https://heylink.me/konsozonecomms/

Konso Zone Government Communication, Main Road, Konso (2026)

07/10/2026

የኢፌዴሪ 7ኛው የህዝብ ተወካዮች ምክር ቤት በ1ኛ ልዩ ስብሰባው በቀረበ ረቂቅ አዋጅ ላይ እየተወያየ ነው

ካራት:መስከረም 27/2019 ዓ.ም (ኮንሶ ዞን ኮሙኒኬሽን)

7ኛው የኢፌዴሪ የህዝብ ተወካዮች ምክር ቤት ዛሬ ባካሄደው 1ኛ ልዩ ስብሰባው በፌደራል መንግስት አስፈጻሚ አካላት ስያሜ፣ አደረጃጀት፣ ስልጣንና ተግባር ለመወሰን በቀረበው ረቂቅ አዋጅ ላይ እየመከረ ይገኛል።

የምክር ቤት አባልና የመንግሥት ተወካይ የተከበሩ አቶ ፍቃዱ ከተማ በረቂቅ አዋጁ አስፈላጊነት ላይ አጭር ማብራሪያ አቅርበዋል።

በቀረበው ማብራሪያም ከዚህ በፊት በነበሩት 22 አስፈፃሚ አካላት ላይ የቁጥር ልዩነት እንደሌለና ከቁጥር አንፃር ሚኒስቴር መስሪያ ቤቶች በነበሩበት 22 ሆነው እንደሚቀጥሉ ተገልጿል።

ይህም ሆኖ በሁለት ሚኒስቴር መስሪያ ቤቶች ላይ ብቻ የስያሜ ለውጥ መደረጉንና ሁለት ሚኒስቴሮች አንደ አዲስ መቋቋማቸው ተብራርቷል።

እንደ አዲስ የተቋቋሙት ሁለት ሚኒስቴር መ/ቤቶች ቀድሞ "የባህልና ስፖርት ሚኒስቴር" የነበረው በአዲሱ "የባሕልና ቱሪዝም ሚኒስቴር" በሚል እና ቀድሞ "የቱሪዝም ሚኒስቴር" የነበረው በአዲሱ "የባህልና ቱሪዝም ሚኒስቴር" በሚል መቋቋማቸው ተጠቁሟል።

በተጨማሪም ቀድሞ "የፕላንና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል እና ቀድሞ "የትራንስፖርትና ሎጂስቲክስ ሚኒስቴር" የነበረው "የሎጂስቲክስ ሚኒስቴር" በሚል ስያሜያቸው መቀየሩ ተገልጿል።

በሚኒስቴር መ/ቤቶቹ ላይ ማሻሻያው ያስፈለገበት ምክንያት ይበልጥ ውጤታማ ለማድረግ እና ከተልዕኳቸው ጋር ለማጣጣም መሆኑም ተብራርቷል።

በረቂቅ አዋጁ ላይ የፕላንና ልማት ሚኒስትር ክብርት ፍጹም አሰፋ (ዶ/ር) ለምክር ቤቱ ሰፋ ያለ ማብራሪያ እያቀረቡ እንደሚገኙ ከምክር ቤቱ ያገኘነው መረጃ ያመለክታል።

እንደ አዲስ በተቋቋሙት ሁለቱ ሚኒስቴር መ/ቤቶችም ሆነ የስያሜ ለውጥ በተደረገባቸው ሁለቱ ሚኒስቴር መ/ቤቶች ዙሪያ በቀጣይ ሰፋ ያለ ትንታኔ ይዘን የምንቀርብ ይሆናል።

06/10/2026

የኮንሶ ዞን ወጣቶች ክንፍ ወሰን ተሻጋሪ የበጎ ፈቃድ አገልግሎት በጂንካ ከተማ ማከናወኑን እንደቀጠለ ነው

ካራት፣ መስከረም 26/2019 ዓ.ም (ኮንሶ ዞን ኮሙኒኬሽን)

የኮንሶ ዞን ብልፅግና ፓርቲ ቅርንጫፍ ጽ/ቤት የወጣቶች ክንፍ ወሰን ተሻጋሪ የበጎ ፈቃድ አገልግሎትን በወንድም አሪ ዞን ጂንካ ከተማ አከናውኗል።

በመርሃ ግብሩ መክፈቻ ላይ የአሪ ዞን ምክትል አስተዳዳሪና የኮንስትራክሽንና ከተማ ልማት መምሪያ ኃላፊ አቶ ገረሙ ኃይሌማርያም፣ ወሰን ተሻጋሪ በጎነት የበርካቶችን እንባ ከማበስና የተቋረጠ ተስፋን ከማለምለም ባለፈ፣ የተናጠል ትርክቶችን በማስወገድ የዜጎችን አንድነት ለማጠናከር የሚያግዝ መሆኑን ገልጸዋል።

አቶ ገረሙ አክለውም፣ ይህ ዓይነቱ በጎነት አዲሱ ትውልድ በዘር፣ በቀለምና በሃይማኖት የታጠረ የዕይታ አድማስ እንዳይኖረው እና የወንድማማችነትና የእህትማማችነት መንፈስን በመላበስ ሰብአዊነትን ቅድሚያ እንዲሰጥ የሚያደርግ ግንዛቤ የሚፈጥር ዕድል መሆኑን ተናግረዋል።

የኮንሶ ዞን ብልፅግና ፓርቲ ቅርንጫፍ ጽ/ቤት የፓርቲ ፖለቲካና አቅም ግንባታ ዘርፍ ኃላፊ አቶ በርሻ ኦላታ፣ የአሪ ሕዝብ ከወንድም ኮንሶ ሕዝብ ጋር በተለያዩ ማህበራዊ መስተጋብሮችና ኩነቶች የተጋመደ ረጅም ዘመን የአብሮነት ትስስርና ቁርኝት ያላቸው ሕዝቦች መሆናቸውን ገልጸዋል።

አቶ በርሻ እንደገለጹት፣ በጎ ፈቃደኝነት ከመንግስታዊ ተልዕኮ ባለፈ የሰብአዊነት መገለጫ በመሆኑ፣ የዜጎችን አብሮነትና የመተሳሰብ ባህል ለትውልድ ለማስተላለፍ አዎንታዊ ፋይዳ አለው።

በተጨማሪም በችግር የተገደቡ የማህበረሰብ ክፍሎችን ከሕልማቸው ጋር ለማገናኘትና የሌላውን ሕመም ለመጋራት የሚያስችል የተግባር ተምሳሌት መሆኑን አስገንዝበዋል።

የኮንሶ ዞን ብልፅግና ፓርቲ ቅርንጫፍ ጽ/ቤት የወጣቶች ክንፍ ኃላፊ ወጣት ይስሐቅ ኩሲያ፣ የበጎ ፈቃድ አገልግሎት የሚከፋፍል ሳይሆን የሚያስተሳስር፣ በፈተናዎች መካከል በጽናት ለማለፍ አቅምን የሚያጎለብት እሴት መሆኑን ገልጸዋል ፣ ይህም የአብሮነት ኪዳንን ለማደስና ለትውልድ የሚዘከር አሻራ ለማኖር የታለመ ተግባር መሆኑን ተናግረዋል።

የኮንሶ ዞን ብልፅግና ፓርቲ ቅርንጫፍ ጽ/ቤት የሴቶች ክንፍ ኃላፊ ወ/ሮ እታገኝ መሠለ፣ "የማይለያይ ሕዝብ፣ የተጋመደ ማንነት " በሚል መርህ ቃል በወንድም አሪ ዞን ወሰን ተሻጋሪ የበጎነት ተግባር ማከናወናቸውን ገልጸዋል።

በዚህም ለወላጅ አልባ ሕፃናት የትምህርት ቁሳቁስና አልባሳት ድጋፍ ያደረጉ ሲሆን፣ ለአቅመ ደካማ እናት ቤት መገንቢያ ሙሉ ግብዓት አበርክተዋል።

በተጨማሪም በጂንካ ሚሊኒየም ጤና ተቋም ማቆያ ለሚገኙ እናቶች ጉብኝት በማድረግ የግብዓት ድጋፍ ማድረጋቸውን አስረድተዋል።

06/10/2026

ለወሰን ተሻጋሪ ክረምት በጎ ተግባር ለመከወን ያቀኑት የኮንሶ ዞን ወጣቶች ክንፍ አመራሮች በኣሪ ዞን ጅንካ ከተማ ሰው ተኮር ሰብዓዊ ድጋፍ አደረጉ

ካራት፣ መስከረም 26/2019 ዓ.ም (ኮንሶ ዞን ኮሙኒኬሽን)

የኮንሶ ዞን ወጣቶች ክንፍ ወሰን ተሻጋሪ አመራሮች በኣሪ ዞን ጅንካ ከተማ ሰው ተኮር ሰብዓዊ የሆኑ ቤተሰባዊ ፣አንድነታችንን ፣ አብሮነታችንን የሚያጠናክሩ የክረምት በጎ ፊቃድ አገልግሎት ተግባራትን አከናውነዋል።

የኮንሶ ዞን ወጣቶች ክንፍ ወሰን ተሻጋሪ አመራሮች የተጋመደ ማንነት የማይለያይ ህዝብ በሚል መሪ ጅንካ ከተማ በመገነት ለአቅመደካማ ዘይት፣ፍርኖዱቀት፣አልባሳት እንድሁም ለወላጅ አጥ ህጻናት የትምህርት ቁሳቁስ ድጋፍ አድርገዋል።

06/10/2026

የኮንሶ ዞን ድንገተኛ አደጋዎችን በራስ አቅም ለመቋቋም የቅድመ ዝግጅት የተለያዩ ተቋማትና ድርጅቶች የአደጋ መቋቋሚያ ቁሳቁሶችን ገቢ ማድረግ መጀመራቸው ተገለጸ

ካራት፣ መስከረም 26/2019 ዓ.ም (ኮንሶ ዞን ኮሙኒኬሽን)

የኮንሶ ዞን ድንገተኛ አደጋዎችን በራስ አቅም ለመቋቋም የቅድመ ዝግጅት የተለያዩ ተቋማትና ድርጅቶች የአደጋ መቋቋሚያ ቁሳቁሶችን ገቢ ማድረግ መጀመራቸው ተገልጿል።

የኮንሶ ልማት ማኅበር (KDA) እና የኢትዮጵያ ቀይ መስቀል ማኅበር ቀደም ሲል ካስረከቡት ድጋፍ በተጨማሪ በአሁኑ ወቅትም ተጨማሪ ቁሳቁሶችን ገቢ እያደረጉ መሆኑ ተገልጿል።

የኮንሶ ልማት ማኅበር ዋና ሥራ አስኪያጅ አቶ ሽብሩ ሲካ በርክክቡ ወቅት እንደገለጹት፣ ማኅበሩ ከዞኑ መንግሥት ጋር በመተባበር የአደጋ መቋቋሚያ ኪቶችን ያስረከበ ሲሆን፣ በቀጣይም በዚሁ መልኩ ተጨማሪ ድጋፍ ለማድረግ ማኅበሩ ዝግጁ መሆኑን ጠቁመዋል።

ስራ አስኪያጁ ጨምረውም ተባብረንና ተሳስረን ሕዝባችንን ለማገዝ የምንችለውን ሁሉ እናደርጋለን ሲሉም ገልጸዋል።

የዞኑ ምክትል አስተዳዳሪና የግብርና መምሪያ ኃላፊ አቶ ጉራሾ ጎስኬ በበኩላቸው፣ ከኮንሶ ልማት ማኅበርና ከሌሎች ተቋማት ጋር በትብብር ሲሠሩ መቆየታቸውን ገልጸው፣ በቀጣይም መንግሥት፣ ሲቪል ማኅበራትና ሌሎች ተቋማት በጋራ ሥራቸውን ማጠናከር እንደሚገባ ጠቁመዋል።

በተጨማሪም ምክትል አስተዳዳሪው የተረጂነትን አስተሳሰብ በመቀየር ማኅበረሰቡ አደጋዎችንና ድንገተኛ ችግሮችን በራሱ አቅም መቋቋም የሚያስችል ጠንካራ ዝግጁነት እንዲኖረው በሀገር ደረጃም ሆነ በዞኑ ትኩረት ተሰጥቶ እየተሠራ መሆኑን ገልጿል።

ከዚህ በተጨማሪ የኢትዮጵያ ቀይ መስቀል ማኅበር፣ የካቶሊክ ተራድኦ ድርጅት፣ መካነ ኢየሱስና ሌሎች የልማት አጋሮች ድጋፍ እያደረጉ መሆኑን ተጠቁሟል። በቀጣይም ተጨማሪ ግብዓቶችን ለማሰባሰብ ሥራዎች እየተከናወኑ ነው።

ሁሉም ተቋማት የድጋፍ ሥራውን ሳይዘናጉ ማስቀጠልና ከሌሎች ተቋማት ጋርም በመቀናጀት መሥራት እንደሚገባ አቶ ጉራሾ ገልጸው ፣ በተለያዩ አካባቢዎች ለአደጋ የተጋለጡ ወገኖችን ለማቋቋምም ሁሉም በጋራ መረባረብ እንደሚገባ አስገንዝበዋል።

በዞኑ የአደጋ መከላከልና የድጋፍ ሥራዎች በራስ አቅም እየተከናወኑ መሆኑን ጠቁመው፣ ለአደጋዎች ቀድሞ መዘጋጀት ችግሮችን በራስ አቅም ለመቋቋም የሚያስችል አቅም እንደሚፈጥርና ሥራውም እስከ ወረዳ ድረስ እየተሠራበት መሆኑን ገልጸዋል።

የኮንሶ ዞን አደጋ ስጋት ሥራ አመራር ጽ/ቤት ኃላፊ አቶ ብርንግላንድ ላቀው በበኩላቸው፣ የኮንሶ ልማት ማኅበር ላደረገው ድጋፍ ምስጋና አቅርበው፣ በአደጋ ወቅት ቅድሚያ ለሚያስፈልጋቸው ወገኖች ፈጣን ምላሽ መስጠት አስፈላጊ መሆኑን ጠቁመዋል።

መንግሥትና አጋር አካላት ከፕሮጀክታቸው አካል ውጭ በሆነ ወቅት ጭምር ኃላፊነት ወስደው ለተፈናቀሉ ወገኖች ድጋፍ ማድረጋቸውና ማኅበረሰቡም በጋራ በመረባረብ ያሳየው ተነሳሽነት ለቀጣይ የአደጋ ምላሽ ሥራ ትልቅ አርአያ መሆኑ ተመላክቷል።

የገቡት ድጋፎችና ኪቶች ፍትሐዊና አፋጣኝ በሆነ መንገድ እንዲደርሱ፣ ለሕፃናት፣ ለእናቶችና በተለይም ለተጋላጭ የማኅበረሰብ ክፍሎች ቅድሚያ ተሰጥቶ ድጋፍ እንደምደረጉ ተጠቁሟል።

በአካባቢው የተሟላ ሰላም እስኪሰፍንና ተፈናቃዮች በቋሚነት እስኪቋቋሙ ድረስም የተጀመረው የተቀናጀ የድጋፍ ሥራ ሳይቋረጥ ተጠናክሮ እንዲቀጥል የዞኑ አደጋ ስጋት ስራ አመራር ጽ/ቤት ኃላፊው ጥሪ ቀርቧል።

በመርሃግብሩ የዞኑ ምክትል ዋና አስተዳዳሪና የግብርና መምሪያ ኃላፊ አቶ ጉራሾ ጎስከ ፣ የኮንሶ ልማት ማኅበር (KDA) ስራ አስኪያጅ አቶ ሽብሩ ሲካና አባላት ፣የመካነ ኢየሱስ ልማትና ማህበራዊ አገልግሎት ኮሚሽን የማዕከላዊ ስምጥ ሸለቆ ሲኖዶስ ቅ/ጽ /ቤት ኃላፊ አቶ ኮራ ያይሲቶ እና ሌሎች ተገኝተዋል::

06/10/2026

በመደመር መንግሥት በ2019 ዓ.ም ለማከናወን የታቀዱ ቁልፍ ግቦች (በቁጥር እና በመጠን)

ካራት፣ መስከረም 26/2019 ዓ/ም (ኮንሶ ዞን ኮሙኒኬሽን)

 ኢኮኖሚ፦ የሀገራችንን አጠቃላይ የኢኮኖሚ ዕድገት ወደ 10.1 በመቶ ማሳደግ።

 የዋጋ ግሽበት፦ የዋጋ ግሽበትን ወደ ነጠላ አኃዝ ዝቅ ማድረግ እና አጠቃላይ የታክስ ገቢን ከፍ ማድረግ።

 የኤሌክትሪክ ተደራሽነት፦ የኤሌክትሪክ ሽፋንን ወደ 64 በመቶ ማሳደግ።

 የጤና መድኅን፦ የጤና መድኅን ሽፋንን ወደ 85 በመቶ ከፍ ማድረግ።

 የትምህርት ዘርፍ፦ የተማሪዎች ምገባ ሽፋንን ወደ 70 በመቶ ማሳደግ።

 አረንጓዴ ልማት፦ የሀገራችንን የደን ሽፋን አሁን ካለበት 26 በመቶ ከፍ ማድረግ።

 ቱሪዝም፦ ከ1.6 ሚሊዮን በላይ የውጭ ጎብኚዎች ኢትዮጵያን እንዲጎበኙ ማድረግ።

 አገልግሎት አሰጣጥ፦ የውኃ ተጠቃሚነትን በስፋት ማሳደግ እና የ'መሶብ' ዲጂታል አገልግሎት ማዕከላትን ቁጥር ማብዛት።

 ዓለም አቀፍ መድረክ፦ ኢትዮጵያ የምታስተናግደውን 32ኛውን የአየር ንብረት ለውጥ ጉባኤ (COP32) በስኬት ለማካሄድ ብቁ ዝግጅት ማድረግ።

! ! !

06/10/2026

የተጋመደ ማንነት የማይለያይ ህዝብ በሚል መሪ ቃል የኮንሶ ዞን ብልጽግና ፓርቲ የወጣቶች ክንፍ ጽ/ቤት ወሰን ተሻጋሪ ሰብዓዊ የተለያዩ የበጎ ተግባራት ለማከናወን ኣሪ ዞን ጅንካ ከተማ ገቡ።

ካራት፣ መስከረም 26/2019 ዓ/ም (ኮንሶ ዞን ኮሙኒኬሽን)

በኮንሶ ዞን ብልጽግና ፓርቲ ቅ/ጽ/ቤት የፖለቲካና ህዝብ ግንኙነት ዘርፍ ኃላፊና ረዳት የመንግስት ተጠሪ በክቡር አቶ በርሻ ኦላታ የተመራው የኮንሶ ዞን የወጣቶች ክንፍ ወሰን ተሻጋሪ የተጋመደ ማንነት የማይለያይ ህዝብ በሚል መሪ ቃል ሰበዓዊ የተለያዩ የበጎ ተግባራት ለማከናወን ኣሪ ዞን ጅንካ ከተማ ገብተዋል።

ወሰን ተሻጋሪው ወጣቶች ኣሪ ዞን ጅንካ ከተማ ስደርሱ የኣሪ ዞን ምክትል አስተዳዳሪ ክቡር አቶ ገረሙ ሀይለማሪያም ጨምሮ የዞኑና የከተማው ከፍተኛ የሥራ ኃላፊዎች ደማቅ አቀባበል አድርገውላቸዋል።

ልዑካን በጂንካ በሚኖራቸው ቆይታ ለወላጅ አጥ ህፃናት የትምህርት ቁሳቁስ ድጋፍ፣በጂንካ ሚሊኒየም ጤና ጣቢያ የሚገኙ ወላድ እናቶች ጉብኝትና ለአረጋውያን ቤት ግንባታ ማስጀመሪያ ቁሳቁስ ድጋፍ ያደርጋሉ ተብሎ ይጠበቃል።

06/10/2026

ምሥራቅ አፍሪካ፣ ቀይ ባሕር እና የሕንድ ውቂያኖስ በሚገናኙበት ልዩ ስፍራ ላይ መቀመጥ ፈተናም ዕድልም አለው፡- ጠቅላይ ሚኒስትር ዐቢይ አሕመድ (ዶ/ር)

ካራት፣ መስከረም 26/2019 ዓ/ም (ኮንሶ ዞን ኮሙኒኬሽን)

ምሥራቅ አፍሪካ፣ ቀይ ባሕር እና የሕንድ ውቂያኖስ በሚገናኙበት ልዩ ስፍራ ላይ መቀመጥ ፈተናም ዕድልም እንዳለው ጠቅላይ ሚኒስትር ዐቢይ አሕመድ (ዶ/ር) አስገነዘቡ።

ጠቅላይ ሚኒስትሩ በሕዝብ ተወካዮች ምክር ቤት በትናንትናው ዕለት በአዲሱ የመደመር መንግሥት ምሥረታ ወቅት ባደረጉት ንግግር፣ እንደ ሀገር ቀድሞ አለመዘጋጀት የሚያስከፍለውን ዋጋ ለማየት የጣሊያን ዳግም ወረራን መለስ ብሎ መቃኘት ተገቢና ጠቃሚ መሆኑን ገልጸዋል።

በዓድዋ ጦርነት አንገቱን ደፍቶ የተመለሰው ወራሪ ኃይል አራት አስርት ዓመታት ያሳለፈው አንገት ቀና በሚያደርግ ዝግጅት እንደነበር ያነሱት ጠቅላይ ሚኒስትሩ፣ በአንጻሩ እኛ ግን ከዓድዋ ድል ማግሥት አሸልበን መቆየታችንን አስታውሰዋል።

ጊዜውን ጠብቆ ጠላት መጥቶ ማይጨው ላይ ሲከት፣ ያልተቀየረውን ቁመና ይዘን የተቀየረውን ዓለም ለመግጠም ወደ ማይጨው ማመራታችንን አብራርተዋል። በአግባቡ ሳንሰናዳ እስኪበቃው ከተሰናዳ ኃይል ፊት በመቆም፣ የሁለተኛው የኢንዱስትሪ አብዮት ትሩፋት ከሆኑት የኤሌክትሮኒክስ መሣሪያዎች ጋር መጋፈጥ እንደነበረብንም አክለው ገልጸዋል።

ባልተዘጋጁበት ግንባር እንደ መግጠም ክፉ ቀን የለም ያሉት ጠቅላይ ሚኒስትሩ፣ የከፋው ቀን ተመልሶ እንዳይመጣ ዛሬም ዳግም መጠየቅ እንዳለብን አስገንዝበዋል። አክለውም "ዛሬስ ኢትዮጵያ ምን ያህል ተዘጋጅታለች? ካለፉት ስህተቶቻችን ምን ያህል ተምረናል?"በማለት ጠይቀው፣ አንዳችን የሌሎችን እንከን መንቀስ ትተን ዓይናችን ምን ያህል ወደ ውጭ ያማትራል ሲሉ አሳስበዋል።

ቀጣናችን እየተቀየረ መሆኑን የጠቆሙት ጠቅላይ ሚኒስትር ዐቢይ አሕመድ (ዶ/ር)፣ ሀገራችን በአስገራሚውና በአስፈላጊው የዓለም ክፍል ላይ እንደምትገኝ ገልጸዋል። በመሆኑም ምሥራቅ አፍሪካ፣ ቀይ ባሕር እና የሕንድ ውቂያኖስ በሚገናኙበት ልዩ ስፍራ ላይ መቀመጥ ፈተናም ዕድልም እንዳለው አብራርተዋል።

የዓለም ነዳጅ መተላለፊያ የሆነው ባብኤል መንደብ በእኛ ቀጣና መገኘቱ አንድምታው ብዙ እንደሆነ ያመላከቱት ጠቅላይ ሚኒስትሩ፣ ከኢንዱስትሪ አብዮቶች ዘመን ጀምሮ የታላላቅ ኃያላን መሯኮቻ በሆነው የመካከለኛው ምሥራቅ አካባቢ መገኘት ምን ማለት እንደሆነ ለመገንዘብ ብዙ ማሰላሰል እንደማይጠይቅ አስረድተዋል።

በዚህ ቀጣና የሚነሳው የለውጥ ዝናብ እኛን ሳይነካን ያልፋል ማለት ዘበት መሆኑንና ፈለግንም አልፈለግን የዚህ ከባቢ ለውጥ እኛንም እንደሚጎበኘን አበክረው ገልጸዋል።

! ! !

06/10/2026

የደቡብ ኢትዮጵያ ክልል ኢኖቬሽንና ቴክኖሎጂ ቢሮ ኃላፊ በመሆን የተሾሙት አቶ መንግስቱ በየነ የስራ ርክክብ አደረጉ።

ካራት፣ ‎መስከረም 26/2018 ዓ.ም (ኮንሶ ዞን ኮሙኒኬሽን)

‎የደቡብ ኢትዮጵያ ክልል ኢኖቬሽንና ቴክኖሎጂ ቢሮ ኃላፊ በመሆን የተሾሙት አቶ መንግስቱ በየነ ከቀድሞው ቢሮ ኃላፊ ዶ/ር ቦጋለ ቦሼ ጋር የስራ ርክክብ አድርገዋል።

‎በርክክቡ ወቅት ዶ/ር ቦጋለ አዲሱን የቢሮው ኃላፊ ከተቋሙ አደረጃጀት እና በቢሮው የሚከናወኑ ሥራዎችን ቀጣይ ተግባራትን በተመለከተ ሰፊ ማብራሪያ ሰጥተዋል።

‎ዶ/ር ቦጋለ በቆይታቸው ያከናወኑትን ሥራዎችን ለአዲሱ ኃላፊ በማስረከብ፣ በአዲሱ ኃላፊነታቸው የተሳካ የሥራ ዘመን እንዲኖራቸው መልካም ምኞታቸውን ገልጸዋል።

‎የተከበሩ ዶ/ር ቦጋለ ቦሼ አዲስ ለተሾሙት የቢሮ ኃላፊ መልካም የሥራ እና የትጋት ጊዜ እንዲሆን ምኞታቸዉን ገልፀዋል።

‎አዲሱ የቢሮው ኃላፊ አቶ መንግስቱ በየነ በበኩላቸው፣ ለተደረገላቸው አቀባበልና ለተሰጣቸው ማብራሪያ ምስጋና አቅርበዋል።

‎በተጨማሪም አቶ መንግስቱ በየነ በቢሮው ኃላፊነት በነበሩበት ወቅት ላበረከቱት አገልግሎት አድናቆታቸውን ገልጸው፣ በቀጣይ የሥራ ዘመናቸውም ስኬትን ተመኝተዋል።

‎በሥራ ርክክቡ ላይ የቢሮው ምክትል ኃላፊዎችና የማኔጅመንት አባላት ተገኝተዋል።

06/10/2026

የመከላከያ ኢትዮጵያን የመጠበቅ ትጋት ለዘመናት ሲዘከር ይኖራል

06/10/2026

መንግሥት የመከላከያ ሠራዊቱን ስትራቴጂካዊ አቅም እና የተልዕኮ አፈጻጸም ብቃት ወደ ላቀ ደረጃ ለማሸጋገር በልዩ ትኩረት ይሠራል፡- ፕሬዚዳንት ታዬ

ካራት፣መስከረም 26/2019 ዓ.ም (ኮንሶ ዞን ኮሙኒኬሽን)

የኢትዮጵያ መንግሥት የመከላከያ ሠራዊቱን ስትራቴጂካዊ አቅም፣ በቴክኖሎጂ ራስን መቻል እና የተልዕኮ አፈጻጸም ብቃት ወደ ላቀ ደረጃ ለማሸጋገር ልዩ ትኩረት ሰጥቶ እንደሚሠራ ፕሬዚዳንት ታዬ አጽቀ ሥላሴ ገልጸዋል።

ፕሬዚዳንቱ ለሕዝብ ተወካዮች እና ለፌዴሬሽን ምክር ቤቶች የጋራ ስብሰባ ባደረጉት ንግግር ላይ እንዳስታወቁት፣ ኢትዮጵያ ያላትን ውስጣዊ ጥንካሬ በዘላቂነት ለማስቀጠል ዘመናዊና ቴክኖሎጂን የተላበሰ ተቋማዊ የጸጥታ ኃይል መገንባት በቀጣዩ ዓመት ከፍተኛ ትኩረት ከሚሰጣቸው ቁልፍ ጉዳዮች መካከል ዋነኛው ነው።

ሀገገራችን ያላት የመከላከል አቅም ይበልጥ እንዲጎለብት መንግሥት አስፈላጊውን ድጋፍ ሁሉ እንደሚያደርግ ያረጋገጡት ፕሬዚዳንት ታዬ፣ የጸጥታ ተቋማት ዘመናዊ ቴክኖሎጂን በራሳቸው አቅም እንዲያመርቱና እንዲጠቀሙ እንደሚሠራ አመልክተዋል።

ይህ ስትራቴጂካዊ አቅምን የማሳደግና ራስን የመቻል ሥራ የመከላከያ ሠራዊቱ እና ሌሎች የጸጥታ አካላት ተልዕኮ የመፈጸም ብቃታቸውን ይበልጥ በማጎልበት ብሔራዊ ጥቅም እና ሉዓላዊነትን አስተማማኝ በሆነ መሠረት ላይ ለማጽናት እንደሚያስችል አብራርተዋል።

ለመከላከያ ሠራዊትና ለፌዴራል የጸጥታ ኃይሎች አባላት መንግሥት ያለውን የላቀ ክብርና እውቅና በይፋ የገለጹት ፕሬዚዳንቱ፣ የሰራዊቱ አባላት ከራሳቸው ጥቅም ይልቅ የሀገርንና የብሔራዊ ክብርን አስቀድመው ለሕዝብ ደኅንነት ጋሻና መከታ መሆናቸውን ገልጸዋል።

ሀገራቸውን በጽናት በመጠበቅ ላሳዩት ቆራጥነት፣ የሀገር ፍቅር፣ የተልዕኮ አፈጻጸም ብቃት እና የሕዝብ ወዳድነት በመንግሥት ስም ከፍተኛ ምስጋናቸውን አቅርበዋል።

የጸጥታ ኃይሉ አባላት ኢትዮጵያን የመጠበቅ፣ የመታደግና በክብር የማቆየት ሀገራዊ ትጋት በዘመናት ሲዘከር የሚኖር መሆኑንም አስምረውበታል።

ከዚሁ የጸጥታ ግንባታ ጋር ተያይዞም የሕዝቡን ሰላም በዘላቂነት ለማረጋገጥ የጠብመንጃ ባህልና የነፍጥ አዙሪትን በማስቀረት፣ የሀገራችን የፖለቲካ ልምምድ በሰላም፣ በንግግር፣ በእውቀትና በመደማመጥ ላይ እንዲመሰረት መንግስት ከምንጊዜውም በላይ በትኩረት እንደሚሠራም አረጋግጠዋል።

! ! !

Konso Zone Government Communication

07/10/2026

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

06/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request