20/08/2026
የተሟላ የጤና አገልግሎት ማህበረሰቡ ጥራት ያለው፣ ፍትሃዊ እና ሰውን ያማከለ ሕክምና በፍጥነት እንዲያገኝ ያስችላል። የጤና ተቋማት ይህንን ግብ ለማሳካት የመድኃኒት አቅርቦት፣ የዘመናዊ መሣሪያዎች ድጋፍ እና የሰለጠነ የሰው ሃይል ማሟላት ይኖርባቸዋል።
በህክምና ተቋማት የጤና አገልግሎት አሰጣጥ ጥራትን በማሻሻል ተገልጋዩ ህብረተሰብ የተሟላ የጤና አገልግሎት በጥራትና በፍጥነት እንዲያገኝ ለማስቻል በቅንጅት እየተሠራ ነው፡፡ ባለፉት ዓመታት የጤና ተደራሽነቱን ለማስፋት በተደረገ ጥረት ውጤት ቢመዘገብም በጥራትና አገልግሎት አሰጣጥ ዙሪያ አሁንም ተግዳሮቶች አሉ፡፡
ጤና ጣቢያና ጤና ኬላዎችን በመገንባት ህብረተሰቡ በቅርበት የህክምና አገልግሎት እንዲያገኝ እየተደረገ ቢሆንም የአገልግሎት ጥራት መጓደል ችግር በሚፈለገው ልክ ተፈቷል ማለት አይቻልም ።
ስለሆነም የጤና ተቋማት ጥራት ያለው አገልግሎት መስጠት የሚያስችል ስራ በቅንጅት መስራት ይኖርባቸዋል።
ጥራት ያለው እና ተደራሽ አገልግሎት ለመስጠት በጋራ እና በቅንጅት መስራታቸው የህብረተሰቡን ጤና ለማረጋገጥ ወሳኝ ነው። ተቋማት ሀብትን በማስተባበር፣ ልምድ በመለዋወጥ እና የክትትል ስራዎችን በአንድነት ማከናወን ይኖርባቸዋል።
