Waajjira Abbaa Alangaa Aanaa Gimbii

16/06/2023

𝗦𝗶𝗿𝗻𝗮 𝗘𝗲𝗿𝘂𝘂 𝗳𝗶 𝗢𝗱𝗲𝗲𝗳𝗳𝗮𝗻𝗻𝗼𝗼𝗻 𝗬𝗮𝗸𝗸𝗮 𝗠𝗮𝗹𝗮𝗮𝗺𝗺𝗮𝗹𝘁𝘂𝗺𝗺𝗮𝗮 𝗜𝘁𝘁𝗶 𝗗𝗵𝗶𝘆𝗮𝗮𝘁𝘂

Maaloo dubbisaatii qoodaa! (Please read and share it!)

𝗦𝗶𝗿𝗻𝗮 𝗘𝗲𝗿𝘂𝘂 𝗳𝗶 𝗢𝗱𝗲𝗲𝗳𝗳𝗮𝗻𝗻𝗼𝗼𝗻 𝗬𝗮𝗸𝗸𝗮 𝗠𝗮𝗹𝗮𝗮𝗺𝗺𝗮𝗹𝘁𝘂𝗺𝗺𝗮𝗮 𝗜𝘁𝘁𝗶 𝗗𝗵𝗶𝘆𝗮𝗮𝘁𝘂 Kabajamtoota hordoftootaa fi hawaasa Godina keenyaa akkam jirtu? Yer...

09/10/2022

የኢትዮጵያ ብር እና የውጭ ሀገር ገንዘብን ይዞ መገኘት/ማዘዋወር ያለው የሕግ ተጠያቂነት ሀገራችን አንደሌሎች ሀገራት ገንዘብ የኢኮኖሚዋ መሠረት ሆኖ የሚያገለግልና ይህንን ውስን የሀ.....

03/10/2022

𝐐𝐚𝐛𝐢𝐲𝐲𝐞𝐞 𝐋𝐚𝐛𝐬𝐢𝐢 𝐁𝐮𝐥𝐜𝐡𝐢𝐢𝐧𝐬𝐚 𝐍𝐲𝐚𝐚𝐭𝐚𝐚 𝐟𝐢 𝐐𝐨𝐫𝐢𝐜𝐡𝐚𝐚 𝐌𝐮𝐫𝐭𝐞𝐞𝐬𝐬𝐮𝐮𝐟 𝐁𝐚𝐡𝐞 (𝐋𝐚𝐛𝐬𝐢𝐢 𝐋𝐚𝐤𝐤. 𝟏𝟏𝟏𝟐/𝟐𝟎𝟏𝟏)................
𝐂𝐨𝐧𝐭𝐞𝐧𝐭 𝐨𝐟 𝐀 𝐏𝐫𝐨𝐜𝐥𝐚𝐦𝐚𝐭𝐢𝐨𝐧 𝐓𝐨 𝐏𝐫𝐨𝐯𝐢𝐝𝐞 𝐅𝐨𝐫 𝐅𝐨𝐨𝐝 𝐚𝐧𝐝 𝐌𝐞𝐝𝐢𝐜𝐢𝐧𝐞 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐨𝐧 (𝐏𝐫𝐨𝐜.𝐍𝐨. 𝟏𝟏𝟏𝟐/𝟐𝟎𝟏𝟏)
____________________

Labsiin kun nyaata, qoricha, meeshaalee yaalaa, meeshaalee miidhaginaa fi oomisha tamboo gabaaf dhiyeessuu ykn karaa biraa kamiinuu uummatni akka itti fayyadamuuf afeeruu ilaalchisee, akkasumas oomishaalee fi meeshaalee dheedhii biroo tumaalee labsichaa ilaallatan irratti raawwatiinsa kan qabudha. Labsichi keewattoota 74 fi kutaalee gurguddoo 9 tti qoodamee kan tumamedha.

Kutaa 1ffaan labsichaa (kwt 1-3) tumaalee waliigalaa kan ilaallatu yoo ta'u kunis mata duree labsichaa, hiikoo fi daangaa raawwatiinsa labsichaa hammata. Kutaa 2ffaan (kwt 4) qaamolee raawwachiistuu adda durummaan labsicha hojiirra oolchanii fi aangoo, gahee hojii fi itti gaafatamummaa isaanii irratti kan xiyyeeffatudha. Kutaa 3ffaan, kwt 5-18, bulchiinsa nageenya nyaataa ilaallata. Akka kanaan, dhaabbanni nyaata tajaajila uummataaf oolu dhiyeessu kamiyyuu nageenya nyaatichaa mirkaneessuu qabu. Nageenyii fi eegumsi nyaataaf taasifamus gosaa fi balaa nyaatichi fayyaa namaa irratti dhaqqabsiisuu danda'u irratti kan bu'uureffate ta'uu qaba. Dhaabbileen daldala nyaataa galmaahuu qabu. Akkasumas dhaabbileen nyaata oomishanii fi daldalan adeemsa nyaata ykn oomishaalee nyaataa oimishuu qopheessuu, kuusuu fi geejibsiisuu ulaagaalee eegumsa nageenya nyaataa kabajuu qabu. Nyaatni biyya alaatii galus ta'e biyya alaatti ergamu ulaagaalee eegumsa nageenya nyaataa guutuutu irra jiraata. Dhaabbilee nyaataa hunda keessatti oomishni nyaataa sirna to’annoo qulqullinaa keessa darbuu qaba. Kanaan walqabatees, labsichi nyaata dabalataaf, galteewwan nyaataaf (wantoota nyaatatti dabalamaniif), golgaa nyaataaf, carara (irradiation) fi foormulaawwan nyaata daa'immaniif sadarkaaleen to'annoo qulqullinaa akka diriirfaman ka'a. Kana malees bulchiinsi nageenya nyaataa to'annoo nageenya bishaanii fi dhugaatiiwwan alkoolii irratti taasifamus kan dabalatudha.

Kutaa 4ffaan, kwt 19-45, bulchiinsa meeshaalee yaalaa fi meeshaalee miidhaginaa ilaallata. Kunis itti fayyadama qorichaa, seeraan ala oomishuu, qoricha farra ilbiisoota fayyaa hawaasaa, fi kanneen biroo of keessatti qabata. Kutaa 5ffaan, kwt 46-52, to'annoo tamboo fi oomishaalee kanaan walqabatan kan ilaalu yoo ta'u akka kanaan tamboo fi oomishaalee tamboon walqabatan oomishuuf, fichisiisuuf, jumlaan raabsuu fi tamsaasuuf hayyamni addaa kennamuu qaba. Kutaa 6ffaan, kwt 53-62, saamsaa fi qarqaaba oomishaa, baarreffama ibsituu wa'ee oomishaa, beeksisaa fi leellisa oomishaa (advertising & promoting), hojii tumsa taasisuu (sponsorship) fi dhorkaawwan kanaan walqabatan ilaallata. Kutaan kun dhimmoota maqaa fi sadarkaa qulqullina oomishaa ilaallatan irratti gochoota sobaa, gowwoomsuu fi waliindhahuu kamiyyuu akka hin raawwatamne dhorka. Dabalataanis, miidiyaa fi bakeewwan uummataaf ifa ta'anitti dhugaatiiwwan alkoolii, tamboo fi oomishaalee tamboo beeksisuu fi leellisuu kan dhorkudha. Kana malees, namoota dhugaatiiwwan alkoolii fi tamboon itti gurguramuu hin qabnee fi bakkeewwan dhugaatiiwwan alkoolii fi tamboo itti gurguun, raabsuun, fayyadamuu fi ispoonsera ta'uun hin danda'amne adda baasee daangessuun dhorkaa kan kaa'udha.

Kutaa 7ffaan, kwt 63-64, aangoo, hojii fi dirqama to'attootaa (inspeektarootaa) kan ibsudha. Kutaa 8ffaan, kwt 65-67, tarkaanfiiwwan bulchiinsaa fi gochoota gaafatamummaa yakkaa hordofsiisan irratti xiyyeeffata. Akkaatuma kanaan tumaaleen kwt 65 fi 66 tarkaanfiwwan bulchiinsaa fudhatamuu qabanii fi haala tarkaanfii bulchiinsaa fudhatamu irratti komiin dhiyaachuu danda'u kan ibsan yoo ta'u tumaan kwt 67 ammoo gochoota yakkaan gaafachiisan tarreessuun adabbii isaanii waliin kan kaa'udha.

Kutaan xumuraa labsichaa, kutaa 9ffaan (kwt 68-74), tumaalee adda addaa kan of jalatti qabatudha. Kutaan xumuraa kun haala oomishni tajaajilaaf hin oolle itti qabamuu fi dhabamsiifamu, haala qabiinsa ragaa, seerota haqaman, dambii fi qajeelfama labsicha hojiirra oolchuuf gargaaru eenyu baasuu akka qabu kan ibsudha. Kutaa kana jalatti, aangoo fi hojiiwwan to'annoo fi hordoffii Biirolee Fayyaa Naannolee fi Inistiitiyuushinii Fayyaa Hawaasaa Itiyoophiyaaf dabarfamanii fi Ministeera Fayyaa ilaallatanii fi, tumaalee ce'umsaa kaa'mee jira. Xumura irrattis dhimmootni muraasni dhugaatii alkoolii fi tamboon walqabatan guyyaa labsichi ragga'e Guraandhala 21/2011 (February 28/2019) irraa eegalanii ji'a 3 hanga 12 booda hojiirra kan oolan ta'uu fi tumaaleen labsichaa biroon garuu guyyuma labsichi ragga'e irraa eegalanii raawwatiinsa kan qaban ta'uun tumamee jira.

Yeroo ammaa kana labsichi hojiirra kan jirudha. Kana waan ta’eef caalmaatti labsicha argachuun qabiyyee isaa hubachuuf akka isin gargaaruuf labsicha fuula Teelegiraamii keenyarratti isiniif dhiyeessinee jirra. Buufadhaa, dubbisaa, hubadhaa, waliif qoodaa, walhubachiisaa!

𝐋𝐚𝐛𝐬𝐢𝐢 𝐋𝐚𝐤𝐤. 𝟏𝟏𝟏𝟐/𝟐𝟎𝟏𝟏: 𝐋𝐚𝐛𝐬𝐢𝐢 𝐁𝐮𝐥𝐜𝐡𝐢𝐢𝐧𝐬𝐚 𝐍𝐲𝐚𝐚𝐭𝐚𝐚 𝐟𝐢 𝐐𝐨𝐫𝐢𝐜𝐡𝐚𝐚 𝐌𝐮𝐫𝐭𝐞𝐞𝐬𝐬𝐮𝐮𝐟 𝐁𝐚𝐡𝐞 ................. 𝐏....

29/09/2022

16/06/2022

𝐌𝐢𝐫𝐠𝐨𝐨𝐭𝐚 𝐃𝐚𝐚'𝐢𝐦𝐦𝐚𝐧𝐢𝐢 𝐟𝐢 𝐆𝐨𝐜𝐡𝐨𝐨𝐭𝐚 𝐘𝐚𝐤𝐤𝐚𝐚 𝐃𝐚𝐚'𝐢𝐦𝐦𝐚𝐧 𝐈𝐫𝐫𝐚𝐭𝐭𝐢 𝐑𝐚𝐚𝐰𝐰𝐚𝐭𝐚𝐦𝐚𝐧 ......................
𝟏. 𝐒𝐞𝐞𝐧𝐬𝐚

Daa’imman qaama hawaasaa miidhaa adda addaaf saaxilamtoota (vulrnerable groups) ta’an keessaa tokkodha. Sababii umurii isaanii fi bilchina qaamaa fi sammuu gahaa hin qabneef rakkoo hedduuf saaxilamoodha. Kana irraa kan ka’e guddinaa fi fayyummaa qaamaa fi sammuu isaaniif, naamusa gaarii akka horataniif, akkasumas guddina hawaasummaa isaaniitiif, walumaagalatti nageenyaa fi jireenya isaaniitiif yeroo hunda gargaarsaa fi gorsa warraa irra darbee qaama hawaasaa hunda irraa kunuunsaa fi eegumsa addaa barbaadu.

Haa ta’u malee yeroo baay'ee hojmaata farra namoomaan, loogiidhaan, barmaatilee hawaasa keessatti dagaageen mirgi namoomaa fi dimokiraasummaa isaanii maatii fi hawaasaa bal’aa keessatti akkasumas birookiraasii jiruun bal’inaan sarbama. Biyyoota guddachaa jiran keessatti eegumsii fi tajaajilli hawaasummaa daa'immanii gahaan jiraachuu dhabuutti dabalatee gochootnii fi ilaalchotni barmaatilee boodatti hafaa, rakkoon dinagdee fi qaala'iinsa jireenyaa, rakkoon nageenyaa, balaan uumamaa fi rakkoowwan adda addaa biroon nageenyaa fi jireenya daa’immanii rakkisaa taasisee jira. Kana cinatti ammoo barmaatilee fi gochootni yakkaa daa'imman irratti miidhaa geessisan bal'inaan kan raawwataman ta'uun rakkoo nageenyaa fi jireenya daa’immanii daran kan hammeessudha. Keessattuu gochootni haala dhokataa ta'een daa'imman irratti raawwataman (kan akka gudeeddii, dhaqna qabaa ijoollee durbaa, umurii gaa'elaaf hin geenyeen fuudhaa fi heeruma raawwachuu fi raawwachiisuu, seeraan ala daa'imman daddabarsuu fi daa’immaniin daldaluu, yeroo ammaa kana ammoo akka faashiniitti babal'achaa kan dhufe wal-quunnamtii saalaa saala walfakkaataa amala uumamaa fi duudhaa hawaasaaf faallaa ta'e daa'imman irratti (daa’imman dhiiraa irratti) raawwatamu) qorqalbii, guddinaa fi faayyummaa qaamaa fi sammuu, akkasumas abdii egeree daa'immaniif yaaddoo guddaadha. Kanaan walqabatees, daa’imman sababa rakkoo jireenyaa fi miidhaan isaan irra qaqqabeen amala gaarii qaban irraa jijjiiramuun yakkaa fi araada adda addaa keessa yommuu galan ni mul’ata. Gama biraatiin ammoo daa’imman miidhaan irratti dhaqqabe miidhaa kana gabaasuuf sodaa qabaachuun isaanii fi yakkoota kanneenis ta'e yakkoota biroo daa’imman irratti raawwataman ittisuu fi saaxiluu keessatti sochii fi hirmaannaan qaamolee garaa garaan taasifamu laafaa ta'uun mirgootaa fi dantaa daa’immanii kabachiisuu irratti qormaata isa biraati.

Dhimmi daa’immanii maatii, hawaasaa fi mootummaa bira darbee sadarkaa idil addunyaatti dhimma yaachisaa ta’uun waan hubatameef xumura Waraana Addunyaa 2ffaa hordofuudhaan mirgoota namummaa dhala namaa kabachiisuuf mootummoota gamtoomaniin waliigalteewwan (konveenshinootni), labsiilee fi pirotokoolotni adda addaa erga bahaniin booda eegumsaa fi kabajni mirgoota daa’immanii xiyyeeffannaa adda akka argatu ta'ee jira. Haaluma kanaan mootummoonni hundi mirgoota daa’immanii haala adda ta’een eegumsa gochuu fi kabachiisuu akka dandahaniif waliigalteewwanii fi seeronni adda addaa sadarkaa addunyaatti mallatteeffamuun hojiirra ooluu danda’anii jiru. Kanneen keessaas; Konveeshiniin Mirga Daa’immanii (CRC), Konveenshiniin Daa’imman Dirqiin Hojjechisuu fi Gurguruu Dhabamsiisuu fi Pirotokoliin Filannoo Konveenshinii Mirga Daa’immanii isaan ijoodha. Sadarkaa ardii Afrikaattis mirgoota daa’immanii mirkaneessuuf sanadni 'Chaartarii Mirgaa fi Nageenyummaa Daa’imman Afrikaa' jedhu qofaatti bahee jira. Sanadoonni dhimma kabajamuu mirgoota daa’immanii ilaalchisuun sadarkaa idil addunyaa fi ardiitti addatti bahan kunneenis barmaatilee, hojmaataa fi loogiiwwan mirgoota bu’uuraa daa’immanii sarban kan balaaleffatanii fi dhorkanidha. Biyyi keenyas mirgoota daa’immanii kabachiisuudhaaf tarkaanfiiwwan gara garaa fudhattee jirti. Haaluma kanaan dhimmootni dantaa fi mirgoota namummaa fi dimokiraasummaa daa’immanii ilaallatan haguuggii Heera Mootummaa argachuutti dabalee imaammattoota garaa garaa (kan akka imaammata fayyaa, barnootaa, bulchiinsa haqaa fi kanneen biroo) keessatti akka hammatamu taasifamee jira. Mirgoota daa’immanii heeraa fi imaammataan wabii argatan hojiirra oolchuu fi kabajamuu isaanii mirkaneessuufis seeronni adda addaa tumamanii; dhaabbilee garaa garaa keessattis hojmaatileen adda addaa diriiranii hojiirra oolaa jiru.

Egaa, mirgoota daa’immanii wabii seeraa sadarkaa hundatti argatan kabachiisuu fi hojiirra oolchuun qaamolee mootummaa hunda, dhaabbilee mit mootummaa garaa garaa fi hawaasa hunda irraa kan eegamudha. Haa ta’u malee mirgoota daa’immanii heeraa fi seerota adda addaa keessatti mirkanaahan beekanii kabajuu fi kabachiisuu irratti hawaasa bal’aa birattis ta’e qaamolee mootummaa adda addaa biratti hanqinni hubannoo bal’aan waan mul’atuuf eegumsa heeraa fi seeraan daa’immaniif kenname irratti hubannoo seeraa kennuun dhimma murteessaa ta’ee argama. Barreeffamni kunis guyyaa kabaja daa’imman Afirikaa bara 2014 ilaalchisuun mirgoota daa’immanii heera mootummaa fi seerota biyya keenyaa adda addaa keessatti mirkanaa’anii fi qabiyyee isaanii irratti hubannoo kennuudhaan kabajamuu fi hojiirra oolmaa isaanii cimsuuf qophaahee jira.

𝟐. 𝐇𝐢𝐢𝐤𝐚 𝐃𝐚𝐚'𝐢𝐦𝐚𝐚: 𝐃𝐚𝐚’𝐢𝐦𝐧𝐢 𝐄𝐞𝐧𝐲𝐮?

Waadaan Mirgoota Daa’immanii (Convention on the Rights of Child/CRC), seerota idil-addunyaa eegumsaa fi kunuunsa mirgoota daa’immaniif taasisan keessaa isa olaanaa fi muummee ta'e, hiikkaa jecha ‘daa’ima’ jedhuuf kenneen; ‘namni kamiyyuu umuriin isaa ykn ishee waggaa 18 gadi ta’e/taate', daa'ima akka ta’e ibsa.Bifuma walfakkaatuun, biyya keenyattis, Seera Maatii Federaalaa Fooyya’ee fi Seera Maatii Oromiyaa keessatti, daa’imni (minor) eenyu kan jedhuuf hiikkoon kennamee jira. Seerri maatii federaalaa kwt 215 jalatti daa’ima jechuun saala kamiyyuu ta’ee umuriin isaa ykn ishee waggaa 18 gadi kan ta’e/taate jechuun hiika. Seerri maatii Oromiyaas kwt 232 jalatti nama gaa’ela hin geenye jechuun saalaan osoo adda hin bahiin umuriin isaa waggaa 18 nama hin guunnedha jechuun hiikee jira.

Akka waliigalaatti, daa’imummaan umurii yeroo dhalootaa fi ga’eessummaa giddu jirudha. Kana jechuun, namni umuriin isaa waggaa 18 gadi ta'e daa'ima kan jedhamuu fi nama haala addaan kunuunsa, eegumsaa fi deeggarsa barbaachisaa qaamolee dhimmi ilaallatu hundarraa barbaadudha. Daa’imman sababa umurii, bilchina sammuu fi guddina qaama isaanii irraa kan ka’e gaarii fi hamaa addaa baasanii kan beekan miti.Kana malees daa’imman dhaloota egeree addunyaa kanaa dhaloota harkaa fuuchuun dhaloota dhufuuf dabarsanidha. Kana waan ta'eef karaa maatii, hawaasaa fi mootummaatiin eegumsii fi kunuunsi barbaachisaan daa'immaniif taasifamuufii qaba.

𝟑. 𝐌𝐢𝐫𝐠𝐨𝐨𝐭𝐚𝐚 𝐟𝐢 𝐁𝐢𝐥𝐢𝐬𝐮𝐦𝐦𝐚𝐚𝐰𝐰𝐚𝐧 𝐃𝐚𝐚’𝐢𝐦𝐦𝐚𝐧𝐢𝐢

𝟑.𝟏. 𝐔𝐰𝐰𝐢𝐬𝐚 𝐌𝐢𝐫𝐠𝐨𝐨𝐭𝐚 𝐃𝐚𝐚’𝐢𝐦𝐦𝐚𝐧𝐢𝐢 𝐇𝐞𝐞𝐫𝐚 𝐌𝐨𝐨𝐭𝐮𝐦𝐦𝐚𝐚 𝐑𝐃𝐅𝐈 𝐊𝐞𝐞𝐬𝐬𝐚𝐭𝐭𝐢

Biyyi keenya yeroo adda addaatti sanadoota kabaja mirga dhala namaa sadarkaa Addunyaa fi ardii Afrikaatti bahan hedduu fudhachuudhaan mallatteessuu bira dabartee mirgootan dhala namummaaf iddoo olaanaa kennuudhaan heera keessatti hammachiiftee jirti. Heerri Mootummaa RDFIs waliigalteewwan addunyaa mirgoota namoomaan wal-qabatanii fi ragga’an qaama seera biyyattii akka ta’an tumee jira. Kanaafuu waliigalteewwan biroo adda adda dabalatee waliigalteewwan idil-addunyaa fi ardii mirgoota daa’immanii Itoophiyaan miseensa ta’uun raggaastee jirtu qaama seera biyya keenyaa ta’anii jiru. Gama biraan ammoo, heerri RDFI mirgoota namoomaa fi dimookiraasummaa mirkaneessee jira. Bu’uuruma kanaan Heerichi daa’immaniif mirgaa fi eegumsa addaa kennuun mirgoota bu’uuraa daa’immanii kabajamuu qaban haala waliigalaatiin kwt 36 jalatti tumee jira. Akka tumaa heeraa kanaatti;

— Daa’imman mirga lubbuun jiraachuu; maqaa fi lammummaa argachuu; warra isaanii yookiin namoota mirga seeraan guddisuu qaban beekuu fi kunuunsa isaaniis argachuu qabu.
— Daa’imman mirga gochaawwan aadaa humna isaanii saamanirraa eegamuu, hojiilee barumsa, fayyummaa fi nageenya isaaniirratti miidhaa dhaqqabsiisan irratti akka hojjetan dirqisiisamuu dhabuu ykn hojjechuurraa eegamuu; manneen barnootaatti ykn dhaabbilee guddisa daa’immaniitti adaba hammeenyaa fi farra namoomaa qaama irratti raawwatamurraa bilisa ta’uu qabu.
— Tarkaanfiiwwan daa’imman ilaallatan dhaabbilee mootummaa, tola-ooltummaa ykn dhuunfaa, Manneen Murtiitiin, abbootii taayitaa bulchiinsaatiin ykn qaamolee seera baasaniin yeroo fudhatamanitti nageenyummaan daa’immanii adda durummaan dursee itti yaadamuu fi ilaalamuu qaba.
— Dargagoonni badii irratti bobba’an, dhaabbilee sirreessaa ykn deebisanii dhaabuutti argaman, gargaarsa mootummaatiin kan guddatan, dhaabbata mootummaa ykn dhuunfaa kan daa’imman warri irraa du’an guddisu keessatti argaman namoota gurguddaarraa adda bahanii qabamuu qabu.
— Fuudhaa fi heerumaan alatti ijoolleen dhalatan fuudhaa fi heeruma keessatti kan dhalatan wajjin mirga wal qixa ta’e qabu.
— Mootummaan daa’imman abbaan ykn haati, ykn lamaanuu irraa du’aniif eegumsa addaa taasisuu fi dhaabbilee haala daa’imman guddifachaan ittiin guddatan mijeessanii fi babal’isan, akkasumas nageenyaa fi barnoota isaanii adeemsisan akka hundeeffaman jajjabeessuu qaba.

Bu’uura tumaa waliigalaa heera mootummaa kanaan seeronni bahan hedduunis mirgoota daa’immanii mirkaneessanii argamu. Akka fakkeenyaattis seera maatii, seera yakkaa, seera dhaalaa, seera bulchiinsaa fi itti fayyadama lafa baadiyyaa, seera hojjetaa fi hojjechiisaa, seera hojjetoota mootummaa fi kkf kaasuun ni danda’ama.

𝟑.𝟐. 𝐐𝐚𝐣𝐞𝐞𝐥𝐭𝐨𝐨𝐰𝐰𝐚𝐧 𝐁𝐮’𝐮𝐮𝐫𝐚𝐚 𝐄𝐞𝐠𝐮𝐦𝐬𝐚 𝐌𝐢𝐫𝐠𝐨𝐨𝐭𝐚 𝐃𝐚𝐚’𝐢𝐦𝐦𝐚𝐧𝐢𝐢

Eegumsi heeraa fi seeraa mirgoota daa’immanii qajeeltoowwan bu’uuraa guguddoo afur armaan gadii bu’uura kan godhatedha.

3.2.1. Qajeeltoo Loogii Irraa Bilisa Ta’uu

Qajeeltoon loogii irraa bilisa ta’uu kun mirgoota daa’immanii beekamtii fi eegumsa bu’uura seeraa argatan hojiirra oolchuu keessatti akka qajeeltoo jalqabaatti kan gargaarudha. Daa’immanis dhala namaa waan ta’aniif, mirgoonni namoomaa hundi isaaniifis raawwatamummaa ni qabaatu. Kanaaf haala kamiiniyyuu daa’imman irratti loogii gochuun dhorkaadha.

Mootummaan seerota loogii dhala namaa gidduutti uuman, daa’imman dabalatee, maqsuu fi seerotni garaagarummaa fidanis akka hin baane gochuu fi qabatamaanis walqixxummaa kabajuu fi kabachiisuuf dirqama qaba. Kana malees, daa’imman qomoon, amantiin, afaaniin, bifaan, saalaan, sabummaan, miidhaa qaamaan ykn ulaagaalee biroo kamiiniyyuu loogii fi garaagarummaan irratti taasifamuu hin qabu. Kanumaafidha, Heera Mootummaa FDRI fi Naannoo Oromiyaa kwt 36 (2) jalatti, daa’imman fuudhaa fi heerumaa alatti dhalatanis kanneen fuudhaa fi heerumarraa dhalatan waliin mirga walqixa ta’e qabu jechuun kan tumameef.

3.2.2. Qajeeltoo Dantaa Olaanaa Daa’immanii

Qajeeltoon dantaa olaanaa daa’immanii (the best interest of the child) gochaaleen daa’imman ilaallatan yommuu raawwataman xiyyeeffannoon dursaa fi olaanaan daa’immaniif kennamuu akka qabu dirqisiisa.Kunis qaamoleen mootummaas ta’e miti mootummaa dantaa fi mirga daa’immanii kabachiisan dursa kennuu kan qaban mirgaa fi nageenya guddina egeree daa’immaniif ta’uu akka qabudha. Heera Mootummaa Feederaalaa fi Naannoo keenyaa keessattis dursi dantaa daa’immaniif kennamuu akka qabu ifatti hammatamee jira. Kanaaf maatiin, hawaasni, dhaabbileen mootummaa ykn dhaabbileen tola ooltummaa, qaamoleen haqaa, qaamoleen bulchiinsaa ykn qaamoleen seera baasan gochaaleen daa’imman ilaallatan yommuu raawwataman dantaa daa’immaniif dursa kennuu qabu.

3.2.3. Qajeeltoo Mirga Lubbuun Jiraachuu fi Misoomuu

Qajeeltoon mirga lubbuun jiraachuu fi misoomuu daa’immanii mirga uumamaan daa’imni tokko qabudha. Kanaaf mirgi lubbuun jiraachuu daa’immanii qabatamaan xiyyeeffannoo olaanaan kennameefii hojiirra ooluu qaba. Akka qajeeltoo kanaatti, mirgi lubbuun jiraachuu daa’immanii haala kaminiyyuu daangeffamuu kan hin dandeenye akka ta’edha. Kunis Waadaa Mirgoota Daa’immanii adda addaa fi seerota yakkaa biyyootaa keessatti beekamtii argateera. Seerri yakkaa biyya keenyaas, kwt 117(1) jalatti, yeroo gochi yakkaa raawwatametti umuriin himatamaa waggaa 18 hin guutne taanaan adabbiin du’aa itti hin murtaa’u jechuun murtiin du’aa daa’imman irratti murtaa’uu akka hin qabne ifatti tumeera. Kanumaan walqabatee, seerri kun kwt 119 jalatti adabbiin du’aa dubartii ulfaa irratti kan murtaa’e yoo ta’es, hanga dubartiin kun haala akkasii keessaa baatutti adabbiin kun dhorkamee turuu akka qabu ni tuma. Kana malees, kwt 120(1) jalatti dubartiin kun daa’ima lubbuu qabu kan deessee fi daa’ima kanas sooruu fi guddisuun yoo ishee irra jiraate, adabbiin du’aa ishee irratti raawwatamuun hafee gara hidhaa cimaa umurii guutuutti jijjiiramuufii akka qabu kaa’a.

Gama biraatiin qajeeltoon kun, daa’imman haala gaarii fi olaanaa ta’e keessatti akka guddatan akeeka. Kun ammoo wantoota barbaachisoo fi murteessoo ta’an guutuu gaafata. Fakkeenyaaf, daa’imman haala gaarii fi olaanaa keessatti guddachuuf, nyaata gahaa fi madaalawaa ta’e argachuu fi nyaachuu akka qaban, kunuunsaa fi eegumsa yaala fayyaa argachuu, akkasumas miidhaa garaagaraa irraa eegamuuf mana jireenyaa fi uffata argachuu qabu. Haalota kana guutuuf ammoo dirqamni akka waliigalaatti qaama mootummaa fi dhuunfaa irratti kan gatame yoo ta’es, hangafummaan dirqamichaa maatii irratti kan gatamu ta’uu seerota dhimmichaaf rogummaa qaban kan akka seera maatii irraa hubachuun ni danda’ama.

3.2.4. Qajeeltoo Kabaja Ilaalcha Daa’immanii

Qajeeltoon kun daa’imman dantaalee fi mirgoonni isaanii akka kabajamanii fi hojiirra oolaniif, qaama dhimmi ilaallatutti — qaama bulchiinsaas ta’e qaama aangoo abbaa seerummaa qabutti (mana murtiitti) — dhiyaachuun yaadaa fi fedhii isaanii ibsachuuf mirga kan qaban ta'uu fi mirgi kunis kabajamuufii akka qabu kan agarsiisudha. Kanaaf, sirna haqaa keessatti sirni qajeeltoo kabaja ilaalcha daa’immaniif iddoo olaanaa kennu diriirfamuun sirni daa’imman itti dhagahamanii fi murtii saffisaa argachuu danda’an mijataan jiraachuu qaba. Daa’imman dhimma dantaa isaanii ilaallatu hundumaa keessatti yaada isaanii kennuuf ykn dhagahamuuf dandeettii ni qabu jedhamee tilmaamni fudhatamuu qaba. Akka kanaan, daa’imman yaada isaanii yommuu dhiyeeffatan ykn dhagahaman dandeettii isaanii mirkaneessuuf hin dirqaman jechuudha. Mana Murtiis haa ta’u qaamni mootummaa kamiyyuu dantaa daa’immanii irratti yommuu murtii kennu ykn tarkaanfii fudhatu akka qajeeltootti daa’imman yaada isaanii kennuuf dandeettii ni qabu jedhee tilmaamuu fi fudhachuu qaba. Qajeeltoon kun bulchiinsa maatii keessatti marii fi murtii taasifamu keessatti daa’imman hirmaachisuu fi yaadni isaanii akka dhagahamu gochuus ni dabalata.

Kutaa 2ffaan itti fufa. Kutaa kana keessatti barmaatilee fi gochoota daa'imman irratti miidhaa geessisanii fi itti gaafatamummaa yakkaa hordofsiisan kan isiniif dhiyeessinu ta'a. Nagaa argadhaa, nagaan turaa!
___________________
𝐖𝐚𝐚𝐣𝐣𝐢𝐫𝐚 𝐀𝐛𝐛𝐚𝐚 𝐀𝐥𝐚𝐧𝐠𝐚𝐚 𝐀𝐚𝐧𝐚𝐚 𝐆𝐢𝐦𝐛𝐢𝐢
𝐖𝐚𝐱𝐚𝐛𝐚𝐣𝐣𝐢𝐢 𝟎𝟗, 𝟐𝟎𝟏𝟒

13/06/2022

Qajeelfama To'annoo Qulqullina Galtee Simmintoo fi Oomisha Simmintoo Ministeera Albuudaatiin Bahe.......
መመሪያ ቁ. 890-2014 : የሲሚንቶ ግብአት እና የሲሚንቶ ምርት ጥራትን ለመቆጣጠር በማዕድን ሚኒስቴር የወጣ

12/06/2022

03/06/2022

ℹ️𝐇𝐮𝐛𝐚𝐧𝐧𝐨𝐨𝐟: 𝐆𝐨𝐫𝐬𝐚 𝐒𝐞𝐞𝐫𝐚𝐚 𝐌𝐮𝐫𝐭𝐞𝐞𝐬𝐬𝐚𝐚 𝐌𝐮𝐫𝐚𝐚𝐬𝐚

Gorsa seeraa murteessaa fi sochii jiruu fi jireenyaa keessatti nama fayyadan muraasa kanneen quba qabaadhaa.
☞ Ofii keessan, maatii, qabeenyaa fi hojii keessan gocha hamaa ta'ee fi itti gaafatamummaa seeraa fidu irraa eegaa.
☞ Waliigaltees ta'e sanada barreeffamaa kamiinuu osoo sirriitti hin hubatiinii fi galagalcha isaa harkatti hin galfatiin hin mallatteessinaa.
☞ Hanga danda'ametti waliigaltee yommuu raawwattan, keessattuu hangi maallaqa isaa qarshii 500.00 ol yoo ta'e, barreeffamaan ragaa biratti taasisaa.
☞ Dhimma tokko irratti ajajuuf, gaafachuuf, raawwachuuf ykn raawwachiisuuf dursa mirga qabaachuu keessan mirkaneeffadhaa. Ragaa ykn haayyama kana gochuu kan isin dandeessisu (abbaa mirgaa ta'uu keessan ykn aangoo qabaachuu keessan ibsu) of harkaa qabaadhaa, sirnaanis qabadhaa.
☞ Gochi yakkaa namoota biroo irratti, ollaa, naannoo ykn bakka hojii keessanitti yommuu raawwatamu qaamolee seeraaf odeeffannoo kennuun qoratamee seeratti akka dhiyaatuuf deeggaraa. Osoo argitanii, dhageessanii yoo callistan babal'achaa deemuun bor iftaan mataa keessan irratti ykn maatii ykn qabeenya keessan irratti raawwaatamuun isaa hin oolu.
☞ Dhimma hariiroo hawaasaa furmaata seeraa barbaadu himachuufis ta'e deebii kennuuf falmii Mana Murtii dhaquun duratti maatii keessan ykn waahiloota hojii ykn miseensota dhaabbata keessanii fi ogeessa seeraa hayyama qabu (Abukaatoo) waliin mari'adhaa.
☞ Nama yakkaan miidhamee falmatee beenyaa gaafatachuuf humna hin qabne, qaama miidhamaa, daa'imman abbaa fi haadha hin qabne, dubartootaa fi namoota dadhaboo harka qalleeyyii mirgaa fi faayidaa isaanii kabachiifachuu kan hin dandeenye ta'anii dhimma hariiroo hawaasaatiin furmaata seeraa barbaadu kan qaban yoo ta'e ammoo ulaagaa barbaachisu guutuudhaan Waajjirri Abbaa Alangaa akka falmuufiif iyyata itti dhiyeeffachuu danda'u. Dabalataanis tajaajilli deggarsa seeraa bilisaa akka kennamuufiif Abukaatota dhuunfaas ta'e qaamolee tajaajila seeraa bilisaa kennan biroof gaaffii dhiyeessuun deggarsa argachuu danda'u.

Hubadhaa, wal hubachiisaa!

Nagaan oolaa!
____________________
𝐖𝐚𝐚𝐣𝐣𝐢𝐫𝐚 𝐀𝐛𝐛𝐚𝐚 𝐀𝐥𝐚𝐧𝐠𝐚𝐚 𝐀𝐚𝐧𝐚𝐚 𝐆𝐢𝐦𝐛𝐢𝐢
𝐂𝐚𝐚𝐦𝐬𝐚𝐚 𝟐𝟔/𝟐𝟎𝟏𝟒

27/05/2022

ℹ️ 𝗤𝘂𝗯𝗮 𝗤𝗮𝗯𝗱𝘂𝘂 𝗟𝗮𝗮𝘁𝗮?
𝐐𝐚𝐣𝐞𝐞𝐥𝐟𝐚𝐦𝐚 𝐑𝐚𝐚𝐰𝐰𝐢𝐢 𝐇𝐨𝐨𝐠𝐠𝐚𝐧𝐬𝐚 𝐐𝐚𝐛𝐞𝐞𝐧𝐲𝐚 𝐍𝐚𝐦𝐚𝐚 𝐌𝐚𝐧𝐧𝐞𝐞𝐧 𝐇𝐨𝐣𝐢𝐢 𝐌𝐨𝐨𝐭𝐮𝐦𝐦𝐚𝐚 𝐍𝐚𝐚𝐧𝐧𝐨𝐨 𝐎𝐫𝐨𝐦𝐢𝐲𝐚𝐚 𝐈𝐫𝐫𝐚 𝐃𝐞𝐞𝐛𝐢𝐢𝐧 𝐅𝐨𝐨𝐲𝐲𝐞𝐬𝐬𝐮𝐮𝐟 𝐁𝐚𝐡𝐞 𝐋𝐚𝐤𝐤. 𝟐𝟏/𝟐𝟎𝟏𝟒
Hiituu (liinkii) kana 👉 https://bit.ly/3wVMHHL irraa dubbisuu yookiiin buufachuu dandeessu.

26/05/2022

𝐁𝐚𝐫𝐚𝐭𝐭𝐨𝐨𝐭𝐚 𝐌𝐚𝐧𝐚 𝐁𝐚𝐫𝐮𝐦𝐬𝐚𝐚 𝐒𝐚𝐝𝐚𝐫𝐤𝐚𝐚 𝟐𝐟𝐟𝐚𝐚 𝐀𝐝𝐢𝐯𝐞𝐞𝐧𝐭𝐢𝐬𝐭𝐢𝐢 𝐆𝐢𝐦𝐛𝐢𝐢𝐟 𝐇𝐮𝐛𝐚𝐧𝐧𝐨𝐨𝐧 𝐒𝐞𝐞𝐫𝐚𝐚 𝐊𝐞𝐧𝐧𝐚𝐦𝐞
(𝐂𝐚𝐚𝐦𝐬𝐚𝐚 𝟏𝟖/𝟐𝟎𝟏𝟒)
____________________
Waajjirri Abbaa Alangaa Aanaa Gimbii mata duree "𝐌𝐢𝐫𝐠𝐨𝐨𝐭𝐚 𝐃𝐚𝐚'𝐢𝐦𝐦𝐚𝐧𝐢𝐢, 𝐁𝐚𝐚𝐫𝐦𝐢𝐭𝐢𝐥𝐞𝐞 𝐌𝐢𝐢𝐝𝐡𝐚𝐚 𝐆𝐞𝐞𝐬𝐬𝐢𝐬𝐚𝐧𝐢𝐢 𝐟𝐢 𝐆𝐨𝐜𝐡𝐨𝐨𝐭𝐚 𝐘𝐚𝐤𝐤𝐚𝐚 𝐃𝐚𝐚'𝐢𝐦𝐦𝐚𝐧 𝐈𝐫𝐫𝐚𝐭𝐭𝐢 𝐑𝐚𝐚𝐰𝐰𝐚𝐭𝐚𝐦𝐚𝐧" jedhu irratti Barattoota Mana Barumsaa Adiveentistii Gimbii Sadarkaa 2ffaaf hubannoo kenne.

Barumsi hubannoo seeraa kenname kunis gama tokkoon barattootni mirgoota daa'immanii heeraa fi seerota biyya keenyaa keessatti eegumsi taasifameef beekuun, akkasumas barmaatilee fi gochoota fayyaa, nageenya, qorqalbii fi jireenya daa'immanii irratti miidhaa geessisuun rakkoolee garaa garaaf isaan saaxilanii fi gaafatamummaa yakkaa hordofsiisan hubachuudhaan kabajamuu mirgoota daa'immanii mirkaneessuu keessatti gahee guddaa qabanii fi isaanirraa eegamu akka bahatan gochuuf; gama biraan ammoo sirna baruu fi barsiisuu keessattis ta'e maatii fi hawaasa isaanii keessatti gochoota yakkaarraa of qusachuun naamusaa fi amala gaarii gonfatanii barnoota isaaniitti akka xiyyeeffataniif jajjabeessuu kan kaayyeffatedha.

𝐄𝐫𝐠𝐚𝐚 𝐖𝐚𝐚𝐣𝐣𝐢𝐫𝐢𝐜𝐡𝐚𝐚 𝐌𝐚𝐧𝐧𝐞𝐞𝐧 𝐁𝐚𝐫𝐧𝐨𝐨𝐭𝐚𝐚𝐟

Kutaa hawaasaa keessaa bal'inaan gochoota yakkaa kan raawwatanis ta'e gochoota yakkaa raawwatamaniin kan miidhaman namoota umuriin isaanii gaa'elaaf hin geenyedha. Namootni kunneen sirnaan guddachuu fi barachuu kan barbaadan ta'uutti dabalee umurii barnootaa keessatti kan argamanii fi qabatamaanis dhaabbilee barnootaa adda addaa keessa kan jiranidha. Kutaan hawaasaa kun baay'een isaanii sababa umuriitiin bilchina sammuu fi guddina qaamaa gahaa akka hin qabnetti kanneen tilmaamamanidha. Sababa kanaaf maatii irra darbee qaama hawaasaa, dhaabbilee fi qaamolee miti mootummaa fi mootummaa hunda irraa eegumsaa fi deggarsa addaa barbaadu.

Gama kanaan gaheen Waajjira Abbaa Alangaa kutaan hawaasaa kunneen yakka yommuu raawwatan seeratti dhiyeessuu qofa osoo hin taane mirgaa fi faayidaan isaanii akka kabajamuufis gama yakkaa fi hariiroo hawaasaatiin hojii tajaajila seeraa kennuu fi hojii hubannoo seeraa cimsuu hojjechuudhaan deggarsa taasisuudha. Kanaafuu dhaabbilee fi manneen barnootaa Aanaa Gimbii fi Magaalaa Gimbii keessatti argamtan biroonis mata dureewwan seeraa garaa garaa irratti barattootni hubannoo akka argataniif haala mijeessuudhaan sagantaa qabattanii yoo nu quunnamtan ogeessota keenya erginee hubannoo kennuuf qophii ta'uu keenya isin hubachiifna.

𝑫𝒉𝒂𝒍𝒐𝒐𝒕𝒂 𝒉𝒖𝒃𝒂𝒕𝒂𝒂 𝒇𝒊 𝒏𝒂𝒂𝒎𝒖𝒔𝒂𝒂𝒘𝒂𝒂 𝒎𝒊𝒓𝒈𝒂𝒂 𝒇𝒊 𝒅𝒊𝒓𝒒𝒂𝒎𝒂 𝒊𝒔𝒂𝒂 𝒃𝒆𝒆𝒌𝒆𝒆 𝒚𝒂𝒌𝒌𝒂 𝒃𝒂𝒍𝒂𝒂𝒍𝒆𝒇𝒇𝒂𝒕𝒖𝒖 𝒇𝒊 𝒔𝒂𝒂𝒙𝒊𝒍𝒖 𝒘𝒂𝒍𝒊𝒊𝒏 𝒉𝒂𝒂 𝒊𝒋𝒂𝒂𝒓𝒓𝒖!

ℹ️ 𝐍𝐮 𝐐𝐮𝐮𝐧𝐧𝐚𝐦𝐚𝐚
📌 Teessoo: Magaalaa Gimbii, Ganda 02, Naannoo Maalifuu
☎️ Bil. 057-771-0717
📧 Email: [email protected]

ℹ️ 𝐍𝐮 𝐇𝐨𝐫𝐝𝐨𝐟𝐚𝐚
☞ Facebook: https://m.facebook.com/mhojiiaalangaa.agimbii
☞ Twitter: https://m.twitter.com/a_alangaa_ag
☞ Instagram: https://www.instagram.com/abbaa.alangaa_ag
____________________
𝐖𝐚𝐚𝐣𝐣𝐢𝐫𝐚 𝐀𝐛𝐛𝐚𝐚 𝐀𝐥𝐚𝐧𝐠𝐚𝐚 𝐀𝐚𝐧𝐚𝐚 𝐆𝐢𝐦𝐛𝐢𝐢
𝐂𝐚𝐚𝐦𝐬𝐚𝐚 𝟏𝟖/𝟐𝟎𝟏𝟒

21/05/2022

𝐎𝐝𝐮𝐮 𝐃𝐡𝐚𝐝𝐝𝐚𝐜𝐡𝐚𝐚:
𝐇𝐢𝐦𝐚𝐭𝐚𝐦𝐚𝐚𝐧 𝐛𝐚𝐝𝐡𝐚𝐚𝐝𝐡𝐢𝐧𝐚 𝐡𝐢𝐧 𝐦𝐚𝐥𝐥𝐞𝐞𝐟 𝐚𝐫𝐠𝐚𝐜𝐡𝐮𝐮𝐟 𝐲𝐚𝐚𝐝𝐮𝐮𝐧 𝐲𝐚𝐤𝐤𝐚 𝐡𝐚𝐧𝐧𝐚𝐚 𝐫𝐚𝐚𝐰𝐰𝐚𝐭𝐞 𝐡𝐢𝐝𝐡𝐚𝐚𝐧 𝐚𝐝𝐚𝐛𝐚𝐦𝐞.
(𝐂𝐚𝐚𝐦𝐬𝐚𝐚 𝟏𝟐/𝟐𝟎𝟏𝟒)
________________________
Dargaggeessi maqaan isaa Galataa Taaddalee jedhamu Caamsaa 07/2014, waaree booda tilmaamaan sa’a 12:00 irratti Godina Wallagga Lixaa, Magaalaa Gimbii, Ganda 04, bakka addaa naannoo Hoteela Faamilii jedhamu dugda duubatti mooraa mana jireenyaa miidhamaa maqaan isaa Gammachiis Lammeessaa jedhamu keessaa qabeenyaa miidhamaa kanaa kophee miillaa cimdii tokko, bifti isaa diimaa bukkee irraan halluu adiin bocamee fi barreeffama Puumaa (PUMA) jedhu ofirraa qabuu fi lakkoofsi isaa 41 (afurtamii tokko) ta'ee fi tilmaama qarshii 1,100.00 (kuma tokkoo fi dhibba tokko) baasu bakka miicamee fannifamee jiruu jalaa hatee fudhatee erga deemeen booda qabeenya mataa isaa taasisuun guyyaa gaafa 07/09/2014 waaree booda tilmaamaan sa’a 12:30 irratti Magaalaa Gimbii, Ganda 04, Hoteela Affiniitii jedhamu keessatti nama maqaan isaa Taammiruu Tasfaayee jedhamutti qarshii 500.00'n kan gurgurate yoo ta'u hordoffii taasifameen battaluma sanatti qabamee Waajjira Poolisii Bulchiinsa Magaalaa Gimbiitti dhiyaachuun galmeen qorannaa irratti hundaa'eera.

Qorannaa geggeeffameenis dhimmi isaa ragaadhaan qulqullaahee erga xumurameen booda Abbaan Alangaa galmee qorannichaa irratti murtii kenneen himatamaan badhaadhina hin malleef argachuuf yaaduun qabeenya nama biroo hatee fudhateera jechuun badii raawwateef seeraan akka gaafatamuuf Caamsaa 12/2014 Seera Yakkaa bara 1996 bahe kwt 665 (1) jalatti himata irratti hundeessee Mana Murtii Aanaa Gimbiitti dhiyeesseera.

Haaluma kanaan, guyyuma kana himatamaan Mana Murtiitti dhiyaatee eenyummaan isaa erga adda baheen booda himannicha hubachuu isaa, mormiis kan irraa hin qabnee fi ofiin kan falmatu ta'uu ibsuun adeemsi falmii kan eegaledha. Jecha amantaa fi waakkii gaafatameenis gocha yakkaa ittiin himatame akkaataa himata dhiyaateen raawwachuu isaa haala itti raawwate waliin ibsuun guutummaan guutuutti amanuun balleessaa kooti jedhee jira. Manni Murtichaas yaada Abbaan Alangaa bu'uura SDFY kwt 134(1)tiin murtiin balleessummaa akka itti kennamu jechuun dhiyeesse fudhachuun ragaa dhagahuun osoo isa hin barbaachisiin bu’uuruma jecha amantaa himatamaatiin himatamaan gocha yakka hannaan gaafachiisu waan raawwateef balleessaa qaba jechuun murtii balleessummaa kennee jira. Itti aansuunis Manni Murtichaa yaada adabbii bitaa fi mirgaan dhiyaate erga dhagaheen booda bu'uura qajeelfama sirna adabbiitiin murtii adabbii kenneera. Murtii adabbii kenneenis himatamaa ni barsiisa, kanneen biroofis fakkeenya ni ta'a jechuun himatamaan hidhaa salphaa waggaa tokkoo fi ji'a saddeetiitiin akka adabamu murteesseera.

Egaa, dargageessi humnaa fi dandeettii qabuun hojjetee nyaachuu fi jiraachuu osoo danda'uu gocha hannaa raawwachuun seeraan kan gaafachiisu ta'uutti dabalee hawaasa keessattis gocha fokkataa nama qaanessudha. Bu'aan karaa dalgaa qalbii namaa faala; kanaanis shakkamanii qabamuu fi himatamanii adabamuun bilisummaa uumamaan namni qabu nama jalaa daangessa.

Nagaan Oolaa!
________________________
𝐖𝐚𝐚𝐣𝐣𝐢𝐫𝐚 𝐀𝐛𝐛𝐚𝐚 𝐀𝐥𝐚𝐧𝐠𝐚𝐚 𝐀𝐚𝐧𝐚𝐚 𝐆𝐢𝐦𝐛𝐢𝐢
𝐂𝐚𝐚𝐦𝐬𝐚𝐚 𝟏𝟑/𝟐𝟎𝟏𝟒

19/05/2022

𝐖𝐚𝐥𝐭𝐚𝐣𝐣𝐢𝐢𝐧 𝐇𝐮𝐛𝐚𝐧𝐧𝐨𝐨 𝐇𝐨𝐨𝐠𝐠𝐚𝐧𝐬𝐚𝐚 𝐟𝐢 𝐇𝐨𝐣𝐣𝐞𝐭𝐭𝐨𝐨𝐭𝐚 𝐌𝐨𝐨𝐭𝐮𝐦𝐦𝐚𝐚 𝐂𝐢𝐦𝐬𝐮𝐮 𝐆𝐞𝐠𝐠𝐞𝐞𝐟𝐟𝐚𝐦𝐞
(𝐂𝐚𝐚𝐦𝐬𝐚𝐚 𝟏𝟏/𝟐𝟎𝟏𝟒)
____________________
Waajjirri Abbaa Alangaa Aanaa Gimbii Waajjira Bulchiinsa Aanichaa waliin qindoomuun mata dureewwan "𝐒𝐢𝐫𝐧𝐚 𝐊𝐞𝐧𝐧𝐢𝐢𝐧𝐬𝐚 𝐓𝐚𝐣𝐚𝐚𝐣𝐢𝐥𝐚𝐚 𝐟𝐢 𝐍𝐚𝐚𝐦𝐮𝐬𝐚𝐚 𝐟𝐢 𝐈𝐭𝐭𝐢 𝐆𝐚𝐚𝐟𝐚𝐭𝐚𝐦𝐮𝐦𝐦𝐚𝐚 𝐇𝐨𝐣𝐣𝐞𝐭𝐭𝐨𝐨𝐭𝐚 𝐌𝐨𝐨𝐭𝐮𝐦𝐦𝐚𝐚" jedhan irratti, bakka Bulchaa Itti Aanaan Aanichaa Obbo Shaafee Alamuu argamanitti hooggansaa fi hojjettoota mootummaa seektaroota Manneen Hojii Aanichaaf hubannoo kenne. Bulchaa Itti Aanaan Aanichaa waltajjii hubannoo cimsuu geggeffame irratti argaman haasaa saaqinsaa taasisuun kan jalqabsiisan yoo ta'u bakka bu'aan Waajjira Abbaa Alangaa Aanaa Gimbiis, Obbo Gannatii Bantii, kaayyoo fi barbaachisummaa waliigalaa leenjichaa hirmaattotaaf ibsanii jiru. Itti fufuudhaanis, mata dureewwan lamaan irratti barreeffamni hubannoo cimsuuf qophaahe walduraa dubaan hirmaattotaaf dhiyaatee jira.

Barreeffamoota hubannoo cimsuuf dhiyaatan lamaan irrattis ibsi bal'aan erga taasifameen booda bakka bu'aan Waajjirichaa fi Bulchaa Itti Aanaan Aanichaa wal duraa duubaan ergaa xumuraa fi kallattii fuula duraa dabarsanii jiru.

Mata duree sirna kenniinsa tajaajilaa jedhu irratti barreeffamni qophaahee fi hubannoon kenname hooggansii fi hojjetootni manneen hojii mootummaa Aanichaa maalummaa fi barbaachisummaa maamilaa, tajaajilaa fi kenniinsa tajaajilaa; gosoota, amaloota, qajeeltowwan bu'uuraa, ulaagaalee fi safartuulee kenniinsa tajaajilaa; akkasumas maloota kenniinsa tajaajila qulqullina qabuuf dandeessisanii fi akkaataa qabiinsa abbootii dhimmaa irratti beekumsaa fi hubannoo waliigalaa qabaatanii, kan qabanis cimsatanii tajaajila qulqullina, si'aayinaa fi iftoomina qabu akka kennanii fi, gahee fi itti gaafatamummaa seeraan irratti gatame sirnaan akka bahatan jajjabeessuuf kan yaadamedha.

Gama biraatiin, manneen hojii mootummaa aangoo fi gahee isaanii sirnaan bahachuu fi tajaajila qulqulluu, iftoomina qabu, si'ataa fi dhaqqabamaa ta'e hawaasaaf kennuuf naamusni hooggansaa fi hojjetootaa, akkasumas sirni itti gaafatamummaan ittiin mirkanaahu jiraachuun murteessaadha. Kanarraa ka'uun barreeffamni gabaabaan naamusaa fi itti gaafatamummaa hojjetoota mootummaa jedhu irratti qophaahe hooggansii fi hojjetootni manneen hojii mootummaa Aanichaa hojii guyyaa guyyaan hojjetan keessatti mirgaa fi dirqamaa qaban, daangaa aangoo isaanii, itti gaafatamummaa qabanii fi naamusa isaan irraa eegamu yaada keessa galchuun miira itti gaafatamummaa qabuun akka socho'an hubachiisuu irratti kan xiyyeffatedha.
__________

𝐖𝐚𝐚𝐣𝐣𝐢𝐫𝐚 𝐀𝐛𝐛𝐚𝐚 𝐀𝐥𝐚𝐧𝐠𝐚𝐚 𝐀𝐚𝐧𝐚𝐚 𝐆𝐢𝐦𝐛𝐢𝐢
𝐂𝐚𝐚𝐦𝐬𝐚𝐚 𝟏𝟏/𝟐𝟎𝟏𝟒