Mana Murtii Aanaa Calliyaa-Chelia District Court.

Mana Murtii Aanaa Calliyaa-Chelia District Court. Amantaa uummataa horachuuf haqaaf haqaan hojjanna!

15/04/2023

Baga Geessan !
-----------------------
Hordoftoonni amantaa kiristaanaa hundi baga ayyaana du'aa ka'uu Yesuus Kiristoos geessan jechaa; ayyaanichi kan nagaa fi gammachuu akka isiniif ta'u hawwii qabnu ibsina. Ayyaana Gaarii!
-------------
Ebla 7,2015
Geedoo,Oromiyaa!!!

Leenjii fi Hubannoo .Manni murtii keenya guyyaa har'aa leenjii mata duree Dhimma Naamusaa Muudamtootaa fi Hojjattoota si...
15/12/2022

Leenjii fi Hubannoo .
Manni murtii keenya guyyaa har'aa leenjii mata duree Dhimma Naamusaa Muudamtootaa fi Hojjattoota sivil servantii ilaachisee kaayyoo,Gosoota badiiwwan naamusaa jiran, Adabbiiwwan isaanii fi Adeemsa qorannoo badiiwwan naamusaa irratti karaa B/B Ofiisara Naamusaa fi W/Qabaa Koree Naamusaatin kennameera.
Akkasumas,mata duree "Gaggeessummaa fi Jijjiirama Hoogganuu irratti karaa Pireezidaantii mana Murtichaatin hubannoon irratti kennameera. Qabatama mana hojii keenyatiinis maal fakkaata isa jedhu irratti yaada fi mariidhanis gabbifameera. Oolmaa waaree boodatiin Itti Fayyadama CCMS(Court case management system) irratti ogeessa TQO fi B/B Qindeessaa Ofiisaroota Seeraa A/Seeraa,Ofiisaroota Seeraa fi Raawwataa deeskii Odeeffannoof irratti hubannoon kennamaa jira.
Fuula fesbukii keenya 'Share,follow fi comment ' godhaa!
Horaa bulaa Deebanaa!
Mudde 6,2015 Calliyaa,Oromiyaa!

Guyyaa 18-03-2015Gaggeessaa Kabajaa.........Manni murtii Aanaa Calliyaa hawaasa mana murtii fi hawaasa Aanichaa waliin t...
27/11/2022

Guyyaa 18-03-2015
Gaggeessaa Kabajaa.........
Manni murtii Aanaa Calliyaa hawaasa mana murtii fi hawaasa Aanichaa waliin ta'uun sagantaa gaggeessaa A/Seeraa duraanii Ob.Fayyisaa Shuumaa amma soorama bahaniif gaggeessaa kabajaa taasiseera.Sagantaa kanarratti Leenjiin hubannoo cimsuu Maalummaa ragaa sobaa,Maddaa fi ka'uumsa ragaa sobaa fi Miidhaa ragaan sobaa sirna haqaa irratti qabuu fi fala isaa irratti karaa A/Seeraa Mana murtichaa Ob.Dabalaa Wadaajootiin hirmaattota sagantichaaf dhiyaateera. Sirna gaggeessaa kabajaa kanarratti hawaasni Aanichaa sagantaa kanarratti hirmaatan A/Seeraa haqummaa fi qajeelummaan seera fi seera qofaa irratti hundaa'ee hojii A/Seerummaa hojjachuu akka qabu A/seeraa gaggeessaan raawwatameef kana fakkeenya godhachuun yaada isaanii kennanii jiru. Namni kamiyyuu bakka jirutti hojii haqaa fi qajeelaa ta'e yoo hojjate dhumni isaa kabaja akkasiiti jechuun A/Seeraa kun nama haqaa ta'uu isaanii jajuudhan ragaa bahaniiru.
Sagantaa kanarratti pireezidaantiin Mana Murtii A/Calliyaa ob.Falmataa Daboo haasaa taasisaniin hojiin abbaa seerummaa hojii ulfaataa fi amanamtummaa guddaa gaafatuudha. Garee wal himatu lama gammachiisuun kan hin danda'amne ta'ee hojichi dadhabbii guddaa kan qabu guyyaa boqonnaa Sanbataa fi Dilbata illee Abbaan seeraa dhimma namaa waliin dhiphataa kan dabarsuudha. Hojii kanaan A/Seeraa kun nama carroomanii guyyaa A/seeraa ta'an irraa kaasanii waggaa 26(digdamii jaha) oliif hanga guyyaa soorama bahan kanaatti amanamtummaa guddaadhan hojii isaanii hojjataa waan turaniif amantaa uummataa horatanii jaalalaa fi kabaja kana argataniiru. Maqaa gaariin warqee gaarii caala akkuma jedhan Sagantaan kun namoota biraatifis ergaa guddaa kan dabarsu ta'ee yoo hanga dhumaatti haqummaan cichinee hojjanne nama irraas waaqa irraas eebba arganna,galgalli keenyas ni tola "jedhaniiru. Sagantaa kanaan namni bakka jiru hundumaatti haqaaf akka dhaabbatuu fi dhugaadhaf akka hojjatu ibsanii ob.Fayyisaa shuumaas turtii mana murtii keessatti hojii gaarii fi naamusa fakkeenyummaa qabu agarsiisaa turaniif hawaasa fuulduratti galateeffataniiru. Maqaa gaarii qaban kanas itti fufsiisuun ammas hojii Abukaattummaa hojjatan keessatti dhugaa haadha hiyyeessaa falmuun akka hawaasa isaaniif hojjatan amaanaa irra kaa'uun,hawaasa mana murtichaa fi hawaasa Aanaa Calliyaa sagantaa gageessaa kabajaa kana qopheessanis cimsanii galateeffataniiru. Dhumarratti sagantaan badhaasaa fi affeeraa laaqanaa taasifamuun xumurameera.
Horaa bulaa,Deebanaa!

Address

Gedo

Telephone

+251572270750

Website

Alerts

Be the first to know and let us send you an email when Mana Murtii Aanaa Calliyaa-Chelia District Court. posts news and promotions. Your email address will not be used for any other purpose, and you can unsubscribe at any time.

Shortcuts

Share

Category