Waajjira Misooma Jallisii fi Horsiise Bulaa Godiina Harargee Bahaa

15/08/2026

WMJHBGHB:Meeshaalee Jallisii Ammayyaa Piroojaktiin EAC Nuuf Dhiheesserraa Fayyadamaa Jirra Jedhan Qonnaan Bultoonni Aanaa Gursum Ganda Abaadir.

God/Har/Bahaa Aanaa Gursumitti Piroojaktiin EAC Dameen Aanichaa Gandoota Lama Keessatti Hojii Misooma Gara Garaa Hojjachaa Jiru Irraa Qonnaan Bultoonni Fayyadamaa Jiru Jedhameera.

Haaluma kanaan ganda Abaadir keessatti meeshaalee jallisii ammayyaaf oolan kanneen akka Soolaaraa,Pilaastika haroo,mootoroota jallisii, buufata sanyii biqiltuu gara garaa kkf qonnaan bultootaaf hojjateen qonnaan bultoonni irra fayyadamaa jiru jedhameera.

Sochiin hojiilee misoomaa maasaa qonnaan bultootaa irratti gaggeeffamaa jiruus hoggansa aanaa fi godinaan daawwatameera.
WMJHBGHB
Hagayya 9/2018

14/08/2026

WMJHBGHB: Mirkaneessi iddoo ijaarsa piroojektii jallisii finnaa gaggeeffame.
Godina harargee bahaa aanaalee miidhaga tolaa, gola odaa fi mayyuu mulluqqeetti ijaaramuuf kan jiru ijaarsi finna ija dinkaa, ija guguf fi bareedaa mirkaneessi iddoo ijaarsaa hoogganaa itti aanaa BMJHBO Inj. Alamu Raggaasaa fi gorsaan ijaarsa misooma jallisii fi bishaanii mootummaa naannoo oromiyaa Abbaasaaddar Shifarraa jaarsoo iddoo argamanitti daawwannaan iddoo ijaarsaa gaggeeffamee ooleeti jira.
WMJHBGHB:
Hagayya 8, 2018

13/08/2026

Iddoon Pirojektiin Misooma Jallisii Finnaa Daballee Hanqina Bishaanii Uummata Godina Harargee Bahaa Furuuuf Biirichaan Karoorfamee qoratame daawwatame.
‎============================
‎Biiroo Misooma Jallisiif Horsiisee Bulaa Oromiyaan Godina Harargee Bahaa Aanaa Gursumitti, pirojektiin Finnaa Daballee bishaan kuubik meetira miliyoona 10 ol yeroo tokkotti kuusuu danda’u hojjetamuuf karoorfamee Garee Hoogganaa Biirichaa Injinar Girmaa Raggaasaan durfamuun daawwatamee jira.
‎Pirojektiin kun uummata naannichaa rakkoo hanqina roobaa fi bishaanii irraa miidhamuuf furmaata waaraa fiduuf, akkasumas qonna jallisii babal’isuun oomishtummaa qonnaa guddisuuf gahee olaanaa qaba jedhamee eegama.
‎Haala qophii fi pirojektii Finnaa Daballee daawwachuun kan ilaalan Hoogganaa Biiroo Misooma Jallisiifi Horsiisee Bulaa Oromiyaa Injinar Girmaa Raggaasaa dabalatee Gorsaa Bu’uuraalee Jallisii Pireezidaantii Naannoo Oromiyaa Ambaasaaddar Shifarraa Jaarsoo, Itti Aanaa Hoogganaa Biiroo Misooma Jallisiifi Horsiisee Bulaa Oromiyaa Injinar Alamuu Raggaasaa fi Bulchituu Godinichaa Addee Miskii Mahaammad dha.
‎Pirojektiin Finnaa Daballee yeroo xumuramee hojii irra oolu, bishaan kuusuu fi yeroo hanqina roobaa itti fayyadamuun qonna jallisii cimsuuf carraa guddaa uuma jedhamee kan eegamu yoo ta’u, uummata naannichaa keessatti bishaanii fi oomishtummaa qonnaa fooyyeessuuf bu’aa olaanaa qaba jedhameera.
‎WMJHBGHB
‎Adoolessa 7/2018
‎Finnaa Oromiyaa — Bishaan kuusuu irraa gara oomishtummaa fi jijjiirama jireenyaatti! 💧🌱
‎

10/08/2026

29/07/2026

Godina harargee bahaa aanaa miidhaga Tolaatti walharkaa fuudhiinsi ijaarsa jalqabsiisuu piroojektii jallisii finnaa ija Dikaa taasifame

22/06/2026

:
Ijaarsa piroojektii Wiirtuu tursiisa beeyladaa fi giddu gala gabaa nyaata beeyladaa (Livestock Collection Center and Forage market center)

Godina harargee bahaa aanaa Miidhaga Tolaa bulchiinsa Magaalaa miidhaga Tolaatti ijaarsi piroojektii wiirtuu tursiisa beeyladaa fi g/g gabaa nyaata beeyladaa (Livestock Collection Center and forage market center) hojjetamaati jira.

Naannawa horsiisee bulaatti qabeenyi guddaan ummaata keenyaa horsiisa beeyladaa waan ta'eef fayyadamumaa fi bu'a qabeessummaa beeyladoota ummata keenyaa dabaluuf piroojektiin Drive jedhamu maallaqa gargaarsa baankii adunyaa irraa argame Qarshii Miliyoona 80 oliin ijaarsi piroojektii kanaa gaggeessa jira.

Piroojektiin iddoo tursiisa beeyladaa kun aanoota horsiisee bulaa godina harargee bahaa hundaaf kan fayyadu yoo ta'u, ijaarsi piroojektichaa lafa heektaara 3 irratti hojetamaa jiru yoo ta'u piroojektichi yeroo ammaa parsantaa 93 irra ga'e yoo ta'u yeroo dhiyootti xumuramee tajaajilaaf banaa akka ta'u hoogganaan Waajjira misooma jallisii fi horsiisee bulaa godina harargee bahaa obbo kallattii kennnaniiru.

Dhaabbatni ijaarsa fudhate HD Generaal Contractor jedhamu hojicha yeroo dhiyootti xumuruun tajaajilaaf ni qaqqabsiifna jedhan.

22/05/2026

𝗜𝘁𝗼𝗼𝗽𝗵𝗶𝘆𝗮𝗮 𝗚𝗮𝗿𝗮 𝗕𝗶𝘆𝘆𝗮 𝗙𝗮𝗸𝗸𝗲𝗲𝗻𝘆𝘂𝗺𝗺𝗮𝗮𝘁𝘁𝗶!
‎_______
‎Hararghee Bahaa Aanaa Meettaa Sagantaa duula nafiladhaa Paartii Badhaadhinaa fi Eebba Piroojaktii Misooma Jalliisii Aanaa Meettaa Ganda Bikkiyyee lakk.2 haala ho'aa ta'een geggeeffameera.Porojeektiin Misooma Jallisii Ganda Bikkiyyee Lakk.2 Hojjatamaa ture Imala Olka'iinsa Biyyaa Dhugoomsuuf, Hirkatumarraa gara oomishtummaa tarkaanfachiisuun, Fayyadamummaa Ummataa Mirkaneessan Ariitii fi Qulqullinaan hojjatamaa ture,Iddoo.Hoggaansi Olannoon Naannoo fi Godinichaa Akkasumaas Aanichaa Argamanitti riivaanii muruun tajaajilaaf banaa taasisaniiru.

Paartiin Badhaadhinaa waggoottan shanan dhufan keessatti biyya keenya biyya fakkeenya Badhaadhinaa gochuuf karoora guddaa qabatee socho'aa jira.Gama biraatiinis Aanichaatiin mootummaan Paartii Badhaadhinaa pirojeektota fayyadamummaa hawaasaa mirkaneessan hojjetee xumuruun tajaajila hawaasaaf banaa godhaa jira.Kunis Paartiin Badhaadhinaa har'a kan hojjetu bor akeekee kan karoorsu ta'uu agarsiistuudha.

Hooggansi Olaanoon Naannoo,Godinaa fi Aanichaa sagantaa kanarratti argamanis injifannoo gama hundaan galmaa'e ibsuun karoora gurguddaa Itoophiyaa fakkeenya Badhaadhinaa taate ijaaruuf Paartiin Badhaadhinaa qabus hirmaattotaaf ibsaniiru.Mootummaan Idaa'amuu Imala Badhaadhinaa Dhugoomsuuf Yaadama Idaa'amuun Masakamee Raawwii Waggoottan Darbee akka Ka'umsaatti,Yeroo ammaa qabu akka carraatti,Fuuladura dhufu ammoo abdii egeree dhugoomsuuf,akka hojjechaatu ibsaniiru.

Ummatni jijjiiramni akka dhufuuf qabsaa'ee injiffannoo galmeesse har'as injifannoon argame sadarkaa olaanaatti akka ce'uuf Paartii Badhaadhina waliin hiriiree jira.Duula na filadhaa Paartiin Badhaadhinaa guyyaa har'aa geggeessaa jiruunis uummatni dambaliin bahee kanuma mirkaneessee jira.

Jiraattotni Aanaa kanaas injifannoo argameef beekamtii kennaa biyya jabduu itti fufiinsaan ijaaruuf Paartii Badhaadhinaa cina akka hiriiran ibsanii jiru.

24/03/2026

:
Daawwiin piroojektii Jallisii xixiqqaa Amboo gaggeeffame.
Godina harargee bahaa aanaa meettaa bulchiinsa ganda Bikkiyyee lakk.2 keessatti madda baajata Gamtaa Awurooppaa (EU) Qar. Mil.13.8 oliin hojjetamaa kan ture ijaarsi piroojektii jallisii xixiqqaa Amboo daawwatame.

Piroojektichi iddoo I/G Waaajjira Bulchiinsa Godina Harargee bahaa obbo Mahammad Jamaal akkasumaas I/G Waajjira Misooma jallisii fi horsiisee bulaa godina harargee bahaa obbo Abdulhaamid Idiriis, I/Gaafatamtuun Buusaa Gonofa damee harargee bahaa Aadde Fadiilaa Dawwid fi hooggantuun gamtichaa Aadde Juulian akkasumaaa keessummootni buusaa gonofa oromiyaa irraa argamanitti daawwannaan gaggeeffame.

Ijaarsi piroojektii jallisii xixiqqaa Aamboo lafa hektaara 75 misoomsuun Abbaa warraa 320 ta'an tajaajiluun fayyadamtoota misooma jallisii kan godhuudha.

piroojektichiis yeroo dhiyootti kan eebbifamu ta'a.

BITOOTEESSA 15/2018
WMJHBGHB

18/01/2026

:
Ijaarsa piroojektii iddoo tursiisa beeyladaa (Livestock Collective Center)
^^^^^^^^^^^^^^^^^^^^^^^^^^^^^^^^^^^^^^^^^

Godina harargee bahaa aanaa Miidhaga Tolaa bulchiinsa Ganda magaalaa miidhaga Tolaatti ijaarsi piroojektii tursiisa beeyladaa (Livestock Collective Center) hojjetamaati jira.

Naannawa horsiisee bulaatti qabeenyi guddaan ummata keenyaa horsiisa beeyladaa waan ta'eef fayyummaa fi bu'a qabeessummaa beeyladoota ummata keenyaa dabaluuf piroojektiin Drive jedhamu maallaqa gargaarsa baankii adunyaa irraa argame Qarshii Miliyoona 80 oliin ijaarsi piroojektii kanaa gaggeeffamaati jira.

Piroojektiin iddoo tursiisa beeyladaa kun aanoota horsiisee bulaa godina harargee bahaa hundaaf kan fayyadu yoo ta'u, ijaarsi piroojektichaa lafa heektaara 3 irratti hojetamaa jira.

Dhaabbatni ijaarsa fudhate HD Generaal Contractor jedhamu hojii keessa galee hojjechaa kan jiru ta'u fi piroojektii Drive damee ciroo irraa akkasumaas ogeessotni godinaa fi aanaa superviizhinii gaggeessaniin hojichi qulqullinaa fi ariitiin xumuramee tajaajilaaf akka oolu kallattii kennaniiru.

WMJHBGHB
Aammajjii 09/2018