Bonga Town Communications, Bonga Town, Bonga (2026)

28/09/2026

እንኳን ለሸካቾ ብሔረሰብ የዘመን መለወጫ በዓል በሠላም አደረሳችሁ አደረሰን፦ አቶ እንዳሻው ከበደ የካፋ ዞን ዋና አስተዳዳሪ

የካፋ ዞን ዋና አስተዳዳሪ አቶ እንዳሻው ከበደ የ2019 ዓ/ም የሸካቾ ብሔረሰብ የዘመን መለወጫ" ማሽቃሬ ባሮ" በማስመልከት የእንኳን አደረሳችሁ መልዕክት አስተላለፉ።

በወርሃ መስከረም በተለያዩ ባህላዊና ትውፊታዊ ስነስርዓቶች በድምቀት የሚከበረው ይሄው የሸካቾ ብሔረሰብ የዘመን መለወጫ "ማሽቃሬ ባሮ" ከአሮጌው ዓመት ወደ አዲሱ ዘመን የሚሸጋገሩበት፣ የጋራ እሴታችን ነው።

በዓሉ በሸካቾ ብሔረሰብ ዘንድ የአዲስ ዓመት ተስፋ የሚሰነቅበትና ለመጪው ዓመት በሠላምና በጤና ጠብቆ እንዲያቆያቸው በጋራ ተሰባስበው ለፈጣሪያቸው ምስጋና የሚያቀርቡበት ልዩ በዓል መሆኑንም በመጥቀስ።

የሸካቾ ብሔረሰብ ዘመን መለወጫ "ማሽቃሬ ባሮ" በአንድነት ፈጣሪን ለማመስገን፣ ህብረተሰቡንና ወጣቱን ኃይል ለስራ ለማነሳሳት፣ በአንድነትና በአብሮነት ለሠላም ዘብ ለመቆም፣ ከጎረቤት ወንድማማችና እህትማማች ህዝቦች መካከል ህብረትን ለመፍጠር ያለው ፋይዳ ወሳኝ መሆኑን ገልፀዋል።

ይህ በዓል በካፋና በሸካ ህዝብ መካከል የቆየውን የወንድማማችነት እና እህትማማችነት፤ የአንድነት እና የአብሮነት ትስስር ይበልጥ የምጠናክርበት መሆኑንም አቶ እንዳሻው ጠቅሰዋል።

በዓሉ ለሸካቾ ብሔረሰብ አዲሱን ዓመት በደስታ የሚቀበሉበት፣ ቂም ለይቅርታ እና ለፍቅር ቦታውን የሚለቅበት፣ ፀብ በእርቅ የሚዘጋበት ፣ አንደበቶች ፍቅርን ብቻ የሚዘሩበትና ሠላምና ደስታ የሚነግስበት እንዲሆን ዋና አስተዳዳሪው ተመኝቷል ።

በመጨረሻም ዋና አስተዳዳሪው ለመላው የሸካቾ ብሔረሰብ ተወላጆችና ወዳጆች በሙሉ በዓሉ የሠላም፤ የጤና፤ የፍቅርና የአብሮነት እንዲሆን በራሴና በካፋ ህዝብ ሥም እመኛለሁ።

በድጋሚ እንኳን ለሸካቾ ዘመን መለወጫ "ማሽቃሬ ባሮ" በዓል በሠላም አደረሳችሁ አደረሰን

አቶ እንዳሻው ከበደ
የካፋ ዞን ዋና አስተዳዳሪ

27/09/2026

የመስቀል ደመራ በዓል አከባበር በቦንጋ ከተማ

27/09/2026

በ7ኛው አገራዊ ምርጫ የካፋን ህዝብ በመወከል የህዝብ ተወካዮች አባል በመሆን ለቀጣይ 5 ዓመታት የሚሳተፉት አመራሮች ሽኝት ተደረገላቸው

በ7ኛው አገራዊ ምርጫ የካፋን ህዝብ በመወከል የህዝብ ተወካዮች ምክር ቤት አባል በመሆን ለቀጣይ 5 ዓመታት የሚሳተፉት ለካፋ ዞን አመራር የተከበሩ ለአቶ ታከለ ታምሩና ለአቶ ነገሠ ግዛው ደማቅ የሽኝት ፕሮግራም ተደርጎላቸዋል ።

የካፋ ዞንና የቦንጋ ከተማ አመራሮች ባዘጋጁት የሽኝት ፕሮግራም ላይ የተገኙት የካፋ ዞን ዋና አስተዳዳሪ አቶ እንዳሻው ከበደ ባስተላለፉት መልዕክት የአመራር አንድነትንና የአብሮነት ባህልን በማጠናከር ልዩነቶችን ማጥበብ ያስፈልጋል ብለዋል።

አክለውም እነዚህ አመራሮች በተሰማሩበት ስራ መስክ ላይ በፓርቲ መርህ ላይ ሆነው በታማኝነትና በቅንነት ለህዝባቸው ውጤታማ ስራ መስራታቸውን ተናግረዋል ።

በፓርቲ መርህ መሠረት የሚሰጣቸውን ተልዕኮ በአግባቡ የሚወጡ ጠንካራ አመራሮች መሆናቸውን የጠቀሱት ዋና አስተዳዳሪው አሁን በበለጠ ለከባድ ተልዕኮ እየሄዱ በመሆናቸው ለወከላቸው ህዝብ የተሰጣቸውን የህዝብ ተልዕኮ በአግባቡ እንዲወጡ መልዕክት አስተላልፏል ።

አጠቃላይ ለዞናችንና ለሀገራችን ዕድገት የበኩላቸውን ሀላፊነት እንዲወጡ ገልጸው በየትኛውም ጊዜ የዞን መንግስት በጎናቸው ላይ እንደሚሆን አቶ እንዳሻው ተናግረዋል ።

የካፋ ዞን ብልፅግና ፓርቲ ቅ/ጽ/ቤት ሀላፊ አቶ አጥናፉ ሀይሌ በበኩላቸው ይህ ሽኝት የመጨረሻ ጊዜ አለመሆኑንና በተለያዩ ስራ ምክንያት የመገናኘት ዕድል ይኖረናል ብለዋል።

አክለውም እነዚህ አመራሮች በቆይታቸው በብዙ ውጣውረድና በችግር ውስጥ የተሰጣቸውን ሀላፊነት በአግባቡ በመጠቀም ለህዝባቸው ደከመኝ ሰለቸኝ ሳይሉ ያገለገሉ ጠንካራ አመራሮች መሆናቸውን ተናግረዋል ።

አመራሮቹ የተሰጣቸውን ትልቅ የመንግስት ተልዕኮንና የህዝብ አደራን ለመወጣት ህዝቡን ለማገልገል እየሄዱ መሆናቸውን ተናግረዋል ።

አመራሮቹ የመንግስትና የፓርቲ ተልዕኮን በቅንነትና በታማኝነት የተሰጣቸውን ተልዕኮ በአግባቡ እየተወጡ ህዝብን እያገለገሉ መቆየታቸውን አቶ አጥናፉ ተናግረዋል ።

የህዝብ ተወካዮች አባል በመሆን ሽኝት የተደረገላቸው አባላት አቶ ታከለ ታምሩና አቶ ነገሠ ግዛው በበኩላቸው ከለመዱት ህዝብና አመራሮች ጋር ለጊዜው ተራርቀው መኖር የሚያሳዝን መሆኑን እና በተቃራኒው የህዝብን አደራ ተሸክሞ በዚህ ደረጃ ከህዝብ ዘንድ አመኔታ በማግኘት ለተልዕኮ እየሄዱ መሆናቸው ያስደሰታቸው መሆኑን ተናግረዋል ።

አመራሮች አንድነትን በማጠናከር የሚሰጣቸውን ተልዕኮ በአግባቡ በመወጣት ህዝብን ማገልገል እንዳለባቸው መልዕክት አስተላልፏል ።

በመጨረሻም የህዝብ ተወካይ አባላቶች የተሰጣቸውን ትልቅ የህዝብ አደራን በአግባቡ በመወጣት በትኩረት እንደሚሰሩ ገልጸው ከዞንና ከቦንጋ ከተማ አመራሮች ስለተበረከተላቸው ስጦታና መልካም ምኞታቸው ምስጋና አቅርበዋል።
Kaffa Zone Prosperity Party

26/09/2026

የደመራ በዓል በቦንጋ ከተማ በድምቀት ተከብሯል።

የካፋ፣ ሸካ፣ ቤንች ሸኮና ምዕራብ ኦሞ አህጉረ-ስብከት ሊቀ ጳጳስ ብጹዕ አቡነ ህዝቅኤል በበዓሉ አከባበር ሥነ-ሥርዓት ላይ ተገኝተው የወንጌል አስተምሮ ትምህርት ሰጥተዋል።

የካፋ፣ ሸካ፣ ቤንች ሸኮና ምዕራብ ኦሞ አህጉረ-ስብከት ሊቀ ጳጳስ ብጹዕ አቡነ ህዝቅኤል በበዓሉ አከባበር ሥነ-ሥርዓት ላይ ተገኝተው እግዚአብሔር በመስቀሉ የሙታንን አይን እንዳበራ፣ አጋንንትን እንዳባረረ እንዲሁም በሽተኞችን እንደፈወሰ በመልዕክታቸው ተገልጿል።

አባታችን አዳምና ሄዋን ተፈጥረው በገነት እንዲያብዙ ስልጣን ተሰጥቷቸው እንደነበር፣ ነገር ግን የሰይጣን መታለል ምክንያት ንጽህናቸው ተወስዶባቸው እንደነበር አብራርቷል ።

የሰው ልጅ በደል ምክንያት የገነት በር ተዘግቶ ቆይቶ የነበረ ቢሆንም፣ የመድኃኒታችን የኢየሱስ ክርስቶስ ፍቅር ሰውን ለማዳን ስጋን ለብሶ መምጣቱና በስጋ የገባውን ኃጢአት በስጋ በማስወገድ አለምን ማዳኑ ጠቁሟል ።

ክርስቶስ በሰውነቱ መከራ መስቀልን በመቀበል፣ በአምላክነቱ ደግሞ አለምን ማዳኑን በማስታወስ ብጹዕ አቡነ እዝቅኤል ለመላው የክርስትና እምነት ተከታዮች ሰላም እና በረከት እንዲመኙ አባታዊ መልዕክት አስተላልፈዋል።

የመስቀል በዓል ሲከበር እና የመስቀል ፍለጋ ታሪክ ሲነሳ፣ እንጨት ሰብስቦ ደመራ በመደምር፣ ጥምጣም በማድረግ እንዲሁም በእሳት በማቀጣጠል የሚከናወን ስነ-ሰርዓት መሆኑ ተናግሯል ።

መስቀሉ ከተገኘ በኋላ አብረው የተሰቀሉት ሁለት መዲዮች እንደነበሩና በጠቅላላው ሶስት መስቀሎች መገኘታቸው ተገልጿል።

የየትኛው የጌታችን የኢየሱስ ክርስቶስ መስቀል እንደሆነ ለመለየት አባ መቃሪዎስን በመጠየቅ፣ በሽተኞችንና ደዌዎችን በመስቀሉ አጠገብ በመሰብሰብ ተአምር እንደታየ አመላክቷል ።

ሁለት መስቀሎች ምንም ሳይለወጡ ሲቀሩ፣ እውነተኛው የጌታ መስቀል ሲቀርብ ግን አይኑ የማይበራው አይኑ እንደበራ፣ ደንቆሮው እንደሰማ እና በሽተኞችም ከበሽታቸው እንደተፈወሱ አብራርቷል ።

በመጨረሻም በበዓሉ ላይ ምእመናን በሰላም እንዲያልፉ፣ በስጋችንም ተአምር እንዲደረግ እና ነፍሳችንም እንዲለወጥ አባታዊ መልዕክት አስተላልፏል ።

የቦንጋ ከተማ ከንቲባ ዶ/ር ተክለአብ በሎ የመስቀል ደመራ በዓልን አስመልክቶ ባስተላለፉት መልእክት፣ ዕለቱ እውነተኛ ፍቅርና ትዕግስት በጨለማ ውስጥ የተሰወረውን ብርሃን ማወጣት እንደሚችሉ የሚያሳይ ትልቅ እውነት እንዳለው ገልጸዋል።

የከተማችን እድገትና ሰላም የሚረጋገጠው እንደደመራ እንጨቶች ሁላችንም ተያይዘን ስንቆም ብቻ መሆኑን አንስተው፣ ቦንጋ ለደሞም የምትፈልግ እውነተኛ የንግድና የቱሪዝም እንዲሁም ሁሉም ሰዎች ተዋዶ የምኖርባት በማድረግ የአንድነታችንን ክንድ ማሻሻል እንደሚገባ አጽንኦት ሰጥተዋል።

ይህ በዓል የዕርቅና የይቅርታ፣ እንዲሁም የደግነትና የማህበራዊ ትስስር ማጠናከሪያ ቀን መሆኑንም አክለው ገልጸዋል።

በዓሉን ለማክበር ወደ ከተማቸው የመጡ እንግዶችን በጋራ ማስተናገድና እንግዳ ተቀባይነታችንን ማረጋገጥ እንደሚገባ የጠቆሙት ከንቲባው፣ የእሳቱ ሥነ-ሥርዓት ሰማይን እንደሚያበራ ሁሉ የቦንጋም ስም በሰላማችንና ከፍ ብሎ እንዲበራ እያንዳንዱ ነዋሪ የድርሻውን እንዲወጣ ጥሪ አቅርበዋል።

በመጨረሻም የቦንጋ ከተማ ኦርቶዶክስ ተዋህዶ ቤተክርስቲያን ምእመናን ለረጅም ጊዜ ሲጠይቁት የነበረውን የመስቀል አደባባይ ቦታ ጥያቄ ምላሽ ለመስጠት ሥራዎች መጀመራቸውን ገልጸው፣ የእግዚአብሔር ፈቃድ ሆኖ በአጭር ጊዜ ውስጥ አጠናቀው እንደሚያስረክቡ ቃል በመግባት ለመላው ህዝብ የመልካም በዓል ምኞታቸውን አስተላልፈዋል።

ቦንጋ ከተማን በጋራ እናልማ ❗️

✍ተጨማሪ መረጃዎቸን ✍
በቴሌግራም 👉 t.me/BongatownGCAO
በፌስቡክ ?Bonga Town Government Communication Affairs OfficeCA
በቲውተር 👉 https://twitter.com/BongaTown?t=1Hfq-1TmjDHkrNlWUiPA7g&s=09 ተወዳጅተው ይከታተሉን፡፡

በቲክቶክ 👉 https://www.tiktok.com/?_t=ZM-8uW0x6Jb0CL&_r=1

🙏ዘወትር ከእኛ ጋር ስላሉ እናመሰግናለን🙏

26/09/2026

በቦንጋ ከተማ አስተዳደር የመስቀል ደመራ በዓል የተለያዩ ሀይማኖታዊ ኩነቶችና ስነ-ስርዓቶች ታጅቦ በድምቀት መከበር ጀምሯል።

በበዓሉ መክፈቻ መርሐ-ግብር ላይ የቦንጋ ከተማ ከንቲባን ጨምሮ የተለያዩ የሀይማኖት አባቶች፣ የከተማዋ ስራ ሀላፊዎች ፣ ምዕመናን እና ጥር የተደረገላቸው እንግዶች ተገኝተዋል።

በዓሉ በመዝሙር፣ በጸሎት እና በተለያዩ መርሃ-ግብሮች እየተከበረ ይገኛል።

ቦንጋ ከተማን በጋራ እናልማ ❗️

✍ተጨማሪ መረጃዎቸን ✍
በቴሌግራም 👉 t.me/BongatownGCAO
በፌስቡክ ?Bonga Town Government Communication Affairs OfficeCA
በቲውተር 👉 https://twitter.com/BongaTown?t=1Hfq-1TmjDHkrNlWUiPA7g&s=09 ተወዳጅተው ይከታተሉን፡፡

በቲክቶክ 👉 https://www.tiktok.com/?_t=ZM-8uW0x6Jb0CL&_r=1

🙏ዘወትር ከእኛ ጋር ስላሉ እናመሰግናለን🙏

26/09/2026

የቦንጋ ከተማ አስተዳደር ከንቲባ ተክለአብ ቡሎ (ዶ/ር) ለደመራ በዓል እንኳን አደረሳችሁ መልዕክት አስተላለፉ

የቦንጋ ከተማ አሰተዳደር ከንቲባ ዶ/ር ተክለአብ ቡሎ ለደመራ እና መስቀል በዓል የእንኳን አደረሳችሁ መልዕክት አስተላልፈዋል።

ዶ/ር ተክለአብ ቡሎ በመልካም የቦንጋ ከተማ ነዋሪዎችና ለመላው ክርስቲና እምነት ተከታዎች በሙሉ ለደመራ በዓል እንኳን በሰላም፣ በጤናና በደስታ አደረሳችሁ ብለዋል።

የእንኳን አደረሳችሁ መልካም ምኞት መልዕክት ያሰተላለፉት ዶ/ር ተክለአብ የደመራና የመስቀል በዓል ማህበራዊ ትስስርን በማጠናከር መንፈስን የምናድስበት መሆኑን ተናግረዋል፡፡

የደመራ በዓል በኢትዮጵያ ኦርቶዶክስ ተዋህዶ ቤተ ክርስቲያን አማንያን ዘንድ በየዓመቱ መስከረም 16 የሚከበር መሆኑን የተናገሩት ዶ/ር ተክለአብ በዓሉ በማይዳሰስ ቅርስነት በዩኔስኮ የተመዘገበ መሆኑን አክለዋል።

የካፈቾ ማንነትና ታሪካዊ የሆነውን የማሽቃሮ በዓል ባከበርንበት ማግስት የምናከብረው የደመራና የመስቀል በዓል የአብሮነትና የአንድነት ተምሳሌት በመሆኑ በዓሉን ስናከብር የእርስ በእርስ መተሳሰብ ባህላችን በማሰብ እንዲሆን አሳስበዋል።

ዶ/ር ተክለአብ አክሎም ኢየሱስ ክርስቶስ የተሰቀለበትን ግማደ መስቀል አይሁዶች ለብዙ ዘመናት ደብቀው ያቆዩትን ግማደ መስቀል በንግስት እሌኒ መሪነት ከብዙ ዘመናት በኃላ ከመሬት ተቆፍሮ የወጣበትን ታስቦ የሚከበር በዓል እንደሆነ በእምነቱ ተከታዮች የሚገለጽ መሆኑን ገልጸዋል።

አንዱን ከሌላው የሚያስተሳስሩ ባህላዊ ሀብቶቻችንን በተገቢው መንገድ ለተተኪው ትውልድ ማስተላለፍ ከሁሉም የሚጠበቅ በመሆኑ የዘንድሮው የካፈቾ ዘመን መለወጫ በዓል ማሽቃሮ በዓል በልዩ ድምቀት ህዝባዊ መሠረት ይዘው መከበሩን ተናግረዋል።

ደመራ የፍቅር፣ የሰላም፣ የአንድነትና የመተሳሰብ እሴቶቻችንን የምናጎለብትበት በዓል በመሆኑ፣ ሁላችንም እነዚህን እሴቶች በማጠናከር ለከተማችን ሰላምና ልማት በጋራ እንድንተጋ አስተዳደሩ ጥሪ አቅርቧል።

በክርስትና እምነት ተከታዮች ዘንድ በጉጉት የሚጠበቀው የደመራና መስቀል በዓል በአብሮነት የሚከበር በመሆኑ ከመራራቅ ይልቅ ፍቅርና መቀራረብን የሚያጠናክር በዓል ነው ብለዋል።

በዓሉ ለእያንዳንዳችን የሰላም፣ የፍቅር፣ የመቻቻልና የተስፋ ዘመን ይሁንልን!

ቦንጋ ከተማን በጋራ እናልማ ❗️

✍ተጨማሪ መረጃዎቸን ✍
በቴሌግራም 👉 t.me/BongatownGCAO
በፌስቡክ ?Bonga Town Government Communication Affairs OfficeCA
በቲውተር 👉 https://twitter.com/BongaTown?t=1Hfq-1TmjDHkrNlWUiPA7g&s=09 ተወዳጅተው ይከታተሉን፡፡

በቲክቶክ 👉 https://www.tiktok.com/?_t=ZM-8uW0x6Jb0CL&_r=1

🙏ዘወትር ከእኛ ጋር ስላሉ እናመሰግናለን🙏

26/09/2026

የቦንጋ ከተማ አስተዳደር ብልፅግና ፓርቲ ቅ/ጽ/ቤት ኃላፊ አቶ ፍሬው አበበ ለመላዉ የክርስትና እምነት ተከታዮች እንኳን ለደመራ እና መስቀል በዓል በሠላም አደረሳችሁ መልዕክት አስተላለፉ

የቦንጋ ከተማ አስተዳደር ብልፅግና ፓርቲ ቅ/ጽ/ቤት ኃላፊ አቶ ፍሬው አበበ ለመላዉ የክርስትና እምነት ተከታዮች የደመራ እና መስቀል በዓልን አስመልክተዉ የእንኳን አደረሳችሁ መልዕክት አስተላልፈዋል።

ለዘመናት ተቀብሮ የኖረው የኢየሱስ ክርስቶስ መስቀል ከተደበቀበት ስውር ስፍራ ይወጣ ዘንድ በደመራ ሰማያዊ ምልክት የታየበትን ቀን ለምናከብርበት በዓል ለመላ የክርስትና እምነት ተከታዮች መልካም የደመራና መስቀል በዓል እንዲሆን ልባዊ ምኞቴ ነው ብለዋል።

ህዝበ ክርስቲያኑ ይህንን በዓል ሲያከብር የተቸገሩ ወገኖቻችንን በማቀፍና በመርዳት ኢትዮጵያዊ እሴቶቻችንን በማጠናከር ሊሆን ይገባል ሲሉ ተናግረዋል።

አቶ ፍሬው በመልካም ምኞት መልዕክታቸው እንደገለፁት ኢየሱስ ክርስቶስ በመስቀሉ ለሰው ልጆች ፍቅሩን የገለፀበትና ፍቅርን ያስተማረበት እንዲሁም በመስቀሉ የጥል ግድግዳን ያፈረሰበትና ጥልን በመስቀሉ የገደለበት በዓል ነው ብለዋል።

መላው ህዝበ ክርስቲያን በዓሉን ሲያከብር የአከባቢውን ሰላም ከጸጥታ ሀይሉ ጎን በመሆን እንደወትሮው ሰላም ወዳዱና የሰላም ባለቤት የሆነው ህዝብ በዓሉ ያለምንም ችግር እንዲከበር የበኩሉን ሚና እንዲወጣና እንዲሁም አቅመ ደካሞችንና አረጋዊያንን በመደገፍ በዓሉን በአንድነት እንዲያከብር ጥሪ አቅርበዋል።

ለመላዉ ህዝበ ክርስቲያን የደመራና የመስቀል በዓል የሠላም፣ የፍቅር፣ የብልጽግና እና አንድነታችንን የምናጠናክርበት እንዲሆን መልካም ምኞታቸውን ገልፀዋል።

አቶ ፍሬው በድጋሚ እንኳን ለደመራና ለብርሃነ መስቀሉ በሰላም አደረሳችሁ ፤ አደረሰን ብለዋል።

ቦንጋ ከተማን በጋራ እናልማ ❗️

✍ተጨማሪ መረጃዎቸን ✍
በቴሌግራም 👉 t.me/BongatownGCAO
በፌስቡክ ?Bonga Town Government Communication Affairs OfficeCA
በቲውተር 👉 https://twitter.com/BongaTown?t=1Hfq-1TmjDHkrNlWUiPA7g&s=09 ተወዳጅተው ይከታተሉን፡፡

በቲክቶክ 👉 https://www.tiktok.com/?_t=ZM-8uW0x6Jb0CL&_r=1

🙏ዘወትር ከእኛ ጋር ስላሉ እናመሰግናለን🙏

25/09/2026

በየደረጃው ያለው የፓርቲ አመራር ጠንካራ ፓርቲ ተቋም ለመገንባት የውስጠ ፓርቲ ተግባራትን በትኩረት መምራት ያስፈልጋል ፦ አቶ አጥናፉ ሀይሌ

የካፋ ዞን ብልፅግና ፓርቲ ቅ/ጽ/ቤት ፓርቲ ኮሚቴ የእስካሁኑ የፓርቲ ስራዎች አፈጻጸም የደረሰበትን ገምግሟል ።

የውይይት መድረኩን የመሩት የካፋ ዞን ብልፅግና ፓርቲ ቅ/ጽ/ቤት ሀላፊ አቶ አጥናፉ ሀይሌ በየደረጃው ያለው የፓርቲ አመራር ጠንካራ ፓርቲ ተቋም ለመገንባት የውስጠ ፓርቲ ተግባራትን በትኩረት መምራት ያስፈልጋል ብለዋል።

በየደረጃው ያለዉን አደረጃጀቶችን በማጠናከር የፓርቲና የንቅናቄ አጀንዳ ስራዎችን ዉጤታማ ለማድረግ የፓርቲ ስራዎችን አፈፃፀም በወቅቱ መገምገም ለፓርቲያችን ጥንካሬ ከፍተኛ ሚና እንዳለው አቶ አጥናፉ ተናግረዋል ።

አክለውም ሁሉንም ተግባር ውጤታማ በሚያደርግ መልኩ የግልና የአደረጃጀት ዕቅዶችን በትኩረት ማዘጋጀት ያስፈልጋል ብለዋል።

ሁሉም የዘርፉ አመራሮች እስካሁን ምን ተሰራ፣ ምን ቀረ የምለውን በመለየትና በመገምገም ውጤታማ ተግባር መፈጸም እንደሚያስፈልግ አቶ አጥናፉ ተናግረዋል ።

በወረዳዎችና ከተማ አስተዳደር ላይ የተጀመሩ የፓርቲ ህንጻ ግንባታዎች ላይ ጠንካራ ክትትል በማድረግ ግንባታው በተቀመጠው ጊዜ ሰሌዳ መሠረት ተጠናቆ ለአገልግሎት ክፍት እንዲሆን ጠንካራ ክትትል ማድረግ ያስፈልጋል ብለዋል።

ዘመናዊ የሚዲያ ስርዓት በመገንባት የሚዲያ ስራን በትኩረት በመሰራት ለህብረተሰቡ ወቅታዊ መረጃዎችን በጥራትተደራሽ ማድረግ ያስፈልጋል ብለዋል።

ጥንካሬዎችን በማስፋትና ውስንነቶችን ደግሞ ፈጥኖ በማረም ከሁሉም ዘርፍ ውጤታማነትን ከፍ ለማድረግ ጥረት ማድረግ ከሁሉም ዘርፉ አመራሮች ይጠበቃል ብለዋል።

የዘርፉ አመራሮች የእስካሁኑን የፓርቲ ስራዎች አፈጻጸም ሪፖርት አቅርበው ውይይት በማድረግ እስካሁን ከሁሉም ዘርፍ የተመዘገቡ መልካም አፈፃፀሞችን አጠናክሮ በማስቀጠልና የታዩ ጉድለቶችን በፍጥነት በመፍታት ለላቀ ውጤት መዘጋጀት እንደሚያስፈልግ አቅጣጫ ተቀምጠው መድረኩ ተጠናቋል ።
Kaffa Zone Prosperity Party

25/09/2026

"የመስቀል ደመራ በዓል በሰላም እንዲከበር በቂ ዝግጅት ተደርጓል"፦ የቦንጋ ከተማ አስተዳደር ፖሊስ

የመስቀል ደመራ በዓል በሠላም እንዲከበር በቂ ዝግጅት መደረጉን የቦንጋ ከተማ አስተዳደር ፖሊስ አስታወቀ።

የከተማ አስተዳደሩ ፖሊስ አዛዥ ኢንስፔክተር ተስፋዬ አበበ በሰጡት መግለጫ ፤ በዓሉ በሰላም ተከብሮ እንዲጠናቀቅ አስፈላጊው ዝግጅት መደረጉን ተናግረዋል።

የፖሊስ መዋቅር ከሌሎች የጸጥታ ሃይሎች ጋር በመተባበር ወደ ስራ መገባቱን ገልጸዋል።

ፖሊስ በበዓላቱ አከባበር ወቅት የህዝብን ሰላምና ደህንነት የማስጠበቅ ተልዕኮውን በተገቢው ለማከናወን ዝግጁ መሆኑን አረጋግጠዋል።

በአደባባይና በየአካባቢው በደመራ ሥነ-ሥርዓት ከሚከበረው የመስቀል በዓል ጋር በተያያዘ የእሳት አደጋ እንዳይከሰት ህብረተሰቡ ተገቢውን ጥንቃቄ ማድረግ እንዳለበትም ኢንስፔክተሩ አሳስበዋል።

መላው የከተማ ህዝብም ከሃይማኖታዊና ባህላዊ ክዋኔ ውጪ የሆኑ እንቅስቃሴዎችን ሲመለከት በአቅራቢያው ለሚገኝ የጸጥታ ሃይል ጥቆማ በመስጠት ተገቢውን ትብብርና ድጋፍ እንዲያደርግ ጠይቀዋል።

በመጨረሻም ለክርስትና እምነት ተከታዮች እንኳን ለመስቀል ደመራ በዓል አደረሳችሁ ሲሉ የመልካም ምኞት መልዕክታቸውን አስተላልፈዋል።

ቦንጋ ኤፍ ኤም 97.4

25/09/2026

ርዕሰ መስተዳድር ኢንጂነር ነጋሽ ዋጌሾ (ዶ/ር) ለክልሉ የመንግስት ምስረታ ጉባኤ አዲስ ለተመረጡ የምክር ቤት አባላት ጥሪ አስተላለፉ

የደቡብ ምዕራብ ኢትዮጵያ ህዝቦች ክልል ርዕሰ መስተዳድር ኢንጂነር ነጋሽ ዋጌሾ (ዶ/ር)፤ የክልሉን ሁለንተናዊ ዕድገትና ቀጣይ የልማት ጉዞ ይበልጥ ለማፋጠን በሚያስችል ወሳኝ ምዕራፍ ላይ ለሚካሄደው የመንግስት ምስረታ ጉባኤ አዲስ ለተመረጡ የምክር ቤት አባላት እንዲሳተፉ ጥሪ አቀረቡ።

ርዕሰ መስተዳድሩ ጥሪውን ያስተላለፉት በክልሉ ምክር ቤት አሰራርና የአባላት ስነ-ምግባር ደንብ ቁጥር 1/2014 አንቀፅ 8 ንዑስ አንቀጽ 2 በተደነገገው መሠረት ነው።

ስለሆነም በመጪው መስከረም 21 እና 22 ቀን 2019 ዓ.ም የሚካሄደው የክልሉ የመንግስት ምስረታ ጉባኤ ላይ አዲስ የተመረጡ የክልሉ ምክር ቤት አባላት በሙሉ ጥሪው ይመለከታቸዋል።

የተመረጡት የምክር ቤት አባላት ከመስከረም 21-22/2019 ዓ.ም በሚካሄደው መስራች ጉባኤ ላይ በንቃት እንዲታደሙ ርዕሰ መስተዳደሩ ጥሪ ያደረጉ ሲሆን፤ ሁሉም አባላቱ መስከረም 20/2019 ዓ.ም የክልሉ ምክር ቤት መቀመጫ በሆነችው ታርጫ ከተማ በአካል በመገኘት ለምክር ቤቱ ጽህፈት ቤት አስፈላጊውን ሪፖርትና ምዝገባ እንድያደርጉ አሳስበዋል።

ይህ የመንግስት ምስረታ ጉባኤ የክልሉን ህዝቦች ተጠቃሚነት ለማረጋገጥ እና ቀጣይ አቅጣጫዎችን ለማስቀመጥ ትልቅ ታሪካዊ ፋይዳ ያለው መሆኑ ተገልጿል።

Bonga Town Communications

28/09/2026

27/09/2026

27/09/2026

26/09/2026

26/09/2026

26/09/2026

26/09/2026

25/09/2026

25/09/2026

25/09/2026

Address

Telephone

Website

Alerts

Shortcuts

Share

Category

Listing takedown request