Xafiiska Golaha Xildhibaanada DDS

29/08/2026

Warbixinta waxqabadka madasha haweeenka (Kokaska) ee xildhibaanadda golaha lixaad ayaa ka qabsoontay madasha kulamada ee hotel Lotus.

Kulankan oo ay soo agaasintay hay’adda Cosmo Dev ayaa lagusoo bandhigay waxqabadka 4-tii sano ee lasoo dhaafay ee madasha haweenka, iyadoona intii uu socday la qabtay dood cilmiyeed ku saabsan caqabadaha haweenka ee dhinacyada dhaqaalaha, siyaasadda iyo arrimaha bulshada.

Gudoomiyaha madasha haweenka xildhibaanadda golaha lixaad (Kokaska), Marwo Aasiya C/laahi Ceelaabe oo shirgudoominaysay kulankan, ayaa faahfaafin ka bixisay qorsheyaasha madasha iyo waxyaabaha u qabsoomay, iyadoona xustey in madashu diirada saarto xoojinta doorka haweenka ee ka qaybgalka siyaasadda iyo arrimaha bulshadda.

Kulanka ayaa sidoo kale lagu falanqeeyay casharradii laga bartay, caqabadaha jira iyo qorshayaasha mustaqbalka, iyadoo la isla eegay tallaabooyin wax-ku-ool ah oo lagu xoojinayo doorka iyo ka-qaybgalka haweenka ee horumarinta bulshada iyo go’aan-qaadashada.

21/08/2026

Shirweynihii 18-aad ee hoggaaminta Golleyaasha Degmooyinka iyo Maamul-Magaalooyinka Deegaanka, ayaa galinkii dambe ee maanta lasoo gabagabeeyey, kaddib muddo laba maalmood ah oo uu socdey

Shirweynahan oo ah mid sanadle ah, oo ay ka qayb-galleen hoggaaminta goleyaasha baarlamaanka degmooyinka iyo maamul-magaalooyinka, ayaa lagu soo bandhigay warbixinno, talooyin iyo aragtiyo lagu xoojinayo hufnaanta, isla-xisaabtanka iyo gudashada waajibaadka loo igmaday goleyaasha, iyadoona hoggaaminta golleyaashu ay qaateen tababaro kalla duwan oo korloogu qaadayo garaadkooda aqooneed, lana xidhiidha shaqada ay hayaan.

Afhayeenka Golaha Baarlamaanka DDS marwo Ayaan Cabdi Maxamed, oo soo xidhey shirweynahan, ayaa dardaaran u jeedisey, dhammaan hoggaaminta goleyaasha, kuna adkaysey inay si xilkasnimo iyo masuuliyad leh u gutaan waajibaadkooda shaqo, sidoo kalena hoggaaminta goleyaashu ay door muuqda ka qaataan wacyigelinta bulshada, gaar ahaan dhiirrigelinta qaadashada Aqoonsiga Qaranka, kor-u-qaadista dakhliga iyo horumarka guud, af-hayeenka ayaana ku boorisey hoggaaminta inay xoojiyaan maamulka suuban, isla-xisaabtanka iyo wada-shaqaynta hay’adaha dawladda, sei loo helo adeeg hufan iyo horumar waara oo bulshada deegaanku ka faa’iideysato.

Ugu dambayn, qaar kamid ah hoggaamiyeyaasha goleyaasha degmooyinka iyo maamul-magaalooyinka, gaar ahaan hormuudkii ku suntanaa shaqo wanaagga, ayaa la guddoonsiiyey abaal-marino isugu jira shahaado sharafyo iyo laptop-yo, taas oo ahayd dhiirrigelin loogu muujinayey dadaalkii iyo waxqabadkii wanaagsanaa ee ay muddadii shaqada muujiyeen.

20/08/2026

Shirweynaha 18-aad ee Wadatashiga Hoggaaminta Golayaasha Baarlamaanka Degmooyinka iyo Maamul-magaalooyinka Deegaanka ayaa maanta ka furmay madasha kulamada ee Kulliyada Maaraynta iyo Adeegga Shacabka DDS.

Af hayeenka Golaha Xildhibaanadda DDS Marwo Ayaan Cabdi Maxamed oo furtay kulankan ayaa sheegtay in shirweynahan inta uu socdo lagu soo bandhigi doono waxqabadka golayaasha degmooyinka iyo maamul-magaalooyinka, sidoo kalena la isku qiimayn doono waxqabadkii, qorsheyaashii uyaallay, iyo caqabadaha jira, iyadoo diiradda lagu saarayo tayaynta iyo xoojinta shaqada golayaasha.

Shirweynahan oo socon doona mudo laba maalmood ah ayaa waxaa sidoo kale qayb ka ah saddex tababar oo lagu xoojinayo aqoonta iyo tayada shaqo ee goleyaasha baarlamaanka degmooyinka iyo maamul-magaalooyinka. Tababaradan ayaana ku saabsan siyaasadda dowladda iyo maamulka suuban, kormeerka iyo qiimeynta mashaariicaha, tayaynta iyo hawlgelinta Guddiyada Joogtada ah iyo shaqaalaha degmooyinka iyo maamul-magaalooyinka.

29/07/2026

"Golihii 6aad ee Xildhibanada deegaanku waa gole taariikh wayn kule deegaanka maadaama oo uu howlo balaadhan ka qabtay deegaanka" Marwo Ayaan Cabdi, Af-hayeenka Golaha Xildhibaanada Deegaanka

29/07/2026

28/07/2026

Sawiro: Munaasabada Sagootinta Xildhibaannadii Golaha 6-aad ee Baarlamaanka DDS

28/07/2026

Kalfadhigii 11-aad ee Golaha 6-aad ee Xildhibaanada Deegaanka ayaa maanta si rasmi ah loo soo gabagabeeyey, kaddib muddo laba maalmood ah oo uu socday.

Kalfadhigan oo ahaa kii ugu dambeeyey ee Golaha 6-aad ayaa intii uu socday lagaga dooday ajandayaal muhiim ah oo la xidhiidha hawlaha Golaha, waxqabadka Xukuumadda iyo hay’adaha kala duwan ee dowladda.

28/07/2026

Tacsi

Waxaan shacabwaynaha deegaanka, Golaha Xildhibaanada, ehelka iyo qaraabadaba uga tacsiyadaynayaa geerida xanuunka leh ee kutimid allaha unaxariistee marxuum Salaad Cusmaan Horar oo kamid ahaa golihii xildhibaanada deegaanka ee ugu horreeyay ee la aasaasay horaantii 1990-meeyadii, kaasoo loo asteeyay inuu matalo bulshada heer degmo iyo heer deegaanba. Waxuuna kamid ahaa xildhibaanada tirada yar ee ilaa iyo shan xili doorasho oo isku xigga lasoo doortay.

Waxaan eebe uwaydiinaynaa naxariis waasac ah iyo inuu janadiisa kucasuumo.

Afhayeenka Golaha Xildhibaanada Deegaanka Soomaalida
Marwo Ayaan Cabdi Maxamed

27/07/2026

Kal-fadhiga 11aad ee golaha 6-aad ee Xildhibaanada DDS ayaa si rasmi ah uga furmay Madasha kulamada ee Xafiidka Golaha Xildhibanaada ee Magaalada Jigjiga

Af-hayeenka golaha xildhibaanada DDS Marwo Ayaan Abdi Maxamed oo Kal-Fadhigan 11aad furtay ayaa kadib markii ay Xaqiijisay in Kooramka kal Fadhigi buuxo, iyadoo 273 Xilfhibaan ee Goluhu ka kooban yahay ay kasoo Qaybgaleen 215 Xildhibaan,

Sidookale Afhayeenka a soo jeedisay Ajendayaasha hor yaala kal fadhigan 11-aad ee golaha 6-aad ee xildhibaannada deegaanka oo kala ahaa sidan :-

​1.Ansixinta Hadal-qoraaleedkii Kal-fadhigii 10aad ee Golaha 6aad.

2.​Dhagaysiga iyo Ansixinta Warbixinta Waxqabadka Xukuumadda DDS ee S.M 2018 T.I.

3.​Dhagaysiga iyo Ansixinta Warbixinta Waxqabadka.Golaha Xildhibaanada DDS ee S.M 2018 T.I.
​
4.Soo jeedinta iyo dhagaysiga Warbixinta Waxqabadka Hay'adda Garsoorka ee S.M 2018 T.I.

5..​Soo jeedinta iyo dhagaysiga Warbixinta Waxqabadka Hanti-dhawrka Guud ee S.M 2018 T.I.

6.Soo jeedinta iyo dhagaysiga Warbixinta Waxqabadka Wakaaladda Warbaahinta DDS ee S.M 2018 T.I.

7.​Dhagaysiga iyo Ansixinta Warbixinta Waxqabadka koomishinka Baadhista Tacadiyadii ka dhacay Deegaanka Soomaalida.
​Meel-marinta Bayaanka Miisaaniyadda S.M 2019 T.I.

8.​Bayaanka Meelmarinta Miisaaniyadda Dheeraiga ah Wajiga labaad ee S.M 2018 T.I.

9.​Soo jeedinta iyo Ansixinta Xeer Nidaameedka Ujuurada Garsoorka ee Xafiiska Maxkamadda Guud DDS.

10.​Bayaanka Aqoonsiga iyo Ilaalinta Xabsiga Dhexe ee deegaanka ee loo yaqaan Jeel Ogaadeen si loogu asteeyo Goob xasuus u ah Tacadiyadii dhacay ee loo gaystay Bulshada Deegaanka.

​11.Bayaanka Wax-ka-badalka Bayaanka Canshuurta Dakhliga DDS.

12Dhaarinta Mas'uuliyiinta Cusub

20/07/2026

Shaqaalaha iyo masuuliyiinta Xafiiska Golaha Xildhibaanada DDS ayaa si wadajir ah usameeyay barnaamij isugu jiray dhiigshubis iyo dhirbeeris.

Madaxa Xafiiska Golaha Xildhibaanada DDS Mudane C/naasir Faarax Cali ayaa sheegay barxada xafiiska in ay si wadajir ah uga sameeyeen barnaamijkii tabarucaadka bilaha xagaaga oo ay ka qaybqaadanayaan hawlwadeenada xafiisku, waxa uuna xusay masuulku inay sameeyeen dhiigshubis iyo dhirbeeris kuna beereen saaka 200 geed sidaas daraadeed mudada lagu jiro bilaha xagagaaga sii wadayaan shaqooyinka samafalka.

Dhanka kale qaar ka mid ah shaqaalihii ka qaybqaatay ololahan ayaa balanqaaday inay daryeelayaan geedaha ay beereen.