https://www.somalicommunication.gov.et/

Xafiiska Warfaafinta Deegaanka Somalida, In front of Sultan Hassan Yabare Referral hospital, 300M right side of the Main High Way, Jijiga (2026)

Q: What is the address?

In Front Of Sultan Hassan Yabare Referral Hospital, 300M Right Side Of The Main High Way

03/09/2026

Madaxwayne Ku-xigeenka DDS, Mudane Ibraahim Cusmaan Faarax, ayaa magaalada Dhanaan ka dhagax-dhigay Cusbitaalkadarajada koobaad ah ee Dhanaan (Dhanaan Primary Hospital).
‎
‎Cusbitaalkan cusub ayaa marka la dhamaystiro loogu talagalay inuu adeeg caafimaad oo tayo leh u fidiyo bulsho gaadhaysa 100 kun oo ruux, isaga oo wax weyn ka tari doona baahida adeegyada caafimaadka ee magaalada Dhanaan iyo deegaannada ku xeeran.
‎
‎Mashruucani wuxuu qayb ka yahay dadaallada Xukuumadda Deegaanka ee lagu ballaadhinayo kaabayaasha caafimaadka.
‎
‎Madaxwayne Ku-xigeenka DDS Mudane Ibraahim Cusmaan Faarax ayaa tilmaamay in hirgelinta mashaariicda noocan ahi aanay ku koobnayn dhisme oo kali ah balse sidookale sidookale markasta Xukuumaddu xaqiijiso dhamaystirka waqtigii loogu talagalay, iyada tayadoona
‎
‎Dhagax-dhigga Cusbitaalka Dhanaan ayaa qayb ka ah socdaalka shaqo ee Madaxwayne Ku-xigeenka iyo waftigiisu ku marayaan Gobollada Shabeelle iyo Qoraxay, kaas oo diiradda lagu saarayo qiimaynta hirgelinta hindisayaasha horumarineed ee Xisbiga Barwaaqo.
‎
‎Wixii macluumaad dheeraad ah, booqo
‎👇
‎https://linktr.ee/Warfaafinta
Xafiiska Warfaafinta Deegaanka Somalida

03/09/2026

Hal-kudhigyada Maalmaha Baagumee ee 2018TI

1. Maalinta Horumarka sare (Pagume 1)
2. Maalinta Soo-kabashada (Pagume 2)
3. Maalinta Adkaysiga (Pagume 3)
4. Maalinta iskaashiga (Pagume 4)
5. Maalinta Mustaqabalka (Pagume 5)

03/09/2026

Itoobiya ayaa qorshaynaysa dhismaha 1.5 Milyan oo Guri, iyadoo la adeegsanayo nidaamka Maalgelinta amaahda Guryaha

R/Wasaaraha JDFI Dr. Abiy Axmed, ayaa sheegay in horumarinta guryayntu ay ka mid yihiin qorshayaasha muhiimka ah ee ku aaddan dib-u-soo-kabashada iyo horumarinta dhaqaalaha dalka.

Sidookale R/Wasaaraha ayaa sheegay in toddobadii sano ee lasoo dhaafay dalka laga dhisay 1.2 milyan oo guri, halka shanta sano ee soo socota la qorsheynayo in la dhiso ugu yaraan 1.5 milyan oo guri, iyadaoo dawlada iyo bahda ganacsiga gaarka looleeyahay iskaashi laga dhex abuurayo.
Hadaba,si loo xaqiijiyo istaatiijiyadan, ayay dowladda Itoobiya qorsheynaysaa inay warshadaha soo saara agabka dhismaha iyo ballaadhinta nidaamka amaahda guryaynta (Mortgage) u adeegsato aaladaha casriga ah ee teknoolojiyadaha.

Dhanka kale, Bangiga qaranka Itoobiya iyo hay’adda iskaashiga Maaliyadeed ee Caalamiga ah (IFC) ayaa kala saxeexday heshiis iskaashi oo lagu taageerayo maalgalinta aas-aaska nidaam cusub oo loogu magacdaray dib-u-maalgelinta amaahda guryaha.

Sidookale Hay’addan maalgelinta amaahda guryaha ayaa lagu aas-aasayaa Raasamaal dhan 100 bilyan Birr, iyadoo hay'ada iskaashiga maliyada caalamiga ah ee IFC la filayo inay ku darsato maalgelin dhan 200 milyan doollar.

Nidaamkan ayaa la filayaa inuu gacan ka geysto xoojinta suuqa amaahda guryaha, dhimista caqabadaha dhanka maalgelinta islamar ahaantaana ay muwaadiniintu ka helaan fursado wanaagsan oo ay guryo ku yeelanayaan, iyagoo adeegsanaya nidaamka lacag bixinta amaaheed ee muddada dheer.

Xogaha ayaa intaasi kudaraya in qorshahani uu kor uqaadi karo ka-qaybgalka bahda ganacsiga gaarka loo leeyahay, isla markaana uu gacan kagaysanayo kobaca dhaqaalaha iyo horumarinta hanaanka guryeynta dalka.

Ugudanbayti, Qorshaha dhismaha 1.5 milyan oo guri iyo nidaamka cusub ee maalgelinta amaahda guryaha ayaa kamid ah tallaabooyinka muhiimka ee dadaallada istaatiijiyadeed ee dowladda Itoobiya ku horumarinayso guryeynta iyo dhaqaalaha dalka.

Xafiiska Warfaafinta
Wixii faahfaahin dheeraad ah, booqo
‎👇
‎https://linktr.ee/Warfaafinta

03/09/2026

Shirwaynaha wadatashiga iyo wadashaqaynta Hay'adaha Amniga ee Dalka iyo Deegaanka Soomaalida ayaa lagu qabtay magaalada Jigjiga.
‎
‎Shirkan ayaa lagaga wadahadlayay waayo aragnimada uu Deegaanka Soomaalidu u leeyahay Arrimaha Nabadaynta iyo Maaranta Xalinta Khilaafaadka Bulshada, iyadoo la isticmaalayo odayaasha Golaha Nabada iyo Midnimada iyo qaybaha kala duwan ee bulshada Deegaanka, iyadoo lala kaashanayo Hay'adaha Amniga ee Dalka iyo Deegaanka taasoo horseeday inay deegaanada kale ee Dalka ay Deegaanka Soomaalida usoo doontaan khibrada ay u leeyihiin maaraynta amniga.
‎
‎Hogaanka Nabadgalyada DDS Mudane Cabdiqaadir Rashiid Ducaale oo Shirwaynahani furay ayaa sheegay in nabadgalyada maanta ka jirta ay ku timid iskaashiga hay'adaha kala duwan ee amniga iyo qaybaha kala duwan ee bulshada Deegaanka taasoo horseeday in maanta Deegaanka Soomaalidu uu yahay midka ugu nabdoon guud ahaan deegaanada dalka.
‎
‎Shirwaynahaoo ay soo qabanqaabisay Wasaarada Nabadda JDFI oo kaashanaysa Xafiiska Nabadgalyada DDS waxaa kasoo qaybgalay Wasiiru-dawlaha Wasaarada Nabada JDFI Dr. Khayradiin Tasara, Hogaanka Nabadgalyada DDS Mudane Cabdiqaadir Rashiid Ducaale, Kuxigeenka Xafiiska Nabadgalyada Mudane Maxamed Maxamuud, odayaasha Golaha Nabada iyo Midnimada Deegaanka, masuuliyiinta gobollada Faafan iyo Erer, saraakiisa Ciidanka Difaaca Qaranka, Booliska Federaalka, culimo'udiinka iyo qaybo ka mid ah bahda saxaafada Dalka iyo Deegaanka.

‎Wixii macluumaad dheeraad ah, booqo
‎👇
‎https://linktr.ee/Warfaafinta
Xafiiska Warfaafinta Deegaanka Somalida

03/09/2026

Wafti uu hogaaminayo Madaxa Xafiiska Xisbiga Barwaaqo ee Deegaanka Soomaalida, Eng. Maxamed Shaalle Isaaq ayna ku wehliyan qaar ka mid ah hoggaaminta deegaanka ayaa kormeeray mashaariicaha horumarineed ee Maamulka Magaalada Tog-wajaale.

Masuuliyiintu waxay booqdeen mashaariic ay ka mid yihiin Adeegga Halgoob (MESOB), Xafiiska Shaqo-abuurka, Guryaha Danyarta, Dugsiga Sare, Isbitaalka Darajada 1-aad iyo Hallka Magaalada, sidoo kalena waxay kormeereen xarumaha dhaqashada digaagga iyo kaydka dalagyada beeraha.

Intii uu kormeerku socday, waxay kulan la yeesheen Maamulka iyo Kabineetka Magaalada Tog-wajaale, oo ka warbixiyey waxqabadkii magaalada ee S.M. 2018 T.I. iyo hirgelinta hindiseyaasha Xisbiga Barwaaqo.

Kormeerkan ayaa qayb ka ah kormeerro ay hoggaaminta sare ee deegaanka ku qiimaynayaan waxqabadka, adeegyada bulshada iyo mashaariicaha horumarineed ee ka socda gobollada iyo maamul-magaalooyinka deegaanka.

03/09/2026

Waftigii uu hoggaaminayey Madaxweyne Ku-xigeenka DDS Mudane Ibraahim Cusmaan Faarax, oo ay wehelinayaan masuuliyiin heer deegaan ah oo ay ka mid yihiin Wasiirka Xafiiska Madaxweynaha DDS Xuseen Xaashi Qaasim (Ph.D) ayaa saaka sii waday kormeer lagu samaynaayey Goobaha adeeg-bixinta iyo mashaariicaha horumarineed

Kormeerkan oo qayb ka ah socdaal uu waftigu maalmahan ku marayay labada gobol, ee Shabeelle iyo Qoraxay ayaa ujeeddadiisu tahay in si dhow loogu kuurgalo heerka fulinta qorshayaasha Xukuumadda, tayada mashaariicda socda iyo in adeegyada bulshada loo diyaariyay ay u socdaan sidii loogu talagalay, si muwaadiniintu u helaan adeegyo hufan oo tayo leh.

Waftigu waxa uu booqday Xarunta Masob, oo loogu talagalay in adeegyada kala duwan ee dawladdu hal goob la isugu geeyo, taas oo qayb ka ah dadaalka Xukuumaddu ku casriyaynayso adeeg-bixinta, kuna yaraynayso wakhtiga iyo kharashka ay bulshadu ku bixiso helitaanka adeegyada dawladda.

Masuuliyiintu waxay sidookale kormareen Dugsiga Barbaarinta Qabridahare, qaybta MCH-ga ee lagu kordhiyay Cisbitaalka Magaalada Qabridahare, iyo Garoonka Weyn ee Kubadda Cagta Qabridahare.

Mashaariicdan ayaa marka la dhamaystiro wax weyn ka badali doona tayada adeegyada bulshada, isla markaana magaalada ku soo kordhin doona fursado shaqo-abuur, koboc dhaqaale iyo adeegyo casri ah oo daboolaya baahiyaha bulshada.

Kormeerka socda ayaa muujinaya muhiimadda ay Xukuumadda Deegaanku siinayso in qorshayaasha iyo mashaariicdu aanay ku ekaan oo keliya hirgelin, balse si joogto ah loo hubiyo tayadooda, natiijadooda.

Waftigu wuxuu sii wadi doonaa kormeerka iyo qiimaynta hawlaha mudnaanta leh ee Gobolka Qoraxay, iyadoo socdaalkan shaqo uu qayb ka yahay dadaalka lagu xaqiijinayo in qorshayaasha horumarineed ee Xukuumaddu ay gaadhaan bulshada, isla markaana ay keenaan isbadal muuqda.

02/09/2026

Golaha Xildhibaanada DDS ayaa munaasabad casho sharaf iyo abaalmarin ah u qabtay Gudiyadii Joogtada ahaa ee Golihii 6aad

Munaasabaddan ayaa waxaa kasoo qayb gallay, Af-hayeenka Gollaha Xildhibaanada Deegaanka Marwo Ayaan Cabdi Maxamed, Af-hayeen Kuxigeenka, masuuliyiinta xafiiska, guddiyadda joogtadda ah ee golihii 6aad, iyo hawl-wadeeenadda Xafiiska. munaasibadan ayaana ahayd mid lagu maamuusayey doorkii ay ka qaateen gudashada hawlaha shaqo ee gollaha, iyo u adeegidda shacabka, iyadoona lagu guddoonsiinayey shahaado sharafyo, si loogu mahadceliyo kaalintii iyo shaqadii ay kasoo qabteen hawlaha Gollaha.

Afhayeenka Golaha Xildhibaanada DDS Marwo Ayaan Cabdi Maxamed iyo Afhayeen-ku-xigeenka Mudane Ibraahim Xasan, oo ka hadlay munaasibadda ayaa uga mahadceliyey guddiga, dadaalkii iyo waajibaadkii ay kasoo qabteen muddadii ay xilka hayeen, iyagoona kula dardaarmay inay sii xoojiyaan doorkooda iyo ka-qaybqaadashadda horumarinta iyo u adeegidda bulshada.

Ugu dambayn guddiyadda joogtadda ee Gollihii Lixaad iyo hawl-wadeenadda xafiiska ayaa la guddoonsiiyay shahaaddo sharafyo, ujeedkoodu yahay mahadnaq iyo dhiirigalinta waajibkaadkooddii shaqo, maadaama ay udub dhexaad u ahaayeen, shaqooyinkii kala duwanaa ee xiligii xildhibaanadda gollaha 6aad.

Xafiiska Warfaafinta Deegaanka Somalida

Wixii faahfaahin dheeraad ah, booqo
‎👇
‎https://linktr.ee/Warfaafinta

02/09/2026

"Shabeelley Resort waa mashruuc weyn oo tusaale nool u ah horumarka bari ee dalkeenna, Wuxuuna mashruucan si dhab ah u caddeeyay ballanqaadkeeni ahaa inaan Itoobiya ka dhigno xarunta dalxiiska ee Afrika ugu horreysa.” — R/Wasaare Dr. Abiy Axmed.

02/09/2026

Xafiiska Adeegga Isgaarsiinta Dowladda (wasarada Warfaafinta JDFI) ayaa sheegay in maalmaha Baaqume loogu dabaaldegi doono qaab muujinaya koboca Itoobiya iyo guulaha guud ee la gaaray.
‎
‎Wasiiru-Dawlaha Adeegga Isgaarsiinta JDFI Mudane Kebedhe Dhesisa, oo war-saxaafadeed ku qabtay xarunta wasaarada ayaa warbaahinta uga warbixiyay magacyada maalmaha Pagume ee sannadka 2018, iyadoo halku dheh looga dhigay Kobaca "dib-u-kabashada itoobiya"
‎
‎Baagume 1. Maalinta Horumarka: masuulka ayaa xusay in maalintani lagu muujinayo in Itoobiya ay ka gudubtay kobac gaabis ah, una gudubtay waddada kobac degdeg ah oo horumar leh.
‎
‎Wuxuu sheegay in maalintan lagu soo bandhigi doono isbeddellada iyo horumarka la taaban karo ee laga sameeyay dhammaan dhinacyada kala duwan.
‎
‎Baagume 2 – Maalinta kor u kaca, Maalintan oo loogu magac daray Maalinta kor u kaca ayaa lagu xusi doonaa munaasabado muujinaya safarka Itoobiya ee ay ugu gudubtay horumar dhinacyo badan leh.
‎
‎Waxa uu sidoo kale sheegay in maalintan lagu muujin doono sida Itoobiya uga soo baxday caqabadihii dib-u-dhaca ahaa iyo dib-u-kaceeda.
‎
‎Baagume 3. Maalinta Adkaysiga: Maalintan waxaa loo dabaaldegi doonaa “Maalinta Adkaysiga iyadoo lagu muujinayo sii wadidda adkaysiga taariikhiga ah, laguna xusayo geesiyaashii dalka iyo abuurista geesiyaal cusub. Sidoo kale, maalintaas saacadda lixda subaxnimo waxaa la qaban doonaa munaasabad lagu taagayo calanka qaranka.
‎
‎Baagume 4. Maalinta Kala-duwanaanshiyaha: masuulka ayaa sheegay in maalintaas lagu xoojin doono midnimada iyo iskaashiga, iyadoo la qaban doono munaasabado dhiirrigelinaya wadatashiga. Waxa kale oo maalintaas adeeg caafimaad oo bilaash ah la siin doonaa 150 kun oo qof, ciyaaro, taageerada ardayda, wadaagista cuntada iyo dhiig-shubista.
‎
‎Baagume 5. Maalinta Berri: Waxa uu sheegay in maalintaas lagu xusi doono munaasabado ku saleysan kaabeyaasha dijitaalka ah iyo sirdoonka macmalka ah (AI).
‎
‎Wixii macluumaad dheeraad ah, booqo
‎👇
‎https://linktr.ee/Warfaafinta

01/09/2026

TACSI MADAXWEYNE
‎
‎INAA LILAAHI WA INAA ILAAHI RAAJICUUN
‎
‎Madaxweynaha DDS Mudane Mustafe Muxumed Cumar ayaa Eheladda, qaraabada iyo dhamaan shacabka Deegaanka Soomaalida uga tacsiyeeyay geerida naxdinta leh ee ku timid allaha unaxariistee Marxuum Dr. Cabdinaasir Axmed, Madaxweynihii h**e ee Jaamcadda Jigjiga.
‎
‎Madaxweyne Mustafe Muxumed Cumar ayaa sheegay in Marxuumku ahaa gardaadiyaha Jaamacadda jigjiga kaasoo gashi badana galiyay waxbarashadda Deegaanka Soomaalida.
‎
‎Ugu dambeyn madaxweyne Mustafe Muxumed Cumar ayaa marxuumka Allah swc uga baryey inuu Janatul firdowsa ka waraabiyo

Xafiiska Warfaafinta Deegaanka Somalida
‎Wixii macluumaad dheeraad ah, booqo
‎👇
‎https://linktr.ee/Warfaafinta

Xafiiska Warfaafinta Deegaanka Somalida

03/09/2026

03/09/2026

03/09/2026

03/09/2026

03/09/2026

03/09/2026

02/09/2026

02/09/2026

02/09/2026

01/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request