West Gojjam Zone Livestock and Fisheries Resources Development Department

18/09/2026

ውሻን የሚሳብድ በሽታ ክትባት ዘመቻ በጃቢ ጠህናን ወረዳ
ከመስከረም 6 ቀን ጀምሮ በምዕራብ ጎጃም ዞን፣ ጃቢ ጠህናን ወረዳ በሁሉም ቀበሌዎች የሚከናወነው የውሻና ድመት የራቢስ ክትባት ዘመቻ በተጠናከረ መልኩ ቀጥሏል።

እስከአሁን ድረስ ዘመቻውን በጀመሩ 12 ቀበሌዎች ውስጥ 365 ውሾች እና 30 ድመቶች፣ በድምሩ 395 ውሾችና ድመቶች የራቢስ ክትባት እንዲያገኙ ተደርጓል።
የዘመቻውን ተከታታይነትና ውጤታማነት ለማረጋገጥ ከዞን እስከ ቀበሌ እና እስከ መንደር ደረጃ ድረስ የዕለት መረጃ በመለዋወጥ፣ የተከናወነውን ሥራ በየዕለቱ በመገምገም እና የተለዩ ችግሮችን በፍጥነት በመፍታት ዘመቻው በሁሉም የወረዳው ቀበሌዎች ተጠናክሮ እንዲቀጥል ሥራዎች እየተከናወኑ ይገኛሉ።

ከክትባት ሥራው ጎን ለጎንም ለማህበረሰቡ ስለ ራቢስ በሽታ፣ መከላከያ መንገዶች እና የቤት እንስሳትን በወቅቱ የማስከተብ አስፈላጊነት የግንዛቤ ማስጨበጫ ሥራዎች በተለያዩ ዘዴዎች እየተሰጡ ይገኛሉ።
“ ውሻን የሚሳብድ በሽታ እንከላከል፤ ውሻና ድመታችንን በወቅቱ እናስከትብ!”

17/09/2026

የምዕ/ጎጃም ዞን እንስሳትና ዓሳ ሀብት ልማት መምሪያ የ2018 ዓመታዊ ዕቅድ አፈጻጸም ሪፖርትና የ2019 በጀት ዕቅድ ኦረንቴንሽን ለወረዳ እንስሳትና ዓሳ ሀብት ልማት ጽ/ቤት ኃላፊዎች፣ለእንስሳት እርባታና እንስሳት ጤና ቡድን መሪዎች እንዲሁም የዕቅድ ባለሙያዎች በተገኙበት እያካሄደ ይገኛል።
በመካሄድ ላይ ባለው ውይይትም የምዕ/ጎጃም ዞን እንስሳትና ዓሳ ሀብት ልማት መምሪያ ኃለፊ ዶ/ር ቻላቸው ቸኮልና የዞን የእርባታና የጤና በድን መሪዎች በጋራ በመሆን የባለፈውን ዓመት አፈፃፀም መነሻ በማድረግ ጉድለቶችን በማረም ለቀጣይ ዓመት ዕቅድ የተሻለ ውጤት እንዲመዘገብ ግምገማ አዘል ውይይት እየተካሄደ ነው።

09/09/2026

አዲሱን ዓመት በአዲስ መንፈስ ለመቀበል ሠው አቅሙ የፈቀደውን ሁሉ የቅደመ ዝግጅት ሥራ እያከናወነ ይገኛል።

የምዕ/ጎጃም ዞን እንስሳትና ዓሳ ሀብት ልማት መምሪያ 2019 ዓ/ም መልካም አዲስ ዓመት እንዲሆን ከልብ እዬተመኘ
በአዲሱ ዓመት በዬደረጃው ያለ ፈፃሚና አሰፈፃሚ አካል የተቋሙን ዕቅድ በመያዝ ከባለፈው ዓመት በላቀ እንዲፈፀም በማደረግ ከዘርፉ የሚገኘውን ምርትና ምርታማነት እንዲጨምር ሁሉም የዘረፉ ሠው እርብርብ ማድረግ እንዳለበት ጭምር ከወዲሁ ያሳስባል።

መልካም አዲስ ዓመት !!

23/04/2026

የምዕ/ጎጃም ዞን እንስሳትና ዓሳ ሀብት መምሪያ የ2018 በጀት ዓመት የዘጠኝ ወር ዕቅድ አፈፃፀም ሪፖርት ገምግሟል።

በዞኑ ውሰጥ ባሉት በሰባት የገጠር የወረዳዎችና በሁለት የከተማ አሰተዳድሮች አስፈፃሚ አባላትን ወይም ማኔጅመንት ቡድኑን በማካተት 9ወር የአፈፃፀም ሪፖርት ገምግሟል።

በግመገማ ሂደቱ እስካሁን በበጀት ዓመቱ በእንስሳት አርባታ እና በእንስሳት ጤና የተፈፀሙ ተግባራትን በመያዝ በመፈፀምና ባለመፈፀም ያሉበትን ቁመና በማሳዬት በቀጣይ የአፈፃፀም ልዩነትን የማጥበብ ሥራ መሥራትና ቀሪ ተግባራትን በመለዬት በያዝነው ሩብ ዓመት መጣናቀቅ እንዳለባቸውና ትኩረት እንዲሰጥባቸው ጭምር ተደረጓል።

03/04/2026

በተለያዩ የእንሰሳት ፓኬጆች ምክረ ሀሰቡን መሠረ ት በማድረግ ክትትልና ድጋፍ እዬተደረገ ነው።

በመሆኑም ከዘርፈ የሚገኘው ምርትና ምርታመነት እዬጨመረ ይገኛል።

ይህ የምን መለከተው የድንች ክምር እንዳይመስላችሁ የእንቁላል እንጅ!! በፍ/ሰለም ከተማ አሰተዳደር ቀበሌ 02 ቄራ ሰፈር ናትናኤል እመነሽና ጓደኞቻቸው ኢ/ር እዬተሠራ ያለ ሥራ ሲሆን መግዛት የምትፈልጉ ሁሉ 0983573747 በመደወልና በአካል በመገኘት አገልግሎቱን የምታገኙ መሆኑን እንገልፃልን።

01/04/2026

የእንስሳት አረባብ ዘዴን ለማሻሻልና ለማዘመን የህክምና የማደቀያ በረቶችም በተሻለ መልኩ መሠራት ይኖርባቸዋል።

በመሆኑም በወምበርማ ወረዳ ርዕሰ ከተማ እንስሳት ጤና ክሊኒክ ግቢ ውስጥ በFSRP በጀት ድጋፍ የተሰራ ዘመናዊና የቆሻሻ ማቃጠያ/incinerator/ ጭምር ያለው የህክምናና ማዳቀያ በረት ተጠናቆ አገልግሎት በመሰጠት ላይ ይገኛል።

17/02/2026

በወተትና ሥጋ ከፍተኛ ምርት ሊሰጡ የሚችሉ ክልስ ጥጆችን ለማሰወለድ እና ተጠቃሚዎችን ለማርካት የኤክሰቴንሽን አገልግሎት ተደራሽ ማድረግ ተጓዳኝ ሥራ ነው።

ሰለሆነም በቡሬ ዙሪያ ወረዳ በተለያዩ እንስሳት አርቢዎች አገልግሎቱን ተደረሽ በማድረግ ሥራው እየተከናወነ ይገኛል።

በአዳቃይ ኃይማኖት አበባው በ2018 ዓ.ም በተፈጥሮ የደሩ ላሞችን በወተትና ስጋ ከፍተኛ ምርት ሊሰጡ የሚችሉ ክልስ ጥጆችን ለማስወለድ፣ መርጦ እንስት ጥጆችን ለማሰወለድ እንዲሁም ተብዓትና እንስት ጥጆችን የሚያስወልድ አባለዘር በሠው ሠራሽ ዘዴ ከተሰጡ ላሞች በዚህ ዓመት የተወለዱ ክልስ ጥጆችን የሚያሳይ ከፊል ገፅታ።

07/02/2026

በፍ/ሰለም ከተማ አስተዳደር ቀበሌ 02 ቄራ ሰፈር ናትናኤል፣እመነሽና ጓደኞቻቸው ከ 1400 እንቁላል ጠይ ዶሮዎች በየቀኑ የሚሰበስቧቸውን እንቁላሎች በመሽጥ ላይ ይገኛሉ።

ሰለሆነም 40 እንቁላልና ከዚያ በላይ ለሚገዙ ሁሉ በተመጣጣኝ ዋጋ ይሻጣሉ።

የስ/ቁጥር አድራሻ 0983573747 በመደወል የአገልግሎቱ ማግኘት ትችላላችሁ።

02/02/2026

በቡሬ ከተማ ቀበሌ 03የሚገኘዉ ፀሀይ ወተት ቤት ባገኘችዉ የወተት እና ወተት ተዋጽዖዎች አያያዝ እና አመራረት ሙያ መሰረት በማረግ ጥራታቸዉን የጠበቁ ወተት፣ፕሮባዮቲክ እርጎ እና አይብ ለደምበኞቿ ታቀርባለች፡፡ በአካባቢዉ ያላችሁ ወደ ወተት ቤቷ ጎራ በማለት የወተት ምርቶቿን መጠቀም ትችላላችሁ፡፡ የስራ ገጽታዋን የሚያሳይ ቲከቶክ ቪዶዮ በዚህ ሊንክ መቃኘት ትችላላችሁ፡፡
https://vm.tiktok.com/ZS91pmPbd3dsh-fiYds/ This post is shared via TikTok Lite. Download TikTok Lite to enjoy more posts: https://www.tiktok.com/tiktoklite

Check out West Gojjam Zone Livestock’s video.

21/01/2026

ከተፈጥሮ ግድቦች የሚገኙትን የዓሳ ጫጩቶች ወደ ሌላ የውኃ አካለት በመጨመር የዓሳ ምርትን ለማሳደግ አንደኛው መንገድ ነው።

ሰለሆነም ከገራይ ግድብ የዓሳ ጫጩትን በማውጣትና በማጓጓዝ በዞኑ ሥር ባሉ የተፈጥሮ የውኃ አካለት ማለትም በሬ ዙሪያ ወረዳ ዛልማ ቀበሌ እና ወምበርማ ወረዳ ጭራር ቀበሌ ላይ ባለ የተፈጥሮ የውኃ አካል ለይ የዓሳ ጫጩት የማጎጎዝና የመጨመር ሥራን የሚያሳይ ከፊል ገፅታ።