በደቡብ ወሎ ዞን የአርጎባ ብሄረሰብ ልዩ ወረዳ ግብርና ጽ/ቤት

13/06/2026

!! 🇪🇹

#በደቡብ ወሎ ዞን በአርጎባ ብሔረሰብ ልዩ ወረዳ በ2018 ዓ.ም ከ200 ሄክታር በላይ የፍራፍሬ ልማት ኮሪደር ለመፍጠር የተያዘው ታላቅ ዕቅድ ወደ ተግባር የሚገባበት ደረጃ ላይ ደርሷል።
ለልማቱ የሚያስፈልጉ የቅድመ ዝግጅት ሥራዎች በተሳካ ሁኔታ እየተጠናቀቁ ሲሆን፣ በቀጣይ ጥቂት ቀናት ውስጥ ወደ ሙሉ የትግበራ ምዕራፍ ይገባል።
ይህ የፍራፍሬ ልማት ኮሪደር የአካባቢውን የምርት አቅም በማሳደግ፣ የአርሶአደሮችን ገቢ በማሻሻል፣ የሥራ ዕድል በመፍጠር እና ለሀገራዊ ኢኮኖሚ እድገት ከፍተኛ አስተዋፅኦ እንዲኖረው በቅንጅት እየተሰራበት ይገኛል።

!
!

12/06/2026

-ዝግጅት_ስራ_በሜካናይዜሽን(ሰኔ 5_2018ዓ.ም)
*****************

የአርጎባ ብሔረሰብ ልዩ ወረዳ በመይጢ መስኖ መሬት ላይ ሰፊ የሙዝ ልማት ክላስተር ለመፍጠር የተያዘውን እቅድ ለማሳካት የመሬት ዝግጅትና የችግኝ ጉድጓድ ቁፋሮ ስራዎች በሜካናይዜሽን ታግዘው በስፋት እየተከናወኑ ይገኛሉ።

ይህ የፍራፍሬ ልማት ክላስተር ፕሮጀክት የመስኖ ሀብትን በአግባቡ በመጠቀም የምግብ ዋስትናን ለማጠናከር፣ የአርሶ አደሮችን ገቢና ተጠቃሚነት ለማሳደግ እንዲሁም ዘመናዊ የግብርና አሰራርን በአካባቢው ለማስፋፋት ወሳኝ ሚና ይኖረዋል።

ዛሬ የምንሰራው የቅድመ ዝግጅት ስራ ነገ የተሻለ ምርትና የተሻለ ህይወት መሠረት ነው።


#ሜካናይዜሽን

07/06/2026

( ግንቦት 30/2018 ዓ.ም)
***********
በአርጎባ ብሔረሰብ ልዩ ወረዳ አስተዳደር የግብርና ምርትና ምርታማነትን ለማሳደግ እና ዘመናዊ የመስኖ ልማትን ለማስፋፋት የሚያገለግል ጥልቅ የውሃ ጉድጓድ ቁፋሮ ለማከናወን የቅድመ-ቁፋሮ ሳይንሳዊ ጥናት እየተካሄደ ይገኛል።

በአሁኑ ወቅት የባለሙያዎች ቡድን በመስክ ተሰማርቶ የሃይድሮ-ጂኦሎጂ እና የጂኦ-ፊዚክስ ጥናቶችን በማካሄድ ላይ ሲሆን ሥራው ሁለተኛ ቀኑን ይዟል። ይህ ጥናት ለቁፋሮ ተስማሚ ቦታዎችን ለመለየት እና የከርሰ ምድር ውሃ አቅምን በሳይንሳዊ መንገድ ለማረጋገጥ ከፍተኛ ጠቀሜታ አለው።

ጥናቱ ተጠናቆ ወደ ተግባራዊ ቁፋሮ ሲገባ፣ የዘመናዊ መስኖ አጠቃቀምን በማስፋፋት አርሶ አደሮቻችን በዓመት ከአንድ ጊዜ በላይ እንዲያመርቱ፣ የምግብ ዋስትናን እንዲያረጋግጡ እና የገቢ ምንጫቸውን እንዲያሳድጉ ከፍተኛ አስተዋጽኦ ይኖረዋል።

የአካባቢውን የተፈጥሮ ሀብት በሳይንስና በቴክኖሎጂ በመደገፍ ለዘመናዊ የግብርና ልማት ማዋል የሚደረገው ጥረት በቀጣይነት ተጠናክሮ ይቀጥላል።

04/06/2026

(ግንቦት_27/2018 ዓ.ም)
*****************
🍉በአርጎባ ብሔረሰብ ልዩ ወረዳ በሁለተኛ ዙር የመስኖ ልማት የለማው ሀብሃብ በአሁኑ ወቅት ለተጠቃሚው ማህበረሰብ እና ለተለያዩ ገበያዎች በስፋት እየቀረበ ይገኛል።

የመስኖ ልማቱ ለአርሶ አደሮች ተጨማሪ የገቢ ምንጭ ከመፍጠሩ ባሻገር፣ መሬታቸውን በተሻለ ሁኔታ የመጠቀምና የመንከባከብ ባህላቸውን በማጠናከር የግብርና ምርታማነትን እያሳደገ ይገኛል።

🌱 መስኖ_ለምግብ_ዋስትና
🍉 ሀብሃብ_ለገቢ_ማሳደጊያ
👨‍🌾 ለአርሶ_አደሮች_የተሻለ_ኑሮ




#ሀብሃብ #ምርታማነት

21/05/2026

09/05/2026

- ።
*************
#​የምርት ዘመኑ ዋና ዋና ግቦች፡-
✅ የመሬት ስፋት፡ 22 ሺህ 103 ሄክታር መሬት በሰብል ይሸፈናል።
✅ የተቀመጠ ምርት ግብ፡- ከ685,000 ኩንታል በላይ ምርት ይጠበቃል።
✅ ትኩረት፡ በክላስተር የማምረት ልምድ፣ ዘመናዊ የቴክኖሎጂ አጠቃቀም እና የእርሻ መካናይዜሽን ይሰጣሉ ።

#​መድረኩን በንግግር የከፈቱት የወረዳው ዋና አስተዳዳሪ አቶ መሃመድ ኑር እንደገለጹት፣ የሀገርን ኢኮኖሚ ለማጠናከር ምርትና ምርታማነትን በእጥፍ ማሳደግ አማራጭ የሌለው ጉዳይ መሆኑን ገልጸው፤ ከአነስተኛ መሬት ከፍተኛ ምርት ለማግኘት ከተለመደው አሠራር ወጥቶ በዘመናዊ መንገድ ማምረት እንደሚገባ አሳስበዋል።

​የወረዳው ግብርና ጽ/ቤት ኃላፊ አቶ አደም እንድሪስ በበኩላቸው፣ ለምርት ዘመኑ ስኬታማነት፦
​የተፈጥሮና ሰው ሠራሽ ማዳበሪያ አቅርቦት፣​የምርጥ ዘር አጠቃቀም፣
​እና የትራክተርና መሰል የመካናይዜሽን አሠራሮች በስፋት ተግባራዊ እንደሚደረጉ አረጋግጠዋል።

​ለታቀዱ ግቦች ስኬት ሙያዊ ድጋፍና ቀጣይነት ያለው ክትትል ወሳኝ መሆኑም በመድረኩ ተመላክቷል።

​"በጋራ በመሥራት የምግብ ዋስትናችንን እናረጋግጣለን!!"

​

07/05/2026

(ሚያዚያ 29/2018 ዓ.ም)
*************
​በአርጎባ ብሔረሰብ ልዩ ወረዳ የግብርና ኤክስቴንሽን አደረጃጀት አባላቶች በተለያዩ የልማት ስራዎች ላይ ያተኮረ የመስክ ምልከታና የልምድ ልውውጥ በዛሬው ዕለት በሁሉም ቀበሌዎች አካሂደዋል ።
​በመርሃ ግብሩም አባላቱ እርስ በርስ ያላቸውን ጠንካራ ተሞክሮዎችና ውጤታማ አሰራሮች የተጋሩ ሲሆን፣ በቀጣይ ለሚከናወኑ የልማት ስራዎች የተሻለ መነቃቃትና የስራ ቁርጠኝነት እንዲፈጠር አስችሏል።
​የመስክ ምልከታና የልምድ ልውውጥ መርሃ ግብሮች በግብርና ልማት ስራዎች ላይ የተሻሉ ተሞክሮዎችን ለማስፋፋትና የተቀናጀ የስራ ባህል ለመፍጠር ከፍተኛ አስተዋጽኦ አላቸው።

#ግብርና #ልማት #አርጎባ #ኢትዮጵያ

05/05/2026

#በአርጎባ ብሔረሰብ ልዩ ወረዳ የግብርና ኤክስቴንሽን አደረጃጀቶችን ለማጠናከርና ዘላቂ ልማትን ለማረጋገጥ በተቀረጸው ፕሮግራም መሠረት ቀበሌዎች በዛሬው ዕለት የግብርና ልማት ቡድን መሪዎችን እና የግብርና ልማት ቀጠና ተጠሪዎችን በቀበሌ ማዕከል በማሰባሰብ የስራ አፈፃፀም ግምገማና የቀጣይ አቅጣጫ ላይ የውይይት መድረክ ተካሂዷል ።

ሚያዚያ 27/2018 ዓ.ም

30/04/2026

!! 🍌🍌🥭🥭

#​በአርጎባ ብሔረሰብ ልዩ ወረዳ በመይጢ መስኖ ላይ ሰፊ የፍራፍሬ ልማት በክላስተር ለመሸፈን የታቀደው ፕሮግራም አበረታች ውጤት እያሳየ ይገኛል።
​
በአሁኑ ወቅት የማሳ ዝግጅት ስራዎች በጥራት እየተከናወኑ ሲሆን፣ የሙዝ እና የማንጎ ችግኞችን ለአርሶአደሩ የማቅረብ ስራ በስፋት ተጀምሯል።
​
ይህ የክላስተር አመራረት የፍራፍሬ ምርታማነትን በማሳደግ የአርሶ አደሩን ገቢ ከመቀየር ባለፈ፣ ለሀገር ኢኮኖሚ ትልቅ አቅም እንደሚሆን ይታመናል።

​ #ልማት #አርጎባ #መስኖ #ፍራፍሬ #ግብርና #ኢትዮጵያ