Xafiska Dhaqanka Iyo Dalxiiska DDS

Xafiska Dhaqanka Iyo Dalxiiska DDS Contact information, map and directions, contact form, opening hours, services, ratings, photos, videos and announcements from Xafiska Dhaqanka Iyo Dalxiiska DDS, Government Organization, Jigjiga, Jijiga.

Ololaha Sixitaanka Looxadaha ee magaalada Godly.Xafiiska Dhaqanka iyo Dalxiiska DDS ayaa magaalada Godey ka qabtay olola...
21/08/2026

Ololaha Sixitaanka Looxadaha ee magaalada Godly.

Xafiiska Dhaqanka iyo Dalxiiska DDS ayaa magaalada Godey ka qabtay ololaha sixitaanka qaab-qoraalka looxadaha/ boodhadhka ku dhajisan iridda h**e ee meheradaha ganacsiyada.

Ololahan oo markii sadexaad xafiisku ka wado magaalada Godey ayay ujeeddadiisu tahay horumarinta iyo ilaalinta Af-Soomaaliga, iyadoo ganacsatada lagu dhiirrigelinayo inay looxadahooda ku isticmaalaan Af-Soomaali sax ah, eray-bixin ku habboon adeegga ay bixiyaan, isla markaana ka tarjumaysa afka iyo dhaqanka bulshada Soomaaliyeed.

Madasha waxaa ka hadlay Duqa magaalada Godey, Mudane Cabdullaahi Cali Xaaji, iyo Agaasimaha Waaxda Horumarinta Afka, Taariikhda iyo Suugaanta ee Xafiiska Dhaqanka iyo Dalxiiska DDS, Mudane C. Shakuur Aadan, kuwaas oo ganacsatada iyo bulshada ugu baaqay inay si wadajir ah u ilaashadaan, u horumariyaan, una adeegsadaan Af-Soomaaliga.

Ganacsatada waxaa la faray inay muddo bil gudaheed ah ku saxaan looxadahooda, iyadoo tallaabo sharci ah laga qaadi doono meheradaha aan fulin mudada sixitaanka ee loo qabtay

Afkeennu waa aqoonsigeenna-ilaalintiisuna waa masuuliyad inawada saaran.

Waxaa maanta oo ay taariikhdu tahay 14-ka bishii 12-aad ee sannadka 2018-ka loo qabtay tababar kor loogu qaadayo garaadk...
20/08/2026

Waxaa maanta oo ay taariikhdu tahay 14-ka bishii 12-aad ee sannadka 2018-ka loo qabtay tababar kor loogu qaadayo garaadka aqooneed ee la xidhiidha fanka iyo dhaqanka, oo loo qabtay xubno ka tirsan saddexda kooxood ee dhaqanka ee Maamulka Magaalada Goday.

Agaasimaha Waaxda Warshadaha Dhaqanka ee xafiiska dhaqanka iyo dalxiiska,Mudane Ibrahin Muuse Ciise, oo furay tababarka ayaa xubnaha kooxaha ku boorriyey inay si joogto ah ugu dadaalaan sidii ay faham buuxa uga yeelan lahaayeen hawlaha dhaqanka ee ay ku hawlan yihiin, tabarkana uga faa'iidaysan lahaayeen, isla markaana kor ugu qaadi lahaayeen aqoontooda faneed iyo dhaqan. Sidoo kale wuxuu u iftiimiyay muhiimadda ay kooxaha dhaqanku u leeyihiin bulshada, isaga oo ku dhiirrigeliyey inay sii xoojiyaan adeegga ay bulshada u hayaan, ilaaliyaanna dhaqanka bulshada Soomaaliyeed, si dhaqanka loo dhaxalsiiyo jiilasha soo socda.

Tababarkan oo ahmiyad weyn u leh kobcinta aqoonta iyo fahamka xubnaha kooxaha dhaqanka, ayaa diiradda lagu saaray sidii kooxaha loo siin lahaa faham dhammaystiran oo ku saabsan dhaqanka, qaybihiisa kala duwan iyo doorka ay ku leeyihiin ilaalinta, horumarinta iyo gudbinta hiddaha iyo dhaqanka bulshada Soomaaliyeed.

Taariikhdu waa dhaxal, dhaxalkuna waa dalxiis.Halkani waa goob taariikhi ah, oo ku taalla Degmada Imey Galbeed ee Gobo...
20/08/2026

Taariikhdu waa dhaxal, dhaxalkuna waa dalxiis.

Halkani waa goob taariikhi ah, oo ku taalla Degmada Imey Galbeed ee Gobolka Afdheer.

Waa buurta Sarmaan oo ka mid ah dhaxalka iyo raadadka taariikhiga ah ee Soomaalida, gaar ahaan meelihii saldhigga u ahaa Sayid Maxamed Cabdille Xasan iyo Daraawiishtii sidoo kalena ahayd ardaa ay ku kulmi jireen kuna cawayn jireen.

Goobtani ma aha oo keliya meel taariikhdu ku duugan tahay; waa xusuus nool oo jiilasha maanta iyo kuwa soo socda u gudbinaysa dhacdooyin iyo raadad ka mid ah halgankii iyo taariikhdii Daraawiishta.

Dhanka dalxiiska, goobtu waxay leedahay qiime gaar ah, maadaama dalxiisayaashu ay halkan si toos ah ugu arki karaan goobo iyo raadad ay muddo dheer ku maqli jireen taariikh ahaan.

Intaa waxaa dheer, goobtu waxay ku taallaa dhul buuraley ah oo qurux dabiici ah leh, kaas oo indhaha soo jiita, isla markaana ka dhigaya meel ku habboon dalxiiska taariikhiga ah iyo dalxiiska dabiiciga ah.

Taariikhdu waa dhaxal, dhaxalkuna waa dalxiis. Aan ilaalino goobaha taariikhiga ah ee degaankeenna, una beddelno il aqoon, dalxiis iyo horumar waara.

Horumarinta marinada Jigjiga: oo fursad isku sidkan u noqday dhaqaalaha iyo dalxiiska.caasimadda Deegaanka Soomaalida, w...
20/08/2026

Horumarinta marinada Jigjiga: oo fursad isku sidkan u noqday dhaqaalaha iyo dalxiiska.

caasimadda Deegaanka Soomaalida, waxay si xawli ah ugu tallaabsanaysatay weji cusub oo isku xidhaya ganacsiga,adeegyada bulshada, dhaqanka, dalxiiska iyo maalgashiga.

Jigjiga waxay isku badashay xarun muhiim u ah ganacsiga iyo dalxiiska iyadoo ka faidaysanaysa horumarinta kooridorka iyo mashaariicda bilicda magaalada oo siinaya muuqaal casri ah, waxayna abuureysa fursado cusub oo kobcinaya dalxiiska iyo dhaqaalaha.

Horumarinta kooridorka magaalada waxaa ka mid ah waddooyinka casri ah ee loogu talagalay dadka lugaynaya iyo baaskiillada, goobo dadweyne oo qurux badan, nalal waddooyinka iyo ilo-biyoodyo casri ah, kuwaas oo kor u qaaday bilicda magaalada isla markaana abuuray jawi ku habboon dadka deegaanka iyo dalxiisayaasha.

Xanunta dalxiiska ee shabeelle ayaa sidoo kale door muhiim ah ka qaadanaysa kobcinta dalxiiska iyo shirarka muhiimka ee hay’adaha.

Horumarinta kaabayaasha magaaladu wuxuu sidoo kale fursad u abuuray huteellada, makhaayadaha iyo goobo madadaalada iyadoo marka dalxiisku kobco ay kordhayaan fursadaha shaqo-abuurka iyo ganacsiga, laga bilaabo adeegyada martigelinta iyo gaadiidka ilaa farsamada gacanta, adeegyada dalxiiska iyo ganacsiyada yaryar iyo kuwa dhex-dhexaadka ah.

Hada jigjiga ma aha oo keliya xarun ganacsi ee waxay si isa soo taraysa ugu tallaab sanaysaa inay noqoto xarun dalxiis, dhaqan, shirar, maalgashi iyo fursado dhaqaale.

Jigjiga waa magaalo kulmisay , dhaqan hodan ah, dalxiis kobcaya iyo fursado dhaqaale oo sii kordhaya.

Ku soo dhawoow degaanka soomaalida! Haddii aad raadinayso qurux dabiici ah, dhaqan hodan ah, taariikh fac weyn iyo waayo...
13/08/2026

Ku soo dhawoow degaanka soomaalida!

Haddii aad raadinayso qurux dabiici ah, dhaqan hodan ah, taariikh fac weyn iyo waayo-aragnimo aan la ilaawi karin.

Degaanka Soomaalidu waa goobta aad u baahan tahay inaad booqato.

U soo dalxiis Degaanka Soomaalida, oo indhahaaga ku soo arag dhul dihin, muuqaal dabiici ah, buuro, togag, bannaano qurux badan iyo hidde-dhaqameed soo jireen ah.

Soo booqo • Soo dalxiis • Soo xusuuso

Degaanka Soomaalida - dalxiis mudan in la ogaado, la booqdo, lana xusuusto.

Maalinta Caalamiga ah ee Maroodiga Adduunka.Maanta oo ah 12-ka Agoosto waa Maalinta Caalamiga ah ee Maroodiga adduunka (...
12/08/2026

Maalinta Caalamiga ah ee Maroodiga Adduunka.

Maanta oo ah 12-ka Agoosto waa Maalinta Caalamiga ah ee Maroodiga adduunka (World Elephant Day)

Waa maalin caalami ah oo lagu xoojinayo wacyiga ku saabsan ilaalinta maroodiga,ilaalinta deegaanka uu ku nool yahay iyo kala-duwanaanshaha bay'ada.

Maroodigu waa qayb muhiim ah oo ka mid ah xayawaanka naaslayda ah ee duurjoogta

wuxuuna door weyn ka qaataa ilaalinta iyo dheelitirka dabiiciga ah.

Ilaali maroodiga.
Ilaali degaanka.
Ilaali dhaxalka dabiiciga ah.

Qiimaynta Warbixinta waxqabadka sectarka dhaqanka iyo isboortiga ee heer dal.Magaalada Addis Ababa ayaa lagu qabtay qiim...
06/08/2026

Qiimaynta Warbixinta waxqabadka sectarka dhaqanka iyo isboortiga ee heer dal.

Magaalada Addis Ababa ayaa lagu qabtay qiimaynta waxqabadka 12-kii bilood ee Wasaaradda Dhaqanka iyo Isboortiga ee dib-u-eegista sannad-miisaaniyadeedka 2018, qorshaha miisaaniyadda 2019 iyo qorshaha istaraatiijiyadeed ee saddexda sano ee soo socota.

Shirka intii uu socday, ka-qaybgalayaasha ayaa si qoto dheer u falanqeeyay warbixinnada waxqabadka iyo qorshayaasha la soo bandhigay, iyagoo soo jeediyay talooyin wax-ku-ool ah oo lagu xoojinayo horumarinta bahda dhaqanka, fanka iyo isboortiga.

Mas'uuliyiinta Wasaaradda ayaa sheegay in mudnaanta sannad-miisaaniyadeedka 2019 ay diiradda saari doonto dhamaystirka garoomada ciyaaraha, hirgelinta siyaasadaha isboortiga, xoojinta munaasabadaha qaran ee kor u qaada midnimada shacabka, horumarinta warshadaha fanka iyo hal-abuurka, ilaalinta hidaha iyo afafka dalka, iyo dardargelinta dadaallada lagu xaqiijinayo barwaaqada Itoobiya.

Shirka ayaa ku soo idlaaday is-afgarad lagu xaqiijiyay in waxqabadkii sannad-miisaaniyadeedka 2018 uu horseeday guulo la taaban karo, isla markaana la sii xoojin doono dadaallada lagu horumarinayo dhaqanka, fanka iyo isboortiga si loo gaadho horumar waara oo dalka oo dhan laga dareemo.

Saaka Guud ahaan Deegaanka waxaa laga beerayaa 2.85 milyan oo geed.Masuuliyiinta sare ee xukuumadda DDS, oo uu ugu horre...
03/08/2026

Saaka Guud ahaan Deegaanka waxaa laga beerayaa 2.85 milyan oo geed.

Masuuliyiinta sare ee xukuumadda DDS, oo uu ugu horreeyo Madaxweyne Ku-xigeenka DDS Mudane Ibraahim Cusmaan Faarax, iyo bulshada qaybaheeda kala duwan ayaa saaka ka qayb galay ololaha dhir-beerista ee qaybta Jigjiga.

Xafiiska Dhaqanka iyo Dalxiiska DDS oo ka qayb qaadanaya dhir beerista maanta ayaa waxaa hogaaminayay masuuliyiinta Xafiiska Marwo Warsan Cawil Muxumed Madaxa xafiiska iyo mudane Cabdi Cumar Muxumed kuxigeenka madaxa Xafiiska.

Dhirta maanta la beerayo ayaa isugu jirta:

Dhirta kaymaha
Geed-midhoodka
Dhirta qurxinta
Dhirta calafka xoolaha
Dhirta faa'iidada leh

Guud ahaan deegaanka, maanta waxaa dhirta laga beerayaa 91 goobood oo baaxaddoodu dhan tahay 1,050.44 hektaar, kuwaas oo ku kala yaalla dhammaan degmooyinka iyo maamul-magaalooyinka deegaanka.

Gobolka Erar quruxda Dabiiciga ah ee Deegaanka Soomaalida.Gobolka Erar waa mid ka mid ah gobollada ugu hodansan quruxda ...
22/07/2026

Gobolka Erar quruxda Dabiiciga ah ee Deegaanka Soomaalida.

Gobolka Erar waa mid ka mid ah gobollada ugu hodansan quruxda dabiiciga ah ee Deegaanka Soomaalida waxaana dhex mara Togga Erar, oo ah togga gobolka loogu magac daray

Sawirkan waxaa ka muuqda buundada isku xidha magaalada Fiiq, ee Gobolka Erar, iyo Degmada Mayu-Muluuq, taas oo fududeysa isu socodka dadka, ganacsiga iyo horumarka deegaanka.

Muuqaalka buuraha, dooxooyinka cagaaran iyo biyaha Togga Erar ayaa ka dhigaya gobolka meel leh soo jiidasho dalxiis oo gaar ah.

Erar waa dhul ay ku kulmaan quruxda dabiiciga ah, taariikhda iyo hidaha, una qalma in la booqdo oo lagu dalxiiso.

Soo booqo Erar, kuna raaxayso quruxda dabiiciga ah ee aan la soo koobi karin.

Wasiir Ku-xigeennada Xafiiska Dhaqanka iyo Dalxiiska Dawladda Deegaanka Soomaalida, Mudane Salaad Dhabbar Yuusuf iyo Mud...
15/07/2026

Wasiir Ku-xigeennada Xafiiska Dhaqanka iyo Dalxiiska Dawladda Deegaanka Soomaalida, Mudane Salaad Dhabbar Yuusuf iyo Mudane Cabdi Cumar, oo ay wehelinayaan Lataliyaha Xafiiska Mudane Maxamed Kaahin iyo qaar ka mid ah Agaasimeyaasha Xafiiska, ayaa xarunta xafiiska ku qaabilay wafdi ka kala socday hay'adaha SDC, DT Global iyo SAF.

Kulankan ayaa diiradda lagu saarayay xoojinta iskaashiga, dar-dar gelinta iyo hirgelinta heshiiskii is-afgaradka (MoU) ee h**ey u dhexmaray labada dhinac.

Masuuliyiinta Xafiiska ayaa wafdiga la wadaagay horumarka laga sameeyey ilaalinta iyo horumarinta dhaqanka, hiddaha, fanka, farshaxanka, farsamooyinka iyo shirkadaha, iyagoo sidoo kale soo bandhigay qorshayaasha mudnaanta leh ee u baahan iskaashi farsamo iyo taageero horumarineed.

Wafdigu waxay muujiyeen sida ay uga go'an tahay sii wadidda wada-shaqaynta iyo taageerada dadaalladaas, Kulanka kaddib, wafdigu waxay booqdeen Madxafka Deegaanka Soomaalida, laba ka mid ah kooxaha dhaqanka ee magaalada Jigjiga, iyo Seeraha Wiilwaal (Wilwal Park), gaar ahaan Masraxa Furan.

Booqashadan ayaa ujeeddadeedu ahayd in lagu soo bandhigo goobaha muhiimka u ah dhaqanka iyo dalxiiska, iyadoo labada dhinac ay ku heshiiyeen in la sii xoojiyo iskaashiga lagu horumarinayo hiddaha, Aataarta, dhaqanka iyo warshadaha dhaqanka (hal-abuurka) ee deegaanka, gabo-gabadiina waxaa la gudoonsiiyay hadyado ka turjumaya dhaqankeena.

Address

Jigjiga
Jijiga

Telephone

+251912084571

Website

Alerts

Be the first to know and let us send you an email when Xafiska Dhaqanka Iyo Dalxiiska DDS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category