Waajjira Abbaa Alangaa Aanaa Kombolchaa

04/08/2026

📜Barruu Hubannoo Seeraa
🫱Komii Dhimma Kaffaltii Gibiraa (Taaksii) Daldalaan Dhiyeeffatu irratti Qophaawe ⚖️

🟢Labsii Bulchiinsa Taaksii Mootummaa Naannoo Oromiyaa Murteessuuf Bahe Lakk. 203/2009 tiin walqabatee dhimmoota ijoo tahanii fi haala yeroo ammaan walqabatan irratti barreeffama qophaawee dhihaatee dha.

✅️Gaaffilee Barruu Kana Keessatti Deebii Argattan
1️⃣ Namni gibira akka kaffaluu murtiin taaksii irratti komii qabu haala kamiin dhiyeeffachuu danda’a?
2️⃣ Adeemsi komiin murtii taaksii (gibiraa) itti dhiyaatu hoo maal fakkaata?
3️⃣ Qaamoleen komii dhimma kaffaltii gibiraa (taaksii) ilaallanii hanga xumuraatti murtii itti kennan eenyu fa’i?

⚖️ Seerri Maal Jedha?
Dubbisaa👇
🟠Labsiin kun dhimmoota kana haala ifa ta’een Keewwata 56–62 jalatti tarreesse tumee jira.

💶 Keewwata 56
🟢 Beeksisa Komii Murtii Taaksii Irratti Dhihaatu
1️⃣Kaffalaan taaksii murtii taaksii irratti komii qabu beeksifni murtichi isa qaqqabee guyyoota 21 (digdamii tokko) keessatti komii murticha irratti beeksisa komii barreeffamaan Abbaa Taayitichaatiif dhiyeessuu ni danda’a.

2️⃣Murtii taaksii komiin irratti dhihaate shallaggii taaksii fooyya’een yoo tahe, mirgi shallaggii taaksii fooyya’e komachuu kaffalaa taaksichaa shallaggii taaksii duraa fooyyessuun, hir’isuun yookiin dabaluun fooyya’insa taasifame qofa irratti kan daangawe taha.

3️⃣Akkaataa Keewwata kana muraa 1tiin beeksifni komii kaffalaa taaksiitiin dhihaate sirnaan akka dhihaateetti kan lakkaa’amu haal dureewwan armaan gaditti tarreeffaman yoo guutan qofadha:

A🫱Beeksifni komichaa kaffalaan taaksii sababoota murtii taaksii itti komatu, kaffalaan taaksichaa murticha sirreessuuf fooyya’iinsa taasifamuu qaba jedhee itti amanuu fi sababoota fooyya’iinsa kana taasisuun barbaachiseef sirriitti kan ibsu yoo tahe;

B🫱Komichi shallaggii taaksii waliin kan wal qabatu yoo tahe, kaffalaan taaksii bu’uura shallaggii taaksiitiin taaksii kaffalamuu qabuu fi beeksisa komiitiin mormiin irratti hin dhihaanne kan kaffale yoo tahe; akkasumas

C🫱Murtii taaksichaa irratti komii yoo qabaates taaksicha kaffalee beeksisa komii dhiyeeffachuu kan filate yoo tahe, taaksii itti murtaawe yoo kaffaledha.

4️⃣Abbaan Taayitichaa beeksifni komii sirnaan hin dhihaanne jedhee yoo amane kaffalaa taaksiitiif beeksisa barreeffamaa kanneen armaan gadii ibsu battalumatti ni kennaaf:

A☑️Sababoota komichi sirnaan hin dhihaanne ittiin jedhu; fi 🫴Kanneen armaan gadii keessaa kaffalaan taaksichaa yeroo ture keessatti komii isaa yoo hin dhiyeeffanne yeroon komii itti dhiyeeffatu akka darbu:
☑️Komichi kan ilaallatu beeksifni murtii taaksii qaqqabee guyyoota 21 (digdamii tokko) keessatti; yookiin Akkaataa Keewwata kana muraa 4(b)(i)tiin beeksifni kennamu qaqqabee guyyoota 10 (kudhan) keessatti.

5️⃣Akkaataa Keewwata kana Keewwata Xiqqaa 4tiin yeroon komiin itti dhihaatu kan darbe yoo ta’e, Abbaan Taayitichaa beeksisa barreeffamaa kanuma ibsu kaffalaa taaksii ilaallatuuf ni kenna.

6️⃣Akkaataa Keewwata kana Keewwata Xiqqaa 1 jalatti ibsameen yeroon komiin itti dhihaatu osoo hin darbiin dura kaffalaan taaksichaa murtii taaksii irratti yeroon beeksisa komii dhiyeeffatu akka dheeratuuf Abbaa Taayitichaatiif beeksisa barreeffamaa dhiyeessuu ni danda’a.

7️⃣Akkaataa Keewwata kana Keewwata Xiqqaa 6tiin iyyatni yeroo dhihaatu; Abbaan Taayitichaa:

🟪(a) Kaffalaan taaksichaa naannicha keessa kan hin turre ta’uu isaatiin, sababa dhukkubaatiin yookiin sababa quubsaa birootiin yeroo murtaa’e keessatti beeksisa komii dhiyeeffachuu dadhabuu isaatiinii fi

⬜️(b) Turtiin sababaawaa hin taane akka hin jirre yoo itti amane, yeroon beeksifni komii itti dhihaatu guyyoota 10 (kudhan) hin caalleef dheeressuu ni danda’a.

🟢Keewwata 57
⚖️Komii Taaksii (Gibiraa) Irratti Murtii Kennuu

⏺️1. Abbaan Taayitichaa akkaataa Labsii kana Keewwata 56tiin komiiwwan sirnaan dhihaatan bilisummaan qorachuun murtii komiiwwan irratti kennamuuf kutaa hojii dhaabbii yaada murtii dhiyeessu ni hundeessa.

↘️2. Abbaan Taayitichaa deemsa komiiwwan ittiin dhihaatanii fi dhimmoota yaadni murtii ittiin hundeeffamu qajeelfamaan ni baasa.

➡️3. Kutaan hojichaa komii shallaggii taaksii yeroo qoratu hangi taaksii dabalamuu danda’a jedhee yoo amane, hojjetaan shallaggii irra deebi’ee akka ilaalu yaada murtii ni dhiyeessa.

▶️4. Abbaan Taayitichaa yaada murtii erga qoratee booda komii guutumaan guutuutti yookiin gar-tokkeen fudhachuu yookiin kufaa gochuun murtii ni kenna.

📶5. Murtiin kun kaffalaa taaksiitiif barreeffamaan ni beeksifama; shallaggiin taaksii yoo fooyya’e tarkaanfiileen barbaachisoon ni fudhatamu.

⏸️6. Beeksifni murtii dhimmoota ijoo, argannoowwan, sababoota murtii fi mirga Boordii Ol’iyyannoo Taaksiitti ol’iyyachuu ibsuu qaba.

🛜7. Abbaan Taayitichaa guyyoota 180 keessatti murtii yoo hin kennine, kaffalaan taaksii guyyoota 30 keessatti Boordii Ol’iyyannoo Taaksiitti ol’iyyachuu ni danda’a.
⏺️Keewwata 58
🟪Boordii Ol’iyyannoo Taaksiitiif Ol’iyyannoo Dhiyeessuu

🔲1. Kaffalaan taaksii murtii ol’iyyannoon irratti dhihaachuu danda’u irratti komii qabu beeksisa ol’iyyannoo Boordii Ol’iyyannoo Taaksiitiif dhiyeessuu ni danda’a.
🟫2. Komii shallaggii taaksii irratti dhihaate yoo ta’e, ol’iyyannichi sirrii ta’ee fudhatamuuf taaksiin falmii irra jiru %50 kaffalamuu qaba.
◽️ 3. “Taaksiin falmii irra jiru” jechuun adabbii fi dhala osoo hin dabalatiin taaksii qofa jechuu dha.
🟫 4. Boordiin Ol’iyyannoo Taaksii yeroo ol’iyyannoo dheeressuuf qajeelfama baasuu ni danda’a.

☑️Keewwata 59
🟡Ol’iyyannoo Mana Murtii Ol’aanaatiif Dhiyaatu
1️⃣Murtii Boordii irratti komii qabu beeksifni murtii qaqqabee guyyoota 30 keessatti Mana Murtii Ol’aanaaf dhiyaachuu ni danda’a.
2️⃣Yoo yeroo dabalataa gaafate, Manni Murtii Ol’aanaa yeroo sana dheeressuu ni danda’a.
3️⃣Komii shallaggii taaksii yoo ta’e, taaksiin falmii irra jiru %75 kaffalamuu qaba.
4️⃣Ol’iyyannichi dhimmoota seeraa qofa irratti ta’a. Manni Murtii Ol’aanaa:
🟠 (a) Murtii Boordichaa cimsuu;
⚪️ (b) Murtii Boordichaa diiguun:
- (i) Murtii bakka bu’u kennuu; yookiin
- (ii) Dhimma deebisee Boordii yookiin Abbaa Taayitichaaf erguu;
🔵 (c) Ol’iyyannicha kufaa taasisuu;
🟣 (d) Murtii biroo barbaachisaa ta’e kennuu ni danda’a.
5️⃣“Taaksii falmii irra jiru” jechuun adabbii fi dhala osoo hin dabalatiin taaksii qofa jechuu dha.

☑️ Keewwata 60
🟢 Ol’iyyannoo Mana Murtii Waliigalaatiif Dhihaatu

1️⃣Murtii Mana Murtii Ol’aanaa irratti komii qabu guyyoota 30 keessatti Mana Murtii Waliigalaaf ol’iyyachuu ni danda’a.
2️⃣Yoo yeroo dabalataa gaafate, Manni Murtii Waliigalaa yeroo sana dheeressuu ni danda’a.

🟤Keewwata 61
✅️Dirqama Ibsuu
⚪Bu’uura Kutaa kanaatiin murtii taaksii waliin walqabatee adeemsi falmii taaksii kamiyyuu keessatti, murtiin taaksii sirrii ta’uu dhabuu isaa dirqamni ibsuu kan kaffalaa taaksichaati.

🔴 Keewwata 62
🟢 Murtii Boordii Ol’iyyannoo Taaksii Yookiin Mana Murtii Raawwachuu

1️⃣Abbaan Taayitichaa murtiin Boordii Ol’iyyannoo Taaksii, Mana Murtii Ol’aanaa yookiin Mana Murtii Waliigalaa erga isa qaqqabee booda guyyoota 30 keessatti beeksisa shallaggii taaksii fooyya’e kennuu dabalatee murticha raawwachuuf tarkaanfiilee barbaachisoo ta’an fudhachuu qaba.
2️⃣Daangaan yeroo shallaggii taaksii fooyya’ee Keewwata 30 jalatti ibsame murtii Boordii Ol’iyyannoo Taaksii yookiin Mana Murtii raawwachuuf fooyya’iinsa shallaggii taaksii taasifamu irratti raawwatiinsa hin qabaatu.

📚Hubannoo Seeraa Hawaasaaf!
⚖️ Seera beekuun mirga kee tiksuu fi dirqama kee sirnaan bahuuf furtuudha.

.

04/08/2026

Hubannoo Seera
Bu'uura Labsii Bosona Oromiyaa Lakk. 257/2016 keewwatoota 10-14 tiin gosoota bosonaa 2ffaa fi 3ffaa irratti qophaawe👇

☑️Barruu asiin duraa keessatti Gosoota Bosonaa 4n jiran keessa bosona dhuunfaa ilaallee kan turee yoo tahu, ✍️barruu arraa keeysatti Bosona Hawaasaa fi Bosona Waldaa (Waldayaa) ilaalla.

Bosonaa Naannoo Oromiyaa Murteessuuf Bahe Lakk. 257/2016 Keewwattoota 10-14 jalatti tumee jira.
✅Keewwata 10–12 Bosona Hawaasaa yoo tahu Kwt 13–14 Bosona Waldaa tumee jira.
Dubbisaa
Bosonaa 2ffaa
🛣Keewwata 10 🌿Bosona Hawaasaa

🟢 Misoomaafi Eegumsa Bosona Hawaasaa
1. Hawaasni naannawa tokko keessa jiraatu lafa qabiyyee waliinii akkaataa karoora ittifayyadama lafaatiin misooma bosonaaf ooluu danda’uufi seera rogummaa qabuun misooma bosonaaf hayyamame yookiin lafa mootummaa misooma bosonaaf adda baase irratti misoomsuu ni dandaya.

2. Hawaasni Bosona Hawaasaa misoomsuu barbaadu karoora bulchiinsa bosonaa qopheeffachuu qaba.

☑️Keewwata 11
🟢 Mirgaafi Onnachiistuu Misoomsitoota Bosona Hawaasaa

1. Misoomsitoonni Bosona Hawaasaa mirgoota armaan gadii ni qabaatu:

🟢 (a) Qabiyyee waliinii akkasumas lafa bosonaa mootummaan moggaasu irratti Bosona Hawaasaa misoomsuuf deeggarsa argachuufi bulchiinsa bosonaa keessatti hammatamuu;

🟢 (b) Bosona misoomsaniif ragaa abbaa qabeenyummaa argachuu;

🟢 (c) Bosona mootummaan konseeshiniin dabarsuu keessatti akka barbaachisummaa isaatti dursa argachuu;

🟢 (d) Galii maddisiisanii hanga of danda’anitti deeggarsa ogummaa, teeknikaa, galteewwaniifi tajaajila seeraa mootummaa irraa argachuu;

🟢 (e) Karoora bulchiinsa bosonaa qopheeffatan irratti hundaa’uun bu’aalee bosonaa fayyadamuu, sochoosuufi sona itti dabaluu;

🟢 (f) Miseensonni hawaasichaa seera ittiin bulmaata waliin qopheeffatan irratti hundaa’uun bosona misoomsan irraa faayidaa argamu kamiyyuu qooddachuu;

🟢 (g) Faayidaa hawaasaaf qabiyyee bosonaa isaanii akka gadi lakkisan yoo taasifaman beenyaa argachuu.

🟢 2. Misoomsitoonni Bosona Hawaasaa onnachiistuuwwan armaan gadii ni qabaatu:

🟢 (a) Bara oomishaa lamaaf galii gibira misooma bosonaa kamirraayyuu bilisa ta’uu;

🟢 (b) Ulaagaalee barbaachisaa ta’an guutanii yammuu argaman tajaajila liqaa argachuu.

3. Raawwiin onnachiistuuwwan Keewwata kana Keewwata Xiqqaa 2 jalatti tarreeffaman Dambii bahuun kan murtaawu taha.

☑️Keewwata 12
🟢 Dirqama Misoomsitoota Bosona Hawaasaa
1. Dirqamni Labsii kana Keewwata 9 jalatti tumame misoomsitoota bosona hawaasaa irratti ni raawwatama.

2. Keewwata kana Keewwata Xiqqaa 1 jalatti kan tumame akkuma jirutti tahee, misoomsitoonni bosona hawaasaa karoora bulchiinsa bosonaafi seera ittiin bulmaataa qopheeffate kooppii 1 Abbaa Taayitichaa bira kaayuu qaba.

Bosonaa 3ffaa
✅Keewwata 13 🌿Bosona Waldayaa

🟢 Mirga Misoomsaa Bosona Waldaa
1. Namoonni dhuunfaa naannawa tokko keessa jiraatan waldaan gurmaa’uun bosona misoomsuu kan danda’an tahee, mirgoota armaan gadii ni qabaatu:

🟢 (a) Mirgoonni Labsii kana Keewwata 8(1) jalatti tarreeffaman waldaa misoomsaa bosonaa irrattis raawwatiinsa ni qabaatu;

🟢 (b) Qaama mootummaa dhimmi ilaallatuun galmaa’uun seera qabeessa tahu.

2. Onnechiiftuwwan akkaataa seerota birootiin hayyamameef akkuma eegametti tahee, waldaan misoomsaa bosonaa onnachiistuuwwan armaan gadii ni qabaata:

🟢 (a) Kaffaltii gibira galii mootummaa irraa bilisa tahuu;
🟢 (b) Tajaajila liqii argachuu.

3. Keewwata kana Keewwata 2 (a) jalatti kan tumame jiraatus miseensonni waldichaa dividendii yookiin bu’aa qulqulluu argatan irraa akkaataa seeraatiin galii gibiraa kan kaffalan taha.

4. Raawwiin onnachiistuuwwan Keewwata kana Kwt. 2 jalatti tarreeffame Dambii murtaawa.

☑️Keewwata 14
🟢Dirqama Waldaa Misoomsaa Bosonaa
Waldaan misoomsaa bosonaa dirqamoota armaan gadii ni qabaata:

🟢 1. Dirqamoonni Labsii kana Keewwata 9 jalatti tarreeffaman waldaa misoomsaa bosonaa irratti raawwatiinsa ni qabaatu.

🟢 2. Waldichi bosona misoomsuun dura qorannoo sakkatta’iinsa dhiibbaa naannoofi hawaasaa gaggeessuun Abbaa Taayitichaatti dhiyeessuun mirkaneessisuu qaba.

🟢 3. Miseensoota isaa barsiisuufi leenjisuun beekumsaafi dandeettii misooma, eegumsaafi ittifayyadama bosonaa irratti qaban gabbisuun aadaa hawaasummaafi diinagdee guddisuuf ittigaafatamummaa ni qabaata.

Kutaa 3ffaa Bosonaa Mootummaa Itti fufa
Waajjira Abbaa Alangaa Aanaa Kombolchaa
Hordofuun Hubannoo Seera Barbaaddan Argadha

03/08/2026

🌲🪴Adooleessa 27/11/2018 Guyyaa Duula Ashaaraa Magariisa
⚖️Waajjirri Abbaa Alangaa Aanaa Kombolchaa Guyyaa arra Duula Ashaaraa Magariisa akka biyyaatti geggeeyfame sababeeffachuun dhaabbi biqiltuu geggesse jira.
✅Abbootii Alangaa fi Hojjatoota Bulchiinsaa Waajjira Abbaa Alangaa Aanaa Kombolchaa Guyyaa arra duula ashaaraa magariisaa akka biyyattii geggeeyfame irratti hirmaatuun Aanaa Kombolchaa Araddaa Magaalaa Malkaa Raafuu iddoo mana Barumsaa Ifaa Tokkummaa jedhamutti dhaabbii biqiltuu boolla qotuu irraa jalqabee hanga dhaabbee xumuruttti haala suuraa irratti mul’atuu kanaan geggeeyfame jira.

Waajjira Abbaa Alangaa Aanaa Kombolchaa
Malkaa Raafuu

03/08/2026

02/08/2026

🌳 Bosona Kamiyyuu Keessa Kasalaa (Cilee) Qopheessuu fi Itti Fayyadamuun Seeraan Akkamitti Ilaalama? ⚖️

Seerri dhimma kanaaf rogummaa qabu Labsii Misoomaa, Bulchiinsaafi Ittifayyadama Bosonaa Mootummaa Naannoo Oromiyaa Lakk. 257/2016 dha.

☑️ Keewwata 35(1) – Adabbii Yakkaa

Namni kamiyyuu, akkaataa Labsii kanaafi Dambii yookiin Qajeelfama baheen yoo ta’e malee, bosona mootummaa, bosona hawaasaa, bosona waldaa yookiin bosona dhuunfaa keessaa hayyama abbaa qabeenyaa bosonichaa malee:

🌲 Muka yoo mure,
🔥 Kasalaa (cilee) yoo qopheesse,
🌿 Bu’aa bosonaa yoo fudhate yookiin kuuse,
🤝 Gocha kana yoo deeggare,
🚛 Yookiin bu’aa bosonaa karaa seeraan alaa argame qabatee yoo argame yookiin itti fayyadame,

bu’aan bosonichaa ni dhaalama; kana malees:

⚖️ Hidhaa cimaa waggaa shan (5) hin caalle, fi
💰 Adabbii maallaqaa qarshii 10,000 hanga qarshii 20,000 ni adabama.

🌳 Kanaafuu, bosona keenya eeguun dirqama hunda keenyaati. Kasalaa yookiin bu’aa bosonaa kamiyyuu hayyama seeraan alatti qopheessuu, geejjibsiisuu fi itti fayyadamuun yakka ta’uu hubannee gocha akkanaa irraa of haa eegnu.

02/08/2026

🌳Bosonni Gosa Meeqaatu Jira?

🌲Qabeenyi Bosona Kan Eenyuti?

⚖️ Seerri Maal Jedha?
🏞Seerri dhimma kanaaf rogummaa qabu Labsii Misoomaa, Bulchiinsaafi Ittifayyadama Bosonaa Mootummaa Naannoo Oromiyaa Murteessuuf Bahe, Lakk. 257/2016 yoo tahu,
🫱Labsiin kun keewwata 5 fi 6 jalatti tumamee jira.
👇
🟢Qabeenyummaafi Gosa Bosonaa
✅Keewwata 5
🔵 Qabeenyummaa Bosonaa
1) Mirgi ittifayyadamaa akkaataa Labsii kanaatiin namni dhuunfaa yookiin hawaasni bosona ofiin misoomse irratti qabu akkuma eegametti ta’ee, qabeenyi bosonaa daangaa Naannichaa keessatti argamu kamiyyuu qabeenya waloo ummataafi Mootummaa Naannichaati.

2) Mootummaan Naannichaa bosona Naannichaa misoomsuu, bulchuu, ittifayyadamuufi hawaasa bakka bu’ee waliigaltee raawwachuu ni danda’a.

3) Mootummaan Naannichaa hojii misooma, bulchiinsaafi ittifayyadama qabeenya bosonaa keessatti faayidaafi hirmaannaa ummataa mirkaneessuu qaba.

6
✅️ Gosoota Qabeenyummaa Bosonaa
Isaaniis

🌲 1) Bosona Dhuunfaa;
🌲 2) Bosona Hawaasaa;
🌲 3) Bosona Waldaa; fi
🌲 4) Bosona Mootummaa.

🌳 Gosoota Bosona Kanneen Keessaa Bosona Dhuunfaan Walqabatee Waan Jiruu Akka Asiin Gadii Kanatti Ilaalla.

✅️ Keewwata 7
🟢 Misoomaafi Eegumsa Bosonaa Dhuunfaa
1) Qonnaan bulaan yookiin horsiisee bulaan yookiin gamisa horsiisee bulaa yookiin namni biroon kamiyyuu qabiyyee dhuunfaa isaa irratti akkaataa karoora ittifayyadama lafaafi seera rogummaa qabuutiin bosona misoomsuu ni danda’a.

2) Bosonni qabiyyee dhuunfaa qonnaan bulaa, horsiisee bulaa yookiin gamisa horsiisee bulaa irratti uumamaan biqilee argamu akka bosona dhuunfaatti kan ilaalamu ta’ee, mirgaafi dirqamni misoomsaa bosona dhuunfaa abbaa qabiyyee lafichaa irratti raawwatiinsa ni qabaata.

3) Abbaan qabeenyaa, lafa akkaataa karoora ittifayyadama lafaatiin misooma bosonaaf adda bahe irratti investimentiin bosona dhuunfaa misoomsuu ni danda’a.

4) Keewwata kana Keewwata Xiqqaa 1–3tti kan tumame jiraatus, mukkeen naannoo irratti miidhaa dhaqqabsiisan kanneen akka baargamoo iddoowwan karoora ittifayyadama lafaatiin akka irratti hin misoomne dhorkaman irratti misoomsuun dhoorkaadha.

✅️ Keewwata 8
🔵 Mirgaafi Onnachiistuu Misoomsaa Bosona Dhuunfaa.
1) Misoomsaan Bosona Dhuunfaa mirgoota armaan gadii ni qabaata:

🔹 (a) Qabiyyee dhuunfaa yookiin lafa investimentiin argate irratti bosona misoomsuu; karoora bulchiinsa bosonaa qopheeffate irratti hundaa’uun bu’aalee bosonaa fayyadamuu, sochoosuufi sona itti dabaluu;

🔹 (b) Bosona misoomseef waraqaa ragaa abbaa qabeenyummaa argachuu;

🔹 (c) Bosona misoomse irraa bu’aalee bosonaa argatutti fayyadamuu, gabaa biyya keessaafi alaatti gurgurachuu;

🔹 (d) Misooma, eegumsa, ittifayyadamaafi daldala bosonaa irratti deeggarsa ogummaa mootummaa irraa argachuu;

🔹 (e) Bu’uura seerota rogummaa qabuun mirga qabiyyummaa bosonaa dabarsuu;

🔹 (f) Bosona misoomsuu irraa galii gurgurtaa kaarboniifi faayidaa sirnakkoo irraa argamutti faayadamaa ta’uu;

🔹 (g) Sababa dantaa ummataaf jecha qabiyyee bosona isaa akka gadi lakkisu yoo ta’e mirga beenyaa argachuu;

🔹 (h) Bosona misoomse oomishuufi tajaajila kennuu akkasumas bu’aalee bosonaa irratti sona dabaluun yookiin akkaatuma jiruun hayyama daldalaa baafachuun hojii daldalaa irratti bobba’uu.

2) Misoomsaan bosona dhuunfaa onnachiistuuwwan armaan gadii kan argatu ta’a:

🟢 (a) Kaffaltii liizii yookiin kiraa lafaa irraa bilisa ta’uufi bara oomisha tokkoof kaffaltii gibiraa kamirraayyuu bilisa ta’uu; fi

🟢 (b) Ulaagaa barbaachisaa ta’e guutee yoo argame tajaajila liqaa argachuu.

3) Raawwiin onnachiistuuwwan Keewwata kana Keewwata Xiqqaa 2 jalatti tarreeffaman Dambii bahuun kan murtaa’u ta’a.

✅️ Keewwata 9
🔴 Dirqama Misoomsaa Bosona Dhuunfaa

Namni bosona dhuunfaa misoomsu kamiyyuu dirqamoota armaan gadii ni qabaata:

1) Bosonicha balaa ibiddaa, ilbiisota, dhukkuba, sanyiiwwan weerartuufi miidhaawwan biroo irraa eeguufi ittisuu; rakkooleen kunneen yoo mudatan qaama ilaallatuuf battalumatti gabaasuu;

2) Biqiltoota, beeyiladoota, lubbu qabeeyyii xixiqqaa yookiin ilbiisota hin hayyamamiin yookiin hin beekaminiifi namoota, beeyiladootaa yookiin sirnakkoo irratti miidhaa geessisan bosona keessatti galchuu yookiin horsiisuu dhabuu;

3) Fayyummaa naannoo, hawaasaa, eegumsa, misoomaafi ittifayyadama sululaafi bidoolee ilaalchisee seerota bahan kabajuu;

4) Aadaa, barmaatileefi beekumsa hawaasa naannawa misoomaafi eegumsa bosonaa kabajuu;

5) Ragaa bosonichaa qaama dhimmi ilaaluuf kennuu;

6) Lafa misooma bosonaaf fudhate dhimma hayyamameef qofaaf oolchuu;

7) Gurgurtaa kaarboonii bosonaafi galii tajaajila sirnakkoo irraa argamu irraa fayyadamaa ta’uuf ulaagaalee sirni gabaa barbaadu guutuufi kabajuu.

🌿Itti Fufa
📙Dubbisa

28/07/2026

Hogganaan Biiroo Bulchiinsaa fi Nageenyaa Naannoo Sidaamaa Duraanii Obbo Alamaayyoo Ximootewos Adabbii Hidhaa Cimaa Woggaa 10 fi Ji'a 5tiin Adabaman

(KNFMNO Damee G/G Kibbaa Ad. 21/2018 A.L.I Shaashamannee)
Hogganaa Biiroo Bulchiinsaa fi Nageenyaa Naannoo Sidaamaa Kan Turan Obbo Alamaayyoo Ximootewos dabalatee namoota biroo biiroo sana keessa hojjataa turan irratti murtiin balleessummaa darbeera.

Mannii Murtii Ol'aanaan Magaalaa Hawaasaa, himannaa Biiroo Abbaa Alangaa Naannoo Sidaamaatiin dhihaateef irratti hundaayuun Hogganaa Biiroo Bulchiinsaa fi Nageenyaa Naannoo Sidaamaa duraanii Obbo Alamaayyoo Ximootewosii fi Komishinara Poolisii Shimallis Toomaas irratti hidhaa murteesseera.
Manni Murtichaa ragaalee namootaa fi sanadaa wal-bira qabuun yakka aangotti garmalee fayyadamuu, humna waraanaa 'Waraana Bilisummaa Sidaamaa' jedhamu gurmeessuu fi yakka mirga dhala namaa karaa gara garaatiin sarbuu raawwachuu isaanii mirkaneeffateera.
Haaluma kanaan, manni murtii dhaddacha guyyaa kaleessaa, Adoollessa 21, 2018 A.L.I ooleen himatamaa 1ffaa Obbo Alamaayyoo Ximootewos hidhaa cimaa waggaa 10 fi ji'a 5 fi adabbii qarshiitiin akka adabaman murteesseera.
Himatamaan 2ffaa Obbo Shimallis Toomaas immoo hidhaa cimaa waggaa 1 fi ji'a 6 fi adabbii qarshiitiin akka adabaman murteessuu isaa Biiroon Komunikeeshinii Naannichaa Fanaa Dijitaaliif mirkaneesseera.

Madda: fuula 'facebook' Federal Ethics and Anti-Corruption Commission

27/07/2026

BAGA GAMMADDAN! Baga Gammadne!

27/07/2026

🟢 MURTII ADABBII BARSIISAA TAHE ⚖️

🔴 Himatamaan Yakka Miidhaa Qaamaa Cimaa Raawwatee Adabbii Hidhaa Cimaan Adabame Jira 🔴

━━━━━━━━━━━━━━━━━━━━━━━

☑️ Himatamaan maqaan isaa Zaahiir Abduramaan Muummmee jedhamu gaafa guyyaa 17/12/2017 guyyaa irraa toora sa'aa 10:00 yoo tahu Godina Harrargee Bahaa Aanaa Kombolchaa Araddaa Burqaa Nagayaa Ganda Oromoo jedhamuu keeysatti miidhamaa Mahammad Alishoo Mussaa jedhamu dhagaa darbatee afaan keessa dhahuun magagaa (a'ama) gubbaa cabsuun ilkaan sadii (3) gama jalaa gara bitaa firi sadii (3) 4ffaa, 5ffaa fi 6ffaa akka buqqaa'u taasisee, ilkaan jalaa gara bitaatti argamu firii sadii (3) akka socho'uu taasisee, ilkaan gubbaa gara mirgaa irraa dhagaan dhahee ilkeen fiiri tokko (1) akka irra cabu taasisuun, ilkaan sadii kan gama jalaa gara bitaatti argamuu fi ilkaan gubbaa gama fulduraa gara bitaatti argamuu fiiri tokko (1) waliin ilkaan afur (4) faayidaa ala godhuun akka ilkaan namtolcheen bakka buufamu taasisee, akkasumas dhagaan hidhii gama gubbaa irraa dhahuun baqaqa cm2×1 tahu irraan geesisee jechuun eeruun dhihaate.

✅️ Gareen Qorannoo Yakkaa Aanaa Kombolchaa galmee qorannoo xumuruun galmeen Abbaa Alangaaf dabarfame.

✅️ Abbaan Alangaa Aanaa Kombolchaa Himatamaa kana tuma Seera Yakkaa FDRI Bara 1996 fooyya'ee bahe Kwt. 555 (B) Bira Darbuudhaan Yakka Miidhaa Qaamaa Cimaa Raawwatuun himannaa Mana Murtii Aanaa Kombolchaatti Himatamaa irratti dhiyeessee.

🟢️ Himatamaan Dhaddachatti dhiyaate bu'uura seeraan yakka ittiin himatame waan waakkateef ragaan Abbaa Alangaa fi Ittisa dhagayamuun falmiin bitaaf mirga geggeeffame,
Himatamaan ragaa Abbaa Alangaa yakkichi waan irratti mirkaneesseef ofirraa ittisi jedhame ragaan ittisaa dhiyaatus waan irraa hin ittisiniif Manni Murtii Aanaa Kombolchaa Dhaddacha Yakkaa Guyyaa 20-11-2018 ooleen Adabbi Hidhaa Cimaa Himatamaa barsiisuun fakkatoota isaa akeekkachiisu danda’u hidhaa cimaa Waggaa Afurii fi Baatii Kudha Tokkoo adabame jira.

⚖️ Seerri Haqaaf Dhaabbata
☑️Namni Yakka Raawwatuu Seeraan Gaafatame Adabbii isaaf maluu ni adabama.

🫱Hawaasni keenya gocha yakkaa akkanaa irraa akka of qusachuu qabu Abbaa Alangaa Aanaa Kombolchaa dhaamsa dabarsa.

Waajjira Abbaa Alangaa Aanaa Kombolchaa
Hubannoo Seeraa fi Murtii Adabbii Barsiisa Tahan Argadha

26/07/2026

Malaammaltummaan yakka hamaa sabbata haadha ofii bochisanii irraa hiikkatanii ofiif nyaachuuti. Kanaafuu namni haadha ofii jaalatu kamuu waloon irratti duuluu qaba.

Malaammaltummaan diina hamaa haadhota boochisee garalaafummaa malee akka haqni isaanii sarbamu godhu. Haadhoolii irras darbee akka daa'imanii fi dargagootni abdii kutatan godhee egeree biyyaa dukkaneessa.
Kanaafuu namni haadha ofii jaalatu kamuu waloon irratti duuluu qaba.
Dhaloota Safuun Ijaaruun; Kenna Tajaajilaa Hojimaataan!