Tulo Woreda Communication

06/09/2026

06/09/2026

Qaammee 1 Guyyaa Oomish*tummaa.

Guyyaan Oomishtummaa Aanaa Xuullootti oomisha daawwachuufi maarii paanalii kabajame.

06/09/2026

Qaammee 1 Guyyaa Oomish*tummaa.

Qaammee 1 Godina Harargee Lixaa Aanaa Xuullootti Guyyaa Oomish*tummaa Sababeeffachuun Hoggansa Aanaa, Hojjattoonni Mootummaa fi kutaa hawaasaa kilaastara Muuzii Ganda Gammachiisitti Misoomaa jiru dawwatan.

Daawwannaan kunis Bakka Bulchaa Bulchiinsa Aanaa Xuulloo Obbo Haamid Ibraahim fi koree Qindeessaa aanichaa aragamniti taasifameera.

03/09/2026

Oduu Gammachiisa Hawaasa Aanaa Xuulloottif.
==//===
Dhaabbanni Islamic Relief Ethiopia Aanaa Xuullootti hojii eegaluu qooda fudhattoota waliin magaalaa Adaamaatti marii geggeesse jira.

Dhaabbatichi aanichatti hojii yeroo eegaleetii hawaasa aanichatti fayyadamaa gochuuf hojiiwwan gurguddoo akka hojjatuu ibseera.

Aanichatti Keellaa Fayyaa Waliigalaa lama kan ijaaruu yoo ta'uu, Gandoota sadiif tajaajila kan kennuu Qufaan Ziiq ,Najaata fi haqaa mul'is gidduutti iddoo Burqaa rachaa jedhamutti kan ijaaruu yoo ta'u akkasumas gandaa Ifaa Hiyyeessaa keellaa fayyaa waliigalaa ni ijaara.

Dhaabbanni Islamic Relief Ambulance tajaajila hadhoolee da'umsaa oolu lamaa aanaafi kan bitu ta'uus ibsamee.

Hojjiiwwan olitti xuqamee muraasa yoo ta'uu kanaan malee leenjiiwwan hubannoo hawaasaa cimsaa baay'inaan kan kennuu fi meeshaalee deggarsaa fayyaa kan kennuu yoo ta'uu.

Hospitaala magaalaa Hirnati hojiiwwan gurguddoo hojjachuuf akka jiru ibsameera.

02/09/2026

Bulchiinsa Magaalaa Dabbassotti Daree dabalataa Mana Barnoota kenna tajaajila lammummaatiin qarshii mil 30 oliin ijaaramaa jiru sadarkaa gaariirratti aragama
====//====
Godina Harargee Lixaa Aanaa Xuulloo, Bulchiinsa Magaalaa Dabbassotti hojii kenna tajaajilaa Lammummaattin Dareen dabalataa Mana Barnootaa Sadarkaa 1ffaa Dabbassotti ijaaramaa jira.

Dhalattootaa Magaalaa Dabbasoo fi naannoo ishee Mana Barumsaa kanatti barachaa turaniifi wahiilaan isaan waliin ta'uun daree dabalataa dhalootaf ijaara jiru.

Qulqullina Barnootaa mirkaneessuuf Hanqina daree dabalataa furuun murteessaa, kanaafis Mana Barnootaa sadarkaa tokkoffaa Dabbassotti Bilookii sadii ijaaramaa jira.

02/09/2026

Magaalaa Keenya Balfaafi Faalamarraa Qulqulleessuun, Magaalaa Jireenyaaf Mijattuu, Miidhagduu fi Dorgomtuu Haa Taasifnu!
===//===
Godina Harargee Lixaa Aanaa Xuulloo, Bulchiinsa Magaalaa Dabbassotti duula Sosochii faalama naannoo ittisuu Marsaa Sadaffaadhaaf jiraattota magaalaa Dabbasso waliin geggeeffame.

Hubannoo kuniis bakka Bulchaa Ittaanaa fi Ittigaafatamaa Waajjira Qonnaa fi lafaa Obbo shamshadin Usmaan fi Kantiibaa Bulchiinsa Magaalaa Dabbasso Obbo Nasir Abrahem aragamniti kennameera.

Mootummaan faalama naannoo hir'isuuf labsii baasuun hojiitti jijjiiraa jiraachuufi hawaasnis sababa faalama naannootiin dhiibbaa fi miidhaan qaqqabu cimaa ta'uu hubachuudhaan wantoota naannoo fi magaalaa faaluu danda'an hundarratti xiyyeeffachuun faalama naannoo ittisuu fi naannoo jireenyaaf mijataa fi hawwataa taasisuuf hirmaannaa qulqullina magaalaa gaggeessuurratti taasisaa jiran cimsuu fi hubannoo argatanis babal'isuun hojiirra oolchuu akka qaban dhaamaniiru.

Faalama naannoo kan jedhaman faalama pilaastikaa, faalama qilleensaa, faalama biyyee, faalama bishaanii fi faalama sagalee ta'uu ibsamee
Naannoo keenya faalama adda addaarraa bilisa taasisuufi ittisuuf gahee keenya haa baanu!

02/09/2026

Guyyoota Qaammee: Olka’iinsa Itoophiyaaf!

Olka’iinsi haala baratamaa keessaa saaffisa olaanaan olka’uudha. Itoophiyaanis qormaatota keessa turteefi jirtu injifachuun saffisa olaanaan imala badhaadhinaa gama Hawaasummaa, Dinagdeefi Siyaasaan jalqabde milkeessuuf tirannaarraa gara utaalchootti ce’aa jirti.

Guyyootni Qaammee bara kanaas labsii olka’iinsaaf bu’uura kan kaa’aan yoo ta’u, guyyootni shananuu moggaasa ofii isaanii kan qabanidha.

Qaammee 1: Guyyaa Oommishtummaa
Qaammee 2: Guyyaa Olka’iinsaa
Qaammee 3: Guyyaa Cichoominaa
Qaammee 4: Guyyaa Daneessummaa
Qaammee 5: Guyyaa Egeree jedhamuun sirnoota gara garaan kabajamu.

02/09/2026

Gamaggamni raawwii hojii misooma sadarkaa Aanichaatti geggeeffama jira
===//===
Godina Harargee Lixaa Aanaa Xuullootti, gamaggamni raawwii hojii misooma Hoggansa Aanaa waliin bakka Bulchaa Bulchiinsa Aanaa Xuulloo Obbo Haamid Ibraahim aragamniti geggeeffama jira.

01/09/2026

Baga Gammaddan!

Aanaa Xuulloo hojii gama Aanaa ceesissuu
(Woreda Transformation) hojjatameen Ogeessota Biiroo Fayyaa Oromiyaa irraa dhufaniin Ilaalamee booda hojii gaariin hojjatamee mirkanaa'eera.

Ittigaafatamtuu Waajjira Eegumsa Fayyaa Aanaa Xuulloo Addee Addisaalam Nugusee akka jedhanitti Biiroo Fayyaa mirkaneeffannaa (Verification) hojii Woreda Transformation bakka qaamotni Biiroo Fayyaa Oromiyaa fi Waajjira Fayyaa Godina Harargee Lixaa irraa argamanitti raawwii Woreda Transformation, sadarkaa waajjiraa, Buufataalee Fayyaa, fi Kellaa Fayyaa akkasumas mana manaatti hojjatamee gabaasaa fi madda ragaa gidduu jiru qulqulleeffachuun mirkaneeffannaa gaggeessanii jirachuu ibsuun, kanaanis bu'aawwan gurguddoo argamuu baga Gammaddan jedhaniiru.

Madaalliin mirkaneeffannaa gaggeeffame milkaa'innaan kan raawwatame yoo ta'u, dhuma madaalliitiin qaamotni mirkaneeffannaa taasisan, hojiin Woreda Transformation haala gaariin hojjatamaa jiraachuu ibsuun qindoominni akka aanaatti jiru kan jajjabeefamuu fi aanichi adda-durummaa isaa itti fufisiisu akka qabu dhaamanii jiru.