Xafiiska Horumarinta Xoolo-dhaqatada DDS

Home
Ethiopia
Jijiga
Xafiiska Horumarinta Xoolo-dhaqatada DDS

create competitive market-led modern livestock and livestock production system and poverty-free society in the region/Country

19/08/2026

Dadaallada Suuq-geynta Xoolaha oo Xafiisku Dardargelinayo, si loo helo suuq joogto ah.

Waxaa kulan ballaadhan isugu yimid iskaashatooyinka iyo shirkadaha ka ganacsada xoolaha nool, Daladda Suuq-geynta Xoolaha, wakiillo ka socday 6 warshadood oo xoolaha qasha hilibkana dhoofiya, Hay’adda Horumarinta Xoolaha ee Dalka iyo Xafiiska Horumarinta Xoolaha DDS.

Kulanka oo uu hogaaminayay Wasiirka Xafiiska Horumarinta Xoolo-dhaqatada DDS ayaa diiradda lagu saaray sidii iskaashatooyinka iyo bahwadaagta xoolaha ka ganacsata ay heshiisyo ula geli lahaayeen warshadaha xoolaha qasha, iyadoo sidoo kale laga wada hadlay caqabadaha ka jira suuq-geynta iyo ganacsiga xoolaha iyo sidii xal waara loogu heli lahaa.

Gabagabadii, waxaa la isku raacay in la bilaabo hawsha iibsiga xoolaha ee warshadaha xoolaha qasha, iyadoo wakiillada warshaduhu toddobaadkan booqan doonaan suuqyada xoolaha ee Deegaanka.

Tallaabadan ayaa la filayaa inay xoojiso suuq-geynta xoolaha nool, sidoo kalena kordhiso fursadaha ganacsiga xoolaha si kor loogu qaaddo dakhliga xoolo-dhaqatada iyo ganacsatada.

09/08/2026

Doollo Ado: 948 Qoys oo Xoolo-dhaqato-beeraley ah ayaa la Gaadhsiiyay Abuurka Calafka Xoolaha

Xafiiska Horumarinta Xoolo-dhaqatada ee Degmada Doollo Ado ayaa 948 qoys oo xoolo-dhaqato-beeraley ah oo lagasoo kala xulay tuulooyinka degmada, gaadhsiiyay abuurka calafka xoolaha oo ka kooban 5 nooc.
Abuurkan oo uu soo iibiyay Mashruuca Ka-jawaabista Waxyeellada Ayaxa iyo Isbeddelka Cimilada, kaasoo uu maalgaliyo Bangiga Adduunka, ayaa loogu talagalay in lagu yareeyo saamaynta isbeddelka cimilada iyo waxyeellada ayaxu ku yeeshay bulshada.

Abuurka la qaybiyay waxaa ka mid ah: Sudan Grass, Cowpea, Lablab, Panicum iyo Alfa-alfa.
Maamulka degmada ayaa sheegay in tallaabadani kor u qaadi doonto wax-soo-saarka calafka xoolaha, isla markaana bulshada ka caawin doonto inay hesho calaf ku filan xilliyada adag.

Xafiiska Horumarinta Xoolo-dhaqatada DDS

02/08/2026

Xafiiska Horumarinta Xoolo-dhaqatada DDS ayaa sii wada fulinta hawlaha tabarucaadka bilaha xagaaga, xilli Maalinta bari ah oo ku beegan 27/11/2018 la samaynayo Ol’ole guud oo dhirbeeris heer qaran ah.

Kadib ol’olayaashii dhiig-shubista iyo nadaafadda, waxaa maanta laga fuliyay dhir-beeris xarunta casriga ah ee dhaqashada xoolaha oo laga dhisayo qabalaha Xaadow ee degmada Shabeelley.

Ol’olahan ayaa qayb ka ah dadaallada lagu horumarinayo deegaanka, laguna xoojinayo dhaqanka tabarucaadka iyo ilaalinta deegaanka.

🌱 Geed Beer oo Rajo Reeb.

30/07/2026

‎Xafiiska Horumarinta Xoolo-dhaqatada ee degmada Beercaano ayaa
‎1,228 qoys oo xoolo-dhaqato-beeraley ah kuwaas oo laga soo kala xulay qaar ka mid ah tuulooyinka u qaybiyay abuurka calafka xoolaha oo iskugu jira 5 nooc oo kala duwan.
‎
‎Abuurkan oo uu soo iibiyay mashruuca ka jawaabista waxyeelada Ayaxa iyo isbadalka cimilada ee Xafiiska Horumarinta Xoolo dhaqatada Dawlad Deegaanka Soomaalida oo uu maalgaliyo Bangiga Aduunka ayaa ujeedadu tahay in wax lagaga qabto waxyeelada isbadalka cimilada iyo saamaynta uu ayaxu ku yeeshay bulshada xoolo-dhaqato-beeralayda ah waxuuna calafkan kala yahay Sudan Grass, Cowpea, Lablab, Panicum iyo Alfa-alfa.
‎
‎Dhankiisa, madax xafiiseedka horumarinta xoolo dhaqatada ee degmada Beercaano Mudane Mascuud C/wali ayaa sheegay in tallaabadan ay qayb ka tahay dadaalada lagaga jawaabayo saamaynta isbadalka cimilada iyo in bulshadu ay hesho abuur tayo leh, si loo kordhiyo beerista calafka xoolaha oo ay bulshadu iskeed ubeerato xiliyada adag.

Xafiiska Horumarinta Xoolo-dhaqatada DDS

29/07/2026

30 qoys oo ku nool Magaalada Bombaas iyo Qabalayga Halaago ayaa ka faa’iidaystay Mashruuca Ka-bixidda Ku-tiirsanaanta Gargaarka ee Xafiiska Horumarinta Xoolo-dhaqatada Degmada Gursum.

Mashruucan oo diiradda saaraya taageeridda hooyooyinka uurka leh iyo kuwa nuujinaya ayaa qoysaska lagu guddoonsiiyay ri’yo riman, digaag iyo quudkooda oo wada socda, si loo xoojiyo sugnaanta cuntada, korna loogu qaado dakhliga qoysaska, loona yareeyo nafaqo-darrada hooyada iyo dhallaanka.

Mashruuca ayaa lagu hirgeliyay iskaashi u dhexeeya Xafiiska Horumarinta Xoolo-dhaqatada Degmada Gursum iyo Xarunta Caafimaadka Magaalada Bombaas, iyadoo la sii wadi doono kormeerka iyo taageerada farsamo si loo xaqiijiyo joogtaynta natiijooyinka.

17/07/2026

Masuuliyiinta iyo Hawlwadeenada Xafiisyada Horumarinta Xoolo-dhaqatada DDS iyo Hantidhawrka Guud ayaa sameeyay ol'ole dhiigshubis ah oo qayb ka ah barnaamijka tabarucaadka bilaha xagaaga.

Dhiig shubistan oo sannad kasta xiligan oo kale la sameeyo ayaa loogu talogalay in loogu deeqo dadka nugul ee u baahan dhiiga, sida hooyooyinka xiliga dhalmada iyo dadka xaaladaha shilalka la kulma, maadaama dhiigu yahay sadaqada qofka bini'aadamka ah la baxo midda ugu khayrka badan, waxaana qofka joogteeya dhiig shubista uu ka helayaa caafimaad.

Masuuliyiinta iyo hawlwadeenada ka qaybqaatay barnaamijkan dhiig shubista ayaa bulshada ugu baaqay in ay ku deeqaan dhiigooda si naf loogu badbaadiyo.

Xisbiga Barwaaqo iyo Xukuumadda Deegaanka ayaa sanadadii u dambeeyay qaatay qorshe labada bilood ee u dambeeya sannad kasta la sameeyo barnaamijyo tabarucaad ah oo kala ah dhiigshubis, dhirbeeris iyo in dadka danyarta ah loo dhiso guryo, arintaas ayaana wax wayn ka badashay hab-nololeedka bulshada.

Xafiiska Horumarinta Xoolo-dhaqatada DDS

15/07/2026

Jigjiga: Waxaa si rasmi ah looga daahfuray Ururka Ganacsatada Xoolaha Nool ee Deegaanka Soomaalida (SORLATA).

Kulanka ayaa waxaa ka soo qaybgalay masuuliyiin heer deegaan ah oo ay ugu h**eeyaan Wasiirka Xafiiska Horumarinta Xoolo-dhaqada DDS, Maareyaha Mac'hadka Cilmibaadhista Xoolaha iyo Beeraha DDS, masuuliyiinta ururka, ganacsato, wakiillo ka socday hay'adaha ay khusayso iyo martisharaf kale.

Aasaaska Ururka ayaa ah tallaabo muhiim ah oo lagu midaynayo ganacsatada ka ganacsata xoolaha nool, kor loogu qaadayo tayada iyo hufnaanta ganacsiga xoolaha, isla markaana lagu xoojinayo iskaashiga u dhexeeya ganacsatada iyo hay'adaha dowladda.

DR. C/qaadir Iimaan, Wasiirka Xafiiska Horumarinta Xoolo-dhaqada DDS iyo Muuse Sh. Cabdi, Gudoomiyaha Ururka Ganacsatada Xoolaha Nool ee DDS oo madasha furay ayaa xusay in ururkani door weyn ka qaadan doono horumarinta ganacsiga xoolaha nool, abuurista suuqyo cusub, ilaalinta tayada xoolaha loo dhoofiyo suuqyada caalamka iyo kor u qaadista dhaqaalaha.

Xafiiska Horumarinta Xoolo-dhaqatada DDS

07/07/2026

Kulanka sanadlaha ah ee Wadatashiga ku saabsan suuqgaynta xoolaha, fursadaha, caqabadaha jira, filashooyinka mustaqbalka iyo sii xoojinta wadashaqeynta bahwadaagta ayaa ka qabsoomay magaalada Jigjiga.

Furitaankii kulankan oo uu ka hadlay Wasiirka Xafiiska Horumarinta Xoolo-dhaqatada DDS. C/qaadir Iimaan (Ph.D) ayaa tilmaamay in Deegaanka Soomaalidu uu yahay deegaanka ugu hooreeya dhanka tirada xoolaha guud ahaan dalka islamarkaana uu deegaanku yahay mid ku haboon dhaqashada Xoolaha, wuxuuna intaasi raaciyay in kheyraadkaas xoolaha ee uu deegaanku leeyahay aan looga faa'iidaysan sidii loogu talagalay caqabado jira awgeed isagoo sheegay si wax looga qabto caqabadahaasi in dawladu ay hirgalisay 3 shaybaadhka xoolaha isbadalkii kadib iyo 6 goobaha loogu talo'galay in xoolaha lagu nasiyo ee laguna daaweeyo. Kulankan Wadatashiga ayuuna ku tilmaamay inuu noqon doono mid iftiiminaya fursadaha jira, iyo sidii xal loogu heli lahaa caqabadaha bahwadaagtana la isugu xidhi lahaa.

Kulankan Wadatashiga oo lagu soo bandhigay warbixino ka hadlaya fursadaha ka jira dhanka ka faa'idaysiga kheyraadka xoolaha, caqabadaha iyo sidii xal loogu heli lahaa caqabadahaasi ayaa waxaa kasoo qeybgaley masuuliyiin ka socotay mac'hadka horumarinta xoolaha ee dalka, wakaalada maamulka beeraha (Ethiopia Agriculture Authority), xafiisyada bahwadaagta ee heer deegaan iyo maamulada iyo xubno ka socda shirkadaha iyo iskaashatooyinka ka hawlan ka faa'iidaysiga xoolaha ee qaar ka mid ah degmooyinka gobollada Faafan, Erer, Jarar iyo Doollo.

05/07/2026

Tababarka Shaqaalaha Safka H**e ee Fidinta Caafimaadka Xoolaha oo Maanta Lagu Qabtay Magaalada Jigjiga

Xafiiska Horumarinta Xoolo-dhaqatada Dowladda Deegaanka Soomaalida (DDS), oo kaashanaya hay'adda Mercy Corps, ayaa maanta magaalada Jigjiga ku qabtay tababar loogu talagalay Shaqaalaha Safka H**e ee Fidinta Caafimaadka Xoolaha (Animal Health Extension Frontline Workers).

Tababarkan waxaa ka qayb galay khabiirada caafimaadka xoolaha, xirfadlayaasha caafimaadka xoolaha, iyo shaqaalaha safka h**e ee fidinta caafimaadka xoolaha ee ka hawlgala 11-ka degmo ee Gobolka Faafan.

Ujeeddada tababarku waxay ahayd in la xoojiyo aqoonta iyo xirfadaha ka qaybgalayaasha si ay bulshada ugu gudbiyaan adeegyo tayo leh oo ku saabsan caafimaadka xoolaha, kor loogu qaado wacyiga bulshada, loogana hortago cudurrada faafa ee dadka iyo duunyada. Tababarku wuxuu si gaar ah diiradda u saaray ka hortagga cudurrada, kor u qaadista fayadhowrka caafimaadka xoolaha, iyo xoojinta adeegyada fidinta, halkii lagu tiirsanaan lahaa daaweyn keliya marka cudur dillaaco.

Tababarkan ayaa qayb ka ah dadaallada ay si wadajir ah u wadaan Xafiiska Horumarinta Xoolo-dhaqatada Dowladda Deegaanka Soomaalida iyo hay'adda Mercy Corps si loo dhiso awoodda khabiirada, xirfadlayaasha, iyo shaqaalaha safka h**e ee caafimaadka xoolaha, loona horumariyo adeegyada caafimaadka xoolaha, taas oo door weyn ka qaadanaysa ilaalinta caafimaadka xoolaha, kor u qaadista wax-soo-saarka xoolaha, iyo badqabka bulshada.

04/07/2026

Magaalada Jigjiga ayaa martigelisay munaasabad heer caalami ah oo lagu xusayay maalinta Geela, taas oo isu keentay masuuliyiin, khuburo iyo daneeyayaal, si loo iftiimiyo kaalinta uu Geelu ku leeyahay nolosha bulshada, dhaqaalaha iyo la qabsiga isbeddellada cimilada.

Munaasabaddan ayaa waxaa kasoo qaybgalay kusimaha Xafiiska Madaxweynaha DDS C/qaadir Iimaan (PhD) ahna Wasiirka Xafiiska Horumarinta Xoolo-dhaqatada DDS, masuuliyiin iyo khuburo ka socotay wasaaradaha heer federaal iyo xafiisyada heer deegaan ee bahwadaagta xoolo-dhaqatada, jaamacado iyo mac'hadyo cilmi-baadhiseed.

Munaasabaddan ayaa si gaar ah diiradda loogu saaray faa'iidooyinka dhaqaale, bulsho iyo deegaan ee Geela, adkaysigiisa dhanka abaaraha iyo kulaylaha iyo kaalintiisa sugnaanta cuntada. Waxaa sidoo kale laga dooday laguna muujiyey bandhigga in Geelu yahay laf-dhabarta nolosha bulshada Geeska Afrika, gaar ahaan Soomaalida, isagoo bixiya caano, hilib, gaadiid iyo dhaqaale joogto ah, isla markaana astaan u ah dhaqanka iyo jiritaanka bulshada xoolo-dhaqatada.

Kusimaha Xafiiska Madaxweynaha DDS C/qaadir Iimaan (PhD) ahna Wasiirka Xafiiska Horumarinta Xoolo-dhaqatada DDS ayaa tilmaamay in loo baahan yahay in lagu baraarungsanaado ahmiyada Geela, si kor loogu qaado waxsoosaarkiisa loogana faa'iidaysto awoodda ballaadhan ee uu ku leeyahay koboca dhaqaalaha. Waxa kale oo uu xusay in la soo wadi doono lana kordhinayo cilmi-baadhista, maalgelinta iyo adeegyada caafimaadka xoolaha.

Dhanka kale, Wasiiru-dawlaha Wasaaradda Beeraha JDFI Dr. Fikru Regassa, Maareeyaha Machadka Cilmi-baadhista Xoolaha iyo Beeraha DDS Mudane Maxamed Shariif iyo masuuliyiinta kale ee munaasabadda ka hadashay ayaa carrabka ku adkeeyey in Geelu yahay khayraad qaran, mid qaaradeed iyo caalami oo mudan in la ilaaliyo lana horumariyo. Waxay tilmaameen in Itoobiya ay ka mid tahay dalalka leh tirada geela ugu badan Afrika, taas oo fursad weyn u ah kobcinta dhaqaalaha.

Address

Jijiga
795

Telephone

+251257754980

Website

http://www.Srs.comgov.et/

Alerts

Be the first to know and let us send you an email when Xafiiska Horumarinta Xoolo-dhaqatada DDS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Xafiiska Horumarinta Xoolo-dhaqatada DDS:

Want your organization to be the top-listed Government Service in Jijiga?