South Wollo Zone Gov. Communication Dept.

Call Directions Website Contact the organization

South Wollo Zone Gov. Communication Dept. የደቡብ ወሎ ዞን መንግስት ኮሙኒኬሽን መምሪያ
ደሴ

የፌዴራል መንግሥት ምስረታ ነገ ይካሄዳልኢትዮጵያ ያካሄደችውን 7ኛውን ጠቅላላ ምርጫ ተከትሎ፣ አዲሱን መንግሥት የምትመሠርትበት ታሪካዊ ምዕራፍ ላይ ደርሳለች።በሁሉም የሀገሪቱ ክልሎችና የከተማ...
04/10/2026

የፌዴራል መንግሥት ምስረታ ነገ ይካሄዳል

ኢትዮጵያ ያካሄደችውን 7ኛውን ጠቅላላ ምርጫ ተከትሎ፣ አዲሱን መንግሥት የምትመሠርትበት ታሪካዊ ምዕራፍ ላይ ደርሳለች።

በሁሉም የሀገሪቱ ክልሎችና የከተማ አስተዳደሮች የመንግሥት ምስረታ ሂደት መከናወኑን ተከትሎ፤ ነገ መስከረም 25 ቀን 2019 ዓ.ም የፌዴራል መንግሥት ይመሠረታል።

በዚህ መድረክ፤ የሕዝብ ተወካዮች ምክር ቤት እና የፌዴሬሽን ምክር ቤት የ7ኛ ዙር 1ኛ ዓመት የሥራ ዘመን የጋራ የመክፈቻ ጉባዔያቸውን ያካሄዳሉ።

በዚህም የምክር ቤቶቹን አፈ ጉባኤዎች፣ የሀገሪቱን ፕሬዚዳንት እና ጠቅላይ ሚኒስትር ይሰይማሉ ተብሎ ይጠበቃል::

ስልጣን የሚረከቡት ጠቅላይ ሚኒስትርም ፣ በቀጣዮቹ አምስት ዓመታት ሀገሪቱን የሚመሩ ሚኒስትሮችን በመሾም ለምክር ቤቱ አቅርበው እንደሚያጸድቁ ይጠበቃል።

ነገ የሚካሄደው የመንግሥት ምስረታ ኢትዮጵያ በሁሉም መስክ የጀመረቻቸውን የልማትና የመልካም አስተዳደር ሥራዎች በቁርጠኝነት ለማስቀጠል ዝግጁ መሆኗን የሚያበስር ታላቅ ቀን ነው።
*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

ከህዝብ ድምፅ ወደ መንግሥት ምሥረታ ውስጥ የማይቀለበሰው የዴሞክራሲ ጉዞ፣ የታሪክ አሻራዎች እና የታላቋ ኢትዮጵያ የቀጣይ ከፍታ ራዕይ***********************ኢትዮጵያ በሺህዎች የ...
04/10/2026

ከህዝብ ድምፅ ወደ መንግሥት ምሥረታ ውስጥ የማይቀለበሰው የዴሞክራሲ ጉዞ፣ የታሪክ አሻራዎች እና የታላቋ ኢትዮጵያ የቀጣይ ከፍታ ራዕይ
***********************

ኢትዮጵያ በሺህዎች የሚቆጠሩ ዓመታት የሀገረ-መንግሥት ታሪክ ባለቤት የሆነች፣ በፈተናዎች እሳት ውስጥ አልፋ ጽናቷን ያረጋገጠች ግዙፍ አፍሪካዊት ሀገር ናት።

ህዝቧ በዴሞክራሲያዊ መንገድ ድምፁን ሰጥቶ ያሻውን መሪ ከመረጠበት የታሪክ ምዕራፍ ተነስቶ ወደ አዲስ መንግሥት ምሥረታ የሚደረገው ሽግግር ኢትዮጵያ ያላትን ጥልቅ የፖለቲካ ብስለት፣ የሰከነ ህዝባዊ ወገንተኝነትና የጸና የህግ የበላይነት ባህል በዓለም አቀፍ መድረክ ዳግም ያስመሰከረ ነው።

ይህ ሰላማዊና ሥርዓት ያለው የዴሞክራሲ ሂደት ኢትዮጵያ በየዘመናቱ የሚገጥሟትን የውስጥና የውጭ ውጣ ውረዶች በራሷ ልጆች ብርታት አልፋ፣ ወደ ላቀ የከፍታ ማማ መሸጋገር የምትችል ብርቱ ሀገር መሆኗን ቁልጭ አድርጎ ያሳያል።

ያለፈው መንግሥት በኢትዮጵያ የፖለቲካ፣ የኢኮኖሚና የማኅበራዊ መስኮች ላይ ያስቀመጣቸው ቁልፍ አሻራዎች ዛሬ ለደረስንበት ተስፋ ትልቅ መሰረት ሆነዋል።

የውጭ ጫናዎችንና የዲፕሎማሲ ሴራዎችን በጽናት በመመከት፣ በገዛ አቅም ታላቁን የሕዳሴ ግድብ ወደ ፍፃሜ ማድረስ መቻሉ የትውልዱ ትልቁ የድል አርማ ነው።

ከዚህም ባሻገር ሀገራዊ ምክክርን በማካሄድ ልዩነቶችን በጠረጴዛ ዙሪያ የመፍታት ባህልን ማዳበር፣ እንደ ማዳበሪያና ነዳጅ ያሉ ግዙፍ የኢኮኖሚ አቅሞችን በራስ አቅም ለመገንባት መጀመር፣ በአዲስ ዕይታ የከተማና የትራንስፖርት መሠረተ-ልማቶችን መገንባት እንዲሁም የምግብ ዋስትናን ለማረጋገጥ የተከናወኑ አመርቂ ተግባራት የስልጣኔ ጀንበር ብቅ ማለቷን ያበሰሩ ናቸው።

እነዚህ የተመዘገቡ ስኬቶች ኢትዮጵያ አቅሟን አስተባብራ በህብረት ከተነሳች የማትሻገረው ተራራ እንደሌለ ለዓለም ያስመሰከሩ ህያው ማሳያዎች ናቸው።

አሁን በህዝብ ሙሉ ውክልና የሚመሰረተው አዲሱ መንግሥት ደግሞ የተጀመሩትን እነዚህን ታላላቅ ሜጋ ፕሮጀክቶችና የልማት ምዕራፎች በማስቀጠል፣ የጎደለውን ሞልቶና ክፍተቶችን አርሞ ሀገርን ወደ ሙሉ ብልጽግና የማሻገር ታላቅ ታሪካዊ ኃላፊነት ተጥሎበታል።

አዲሱ የዜጎችን እኩልነት፣ ሰላምና ፍትሕ ይበልጥ በማስፈን፣ የኑሮ ውድነትንና የኢኮኖሚ ጫናዎችን በማቃለል እንዲሁም የህግ የበላይነትን በማጽናት የህዝቡን የልብ ትርታ በተግባር ለመመለስ ጽኑ ቃል ኪዳን ሰንቋል።

ይህ የለውጥና የስራ ምዕራፍ ያለፈውን ጥንካሬ አጠናክሮ ጉድለቶችን የሚሞላ፣ ተቋማዊ አቅምን የሚገነባና የህዝብን የፍትሐዊ ተጠቃሚነት ጥያቄ በተግባር የሚያረጋግጥ ነው።

ከምንም በላይ ደግሞ ኢትዮጵያ በልጆቿ አንድነት፣ እውቀትና መስዋዕትነት ታፍራ፣ ተከብራና ሉዓላዊ ክብሯ ተጠብቆ እንድትኖር የማድረግ ራዕይ የቀጣዩ ጉዞ ዋነኛ ማዕከል ነው።

ሰንቀን እንደመነሳታችን መጠን፣ የባሕር በር ተፈጥሯዊ መብትን ከማስከበር ጀምሮ የቀጠናው የሰላምና የልማት ማዕከል የመሆን ጉዟችን በማንኛውም የጠላቶች ሴራና ጊዜያዊ ፈተና አይገታም።

የኢትዮጵያ ህዝብ በዴሞክራሲያዊ መንገዱ የመረጠውን መንግሥት በማጽናት፣ ከዳር እስከ ዳር በአንድነት ቆሞ የሀገሩን ክብርና ብልጽግና እንደሚያረጋግጥ ጥርጥር የለውም።

ትልቅ_ሕዝብ
EBC

በደብረ ብርሃን በሳምንት እስከ 100 ሕሙማንን ማስተናገድ የሚችል የኩላሊት እጥበት ማዕከል ተከፈተ።በደብረ ብርሃን ከተማ አሥተዳደር፣ በሜሪ ጆይ ኢትዮጵያ፣ በሄዋን ፋውንዴሽን እና በቶም ልዩ...
04/10/2026

በደብረ ብርሃን በሳምንት እስከ 100 ሕሙማንን ማስተናገድ የሚችል የኩላሊት እጥበት ማዕከል ተከፈተ።

በደብረ ብርሃን ከተማ አሥተዳደር፣ በሜሪ ጆይ ኢትዮጵያ፣ በሄዋን ፋውንዴሽን እና በቶም ልዩ የኩላሊት ሕክምና ትብብር የተገነባ አዲስ የኩላሊት እጥበት ማዕከል አገልግሎት መስጠት ጀምሯል።

በ5 የኩላሊት እጥበት ማሽኖች የተደራጀው ይህ ማዕከል በሳምንት እስከ 100 ሕሙማንን ማስተናገድ የሚያስችል አቅም አለው።

የደብረ ብርሃን ከተማ አሥተዳደር ተቀዳሚ ምክትል ከንቲባ በድሉ ውብሸት እና የከተማው ጤና መምሪያ ኀላፊ በቀለ ገብሬ የማዕከሉ መከፈት ለደብረ ብርሃን፣ ለሰሜን ሸዋ እና ለምሥራቅ አማራ አካባቢዎች ከፍተኛ የሕክምና ፋይዳ እንዳለው ገልጸዋል።

በቀጣይም ደረጃውን የጠበቀ እና ዘላቂ አገልግሎት የሚሰጥ ማዕከል ለመገንባት በትኩረት እንደሚሠራም ነው ያረጋገጡት።

የሜሪ ጆይ ኢትዮጵያ መሥራች እና ዋና ሥራ አሥኪያጅ ሲስተር ዘቢደር ዘውዴ እና የምክትል ቦርድ ሠብሣቢው ሳላሃዲን ከሊፋ በበኩላቸው የመንግሥት እና የባለሃብቱ ቅንጅት ለዚህ ስኬት ማብቃቱን በመጥቀስ ማዕከሉ በተለይም የገጠሩን ማኅበረሰብ ሕይወት ለመታደግ እና የጤና ሽፋን ለማሳደግ ትልቅ አስተዋጽኦ እንዳለው አብራርተዋል።

የአማራ ክልል ጤና ቢሮ ኀላፊ አብዱልከሪም መንግሥቱ የኩላሊት እጥበት ሕክምና ከፍተኛ የተደራሽነት ችግር ያለበት መኾኑን አንስተው ማዕከሉ ለዓመታት ወረፋ ሲጠብቁ የነበሩ ወገኖችን ሕይወት የሚታደግ፣ የሪፈር እንግልትን የሚቀንስ እና የሀገሪቱን የጤና ፖሊሲ የሚደግፍ መኾኑን ገልጸዋል።

አክለውም በጤናው ዘርፍ አርዓያነት ያለው የበጎ አድራጎት ተግባር ላሳዩ አካላት በሙሉ ምሥጋና አቅርበዋል።
አማራ ኮሙኒኬሽን

*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

የኢትዮጵያ ኮማንዶ እና አየር ወለድ ሠራዊት፡ ከትናንት የጀግንነት ገድል እስከ ዘመናዊ የጥበብ አመራር*************************የኢትዮጵያ ኮማንዶ እና አየር ወለድ ሠራዊት ለኢት...
04/10/2026

የኢትዮጵያ ኮማንዶ እና አየር ወለድ ሠራዊት፡ ከትናንት የጀግንነት ገድል እስከ ዘመናዊ የጥበብ አመራር
*************************

የኢትዮጵያ ኮማንዶ እና አየር ወለድ ሠራዊት ለኢትዮጵያ ሉዓላዊነት እና ለሕዝብ ሰላም ሲባል የሚከፈለውን የሕይወት ዋጋ በደስታ የሚቀበል የሕዝብ መከታ ነው።

ይህ ኃይል ለሰው ልጆች ያለውን ጥልቅ አክብሮት በተግባር ያስመሰከረ እና በበርካታ የውጊያ አውዶችም የዓላማ ጽናቱን ያረጋገጠ ኩሩ ተቋም ነው።

ባለቀዩ መለዮ በየዘመናቱ የተደቀኑትን ፈተናዎች እና ተግዳሮቶች በድል በማለፍ ሀገር የጣለችበትን ልዩ ግዳጆች በላቀ ብቃት የመወጣት አቅሙን በተግባር አሳይቷል።

ጀግና እና ጀግንነት በሚፈተኑበት የጦር ግንባር ውስጥም በከፍተኛ የሥልጠና ጥራት ያዳበረውን አቅም በጥምር ጦር የውጊያ ስልት በመጠቀም የማይሽር የታሪክ ገድል ይጽፋል።

የዚህ ሠራዊት ጀግንነት ከጽንፈኝነት፣ ከዘር፣ ከሃይማኖት እና ከማንነት ልዩነት የጸዳ ነው። ሕዝብን በቅንነት ለማገልገል ባለው ጽኑ የሙያ ሥነ ምግባር ላይ የተቃኘ በመሆኑም የኢትዮጵያ ብሔራዊ ኩራት ለመሆን በቅቷል።

የኢትዮጵያ ኮማንዶ የዓላማ ጽናት እና የድል አድራጊነት ምሥጢር የትናንት ድሎችን በመዘከር ብቻ የሚወሰን አይደለም።

ይልቁንም የወቅቱን ዓለም አቀፍ እና ቀጣናዊ ነባራዊ ሁኔታ አስቀድሞ በመገምገም ራሱን ከሁኔታዎች በፊት ዝግጁ የማድረግ የዳበረ ተቋማዊ ባህል ነው ጠንካራ ያደረገው።

ከተልዕኮዎቹ እና ተሞክሮዎች ትምህርት በመውሰድ የራሱን ጥንካሬ እና ክፍተት በየጊዜው በመለየት እንዲሁም የዘመናዊ ቴክኖሎጂ ውጤቶችን በሥልጠና ሥርዓቱ ውስጥ በማካተት ብቃቱን በቀጣይነት እያሳደገ ይገኛል።

ዘመናዊ ሠራዊት መገንባት መሣሪያን በማዘመን ብቻ ሳይወሰን የሰው ኃይልን፣ የሥልጠና ሥርዓትን፣ የመረጃ አቅምን እና የጥበብ አመራርን በጥምረት ማጎልበትን ይጠይቃል።

በዚህም መሠረት ኮማንዶው ያለፈውን የጀግንነት ትሩፋት ከዛሬው ዘመናዊ ወታደራዊ ሳይንስ ጋር በማጣመር ለነገው ደኅንነት የተሟላ ዝግጁነት ያለው አቅም ፈጥሯል።

የዚህ ድል አድራጊ ሠራዊት ዋነኛ የኃይል ምንጭ ከሕዝብ ጋር ያለው ጥልቅ ትስስር ነው። ሕዝብን የተልዕኮው ማዕከል አድርጎ መሥራቱ እና የኢትዮጵያ ጠላቶች የሚያሰራጩትን የሐሰት ትርክት በተግባር ማክሸፍ መቻሉ ከመላው ኢትዮጵያውያን ጋር ያለውን መተማመን ይበልጥ አጠናክሮታል።

የኢትዮጵያ ዳር ድንበር ጠባቂነት ከትውልድ ወደ ትውልድ የሚሸጋገር ታላቅ አደራ ነው። በመሆኑም የኢትዮጵያ ኮማንዶ እና አየር ወለድ ሠራዊት የትናንት ጀግንነቱን መሠረት አድርጎ የዛሬን ዘመናዊነት አቅም ፈጥሮ፣ እንዲሁም የነገን ዝግጁነት አረጋግጦ የኢትዮጵያን ሉዓላዊነት እና የሕዝብን ሰላም በአስተማማኝ ሁኔታ ማስጠበቁን ዛሬም እንደ ትናንቱ በጽናት ቀጥሏል።
EBC

*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

በ1 ነጥብ 2 ቢሊዮን ብር የተገነባውን የምግብ ፋብሪካ ወደ ምርት ገባ።ዋቢ የምግብ ኮምፕሌክስ በደብረብርሃን ከተማ በ1 ነጥብ 2 ቢሊዮን ብር ካፒታል ያስገነባውን የፋብሪካ በማጠናቀቅ አልሚ ...
04/10/2026

በ1 ነጥብ 2 ቢሊዮን ብር የተገነባውን የምግብ ፋብሪካ ወደ ምርት ገባ።

ዋቢ የምግብ ኮምፕሌክስ በደብረብርሃን ከተማ በ1 ነጥብ 2 ቢሊዮን ብር ካፒታል ያስገነባውን የፋብሪካ በማጠናቀቅ አልሚ ምግብ እና ዱቄት ማምረት ጀምሯል።

የከተማ አሥተዳደሩ ኢንዱስትሪ እና ኢንቨስትመንት መምሪያ ኀላፊ ብርሃን ገብረ ሕይወት እንደገለጹት ባለፉት ሦሥት ዓመታት በ"ኢትዮጵያ ታምርት" ንቅናቄ 58 ኢንዱስትሪዎች ወደ ምርት በመግባታቸው ለ7 ሺህ 800 በላይ ዜጎች የሥራ ዕድል ተፈጥሯል።

ዛሬ ሥራ የጀመረው ዋቢ የምግብ ኮምፕሌክስም ለ111 ዜጎች ቀጥተኛ የሥራ ዕድል የፈጠረ ሲኾን በተያዘው በጀት ዓመት ተጨማሪ 30 ኢንዱስትሪዎችን ወደ ሥራ ለማስገባት ታቅዶ እየተሠራ ነው።

የዋቢ የምግብ ኮምፕሌክስ የሕግ አማካሪ ደመላሽ ጌታቸው ፋብሪካው ሀገርን በምግብ ራስን የማስቻል ጥረትን እንደሚያግዝ ገልጸው በሙሉ አቅሙ ወደ ሥራ ሲገባ የሥራ ዕድል ፈጠራውን እስከ 300 እንደሚያደርስ ጠቁመዋል።

የከተማዋ ተቀዳሚ ምክትል ከንቲባ በድሉ ውብሸት ደብረብርሃን ለኢንቨስትመንት ምቹ እና ሰላማዊ መኾኗን ገልጸው አሥተዳደሩ በቂ የመሬት አቅርቦት፣ የሠለጠነ የሰው ኀይል እና ቀልጣፋ አሠራር በማዘጋጀት ባለሃብቶችን ለመቀበል እና ማነቆዎችን ለመፍታት ዝግጁ መኾኑን አረጋግጠዋል።

በምረቃ ሥነ-ሥርዓቱ ላይ የክልል እና የከተማ አሥተዳደሩ ከፍተኛ እና መካከለኛ መሪዎች ተገኝተዋል።
አሚኮ
*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

የአቀስታ ጤና ጣቢያ ለአገልግሎት ብቁ እና ምቹ ሆነው የተጠናቀቁ የልማት ሥራዎችን በድምቀት እያስመረቀ ይገኛል!የአቀስታ ጤና ጣቢያ ታካሚዎችን በአግባቡ ለማስተናገድና ምቹ እንዲሁም ጽዱ አካባ...
04/10/2026

የአቀስታ ጤና ጣቢያ ለአገልግሎት ብቁ እና ምቹ ሆነው የተጠናቀቁ የልማት ሥራዎችን በድምቀት እያስመረቀ ይገኛል!
የአቀስታ ጤና ጣቢያ ታካሚዎችን በአግባቡ ለማስተናገድና ምቹ እንዲሁም ጽዱ አካባቢን ለመፍጠር ያስቻላቸውን አዳዲስ የግንባታና የዕድሳት ሥራዎች በይፋ እያስመረቀ ነው።

በዚህ ታላቅ የምረቃ መርሐ ግብር ላይ፡የአቀስታ ከተማ አስተዳደር፣የለጋምቦ ወረዳ አስተዳደር፣የጊምባ ከተማ አስተዳደር የሥራ ኃላፊዎችና አመራሮች፣የተቋሙ የጤና ባለሙያዎችና ሠራተኞች እንዲሁም የማኅበረሰቡ ተወካዮች ተገኝተው የደስታው ተካፋይ ሆነዋል።

እነዚህ የተከናወኑ ሥራዎች የጤና ጣቢያውን ገጽታ በመቀየር ለህብረተሰቡ የሚሰጠውን የጤና አገልግሎት ጥራት ከፍ የሚያደርጉ መሆናቸው ተገልጿል።
*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

"አትንኳት እንደ እሳት ትፋጃለች፤ እንደ መብረቅ ታደርቃለች"አትንኳት አትችሏትም፣ አትግፏት አትጥሏትም፣ አትግጠሟት አታሸንፏትም፡፡ ስትንኳት ተቆጥተው የሚነሱ፣ እያለሙ የሚተኩሱ፣ ሞትን ንቀው...
04/10/2026

"አትንኳት እንደ እሳት ትፋጃለች፤ እንደ መብረቅ ታደርቃለች"

አትንኳት አትችሏትም፣ አትግፏት አትጥሏትም፣ አትግጠሟት አታሸንፏትም፡፡ ስትንኳት ተቆጥተው የሚነሱ፣ እያለሙ የሚተኩሱ፣ ሞትን ንቀው ወደ ጠላት ሠፈር የሚገሰግሱ ጀግና ልጆች አሏት፡፡

ሲገፏት የሚከፋቸው፣ ሲገፏት የሚነዳቸው፣ ሲገፏት እልህና ወኔ የሚተናነቃቸው፣ የአሸናፊነት ግርማን የተላበሱ፣ ጠላቶቿን ከወንዝ ባሻገር የሚመልሱ፣ የክፋትን ግንቦች የሚያፈራርሱ፣ የጠላትን ምሽጎች የሚደረማምሱ ልጆች አሏት፡፡

ሲገጥሟት ሳንጃ አሹለው፣ ጎራዴ ስለው፣ ጠመንጃቸውን ወልውለው፣ ትጥቃቸውን አስተካክለው፣ ጋሻቸውን ጨብጠው እየፎከሩ የሚነሱ፣ በክንዳቸው ጥለው ከአፈር ጋር የሚለውሱ ጀግና ልጆች አሏት፡፡
በክብሯ ላይ ጠላት በተነሳ ጊዜ እንደ አንድ ቃል ተናጋሪ፣ እንደ አንድ ልብ መካሪ ኾነው፣ በኢትዮጵያዊነት ገመድ ተሳስረው፣ ከዳር ዳር ተጠራርተው ይነሳሉ፡፡

ኢትዮጵያዊነት በመከራ ጊዜ በድል ያሻግራል፣ ኢትዮጵያዊነት በጨለማ ዘመን ያበራል፣ ኢትዮጵያዊነት በመለያየት ወቅት እንኳን ይተባበራል፣ ኢትዮጵያዊነት በደከመ ዘመን ይጠነክራል፣ ኢትዮጵያዊነት የችግርን መሰናክሎች ይሰባብራል፣ ኢትዮጵያዊነት መከበሪያ፣ ኢትዮጵያዊነት ማዕበሉን መሻገሪያ፣ ኢትዮጵያዊነት የጠላትን ክንድ እና ቅስም መስበሪያ፣ ኢትዮጵያዊነት በድል አድራጊነት መኖሪያ ነው፡፡

ነጮች ያፈሩት፣ ለጥቁር የተንበረከኩት፣ የጥቁሮችን ጉልበት እየሳሙ ይቅርታ የለመኑት፣ መሸነፋቸውን ያመኑት በጠነከረ ኢትዮጵያዊነት ነው፡፡ ዓለም ለጥቁሮች ፊቷን ያዞረች፣ የክብር ሚዛኗን ወደ ነጭ ያዘነበለች በነበረችበት በዚያ አስከፊ ዘመን ኢትዮጵያዊነት ሚዛኑን አስተካክሏል፣ ኢትዮጵያዊነት እኩልነትን አሳይቷል፡፡

የጠነከረው ኢትዮጵያዊነት የጠነከረች ኢትዮጵያን አጽንቷል፡፡ የጠነከረው ኢትዮጵያዊነት በየዘመናቱ ጠላትን ድል መትቷል፡፡ የጠነከረው ኢትዮጵያዊነት በጥቁሮች ምድር ብርሃን አብርቷል፣ በነጮች ሰማይ ሥር ክብሩን ገልጧል፣ ሞገሱን አሳይቷል፣ ኀይሉን አሳርፏል፡፡

ዘመን ሰጥቶት ኀያል የኾነ ሁሉ እግሩን በኢትዮጵያ ላይ ሊያነሳ ይከጅለዋል፡፡ ኢትዮጵያን በክንዱ አንበርክኮ ለራሱ ማድረግ ያምረዋል፣ በኢትዮጵያ ላይ ድል መጎናጸፍ ይናፍቀዋል፡፡ በስሜን ሞከሯት መታቻቸው፣ በምሥራቅ መጡባት ጣለቻቸው፣ በምዕራብ አሰቡ ሰበረቻቸው፣ በደቡብ ተነሱባት አሳፈረቻቸው፡፡ እርሷ በአራቱም ንፍቅ ለሚመጡት፣ በክፋት ለሚነሱት ጎራዴዋ ስል፣ ጦሯ ሹል ነው፡፡

ኢትዮጵያውያን ፈጽመው ኢትዮጵያን አያስነኳትም፡፡ ደም አፍስሰው ያስከብሯታል፣ አጥንት ከስክሰው ከፍ ከፍ ያደርጓታል እንጂ፡፡ ለዚያም ነው ጳውሎስ ኞኞ የኢትዮጵያ እና የጣሊያን ጦርነት በተሰኘው መጽሐፋቸው ኢትዮጵያውያን ለማንም ሳይበገሩ እና ሳይገብሩ ለሺህ ዘመናት በአሸናፊነት ኖረዋል፤ የመጣባቸውን ጠላት ሁሉ ድል ነስተዋል ያሉት።

በዚህች በኢትዮጵያ ሰማይ ሥር ደም አፍስሶ፣ አጥንት ከስክሶ ሀገር ማጽናት ማንነት ነው፡፡ ኢትዮጵያዊ ሀገር ማጽናቱን፣ ኢትዮጵያዊ መልካምነቱን፣ ኢትዮጵያዊ አሸናፊነቱን፣ ኢትዮጵያዊ ጀግንነቱን፣ ኢትዮጵያዊ ደግነቱን፣ ኢትዮጵያዊ ሀገሬን ማለቱን፣ ኢትዮጵያዊ ለሠንደቅ ዓላማ መሞቱን አይለውጥም፡፡

በየዘመናቱ ነጋሪት መትተው፣ እየፎከሩ ተነስተው፣ ባሕር ሠንጥቀው፣ የብስ አቋርጠው ጦር አዝምተው በኢትዮጵያ ሠማይ እንዳልነበር የኾኑት ጠላቶች ዛሬ ላይ የጦር ስልታቸውን ቀይረዋል፡፡ ራሳቸው ዘምተው በኢትዮጵያ ሰማይ ሥር ድል እንደማያገኙ ስለተደረጉ ዛሬ ላይ የትግል አቅጣጫቸውን ለውጠዋል።

ዛሬ ልጆቻቸውን ሞት ወደ አለበት ሥፍራ አይልኩም፤ ዛሬ ላይ የሚልኩት በኢትዮጵያ የተወለዱትን ባንዳዎች በገንዘብ ገዝተው፣ በጥላቻ ሞልተው ነው፡፡ ባንዳዎች ኢትዮጵያን ያደማሉ፣ ከውጭ ለሚልኳቸው ጌቶቻቸው ጉዳይ ያስፈጽማሉ፡፡ እናታቸውን የሚነክሱት ባንዳዎች የጌቶቻቸውን መልዕክት ተቀብለው በኢትዮጵያ ላይ ተነስተዋል፡፡

የውጭ ጋሻ ጃግሬዎቻቸውም አይዟችሁ ግፉበት፣ በሉት፣ ቁረጡት ይሏቸዋል፡፡ በእነርሱ ያልተሳካውን ድል በባንዳዎች ማሳካት ያልማሉና፡፡ ታዲያ በደም እና በአጥንት የጸናች ኢትዮጵያን ለመጠበቅ ከአባቶቻቸው ቃል ኪዳን የተቀበሉት የኢትዮጵያ የቁርጥ ቀን ልጆች ባንዳውንም፣ ባዳውንም እያሳፈሩ በጀግንነት ይጠብቋታል፡፡

ከሠንደቋ ግርጌ ቃል ገብተው የወጡት የኢትዮጵያ ጀግና ወታደሮች በቀኝም በግራም፣ በፊትም በኋላም በሀገር ላይ የተነሳውን ድባቅ እየመቱ ሀገራቸውን እያስከበሩ፣ ቃል ኪዳናቸውን እያከበሩ፣ ለገቡት መሐላ እየኖሩ ነው፡፡

እንኳን ዛሬ በሰማይ የሚበር፣ በምድር የሚሽከረከር ቴክኖሎጂ በበዛበት፣ መድፍ እና ታንክ በሚተኮስበት፣ መትረየስ እና ዲሽቃ በሚያሽካካበት ድሮም ጎራዴ ሥለው፣ ጦር አሹለው እየተነሱ ባንዳ እና ባዳ አላሸነፋቸውም፡፡ ዛሬም ነገም አያሸንፋቸውም፡፡

የኢትዮጵያ ወታደር ምሽጎች የማያቆሙት፣ ጠላቶች የሚፈሩት ጀግና ነው፡፡ "ላታሸንፏት ኢትዮጵያን አትንኳት" እያለ ይገሰግሳል፣ የመጣውን ጠላት ሁሉ ይመልሳል እንጂ፡፡አሸናፊነትን ከአባቶቹ የወረሰ፣ የድል ግርማን የተላበሰ ጀግና ነውና በጀግንነት ይገሰግሳል፡፡

የተተበተቡ የጠላት ወጥመዶችን ይበጣጥሳል፡፡ ኢትዮጵያን በሞታቸው የሚያጸኗት፣ በክንዳቸው የሚያስከብሯት፣ በላብ እና በደማቸው የሚጠብቋት ጀግና ልጆች አሏት እና ማንም አይነካትም፣ ማንም አይደፍራትም፡፡ እርሷ ለማሸነፍ ብቻ የተፈጠረች፣ ለድል አድራጊነት የተመረጠች ሀገር ናትና፡፡

እነኾ ጀግና ልጆቿ ከጀግና ሕዝባቸው አደራ ተቀብለው፣ ጀግና ሕዝባቸውን ደጀን አድርገው በኩራት ይጠብቋታል፣ በድል አድራጊነት ያኖሯታል፡፡ ኢትዮጵያም እንደ አሸነፈች እንደተከበረች ትኖራለች፡፡ ጠላቶቿም እንደ አፈሩ ይኖራሉ፣ የኢትዮጵያን መሸነፍ እንደናፈቁ ይቀራሉ፡፡
አሚኮ

*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

"ለሀገር መከታ ለሆነው የፀጥታ ኅይል ደጀን መሆን ይገባል።" አቶ አስሜ ብርሌ የባሕርዳር ከተማ አስተዳደር ከፖለቲካ ፓርቲዎች፣ ከማኅበራዊ ሚዲያ አንቂዎች፣ ከሀገር በቀል ድርጅቶች (ዕድርና...
04/10/2026

"ለሀገር መከታ ለሆነው የፀጥታ ኅይል ደጀን መሆን ይገባል።" አቶ አስሜ ብርሌ

የባሕርዳር ከተማ አስተዳደር ከፖለቲካ ፓርቲዎች፣ ከማኅበራዊ ሚዲያ አንቂዎች፣ ከሀገር በቀል ድርጅቶች (ዕድርና ዕቁብ) እንዲሁም ከሴቶች የልማት ሕብረት መሪዎች ጋር በወቅታዊ የሰላምና ጸጥታ ጉዳዮች ዙሪያ የውይይት መድረክ አካሄደ።

በመድረኩ ላይ የተገኙት የባሕርዳር ከተማ ምክትል ከንቲባ አቶ አስሜ ብርሌ እንደገለጹት፣ ኢትዮጵያ በታሪኳ የውስጥና የውጭ ጠላቶችን በተደጋጋሚ የከፈቱባትን የጦርነት አዙሪት በጽናት አልፋለች ያሉ ሲሆን ሀገሪቱ በማትበገር ማንነቷ ችግሮችን እየተሻገረች፣ ሕዝቦቿን በልማት ተጠቃሚ እያደረገች ትገኛለች ብለዋል።

በአላማ ልዩነት ያላቸው የጥፋት ኃይሎች ከውጭ ባዕዳ ጋር ጥምረት በመፍጠር በሀገር ላይ ጦርነት መክፈታቸውን የጠቆሙት ምክትል ከንቲባው የሀገርን ዳር ድንበርና የሕዝብን ሰላም ለማስጠበቅ ሌሊትና ቀን ለሚተጋው የፀጥታ ኃይል መላው ሕዝቡ ከጎኑ በመቆም አስፈላጊውን እገዛና ደጀንነት ሊያሳይ እንደሚገባ ጥሪ አቅርበዋል።

የባሕርዳር ከተማ ብልጽግና ፓርቲ ቅርንጫፍ ጽ/ቤት ኅላፊ አቶ ሞላ ሁሴን በበኩላቸው በሀገርና በህዝብ ደህንነት በተደቀነ የጋራ ጠላት ላይ የጋራ አቋም በመያዝ መስራት ይገባል ብለዋል።

የፀጥታ መዋቅሩን በመደገፍ የአካባቢን ሰላም ነቅቶ በመጠበቅና ለፀጥታ መዋቅሩ አጋዥ መሆን እንደሚገባ ገልፀዋል።

በባሕርዳር ከተማ ብልጽግና ፓርቲ ቅርንጫፍ ጽ/ቤት የፓለቲካና አቅም ግንባታ ዘርፍ ኅላፊ አቶ ጊዜው ታከለ ወቅታዊ በሆኑ ጉዳዮች ዙሪያ ለመወያያ መነሻ ጹሁፍ ያቀረቡ ሲሆን በሀገር አቀፍም ሆነ በክልል ደረጃ ተጨባጭ የሆኑ የመልካም አስተዳደርና የልማት ሥራዎች እየተከናወነ እንደሚገኝ ተገልጿል።

የተጀመረውን የልማትና የሰላም ጉዞ ዘላቂ ለማድረግ በከተማዋ የሚገኙ የማኅበረሰብ ክፍሎች ንቁ ተሳትፎና አንድነት ወሳኝ መሆኑ ተመላክቷል።

ተሳታፊዎቹም በበኩላቸው በከተማዋና በአካባቢው አስተማማኝ ሰላም እንዲሰፍን የበኩላቸውን ሚና እንደሚወጡና ከፀጥታ ኃይሉ ጋር ያላቸውን ትብብር አጠናክረው እንደሚቀጥሉ አረጋግጠዋል።
አማራ ኮሙኒኬሽን


*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

የመንግሥት ምስረታ፡- ህዝባዊ ቃልኪዳንን እና ድጋፍን ማደሻኢትዮጵያ ባለፉት የለውጥ ዓመታት የዲፕሎማሲ ግንኙነቷን በማጠናከር፣ ሀገር በቀል የኢኮኖሚ ማሻሻያዎችን በስኬት በመተግበር እንዲሁም ...
04/10/2026

የመንግሥት ምስረታ፡- ህዝባዊ ቃልኪዳንን እና ድጋፍን ማደሻ

ኢትዮጵያ ባለፉት የለውጥ ዓመታት የዲፕሎማሲ ግንኙነቷን በማጠናከር፣ ሀገር በቀል የኢኮኖሚ ማሻሻያዎችን በስኬት በመተግበር እንዲሁም ታሪካዊ አገራዊ የምክክርን በማካሄድ ረገድ በርካታ ተግባራትን አከናውናለች።

እነዚህ ጥረቶች የበለጸገች ሀገር ለመገንባት የሚያስችሉ መሠረቶችን የጣሉ ሲሆን፣ ሀገሪቱ አዲስ መንግሥት ለመመስረት መስከረም 25 ቀንን እየተጠበቀች ትገኛለች።

ዴሞክራሲያዊ ስርዓትን እየገነባች ያለችው ሀገሪቱ ይህንኑ በዘላቂነት ማስቀጠል የሚችሉ ተቋማትን በማጠናከር ላይ በትኩረት እየሰራች ነው።

ለአብነትም ብሔራዊ ምርጫ ቦርድ እንደገና በማቋቋም ነፃ፣ ዴሞክራሲያዊና ፍትሐዊ ምርጫዎችን በብቃት ለማስፈጸም የሚያስችለውን ተቋማዊ መዋቅርና ጠንካራ የሕግ መሠረት እንዲይዝ ተደርጓል፡፡

በዜጎች ንቁ ተሳትፎ የታጀበ ፍትሐዊና ተዓማኒ ምርጫዎችን ወቅቱን ጠብቆ ለማካሄድ የሚያስችል ቁመና ለመላበስ ችሏል፡፡ በዚህም ሕዝብ በምርጫ ሳጥን የሰጠው ድምፅ ለፖለቲካዊ ቅቡልነት ብቸኛው መሠረት መሆኑን አረጋግጧል።

ሌላው ታሪካዊና የዴሞክራሲ ባህል ልምምድ ስኬት ማሳያ ሊባል የሚችለው ሀገራዊ የምክክር መድረክ መካሄዱ ነው፡፡ የምክክር መድረኩ በተለያዩ የማህበረሰብ መካከል ለረጅም ዘመናት የቆዩ ጥያቄዎችን ለመመለስና የጋራ መግባባትን ለመፍጠር ሰላማዊ ውይይት ዋናው መንገድ መሆኑን አስመስክሯል።

ተፎካካሪ የፖለቲካ ፓርቲዎች በሚዋቀረው መንግሥት ውስጥ በከፍተኛ የመንግስት ኃላፊነት ጭምር ሀገራቸውን የሚያገለግሉበት ሁኔታ መፈጠሩ አካታች የፖለቲካ ከባቢ በመፍጠር አዲስ የፖለቲካ ባህል እያደገ ለመምጣቱ ማሳያ ነው።

በአስተዳደር ሥርዓቱ ላይ እምነት ከሚፈጥሩ መመዘኛዎች ዋነኛው የሆነው የግልጸኝነትና ተጠያቂነት አሠራር መስፋፋት እንዲሁም የተቋማት ግንባታ መጠናከር፣ የኢኮኖሚ እንቅስቃሴዎች እና የሕዝብ አገልግሎቶች ሳይስተጓጎሉ እንዲቀጥሉ አስችሏል።

ዴሞክሲያዊ መንግሥት መመስረቱ የተጀመሩ እና ወደፊት የሚጀምሩ ታላላቅ ፕሮጀክቶች እና የልማት ስራዎች ሳይቆራረጡ እንዲጠናቀቁ ያደርጋል።

በኢትዮጵያ አዲስ መንግስት ሲመሰረት ወይም የአስተዳደር ሽግግር እና ማሻሻያ ሲደረግ ህዝባዊ እምነትንና ድጋፍን በማደስ በሀገሪቱ ሰላም፣ ህግና ስርዓት ተጠናክሮ እንዲ ቀጥልና እንዲጎለብት ያግዛል።

የፍትህ እና የደህንነት ተቋማትን ገለልተኝነት፣ ግልጽነት እና ተጠያቂነት በማጠናከር መልካም አስተዳደርን ለማስፈን መንገድ ይከፍታል።

ገበያን ያማከሉ፣ የውጭ ኢንቨስትመንትን የሚስቡና የሀገር ውስጥ አምራቾችን የሚያበረታቱ አዳዲስ የኢኮኖሚ ፖሊሲዎችን ለመቅረጽ እንዲሁም ነባሮቹ ተጠናክረው እንዲቀጥሉ ዕድል ይፈጥራል።

የተረጋጋና እየዳበረ የሚሄድ ምቹ የፖለቲካ ምህዳር ከዓለም አቀፍ የፋይናንስ ተቋማት እና ከልማት አጋሮች የሚገኘውን ድጋፍ እንዲጠናከር ቁልፍ ሚና ይጫወታል።

የዲፕሎማሲ ግንኙነቶችን በማደስ ኢትዮጵያ በምስራቅ አፍሪካና በዓለም አቀፍ መድረክ ያላትን ስልታዊ እና ጂኦፖለቲካዊ ተጽዕኖ ፈጣሪነት የበለጠ ለማጠናከር ይረዳል፤ የውጭ ንግድና የቱሪዝም ፍሰትንም ያነቃቃል።

በአጠቃላይ አዲሱ የመንግሥት ምስረታ የመንግሥትንና የሕዝብን ቃል ኪዳን የሚያድስ፣ ባለፉት ዓመታት በተመዘገቡ የልማት ስኬቶች ላይ በመመሥረት የተጀመሩ ታላላቅ ፕሮጀክቶችን አጠናቅቆ ለአገልግሎት የሚያበቃ እንዲሁም የኢትዮጵያን ዓለም አቀፋዊ ተጽዕኖና ገጽታ አጠናክሮ የሚያስቀጥል ይሆናል።
FMC

*****
የደቡብ ወሎ ዞን መንግስት ኮሙዩኒኬሽን መምሪያ
ተደራሽ የሚያደርግባቸው አማራጮች ቀጣዮቹ አድራሻዎች ናቸው። ሊንኮቹን በመጫንና በመወዳጀት ፈጣንና ትክክለኛ መረጃዎችን ለማግኘት ቤተሰባችን ይሁኑ!
ፌስ ቡክ፡ https://www.facebook.com/Southwollozonecommunicationaffairoffice
ኤክስ ገጽ፡ https://twitter.com/WolloNews?t=Lrv74tG3nMkhl51mvR4_QA&s=09
ኢንስታግራም፡ https://www.instagram.com/p/Cb1bEhbK0hw/?utm_medium=copy_link
ዩቱዩብ፡https://youtube.com/channel/UC5WAkOJxv-uE3HxyTQepVrA
ቴሌግራም፡https://t.me/Southwollocommunicationdeptgov
ዌብ ሳይት፡ https://www.southwollocommunication.gov.et
ቲክቶክ:https://www.tiktok.com/?_r=1&_t=ZS-99cEU8haqPJ

"የበጎ ፈቃድ አገልግሎቱ የማህበረሰቡን ችግር በመቅረፍ ረገድ ከፍተኛ ሚና ተጫውቷል" ወ/ሮ ብርቱካን ሲሳይየክረምት የበጎ ፈቃድ አገልግሎት ማጠቃለያ፣ የእውቅና አሰጣጥ እና የ2019 በጀት ዓ...
04/10/2026

"የበጎ ፈቃድ አገልግሎቱ የማህበረሰቡን ችግር በመቅረፍ ረገድ ከፍተኛ ሚና ተጫውቷል" ወ/ሮ ብርቱካን ሲሳይ

የክረምት የበጎ ፈቃድ አገልግሎት ማጠቃለያ፣ የእውቅና አሰጣጥ እና የ2019 በጀት ዓመት የበጋ ወራት የበጎ ፈቃድ አገልግሎት ክልላዊ ማስጀመሪያ መርሃ ግብር ዝግጅት ላይ ያተኮረ የምክክር መድረክ በባህር ዳር ከተማ ተካሂዷል።

መድረኩን የመሩት የአማራ ክልል ሴቶች፣ ወጣቶችና ማህበራዊ ጉዳይ ቢሮ ኃላፊ ወ/ሮ ብርቱካን ሲሳይ እንደገለጹት፤ የምክክር መድረኩ ዋና ዓላማ በክረምቱ ወቅት የተከናወኑ የበጎ ፈቃድ አገልግሎቶችን አፈጻጸም መገምገም እና የማጠቃለያ መርሃ ግብሩን በከፍተኛ ድምቀት ለማካሄድ በሚያስችሉ ዝግጅቶች ላይ ለመወያየት ነው ብለዋል፡

በተጨማሪም በበጎ ፈቃድ አገልግሎቱ የተሻለ አፈጻጸም ላስመዘገቡ ዞኖች፣ ከተሞች፣ እንዲሁም ጉልህ አስተዋጽኦ ላበረከቱ አካላትና ተቋማት የሚሰጠውን እውቅና እና ሽልማት ዝርዝር ሁኔታዎች ላይ ሰፊ ውይይት ተደርጓልም ነው ያሉት።

አሁን ላይ የ2018 ዓ.ም የክረምት ወራት የዜጎች የበጎ ፈቃድ አገልግሎት የማጠቃለያ ምዕራፍ ላይ የሚገኝ ሲሆን፣ በቅርቡ የመዝጊያና የእውቅና መርሃ ግብሩ ከ2019 በጀት ዓመት የበጋ ወራት የበጎ ፈቃድ አገልግሎት ክልላዊ ማስጀመሪያ ጋር አብሮ በደመቀ ሁኔታ እንደሚካሄድ አመላክተዋል።

በክረምቱ ወቅት የተከናወኑ የበጎ ፈቃድ ስራዎች የማህበረሰቡን ሁለንተናዊ ችግሮች በመቅረፍ ረገድ ከፍተኛ ሚና መጫወታቸውን ጠቁመው፣ የማጠቃለያና ማስጀመሪያ መርሃ ግብሩን በስኬት በማጠናቀቅ በቀጣይ ለሚከናወኑ የበጋ ወራት የበጎ ፈቃድ ተግባራት የተቀመጡ አቅጣጫዎችን በትኩረት መፈጸም እንደሚገባ አሳስበዋል።
አማራ ኮሙኒኬሽን

Address

Dessie

Telephone

+251331117687

Website

,

Alerts

Be the first to know and let us send you an email when South Wollo Zone Gov. Communication Dept. posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to South Wollo Zone Gov. Communication Dept.:

Shortcuts

Share

Category