Bahirdar Prosperity Party /

04/10/2026

ትልቅ ሀገር፡ ትልቅ ሕዝብ፡ ታላቅ ርእይ

በዴሞክራሲያዊ ስርዓት በህዝብ አብላጫ ድምፅ ይሁንታ ያገኘው የመደመር መንግሥት ነገ መስከረም 25/2019 ዓ.ም ይመሰረታል።

አዲሱ የመደመር መንግሥት ኢትዮጵያን የብልፅግና ተምሳሌት የማድረግ ታላቅ ርዕይ ባለፉት ዓመታት ያስመዘገባቸውን ግዙፍ ስኬቶች በማስቀጠል ገቢራዊ ያደርጋል።

በሰባተኛው ጠቅላላ ምርጫ ለህዝብ የገባቸውን ቃሎች በታላቅ ቁርጠኝነት ይተገብራል። የህዳሴ ግድብ ምርቃትን ተከትሎ የተበሰሩ ሰባቱ የጉባ ብስራቶችን በተያዘላቸው የጊዜ ገደብ በመፈፀም ህዝብ የመደመር ፍሬዎችን እንዲቋደስ ይደረጋል።

በብልፅግና ፓርቲ የሚመራው የመደመር መንግሥት በሀገራዊ ምክክር ጉባኤ በህዝብ የተሰጡ ምክረ ሀሳቦችን በየፈርጃቸው እንዲተገበሩ በማድረግ የህዝብን አደራ በሚገባ ይወጣል።


•~•
🕊ሰላም ለሁሉም፤ ሁሉም ለሰላም🕊

~~~
ፌስቡክ
👇
https://www.facebook.com/BDRPP?mibextid=ZbWKwL
ዩቲዩብ
👇መመ
https://youtube.com/
ቲውተር
👇
https://twitter.com/BahirCity?t=xZ07bo_fWJ37tXn6zjQ1Lw&s=09
ቴሌግራም
👇
https://t.me/bdr_prosperty_partyተ

04/10/2026

ለሀገር መከታ ለሆነው የፀጥታ ኃይል ደጀን መሆን ይገባል

የባሕርዳር ከተማ ምክትል ከንቲባ አቶ አስሜ ብርሌ

መስከረም 24/2018 ዓ.ም :- ባሕርዳር

የባሕርዳር ከተማ አስተዳደር ከፖለቲካ ፓርቲዎች፣ ከማኅበራዊ ሚዲያ አንቂዎች፣ ከሀገር በቀል ድርጅቶች (ዕድርና ዕቁብ) እንዲሁም ከሴቶች የልማት ሕብረት መሪዎች ጋር በወቅታዊ የሰላምና ጸጥታ ጉዳዮች ዙሪያ የውይይት መድረክ አካሄደ።

በመድረኩ ላይ የተገኙት የባሕርዳር ከተማ ምክትል ከንቲባ አቶ አስሜ ብርሌ እንደገለጹት፣ ኢትዮጵያ በታሪኳ የውስጥና የውጭ ጠላቶች በተደጋጋሚ የከፈቱባትን የጦርነት አዙሪት በጽናት አልፋለች። ሀገሪቱም በማትበገር ማንነቷ ችግሮችን እየተሻገረች፣ ሕዝቦቿንም በልማት ተጠቃሚ እያደረገች ትገኛለች ብለዋል።

በአላማ ልዩነት ያላቸው የጥፋት ኃይሎች ከውጭ ባዕዳን ጋር ጥምረት በመፍጠር በሀገር ላይ ጦርነት መክፈታቸውን የጠቆሙት ምክትል ከንቲባው፣ የሀገርን ዳር ድንበርና የሕዝብን ሰላም ለማስጠበቅ ሌሊትና ቀን ለሚተጋው የፀጥታ ኃይል መላው ሕዝብ ከጎኑ በመቆም አስፈላጊውን እገዛና ደጀንነት ሊያሳይ እንደሚገባ ጥሪ አቅርበዋል።

የባሕርዳር ከተማ ብልጽግና ፓርቲ ቅርንጫፍ ጽሕፈት ቤት ኃላፊ አቶ ሞላ ሁሴን በበኩላቸው፣ በሀገርና በሕዝብ ደህንነት ላይ በተደቀነ የጋራ ጠላት ላይ የጋራ አቋም በመያዝ መስራት ይገባል ብለዋል።

የፀጥታ መዋቅሩን በመደገፍ፣ የአካባቢን ሰላም ነቅቶ በመጠበቅና ለፀጥታ መዋቅሩ አጋዥ መሆን እንደሚገባ ገልጸዋል።

በባሕርዳር ከተማ ብልጽግና ፓርቲ ቅርንጫፍ ጽሕፈት ቤት የፖለቲካና አቅም ግንባታ ዘርፍ ኃላፊ አቶ ጊዜው ታከለ፣ ወቅታዊ በሆኑ ጉዳዮች ዙሪያ ለመወያያ መነሻ ጽሑፍ አቅርበዋል። በሀገር አቀፍም ሆነ በክልል ደረጃ ተጨባጭ የሆኑ የመልካም አስተዳደርና የልማት ሥራዎች እየተከናወኑ እንደሚገኙም ተገልጿል።

የተጀመረውን የልማትና የሰላም ጉዞ ዘላቂ ለማድረግ በከተማዋ የሚገኙ የማኅበረሰብ ክፍሎች ንቁ ተሳትፎና አንድነት ወሳኝ መሆኑ ተመላክቷል።

ተሳታፊዎቹም በበኩላቸው፣ በከተማዋና በአካባቢው አስተማማኝ ሰላም እንዲሰፍን የበኩላቸውን ሚና እንደሚወጡና ከፀጥታ ኃይሉ ጋር ያላቸውን ትብብር አጠናክረው እንደሚቀጥሉ አረጋግጠዋል።

🕊ሰላም ለሁሉም፤ ሁሉም ለሰላም🕊

03/10/2026

03/10/2026

ለሕዝባችን የገባነውን ቃል ለመፈጸም ታሪካዊ ኃላፊነታችንን እንወጣለን!!!

ሕዝብን በኃይል የተጫንን ሳይሆን በሕዝብ ይሁንታ የተመረጥን እንደራሴዎች ሆነን ቅቡልነት ያለው መንግሥት ለመመስረት የግድ ዴሞክራሲያዊ ምርጫ ማከናወን ነበረብን።

በህዝብ የተመረጠን መንግስት ለማምጣት ደግሞ ከፀረ ዴሞክራሲና ፀረ-ህዝብ ኃይሎች ጋር መፋለምና ለአገር አንድነትና ህልውና እንዲሁም ለዴሞክራሲ መስዋእትነት መክፈል ነበረብን። ለዚህ የሚጠይቀውን ዋጋ ሁሉ በመክፈል የኢትዮጵያና የክልላችን ህዝቦች ይሁንታ የሰጡት፤ አህጉራዊና ዓለም አቀፋዊ ታዛቢዎችም ተቀባይነቱን ያረጋገጡትና የመሰከሩት ነጻና ፍትሃዊ አገራዊና ክልላዊ ምርጫ በማካሄድ ለክልላዊ የመንግሥት ምስረታ እውን መሆን ሁነኛ ማረጋገጫች ሆኗል።

በ2018 በአገርና በክልል ደረጃ በተካሄድው ነጻና ፍትሃዊ ምርጫ በአማራ ብሄራዊ ክልላዊ ምክር ቤት በክልሉ ምርጫ ቀተከናወነባቸው 130 ም/ክልሎች 273 መቀመጫወች ብልጽግና ፓርቲ 257 መቀመጫዎችን በማግኘት አብላጫ ወንበር የያዘ ሲሆን 9 የፖለቲካ ፓርቲዎች ደግሞ 16 መቀመጫዎችን ይዘዋል።

ስለሆነም ምክር ቤቱ የሃሳብ ብዝኀነት የሚንሸራሸርበትና ፥ ለሕዝብ ይጠቅማል የሚባለው ሁሉ በዴሞክራሲያዊ መንገድ ለማቅረብ ዕድል የሚሰጥ ምክር ቤት እንደሚሆን ይጠበቃል።

በዚህም መሠረት ምክር ቤቱ መስከረም 21-22/2019 ዓ.ም በካሄደው 7ኛ ዙር 1ኛ መሰራችና 1ኛ መደበኛ ጉባኤውን በተሳካ ሁኔታ ያካሄደ ሲሆን በቆይታውም የምቤቱን አመራሮችና የክልሉ መንግስት ር/መ/ርና የመስተዳደር ም/ቤት አባላትን በማዋቀር አዲሱ የክልሉ መንግስት ተቋቁሞ ስራው ጀምሯል። ምክር ቤቱ መንግስት ከማቋቋምም ባሻገር በክቡር ርዕሰ መስተዳደሩ የቀረበውን የክልሉን የ2019 በጀት ዓመት አጓጊና ተስፋ ሰጭ እቅድ ቀርቦ ውይይት አድርጎ አፅድቋል።

የመሰረትነው መንግሥትና አዲሱ ምክር ቤትም የክልላችንን ሕዝብ አንድነት የበለጠ በሚያሳድግና በሚያጠናክር ኅብረ ብሔራዊ አንድነትን መሰረት ያደረገና የክልሉን የፖለቲካ፣ የፆታና የብሄር ብዝሃነት ያከበረና ያስተናገደ ሆኖ የተቋቋመ ነበር።

ክልሉ ቀድሞውንም ቢሆን ብዝሃነትን በማክበርና ዴሞክራሲን በማለማመድ ከማንኛውም አካባቢ በላይ የተለማመደና የዳበረ ልምድ በማስቀጠል ያለውን የግንባር ቀደምነት ሚና ዛሬም ዛሬም በተግባር አረጋግጧል።

እንደ ሕዝብ ውክልና ማግኘት ብቻ ሳይሆን መንግሥት እንደመሰረተ ፓርቲ ደግሞ በሥራ ልምዳቸው የተመሰከረላቸው፤ በአፈጻጸም ብቃታቸውና በትምህርት ዝግጅታቸው የተሻሉ እና ከሕዝባችን መሠረታዊ ፍላጎት በመነሳት የክልሉ መንግስት ቀድሞ ያዘጋጀውን የአምስት ዓመት ስትራቴጂክ እቅድ በብቃት መፈጸምና ማስፈጸም የሚችሉ አስፈፃሚ አካላት የተደራጁበት ስኬታማ ጉባኤ ሆኖ ተጠናቋል

እነዚህ አስፈፃሚወችና የምክር ቤቱ አባላት በቀጣይ አምስት ዓመታት የክልላችንን ሰላም ለማጽናት፥ ሕዝባችን በሙሉ አቅም ለእድገትና ብልፅግና እንዲረባረብ ለማስቻል እና የተያዙ የልማት፣ የዴሞክራሲ ሥርዓት ግንባታ፣ የመልካም አስተዳደርና ሌሎች ግቦችን ለማሳካት ከሕዝባቸው ጋር ታሪክ እንደሚሰሩ ከፍተኛ እምነት የተጣለባቸው ናቸው።

በመሆኑም መንግስት ለሕዝቡ የገባነውን ቃል ለመፈጸምና ታሪካዊ ኃላፊነቱን ለመወጣት ሲተጋ መላ የክልሉ ህዝብ በሁለንተናዊ መንገድ ከጎኑ እንደማይለየውም እምነቱ የፀና ነው።

መንግስት ሕዝቡን በትጋትና በታታሪነት ለማገልገል ከመቸውም ጊዜ በላይ ዝግጁ መሆኑን ያረጋግጣል!!!!!

የአማራ ብሄራዊ ክልላዊ መንግስት ኮሙዩኒኬሽን ቢሮ
መስከረም 23/2019 ዓ.ም

03/10/2026

ለነገው ትውልድ መሠረት የሚጥል የትምህርት ተቋም ግንባታ በባሕር ዳር ተጀመረ

የትምህርት ሚኒስቴር በባሕር ዳር ከተማ የልዩ አዳሪ ትምህርት ቤት ግንባታን አስጀምሯል።

በምክትል ርእሰ መሥተዳድር ማዕረግ የማኅበራዊ ዘርፍ አሥተባባሪ ሙሉነሽ ደሴ (ዶ.ር)፣ በትምህርት ሥርዓቱ የተፈጠረው መዛነፍ በአሁኑ ወቅት ከፍተኛ ውጤት እያስከተለ መሆኑን ገልጸዋል። ዛሬ የተጀመረው የአዳሪ ትምህርት ቤት ለነገው ትውልድ ጠንካራ መሠረት የሚጥል መሆኑንም ጠቁመዋል።

ትምህርት ከአካዳሚክ ብቃት ባሻገር በእሴትና በሥነ ምግባር ግንባታ ላይም ትኩረት ሊያደርግ እንደሚገባ የገለጹት ዶ.ር ሙሉነሽ፣ ትምህርት የማኅበረሰብ ልማት መሠረት በመሆኑ ማኅበረሰቡ ለትምህርት ትኩረትና ድጋፍ ሊሰጥ ይገባል ብለዋል።

የአማራ ክልል ትምህርት ቢሮ ኃላፊ ጥላሁን ወርቅነህ፣ ባለፉት ዓመታት የትምህርት ዘርፉ ተጎድቶ መቆየቱን ገልጸው፣ በተሰጠው ትኩረት የቅድመ አንደኛ ደረጃ ትምህርትን በማስፋፋትና የትምህርት መሠረተ ልማቶችን በማሟላት ውጤቶች መመዝገባቸውን አንስተዋል። ሚኒስቴሩ በክልሉ ለሚያደርገው ድጋፍም ምስጋና አቅርበዋል።

የባሕር ዳር ከተማ አሥተዳደር ከንቲባ ጎሹ እንዳላማው፣ ባሕር ዳር ውብና ጽዱ ከተማ እንዲሁም የኢንቨስትመንት ከተማ ብቻ ሳትሆን የትምህርት ከተማም መሆኗን ገልጸዋል። ይህንን ታሪክ የሚያስቀጥለው የአዳሪ ትምህርት ቤት ግንባታ መጀመሩ ለከተማዋ ትምህርታዊ እድገት አዲስ ምዕራፍ መሆኑን ጠቁመዋል።

ዛሬ የተጀመረው አዳሪ ትምህርት ቤትም ለነገው ትውልድ መሪዎችና ተመራማሪዎች መሠረት የሚጥል ተቋም መሆኑን ገልጸዋል።
•~•
🕊ሰላም ለሁሉም፤ ሁሉም ለሰላም🕊

~~~
ፌስቡክ
👇
https://www.facebook.com/BDRPP?mibextid=ZbWKwL
ዩቲዩብ
👇መመ
https://youtube.com/
ቲውተር
👇
https://twitter.com/BahirCity?t=xZ07bo_fWJ37tXn6zjQ1Lw&s=09
ቴሌግራም
👇
https://t.me/bdr_prosperty_partyተ

03/10/2026

በባሕር ዳር ከተማ የሃይማኖት አባቶች በወቅታዊ የሰላምና ፀጥታ ጉዳዮች ዙሪያ ተወያዩ

መስከረም 23/2019 ዓ.ም. – ባሕር ዳር

የባሕር ዳር ከተማ አስተዳደር በወቅታዊ ሀገራዊና ክልላዊ የሰላምና ፀጥታ ጉዳዮች ዙሪያ ከሃይማኖት አባቶች ጋር ውይይት አካሂዷል።

በውይይቱም ውስጣዊና ውጫዊ የሰላምና ደህንነትን በማስጠበቅ ረገድ ከማን ምን ይጠበቃል በሚሉ ሀሳቦች ላይ ጥልቅ ምክክር ተደርጓል።

የባሕር ዳር ከተማ አስተዳደር ብልፅግና ፓርቲ ቅርንጫፍ ጽሕፈት ቤት ኃላፊ አቶ ሞላ ሁሴን በውይይቱ መክፈቻ ላይ እንደገለጹት፣ የሀገር ልማትና የተቀናጀ እድገት እንዲቀጥል፣ የሕዝብ የጋራ ለውጥና ተጠቃሚነት እንዲሰፍን ውስጣዊና ውጫዊ ደህንነቱ የተረጋገጠ ሰላም አስፈላጊ ነው።

የሃይማኖት አባቶች ምዕመናንን በሃይማኖታዊ አስተምህሮ ማነጽ፣ ሰላምና አንድነትን አዘውትሮ መስበክ፣ ልዩነቶችንና ግጭቶችን በውይይትና በዕርቅ የመፍታት ባህል እንዲለመድ ማበረታታት፣ በጥፋት ጎራ የተሰማሩ አካላትን በመምከር ሀገርን ለማሻገር በጋራ መቆም ይጠበቅባችኋል ብለዋል።

ዘላቂ ለውጥን ለማረጋገጥ እየተደረገ ያለው የብልፅግና ጉዞ እንዲቀጥል፣ የተረጋጋና አስተማማኝ ሰላም እንዲሰፍን፣ የጋራ ማኅበረ-ኢኮኖሚ ግንባታ እንዲፋጠን የውስጥ ባንዳ፣ የውጭ ባዳ የሆኑ አጥፊዎችን መከላከል እንደሚገባ ገልጸዋል።

ባሕር ዳር በለውጥ የብልፅግና ግስጋሴ ላይ የምትገኝና ከመቼውም ጊዜ በላይ ተመራጭነቷ እያደገ የመጣች ከተማ መሆኗን ገልጸው፣ የተጀመሩ የልማት፣ የመልካም አስተዳደርና መሰል የሰው ተኮር የትሩፋት ውጤቶችን በማስቀጠል በኩል የሃይማኖት አባቶች ድርሻ የጎላ እንደሆነ አሳስበዋል።

የባሕር ዳር ከተማ አስተዳደር ብልፅግና ፓርቲ ቅርንጫፍ ጽሕፈት ቤት የፖለቲካና አቅም ግንባታ ዘርፍ ኃላፊ አቶ ጊዜው ታከለ በባሕር ዳር ከተማ የተመዘገቡ የልማት ስኬቶችን፣ ሰላምና ፀጥታን የማረጋገጥ ጥረቶችን የተመለከተ የውይይት መነሻ ጽሑፍ አቅርበዋል።

በተለይም ሀገርን ለማሻገር የሰላምና ፀጥታ መስፈን ያለውን ዋጋ፣ የተመዘገቡ የለውጥ ትሩፋቶችን የሚያመላክቱ ጉዳዮችን፣ እየገጠሙ ያሉ ውስጣዊና ውጫዊ የደህንነት ስጋቶችን እና የፀረ-ሰላም ኃይሎችን የጥፋት ኢላማዎችን በተመለከተ ጉዳዮችን በስፋት አብራርተዋል።

የሃይማኖት አባቶች የሕግ የበላይነትን ማረጋገጥ፣ የሕዝቡን ደህንነት በአስተማማኝ ሁኔታ መጠበቅ፣ ከማኅበረሰቡ ጋር በቅንጅት መሥራት እና ለሰላም መደፍረስ ምክንያት የሆኑ ሥጋቶችን አስቀድሞ በመከላከል ረገድ ድርሻቸው የጎላ መሆኑን ገልጸዋል።

የውይይቱ ተሳታፊ የሆኑት የሃይማኖት አባቶች በበኩላቸው፣ ምዕመኑ ለአካባቢው ሰላም ዘብ እንዲቆም፣ አጠራጣሪ ነገሮች ሲያጋጥሙ ለፀጥታ አካላት ጥቆማ እንዲሰጥ እና የአሉባልታ ወሬዎችንና የሐሰት መረጃዎችን ከመቀበልና ከማሰራጨት እንዲቆጠብ ማድረግ ተገቢ ነው ብለዋል።

ሰላም ለማንኛውም ሃይማኖታዊ፣ ማኅበራዊና ኢኮኖሚያዊ እንቅስቃሴ መሠረት መሆኑን ገልጸው፣ መላ ሕዝባችን እንደ ቀደመው ባህሉ በፍቅር፣ በአንድነትና በጋራ የመኖር እሴቱን እንዲያጠናክር ማስተማር እንደሚገባ ገልጸዋል።

ሀገር በሰላም እንድትፀናና ልማቶች እንዲቀጥሉ ከከተማው አስተዳደርና ከነዋሪው ጋር በቅንጅት መሥራት፣ እንዲሁም የውስጥ ሰላምን ለሚያናጉ ድርጊቶች ዕድል ሳይሰጥ ወደ ሰላማዊ መንገድ ለመመለስ በጋራ እንሠራለን ብለዋል።
•~•
🕊ሰላም ለሁሉም፤ ሁሉም ለሰላም🕊

~~~
ፌስቡክ
👇
https://www.facebook.com/BDRPP?mibextid=ZbWKwL
ዩቲዩብ
👇መመ
https://youtube.com/
ቲውተር
👇
https://twitter.com/BahirCity?t=xZ07bo_fWJ37tXn6zjQ1Lw&s=09
ቴሌግራም
👇
https://t.me/bdr_prosperty_partyተ

03/10/2026

የትምህርት ሚኒስቴር በባሕር ዳር ከተማ የአዳሪ ትምህርት ቤት ግንባታን አስጀመረ።

በማስጀመሪያ መርሐ ግብሩ የአማራ ክልል ምክትል ርእሰ መሥተዳድር አብዱ ሁሴን (ዶ.ር)፣ የትምህርትና ሚኒስትሩ ፕሮፌሰር ብርሃኑ ነጋ፣ እና ሌሎችም የክልል እና የባሕር ዳር ከተማ አሥተዳደር መሪዎች ተገኝተዋል።

•~•
🕊ሰላም ለሁሉም፤ ሁሉም ለሰላም🕊

~~~
ፌስቡክ
👇
https://www.facebook.com/BDRPP?mibextid=ZbWKwL
ዩቲዩብ
👇መመ
https://youtube.com/
ቲውተር
👇
https://twitter.com/BahirCity?t=xZ07bo_fWJ37tXn6zjQ1Lw&s=09
ቴሌግራም
👇
https://t.me/bdr_prosperty_partyተ

03/10/2026

መረጃ ሹመት

በአማራ ብልጽግና ፓርቲ ቅርንጫፍ ጽህፈት ቤት የወጣቶች ክንፍ ኃላፊ የነበሩት አቶ ተስፋሁን ተሰማ የአዊ ብሔረሰብ አስተዳድር ብልጽግና ፓርቲ ኃላፊ ሆነው እንዲያገለግሉ ሹመት ተሹመዋል።

•••
🕊ሰላም ለሁሉም፤ ሁሉም ለሰላም🕊
•••

02/10/2026

ባሕርዳር

የተፈጥሮ ጸጋዋን ከልማት ጋር በማጣመር ውበቷን እያሳደገች የምትገኘው ባሕርዳር!

ባሕር ዳር የተፈጥሮ ጸጋዋን ከዘመናዊ የልማት ሥራዎች ጋር በማቀናጀት በየዕለቱ ይበልጥ ውብ፣ ማራኪና ለኑሮ ምቹ የሆነ ገጽታ እየተላበሰች ትገኛለች።

በከተማዋ እየተከናወኑ ያሉ የመንገድ፣ የፓርክ፣ የመዝናኛ ስፍራዎችና ሌሎች የመሠረተ ልማት ሥራዎች የከተማዋን ውበት ከማሳደግ ባለፈ፣ ለነዋሪዎቿና ለጎብኚዎቿ ምቹ፣ ዘመናዊና ማራኪ የከተሜነት ሁኔታን እየፈጠሩ ይገኛሉ።

የተፈጥሮ ውበትን፣ የልማት ገጽታንና የእንግዳ ተቀባይነትን በአንድ ላይ ያቀፈችው ባሕርዳር፣ የጣናዋ ፈርጥና የኢትዮጵያ እንቁ ከተማ መሆኗን በየዕለቱ በሚታዩ የልማት ሥራዎች እያረጋገጠች ትገኛለች።
ባሕርዳር የተፈጥሮ ጸጋ፣ የልማት ውጤት፣ የነገ ተስፋ!

ሰላም ለሁሉም፤ ሁሉም ለሰላም??