ተቀናጅተው ተነሱ፣ ሀገር ሻጭ እና ሀገር በታኝ ቀብድ ተቀባበሉ፤ ብዙ ሞከሩ፣ ብዙ ፈተኑን፣ ብዙ ደከሙ፣ ብዙ ተሟሟቱ፣ በነጠላም በድርብም ታገሉን፣ በግንባርም በሚዲያም፣ በሰይፍም በሰልፍም፣ በውሸትም በሀሜትም፣ በተንኮልም፣ በሽረባም ባገኙት የትግል ሜዳ ሁሉ ከጉዟችን ሊያደናቅፉን መከራቸውን አዩ ኢትዮጵያን ግን አልቻሏትም፤ አይችሏትም ነው ያሉት።

ውድቀቷን ሲመኙ ትነሳለች፣ ድክመቷን ሲናፍቁ ጠንክራ ትወጣለች፣ ተበተነች አለቀላት ብለው ሳይጨርሱ ተሠብሥባ ትገኛለች፣ የኢትዮጵያ ነገር ትንግርት ነው ይላሉ።

ኢትዮጵያችን መወየቧን ለጠበቁ ፍካቷን፣ ድህነቷን ለሚሹ ዕድገቷን፣ አዝጋሚ እርምጃዋን ለጠበቁ ፈጣን ሩጫዋን እያሳየች፣ ከታሪክ መሰረዟን ሲጠብቁ ታሪክ እየሠራች ወደፊት ትቀጥላለች ነው ያሉት።

ኢትዮጵያ በቀጣናው ዋና ሀገር መኾኗ ብቻ ሳይኾን በቀጣናው ጉዳይ ላይ የምትወስን መኾኗን፣ በሰዎች ችሮታ ሳይኾን በሥራዋ ታረጋግጣለች ይላሉ። ኢትዮጵያ ፎክረው እንደሚገዙ ሳይኾን፣ ተጋድለው ነጻነታቸውን እንደሚያስከብሩ ድንቅዬ የጀግኖች ሀገር ዳግም ፍላጎቶቿን በራሷ መንገድ ታረጋግጣለች ነው የሚሉት።

ጠላቶች ኢትዮጵያን የማፍረሱ ጉዳይ ቅዠት ኾኖባቸዋል፤ ኢትዮጵያ አትፈርስም፣ የአፍሪካ ቀንድንም ይዛ እንደምትነሳ እናረጋግጥላችኋለን ነው ያሉት።

እርሷ ታላቅ ሀገር ናት ታላቅ ታሪክ ያላት፤ እርሷ የጸናች ሀገር ናት የጸና ሕዝብ ያለባት። ጸንታ እንደኖረች ጸንታ ትኖራች። በጀግኖች ልጆቿም ትጠበቃለች።

!
!🇪🇹

በወረዳው የ2019 ዓ.ም በጀት 1.3 ቢሊየን ሆኖ ጸደቀ የባህር ዳር ዙሪያ ወረዳ ምክርቤት 4ኛ ዙር 14ኛ ዓመት 35ኛ መደበኛ ጉባኤውን አካሂዷል።በእለቱ የባህር ዳር ዙሪያ ወረዳ ምክር ቤት...
06/10/2026

በወረዳው የ2019 ዓ.ም በጀት 1.3 ቢሊየን ሆኖ ጸደቀ

የባህር ዳር ዙሪያ ወረዳ ምክርቤት 4ኛ ዙር 14ኛ ዓመት 35ኛ መደበኛ ጉባኤውን አካሂዷል።

በእለቱ የባህር ዳር ዙሪያ ወረዳ ምክር ቤት ጽ/ቤት እና አስተዳደር ምክርቤት የ2018 የስራ አፈጻጸምና የ2019 እቅድ እንዲሁም የ2018 የኦዲት ሪፓርትና የ2019 በጀት ቀርቦ የምክር ቤት አባላት እና ጥሪ የተደረገላቸው የተለያዮ የህብረተሰብ ክፍሎች ጥያቄዎችን አንስተዋል ።

ከቀረቡት ጥያቄወች መካከል የመሬት የአገልግሎት አሰጣጥ ችግር ፣የአርሶአደሮች የግብርና ግብአት አቅርቦት ችግር፣የእንስሳት ዘርፍ ትኩረት አለመስጠት፣የነዳጅ እጥረት፣የመሰረተ ልማት ችግሮች፣ለአካል ጉዳተኞች የሚሰጠው ትኩረት አነስተኛ መሆኑ እና ሌሎችም ጥያቄዎች ተነስተው በስራ ሀላፊወች ምላሽ ተሰጥቶባቸዋል።

የባህር ዳር ዙሪያ ወረዳ ገንዘብ ጽ/ቤት ሀላፊ አቶ ወንዳለ ምስክር የወረዳውን የ2018 ኦዲት ሪፓርት እና የ2019 ዓ.ም በጀት ሪፓርት ያቀረቡ ሲሆን የ2019 አጠቃላይ በጀት 1, 369,318,892(አንድ ቢሊየን ሶስት መቶ ስልሳ ዘጠኝ ሚሊየን ሶስት መቶ አስራ ስምንት ሺ ስምንት መቶ ዘጠና ሁለት) ብር ሆኖ ጸድቋል።

ከጸደቀው ብር ውስጥ 809,439,178 ብር ለደመወዝ፣52,370,743 ብር ለግዴታ ወጭ፣12,216,000ብር ለመደበኛ ስራ ማስኬጃ፣35,943,044 ብር ለካፒታል ፣5,516,827 ብር እርዳታና ብድር፣135,999,826 ህብረተሰብ ተሳትፎ፣258,873,143ብር ለጤና ጣቢያወች የውስጥ ገቢ፣7,169,777 የሁለተኛ ደረጃ ት/ቤት የውስጥ ገቢ፣51,789,954 ብር ማዘጋጃ ቤት የውስጥ ገቢ ሆኖ ተመድቧል ብለዋል።

የባህር ዳር ዙሪያ ወረዳ አስተዳዳሪ አቶ ተመስገን ደጋረገ በተያዘው አመት የህግ የበላይነትን ማስከበር፣አምራች ኢንዱስትሪውን እና ዘመናዊ ግብርና ማስፋፋት ፣የአገልግሎት አሰጣጥን ማሻሻል ፣መልካም አስተዳደርና ሰላምን ማረጋገጥ፣የመሰረተ ልማቶችን ማስፋፋት፣ስራ እድል ፈጠራ እንዲሁም በሁሉም መስኮች ህዝቡን ተጠቃሚ ለማድረግ በትኩረት ይሰራሉ ብለዋል።

የባህር ዳር ዙሪያ ወረዳ ዋና አፈ ጉባኤ የተከበሩ አቶ ቡቃያው ነጮ በወረዳው በ2018 ዓ.ም በግብርና፣በጤና፣በትምህርት፣በመንገድ ፣በውሃና በሌሎችም ዘርፎች የተለያዮ መሰረተ ልማቶች የተገነቡበትና ህብረተሰቡ ተጠቃሚ የሆነበት ነው ብለዋል።

የምክርቤት አባላት የህዝብ ውክልናቸውን በአግባቡ በመወጣት የተጀመሩና የሚከናወኑ ተግባራትን በመከታተልና በመደገፍ የበኩላቸውን መወጣት አለባቸው ያሉት አቶ ቡቃያው መልካም አስተዳደር በማስፈን ፣ብልሹ አሰራርን በመከላከልና የአገልግሎት አሰጣጥን በማሻሻል በትኩረት ልንሰራ ይገባል ብለዋል።

በሰሜን ጎጃም ዞን በባ/ዳር ዙሪያ ወረዳ በወንዳጣ ቀበሌ "ምግቤን በጓሮየ "በሚል በባርማ ጋርደን የአትክልት እና ፍራፍሬ ልማት የገበሬ በዓልና የልምድ ልውውጥ ተካሂዷል።
06/10/2026

በሰሜን ጎጃም ዞን በባ/ዳር ዙሪያ ወረዳ በወንዳጣ ቀበሌ "ምግቤን በጓሮየ "በሚል በባርማ ጋርደን የአትክልት እና ፍራፍሬ ልማት የገበሬ በዓልና የልምድ ልውውጥ ተካሂዷል።

06/10/2026

‎የ2019 ዓመት ዕቅድ የኢትዮጵያን ብሔራዊ ጥቅሞች የሚያስከብር ነው።

የሕዝብ ተወካዮች ምክር ቤት እና የፌዴሬሽን ምክር ቤት የጋራ ሥብሠባ ተካሂዷል። በሁለቱ ምክር ቤቶች የጋራ ሥብሠባ መክፈቻ መርሐ ግብር ላይ የኢፌዴሪ ፕሬዝዳንት ታዬ አጽቀሥላሴ ንግግር አድርገዋል።

በዚህም የተያዘውን የ2019 በጀት ዓመት የትኩረት አቅጣጫን አብራርተዋል። የትኩረት አቅጣጫው የኢትዮጵያን ብሔራዊ ጥቅሞችን ይበልጥ የሚያስከብር እና ፈጣን ዕድገቷን የሚያረጋግጥ መኾኑን ገልጸዋል።

ዕቅዱን እውን ለማድረግም አዳዲስ አሠራሮችን እና አደረጃጀቶችን መከተል ከምንጊዜውም በላይ አስፈላጊ እንደኾነ ነው ያመላከቱት።

የ2019 ዕቅድን ለመፈጸም የሚመደቡ አካላት የሕዝብን ፍላጎት ያስቀደሙ፣ የዛሬን እና የወደፊት ራዕያችንን ጭምር የሚመለከቱ፣ ጊዜን እንደ አንጡራ ሀብት የወሰዱ እና ፋይዳውንም ከፍ አድርገው የሚረዱ፣ የዋዛ ፈዛዛ ልምምድን የሚጠየፉ እና ትጋት ያላቸው ሀገራዊ አገልጋዮች እንዲኾኑ ይጠበቃል ብለዋል።

እንደ ፕሬዝዳንቱ ገለጻ የበጀት ዓመቱ ዋና ትኩረቶች፦

👉ሰላም ለኢትዮጵያ ዕድገት እና ግስጋሴ ያለውን ዋጋ ያጤነ እና ከመቸውም ጊዜ የበለጠ ኅብረትን፣ ትብብርን እና ኢትዮጵያን የሚያስቀድም ተግባር ኾኖ የሚከናወን ይኾናል።

👉ጥራትን መሠረት ያደረገ ሁለንተናዊ እና መዋቅራዊ ሽግግር እንዲኖር ይደረጋል።

👉የፕሮጀክት እና የፕሮጀክት ፋይናንስ አፈጻጸም ዘመናዊ፣ ቀልጣፋ እና ተጠያቂነት ያለው እንዲኾን ይሠራል።

👉የታክስ መሠረትን በማዘመን እዳን በሚገባ መልኩ ማሥተዳደር እንዲሁም የመንግሥት ወጭ እና ገቢን በአግባቡ የመቆጣጠር አቅም ያድጋል።

👉በፌዴራል እና በክልሎች መካከል ያለው የሥራ ቅንጅት እና አፈጻጸም የተባበረ፣ የተደጋገፈ፣ ቀልጣፋ እና እንከን አልባ እንዲኾን ይደረጋል።

👉የኢትዮጵያን የውጭ ግንኙነት ከተቀባይነት ወደ ተጽዕኖ ፈጣሪነት የሚያሻግር በተለይም ወዳጆችን በማበረታታት የሚተጋ የደመኝነት ዕይታ ያላቸውን ደግሞ የሚመክር፣ ለቀጣናዊ ሰላም እና ኢኮኖሚያዊ ትስስር ምንጊዜም ቅድሚያ የሚሰጥ፣ ተነሳሽነቶች ያሉት እና ዓለም አቀፍ ተቀባይነታችን የሚያሳድግ ይኾናል ብለዋል።

!
!🇪🇹

#አሚኮ #ኢትዮጵጵያ🇪🇹



ዘጋቢ፦ ሮዛ የሻነህ

የአሚኮ ዲጂታል ሚዲያ ቤተሰብ ይሁኑ!

Address

Bahir Dar

Website

Alerts

Be the first to know and let us send you an email when Bahirdar Zuria Communication posts news and promotions. Your email address will not be used for any other purpose, and you can unsubscribe at any time.

Shortcuts

Share

Category