Xafiiska Dakhliga DDS

Xafiiska Dakhliga DDS Kani waa bogga rasmiga ah ee Xafiiska Dakhliga DDS.

Kulan ku Saabsan Dardargelinta Dakhliga Maamulka Magaalada JigjigaHoolka Shirarka Xafiiska Dakhliga ayaa lagu qabtay kul...
25/08/2026

Kulan ku Saabsan Dardargelinta Dakhliga Maamulka Magaalada Jigjiga

Hoolka Shirarka Xafiiska Dakhliga ayaa lagu qabtay kulan looga hadlay dardargelinta iyo kor u qaadista dakhliga Maamulka Magaalada Jigjiga, iyadoo diiradda lagu saaray hirgelinta qorshaha dakhliga ee sannad-miisaaniyadeedka 2019 T.I.

Kulankan waxaa shir-guddoominayay Wasiirka Xafiiska Dakhliga, Mudane Muxiyadiin Cabdi Faarax, iyo Wasiir Ku-xigeenka Xafiiska MadaxweynahaDDS, Mudane Cabdirisaaq Sayid. Kulanka ayaa waxaana kasoo qaybgalay masuuliyiinta iyo hawlwadeenada maamulka magaalada Jigjiga.

Intii uu kulanku socday, masuuliyiinta, ayaa carrabka ku adkeeyay muhiimadda ay leedahay in la xoojiyo wacyigelinta iyo fahamka canshuur-bixiyayaasha, si ay si buuxda u fahmaan waajibaadkooda sharci iyo muhiimadda ay canshuuruhu u leeyihiin horumarka iyo adeegyada bulshada.

Wasiirka xafiiska dakhliga Mudane Muxiyadiin Cabdi Faarax waxa kale oo uu tilmaamay in ay muhiim tahay in si wadajir ah loo dardargeliyo hawlaha dakhliga, lana qaado tallaabooyin wax-ku-ool ah oo lagu xaqiijinayo in la gaadho qorshaha dakhli ee loo dejiyay MMJ SM2019 T.I.

Ugu dambayntii, kulanka ayaa la Isla qaatay in la xoojiyo wada-shaqaynta hay’adaha ay khusayso, korna loo qaado wacyiga canshuur-bixiyayaasha, lana dardargeliyo dadaallada lagu xaqiijinayo kobaca dakhliga iyo gaadhista yoolalka la qorsheeyay.

Shirka Guddiga Maaraynta Xafiiska DakhligaSoo Koobidda Warbixinta Dakhliga Bisha Hamle 2018 T.IShirka Guddiga Maaraynta ...
17/08/2026

Shirka Guddiga Maaraynta Xafiiska Dakhliga

Soo Koobidda Warbixinta Dakhliga Bisha Hamle 2018 T.I
Shirka Guddiga Maaraynta Xafiiska Dakhliga ayaa looga hadlay warbixinta dakhliga ee bisha Hamle.

Shirkan waxaa hoggaaminayay Wasiirka Xafiiska Dakhliga, Mudane Muxiyadiin cabdi Faarax.
Guddigu wuxuu si faahfaahsan u eegay dakhliga la qorsheeyay iyo dakhliga la ururiyay, iyadoo la qiimeeyay heerka waxqabadka iyo farqiga u dhexeeya qorshaha iyo natiijada la gaaray.

Sidoo kale, waxaa si qoto dheer looga wada hadlay caqabadaha saameeyay ururinta dakhliga iyo sidii loo xoojin lahaa dadaallada lagu kordhinayo dakhliga.
Guddigu wuxuu isla gorfeeyay muhiimadda ay leedahay wada-shaqaynta, dabagalka joogtada ah iyo wacyigelinta canshuur-bixiyeyaasha.

Ugu dambayn, Guddigu wuxuu isla qaatay in la sii xoojiyo dabagalka waxqabadka dakhliga, lana qaado tallaabooyinka lagama maarmaanka ah si loo gaaro yoolalka dakhliga ee xafiiska.

#
canshuurtu waa horumarka deegaanka.

Diyaarinta qorshayaasha dakhliga iyo jajabinta miisaaniyada 2019 ee gobolka doollo.Xafiiska Dakhliga DDS iyo masuuliyii...
12/08/2026

Diyaarinta qorshayaasha dakhliga iyo jajabinta miisaaniyada 2019 ee gobolka doollo.

Xafiiska Dakhliga DDS iyo masuuliyiinta degmooyinka gobolka Doollo ayaa kala saxiixday heshiis lagu dardargelinayo hawlaha la xidhiidha uruurinta iyo soo saarista dakhliga loo qoondeeyay degmooyinka gobolka.

Shirka waxaa ka soo qaybgalay munaasabadda saxiixa heshiiska Wasiir Kuxigeenka Xafiiska Dakhliga DDS Mudane Cali Baaruud, guddoomiyaha gobolka Doollo Mudane Cabdulaahi Deeq Xasan iyo hogaaminta degmooyinka, kuwaas oo ka wada qaybqaadanaya diyaarinta iyo qorshaynta miisaaniyadda sannadka cusub ee 2019-ka.

Sidoo kale, xubno ka socday Xafiiska Maaliyadda iyo Dakhliga ee heer Deegaan ayaa ka qaybgalayaasha u soo bandhigay habraacyada, tilmaamaha iyo sidoo kale qaabka loo diyaarinayo islamarkaana qorshaynayo miisaaniyadda sannadka 2019-ka. T.I.

Xafiiska Dakhliga DDS iyo Masuuliyiinta Degmooyinka Gobolka Qoraxay ayaa Kala Saxiixday Heshiis lagu dardargalinayo hawl...
11/08/2026

Xafiiska Dakhliga DDS iyo Masuuliyiinta Degmooyinka Gobolka Qoraxay ayaa Kala Saxiixday Heshiis lagu dardargalinayo hawlaha dakhliga.

Heshiiskan ayaa ujeeddadiisu tahay in la xoojiyo dadaallada lagu xaqiijinayo dakhliga loo qorsheeyey degmooyinka Gobolka Qoraxay, iyo in si hufan loo gaadh-siiyo bartilmaameedyada dakhliga ee loo dejiyey sanad-miisaaniyadeedka 2019 T.I.

Munaasabadda saxiixa heshiiska waxaa ka qaybgalay Wasiir Ku-xigeenka Xafiiska Dakhliga DDS, Mudane Cali Baaruud, Guddoomiye Ku-xigeenka Gobolka Qoraxay, Mudane Mustafe Mahdi Badal, guddoomiyeyaasha degmooyinka iyo hoggaaminta degmooyinka oo xarunta gobolka u joogay diyaarinta qorshaha sanad-miisaaniyadeedka 2019 T.I.

Ugu dambayntii, dhinacyada ayaa qalinka ku duugay heshiiskan oo lagu dardargelinayo hawlaha dakhliga, laguna xoojinayo wada-shaqaynta Xafiiska Dakhliga DDS iyo maamulada degmooyinka Gobolka Qoraxay.

SHIRKA QORSHEYNTA MIISAANIYADDA DEGMOOYINKA GOBOLKA NOGOB.Waxaa maalintii labaad galay shirka diyaarinta qorshaha miisaa...
11/08/2026

SHIRKA QORSHEYNTA MIISAANIYADDA DEGMOOYINKA GOBOLKA NOGOB.

Waxaa maalintii labaad galay shirka diyaarinta qorshaha miisaaniyadda degmooyinka Gobolka Nogob ee SM 2019 T.I., shirka maanta waxaa lagudagalay is-waafajinta qorsheynta qabyada ah degmooyinka iyo yoolalka horumarinta ee heerka deegaan.

Kulankan waxaa hoggaaminayay mas'uuliyiin ka socda heer deegaan oo ay kamidyihiin: Mudane C/waaxid Cabdi – Wasiir Ku-Xafiiska Dakhliga DDS, Mudane C/raxmaan Salaad – Wasiir Ku-xigeenka Xafiiska Maaliyadda DDS iyo Mudane Maxamed Xuseen – Gudoomiyaha Gobolka Nogob.

Degmo kasta oo ka tirsan Gobolka Nogob ayaa soo bandhigtay qorshaheeda miisaaniyadda ee hordhaca ah, iyadoo ku salaynaysa meelaha mudnaanta leh kana duulaysa miisaaniyadda loo qoondeeyay.

Hoggaaminta heer deegaan iyo gobolka ayaa ka tala-bixiyay qorshayaasha ay soo jeediyeen degmooyinka si loo xaqiijiyo inay si buuxda u waafaqsan yihiin jihooyinka siyaasadeed iyo istiraatiijiyadda horumarinta DDS iyo dalka.

Tala-bixinta hogaaminta heer deegaan waxay xoogga saaraysay muhiimadda ay leedahay in la hubiyo in mashruuc kasta oo la qorsheeyay uu si toos ah u daboolayo baahiyaha aasaasiga ah ee bulshooyinka kunool degmooyinka Gobolka Nogob.

Gabagabadii kulanka maanta waxaa lagu soo af-meeray heshiis is-afgarad ah oo dhexmaray Xafiiska Dakhliga DDS iyo Gobolka Nogob iyo Degmooyinka Gobolka, heshiiskaas oo ku qotoma balan-qaadka hogaaminta ee ka midha-dhalinta qorshaha dakhliga ee SM 2019 T.I looga fadhiyo degmooyinka iyo dowladaha hoose ee Gobolka Nogob.

Dardargalinta qorshaha dakhliga ee gobolka shabeele iyo heshiisyada fulinta qorshaha 2019.Waxaa maanta maamulka magaalad...
11/08/2026

Dardargalinta qorshaha dakhliga ee gobolka shabeele iyo heshiisyada fulinta qorshaha 2019.

Waxaa maanta maamulka magaalada goday si rasmi ah uga furmay shirka diyaarinta qorshaha Miisaaniyadda SM 2019 T.T. ee degmooyinka Gobolka shabeele

Shirkan muhiimka ah oo diiradda lagu saarayo nidaaminta maamulka dhaqaalaha, sarre u qaadidda dakhliga gudaha, iyo adkaynta hufnaanta miisaaniyadeed ee heer degmo, waxaa si wada-jir ah u furay mas'uuliyiin ka socda heer deegaan iyo heer gobol:

Kulankan ayaa qayb ka ah qorshayaasha xukuumada ee ku aadan sidii qorshaha diyaarinta miisaaniyada uu u noqon lahaa mid lajaan-qaadaya jihada horumarineed ee dalka iyo deegaanka, si habboona uga jawaabaya baahiyaha horumarineed iyo adeegyada aas-aasiga ah ee bulshada kudhaqan Gobolka shabeele.

Sidoo kale waxaa goobtaa lagu kala sexeexday heshiisyo ka dhan ah hadafka iyo kamidho dhalinta qorshayaasha dakhli dhalinta sanadka 2019, gudoomiyaha gobolka shabeele iyo maamulada dhamaan dagmooyinka katirsan gobolka shabeele.

Munaasabada abaalmarinta canshuur-bixiyayaasha maamulka magaalada .Xafiiska Dakhliga Maamulka Magaalada Godey wuxuu xafl...
10/08/2026

Munaasabada abaalmarinta canshuur-bixiyayaasha maamulka magaalada .

Xafiiska Dakhliga Maamulka Magaalada Godey wuxuu xaflad abaalmarina u qabtay ganacsatada iyo bulshada si xilkasnimada leh u gudatay waajibaadkooda canshuureed.
Canshuurta ay bixiyan waxay qayb ka qaadataa horumarinta adeegyada bulshada, dhismayaasha, kaabayaasha dhaqaalaha iyo kobcinta magaalada.

“Canshuurtaada maanta, waa horumarka magaaladaada barito.

Waxaa maanta Madasha Kulamada ee Kulliyadda Farsamada Magaalada Dhagaxbuur ka qabsoomay kulan wacyigelin ah oo ku saabsa...
10/08/2026

Waxaa maanta Madasha Kulamada ee Kulliyadda Farsamada Magaalada Dhagaxbuur ka qabsoomay kulan wacyigelin ah oo ku saabsan dakhliga iyo waajibaadka ganacsatada Magaalada Dhagaxbuur.
Kulanka waxaa shir-guddoomiyay Duqa Magaalada Dhagaxbuur, Mudane Cabdixakim Macalin, waxaana ku weheliyay Madaxa Xafiiska Dakhliga Magaalada, Mudane Muxyadiin Cabdicasiis.

Kulanka ayaa diiradda lagu saaray muhiimadda ay leedahay in ganacsatadu si hufan u gutaan waajibaadkooda dhinaca dakhliga, fahamka nidaamka dakhliga iyo xoojinta wada-shaqaynta ka dhexaysa maamulka magaalada iyo ganacsatada.

Sidoo kale, kulanka ayaa lagu dhiirrigeliyay ganacsatada sida wanaagsan uga soo baxay gudashada waajibaadkooda, waxaana gunaanadkii kulanka abaalmarinno la guddoonsiiyay ganacsatadii ugu wanaagsanayd ee ka midho-dhalisay bixinta iyo gudashada waajibaadkooda dhinaca dakhliga.

Kulankan ayaa qayb ka ah dadaallada lagu xoojinayo wada-shaqaynta, wacyigelinta iyo masuuliyadda wadajirka ah, si loo horumariyo dakhliga magaalada loona dardargeliyo adeegyada iyo mashaariicda horumarineed ee bulshada.

Ganacsade xilkas ahi waa laf-dhabarta horumarka magaalada.

SHIRKA DIYAARINTA QORSHAHA MIISAANIYADDA SM 2019 T.I. EE DEGMOOYINKA GOBOLKA JARAR AYAA KA FURMAY XARUNTA GOBOLKA JARAR ...
10/08/2026

SHIRKA DIYAARINTA QORSHAHA MIISAANIYADDA SM 2019 T.I. EE DEGMOOYINKA GOBOLKA JARAR AYAA KA FURMAY XARUNTA GOBOLKA JARAR MAGAALADA DHIAGABUUR

Waxaa maanta magaalada Dhagaxbuur si rasmi ah uga furmay shirka diyaarinta qorshaha Miisaaniyadda SM 2019 T.T. ee degmooyinka Gobolka Jarar.

Shirkan muhiimka ah oo diiradda lagu saarayo nidaaminta maamulka dhaqaalaha, sarre u qaadidda dakhliga gudaha, iyo adkaynta hufnaanta miisaaniyadeed ee heer degmo, waxaa si wada-jir ah u furay mas'uuliyiin ka socda heer deegaan iyo heer gobol:
🔹 Mudane Cabdiwaaxid Cabdi Qoraane Wasiir Kuxigeenka Xafiiska Dakhliga DDS
🔹 Mudane Maxamed Cabdi Baraax Wasiir Kuxigeenka Xafiiska Maaliyadda DDS
🔹 Mudane Cabdulaahi Madaxa Xarunta Xisbiga Barwaaqo ee Gobolka Jarar

Kulankan ayaa qayb ka ah qorshayaasha xukuumada ee ku aadan sidii qorshaha diyaarinta miisaaniyada uu u noqon lahaa mid lajaan-qaadaya jihada horumarineed ee dalka iyo deegaanka, si habboona uga jawaabaya baahiyaha horumarineed iyo adeegyada aas-aasiga ah ee bulshada kudhaqan Gobolka Jarar,

Waxaa kulanka lagu xusay in habka qorshaynta mişaaniyadda 2019 T.I. ay aasaas utahay xoojinta awoodda uruurinta dakhliga gudaha . Dhabbaha keliya ee lagu gaadhi karo iskufilnaansho dhaqaale, adeegyo bulsho oo tayo leh, iyo horumar waara oo ka hanoqaada degmooyinka Gobolka Jarar waa in loo dakhliga loo soo ururiyo hab hufan, casri ah oo ku dhisan mas'uuliyad.

‎Mas'uuliyiinta iyo Shaqaalaha Xafiiska Dakhliga DDS oo Ka Qayb Qaatay Ololaha Dhir-beerista ee Deegaanka‎‎Mas'uuliyiint...
03/08/2026

‎Mas'uuliyiinta iyo Shaqaalaha Xafiiska Dakhliga DDS oo Ka Qayb Qaatay Ololaha Dhir-beerista ee Deegaanka
‎
‎Mas'uuliyiinta iyo shaqaalaha Xafiiska Dakhliga (DDS) ayaa maanta ka qayb qaatay ololaha ballaadhan ee dhir-beerista, iyagoo geedo ku beeray Buundada Jidka 30 ee waddada Sheekh Cabdisalaan ee magaalada Jigjiga.
‎
‎Dhir-beeristan waxaa hoggaaminayay Wasiirka Xafiiska Dakhliga Mudane Muxiyadiin Cabdi Faarax,iyo Wasiir-ku-xigeennada Xafiiska iyo masuuliyiin kale, kuwaas oo si wadajir ah ula beeray geedaha shaqaalaha xafiiska, iyagoo muujiyay sida ay uga go'an tahay ilaalinta deegaanka iyo kordhinta dhirta cagaaran.
‎
‎Ololahan ayaa qayb ka ah qorshaha guud ee Dowladda Deegaanka Soomaalida, kaas oo maanta laga hirgeliyay guud ahaan deegaanka, laguna beerayo 2.85 milyan oo geedo kala duwan ah, si loo xoojiyo ilaalinta deegaanka, loo yareeyo saamaynta isbeddelka cimilada, loona abuuro deegaan cagaaran oo waara.
‎
‎

Address

Xaafada 6aad, Jidka Dhex Mara Kililka
Jijiga

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+251257754916

Website

Alerts

Be the first to know and let us send you an email when Xafiiska Dakhliga DDS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category