Haramaya University

08/09/2026

Haramaya and Edna Adan Universities Celebrate Joint Graduation Milestone

Edna Adan University Graduates 380 Students

Edna Adan University has celebrated the graduation of 380 students across its undergraduate and postgraduate programs during a ceremony held today in Hargeisa, Somaliland.

Among the graduates, 43 earned Master’s degrees,12 in Nursing and 31 in Midwifery delivered through a collaborative academic partnership with Ethiopia’s Haramaya University.

Representing Haramaya University, Dr. Ahmed Mohamed, Chief Executive Director of the College of Health and Medical Sciences, highlighted the institution’s track record in professional training and cross-border academic partnerships. He noted that the joint postgraduate initiative equips graduates with the practical skills needed to address local health priorities.

Dr. Ahmed added that sharing academic resources with neighboring nations aligns with Haramaya University's mission to support regional human capital development. He encouraged the inaugural cohort to serve as university ambassadors by maintaining high ethical standards in their clinical practice, while affirming that joint initiatives between the two institutions will continue to expand.

Addressing the audience, Dr. Edna Adan, President of Edna Adan University, emphasized the strategic importance of regional academic partnerships in addressing local healthcare workforce shortages. She cited the collaboration with Haramaya University as an effective model and announced plans to expand the joint Master’s degree programs to further strengthen Somaliland’s health system.

Haramaya University continues to maintain academic partnerships with higher education institutions across Somaliland, contributing to regional educational collaboration and human resource development in the Horn of Africa.

Haramaya University Public & International Relations
08 September 2026

07/09/2026

ሐረማያ ዩኒቨርሲቲ ለአካባቢው ሁለተኛ ደረጃ ትምህርት ቤት ተማሪዎች የህዋ ሳይንስ ስልጠና ሰጠ

ሐረማያ ዩኒቨርሲቲ ከተለያዩ ሁለተኛ ደረጃ ትምህርት ቤቶች ለተውጣጡ ተማሪዎች በህዋ ሳይንስና አስትሮኖሚ (Space Science and Astronomy) ዙሪያ ያዘጋጀውን የክረምት ስልጠና አጠናቀቀ።

ስልጠናው የተማሪዎችን ሳይንሳዊ እውቀት ማሳደግ፣ በሳይንስ ፣ ቴክኖሎጂ፣ ኢንጂነሪንግ እና ሒሳብ ትምህርት ዘርፎች ያላቸውን ፍላጎት ለማጎልበት ልምድ ባላቸው የዩኒቨርሲቲው መምህራንና ባለሙያዎች የሚሰጠውን ድጋፍ በማጠናከር ለቀጣይ የትምህርት ስኬታቸው መንገድ መክፈት ያለመ መሆኑ ተገልጿል።

የሐረማያ ዩኒቨርሲቲ የተፈጥሮና ስነቀመር ሳይንስ ኮሌጅ ዲን ዶክተር ሲለሺ ደሜ እንደገለጹት ሳይንስ ከትንሽ ተነስቶ እያደገ የሚሄድና ችግሮችን በምክንያታዊ መንገድ ለመፍታት የሚያስችል መሣሪያ በመሆኑ የኦንላይን እና የተግባር ስልጠና በማዘጋጀት የታዳጊዎችን የሳይንስ ፍላጎት ለማዳበር የማህበረሰብ አገልግሎት ስራዎቹ አንዱ አካል አድርጎ እየሰራ መሆኑነ አስታውቀዋል፡፡

በፊዚክስ ትምህርት ክፍል መምህር የሆኑት ዶክተር ተስፋዬ ዳኙ በበኩላቸው ከድሬዳዋ፣ ከሐረማያ ዩኒቨርሲቲ ሞዴል ትምህርት ቤት እና ከተለያዩ ትምህርት ቤቶች ለመጡ ተማሪዎች የተሰጠው የአራት ቀን ስልጠና በኦንላይን ትምህርትና በማታ የህዋ ምልከታ ፕሮግራም የተደገፈ መሆኑን ገልጸዋል።

ተማሪዎች ወደ ሳይንስና ኢንጂነሪንግ ዘርፍ እንዲሳቡ ለማድረግ የሳይንስ ማነቃቂያ ፕሮግራሞች አስፈላጊ መሆናቸውን የጠቀሱት ዶክተር ተስፋዬ የዩኒቨርሲቲው አካዳሚክ ጉዳዮች ምክትል ፕሬዚዳንት ጽህፈት ቤት ለዚህ ተግባር የሚሆን የቴሌስኮፕ (Telescope) የመመልከቻ መሳሪያ በመግዛት ላደረገው ድጋፍ ምስጋና አቅርበዋል።

በስልጠናው ከተሳተፉ ተማሪዎች መካከል የሐረማያ ዩኒቨርሲቲ ሞዴል ሁለተኛ ደረጃ ትምህርት ቤት የ11ኛ ክፍል ተማሪ የሆነችው ኦብሴ መሐዲ ሙሳ ቀደም ሲል ለሳይንስ ትምህርት የነበራት ፍላጎት ዝቅተኛ እንደነበር አስታውሳ አሁን ግን በወሰደችው ስልጠና የድሮን አሰራርን ጨምሮ በርካታ አዳዲስ እውቀቶችን በማገኘቷ መደሰቷንና ፕሮግራሙ በቀጣይነት እንዲዘጋጅ አስተያየቷን ሰጥታለች።

ሌላኛው የስልጠናው ተሳታፊ የ11ኛ ክፍል ተማሪ የሆነው የሮን ደረጀ በበኩሉ በአስትሮኖሚ ዙሪያ የቀረበው የኦንላይን ትምህርት እና የምሽት የቴሌስኮፕ ህዋ ምልከታ ሰፊና አጥጋቢ ግንዛቤ እንደፈጠረለት ተናግሯል።

ዘጋቢ፦ ጃፈር ዩሱፍ
ፎቶግራፈር፦ ቴዎድሮስ ሊሻን
የሐረማያ ዩኒቨርሲቲ ህዝብና ዓለም አቀፍ ግንኙነት

06/09/2026

የሰንካሳ ፕሮጀክት ማጠቃለያ እና የርክክብ መድረክ በድሬደዋ ከተማ ተካሄደ

በድሬዳዋ ከተማ ለሁለት ዓመት ተኩል ሲተገበር የነበረው የሰንካሳ ፕሮጀክት በ874 ሄክታር መሬት ላይ የአየር ንብረት ለውጥ ተጽዕኖዎችን ለመቋቋም ውጤታማ የመሬት ገጽታን ማገገም ፣ የከተማ አረንጓዴ ልማትን ማስፋፋት እና በሥርዓተ-ፆታ እና ማህበራዊ አካታችነት ከ14 ሺህ በላይ የሥራ እድሎችን መፍጠር መቻሉ ተገልጿል።

የድሬዳዋ ከተማ አስተዳደር ምክትል ከንቲባ አቶ ኢብራሂም ዮሱፍ ባስተላለፉት መልእክት የሰንካሳ ፕሮጀክት ባለፉት ሁለት ዓመት ተኩል ጊዜ ውስጥ በድሬዳዋ የአየር ንብረት ለውጥ መቋቋምን ለማጠናከር ፣ ስነ-ምህዳሮችን በመመለስ አረንጓዴ እና ዘላቂ ለማድረግ ትልቅ አስተዋጽኦ አድርጓል።

የፕሮጀክቱ መዋቅራዊ ስራዎች መጠናቀቁ ቢታወቅም የተገነቡት አቅሞች፣ እውቀቶች እና ጠንካራ አጋርነቶች ለድሬዳዋ ህብረተሰብ ዘላቂ ጥቅም ማስገኘታቸውን ይቀጥላሉ ብለዋል።

የሐረማያ ዩኒቨርሲቲ የምርምር እና ማህበረሰብ ጉድኝት ምክትል ፕሬዝዳንት በመድረኩ መክፈቻ ንግግራቸው ዩኒቨርሲቲው በፕሮጀክቱ ተግባራዊነቱ የእውቀት አጋር እና የሳይንስ ማዕከል ሆኖ በማገልገል ለህብረተሰቡ ድጋፍ የሚሆኑ ምርምሮችን ፣ የማስረጃ ማመንጨትን፣ የአቅም ግንባታን እና ተግባራዊ መመሪያዎችን አበርክቷል ብለዋል።

የፕሮጀክቱ ስኬት የተገኘው በአለም አቀፍ አጋሮች (WRI እና IISD)፣ በመንግሥት አካላት፣ በሲቪል ማህበረሰብ፣ በአካባቢው ማህበረሰብ፣ መንግስታዊ ያልሆኑ ድርጅቶች (በተለይ ካቶሊክ ካሪታስ ኢትዮጵያ-ሐረር) እና በሐረማያ ዩኒቨርሲቲ የተቀናጀ ጥረት እና የጋራ ኃላፊነት መሆኑን ገልፀዋል ።

ዶ/ር አክሊሉ ፍቅረማሪያም በውርልድ ሪሶርስ ኢኒስቲትዩት የአፍሪካ ከተሞች ዳይሬክተር እና የኢትዮጵያ ተወካይ በበኩላቸው ተፈጥሯዊ መፍትሄዎችን በመጠቀም በጥናት የተደገፈ የጎርፍ ችግሮችን እና ከፍተኛ የከተማ ሙቀት መቋቋም ላይ በድሬዳዋ ከተማ በሰንካሳ ፕሮጀክት የተገኘው ውጤት ለሌሎች ምሳሌ የሚሆን ነው። በዚህም ስኬቶችን ቆጥሮ እና ለክቶ ለቀጣይ ስራዎች የስትራቴጂ ፣ መመሪያ እና ማንዋሎችን መዘጋጀታቸውን ገልፀዋል።

አቶ ሽፈራው በሐይሉ የካቶሊክ ካትሪያስ ኢትዮጵያ ሐረር ቅርንጫፍ ምክትል ዳይሬክተር ተቋማት እና ማህበረሰቦች በጋራ ሲሰሩ በችግር የተሞሉ አካባቢዎችም ቢሆን ውጤታማ መሆን እንደሚቻል የሰንካሳ ፕሮጀክት ማሳያ ይሆናል ብለዋል፡፡ የሶስት ዓመቱ ፕሮጀክት ቢጠናቀቅም የተከናወኑ ስራዎች ያስገኙት ውጤት እና የተፈጠሩ አቅሞች ለቀጣይ ስራዎች መሰረት በመሆናቸው ልምዱን አስፍቶ ለሌሎች ከተሞችም ማዳረስ ያስፈልጋል ብለዋል።

የሰንካሳ (SUNCASA) ፕሮጀክት መሪ ተመራማሪ ሳማንታ ብሮድሊ በበኩላቸው በፕሮጀክቱ የተከናወነው ስራዎች ከልኬት እና ቁጥሮች ባለፈ የአረንጓዴ ልማት ለማህበረሰቡ ተጨባጭ ኢኮኖሚያዊ እና ማህበራዊ ለውጥ ማስገኘቱን ማሳያ ሆኗል ብለዋል።

የተፈጥሮ ሀብቶች ገደብ የለሽ እንደሆኑ አድርጎ ከመመልከት ይልቅ ማህበረሰቡን በዘላቂነት እንዲደግፉ ንቁ የአካባቢ ጠባቂዎች መሆን እንደሚያስፈልግ ተመራማሪዋ አስገንዝበዋል።

የኢፌዲሪ አካባቢ ጥበቃ ባለስልጣን ምክትል ዳይሬክተር ወ/ሮ ፍሬነሽ መኩሪያ በበኩላቸው ዘላቂ የአካባቢ ጥበቃ መፍትሔዎች እና ተቋማዊ አቅም ሊመጡ የሚችሉት የመንግሥት ተቋማት፣ የልማት አጋሮች፣ ባለሙያዎች እና ማህበረሰቡ ለተመሳሳይ ዓላማዎች በጋራ ሲሰሩ መሆኑን ጠቅሰው የሰንካሳ ፕሮጀክት መጠናቀቅ የትብብሩ ማብቂያ ሳይሆን በድሬዳዋ የተገኙ ጠቃሚ ተሞክሮዎችና እውቀቶች ተጠናክረው በሌሎች የኢትዮጵያ ከተሞች እንዲቀጥሉ ባለስልጣኑ በትኩረት የሚሰራበት መሆኑን ገልፀዋል።

በመድረኩ የፕሮጀክቱ ጉዞ እና ተጨባጭ ስኬቶች በሪፖርት እና የማህበረሰቡን ተጠቃሚነት የሚያሳይ የፎቶ አውደ ርእይ እና ዘጋቢ ቪዲዮ ቀርቧል።

ዘጋቢ፦ ታደለ ጥላሁን
ፎቶግራፈር፦ በሀይሉ ግርማ

06/09/2026

Yuunivarsiitii Haramaayaatti Workishooppiin akkaataa barreeffama waraqaa qorannoo Sagantaa Barnootaa Digrii Duraan Boodaa itti barreessaniifi qajeelfama supparviizyiinii fooyyessuu irratti xiyyeeffate geggeeffame.


Workishooppiin kun Qajeelfama piroppozaalli Qorannoofi waraqaan qorannoo digrii sadaffaa ykn lammaffaa ittiin barreeffamuufi Qajeelfama Supparviizyiniin Sagantaa Barnootaa Digrii Duraan Boodaa irratti xiyyeeffateedha.


Workishooppii kana irrattis diiniiwwan kolleejjotaa, Itti gaafatamtoota muummee, barsiistotaafi qorattoota Yuunivarsiitii Haramaayaa kan hirmaachiseedha.


Daayirektarri Daayirektoreetii Sagantaa Barnootaa Digrii Duraan Boodaa Yuunivarsiitii Haramaayaa Dr. Geetaachoo Abbabaa workishooppiin kun qajeelfama asiin duraa kan waggoota dheeraaf tajaajilaa ture haaromsuu irratti kan xiyyeeffate jechuun kaasan. Itti aansuunis, qajeelfammni waraqaa qorannoo hojiirra oolaa ture asiin duras kan haaromsame ta’us, haala yeroo, akkaataa barreeffama qorannoo sagantaalee garagaraatiin wal simuu dhabuu irraa kan ka’e haaroomsuun barbaachisaa ta’ee argameera. Kana keessattis sadarkaa garagaraatti erga yaadni irratti kennameen booda, waan keessaa bahuu qabu baasuufi waan asiin dura hin hammatamnes akka hammatamu kan taasifamuudha. Workishooppiin kunis qajeelfama sadarkaa kolleejjotaafi muummeewwanitti hojii irratti isaan rakkisaa ture furuuf kan yaalu jechuun ibse.


Dr. Geetaachoon itti dabaluunis, Qajeelfamni lammaffaa barsiistota barattoota sagantaalee Barnootaa Digrii Duraan Boodaa keessa jiran ittiin supparvaayiz godhan kan of keessatti hammateedha jedhan.


Dhiheessitoota barreeffamoota dhihaatanii keessaa barsiisaan Muummee Saayinsiiwwan Baayolojikaalaafi Baayotekinoloojii Yuunivarsiitii Haramaayaa Dr. Masarat Cimdeessaa, qajeelfamni asiin duraa barnoota qonnaa qofa irratti kan xiyyeeffatu ture. Yeroo ammaa immoo yuunivarsiitiin sagantaalee hedduufi akkaataa ittiin barreeffaman kan mataasaanii qaban hedduu kan baneedha. Kanaaf, qajeelfama kana haaromsuudhaaf wantoota bu’uura ta’an keessaa tokko sagantaalee barnootaa hundaa akkaataa barreeffama isaatiin hammachiisuudha jechuun ibse.


Hirmaattota workishooppii keessaas barsiisaan Dr. Sawunat Mangistuu, Yuunivarsiitiin keenya yuunivarsiitii qorannoo ta’uusaatiin walqabatee, qajeelfamoota waraqaalee qorannoo sadarkaa isaanii eeggatan qabaachuun barbaachisaadha. Haaluma Kanaan, barreeffamoonni dhihaatanis qajeelfamoota hordofamuu qaban tokko tokkoon ibsanii kaahaniiru jechuun ibse. Yaada dabalataatiinis, qajeelfamoonni qorannoo gara fuuldurattis haaluma walfakkaataniin keessa deebi’amaafi haaromfamaa deemuu qabu jechuun kaase.


Yaaduma walfakkaatuun, kolleejjii Saayinsii fayyaafi Meedikaalaa irraa tan hirmaatte Dr. Fatiyaan Muhaammad, qajeelfama qorannoo keessatti hanqinaafi cimminni isaa ilaallamee, ciminni isaa itti fufuufi hanqinoonni inni qabu immuu fooyya’uu qabu jechuun ibsite. Kana malees, qajeelfamni kun yeroo hangamii keessatti fooyya’uu akka qabus beekkamuufi yeroo waliinis kan deemuu qabu yaada jedhus kaaste.


Gabaastuun: Biiftuu Abdallaa
Kan suuraa kaase: Tewoodiroos Lishaan
Daayiroktoreetii Qunnamtii Hawaasaafi Idil-Addunyaa Yuunivarsiitii Haramaayaa

06/09/2026

ሐረማያ ዩኒቨርሲቲ የድህረ-ምረቃ ተማሪዎች የምርምር አጻጻፍ እና የሱፐርቪዥን መመሪያዎችን ለማሻሻል ወርክሾፕ አካሄደ

የሐረማያ ዩኒቨርሲቲ የሁለተኛ እና የሦስተኛ ዲግሪ ተማሪዎች የምረቃ ጽሑፍ የሚያዘጋጁበትን የምርምር ፕሮፖዛል እና የጽሑፍ አጻጻፍ መመሪያ፣ እንዲሁም የድህረ-ምረቃ ተማሪዎችን የሱፐርቪዥን መመሪያ ለማሻሻል ያለመ ሀገር አቀፍ የምክክር ወርክሾፕ አካሄደ።

በዚሁ መድረክ ላይ የዩኒቨርሲቲው የኮሌጅ ዲኖች፣ የትምህርት ክፍል ኃላፊዎች፣ መምህራን እና አንጋፋ ተመራማሪዎች ተሳታፊ ሆነዋል።

የሐረማያ ዩኒቨርሲቲ የድህረ-ምረቃ ዳይሬክቶሬት ዳይሬክተር ዶክተር ጌታቸው አበበ እንደገለጹት ወርክሾፑ ለረጅም ጊዜ አገልግሎት ሲሰጥ የቆየውን የቀድሞ መመሪያ አሁን ካለው ነባራዊ ሁኔታና የሳይንስ እድገት ጋር ለማስማማት የታለመ ነው። ቀደም ሲል የነበረው መመሪያ ከዚህ በፊት ማሻሻያ ቢደረግበትም ዩኒቨርሲቲው በአሁኑ ወቅት ከከፈታቸው አዳዲስ የትምህርት ፕሮግራሞችና የየዘርፉ የምርምር አጻጻፍ ስልቶች ጋር አለመጣጣም በመፈጠሩ አጠቃላይ ክለሳ ማድረግ አስፈላጊ ሆኖ ተገኝቷል።

ዶክተር ጌታቸው አክለውም በተለያዩ የትምህርት ክፍሎችና ኮሌጆች ደረጃ በስራ ላይ ሲያጋጥሙ የነበሩ መመሪያን የማስፈጸም ተደራራቢ ችግሮችን ለመፍታት ውይይቱ ከፍተኛ አስተዋጽኦ እንደሚያበረክት ገልጸዋል። በተጨማሪም መመሪያው መምህራን በድህረ-ምረቃ መርሐግብር ውስጥ ያሉ ተማሪዎችን በምን ያህል ጥራት፣ መደበኛ አሰራር እና የስነ-ምግባር ደንብ መምራት (Supervise) እንዳለባቸው በግልጽ የሚያስቀምጥ መሆኑን ተናግረዋል።


በመድረኩ የውይይት ጽሑፍ ካቀረቡት መምህራን መካከል ዶክተር መሠረት ጭምዴሳ ቀደም ሲል የነበረው መመሪያ በአንድ ኮሌጅ ላይ ትኩረት ያደርግ እንደነበረና በአሁኑ ወቅት ዩኒቨርሲቲው የየራሳቸው የሆነ ልዩ የምርምርና የጽሑፍ ስልት ያላቸውን በርካታ የትምህርት ዘርፎች በመክፈቱ አዲሱ መመሪያ ሁሉንም የትምህርት ፕሮግራሞች ማካተት የሚችል ይዘት እንዲኖረው ተደርጎ እየተዘጋጀ መሆኑን አብራርተዋል።

ከወርክሾፑ ተሳታፊዎች መካከል ዶክተር ሰውነት መንግሥቱ ሐረማያ ዩኒቨርሲቲ በምርምር ዩኒቨርሲቲነቱ ልክ የምርምር ወረቀቶች ጥራት ደረጃቸውን የጠበቁና ዓለም አቀፍ መስፈርትን ያሟሉ ሊሆኑ እንደሚገባ ጠቁመዋል። በመሆኑም አዲሱ መመሪያ እያንዳንዱ የትምህርት ዘርፍ መከተል ያለበትን ሳይንሳዊ መንገድ በግልጽ ያስቀመጠ በመሆኑ ለውጥ እንደሚያመጣና የመመሪያዎች ክለሳ በቀጣይም በየጊዜው እየተገመገመና እየተሻሻለ ስራ ላይ እንደሚውል ተናግረዋል።

ከጤናና ሜዲካል ሳይንስ ኮሌጅ የተሳተፉት ዶክተር ፈቲያ መሐመድ በበኩላቸው በመመሪያው ላይ ያሉ ጥንካሬዎችና ክፍተቶች በስፋት መታየታቸውን ገልጸው፤ የልማድ አሰራሮችን በማስወገድ ክፍተቶችን በሳይንሳዊ መንገድ ማስተካከል እንደሚገባ ተናግረዋል። በተጨማሪም መመሪያው በየስንት ዓመቱ መሻሻል እንዳለበት በግልጽ ተደንጎ ከጊዜው እድገት ጋር አብሮ መጓዝ እንዳለበት መወሰን አለበት ብለዋል፡፡

ዘጋቢ፦ ቢፍቱ አብደላ
ፎቶግራፈር፦ ቴዎድሮስ ሊሻን
የሐረማያ ዩኒቨርሲቲ የሕዝብና ዓለም አቀፍ ግንኙነት

06/09/2026

በሐረማያ ዩኒቨርሲቲ ቢዝነስና ኢኮኖሚክስ ኮሌጅ መምህር የሆነው ሀብታሙ ለገሰ ያለውን እውቀት በተለያዩ የሚዲያ አማራጮች በተከታታይነት በማቅረብ ከ2ኛ ደረጃ እስከ ድህረ ምረቃ ድረስ ላሉ ተማሪዎች የኢኮኖሚክስ ትምህርት ሌክቸሮችንና ኢኮኖሚያዊ ጉዳዮችን ማብራሪያ በቪዲዮ እየሰራ በዚህ ሊንክ (https://youtube.com/?si=Zc3j93sEaChfRlgv
) እና በመደበኛ ነባር የሚዲያ ዘርፎች በማቅረብ እገዛ እየደረገ ነው።

ይህም ተማሪዎችን ለማገዝ የሚያደርገውን አስተዋኦ እና ያለውን ዕውቀት ለብዙዎች ለማካፈል የሚያደርገውን ጥረት በመመልከት በ"የቅን ልቦች" የሽልማት ውድድር በኢኮኖሚክስና ፋይናንስ ዘርፍ ዕጩ ሆኖ ቀርቧልና በተግባር የሚያደርገውን መልካምነት በመደገፍ ድምፅ እንስጠው።

መልካምነት እናበረታታ!
በቀጣዩ ሊንክ ተጠቅመን ለወንድማችን ድምፅ እንስጠው!
https://yekinlibochaward.org/nominees/habtamu-legese

05/09/2026

05/09/2026

ሐረማያ ዩኒቨርሲቲ የማህበረሰ አገልግሎት ለአካባቢው ማህበረሰብ በመስጠት ከዩኒቨርሲቲዎች ቀዳሚ ሆኖ መመረጡ ተገለፀ

ሸገር ኤፍ ኤም በመንግስት ዩኒቨርሲቲዎች ላይ የተሰራ ጥናትን መሰረት አድርጎ እንደዘገበው ሐረማያ ፣ አዲግራት እና ወልድያ ዩኒቨርሲቲዎች በአካባቢው ማህበረሰብ ዘንድ በሚሰጡት አገልግሎት ከፍተኛ እርካታ ከተመዘገበባቸው መካከል ቀዳሚዎቹ መሆናቸው ተገልጿል።

ጥናቱ የቀረበው የትምህርት ሚኒስቴር የከፍተኛ ትምህርት ፖሊሲ ምርምር ፣ የአመራር ልማት መርሃ ግብር እና የከፍተኛ ትምህርት ተቋማት የ2018 አፈጻጸም ዙሪያ በተዘጋጀው ውይይት ላይ መሆኑን ዘገባው ጠቁሟል፡፡

ጥናቱ ከተለያዩ ተቋማት በተውጣጡ አጥኚዎች መሰራቱንና በ2017 እና በ2018 በዩኒቨርሲቲዎች ውስጥ በሚሰጠው አገልግሎት መምህራን ፣ ተማሪዎች ፣ የአስተዳደር ሰራተኞች እና ማህበረሰቡ ምን ያህል ደስተኛ ናቸው የሚለውን ለማወቅ የተሰራ ነው፡፡

በጥናቱ 47ቱም የመንግስት ዩኒቨርሲቲዎች የተካተቱ ሲሆን ከ16 ሺህ በላይ ተማሪዎች ፣ ከ16 ሺህ በላይ መምህራን፣ ከ4 ሺህ በላይ የዩኒቨርሲቲ አስተዳደር ሰራተኞች እና 4 ሺህ የሚሆኑ የማህበረሰብ ክፍሎች (በአጠቃላይ 61 ሺህ 431 ሰዎች) በጥናቱ ውስጥ ተሳታፊ ሆነዋል፡፡

01/09/2026

ሐረማያ ዩኒቨርሲቲ ውስጥ ለአንድ ወር ሲሰጥ የቆየ የሳይንስ ፣ ቴክኖሎጂ ፣ ኢንጂነሪንግ እና ሒሳብ (STEM)) ስልጠና ተጠናቀቀ

ስልጠናው በተግባር ትምህርት የተደገፈ ስለሆነ ለመረዳት ቀላልና ለውጤት የሚያበቃ ነው ሲሉ ሰልጣኝ ተማሪዎች ገለጹ፡፡


ሐረማያ ዩኒቨርሲቲ በአካባቢው ከሚገኙ 2ኛ ደረጃ ትምህርት ቤቶች ለተውጣጡ ተማሪዎች ለአንድ ወር ሲሰጥ የቆየውን ደረጃ ሁለት የሳይንስ ፣ ቴክኖሎጂ ፣ ኢንጂነሪንግ እና ሒሳብ (STEM) ትምህርት ስልጠና የዩኒቨርሲቲው አመራሮችና ባለድርሻ አካላት በተገኙበት ተጠናቋል፡፡


በማጠቃለያ መርሃ-ግብሩ ላይ ንግግር ያደረጉት የዩኒቨርሲቲው የማኅበረሰብ ተሳትፎ እና ኢንዱስትሪ ትስስር ዳይሬክቶሬት ዳይሬክተር አቶ ከማል ቃሲም እንደ ተናገሩት ​ስልጠናውን ዳይሬክቶሬታቸው ከተፈጥሮ እና ኮምፒዩቴሽናል ሳይንስ ኮሌጅ ጋር በመተባበር ማዘጋጀቱንና በሚቀጥለው ዓመት ህዳር ወር አካባቢ ለሚካሄደው ሃገር አቀፍ የሳይንስ ውድድር ከሰልጣኖች መካከል ተመርጦ እንዲሳተፉ ስለሚደረግ ራሳቸውን እያዘጋጁ መቆየት እንደሚገባቸው ገልጸዋል፡፡
​

አያይዘውም ዩኒቨርሲቲው የትምህርት ጥራትን ለማረጋገጥ የሚያስችሉ ሥራዎችን በትኩረት እየሰራ እንደሆነና የ STEM ሥልጠና ካለው ጠቀሜታ አንጻር በቀጣይም የሰልጣኝ ተማሪዎችን ቁጥር ከእጥፍ በላይ በማሳደግ ለማሰልጠን ዩኒቨርሲቲው በትኩረት እንደሚሰራ ጠቁመዋል፡፡


​የኦሮሚያ ክልል ትምህርት ቢሮ የኢንፎርሜሽንና ቴክኖሎጂ ዳይሬክተር አቶ ደሳለኝ ዋቅጅራ በመርሃ-ግብሩ ላይ እንደተናገሩት ሃገርን በልማት ለመቀየር የሚቻልበት ዋናው ነገር እውቀት በመሆኑና እውቀት ደግሞ የሚገኘው በርትቶ በመማር ስለሆነ ለዚህም ጉልህ አስተዋጽዖ ለሚያበረክቱ የትምህርት ዘርፎች ትኩረት ተሰጥቶ እየተሰራ ነው ብለዋል፡፡ አያይዘውም ሐረማያ ዩኒቨርሲቲም ተማሪዎችን ለማብቃት እያከናወነ ያለው ተግባር የሚበረታታና የሚያስመሰግነው መሆኑን ገልጸዋል፡፡


​የሐረማያ ዩኒቨርሲቲ የSTEM ማዕከል አስተባባሪ ዶክተር ሄኖክ ደሳለኝ እንደገለጹት ኢትዮጵያ ወደ ዲጂታልና እውቀት መር ኢኮኖሚ ለማሸጋገር በሚደረገው ጥረት እንደ ዲጂታል ኢትዮጵያ 2030 ያሉ የዲጂታል ልማት አጀንዳዎች ለማሳካት የዲጂታል ክህሎት፣ የቴክኖሎጂ እውቀት፣ ፈጠራ እና የሰው ኃይል ልማት መሰረታዊ መደላድሎች መሆናቸውንና ዩኒቨርሲቲውም ለእነዚህ አጀንዳዎች ስኬት በትኩረት እየሰራ ነው ብለዋል፡፡


አክለው የስልጠናው አላማም ተማሪዎች የተማሩትን ትምህርት መተግበር ብቻ ሳይሆን የራሳቸውን ምርምርና ፈጠራ አክለው ለህዝብና ለሃገር ጠቃሚና ችግር ፈቺ ስራ እንዲሰሩ ለማስቻል መሆኑንና በስልጠናው ላይም ከሰባት ትምህርት ቤቶች የተውጣጡ 59 ተማሪዎች ሥልጠናቸውን በተሳካ ሁኔታ መውሰዳቸውን ተናግረዋል፡፡

በአንድ ወር ቆይታቸው የወሰዱት ትምህርት በተግባር የተደገፈ ስለሆነ የሳይንስ ትምህርትን በአግባቡ እንዲረዱ እንዳስቻላቸውና ወደፊት መሆን የሚፈልጉትን ለመሆን ለውሳኔ የሚያበቃ ነው ሲሉ ሰልጣኝ ተማሪ ሀዊ ዳቢ እና ተማሪ ኢብራሂም አብዱጀባር ገልጸዋል፡፡

ስልጠናውን በአግባቡ ወስደው ላጠናቀቁ ተማሪዎችም የምስክር ወረቀት ተበርክቶላቸዋል፡፡ ስልጠናው ወደፊትም ተጠናክሮ የሚቀጥል መሆኑን ተገልጿል፡፡



ዘጋቢ፡ አወቀ አያልነህ
ምስል፡ ቴዎድሮስ ሊሻን
ሐረማያ ዩኒቨርሲቲ የህዝብና ዓለም አቀፍ ግንኙነት
ለእድገት መሰረት እንጥላለን!
ነሐሴ 25/2018 ዓ.ም.

01/09/2026