Xafiiska Maaliyada DDS - SRS Bureau of Finance

Xafiiska Maaliyada DDS - SRS Bureau of Finance Bogga Rasmiga ah ee Xafiiska Maaliyada ee Dawladda Deegaanka Soomaalida -
Official Page of Somali Regional State Bureau of Finance

Wasiir-ku-xigeennada Xafiiska Maaliyadda Deegaanka Soomaalida ayaa kormeeray geeddi-socodka diyaarinta qorshaha miisaani...
11/08/2026

Wasiir-ku-xigeennada Xafiiska Maaliyadda Deegaanka Soomaalida ayaa kormeeray geeddi-socodka diyaarinta qorshaha miisaaniyadda sannad-miisaaniyadeedka 2019 T.I. ee degmooyinka Gobollada Nogob iyo Erar, iyadoo ay si habsami leh uga socoto labada gobol.

Wasiir-ku-xigeenka Xafiiska Maaliyadda, Mudane Maxamed Cabdi Baarax, oo magaalada Fiiq kaga qayb-galay diyaarinta miisaaniyadda degmooyinka Gobolka Erar, ayaa adkeeyay muhiimadda ay leedahay in diyaarinta miisaaniyadda si dhab ah loogu saleeyo baahiyaha iyo mudnaanta bulshada, si khayraadka la heli karo loogu jiheeyo adeegyada iyo mashaariicda saamaynta tooska ah ku leh nolosha bulshada.

Dhanka kale, Wasiir-ku-xigeenka Xafiiska Maaliyadda, Mudane Cabdiraxmaan Salaad, oo ku sugan magaalada Ceel-Wayne ee Gobolka Nogob, ayaa ku adkeeyay in mudnaan la siiyo dardargelinta mashaariicda socda, iyadoo degmooyinkana lagu boorriyay inay qorshahooda miisaaniyadeed ku daraan ugu yaraan hal mashruuc oo la taaban karo, si wax looga qabto baahiyaha bulshada loona horumariyo adeegyada aasaasiga ah.

Waxaa maanta guud ahaan 11-ka gobol ee Deegaanka Soomaalida si rasmi ah uga furmay kulamada wada-tashiga ee diyaarinta Q...
10/08/2026

Waxaa maanta guud ahaan 11-ka gobol ee Deegaanka Soomaalida si rasmi ah uga furmay kulamada wada-tashiga ee diyaarinta Qorshaha Miisaaniyadda 2019 T.I ee degmooyinka, maamul-magaalooyinka iyo dawladaha hoose.

Diyaarinta qorshahan ayaa mudnaan gaar ah siinaysa in miisaaniyadda lagu saleeyo baahiyaha dhabta ah ee bulshada, iyadoo xoogga la saarayo dhammaystirka mashaariicda socda, si buuxda looga faa’iidaysto mashaariicda dhammaatay, iyo in la dardar-geliyo mashaariicda saamaynta muuqata ku leh nolosha bulshada.

Sidoo kale, waxaa muhiimad gaar ah la siinayaa in miisaaniyadda degmo kasta laga dhex helo hal ama laba mashruuc oo waaweyn oo istiraatiiji ah, kuwaas oo si dhab ah wax uga beddeli kara nolosha bulshada, halkii kheyraadka lagu kala firdhin lahaa mashaariic tiro badan oo aan saamayn muuqata lahayn.

Qorshaha Miisaaniyadda 2019 T.I wuxuu sidoo kale diiradda saarayaa xoojinta amniga, kor-u-qaadista dakhliga gudaha iyo kobcinta adeegyada bulshada, gaar ahaan waxbarashada iyo adeegyada aasaasiga ah.

Ujeeddadu waa in kheyraadka la heli karo si qorshaysan loogu jiheeyo baahiyaha iyo mudnaanta bulshada, iyadoo la xaqiijinayo in mashaariicda socda la soo afjaro, kuwa dhammaadayna si buuxda bulshada uga faa’iidaysato, isla markaana la maalgeliyo mashaariic cusub oo leh saamayn waarta.

Waxaa magaalada Jigjiga lagu qabtay Kulan-weynaha Wadatashiga Diyaarinta Qorshaha Sannad-Miisaaniyadeedka 2019 T.I ee li...
10/08/2026

Waxaa magaalada Jigjiga lagu qabtay Kulan-weynaha Wadatashiga Diyaarinta Qorshaha Sannad-Miisaaniyadeedka 2019 T.I ee lixdii maamul-magaalo ee h**e. Kulanka waxaa ka qayb-galay Madaxweyne Ku-xigeenka DDS, Mudane Ibraahim Cusmaan Faarax, Wasiirka Xafiiska Horumarinta Magaalooyinka iyo Dhismaha DDS, Mudane Axmed Shukri, Wasiirka Xafiiska Maaliyadda DDS, Mudane Dayib Axmed-nuur, iyo masuuliyiin kale. Waxaa lagu soo bandhigay jihooyinka iyo mudnaanta qorshaha 2019 T.I, iyadoo xoogga la saaray qorshayn ku dhisan baahida bulshada, kobcinta dakhliga gudaha, horumarinta kaabeyaasha, maalgashiga iyo shaqo-abuurka.

Madaxweyne Ku-xigeenka DDS, Mudane Ibraahim Cusmaan Faarax, ayaa sheegay in horumarinta magaalooyinku ay ka mid tahay mudnaanta xukuumadda, isla markaana muhiimad gaar ah la siinayo tayaynta adeegyada, nadaafadda, bilicda iyo kobaca dhaqaalaha magaalooyinka. Dhankiisa, Wasiir Axmed Shukri ayaa xusay horumarka laga sameeyey maamulka iyo qorshaynta magaalooyinka, halka kulanka lagu isla qaatay in maamul-magaalooyinku yeeshaan qorshe cad, bartilmaameedyo la cabbiri karo iyo isla-xisaabtan joogto ah, si loo xaqiijiyo horumar waara iyo adeeg-bixin tayo leh.

Waxaa magaalada Dhagax-buur ee xarunta Gobolka Jarar, ka qabsoomay kulan ku saabsana diyaarinta qorshaha miisaaniyadda ...
10/08/2026

Waxaa magaalada Dhagax-buur ee xarunta Gobolka Jarar, ka qabsoomay kulan ku saabsana diyaarinta qorshaha miisaaniyadda degmooyinka iyo dawladaha hoose ee sannad-miisaaniyadeedka 2019 T.I.

Furitaanka kulanka waxaa ka qayb-galay Wasiir-ku-xigeenka Xafiiska Maaliyadda DDS, Mudane Maxamed Cabdi Baarax, oo uu wehelinayay Ku-xigeenka Xafiiska Dakhliga Deegaanka, mas’uuliyiinta Gobolka iyo masuuliyiinta degmooyinka iyo dawladaha hoose.

Kulanka ayaa diiradda lagu saaray sidii qorshaha miisaaniyadda loogu salayn lahaa baahiyaha dhabta ah ee bulshada, iyadoo mudnaan gaar ah la siinayo adeegyada aasaasiga ah sida caafimaadka, waxbarashada, biyaha, iyo horumarinta wax-soo-saarka, gaar ahaan beeraha iyo xoolaha.

Ujeeddada guud ee kulanka ayaa ahayd in la iswaafajiyo qorshaha miisaaniyadda iyo baahiyaha adeeg iyo horumarineed ee bulshada, iyadoo la dardargelinayo hirgelinta qorshayaasha sannadka 2019 T.I., gaar ahaan dhinacyada kor-u-qaadista dakhliga, xoojinta amniga, kobcinta wax-soo-saarka iyo tayeynta adeeg-bixinta bulshada.

Jihooyinka iyo Mudnaanta Qorshaha

Qorshaha waxaa mudnaan gaar ah lagu siinayaa ka shaqaysiinta mashaariicda dhammaatay, dhammaystirka mashaariicda socda, iyo in qorshaha degmo kasta lagu daro hal ama laba mashruuc oo waaweyn oo wax-ka-beddel muuqda ku sameeya nolosha bulshada, isla markaana si toos ah uga jawaaba baahiyahooda iyo mudnaanta horumarineed.

Xafiiska Maaliyadda DDS ayaa soo agaasimay kulan lagu falanqaynayay diyaarinta qorshaha miisaaniyadeedka sannadka 2019-k...
10/08/2026

Xafiiska Maaliyadda DDS ayaa soo agaasimay kulan lagu falanqaynayay diyaarinta qorshaha miisaaniyadeedka sannadka 2019-ka T.I.

Kulankan ayaa waxaa ka soo qaybgalay masuuliyiinta xafiiska maaliyada maamulka gobolka Faafan, hoggaaminta degmooyinka gobolka, dawladaha hoose iyo bahwadaagta kala duwan.

Kulanka ayaa diiradda lagu saaray habraaca diyaarinta qorshaha miisaaniyadda iyo meelaha mudnaanta leh ee la qorshaynayo in xoogga lagu saaro sannadka soo socda.

Wasiirka Xafiiska Maaliyadda Deegaanka Soomaalida Mudane Dayib Axmednuur iyo Guddoomiye Kuxigeenka Gobolka Faafan Mudane Cabdullaahi Axmed oo furay kulanka ayaa hoggaaminta degmooyinka kula dardaarmay inay mudnaan gaar ah siiyaan miisaaniyadda adeegyada aasaasiga ah ee bulshada iyo dhamaystirka mashaariicda socda, si loo xaqiijiyo adeegyada bulshada la siinayo.

Masuuliyiinta ayaa sidoo kale adkeeyay muhiimadda qorsheyn tayo leh iyo wadashaqayn dhow oo ka dhexaysa heerarka kala duwan ee maamulka, si miisaaniyaddu uga jawaabto baahiyaha bulshada iyo yoolalka horumarineed ee gobolka.

Wasiirka Xafiiska Maaliyadda Deegaanka Soomaalida, Mudane Dayib Axmed-nuur, ayaa shir-guddoomiyay kulankii 1-aad ee Gudd...
05/08/2026

Wasiirka Xafiiska Maaliyadda Deegaanka Soomaalida, Mudane Dayib Axmed-nuur, ayaa shir-guddoomiyay kulankii 1-aad ee Guddiga Maaraynta Xafiiska Maaliyadda ee sannad-miisaaniyeedka 2019 T.I.

Ajendayaasha kulanka waxaa ka mid ahaa ka wada hadalka hirgelinta qorshaha Xafiiska ee sannad-miisaaniyeedka 2019 T.I. iyo dhamaystirka diyaarinta qorshaha shanta sano ee xafiiska, xoojinta iyo adkaynta nidaamka maamulka maaliyadeed, iyo u diyaar-garowga taageero-siinta degmooyinka, maamul-magaalooyinka iyo dawladaha hoose ee dhinaca diyaarinta iyo soo gudbinta qorshaha miisaaniyadda sannad-miisaaniyeedka 2019 T.I.

Kulanka ayaa si qoto dheer loogu lafaguray ajendayaasha kor ku xusan, iyadoo laga soo saaray jihooyin istaraatiijiyadeed oo lagu fulinayo shaqooyinka horyaalla xafiiska sannadka cusub ee 2019 T.I.

Sidoo kale, kulanka waxaa lagu adkeeyay in mudnaan gaar ah la siiyo hirgelinta dib-u-habaynta (Reform) iyo nidaamka maamulka maaliyadeed, dhaqan-gelinta shuruucda maamulka maaliyadeed, iyo xoojinta hannaanka hufnaanta, daahfurnaanta, isla xisaabtanka iyo maamulka suuban, si loo sii adkeeyo tayada adeegyada maaliyadeed.

Wasiir Ku-xigeenka Xafiiska Maaliyadda Deegaanka Soomaalida Mudane Maxamed Cabdi Baarax ayaa soo xidhay aqoon-is-weydaar...
03/08/2026

Wasiir Ku-xigeenka Xafiiska Maaliyadda Deegaanka Soomaalida Mudane Maxamed Cabdi Baarax ayaa soo xidhay aqoon-is-weydaarsi ku saabsanaa hirgelinta Mashruuca Raasamaalka Aadanaha (Human Capital Operation – HCO) ee laga fulinayo degmooyinka deegaanka ee ay saamaynta ku yeesheen martigalinta Qaxoontiga iyo abaaraha (CDR).

Aqoon-is-weydaarsigan ayaa lagu lafaguray habraacyada fulinta iyo maamulka maaliyadeed ee mashruuca, iyadoo diiradda la saaray xoojinta wada-shaqaynta hay’adaha ay khusayso, isla xisaabtanka, iyo dardargelinta hirgelinta qorshayaasha si loo xaqiijiyo adeegyo tayo leh iyo natiijooyin wax-ku-ool ah.

Kulanka waxaa ka qayb-galay masuuliyiinta maamullada degmooyinka iyo maamulka magalada qabri-Bayax ee uu mashruucu ka hawl-galo.

30/07/2026

“Iyadoo laga duulayo adkaynta iyo horumarinta nidaamka maaliyadeed ee Deegaanka Soomaalida, Xafiiska Maaliyadda DDS ayaa kormeer iyo taageero u fidinaya dhammaan gobollada deegaanka si loo xoojiyo hirgelinta habraacyada maamulka maaliyadda iyo hufnaanta adeegyada maaliyadeed.”

29/07/2026

Wasiirka Xafiiska Maaliyada DDS, mudane Dayib Ahmed Nuur, ayaa kal-fadhigii 11aad ee golaha xildhibaanada deegaanka usoo jeediyay jihada miisaaniyada deegaanka ee 2019 t.i.

Kal-fadhiga 11-aad ee Golaha 6-aad ee Xildhibaannada Dawlad Deegaanka Soomaalida ayaa maanta ansixiyay miisaaniyadda san...
28/07/2026

Kal-fadhiga 11-aad ee Golaha 6-aad ee Xildhibaannada Dawlad Deegaanka Soomaalida ayaa maanta ansixiyay miisaaniyadda sannad-maaliyadeedka 2019 T.I., taas oo dhan 108.9 bilyan oo birr. Qorshaha dakhliga gudaha ee sannad-maaliyadeedka 2019 T.I. ayaa dhan 55.1 bilyan oo birr.

Miisaaniyaddan ayaa 65% ka badan miisaaniyaddii sannadkii h**e. Waxaa 61 bilyan oo birr loo qoondeeyay xafiisyada heer deegaan, 1.4 bilyan oo birrna waxaa loo asteeyay hirgelinta Yoolasha Horumarka Waara (SDGs). Sidoo kale, 46.5 bilyan oo birr ayaa loo qoondeeyay degmooyinka, maamul-magaalooyinka iyo dawladaha hoose.

Miisaaniyadda la ansixiyay waxa kale oo ay ku jirta qoondaynta qaab-dhismeedka degmooyinka iyo maamul-magaalooyinka cusub.

Miisaaniyaddan, 51% waxaa laga maalgelin doonaa dakhliga gudaha ee deegaanka, halka 49% laga heli doono kabka khasnadda dhexe ee Federaalka iyo deeqaha caalamiga ah, taas oo muujinaysa horumar la taaban karo oo laga gaadhay kor u qaadista dakhliga gudaha ee deegaanka.

Address

Jijiga
251

Opening Hours

Monday 08:00 - 12:00
14:00 - 17:30
Tuesday 08:00 - 12:00
14:00 - 17:30
Wednesday 08:00 - 12:00
14:00 - 17:30
Thursday 08:00 - 12:00
14:00 - 17:30
Friday 08:00 - 12:00
14:00 - 17:30

Website

Alerts

Be the first to know and let us send you an email when Xafiiska Maaliyada DDS - SRS Bureau of Finance posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Xafiiska Maaliyada DDS - SRS Bureau of Finance:

Shortcuts

Share

Category