Mana Murtii Ol'aanaa Godina Harargee Bahaa-East Harerghe Zone High Court

19/08/2026

!!

(Hagayya 13/2018,MMOGHB, Harar) Manni Marii Aanaa Haramaayaa Yaa'ii Ariifachiisaa gaggeesseen Raawwii hojii Manni Murtii Aanaa Haramaayaa bara 2018 akka Godina Harargee Bahaatti 1ffaa bahuun galmeesse sababeeffachuun Geebaa fi Beekkamtii kenneefii jira.



✍ Odeeffannoo Manni murtii Ol'aanaa Godina Harargee Bahaa tamsaasu argachuuf:Toora facebook:https://www.facebook.com/profile.php?id=100069113653886&mibextid=ZbWKwL
Telegiraamii:https://t.me/MMOGHB12
Tiktok:https://vm.tiktok.com/ZMMtHoT6n/
YouTube:https://www.youtube.com/
Instagram:https://www.instagram.com/mana.murtiiolaanaaghbahaa?igsh=MXNyMTVtbzlmZGh0Ng==
Twitter (X):https://x.com/MMOGHBahaa?t=_l3YooTz7LTKSY7VNZ6SUA&s=09
Whatsapp: https://whatsapp.com/channel/0029VaLpMXS11ulPPF83Gt1c irratti nu hordofaa

19/08/2026

11/08/2026

Yaa'ii Abbootii Seeraa Manneen Murtii Godina Harargee Bahaa 8ffaa bara 2018 TV Harariitiin hojjatame itti dhiyaachuun daawwadhaa

10/08/2026

Sagantaa Boqonnaa Gannaa Abbootii Seeraa Bara 2018 Sabeebafachuun Manni Murtii Aanaa Gooroo Muxii Sirna Cufinsa hojii idilee gaggeessee Jira.

(Hagayya 4/2018,MMOGHB, Harar)Godina Harargee Bahaa Aanaa Gooroo Muxiitti Manni Murtii Aanaa Gooroo Muxii sagantaa boqonnaa gannaa kan abbootii seeraa bara 2018 sabeebaffachuun sirna cufinsaa bakka keessummoonni garaa garaa jiranitti gaggeessee jira.

Aanichatti Sagantaa Cufinsaa Irratti Haasawa Baniinsaa Kan Taasisaan Kabajamoo Pirezidaantii Mana Murtii Aanaa Gooroo Muxii Obbo Baqqalaa Salamoon bara 2018 hojiiwwan hojjataman milkaa'ina argame hundaaf hawaasa mana murtii Aanichaa hunda akkasumaas hoggantoota Aanichaa fi hawaasa Aanichaa hunda galateeffataniiru.

yeroo boqonnaa gannaa kun hanqinoota raawwii bara 2018 keessatti mul'atan bara 2019 keessatti furuuf yeroo itti qophoofnuu fi yeroo Moosaajii Oromia Integrated Court Case Management System(ICCMS) Imala Gara Waraqaa Maleessaatti akka jijjiramee beektan irratti akka qophooftan jechuun dhaamaniiru.
abbootii seeraatiif yeroo boqonnaa bu'aa qabeessa akka qabaatan hawwii qaban ibsanii jiruu.

Bulchaan Aanaa Gooroo Muxii obbo Jaafar Yuusuf saganticha irratti argamuun haasawa taasisaniin Manni Murtii Keenyaa sirna haqaa mirkaneessuu fi ol'aantummaa seeraa kabachiisuu keessatti hojii gama tajaajila haqaa hawaasa keenyaaf dhiyeenyatti kennaa jiraachuu keessatti hojii boonsaan kan hojjatame ta'uu ibsuun tajaajila haqaa kana caalaa akka mirkanaa'u qaamooleen haqaa qindoomina isaanii cimsuun bara 2019 keessatti cimanii hojjechuu akka qaban dhaamaniiru. Keessattuu Manni murtii,Abbaan Alangaa fi Waajjirri Poolisii ragaa sobaa hambisuu keessatti qindoominaan hojjachuu fi hubannoo hawaasaa cimsuun ragaa sobaa hawaasa miidhu hambisuu akka qaban dhaamaniiru.

Dhumarratti Abbootii Seeraa, Ofisaraa seeraa fi hojjattoota raawwii olaanaa galmeessanf waraqaan beekkamtiif badhaasa kennaniif jira jechuun raawwii hojii bara 2018 qabxii olaanaa galmeessan fi qaamoolee qindoominaan waliin hojjechaa turan waraqaan ragaa fi badhaasni sirna beekkamtii kennameefii jira.

09/08/2026

Manni Murtii Aanaa Dadar Sagantaa Sirna Cufiinsa Hojii Idilee Bara 2018 Gaggeesse.

(Hagayya 3/2018,MMOGHB, Harar) Godina Harargee Bahaa Aanaa Dadaritti Manni Murtii Aanichaa Sagantaa Goolabbii Raawwii Hojii Bara 2018 fi Sagantaa Cufiinsaa Bakka Bulchaan Bulchiinsaa Aanaa Dadar Obbo Mahammad Ramadaan fi IG Paartii Badhaadhinaa Damee Aanichaa Aadde Tamiimaa Ahammad, Pirezidaantii Mana Murtii Aanaa Dadar Kabajamoo Obbo Farhaan Dinee fi keessummoonni adda addaa argamanitti gaggeeffamee jira.

Sagantaa Kana Irratti Bulchaan Aanichaa Obbo Mahammad Ramadaan,Manni Murtichaa Tajaajila haqa qabeessa hawaasa aanichaaf kennamaa tureef hoggansaa fi qooda fudhattoota mana murtichaa galateeffachuun hojiilee bu'a qabeessa hojjetamaa ture kana wantoota akka hanqinaatti mul'atan bu'uuraraa furuun itti quufiinsa hawaasa keenya mirkaneessaa akka deemnu fi bara itti aanu hojiilee hojjechaa turtan caalmaatti itti fufsiisuu akka qaban dhaamaniiru.

Haasawa baniinsaa kan godhan kabajamoo Pirezidaantii Mana Murtii Aanaa Dadar Obbo Farahaan Diinee ergaa baga nagayaan dhuftanii keessummootaaf dabarsuun, haasawa isaanii keessatti manni murtii Aanaa Dadar tajaajila kenninsa abbaa seerumma kan bara 2018 kana keessattiis tajaajilicha caalaatti hawaasa biraan gahuuf karoora bu'aa irratti xiyyeeffate kan qophaa'e kan bara 2018ti addatti qopheeffachuun hojjachaa kan turan tahuu fi manneen murtii gara E courtiitti ceesisuuf hojii bal'aan kan hojjatame ta'uu kaasanii jiru,
Abbootii seeraa,ofisara seeraa fi Hojjattoota mana murtichaa raawwiin kun akka milkaa'uuf shoora bahachaa turaniif beekkamtiin adda addaa kennamee jira.

Xumura irratti Waajjiroota adda addaa tajaajila mana murtichaatiif deeggarsa taasisaa turaniif xalayaan ragaa kennamuun goolabamee jira.

08/08/2026

Leenjiin Marsaa jalqabaa Moosaajii ''Oromian Integrated Court Case Management System'' jedhamu Irratti Kennamu Eegale
=============///==============

(Hagayya 02/2018,MMOGHB, Harar)Manni Murtii Ol'aanaa Godina Harargee Bahaa Moosaajii OICCMS irrattii leenjii marsaa jalqabaa MMOf kennamu jalqabamee jira.

Leenjii Marsaa kanaatiin Abbootiin seeraa, Ofiisarootni seeraa fi Raawwattootni galmee cufamanii kan leenji'an taha.

Leenjicha haasaa baniinsaa gochuun kan jalqabaiisan pirezdaantiin MMOGHB kabajamoo Obboo Muktaar Ahmad tajaajilli TQO'n kennamu si'oomina, dhaqqabamummaa, qulqullinaa KTAS mirkaneessuu fi itti gaafatamummaa fi iftoomina mirkaneessuuf gahee guddaa qaba. Tajaajilli kennamu bara kana irraa jalqabee guutummaan gama diijitaan tahuu.hubachuun hirmaattotni hubannoo gahaa OICCMS hojiirra oolchuuf isaan dandeessisu akka argataniif xiyyeeffannoo ol'aanaan akka hordofan dhaamaniiru.

Leenjichi Dursaa Garee TQO MMO kan tahan obboo Naasir Ahmad fi Qindeessaa KTAS kan tahan kabajamoo obboo Jaafar Abdurahiimin kan kennamu tahuu fi guyyaa lamaaf kan turu tahuu sagantaa bahe irraa hubachuun danda'ameera.

06/08/2026

Manni Murtii Aanaa Baddannoo sagantaa Sirna Galateeffannaa fi Cufiinsa Hojii Idilee bara 2018 gaggeesse.

(Adooleessa_30_2018,MMOGHB,Harar) Manni Murtii Aanaa Baddannoo sagantaa goolabbii Raawwii hojii bara 2018 fi sagantaa cufiinsaa Bakka Afyaa’iin Mana Marii Aanaa Baddannoo Kab. Aadde Saadiyyaa Mahammad, Hoogganaan waajjira Poolisii Aanaa Baddannoo Inispeekter Ballaxe Mogos fi keessummoonni adda addaa argamanitti gaggeeffamee jira.

Pirezidaantii Mana Murtii Aanaa Baddannoo Kab. Obbo Abdii Yaaqub Haasaa baniinsaa godhaniin ergaa baga nagayaan dhuftanii keessummootaaf dabarsuun, haasawa isaanii keessatti manni murtii Aanaa Baddannoo tajaajila kenninsa abbaa seerumma kan bara 2018 kana keessattiis tajaajilicha caalaatti hawaasa biraan gahuuf karoora bu'aa irratti xiyyeeffate kan bara 2018ti qopheeffachuun hojjachaa kan turan tahuu fi manneen murtii gara E courtiitti ceesisuuf hojii bal'aan kan hojjatame ta'uu kaasanii jiru,

Abbootii seeraa,ofisara seeraa fi Hojjattoota mana murtichaa raawwiin kun akka milkaa'uuf shoora bahachaa turaniif beekkamtiin adda addaa kennamee jira.

Xumura irratti Waajjiroota adda addaa tajaajila mana murtichaatiif deeggarsa taasisaa fi namoota dhunfaa deegarsa taasisaa turaniif xalayaan ragaa kennamuun goolabamee jira.