http://www.gedeozonecomm.gov.et/

Gedeo Zone Government Communication, Dilla (2026)

03/09/2026

በኮቾሬ ወረዳ ሲካሄድ የቆየው የክረምት የስፖርት ውድድር በሐማ ቀበሌ ሻምፒዮንነት ተጠናቀቀ

ነሐሴ 28 ቀን 2018 ዓ.ም ዲላ

በኮቾሬ ወረዳ ባህል፣ ስፖርትና ቱሪዝም ጽሕፈት ቤት አዘጋጅነት በፍስሃገነት (ፍ/ገነት) ሁለገብ ስታዲየም በከፍተኛ ድምቀት ሲካሄድ የቆየው የክረምት የወጣቶች የስፖርት ውድድር፣ የሐማ ቀበሌን በዋንጫ ባለቤትነት በማንገሥ ማሳረጊያውን አግኝቷል።

የኮቾሬ ወረዳ ዋና አስ/ር ዳዊት ጀቦ ዶ/ር ውድድሩን በአሸናፊነት ላጠናቀቀው የሐማ ቀበሌ ቡድን፣ ጠንካራ ፉክክር አድርጎ እስከ ፍጻሜ ለደረሰው የፍ/ገነት ማለዳ ቡድን፣ እንዲሁም ይህን ስኬታማ ውድድር ላዘጋጀው የወረዳው ባህል፣ ስፖርትና ቱሪዝም ጽሕፈት ቤት እንኳን ደስ አላችሁ መልእክት አስተላልፏል።

በአካባቢው ስፖርት አፍቃሪ ዘንድ ትልቅ ጉጉት ፈጥሮ በነበረው የፍጻሜ ጨዋታ፣ የሐማ ቀበሌ እና የፍስሃገነት ማለዳ ቡድኖች እጅግ ማራኪ እና ፉክክር የታከለበት ትዕይንት ለተመልካች አሳይተዋል።

#ኮቾሬ ወረዳ መንግሥት ኮሙኒኬሽን አገልግሎት

03/09/2026

የፖሊስ አመራሩ የአፈጻጸም ግምገማዉን አጠናቀዉ በፖሊስ መምሪያዉ በተዘጋጀዉ የስነጽሑፍ ምሽት ላይ ታደሙ።

ዲላ ነሐሴ 28/2018 ዓ/ም

የደቡብ ኢትዮጵያ ክልል ፖሊስ ኮሚሽን የፖሊስ አመራሩና አባሉ ጥሩ አፈጻጸምና መልካም ስብዕና የተላበሰ ፖሊስ በክልሉ እንዲኖር በርካታ ስራዎችን እየሰራ ቆይቷል።

በዚህም የጌዴኦ ዞን ፖሊስ መምሪያን የ2018 በጀት ዓመት አፈጻጸም እየገመገመ ቆይቶ በዛሬዉ ዕለት የመምሪያዉና የወረዳና የከተማ አስተዳደር ፖሊስ አመራር ግምገማን ዉጤት ባለዉ መልኩ ማጠናቀቁ ተገልጿል።

የአስተሳሰብ እና የተግባር ለዉጦችን እያስመዘገበ የሚገኘዉ ፖሊስ መምሪያዉ በግምገማው የነበሩትን የፖሊስ አመራሮች በመምሪያዉ የሚካሄደዉን የስነ ጽሑፍ ምሽት እንዲታደሙ በክብር ጠርቷቸዋል

የጌዴኦ ዞን ፖሊስ መምሪያ ህዝብ ግንኙነት ገጽታ ግንባታ ዲቪዥን በኩል የተዘጋጀዉ የስነጽሑፍ ምሽት ላይም ሁለት ቀናቶችን በግምገማ ያሳለፉት የፖሊስ አመራሮች ትንሽ ዘና እንዲሉ በዝግጅት ክፍሉ ግጥም፣
መነባነብና ጣዕመ ዜማዎች ቀርበዋል።

እንዲህ አይነቱ ተግባር በፖሊስ መምሪያዉ ለመጀመሪያ ግዜ የተደረገና ከግምገማ በኋላ አንድነትን የሚጭርና ፍቅርን የሚጨምር ጥሩ ተግባር በመሆኑ ፖሊስ መምሪያዉንና የህዝብ ግንኙነት ዲቪዥኑን ከልብ አመስግነዋል።

የስነጽሑፍ ምሽቱም በተያዘለት የፕሮግራም መርሃግብር የሚቀጥል መሆኑ የተገለጸ ሲሆን በቀጣይ በልዩ አቀራረብ የአከባቢዉ ማህበረሰብ በተገኙበት ይካሄዳል ተብሏል።

በመድረኩም የጌዴኦ ዞን ዋና አስተዳዳሪ ዶ/ር ዝናቡ ወልዴ ፣የክልሉ ፖሊስ ኮሚሽን ከፍተኛ አመራሮች፣ የጌዴኦ ዞን አዛዥና የማናጅመንት አመራር፣የወረዳ/ከተማ ፖሊስ መዋቅር አመራሮች መሳተፋቸዉ ተገልጿል

ጌዴኦ ዞን ፖሊስ መምሪያ ህዝብ ግንኙነት

03/09/2026

የኢንስፔክሽን አመራሩ በተቋሙ የተመዘገቡ ውጤቶችን በማስቀጠል በቀጣይ ሊደግም ይገባል:-የጌዴኦ ዞን ብልጽግና ፓርቲ ኢንስፐክሽንና ሥነ መግባር ኮሚሽን
‎
‎ዲላ ፣ ነሐሴ (28/2018 ዓ/ም)
‎
‎የጌዴኦ ዞን ብልፅግና ፓርቲ ኢንስፔክሽንና ስነምግባር ኮሚሽን ቅ/ጽ/ቤት አመራሩ የተሰጠውን ተልኮ ወደ ተግባር በመቀየር የተመዘገቡ ድሎችን ማስቀጠል እንዳለበት አስታዉቋል ።
‎
‎የባከኑ ሀብቶች በአግባቡ ክትትል በማድረግ ያስመለሱ መዋቅሮችን ተምሳሌትነት በመውሰድ ለቀጣይ ተግባር ግብዓት ልናደርግ ይገባናል ሲሉ የጌዴኦ ዞን ብልፅግና ፓርቲ ኢንስፔክሽንና ስነምግባር ኮሚሽን ቅ/ጽ/ቤት ስብሳቢ ወ/ሮ ምስጋና ዋቃዮ ተናግረዋል።
‎
‎የዞኑ ኢንስፔክሽን ለፓርቲዉ የጀርባ አጥንት እንደሆነ ገልፀው የተቋሙን ግብና ተግባር በማሳካት ድርብ ድሎችን ልናስመዘግብ ይገባልም ብለዋል።
‎
‎የፓርቲ አባላቱ በአግባቡ የአባልነት መዋጮ እንደሚከፍል በማረጋገጥ የሀብት አሰባሰብን ማጠናከር እንደሚገባ ገልፀው አመራሩ በስራ ብቻ ሳይሆን በሀብት በመደገፍ ተቋሙን ማሻገር ይጠበቅብናል ሲሉ የጌዴኦ ዞን ብልፅግና ፓርቲ ኢንስፔክሽንና ስነምግባር ኮሚሽን ቅ/ጽ/ቤት ኃላፊ ወ/ሮ አስቴር በቀቴ ተናግረዋል ።
‎
‎ጽ/ቤቱ ከሚሰራቸው ስራዎች መካከል የግንዛቤ ማስጨበጫ አንዱ መሆኑን ገልፀው የሚታዩ ክፍተቶችንና ተግባራትን በመለየት በትኩርት ሊሰራ ይገባል ብለዋል።
‎
‎የጌዴኦ ዞን ብልፅግና ፓርቲ ኢንስፔክሽንና ስነምግባር ኮሚሽን ፀሐፊ አቶ ደረጀ ሾንጣ በበኩላቸው :-የተቋሙን ተግባራት ቀልጣፋ ለማድረግ የነበሩ ክፍተቶችን በማሻሻል ውጤት ተመዝግቧል ሲሉ ገልፀዋል።
‎
‎የጌዴኦ ዞን ብልፅግና ኢንስፔክሽንና ስነ ምግባር ኮሚሽን ቅ/ጽ/ ም/ኃላፊ ወ/ሮ አበባ ጀቦ የ2019 ዓ.ም መሪ ዕቅድ ባቀረቡበት ወቅት እንደገለፁት :- የፓርቲው አሰራርና መመሪያ ተግባራዊ ለማድረግ በእውቀት መመራት እንደሚያስፈልግና የስነ -ምግባር ጉለቶች የሚታይባቸው አካለትን በመፈተሽ ተጠያቂ በማድረግ የማረም ስራ ኮሚሽኑ እንደሚሰራ አብራርተዋል።
‎
‎በዞኑ የኢንስፔክሽን ኮሚሽኑን አደረጃጀት በተገቢው መንገድ በማጠናከርና የገቢ አሰባሰብ ሂደቱን በህጋዊ ደረስኝ በማስደገፍ መረጃዎች በአግባቡ መያዛቸውን የመለየት ሰራ እንደሚሰራ ገልፀዋል።
‎
‎በመድረኩ የተገኙ የወረዳ እና የከተማ የኮሚሽኑ አመራሮች በሪፖርታቸው እንዳብራሩት ጠንካራ ኮሚሽን መፈጠሩን ለማሳየትና ግልፀኝነት ለማስፈን ሚዲያን በመጠቀም የተሰሩ ተግባራት ለህዝብ በማሰራጨት ብዥታን ለመቀነስ በትኩረት የተሰራ መሆኑ ተገልጿል።
‎
‎የኢንስፔክሽን ኮሚሽኑን አቅም ለመገንባት የገቢ አሰባሰብ ሂደትን በማጠናከር በቅንጅት መሠራቱንና የጋራ መግባባት ለመፍጠር በተለያዩ ርዕሰ ጉዳዮች የክህሎትና የአቅም ግንባታ ስልጠናዎች ለአባላት በመስጠት የሚታዩ ስራዎች ተሰርተዋል ሲሉም አክለዋል።
‎
‎የኮሚሽኑ አመራሮች እንደተናገሩት የፓርቲ አባላት መብትና ተጠቃሚነት ከማረጋገጥ አንፃር ተቋሙ ትኩረት ሰጥቶ እየሰራ መሆኑን ገልፀው የሚነሱ የአባላት ቅሬታዎችን በመፍታት ለውጦች መመዝገባቸውን በሪፖርታቸው አንስተዋል።
‎
‎በመጨረሻም በተጠናቀቀው በጀት ዓመት የተሻለ አፈጻጸም ላስመዘገቡ መዋቅሮች የዕውቅና ሽልማት መርሐ ግብር ተካህዷል።
‎
‎@የጌዴኦ ዞን መንግስት ኮሚኒኬሽን አገልግሎት!

03/09/2026

የጌዴኦ ዞን አስተዳደር በጋሞ ዞን ሕዝቦች ዘመን መለወጫ በዓል ላይ እንዲገኙ የቀረበውን ጥሪ ተቀበለ
‎
‎( #ዲላ ነሐሴ 28-2018 ዓ/ም) የጌዴኦ ዞን አስተዳደር በጋሞ ዞን ሕዝቦች ዘመን መለወጫ በዓል ላይ እንዲገኙ የቀረበውን ጥሪው ተቀብሏል ።
‎
‎በጋሞ ዞን ህዝቦች ዘመን መለወጫ ዮ...ማስቃላ የዘመን መለወጫ በዓል ላይ እንዲገኙ ለጌዴኦ ዞን አስተዳደር ከጋሞ ዞንና ከአርባምንጭ ከተማ አስተዳደር
‎የክብር ጥሪ ቀረቦላቸዋል።
‎
‎የክብር ጥሪውን የጋሞ ዞን ባህልና ስፖርት መምሪያ ኃላፊ አቶ ማዜ ሸኪኔ ፣የአርባምንጭ ከተማ አስተዳደር ከንቲባ ጽ/ቤት ኃላፊ አቶ ማዶ መንገሻ ፣የጋሞ ዞን መንግስት ኮሙኒኬሽን አገልግሎት ኃላፊ ወ/ሮ ሰላም ቦዳ አማካይነት ለጌዴኦ ዞን አስተዳደር ጽ/ቤት ኃላፊና የዞኑ ዋና አስተዳዳሪ ተወካይ አቶ ብርሃኑ ሮቤ እጅ ተሰጥቷል።
‎
‎የ2019ዓ/ም የጋሞ ዞን ሕዝቦች ዘመን መለወጫ በዓል ከመስከረም 11 እና 12/2019 ዓ/ም በአርባምንጭ ከተማ ይከበራል።
‎
‎@የጌዴኦ ዞን የመንግስት ኮሙኒኬሽን አገልግሎት!
‎

03/09/2026

የኢትዮጵያ ንግድ ባንክ ዲላ ዲስትሪክት የ2019 ዓ/ም አዲስ ዓመት በማስመልከት ከ1 ነጥብ 9 ሚሊዮን ብር በላይ በሆነ ወጪ ማዕድ አጋራ
‎
‎( #ዲላ፣ ነሐሴ 28/2018 ዓ/ም) የኢትዮጵያ ንግድ ባንክ ዲላ ዲስትሪክት የ2019 ዓ/ም አዲስ ዓመትን በማስመልከት ለ228 አቅመ ደካሞች እና ጧሪና ደጋፊ ለሌላቸው ወገናችን ማዕድ የማጋራት መርሃግብር አከናውኗል።
‎
‎"አዲሱን አመት በአገልጋይነት እና በበጎነት! " በሚል መሪ ቃል የኢትዮጵያ ንግድ ባንክ ዲላ ዲስትሪክት የአዲሱን አመት ምክንያት በማድረግ በአሉን መቀበያ ማዕድ ማጋራት መርሐ ግብር ተከናውኗል ።
‎
‎መርሃግብሩ ላይ የተገኙት የጌዴኦ ዞን አስተዳደር ጽ/ ቤት ኃላፊ አቶ ብርሃኑ ሮቤ፦ ባንኩ የ2019 አዲስ አመት ምክንያት በማድረግ እንደ ስራዉ ተደራሽነት ማህበራዊ ኃላፊነቱን በመወጣት ለአቅመ ደካሞች ማዕድ ማጋራት መቻሉን ገልፀዋል።
‎
‎ባንኩ ማህበራዊ ኃላፊነቱን በመወጣት ዘርፈ ብዙ ስራዎችን እየሰራ እንደሚገኝ አቶ ብርሀኑ በመግለፅ ባንኩ የራሱን መፈክር በመንደፍ ፤አዲስ አመትን በጋራ እንጋራለን በጋራ እንቆርሳለን በማለት በአገልጋይነትና በበጎነት መንፈስ መልካም ተግባር ማከናወናቸውን ገልጸዋል።
‎
‎የዲላ ከተማ አስተዳደር ከንቲባ መስፍን ደምሴ (ዶ/ር) ዲስትሪክቱም በከተማችን በየአመቱ በበጎ ተግባር ላይ በመሳተፍ ድጋፍ ለሚሹ ወገኖቻችን ማህበራዊ ኃላፊነቱን እየተወጣ የሚገኝ አንጋፋ ባንክ መሆኑን ጠቁመዋል።
‎
‎ባንኩ ከመደበኛ አገልግሎት ጎን ለጎን በማህበራዊና በሃገራዊ ጉዳዮች ላይ በመሳተፍ በዛሬው እለትም በከተማችን ከ1ነጥብ 9 በላይ በሚገመት ወጪ እያደረገ ላለው አበርክቶ ከንቲባው አመስግነዋል።
‎
‎በኢትዮጵያ ንግድ ባንክ የዲላ ዲስትሪክት ዳይሬክተር አቶ ሙሴ ከበደ በበኩላቸው ባንኩ በተለያዩ ማኅበራዊ ጉዳዮች በመሳተፍ ኃላፊነቱን በመወጣት ዘርፈ ብዙ ተግባራትን እያከናወነ ነዉ ብለዋል፡፡
‎
‎ዳይሬክተሩ አክለዉም የተደረገው ድጋፍ ለእያንዳንዱ አቅም ደካሞች 25 ኪሎ ዱቀት፣ 5 ሊትር ዘይት እና 2 ሺህ ብር በጥሬ ገንዘብ መሆኑን ተናግረው ይህም የአገልጋይነትና የበጎነት ማሳያ መሆኑን ገልፀዋል።
‎
‎አዲሱን አመት በማስመልከት በባንኩ የተደረገዉ
‎ድጋፍ ከ 1 ነጥብ 9 ሚሊዮን ብር በላይ የሚገመት መሆኑን ዳይሬክተሩ በመግለፅ መጭው ዘመን የሰላምና የጤና እንዲሆን ለመላው ኢትዮጵያን መልካም ምኞታቸዉን ገልፀዋል ።
‎
‎ማዕድ የተጋራላቸዉ ተጠቃሚዎች በበኩላቸዉ ባንኩ ባደረገላቸው ድጋፍ ትልቅ ደስታ እንደተሰማቸው ገልፀው ምስጋናቸውን አቅርበዋል ።
‎
‎ @የጌዴኦ ዞን መንግስት ኮሙኒኬሽን አገልግሎት !
‎

03/09/2026

‎በዞኑ ‎በሁሉም መዋቅሮች የ2019 ዓ.ም የተማሪዎች ቅበላ አፈፃፀም በሚመለከት ውይይት ተደረገ
‎
(‎ #ዲላ ነሃሴ 28/2018 ዓ.ም) በጌዴኦ ዞን በሁሉም መዋቅሮች የ2019 ዓ.ም የተማሪዎች ቅበላ አፈፃፀም በሚመለከት ውይይት ተደርጓል ።

በውይይቱ ባለድርሻ አካላት በተገኙበት የቅድመ ዝግጅት ስራዎች መገምገሙን ነው የተገለፀው ።

‎የተማሪዎች ቅበላ ላይ አመራሩና የትምህርት ባለድርሻ አካላት በመቀናጀት በትኩረት ሊሰሩ ይገባል ተብሏል ።
‎
‎መንግስት በትምህርት ዘርፍ የተሻለ ውጤት እንዲመዘገብ ለማድረግ እያደረገ ያለው ጥረት ከግብ እንዲደርስ ሁሉም የበኩሉን ሊወጣ ይገባል ።

በአንዳንድ መዋቅሮች በቅበላ ሂደት ላይ ክፍተት መኖሩ የተገመገመ ሲሆን በቀሪ ቀናት ውስጥ ማስተካከያ ተደርጎ እቅዱ ከግብ እንዲደርስ መስራት ያስፈልጋል ተብሏል ።

@የጌዴኦ ዞን የመንግስት ኮሙኒኬሽን አገልግሎት!

03/09/2026

‎በወረዳ ራጴ 01 ቀበሌ ውሰጥ lDP ማዕከል በክልሉ አደጋና ስጋት ስራ አመራር ኮሚሸን የሚገነባው ሞዴል የቅድመ አንደኛ ደረጃ ትምህርት ቤት የግንባታ ቦታ ቅድመ ዝግጅት ምልከታ ተደረገ ።
‎
‎ራጴ፦ ነሐሴ /2018ዓ.ም ዲላ
‎
‎በጌዴኦ ዞን ራጴ ወረዳ በደቡብ ኢትዮጽያ ክልል አደጋና ሰጋት ስራ አመራር ኮሚሸን የገንዘብ ድጋፍ የሚገነባው ሞዴል የቅድመ አንደኛ ትምህርት ቤት የግንባታ ቦታ ቅድመ ዝግጅት የጌዴኦ ዞን ትምህርት መምሪያ ኃላፍ አቶ ዘማች ክፍለ ፣የወረዳ ብልጽግና ፓርቲ ጽ/ቤት ኃላፍ አቶ መንግስቱ በራሶ ጨምሮ የወረዳ ት/ጽ/ቤት ኃላፊዎች ምልከታ አድርጓል ።
‎
‎በ1ሺህ ካሬ መሬት ላይ የሚያርፈው ቅድመ አንደኛ መማሪያ ክፍል ደረጃን በጠበቀ መልኩ በአጭር ጊዜ ውሰጥ ተገንብተው አገልግሎት እንድሰጥ ለማሰቻል አስፈላጊ የቦታ ቅድመ ዝግጅት በማድረግ ከማነኛውም ይዞታ ነፃ ማድረግ ስራዎች በተጠናከረ ሁኔታ እየተከናወነ እንዳለ መመልከት ተችሏል።
‎
‎የጌዴኦ ዞን ትምህርት መምሪያ ኃላፍ አቶ ዘማች ክፍሌ የቦታ ቅድመ ዝግጅት ተዘዋውሮ በተመለከቱበት ወቅት እንደተናገሩት ህፃናት በቅድመ መደበኛ ትምህርት ተኮትኩተው ካደጉ ለነገ አገርን ለመረከብ ብቁ እንደሚሆኑ ተናግረዋል።
‎
‎ለአካባቢውም ሆነ ለሀገር ጠቃሚ ዜጋ ለማፍራት ደረጃውን የጠበቀ ትምህርት ቤት ዋነኛው መሆኑን አቶ ዘማች ጠቁመው ቀሪ ቅድመ ዝግጅት ስራዎች ባጠረ ጊዜ ውሰጥ ተጠናቆ የግንባታ ስራ እንድጀምር አቅጣጫዎችን አስቀምጠዋል።
‎
‎ዘገባ፦ የወረዳ መንግስት ኮሙኒኬሽን ነው !!
‎
‎

03/09/2026

የጌዴኦ ዞን ብልፅግና የኢንስፔክሽንና ስነ ምግባር ኮሚሽን ቅ/ጽ/ቤት የ2018 በጀት ዓመት የሥራ አፈጻጸም ግምገማ እያካሄደ ይገኛል

ነሐሴ 28/2018 ዓ/ም

ኮሚሽኑ "ጠንካራ ኢንስፔክሽን ለጠንካራ ፓርቲ" በሚል መሪ ቃል የ2018 ዓ.ም ዕቅድ አፈፃፀም ግምገማና የ2019 ዓ.ም መሪ ዕቅድ ላይ ትኩረቱን ያረገ መድረክ እያካሄደ ነው ።

የጌዴኦ ዞን ብልጽግና ፓርቲ ኢንስፔክሽንና ስነምግባር ኮሚሽን ሰብሳቢ ክብርት ወ/ሮ ምስጋና ዋቀየሁ እንደገለፁት እንስፔክሽኑ የፓርቲውን ህልውና በማስጠበቅ ጠንካራ ተግባራትን በመመሪያወ መሠረት በማስኬድ ውጤት ተመዝግቧል ብለዋል።

የፓርቲንውና የመንግስትን ተግባር ያለመንጠባጠብ በእውቀት በመታገዝ ወደ መሬት በማውረድ ህዝቡን ተጠቃሚ ለማድረግ መትጋት ያስፈልጋል ሲሊ ተናግረዋል።

የዞኑ የኢንስፔክሽን ኮሚሽን የፓርውን አስራሮችን ተግባራት አውቆ እንዲመራ የአቅም ግንባታ ሰልጠና ለአመራሩና ለባለሞያዎች ተሰጥቷል ።

በተቋሙ 2018ዓ.ም 7ኛው ሀገራዊ ምርጫ በሰላማዊና ፍትሀዊ ሆኖ እንዲጠናቀቅ የኮሚሽኑ አባላትና አመራሮች ላደረጉት ጉልህ አስተዋፅኦ ወ/ሮ ምስጋና አመስግነዋል።

የጌዴኦ ዞን ብልፅግና ኢንስፔክሽንና ስነ ምግባር ጽ/ቤት ኃላፊ ወ/ሮ አሰቴር በቀቴ በአለፈው አመት የተመዘገቡ የአመርቂ ውጤቶችን ለቀጣይ ተግባር እንደግበዓት በመውሰድ ክፍተቶች መሙላት ያስፈልጋል ብለዋል።

ተቋሙን ለማሻገር ከማደራጀትና ከማጠናከር አንፃር ጉድለት የሚታይበት የታችኛው መዋቅሮች አሰራሮችን ሂደት በመቀየር በቀጣይ በማረም የሚመለከታቸው ባለድርሻ አካላት ጽ/ቤት በማመቻቸት የቁሳቁስ ድጋፍ በማድረግ ኮሚሽኑን እንዲያግዙ ኃላፊዋ አሳስበዋል።

በመድረኩ የጌዴኦ ዞን ኢንስፔክሽንና ስነምግባር ኮሚሽን አመራሮችና አባላት፣ የኮሚሽን ቅርንጫፍ ጽ/ቤቱ አመራሮችን ጨምሮ የሁሉም ወረዳና ከተማ አስተዳደሮች የኮሚሽኑ አመራሮችና አባላት እየተሳተፉ ይገኛሉ።

@የጌዴኦ ዞን መንግስት ኮሚኒኬሽን አገልግሎት !

03/09/2026

የኢትዮጵያ ንግድ ባንክ ዲላ ዲስትሪክት ከ1 ነጥብ 9 ሚሊዮን ብር በላይ ወጪ ለአቅመ ደካሞች የማዕድ ማጋራት መርሐ ግብር እያከናወነ ነው
‎
‎( #ዲላ፣ ነሐሴ 28/2018 ዓ.ም) ዲስትሪክቱ የ2019 ዓ.ም አዲስ ዓመትን በማስመልከት “አዲሱን ዓመት በአገልጋይነትና በበጎነት” በሚል መሪ ቃል ለአቅመ ደካሞችና ጧሪ ደጋፊ ለሌላቸው ወገኖች የማዕድ ማጋራት መርሐ ግብር አካሂዷል።
‎
‎የዲስትሪክቱ ማዕድ ማጋራት መርሐ ግብር በዓሉን ከመቀበል ባሻገር በአካባቢው የሚገኙ አቅመ ደካሞችንና ድጋፍ የሚፈልጉ ወገኖችን በመደገፍ የማህበራዊ ኃላፊነትና የአብሮነት መንፈስን ለማጠናከር ያለመ ነው።
‎
‎በመርሐ ግብሩ ዲስትሪክቱ ከ1 ነጥብ 9 ሚሊዮን ብር በላይ ወጪ በማድረግ ለእያንዳንዱ 25 ኪሎ ግራም ዱቄት፣ 5 ሊትር ዘይት እና 2 ሺህ ብር የጥሬ ገንዘብ ድጋፍ ለበዓሉ መዋያ አጋርተዋል።
‎
‎የማዕድ ማጋራት መርሐ ግብሩ የአዲስ ዓመትን በዓል በመልካም ተግባር ለመቀበልና በተለይም ድጋፍ የሚፈልጉ ወገኖች የበዓሉን ደስታ እንዲጋሩ ለማድረግ ያለመ መሆኑን ተገልጿል።
‎
‎በመርሐ ግብሩ ላይ የጌዴኦ ዞን አስተዳደር ጽሕፈት ቤት ኃላፊ አቶ ብርሃኑ ሮቤ፣ የዲላ ከተማ አስተዳደር ከንቲባ መስፍን ደምሴ (ዶ/ር)፣ የዲስትሪክቱ ዳይሬክተር አቶ ሙሴ ከበደ ጨምሮ የዘርፉ ባለድርሻ አካላት ተገኝቷል።
‎
‎@የጌዴኦ ዞን መንግሥት ኮሙኒኬሽን አገልግሎት!

03/09/2026

በጌዴኦ ዞን ይርጋ ጨፌ ወረዳ በንብ ማነብ ሥራ የተሰማሩ አርሶ አደሮች ተጠቃሚነታቸው እያደገ መምጣቱን ገለጹ
‎
‎ዲላ:- ነሐሴ 26/2018 ዓም
‎
‎ በተፈጥሮ ማር አምራችነት የተሰማሩ አርሶ አደሮች ተጠቃሚነታቸው እያደገ መምጣቱን ገልጸዋል ።
‎
‎ማር ካለው ተፈጥሯዊ የምግብነት እና የመድኃኒትነት ይዘት ባሻገር ከሀገራችን ህዝብ አኗኗርና ወግ ጋር ትልቅ ቁርኝት ያለው ምርት ነው ።
‎
‎ማር ባለው ተፈላጊነት ልክ በሰፋት ለገበያ እንዳይቀርብ የአመራረቱ ሂደት ክፍተት የነበረበት ሲሆን አሁን ላይ በዘመናዊ ቴክኖሎጂ በመታገዝ አምራች አርሶ አደሮችም ተጠቃሚ እየሆኑ ይገኛሉ ።
‎
‎በይርጋጨፌ ወረዳ ዶማርሶ ቀበሌ በማር አምራችነት የተሰማሩ አርሶ አደሮችም ከዚህ ቀደም በባህላዊ ቀፎ ከቤተሰቦቻቸው በወረሱት ንብ የማነብ ስራ ውጤታማ እንዳልነበሩ በማጋራት ዘመናዊ ቀፎና ቴክኖሎጂን በመጠቀም በዘርፉ በቂ ምርት ማግኘት መቻላቸውን ተናግረዋል ።
‎
‎የተፈጥሮ ማር ለማግኘት የንብ አያያዝና የአመጋገብ ስርዓትን ማስተካከል ፣ ሳይንሳዊ የዘርፉ ባለሙያ የሚያቀርባቸውን ምክረ ሀሳብ መተግበር ተጠቃሽ መሆኑን አስረድተዋል።
‎
‎ወ/ሮ ብዙነሽ ሐልቹ ከባለቤቷ በቀሰመችው ልምድ በመነሳት በርካታ ቁጥር ያላቸው ዘመናዊ የንብ ቀፎን ከወረዳው ግብርና ልማት ጽ/ቤት አማካኝነት አግኝታ ንብ የማነብ ስራ በመጀመሯ በቋሚ ገቢ እንዲኖራት አስችሏል ።
‎
‎በዓመት ለሁለት ጊዜ በቆረጡት የተጣራ ማር እስከ ሰማንያ ኪሎ ግራም የሚያገኙ ሲሆን ለተመቻቸው ገበያ ማዕከል በማቅረብ በቋሚነት ኑሮአቸውን በአግባቡ መምራት እንድችሉ አድርጓቸዋል ።
‎
‎ባለቤታቸው በባህላዊ ቀፎ ብቻ ማር በዓመት አንደ ጊዜ በመቁረጥ ውስን ምርት ሲያገኝ እንደነበር የገለፁት ወ/ሮ ብዙነሽ ከምርታማነት አንጻር ዘመናዊ ቀፎ የተሻለ መሆኑን ገልፀዋል።
‎
‎ወጣት ማርቆስ ጌታሁን በአርባ ምንጭ ዩንቨርሲቲ የ4ኛ ዓመት ተማሪ ሲሆን ወላጅ እናቱ ከማር ምርት ከምታገኘው ገቢ በአግባቡ ትምህርቱን በመማር ላይ እንደሚገኝ ተናግረው ቤተሰቡ በፊት ከነበራቸው ገቢ አንፃር አሁን ላይ የተሻለ እያገኙ እንደሆነ መገንዘቡንም ተናግረዋል ።
‎
‎ሌላኛው የጂጂራ የማር አምራች ማህበር አባላት በአደራጅ ተቋማት ዕገዛ ስልጠና ፣የመስሪያ ቦታ ፣ ግብዓት እና ብድር ተመቻችቶ ስራውን ከጀመሩ በኋላ ከትምህርታቸው ጎን የስራን ባህልና የቴክኖሎጂ ሽግግር እያሳደጉ እንደሚገኙ አመላክተዋል ።
‎
‎በባንክ የራሳቸው ተቀማጭ ገንዘብ እንዳላቸው የጠቆሙት ወጣቶቹ ሌሎችም አማራጭ ከመጠበቅ የተገኘውን ስራ በመስራት ነገያቸውን ብሩህ ማድረግ አስፈላጊ እንደሆነ አንስተዋል ።
‎
‎በዓመት ለሁለት ዙር ማር በመቁረጥ ለገበያ እንደሚያቀርቡ በመጠቆም በዘመናዊ አሰራር የታገዘ የተፈጥሮ ንብ ማነብ አዋጭ እንደሆነም አመላክቷል።
‎
‎በዶማረሶ ቀበሌ ግብርና ጽ/ቤት እንስሳት እና ዓሣ ሃብት ልማት ባለሙያ አቶ ደመላሽ መቆያ በማር አምራችነት በግልና በማህበር የተሰማሩ አርሶ አደሮች ውጤታማ እየሆኑ እንደሆነም አንስተዋል።
‎
‎አካባቢው ለማር ምርት ምቹ ስነ ምህዳር ያለበት በመሆኑ በስራው ለተሰማሩ የግንዛቤ ስልጠና በየጊዜው እንደሚሰጥ የገለፁት ባለሙያው የግብዓት አቅርቦት እና የገበያ ሁኔታን ለአምራቾች ለማመቻቸት በቅርበት እየተሰራ እንደሆነም አስረድተዋል
ጌዴኦ ቴሌቪዥን

Gedeo Zone Government Communication

03/09/2026

03/09/2026

03/09/2026

03/09/2026

03/09/2026

03/09/2026

03/09/2026

03/09/2026

03/09/2026

03/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request