Worebabo Woreda Livestock Resource Development Office

23/10/2026

🐾 የእንስሳት ጤና እና ደህንነት አዋጅ ቁጥር 1376/2018 (Proclamation No. 1376/2025) ምን ይላል?

​ሰላም የዚህ ገጽ ተከታታዮች! እንስሳት ከሚያበረክቱት ኢኮኖሚያዊ አስተዋጽኦ በላይ እንደሰው ስሜት ያላቸውና መሰረታዊ ፍላጎት እንዲሟላላቸው የሚሹ ፍጡራን በመሆናቸው፣ የእነሱን ጤና እና ደህንነት መጠበቅ የሁላችንም የሞራል እና የህግ ግዴታ ነው።

​በሀገራችን የወጣው የእንስሳት ጤና እና ደህንነት አዋጅ ቁጥር1376/2018 (1376/2025) ስለዚህ ወሳኝ ጉዳይ የሚከተሉትን ቁልፍ ነጥቦች ያስቀምጣል፡-

​📋 የእንስሳት ባለቤቶች እና ጠባቂዎች ኃላፊነት (አንቀጽ 24)
​ማንኛውም እንስሳ የሚይዝ ወይም የሚንከባከብ ሰው ለእንስሳው የሚከተሉትን የማሟላት ኃላፊነት አለበት፡
✔️ ​በቂ የእንስሳት መኖ የማቅረብ፤
✔️ ​በቂ እና ንጹህ ውሃ የማቅረብ፤
✔️ ​ከእንስሳው ባህርይ እና ከአየር ጠባዩ ጋር የሚስማማ ምቹ መጠለያ የማቅረብ፤
✔️​ የተሟላ የእንስሳት ሕክምና እና ክትባት እንዲያገኙ የማድረግ፤
✔️ ​አግባብነት ያለው አያያዝ እና ጥበቃ እንዲያገኙ የማድረግ፤
✔️ ​ተገቢውን ደረጃ በሚያሟላ ማጓጓዣ የማጓጓዝ፤
​በእርጅና እና በበሽታ ወይም በሌላ አስገዳጅ ምክንያት መወገድ ካለበት ለሚመለከተው አካል የማሳወቅ።

​🚫 በእንስሳት ላይ የሚደረግ ጭካኔ የተከለከለ ነው! (አንቀጽ 25)
​አዋጁ በእንስሳት ላይ የሚፈጸሙ ኢ-ሰብአዊ ድርጊቶችን አጥብቆ ይከለክላል፡
​እንስሳትን በጭካኔ ማሰቃየት፣ መደብደብ፣ መጉዳት ወይም አካላቸውን ማቁሰል ወይም መቁረጥ፤
​እንስሳት ከአቅማቸው በላይ መጫን ወይም ማሠራት፤
​እንስሳትን ሆን ብሎ ወይም በቸልተኝነት አላግባብ መያዝ ወይም ጭካኔ በተሞላበት ሁኔታ ጉዳት ማድረስ፤
​በእንስሳት ላይ ህመምን ወይም ስቃይን የሚያስከትል ወይም ምቾትን የሚነሳ የእንስሳት እርባታ ዘዴ ማካሄድ የተከለከለ ነው።

​🎯 አዋጁን ማክበር ለምን ይጠቅማል?
✔️ ​የሰዎችን ጤና ለመጠበቅ: ከእንስሳት ወደ ሰው ሊተላለፉ የሚችሉ በሽታዎችን (Zoonosis) በመከላከል የሕብረተሰቡን ጤና ይጠብቃል።
✔️ ​የእንስሳትን ደህንነት ለማረጋገጥ: እንስሳት ከስቃይ፣ ከህመም፣ ከፍርሃትና ከጭንቀት ተጠብቀው የተፈጥሮ ባህርያቸውን መግለጽ እንዲችሉ ያስችላል።
✔️ ​የገበያ ተወዳዳሪነትን ለማሳደግ: የእንስሳት ውጤቶች ጥራትና ደህንነት ዓለም አቀፍ ደረጃን እንዲያሟሉ በማድረግ አዳዲስ ገበያዎች ውስጥ ለመዘልቅ ይረዳል።

​እንስሳትን በአግባቡ በመንከባከብና ሕጎቹን በማክበር ኃላፊነታችንን እንወጣ!

​ #የእንስሳትጤናናደህንነት #ግንዛቤ #ሕግ

19/10/2026

በወረባቦ ወረዳ በ02 ቀበሌ በወጣት ፍቃዱ እየተደለቡ ያሉ ፍየሎች! 🐐
በወረባቦ ወረዳ በ02 ቀበሌ የሚገኘው ወጣት ፍቃዱ በፍየል ማድለብ ሥራ ላይ ተሰማርቶ የራሱን የኑሮ ሁኔታ ለማሻሻልና የኢኮኖሚ አቅሙን ለማጠናከር እየሠራ ይገኛል።
የወጣቱ ተሳትፎ በእንስሳት ማድለብ ዘርፍ ያለውን የሥራ ዕድል በመጠቀም ራስን ለመቻል፣ ገቢን ለማሳደግና ለሌሎች ወጣቶችም ተስፋ ሰጪ ምሳሌ ለመሆን ያለውን ጥረት ያሳያል።
➮ ለወጣቶች የሥራ ዕድል፣ ለቤተሰብ የተሻለ ኑሮ፣ ለአካባቢው ኢኮኖሚ እድገት! እንደ ወጣት ፍቃዱ ያሉ በጥረታቸው የሚለወጡ ወጣቶችን ማበረታታት ለዘላቂ ልማት ወሳኝ ነው።

16/10/2026

ወረባቦ ወረዳ 02 ቀበሌ በተለያዩ የማልሚያ ዘዴ የለማ የእንስሳት መኖ ከፊል ገጽታ
በተለያዩ የማህበራዊ ሚዲያ አማራጮች ስለ ወረባቦ እንስሳትና ዓሳ ሃብት ልማት ጽ/ቤት ወቅታዊ መረጃዎችን ለማግኘት
Like,Shares & Comment ያድርጉ !!
➭ ፌስቡክ፦ https://www.facebook.com/profile.php?id=100071996036879
***
➭ቲክቶክ፦ https://www.tiktok.com/.ls
***

12/10/2026

ወረባቦ ወረዳ 02 ቡልቡሎ በአርሶ አደር ወርቁ እንዲሪስ 1ሄ/ር ቦረቦር መሬት ላይ የለማ ሰስፓኒያ እና ዝሆኔ ሳር ልማት

12/10/2026

በወረባቦ ወረዳ ባሉ ቀበሌዎች እየተሰራ ያለው የገፈራ ዝግጅት በምስል

04/10/2026

መስከረም 24/2019 በ02 ቀበሌ ገፈራ ዝግጅት በአርሶ አደር ማሰልጠኛ ማዕከላት ላይ በዚህ መልኩ የተሰራ ሲሆን በቀጣይ ሳምንቱን በንቅናቄ የሚሰራ ይሆናል።

🦋🦋🦋🦋🦋🦋🦋🦋

ገፈራ ማለት አረንጓዴ የእንስሳት መኖዎችን የንጥረ ምግብ ይዘታቸውን/Nutritive Value/ ሳይቀይሩ በተቀመጠለት የዝግጅት ምክረ ሀሳብ መሰረት በማዘጋጃት በድርቅ ወይም በረሃብ ወቅት ለመመገብ የሚሠራ የቅድመ ዝግጅት ሥራ ነው።

ልዩ ልዩ የእንስሳት መኖ አይነቶችና የእህል አገዳዎች እንዲሁም ሳርና ቅጠላቅጠል ለእንሰሳት ምርት ጠቃሚ የሆኑ ንጥረ ምግቦችን ይዘው በሚገኙበት በለጋነት ጊዜያቸው በማጨድ: በመቀረጣጠፍና አመቺ በሆነ መጠን በተሰራ ጉድጋድ /ጎተራ/ከመሬት በላይ ወይም በታች በተዘጋጀው ጉድጋድ /ፕላስቲክ ከረጢት/ የተቀረጣጠፈውን እፅዋት አየር በማይገባበት ሁኔታ በማመቅ በመጠቅጠቅ መኖን የማቆያ ዘዴ ነው::

ገፈራ ማዘጋጀት ዋናው ጥቅም ከፍተኛ የመኖ ምርት ባለበት ወቅት የሚገኘውን ትርፍ መኖ የንጥረ-ምግብ ይዘቱና ተበይነቱ ሳይቀንስ አቆይቶ እጥረት በሚከሰትበት ወቅት ወይም በበጋ ወራት የአርንጓዴ መኖ ዕጥረት ሲያጋጥም እንስሳትን ለመመገብ የምንጠቀምበት የመኖ ማቆያ ዘዴ ነዉ፡፡

01/10/2026

congratulations

ዶክተር ጋሻው ሙጨ በድጋሜ የአማራ ክልል እንስሳትና አሳ ሀብት ልማት ቢሮ ሀላፊ ሆነው ተሾሙ

የህዝብ ወገንተኝነት፣ የላቀ የሙያ ብቃት እና የፀና የህዝብ አገልጋይነት መንፈስ ሁልጊዜም ዋጋቸው የጎላ ነው። ዶክተር ጋሻው ሙጨ በድጋሜ የአማራ ክልል እንስሳትና አሳ ሀብት ልማት ቢሮ ሀላፊ ሆነው በመሾማቸው ለተቋማችን ሰራተኞች እና ለዘርፉ ተጠቃሚ ህዝብ ታላቅ ምስራችና የመንፈስ ጥንካሬ ሆኗል።

ዶክተር ጋሻው በቅንነታቸው፣ በታታሪነታቸው እና በንፁህ ህሊና አገልጋይነታቸው በብዙዎች ዘንድ የሚታወቁ፣ ለተሰጣቸው ሀላፊነት በሙሉ ልብ የሚተጉ መሪ ናቸው። ለህዝባቸው ካላቸው ጥልቅ ፍቅር፣ ለስራ ካላቸው ያልተቆጠበ ተነሳሽነት እና ለአላማቸው ከሚያሳዩት ፅናት አንጻር የአማራ ህዝብ የቁርጥ ቀን ልጅ ቢባሉ ማጋነን አይሆንም።

ተቋማችን በመመረጣቸው ታላቅ ኩራትና ደስታ እየተሰማን በሳቸው መሪነት በክልላችን የእንስሳትና አሳ ሀብት ልማት ዘርፍ የበለጠ ውጤታማነት፣ የቴክኖሎጂ ሽግግር እና የላቀ እድገት እንደሚመዘገብ ሙሉ እምነት አለን።

ለዶክተር ጋሻው ሙጨ እንኳን ለዚህ ታላቅ የህዝብ አደራ በድጋሜ በደህና መጡ እያልን፤ በስራ ዘመናቸው ሁሉ ስኬት፣ ጥንካሬ እና መልካም እድል እንዲገጥማቸው በሙሉ ልብ እንመኛለን።
መልካም የስራ ዘመን ዶክተር ❤

28/09/2026

የወረባቦ ወረዳ እንስሳትና አሳ ሀብት ልማት ፅ/ቤት በ2018 በጀት አመት በሌማት ቱርፋት ያሳየውን አመርቂ ውጤት ወደ ሌሎች ተግባራቶች አስፍቶ መሄድ እንደሚገባ ተገለፀ።
🐝🐝🐝🐝🐝🐝
መስከረም 18/2019

የወረባቦ ወረዳ የእንስሳትና ዓሳ ሀብት ልማት ጽ/ቤት የ2018 በጀት ዓመት ዕቅድ አፈፃፀም ግምገማ እና የ2019 በጀት ዓመት ዕቅድ ትውውቅ መድረክ የቀበሌ ባለሙያዎች፣ የጽ/ቤቱ ማነጅመንት አባላትና ባለሙያዎች በተገኙበት አካሂዷል።

በመድረኩ የመክፈቻ ንግግር ያደረጉት በብልፅግና ፓርቲ የወረባቦ ቅርንጫፍ ጽ/ቤት ኃላፊ አቶ እንድሪስ መሀመድ በዘርፉ በተለይም በሌማት ቱርፋቶች ላይ የተጀመሩ መልካም ሥራዎችን አጠናክሮ ማስቀጠል እንደሚገባና የዚህን ወደ ሌሎቹም የተቋሙ ተግባራት ማስፋት እንደሚገባ ገልጸዋል።

በእንሰሳት ዝርያ ማሻሻል፣ በመኖ ልማት አጠቃቀም ፣ በእንሰሳት በሽታ መከላከል እንድሁም የስራ እድል ፈጠራ ላይ ትኩረት ሰጥቶ መስራት እንደሚገባ የገለፁት አቶ እንደሪስ በሀገራችን ለዘርፉ የተሰጠውን ትከረት በመረዳት በ2019 በጀት አመት የተሻለ ስራ በመስራት የማህበረሰቡን ተጠቃሚነት ማረጋገጥ እንደሚገባ ገልፀዋል።

በመድረኩ የ2018 ዕቅድ አፈፃፀም ላይ የታዩ ጥንካሬዎች እና ድክመቶች በዝርዝር ቀርበው ውይይት ተደርጎባቸዋል።

የ2019 በጀት ዓመት ዕቅድ ለተሳታፊዎች ቀርቦ በዕቅዱ ላይ የጋራ ግንዛቤ እንዲፈጠር ውይይት ተካሂዷል። በ2019 የበጀት ዓመት የእንስሳትና ዓሳ ሀብት ልማትን ለማሳደግ፣ የምርታማነት ደረጃን ለማሻሻል፣ የእንስሳት ጤና አገልግሎትን ለማጠናከርና የህብረተሰቡን ተሳትፎ ለማሳደግ የታቀዱ ተግባራት በትኩረት ተነስተዋል።
በመጨርሻም የተሻለ የስራ አፈጻጸም ላመጡ ባለሞያዎች የእውቅና የምስክር ወረቅት በመስጠት ማጠናቀቅ ተችሏል።

28/09/2026

27/09/2026

ገፈራ (Silage) ማዘጋጀት ለእንስሳት ምርታማነት ወሳኝ ሚና አለው:-
ገፈራ (Silage) ማለት አረንጓዴ የመኖ ሰብሎችን ወይም ሣርን በአየር እንዳይገናኝ በመዝጋት ለረጅም ጊዜ በጥራት ማስቀመጥ የሚያስችል ዘመናዊ የመኖ ዝግጅት ዘዴ ነው።
የገፈራ ዝግጅት ተስማሚ የመኖ ሰብሎችን እንደ በቆሎ፣ ማሽላ እና የተለያዩ የመኖ ሣሮችን በመሰብሰብ፣ በትንንሽ ቁርጥራጮች በመቁረጥ እና በጉድጓድ ወይም በሲሎ ውስጥ በጥብቅ በመጨመቅ ይከናወናል። ከዚያም አየር እንዳይገባ በደንብ ተዘግቶ ለተወሰነ ጊዜ ይቆያል።
ገፈራ በድርቅ ወቅት የመኖ እጥረትን ለመቀነስ፣ የመኖ ጥራትን ለመጠበቅ፣ የወተትና የስጋ ምርትን ለማሳደግ እንዲሁም የመኖ ብክነትን ለመቀነስ ከፍተኛ ጠቀሜታ አለው።
ስለዚህ አርሶ አደሮች እና ከብት አርቢዎች የገፈራ ዝግጅትን በስፋት በመተግበር በዓመቱ ውስጥ ለእንስሳቶ