http://www.gedeozonecomm.gov.et/

Gedeo Zone Government Communication, Dilla (2026)

06/10/2026

በትግራይ ክልል ሲንቀሳቀሱ የነበሩ ታጣቂዎች ወደ ተሃድሶ ማዕከል እንዲገቡ ጥሪ ቀረበ

መስከረም 26/2019 ዓ.ም

በትግራይ ክልል ሲንቀሳቀሱ የነበሩ ታጣቂዎች ትጥቃቸውን በአቅራቢያቸው ለሚገኝ የመከላከያ ሠራዊት አሃድ በማስረከብ ወደ ተሃድሶ ማዕከል እንዲገቡ የብሔራዊ ተሃድሶ ኮሚሽን ጥሪ አቀረበ።

የብሔራዊ ተሃድሶ ኮሚሽን ምክትል ኮሚሽነር ብርጋዴር ጄኔራል ደርቤ መኩሪያው በወቅታዊ ጉዳዮች ላይ መግለጫ ሰጥተዋል።

ብርጋዴር ጄኔራል ደርቤ በመግለጫቸው እንዳስታወቁት፤ ኮሚሽኑ ከህዳር 2017 ዓ.ም ጀምሮ በተለያዩ አካባቢዎች ሲንቀሳቀሱ የነበሩ የቀድሞ ታጣቂዎችን መልሶ በማቋቋም ወደ መደበኛ ሕይወት እንዲመለሱ አድርጓል።

መንግስት በትግራይ ክልል ከፍተኛ ሃብት በመመደብ የቀድሞ ታጣቂዎችን መልሶ ለማቋቋም በርካታ ስራዎችን ቢያከናውንም ህገወጡ የሕወሓት ቡድን በፕሪቶሪያው ስምምንት የፈረመውን ትጥቅ የማስፈታት ስምምነት በማፍረስ ወደ ተሃድሶ ማዕከል ለመግባት ፈቃደኛ የነበሩ ታጣቂዎች የተሃድሶ ስልጠና እንዳይወስዱ ሲያደናቅፍ መቆየቱን ተናግረዋል።

በተጨማሪም ወጣቶችን አስገድድዶ በማፈስ ለሌላ ጦርነት ሲያዘጋጅ እንደነበርም ነው የገለጹት።

በዚህ ሁሉ ሂደት ውስጥ መንግስት በፕሪቶሪያ ስምምነት መሰረት የመልሶ ማቋቋም መርሃ ግብሩ እንዳይቋረጥ ሰፊ ጥረት ሲያደርግ ቆይቷል ብለዋል።

የመንግስትን የሰላም ጥሪ ተቀብለው ለሚመጡ የቀድሞ ታጣቂዎች የተሃድሶ ስልጠና በመስጠት ወደ መደበኛ ሕይወት ለማስገባት መንግስት አሁንም በሩ ክፍት መሆኑን አረጋግጠዋል።

በዚህም በትግራይ ክልል የሰላም መንገድን መርጠው ወደ ፌደራል መንግስት የሚመጡ በርካታ የቀድሞ ታጣቂዎች መኖራቸውን ተናግረዋል።

በመሆኑም በትግራይ ክልል የቀደሞ ታጣቂዎች ትጥቃቸውን በአቅራቢያቸው ለሚገኝ የመከላከያ ሠራዊት አሀድ እያስረከቡ ወደ የተሃድሶ ማዕከል እንዲገቡም ጥሪ አቅርበዋል።

ለዚህም መንግስት በርካታ ሃብት መድቦ ዜጎችን ወደ መደበኛ ሕይወት ለመመለስ ቁርጠኛ መሆኑንም ተናግረዋል።

የብሔራዊ ተሃድሶ ኮሚሽን በፕሪቶሪያ የሰላም ስምምነት ማዕቀፍ በሚኒስትሮች ምክር ቤት የተቋቋመ ሲሆን፤ በግጭት ውስጥ የነበሩ የቀድሞ ታጣቂዎች የተሃድሶ ስልጠና ወስደው ወደ ማህበረሰቡ በዘላቂነት መልሶ የማቋቋም ሥራዎችን የሚያከናውን ተቋም ነው።

06/10/2026

የጌዴኦ ዞን የተሰማራው ኢንስፔክሽን ቲም በጨለለቅቱ ከተማ ከተረጅነት ወደ ምርታማነት የሚደረገውን እንቅስቃሴ ግብረመልስ ተሰጠ ።

መስከረም 26/2019 ዓ.ም ዲላ

የጌዴኦ ዞን የተሰማራው ኢንስፔክሽን ቡድን በጨለለቅቱ ከተማ ከተረጅነት ወደ ምርታማነት የሚደረገውን እንቅስቃሴ ገምግሞ ግብረመልስ ተሰጥቷል ።

የጌዴኦ ዞን ንግድና ኢንዱስትሪ መምሪያ ኃላፊና የኢንስፔክሽን ቡድኑ ሰብሳቢ ወ/ሮ ሰላማዊት ያሬድ የተጀመሩት እንቅስቃሴዎች ተጠናክረው እንዲቀጥሉና የተጀመረውን ግቦች በስኬት እንዲጠናቀቁ የየደረጃው አመራርና ህብረተሰብ ቅንጅታዊ አሰራር ወሳኝ መሆኑን አስገንዝበዋል።

ከተረጅነት ወደ ምርታማነት ለመሸጋገርና የአደጋ ተጋላጭነት በራሳችን አቅም ለማለፍ በትኩረት መስራት እንደሚገባ ተጠቁሟል ።

ከተረጅነት ለመላቀቅ የተጀመሩ ስራዎችን አጠናክሮ ማስቀጠል እንደሚገባ የተገለጸ ሲሆን ተግባሩ የአንድ ተቋምና የአንድ ጊዜ ብቻ ባለመሆኑ እስከ ታችኛው የቀበሌ መዋቅር ድረስ በተደራጀ ሁኔታ ሊመራ እንደሚገባ አቅጣጫ ተቀምጧል፡፡

በዚሁ ወቅት እንደገለጹት ከተረጅነት ወደ ምርታማነት ለመሸጋገርና የአደጋ ተጋላጭነት በራሳችን አቅም ለማለፍ በትኩረት መስራት እንደሚገባ ገልጸዋል።

ከተረጅነት ወደ ምርታማነት የሚደረገውን እንቅስቃሴ ገምግሞ ለቀጣይ በትኩረት በሚሰሩ ሥራዎች ዙሪያ አቅጣጫዎች ተቀምጠዋል።

#ጨለለቅቱ ከተማ መንግስት ኮሙኒኬሽን

06/10/2026

የጌዴኦ ዞን ምክር ቤት 3ቱ ዘርፍ ቋሚ ኮሚቴዎች በጋራ በመሆን የ2019 በጀት ዓመት አንደኛ መንፈቅ ዕቅድ አፈፃፀም ያለበት ደረጃ መስክ ምልከታ ሊያካሂዱ ነዉ
‎
‎መስከረም 26/2019 ዓ.ም
‎
‎የጌዴኦ ዞን ምክር ቤት 3ቱ ዘርፍ ቋሚ ኮሚቴዎች በጋራ በመሆን የ2019 በጀት ዓመት አንደኛ መንፈቅ ዕቅድ አፈፃፀም ያለበት ደረጃ መስክ ምልከታ እንደሚያደርጉ የዞኑ ምክር ቤት ዋና አፈ ጉባኤ የተከበሩ አቶ ፀጋዬ ታደሰ ገልፁ ።
‎
‎የ3ቱ ዘርፍ ቋሚ ኮሚቴዎች በጋራ በመሆን ከነገ ጀምሮ የ2019 ዓ.ም የ1ኛ ሩብ ዓመት በወረዳና ከተማ አፈጻጸም ያለበት ደረጃና እንዲሁም ለድጋፋዊ ክትትል በተዘጋጀው ቼክ ልስት ላይ የጋራ ዉይይት ተደርጎበታል ።
‎
‎የድጋፍዊ ክትትል ዓላማ በዋናነት በየደረጃው ያሉ አስፈፃሚ መስሪያ ቤት ኃላፊነታቸውን በተገቢ እንዲወጡ ለማድረግ ያለመ መሆኑ ተገልጿል ።
‎
‎የ2019 ዓ.ም የ1ኛ ሩብ ዓመት ዕቅድ አፈፃፀም ያለበት ደረጃ ትኩረት ያደረጉባቸው ዋና ዋና ነጥቦች የቋሚ ኮሚቴ ተግባራት በተመለከተ የዕቅድና ክንውን
‎አፈፃፀምና ሌሎች ዋና ዋና ጉዳዮች ተመላክቷል።
‎
‎መስክ ምልከታዉ በአስፈፃሚ መስሪያ ቤትም ላይ ያተኮረ ስሆን በቀረበው ቼክ-ሊስት መሠረት በጥንካሬና በጉድለት የተለዩ አፈፃፀሞችን በማየት ቀጣይ የተሻለ አፈጻጸም ለማስመዝገብ ያለመ መሆኑ ተበራርተዋል ።የ
ጌዴኦ ዞን ም/ቤት ህዝብ ግኑኝነት

06/10/2026

በወረዳው የግብርና ጽ/ቤት የ2019 የቡና ምርት ዘመን ከባለሀብቶች ጋር የውይይት መድረክ ተካሄደ
‎
‎ #መስከረም 26/2019 ዓ.ም ገደብ ኮሙኒኬሽን ተ
‎
‎በጌዴኦ ዞን ገደብ ወረዳ የቡናና ሻይ ቅ/ቅ የግብይት ዘርፍ የ2018 ዓ.ም የእሸት ቡና አሰባሰብ ዕቅድ አፈፃፀም እና የ2019 ምርት ዘመን ዕቅድ ላይ የባለሀብቶች ውይይት መድረክ ተካሂዷል።
‎
‎በበጀት አመቱ ጥራቱን የጠበቀ ቡና ለማዕከላዊ ገበያ ለማቅርብ በቅንጄታዊ አሰራር መሰራት እንዳለበት ተጠቁሟል።
‎
‎በተያዘው በጀት አመት በእሸት ቡና 37 ሺህ 830 ቶን በላይ ለመሰብሰብ እና ከ10 ሺህ 348 ቶን በላይ የታጠበና ያልታጠበ ቡና ለመላክ ዕቅድ መያዙን ተገልጿል።
‎
‎የገደብ ወረዳ ዋና አስተዳዳሪ አቶ ሲሳይ ታደሰ ፡ የቡና ምርትና ምርታማነትን በይበልጥ ለማሳደግ ከወትሮ በተሻለ ልዩ ትኩረት ተሰጥተው መሰራት እንዳለበት አስገንዝቧል።
‎
‎አያይዘውም በተያዘው በጀት አመት ጥራቱን የጠበቀ ቡና ለገበያ ለማቅረብ ከወትሮ በተሻለ መንገድ መሰራት እንዳለበት አስረድተዋል።
‎
‎የግብርና ጽ/ቤት ኃላፊ አቶ አብርሃም ደመቀ ፡ ቡና ለሀገር ኢኮኖሚ የጀርባ አጥንት ከመሆኑ ባሻገር ጥራቱን የተጠበቀ የቡና ምርት ለማቅርብ በዘንድሮ አመት በትኩረት መሰራት እንዳለበት ተናግሯል።
‎
‎የግብርና ጽ/ቤት የቡናና ቅመማ ቅመም ዘርፍ ኃላፊ አቶ ዮሐንስ አበበ ፡ በምርት ዘመት የቡና ውጤታማነትን በማሳደግ የተሻለ ውጤት ማስመዝገብ እንዳለባቸው በበኩላቸው ጠቁሟል።
‎
‎በውይይት መድረኩ የወረዳው ዋና አስተዳደር ፣ የግብርና ጽ/ቤት ኃላፊዎች ፣ የዞኑ አካላት ፣ በወረዳው ውስጥ የሚገኙ ባለሀብቶች እና የግብርና ጽ/ቤት የዘርፉ አካላት ተሳትፏል።
‎
‎@የገደብ ወረዳ የመንግስት ኮሙኒኬሽን አገልግሎት!
‎

06/10/2026

የጌዴኦ ዞን የአደጋ ስጋት ስራ አመራር ሱፐርቪዥን ቲም በጮርሶ ወረዳ "ከተረጂነት ወደ ምርታማነት" የሚደረገውን እንቅስቃሴዎች በወረዳ በመገኘት የድጋፍና ክትትል ስራዎችን ተዘዋዉረዉ ምልከታ አደረጉ
‎
‎ #መስከረም :ጮርሶ 26/2019 ዓ.ም (ጮርሶ ወረዳ መንግሥት ኮሙኒኬሽን አገልግሎት)
‎
‎በጌዴኦ ዞን የአደጋ ስጋት ሥራ አመራር ሱፐርቪዥን ቡድን በጮርሶ ወረዳ «ከተረጂነት ወደ ምርታማነት» በሚደረገው ሀገራዊ ዘመቻ የኅብረተሰቡን የምግብ ዋስትና ለማረጋገጥና አቅምን ለማሳደግ እየተከናወኑ ያሉ የልማት ሥራዎችን ተዘዋውረው ተመልክተዋል።
‎
‎ከዚሁ ጎን ለጎን ቡድኑ በወረዳው በሚገኙት ጌሼ እና
‎ኩርሚ ቀበሌያት ተገኝቶ የግብርና ምልከታ እንዲሁም የመረጃ አያያዝና አደረጃጀት ያካሄደ ሲሆን፣ በሥራ ሂደቱ የተመዘገቡ መልካም ተሞክሮዎችና ጠንካራ ጎኖች ተጠናክረው እንዲቀጥሉ አቅጣጫ አስቀምጧል።
‎
‎በተጨማሪም በክትትሉ ወቅት የታዩ ውስንነቶችና የአፈጻጸም ክፍተቶች በቀጣይ አጭር ጊዜ ውስጥ ተስተካክለው ለላቀ ውጤት እንዲበቁ አሳስቧል።
‎
‎ይህ የተካሄደው የመስክ ሱፐርቪዥንና ድጋፋዊ ክትትል በአካባቢው የተጀመረውን የግብርና ትራንስፎርሜሽን ከማፋጠኑ ባሻገር፣ ወረዳው በምግብ ራሱን የቻለና ለዞኑ ኢኮኖሚ ጉልህ አስተዋጽኦ የሚያበረክት አምራች ማኅበረሰብ ለመገንባት የሚያደርገውን ጉዞ በእጅጉ እንደሚያጠናክረው ተገልጻል።
‎
‎ዘገባው፦ ጮርሶ ወረዳ መንግስት ኮሙኒኬሽን አገልግሎት

06/10/2026

የክልሉ መሬት አስተዳደር ቢሮ ኃላፊ አቶ ተፈሪ አባተ የበጀት ዓመቱ የሩብ ዓመት ዕቅድ አፈፃፀምም ዙሪያ ከቢሮው ምክትል ኃላፊዎችና ሠራተኞች ጋር ውይይት አደረጉ

መስከረም 26/2019 ዓ.ም

ቢሮዉ የበጀት ዓመቱን የሩብ ዓመት ዕቅድ አፈፃፀምም ገምግሟል

የደቡብ ኢትዮጵያ ክልል መሬት አስተዳደር ቢሮ ኃላፊ አቶ ተፈሪ አባተ በቀጣይ 100 ቀናት ዉስጥ በሚከናወኑ ዕቅዶች ዙሪያ ከቢሮዉ ምክትል ኃላፊዎችና ሠራተኞች ጋር የጋራ ዉይይት አድርገዋል።

በመድረኩ ተቋሙ በዋናነት የሚያከናዉናቸዉ ተግባራት የመሬት ልኬትና ምዝገባ፣ህጋዊ የሆነን መሬት የማስተላለፍ ተግባር፣ህገወጥ ግንባታን የመለየት ፣ይዞታዎችን የማረጋገጥና ሌሎችም ተግባራት በአፈፃፀም ሪፖርቱ የቀረቡ ሲሆኑ ከአፈፃፀም አኳያ ክፍተቶች እንደተስተዋሉ በሪፖርቱ ተነስቷል።

ለዚሁም የመሠረታዊ የሥራ ሂደት ለዉጥ ጥናት መዘግየት ፣የበጀትና የሎጀስቲክ እጥረት፣የመረጃ ጥራትና ወቅታዊነት ችግር፣የሰዉ ሃይል እጥረትና ሌሎችም ለአፈፃፀም ጉድለቱ እንደምክንያት ተቀምጠዋል።

በቀጣይ የ100 ቀናት ዕቅድ ዙሪያም ሰነድ የቀረበ ሲሆን ፋይዳ (ዲጂታል)መታወቂያን ከአርሶ አደሩ የመሬት ይዞታ ጋር ማስተሳሰር ፣አርሶ አደሩን የብድር ተጠቃሚ እንዲሆን ማድረግ፣አርሶአደሩ የፋይዳ(ዲጂታል) መታወቂያ እንዲያወጣ ማስቻልና የኢንቨስትመንት ጉዳይና ሌሎችም ሥራዎች በቀጣይ 100 ቀናት ዉስጥ መከናወን እንዳለባቸዉ ትኩረት ተሰጥቶባቸዋል።

በመድረኩ የተሳተፉት የቢሮዉ ሠራተኞች የሪፖርቱ አቀራረብ ግልፅና ወቅታዊ መሆኑን ገልፀዉ ሠራተኛዉ በተሰጠዉ ተግባር መሠረት ሥራዉን ስለማከናወኑ መገምገም አለበት ነዉ ያሉት።

የመድረኩን ማጠቃለያ ያደረጉት የደቡብ ኢትዮጵያ ክልል መሬት አስተዳደር ቢሮ ኃላፊ አቶ ተፈሪ አባተ በሦስቱ ዘርፎች የቀረቡት የሩብ ዓመት የዕቅድ አፈፃፀም ሰነዶች ለቀጣይ 100 ቀናት ዕቅድ ክንዉን መነሻ ሊሆኑ ይገባል ነዉ ያሉት።

ሥራን ለመምራት ያለዉን ዉስን ሀብት በአግባቡ መጠቀም ያስፈልጋል ያሉት አቶ ተፈሪ ሠራተኞች ሥራቸዉን በአግባቡ ማከናወን እንዲችሉ የሠራተኞች ድልድል በአጭር ጊዜና በፍጥነት እንዲያልቅ አቅጣጫ አስቀምጠዋል።

በአጠቃላይ ተቋሙ ተግባሩን በዘመናዊ መንገድ ማከናወን እንዳለበት አሳስበዉ የዲጂታል (ፋይዳ) መታወቂያ ጉዳይ በትኩረት መከናወን እንዳለበትም ማስገንዘባቸውን የቢሮዉ ኮሚኒኬሽን ዳይሬክቶረት መረጃ ያመለክታል።

06/10/2026

የታንዛኒያ ፕሬዚዳንት ሳሚያ ሱሉሁ ለጠቅላይ ሚኒስትር ዐቢይ (ዶ/ር) የእንኳን ደስ አለዎት መልዕክት አስተላለፉ

መስከረም 26/2019 ዓ.ም

የታንዛኒያ ፕሬዚዳንት ሳሚያ ሱሉሁ ጠቅላይ ሚኒስትር ዐቢይ አሕመድ (ዶ/ር) ኢትዮጵያን ለመምራት በድጋሚ በመመረጣቸው የእንኳን ደስ አለዎት መልዕክት አስተላልፈዋል፡፡

ፕሬዚዳንቷ በመልዕክታቸው÷ ጠቅላይ ሚኒስትር ዐቢይ (ዶ/ር) በሕዝብ ተወካዮች ምክር ቤት በድጋሚ ጠቅላይ ሚኒስትር ሆነው በመሰየምዎ በታንዛኒያ ሕዝብ እና መንግሥት ስም እንኳን ደስ አለዎት ብለዋል፡፡

የጠቅላይ ሚኒስትር ዐቢይ (ዶ/ር) ድጋሚ መመረጥ ላሳዩት የአመራር ጥበብ እና ለኢትዮጵያ እድገት ላላቸው ራዕይ የተሰጠ መተማመኛ መሆኑን ገልጸዋል፡፡

ታንዛኒያ ከኢትዮጵያ ጋር ያላትን ዘርፈ ብዙ ግንኙነት ታከብራለች ያሉት ፕሬዚዳንቷ ÷ መንግሥታቸው ከኢትዮጵያ ጋር በሕዝብ ለሕዝብ ግንኙነት፣ በጋራ እና በቀጣናዊ ፍላጎቶች ዙሪያ በትብብር መስራቱን እንደሚቀጥል አረጋግጠዋል፡፡

06/10/2026

በክልሉ ቡናን በኩታ ገጠም በማልማት ምርታማነትን ማሳደግ ተችሏል

ዲላ፤ መስከረም 26/2019 (ኢዜአ)፦በደቡብ ኢትዮጵያ ክልል ቡናን በኩታ ገጠም በማልማት ምርታማነቱን ማሳደግ መቻሉን የክልሉ ቡናና ቅመማ ቅመም ባለስልጣን ገለጸ።

በጌዴኦ ዞን ወናጎ ወረዳ በኩታ ገጠም አሠራር የተከናወነ የቡና ልማትና የምርት ዝግጅት የመስክ ምልከታ ተካሄደ።

የባለሥልጣኑ ዋና ዳይሬክተር አቶ አማኑኤል ብሩ በወቅቱ እንዳሉት፣ የልማቱ ዋና ዓላማ ያረጁ የቡና ዝርያዎችን በተሻሻሉ ተክሎች በመተካት የአርሶ አደሮችን የዘርፉ ተጠቃሚነት ማሳደግ ነው።

የኩታ ገጠም አሠራሩ በሄክታር ከ19 ኩንታል በላይ ምርት ማስገኘት መቻሉን አቶ አማኑኤል ጠቅሰው፣ይህም ከክልሉ አማካይ የምርት መጠን ከእጥፍ በላይ መሆኑን ገልጸዋል።
ዝርዝሩን፦ https://www.ena.et/web/amh/w/amh_9689103

06/10/2026

የጌዴኦ ዞን ፖሊስ እና ፍትህ መምሪያዎች በዞኑ የሚከሰቱ የኢኮኖሚ፣ የሙስናና ሌሎች የተደራጁ ወንጀሎችን በጋራ ለመመርመር የሚያስችል የመግባቢያ ሰነድ ተፈራረሙ

‎( #ዲላ፣ መስከረም 26/2019 ዓ.ም) መምሪያዎች በዞኑ የሚከሰቱ የኢኮኖሚ፣ የሙስናና ሌሎች የተደራጁ ወንጀሎችን በጋራ ለመመርመር፣ ሕግ ማስከበር ሥራን ለማጠናከርና ሰብዓዊ መብቶችን ለማስከበር የሚያስችል የመግባቢያ ሰነድ ተፈራርመዋል።‎‎

የጌዴኦ ዞን ፖሊስ አዛዥ ኢንስፔክተር ብሩ ማርቆስ እና የጌዴኦ ዞን ፍትህ መምሪያ ኃላፊ አቶ ብዙአየሁ ዘውዴ በጋራ ሊሰሩባቸው በሚችሉ ጉዳዮች ላይ ተስማምተው የመግባቢያ ሰነዱን ፈርመዋል።‎‎

ሰነዱ ላይ የተቀመጡ የጋራ የሥራ አቅጣጫዎች በወረቀት ብቻ የሚቀሩ ሳይሆኑ እስከ ታችኛው መዋቅር ድረስ በተግባር እንዲወርዱና ውጤት እንዲያመጡ ተቋማቱ በትኩረት እንደሚሰሩ ኃላፊዎቹ ገልጸዋል ።‎‎

የመግባቢያ ሰነድ ስምምነት በዞኑ በሁሉም አካባቢዎች የሕግ በላይነትን በማረጋገጥ፣ ማንኛውም ዜጋ በሰላም ወጥቶ በሰላም የሚመለስበትን ምቹ ሁኔታ ለመፍጠር የሚያግዝ መሆኑ ተገልጿል።‎‎

የፖሊስና የፍትህ ተቋማት የሚያከናውኑት የጋራ ሥራ ሕግ ማስከበር ሥርዓቱን ከማጠናከር ባለፈ፣ የዜጎችን ሰብዓዊና ዴሞክራሲያዊ መብቶች ለማክበርና ለማስከበር ወሳኝ ሚና እንዳለው በሰነዱ ተመላክቷል።‎‎

ዜጎች በሰላምና በመተማመን የዕለት ተዕለት ኑሯቸውን እንዲመሩ የሕግ በላይነት መረጋገጥ እንዳለበትም ተጠቁሟል።‎‎

በተለይም በዞኑ የሚፈጸሙ የኢኮኖሚና የሙስና ወንጀሎች እንዲሁም ሌሎች የተደራጁ ወንጀሎች በፍጥነት፣ በጥራትና በሕግ አግባብ እንዲመረመሩ ተቋማቱ በጋራ እንደሚሰሩ ተገልጿል። ‎‎

በምርመራ ሂደት የሚገኙ መረጃዎችን በተገቢው መንገድ መለዋወጥ፣ የምርመራ ሥራዎችን ማስተባበርና ወንጀል ፈጻሚዎች በሕግ ፊት ተጠያቂ እንዲሆኑ የሚያስችል ሥርዓት መዘርጋት የስምምነቱ ዋና ትኩረቶች መሆናቸው ታውቋል።‎‎

በዚህም የፖሊስ ተቋም በምርመራ የሚያገኛቸውን መረጃዎችና ማስረጃዎች በተገቢው መንገድ ለፍትህ አካላት በማቅረብ፣ የፍትህ መምሪያውም በበኩሉ የሕግ ሂደቱን በማስተባበር ወንጀሎች በሕግ አግባብ ውጤት እንዲያገኙ የጋራ ሥራቸውን ያጠናክራሉ ተብለዋል።‎‎

የሕግ ማስከበርና የወንጀል ምርመራ ሥራዎች ሲከናወኑ የዜጎች መብትና ነፃነት እንዲከበር፣ ማንኛውም ሰው በሕግ ፊት እኩል እንዲታይና የሕግ ሂደቶች በተገቢው አግባብ እንዲፈጸሙ ተቋማቱ በቅንጅት እንደሚሰሩ ተገልጸዋል።‎‎

የመግባቢያ ሰነዱ የጋራ ሥራው እስከ ታችኛው መዋቅር ድረስ እንዲዘልቅና በተግባር እንዲተረጎም የሚያደርግ የሥራ አቅጣጫ የተገለፀ ሲሆን በዞኑ የሚገኙ ሕግ የማስከበር አካላት በጋራ በመስራት የሚከሰቱ የቅንጅት ክፍተቶችን ለመቅረፍና የሥራ ተጠያቂነትን ለማጠናከር እንደሚሰሩም ተመላክቷል ስል የዘገበው የጌዴኦ ዞን ፖሊስ መምሪያ የህዝብ ግንኙነት ነው ።

06/10/2026

"ኢትዮጵያንና የኢትዮጵያውያንን ሰላም መጠበቅ እንዲሁም ብልጽግናዋን መሻት የመንግሥት ብቻ ሳይሆን፣ የሁሉም ኢትዮጵያዊ ዜጋ የዕለት ተዕለት ኃላፊነት ነው።" - ፕሬዝዳንት ታየ አጽቀሥላሴ

! ! !

‎ #የመደመርመንግሥት

Gedeo Zone Government Communication

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request