Waajjira Pabliik Sarvisii fi Misooma Qabeenya Namaa Godina Harargee Bahaa

15/08/2026

Wiirtuun Tajaajila Iddoo Tokkoo kenna tajaajila mootummaa ammayyeessuun itti quufiinsa maamilaa dabalaa jira" Qindeessaa kilaastara Magaalaa Oromiyaa Obbo Masfiin Malaakuu
Sadarkaa Itti Aanaatti Qindeessaan kilaastara Magaalaa Oromiyaa Obbo Masfiin Malaakuu fi Hogganaa Biiroo Misooma Magaalaa fi Manneenii Oromiyaa Obbo Mahammad Guyyee hoggantoonni olaanoon sadarkaa garaa garaa Wiirtuu Tajaajila Iddoo tokkoo Bulchiinsa Magaalaa Baabbilee daawwatan.
Wiirtuun Tajaajila 1ffaan magaalota keessatti baballataa jiru tajaajila mootummaa duraan bifa bittinnaa'een kennamaa tureefi hawaasa qisaasama yeroofi baasiitiif saaxalaa ture bu'uurarraa furuun itti quufiinsa maamilaa dabalaa akka jiru Obbo Masfiin ibsan.
Yeroo ammaa kanattis magaalotaafi aanaalee Oromiyaa keessatti baballachuun kaayyoo qabameef milkeessaa akka jiruus himaniiru.
Kantiibaan Bulchiinsa Magaalaa Baabbilee Obbo Ahmadnajjaash Abdurahmaan Wiirtuun tajaajila Iddoo Tokkoo Bulchiinsa Magaalaa Baabbilee Tajaajiloota 62, fooddaawwan 9 fi ogeeyyii 53 ta'aniin tajaajila kennaa jira ja'an

15/08/2026

"Wirtuun Kenna Tajaajila Iddoo (MESOB) Tokkoo Qulqullina fi Saffisa Tajaajila Uummataa Fooyyessaa jira" Obbo Masfiin Malaakuu Sadarkaa Itti Aanaa Pirizdaantiitti Hogganaa Kilaastara Magaaloota Oromiyaa
=====
Jilli Sadarkaa Itti Aanaa Pirizdaantiitti Hogganaa Kilaastara Magaaloota Oromiyaa Obbo Masfiin Malaakuu , Injiner Helen Taammiruu hoggantuu Biiroo Daandiif Loojistikii Oromiyaa Hogganaa Biiroo Misooma Magaalaa fi Manneeni Oromiyaa Obbo Mohammad Guyyeen durfamu Harargee Bahaa Aanaa Kombolchaatti haala kenna tajaajila Wirtuu tajaajila iddoo tokko dawwataaniiru

25/07/2026

‎Sagantaan Ifoomsa Hojiirra Oolmaa Riifoormii Tajaajila Mootummaafi Bulchiinsa Mootummaa Naannoo Oromiyaa Bishooftuutti Galma Harsadeetti geggeeffamaa jira.
==============
‎Hoggantuun Biiroo Pablik Sarviisiifi Misooma Qabeenya Namaa Oromiyaa Aadde Kookkabee Didhaa , rakkoo Kenna tajaajilaa bifa waaraan furuuf mootummaan hojiilee gurguddoo raawwataa jiruu keessa inni ijoon rifoormii tajaajila mootummaati jedhan.

Riifoormiiwwan gaggeeffamaa jiraniin hawaasni tajaajila Mootummaa barbaadu qe'eesaatti akka argatuuf Mootummaa gandaa hundeessuufi wiirtuuwwan kenna tajaajila iddoo tokkoo(Masoob) ijaaruun hojiitti galchuus eeran.
‎
‎Pirezidaantii Ittaanaan Mootummaa Naannoo Oromiyaa Obbo Awwaluu Abdii, Mootummaan Jijjiiramaa Riifoormiiwwan damee hedduu gaggeesseen tajaajilli mootummaa akka si'atu hojjetaa jiraachuu ibsan.

Gama kenna tajaajilaatiin hojii bal'aa mootummaan hojjateen addaan citiinsa ummataafi Mootummaa hambisuun kenna tajaajilaa siataafi ammayyaa kennuuf rifoormii diriirsuun hojiitti galaa jiraachuu himan.

‎Kenna tajaajilaa hundeen akka jijjiiramuufi Itti quufiinsi Ummataa akka mirkanaa'uuf mootummaan aangoo gad buusaa jiraachuun cinatti kanneen hanga ammaatti hojjetaman keessaa muraasni rakkoo hawaasaa furaa kan jiruudha jedhan.

25/07/2026

Godina Harargee Bahaatti Sanadni Waliigaltee Karoora Kenninsa Tajaaajila Mootummaa bara 2019 Sadarkaa Godinaatti Aanaalee fi Magaalota Godinichaa Waliin Waliif Mallatteeffamee jira.
============
Karoora Kenna Tajaajila Manneen hojii Bara 2019 Keessattii Hojiwwan Qabaman Milkeessuuf Sanadnii waal hubbannaa fi waliigaltee Karoora Kenna Tajaajila manneen Hojii Bara 2019 ammarraa jalqabee hojjatamuuf ittiin hogganamu Bulchaa Itti Aanaa Godinichaa Obbo Mohammedin Kabirhussien Itti Gaafatamtuu Waajjira PSMQN Godinichaa Aadde Miskii Abraahim itti Aantoota Bulchaa fi itti Aantoota Kaantibaa Aanaalee fi Magaaloota Godinichaa jiddutti ergaa waalif mallattaa'ee booda waal harka fuudhiinsi hojii taasifame jira.

19/07/2026

Caffeen Oromiyaa Yaa'ii Idilee 11ffaa Waggaa 5ffaa Bara Hojii Caffee 6ffaa taa'aa jiruun Gabaasa Raawwii Hojii Bara 2018fi Kallattii Karoora Bara 2019 Qaama Raawwachiiftuu irratti marii bilchina qabu taasisuun ;W𝗂𝗑𝗂𝗇𝖾𝖾 L𝖺𝖻𝗌𝗂𝗂 B𝖺𝖺𝗃𝖺𝗍𝖺 D𝖺𝖻𝖺𝗅𝖺𝗍𝖺𝖺 Hojiiwwan B𝖺𝗋𝖺 𝟤𝟢𝟣𝟪 Raawwatamaniif Q𝖺𝗋𝗌𝗁𝗂𝗂 Biil. 𝟪𝟦 olii fi 𝗪𝗶𝘅𝗶𝗻𝗲𝗲 𝗕𝗮𝗮𝗷𝗮𝘁𝗮 𝐁𝗮𝗿𝗮 𝟮𝟬𝟭𝟵 𝐐𝗮𝗿𝘀𝗵𝗶𝗶 𝐁𝐢𝗶𝗹. 𝟳𝟬𝟰 Walduraa duubaan 𝗱𝗵𝗶𝘆𝗮𝗮𝘁𝗲𝐞𝐟 𝗶𝗿𝗿𝗮𝘁𝘁𝗶 𝗺𝗮𝗿𝗶’𝗮𝗰𝗵𝘂𝘂𝗻 𝗿𝗮𝗴𝗴𝗮𝗮𝘀𝗲𝗲𝐫𝐚.

17/07/2026

Tajaajilli Lammummaa Furtuu Rakkoo Hawas_Dinagdeeti!
******
Godina Harargee Bahaatti Hojiileen Tajaajila Lammummaa Gannaa garaagaraa bara 2018/2019 tii Mata duree "Gaarummaa Olka'insaa Biyyaaf" jedhuun Qindeessummaa Waajjira Dargaggoo fi Ispoortii fi Jaarmayaalee Dargaggoota Godina Harargee bahaatiin Aanaa Dadar Magaalaa Qobbootti Itti gaafatamtuu Ijaarsa Paartii Badhaadhina Damee Godinichaa Aadde Aziizaa Daawwidiin jalqabsiifameera.

Sagantaa Jalqabsiisa KTL kanaan hojiileen Tajaajila Lammummaa garaagaaraa ijaarsa mana harka qalleeyyii ,Arjoomaa dhiigaa sochii Ispoortii spoortii , Deeggarsa meeshaalee Barnootaa ,Midhaan nyaataa fi Uffatni Maatii harka qalleeyyii fi sochiin baruu barsiisuu raawwachuun eegaalchiisaniiru.

16/07/2026

Bulchinsa Mootummaa Naannoo Oromiyaatti Gamaaggama Raawwii Hojii Mootummaa fi Paartii Kurmaana 4ffaa Bara 2018 Gaggeeffamaa Tureen, Raawwii Hojii Roga Hundaan Milkaayina Olaanaa Agarsiisuun Godina Harargee Bahaa Keessaa fi Aanaa Baabbileetti Badhaafamtoota Prizidential Awardii bara 2018 Marsaa 5ffaa Badhaafamanii jiru. Baga Laffaatan,Baga Dadhabdan,Laffaatii fi Dadhabbii Keessaniif Badhaafamtanii Baga Gammaddan!

13/07/2026

Gamaaggamni Hojii Mootummaa fi Paartii Kurmaana 4ffaa Sadarkaa Naannootti Gaggeeffamuu Eegaleera.
===================
Pirezidaanti Shimallis Abdiisaa gamaggama raawwii hojii Paartiifi Mootummaa Naannoo Oromiyaa hanga kurmaana 4ffaa fi qophii tarsiimoo jalqaba raawwii karoora bara 2019 irratti argamuun, kallattii qorannoon guyyoota ittifufaniif gaggeeffamurratti kennanii jiru.
Eegallii sagantaa kanaarratti argamuun kallattii kan kennan kabajamoo Pirezidaantiin, yeroon kun seenaa haaraa ce’umsa caasawaa kan itti eegalluudha jechuun ibsan. Mootummaan Jijjiiramaa Naannoo Oromiyaa, waggoota shanan dabran, galmoota qabsoo ummata Oromoo gulantaa ittaanutti ceesisan sadan: dhaloota dorgomaa uumuu, ummata dinagdeen aangomsuufi sirna ummataawaa cimaa ijaaruu jedhu qabatee ittigaafatamummaafi aarsaa ol'aanan socho'aa tureera jedhan.
Harcaatiwwaan mul'atanis, imala milkaa'inaa waggoota shanan darbee ture keessatti aarsaafi cichoominni hoggansa sadarkaan jiruu dhoksuun kan danda'amu miti. Naannoo keenya Oromiyaa rakkoolee gama hawaas-dinagdeefi siyaasaa walxaxaa ture cabsuun, humna tarkaanfataa ijaaruu danda'eera. Kun injifannoofi imala mootummaa jijjiirama haalamuu hin dandeenye ta'uus yaadachiisan.
Ittidabaluunis, gamaggama raawwii hanga kurmaana 4ffaa fi qophii tarsiimoo karoora bara 2019 kana qorachuuf gaaffilee qooddattoota ijoo shanirratti hundaa’e kan gaggeeffamu ta'a. Isaanis: dhimmoonnifi hojiileen milkaa'an akkamiin milkaa'an? Kanneen harca'an, sababa maaliif harca'an? Jechuun gadifageenyan qorachuu barbaachisaadha. Ittidabaluun, karoorri keenya dilbiifi carraalee qabnu waliin kan walgitaa jiruu kan jedhu hubachuu barbaachisa.
Inni sadaffaan, humnoota misooma sadan: humna waloo, humna mootummaa roga maraafi humna badhaadhina maatii hagam ittifayyadamaa akka jirru gadifageenyaan gamaggamuu. Inni biraa, hoggansi qusannaafi invastimantii irratti kenninu jijjiirama akkamii fidaa akka jiru qoratamuu qaba. Inni dhumaa dhimma bu'uura kan ta'e, gaaffii hoggansaa hagam deebi'aa jira? Keessumaa hoggansa dinaagdee hogganuu danda'uufi ittiquufinsa hambisuun xiyyeeffannoo barbaada.
Dhumarrattis, gamaaggamni kun hidhannoo raawwii ijaarsa dandeettii oomishtummaa bara "Karoora Of-danda’uu" waan ta’eef milkaa'ina yerootiin ittiquufuu osoo hintaane, safartuu galmoota qabsoo Oromoo milkeessuutiin akka qoratamuu qabu akeekanii jiru.

11/07/2026

11/07/2026

Wiirtuun Tajaajila Iddoo tokkoo (MESOB) Tajaajila Si'ataa,Qulqulluu fi Dhaqabamaa Lammiileef kennuu keessatti qooda Olaanaa qaba.
======
Godina Harargee Bahaa Bulchiinsa Magaalaa Baabbileetti Wiirtuun Tajaajila Iddoo Tokkoo (MESOB) birrii Mil. 290 n ijaaramaa ture bakka Hogganaa Itti Aanaan Biiroo Paablik Serviizii fi Misooma Qabeenya Namaa Oromiyaa Obbo Yaaqoob Taaddasaa fi Bulchituun Godinichaa Aadde Miskii Mohammad hoggansi Naannoo ,Godinaa fi Magaalattii argamanitti Eebbifamuun tajaajilaaf banaa ta'eera.

Wiirtuun Tajaajila Iddoo Tokkoo (MESOB) lammiilee hundaaf tajaajila si'ataa, qulqulluu, iftoominaa fi dhaqqabamaa ta'e kenna.

Kaayyoon wiirtichaa tajaajila mootummaa bakka tokkotti walitti qindeessuun yeroo fi baasii lammiilee hir'isuu, qulqullinaa fi bu'a qabeessummaa tajaajilaa cimsuudha.

MESOB – Tajaajila Si'ataa, Qulqulluu fi Dhaqqabamaa Lammiilee Hundaaf!