Dire Dawa Urban Development and Construction Bureau

27/08/2026

ነሐሴ 21/2018
የድሬዳዋ አስተዳደር የከተማ ልማትና ኮንስትራክሽን ቢሮ የህዝብ ክንፍ የውይይት መድረክ ተካሄደ፡፡
የቢሮውን የህዝብ ክንፍና የባለድርሻ አካላት የውይይት መድረክ በንግግር ያስጀመሩት የድሬዳዋ አስተዳደር የከተማ ልማትና ኮንስትራክሽን ቢሮ ሃላፊ ኢንጂነር ኡመር ዱአሌ ናቸው፡፡ የቢሮው ሃላፊም በመክፈቻ ንግገራቸው ያስተላለፉት መልዕክት ከዘርፉ ባለድርሻ አካላት ጋር በመመካከርና ቅንጅታዊ አሰራር በመዘርጋት መስራት የተቋማትን ውጤታማነት ከማረጋገጡም በላይ የከተማ ልማትና ኮንስትራክሽን ዘርፍ ለአስተዳደሩም ሆነ ለአገራችን ልማት መፋጠን የሚያበረክተውን አስተዋጽኦ ወደ ላቀ ደረጃ ያሸጋግራል የሚል ነው፡፡ የተቋሙን የህዝብ ክንፍ በማሳተፍ የልማት ሥራዎችን መሥራት ለውጤት የሚያበቃ መሆኑን ተናገሩት ሃላፊው በቀጣይም የተቋሙንና የባለድርሻ አካላትን ቅንጅታዊ አሰራር የሚያጠናክሩ ተግባራት እንደሚከናወኑ ተናግረዋል፡፡
የቢሮው የ2018 የዕቅድ አፈፃፀም እና የ2019 የቁልፍና የአበይት ተግባራት ዕቅድ ቀርቦ በተሳታፊዎች ውይይት ተደርጎበታል፡፡ ከዚሁ ጋር በተያያዘም በቀጣይ በጀት ዓመት 600 የጋራ መኖሪ ቤቶች ለመገንባት የሚያስችሉ ቅድመ ተግባራት መከናዎናቸው ታውቋል፡፡

24/08/2026

ነሐሴ 18/2018
መልካም የመውሊድ በዓል
ለመላው የእስልምና ሐይማኖት ተከታዮች በሙሉ
የድሬዳዋ አስተዳደር የከተማ ልማትና ኮንስትራክሽን ቢሮ እንኳን ለ1501ኛው የመውሊድ በዓል አደረሳችሁ እያለ በዓሉ የሰላም መተሳሰብና ሐይማኖቱ የሚያዘውን መልካም ተግባር ሁሉ የምትፈጽሙበት እንዲሆንላችሁ መልካም ምኞቱን ይገልፃል፡፡ መልካም የመውሊድ በዓል፡፡
የድሬዳዋ አስተዳደር የከተማ ልማትና ኮንስትራክሽን ቢሮ

21/08/2026

ነሐሴ 15/2018
የድሬዳዋ አስተዳደር የከተማ ልማትና ኮንስትራክሽን ቢሮ የማኔጅምንት ኮሚቴ አባላት በስድስት አጀንዳዎች ላይ ተወያይተው የተለያዩ ውሳኔዎችን አስተላልፈዋል፡፡
በቢሮው የማኔጅምንት ኮሚቴ አባላት ውይይት ተካሄደባቸው ስድስቱ አጀንዳዎች
1. የ2018/2019 የክረምት በበጎ ፈቃድ ሥራዎች እቅድ አፈፃፀም መገምግምና የዕቅድ አተገባበር አቅጣጫ ማስቀመጥ
2. የጋራ መኖሪ ቤቶች የዕጣ አወጣጥ የማጠቃለያ ተግባራትና ቀሪ ሥራዎች ላይ መወያትና ውሳኔ ማስተላለፍ
3. የባለድርሻ አካላት ውይየት መድረክ ማዘጋጀትና የሚከናወኑ ተግባራትን መለየት
4. የአመራሮችና ባለሙያዎች ሞባይል ካርድ ግዥና አጠቃቀም ላይ መወያየት
5. በቋሚ ዕቃዎች ግዥና የሰራተኖች ፍላጎት ላይ መወያየትና አቅጣጫ ማስቀመጥ
6. የሰራተኖች የሥራ ሰዓት አከባበርና የዲስፕሊን ዙሪያ በመወያየት ለተለያዩ አካላት ሃላፊነቶችን ለመስጠት ሚያስችል ውሳኔ ማስተላለፍ ንቸው፡፡
የቢሮው የማኔጅምንት ኮሚቴ አባላት በስድስቱ አጅነምዳዎች ላይ ባደረጉት ውይይትም የክረምት በጎ ፈቃድ ተግባራት እተጠናቁና ውጤማ በሆነ አካሄድ እየተሰሩ መሆኑ ታውቋል፡፡ የቢሮውን የባለድረሻ አካላት የውይይት መድረክ ለማዘጋጀት እና የጋራ መኖሪያ ቤቶች እጣ አወጣት ሥራዎችም የሚመለከታቸው የሥራ ክፍሎች የቀሩ ሥራዎችን ለይተው በአጭር ጊዜ እንዲያጠናቅቁ በማለት የዕለቱ ማኔጅመንት ኮሚቴ አባላት ስብሰባ ተጠናቋል፡፡

18/08/2026

ነሐሴ 12/2018
"የወጣትነት ሥራ ፈጣሪነት ለብልጽግና ስኬት" በሚል መሪ ቃል የግነዛቤ ማስጨበጫ ስልጠና ተሰጠ
ስልጠናውነ የተሰጠው በድሬዳዋ አስተዳደር የመንግስት ኮሙኒኬሽን ጉዳዮች ቢሮና ለከተማልማትና ኮንስትራክሽን ቢሮ የብልጽግና ፓርቲ ወጣቶች ክንፍ አባላት ሲሆን የስልጠናው አላማም የቢሮዎቹን የብልጽግና ፓርቲ ወጣቶች ክንፍ አባላት የፖለቲካ ግንዛቤ የማዳበርና የወጣቶቹን ሥራ የመፍጠርም ሆነ ምርታማነትን የማሰደግ አቅም ማጎልበት ነው ተብሏል፡፡
ከዚህ የአቅም ማጎልበቻ ሥልጣና በተጨማሪም የሁለቱም ቢሮዎች የብልጽግና ፓርቲ ህብረት የ2019 በጀት ዓመት ዕቅድ ቀርቦ ውይይት ተደርጎበታል፡፡ ዕቅዱ በአግባቡና ውጤታማ በሆነ አሰራር እንዲከናወኑም የህብረቱ ወጣት ክንፍ ሥራ አስፈፃሚዎች ከህብረቱ አመራሮችና ከሁለቱ የህብረቱ ቤተሰብ አመራሮች ጋር የቀጣይ በጀት ዓመት ዕቅድ አፈፃፀም የቃል ኪዳን ሰነድ ስምምነት የፊርማ ሥነ ሥርዓት ማካሄዳቸው ታውቋል፡፡"

18/08/2026

ነሐሴ 12/2018
ማስታወቂያ
የጋራ መኖሪያ ቤቶች ዕጣ ለወጣላችሁ ዕድለኞች በሙሉ
ሐምሌ 28/2018 የጋራ መኖሪያ ቤቶች የቅድመ ቆጣቢዎች የዕጣ ማውጣት ሥነ ሥርዓት ተካሂዶ 367 የጋራ መኖሪያ ቤቶች ቅድመ ቆጣቢዎች ዕጣ የወጣላቸው መሆኑ ይታወቃል፡፡
እነዚህም ቤቶች ዕጣ ለደረሳቸው ቅድመ ቆጣቢዎች መተላለፍ ስላለባቸው የሚከተሉትን መረጃዎች በማሰባሰብና በማሟላት ከነሐሴ 13/2018 ጀምሮ በግንባር እየቀረባችሁ አገልግሎት ማግኘት የምትችሉ መሆኑን እናሳውቃለን፡፡
1. ለዚሁ አላማ የተከፈተ የኢትዮጵያ ንግድ ባንክ ደብተር ኮፒ
2. የምትኖሩበት ወረዳ መታወቂያ ኮፒ
3. የጋብቻ ሁኔታ የሚገልጽ ሰርቲፊኬት ኮፒ
4. የቅድመ ቆጣቢነት ማረጋገጫ ቢጫ ካርድ
5. አንድ ጉርድ ፎቶግራፍ
የከተማ ልማትና ኮንስትራክሽን ቢሮ

14/08/2026

ነሐሴ 07/2018
የድሬዳዋ አስተዳደር የከተማ ልማትና ኮንስትራክሽን ቢሮ አመራሮችና ሰራተኞች የአረጋውያን ክብካቤና የደም ልገሳ መርሃ ግብር አካሄዱ፡፡
የድሬዳዋ አስተዳደር የከተማ ልማትና ኮንስትራክሽን ቢሮ የአረጋውያን የጽዳትና የፀጉር ቆረጣ ክብካቤ አገልግሎት የሰጡት በዳዊት አረጋውያን መርጃ ማህበር ሲሆን አገልግሎት ያገኙት አራጋውያንም 250 እንደሚሆኑ ታውቋል፡፡ በክብካቤው መርሃ ግብር ላይ ተገኙት የቢሮው ምክትል ሃላፊ አቶ ኢማጅ አብደላም አረጋውያን አገር ያስረከቡን ወገኖቻችን ስለሆኑ የቢሯችን አመራሮችና ሰራተኞች አስፈላጊውን ድጋፍና እንክብካቤ በማድረግ የትውልድ ሃላፊነታችንን እንወጣለን ብለዋል፡፡ ድጋፍና ክብካቤውም ተጠናክሮ እንደሚቀጥል ተናግረዋል፡፡
ድጋፍና ክብካቤ ተደረገላቸው አረጋውያንና የማህበሩ ሥራ አስኪያጅ አቶ ዳዊትም የድሬዳዋ አስተዳደር የከተማ ልማትና ኮንስትራክሽን ቢሮ አመራሮችና ሰራተኖች ለአረጋውያን ላደረጉት የንጽህና አጠባበቅና እንክብካቤ ልባዊ ምስጋና አቅርበዋል፡፡ ለሁለተኛ ዙር በተካሄደው የደም ልገሳ መርሃ ግብርም የቢሮው የ2018/19 የደም ልገሳ መርሃ ግብር በተሳካ ሁኔታ የተጠናቀወ መሆኑ ታውቋል፡፡

12/08/2026

ነሐሴ 06/2018
የድሬዳዋ አስተዳደር የከተማ ልማትና ኮንስትራክሽን ቢሮ በሥሩ ከተደራጁ ተጠሪ ተቋማት ጋር የ2019 በጀት ዓመት የስታራቴጅክ ግቦች ማስፈፀሚያ የቃል ኪዳን ሰነድ የፊርማ ሥነ ሥርዓት አካሄደ፡፡
ከቢሮው ተጠሪ ተቋማት ሃላፊዎች ጋር የ2019 የስታራቴጅክ ግቦች ማስፈፀሚያ ስታራቴጂክ ዕቅድ የቃል ኪዳን ሰነዱን የተፈራረሙት የድሬዳዋ አስተዳደር የከተማ ልማትና ኮንስትራክሽን ቢሮ ምክትል ቢሮ ሃላፊ አቶ ኢማጅ አብደላ ሲሆኑ ሰነዱ ላይ የተቀመጡ ስትራቴጅክ ግቦችና ግብ ተኮር ተግባራት ውት በሚያስመዘግቡበት ልክ በአግባቡ እንዲፈፀሙ ሃላፊዎች እስከፈፃሚ አካል ድረስ ማውረድና መከተተል አለባቸው ብለዋል፡፡

10/08/2026

10/08/2026

ነሐሴ 04/2018
የድሬዳዋ አስተዳደር የከተማ ልማትና ኮንስትራክሽን ቢሮ አመራሮችና ሰራተኞች በ2019 በጀት ዓመት የዘርፉ አምስት ግቦችና ዋና ዋና ተግባራት ዕቅዶች ላይ ተወያዩ፡፡
የቢሮው አመራሮችና ሰራተኞች የተወያዩባቸው የ2019 በጀት ዓመት የቢሮው ዕቅዶችም ከ2019 -2021 ድረስ እንዲፈፀሙ ከታቀዱ የመካከለኛ ዘመን የኢንቨስትመንትና የልማት ዕቅዶች የተወሰዱ ናቸው ተብሏል፡፡
የመድረኩ አላማ የከተማ ልማትና ኮንስትራክሽን ቢሮ የቀጣይ ዓመት ዕቅድና ትኩረት አቅጣጫ ላይ የጋራ ግንዛቤ ለመያዝና በተቀናጀ አሰራር ለመተግበር የሚያስችል ግንዛቤ ለማዳበር ነው ያሉት ድሬዳዋ አስተዳደር ከተማ ልማትና ኮንስትረክሽን ቢሮ ምክትል ቢሮ ሃላፊ አቶ ኢማጅ አብደላ አመራሮችም ሆኑ ሰራተኞች ትኩረት ማድረግ ያለባቸው ለተቋሙ ተገልጋዮች ፈጣንና ጥራት ያለው አገልግሎት በመስጠት የተገልጋዮችን ዕርካታ በሚያረጋግጡ አሰራሮች ላይ ነው ብለዋል፡፡