Waajjira Dargaggoofi Ispoortii Godina Buunnoo Beddellee

21/08/2026

🎉
Aanaalee Damee Ispoortii fi Damee Dargaggoottin Bara 2018tti raawwii hojii fooyya'aa hojjetaniif 1_3 ttif Geebni Kennameera
1ffaa......Magaalaa Beddellee
2ffaa .....Aanaa Cawwaaqaa
3ffaa.... Aanaa Boorrachaa

Galii MMI sadarkattin 1_3
Aanaan Gachii .......1ffaa
Aanaan Deeggaa.....2ffaa
Aanaan Beddellee ..... 3ffaa

21/08/2026

Manni Maree Ispoortii Godina Buunnoo Beddellee raawwii hojii bara 2018 gamaggamuun fi karoora hojii bara 2019 irratti mariyate.

Ittigaafatamaan Waajjira Dargaggoof Ispoortii Godina Buunnoo Beddellee Obbo Mohammad Maccaa sochii ispoortii sadarkaa gandaaf manneen barnootaa irraa eegaluun hanga godinaatti jabeessuun ispoortessitoota ciccimoo damee ispoortii aadaaf ammaayyaatiin uumuuf kan hojjetamu tahuu ibsan. Gahumsaaf beekumsa ogeeyyii fi murteessitoota ispoortii cimsuun misooma ispoortiirratti hojjechuuf karoorfamuu ibsan.

Bakkeewwan oolmaa fi dirreewwan ispoortii babal'isuuf sadarkaa isaanii olguddisuu akkasumas galii ispoortii dabaluun aanaalee godinchaa mara keessatti xiyyeeffannoon hojjetamuu akka qabu dhaaman.

Bulchaan Godina Buunnoo Beddellee Obbo Amaan Danuu dirreewwan ispoortii gandoota mara keessatti babl'isuun gosoota ispoortii hedduun dorgomtoota gahumsa qaban sadarkaa gadiirraa eegalee oomishuun murteessaa tahuu himan.

Godinichatti ispoortii bu'uura hawaasaa qabsiisuu fi galii ispoortii godinichaa guddisuun babal'ina ispoortiif oolchuuf kan hojjetamu tahuu ibsan.

Xumura irrattis aanaalee bara 2018tti raawwii hojii fooyya'aa hojjetaniif beekamtiin kennameera.

15/08/2026

Gareewwan Kubbaa Miillaa Godina keenya bakka bu'uun hirmaatan 3'n marsaa itti anu 32'tti darbanii jiru.
Kan itti anufiis carraa gaarii hawwinaaf.

Shaampiyoonaa Gareewwan Kubbaa Miilaa Oromiyaa kan bara 2018 Magaalaa Baatuutti gaggeeffamaa jiruun Gareewwan Marsaa mo'atanii darbuu 32 keessaaf darban ifoomaniiru .

1.Bulbulaa
2.Arfan Alaakuu
3.Dooranii
4.Tolee
5.Najo
6.Mannaa
7.Asandaaboo
8.Ciiraa
9.Buusaa Wandoo
10.Gaddattuu Arjoo
11.Horroo
12.Hooggisoo
13.Ayiraa
14.Daarimuu
15.Awwadaay
16.Godee Duroo
17.Baallammii
18.Hurutaa
19.Seeruu
20.Angar Guutee
21.Roobee Arsii
22.Algee Saachii
23.Innaangoo
24.Kamisee💚
25.Muunessaa
26.Sokorruu
27.Odaa Noophaa.
28.Boorechaa💚
29.Ifaa
30.Cooraa Qumbaabee💚

Qabxii Gaarii 3ffaan
31.Dirree Incinnii
32.Xiichoo

Gareewwan 26 ammoo Dorgommicha irraa gaggeeffamaniiru .

11/08/2026

👉👉🏆🏆⚽️Baga gammadan.⚽️⚽️⚽️

Shaampiyoonaa mo'attoota Gareewwan Kubbaa Miilaa Oromiyaa 24ffaa kan bara 2018 irratti Godina keenya Bakka Bu'uun gareewwan 3 hirmaataniiru .

Gareewwan kun tapha marsaa jalqabaan injiffannoo bonsaa galmeesisani jiru.

07/08/2026

31/07/2026

Tajaajilli lammummaa hirmaannaa dargaggootaatiin milka'a!
~~~●●○○~~~
Godina Buunnoo Beddelleetti hojiin tajaajila lammummaa gannaa qindoomina jaarmiyaalee dargaggootaatiin hojjetamaa jira. Dudhaa gaarii walgargaaruuf tajaajila tolaatiin hawaasaaf hojjechuu ittifufsiisuuf dargaggootni godinichaa gumaacha guddaa taasisaa jiru.

Haaluma kanaan mareen raawwii hojii tajaajila lammummaa gannaa irratti xiyyeeffate jaarmiyaalee dargaggootaa fi qoodaa fudhattoota waliin geggeeffamaa jira.

Ittigaafatamaan Waajjira Dargaggoof Ispoortii Godina Buunnoo Beddellee Obbo Mohammad Maccaa ganna kana dargaggoota godinichaa kuma 139 hirmaachisuun tajaajila lammummaa gannaa hojjechuuf karoorfamee hojiittii seenamuu ibsan.

Ganna kana dargaggootni dadhabootaaf mana ijaaruu, meeshaalee uffataaf nyaataa, kitaabileef meeshaalee barnootaa sassaabuun gumaachuu, hojiiwwan qulqullina magaalaa, hubannoo seera tiraafikaa kanneen biroo irratti kan hojjetan tahus ibsan.

Ittigaafatamtuun Damee Siyaasa Paartii Badhaadhinaa Godina Buunnoo Beddellee Aadde Taatuu Teessoo humnaaf qabeenya jiru qindeessuun tajaajila lammummaatiin rakkoo hawaasaa furuuf hojiiwwan tolaa aanaalee godinichaa mara keessatti hojjetamaa jiraa jedhan.

Dargaggootni humnaaf beekumsa qabaniin rakkoo hawaasaa furuun dudhaa gaarii walgargaaruuf walooma cimsuurratti hojjechuu qabuu jedhan. Egeree biyyaa ijaaruufi misooma ittifufsiisuuf gaheen dargaggootaa olaanaa tahuu ibsuun jaarmiyaaleen dargaggootaa humnaaf qabeenya jiru walitti qindeessuun tajaajila lammummaa rakkoo hikan kanneen qulqullinaaf fakkeenyummaa qaban hojjechuurratti xiyyeeffachuu akka qaban dhaaman.

20/07/2026

Waldorgommiin mo'aa mo'attootaa kilaboota Godina Buunnoo Beddellee geggeeffamaa ture olaantummaa garee Kamisee tiin xumurame.

Waldorgommiin mo'aa mo'attootaa kun gareewwan 10 hirmaachisuun geggeeffamaa kan ture yoo tahu gareen kubbaa Miilaa Kamisee fi Aanaa Boorrachaa tapha waancaaf qaqqabaniiru. Walmorkii waancaaf taasisaniin yeroon taphaa galchii malee xumuramee rukuttaa addabaastuu peenaaliitiin gareen Kamisee galchii 6 : 5niin injifatee abbaa waancaa ta'eera.

Gareen Waaliyaa ammoo naamuusaan abbaa waancaa yootahu gareewwan Aanaa Boorrachaa fi Waaliyaa sadarkaa 2ffaaf 3ffaa bahuun meedaaliyaa fudhataniiru.

Ittigaafatamaan Waajjira Dargaggoof Ispoortii Godina Buunnoo Beddellee Obbo Mohammad Maccaa waldorgommii kanaan gareewwaniif dorgomtootni gahumsa qaban kanneen shaampiyoonaa mo'aa mo'attootaa kubbaa miilaa Oromiyaa irratti hirmaatan filatamuu ibsan.

11/07/2026

Waldorgommiin tapha kubbaa miilaa mo'aa mo'attootaa kilaboota Godina Buunnoo Beddellee eegalame.

Waldorgommiin mo'aa mo'attootaa kun kilaboota 10 gidduuttii guyyoota 10f kan geggeeffamu yootahu taphni saaqinsa dorgommichaas garee Saandeey Faamilii fi Dabbasoo Sooroo gidduutti eegalameera.

Xumura waldorgommii kanaanis gareewwan sadarkaa 1 hanga 3 bahan shaampiyoonaa gareewwan mo'aa mo'attoota kubbaa miilaa Oromiyaa irratti kan hirmaatan akka ta'e odeeffannoon Waajjira Dargaggoof Ispoortii Godinichaa irraa argame nii mul'isa.