ቢሮ ትምህርቲ ትግራይ- Tigray Education Bureau

04/09/2026

01/09/2026

ፃውዒት ምዝገባ ተምሃሮ ዘበነ ትምህርቲ 2019 ዓ.ም

27/08/2026

ብምኽንያት ደብዳባት ድሮንን ነፈርቲ ውግእን ኣብ ትምህርቲ ትግራይ ዝበፅሕ ዘሎ መጉዳእቲ ኣመልኪቲ ካብ ቢሮ ትምህርቲ ትግራይ ዝተወሃበ መግለፂ

27/08/2026

መልእኽቲ ቢሮ ትምህርቲ ትግራይ ኣብ ውፅኢት ፈተና 12 ክፍሊ 2018 ዓ.ም

ሚኒስትሪ ትምህርቲ ኢትዮጲያ ብዕለት 16/12/2018 ዓ/ም ውፅኢት ሃገራዊ ፈተና ዘበነ ትምህርቲ 2018 ዓ/ም ኣመልኪቱ መግለፂ ምሃቡ ይዝከር።

ትግራይ ኣብቲ ዘበነ ትምህርቲ ካብ ዘፈተነቶም ተምሃሮ ኣስታት 11.2% ዝኾኑ ተምሃሮ 50 ሚኢታውን ልዕሊኡን ከምዘምፅኡ ካብቲ ዝተውሃበ መግለፂ ምፍላጥ ተኻኢሉ ኣሎ።
እዚ ብድምር ዝተረኸበ ውፅኢት ትሑት ዋላ እንተኾነ ኣብ ልዕሊ በቲ ጂኖሳይዳዊ ኲናት ዘበፀሓና ዕንወትን ኪሳራን መንግስቲ ፌደራል ካብ ጥቅምቲ 2018 ጀሚሩ በጀት ብምኽልካሉ ናይ መምህራን መሃያ ብኣግባብቡን ብጊዚኡን ብዘይምኽፋሉ ዝተፈጥረ ፀገም፤ በቲ ኲናት ምኽንያት ንዝተፈጠረ ብኽነት ጊዜ ትምህርቲ ንምክሕሓስ ተምሃሮና ብዝተሳለጠ መርሃ ግብሪ ትምህርቲ ናይ 9ይን 10ይን ትምህርቶም ብሓደ ዓመት ዝወዱ ምኻኖም፤ መንግስቲ ፌደራል ኣብ ሊዕሊ ተፈተንቲ ተምሃሮ ዝፈፀሞ በደልን ብብርኪ ሃገር ምስቶም ምንም ዓይነት ፀገም ዘይብሎም ተሓሳቢ ገይርካ እንትረአን ተሓጋጊዝና ንትምህርቲ ትግራይ ድጋፍ እንትንገብር ዝህሉ ዓቕሚ መርአዪ ኮይኑ ክውሰድ ዝኸእል እዩ።

ስለዝኾነ ብኩነታት ከይተሰኮንኩም ዝልዓለ ውፅኢት ንዘመዝገብኩም ተምሃሮ ዘለና ናእዳ እናገለፅና እዚ መሪር መጉዳእትን ማህሰይትን ተፃዊርኩም ተምሃሮና ናብ ፈተና ንክቐርቡ ዘይተሓለለ ፃዕሪ ዝገበርኩም መምህራን፣ ኣመራርሓ ትምህርቲ፣ ወለድን መንግስታውን ዘይመንግስታውን ኣካላትን በዚ ኣጋጣሚ ክነመስግን ንፈቱ።

ኣብ መወዳእታ ዝርዝር መረዳእታ ውፅኢት ሃገራዊ ፈተና ካብ ሚኒስተሪ ትምህረቲ ምስ በፅሐና ዝርዝር ትንታነ ውፅኢት እንህብ ምዃና እናገለፅና ምስ ውፅኢት ፈተና ተኣሳሲሩ ዝተፈላለዩ ሕቶታትን ጥርዓናትን ዘለኩም ተምሃሮ በዚ ሊንክ https://result.eaes.et/complaint እዚ ኣቢልኩም ክትሓቱን ብኣካል እውን ንርዕሳነ መምህራን ኣብያተ ትምህርትኹም ክተፍልጡን ንሕብር ።

ትምህርቲ መሰረት ሕውየትናን ብሄራዊ ረብሓናንን!

ቢሮ ትምህርቲ ትግራይ
21/12/2018 ዓ

Official portal to check Ethiopian Educational Assessment and Examination Services (EAES) results online. Enter your Admission Number and First Name to view your exam results.

27/08/2026

Drone strikes by Federal Government of Ethiopia hit a secondary school in at Woreda, destroying ICT facilities with 35 computers installed this year by the supported program. Serving 500+ students since 1999 E.C., this vital hub now lies in ruins.

There were no military targets, active combat, or armed presence anywhere nearby.

This is part of the deliberate, ongoing campaign to weaponize and destroy education in Tigray.

We strongly condemn this attack and call on the global community to demand accountability and end these targeted atrocities of historical proportions.

UNICEF Ethiopia European Union in Ethiopia African Union

21/08/2026

መግለፂ ቢሮ ትምህርቲ ትግራይ

14/08/2026

ቢሮ ትምህርቲ ትግራይ ንመንግስታውን ዘይመንግስታውን አመራርሓ ኣብያተ ትምህርትን ቤት ፅሕፈት ትምህርቲ ከተማ መቐለን ዞባ ደቡብ ምብራቕን ኣብ ሓዱሽ መቓን ስርዓተ ትምህርቲ ሓፈሻዊ ትምህርቲ ትግራይ መሰረት ዝገበረ ስልጠና ኣብ ምሃብ ይርከብ ።

ኣብቲ ስልጠና ተረኺቦም መልእኽቲ እንኳዕ ድሓን መፃእኹም ዘመሓላላፉ ሓላፊ ቢሮ ትምህርቲ ትግራይ ዶር. ኪሮስ ጉዑሽን ምክትል ሓላፊ ቢሮ ትምህርቲ ኣይተ ገ/ዮሃንስን ፍስሃን ኣብ መደረኦም ኣብ ትግራይ ዝተኣወጀን ዝተፈፀመን ጆኖሳይዳዊ ኵናት ኣብ ትግራይን ህዝባን ሓደሽቲ ሓቅታትን ጠለባትን ምፍጣሮም፤ ንልዕሊ 16 ዓመት ከይተለወጠ ዝፀንሐ ነባር ስርዓተ ትምህርቲ ምስ ህልዊ ኩነታት ዓለም ዘይጥዓዓም፤ በዝተፈላለዩ ትካላትን ሙሁራትን ተፈቲሹ ሕፅረታት ስለዝነበሮን ብቐንዱ ድማ ዓለም ለኻዊ ለውጥታት ንምሕንፃፅ ሓዱሽ መቓን ስርዓተ ትምህርቲ ትግራይ እቶም ቀንዲ ምኽንያታት ምዃኖም ኣብሪሆም ።

ቀፂሎም እቲ ሐዱሽ መቓን ስርዓተ ትምህርቲ ናብቲ ሐዚ በፂሑሉ ዘሎ ብርኪ ንክበፅሕ ምድላው መቓን ፣ ምይይጥ ፣ ምምዕባልን ምፅዳቕን ፣ ምድላው ሲለበስን መፅሓፍትን ዝብሉ ብርክታትን ምዕራፋትን ከምዝሓለፈን ልዕሊ 700 ሰብ ሞያ ከምዝተሳተፉሉን ገሊፅም ።

ካብዚ ብተወሳኺ እዚ ሓዱሽ ስርዓተ ትምህርቲ ካብቲ ቅድም ኢሉ ኣብ ተግባር ዝነበረ ዕላማ-ተኮር ናብ ብቕዓት-ደረኽ ዝተቐየረ ምዃኑ ብምግላፅ ንተግባራውነቱ ኩሉ ዝምልከቶ ኣካል ብፅሒቱ ክዋፃእ እቶም ሓለፍቲ ፀዊዖም።

ኣብ መወዳእታ እቲ ሓዱሽ መቓን ስርዓት ትምህርቲ ሓፈሻዊ ትምህርቲ ትግራይ ንከዳሎ ፣ ንክሕተምን ንትግበራ ንክበቅዕን ንዝገበሩ መሻርኽቲ ፣ መንግስታውን ዘይመንግስታውን ትካላት ኣመስጊኖም ።

ጉዳያት ርክብ ቢሮ ትምህርቲ
08/12/2018
መቐለ

10/08/2026

04/08/2026

ንኩሉኹም ኣብ ፍሉይ ካልኣይ ብርኪ ቤት ትምህርቲ ቃላሚኖ ኣቲኹም ክትምሃሩ ንእትደልዩ ተምሃሮ በዚ ዝስዕብ ምልክታ መሰረት http://forms.gle/t4shW1MMLM2ihhu37 እናኣተኹም ብ ኦን ላይን ክትምዝገቡ ትኽእሉ ኢኹም።

29/07/2026

ኣብ ልዑል ፀቕጥን ስነ ልቦናዊ ሃሰያ ኮይኖም 15,439 ተምሃሮ 12 ክፍሊ ሃገራዊ መልቀቒ ፈተና ይወስዱ ከምዘለዉ ሓላፊ ቢሮ ቶምህርቲ ትግራይ ዶር ኪሮስ ጉዑሽ ገሊፆም።

እቶም ሓላፊ ነዚ ዝበሉ ሎሚ 22 ሓምለ 2018 ዓ.ም ኣብ ዩኒቨርሲቲ መቐለ ተረኺቦም ነቲ ፈተና ብዕሊ ኣብ ዘጀመርሉ እዋን እዩ።
ከም ኣገላልፃ ዶር ኪሮስ እዞም ሎሚ ዝፍተኑ ዘለዉ ተምሃሮ 15,349 ተምሃሮ ካብ 1-8 ሓምለ 2018 ዓ.ም ክፍተኑ ዝግብኦም ዋላኳ እንተነበሩ ብሰንኪ ዘይብቑዕ ምኽንያት ተለዋዋጢ ቅዋም መንግስቲ ፌዴራል ክናዋሕን ዘይተደለየ ፀቕጥን ስነልቦናዊ ሃሰያ ኣብ ልዕሊ ተምሃሮና ክበፅሕ ኣብ ልዕሊ ተጋሩ ተምሃሮ ዘይርሳዕ በደል ፈፂሞም እዮም ኢሎም።

ካብዚ ብተወሳኺ ኣብ ልዕሊ ኦዞም ተፈተንቲ ዝኾነ ይኹን በደል እንተበፂሑን ዘየድሊ ምኽንያታት ተፈጢሩ መሰል ተምሃሮ ሕልው ንምግባር ውሳኔ ካብኔ መንግስቲ ዝትግበር ምዃኑ ሓቢሮም እዮም።

ኣብ መወዳእታ ተምሃሮ ተረጋጊዖም ፈተናኦም ክፍተኑ ን ፅቡቕ ውፅኢት ከምፅኡ ሰናይ ትምኒቶም ድሕሪ ምግላፅ ነዚ ፈተና ይኹን ብበይነ መረብ ንዝተኻየደ ፈተና ልዑል ኣበርክቶ ንዝገበሩ ኢትዮ ቴሌኮም፣ ሓይሊ መብራህቲ፣ ሓይልታት ፀጥታ ፈፌደራልን ክልልን፣ ኣመራርሓ ዩኒቨርሲትን ፈተንትን ዘለዎም ምስጋና ገሊፆም።

እቲ ፈተና ምስ ዶር ኪሮስ ጉዕሽ ብሓባር ብምዃን ከንቲባ ከተማ መቐለ ኣይተ ሃይላይ ኣረጋዊን ዶር ፋና ሓጎስን ፕሬዚደንት ዩኒቨርስቲ መቐለን ኣብ ዝተረኸብሉ ብዕሊ ተጀሚሩ እዩ።

ጉዳያት ርክብ ቢሮ ትምህርቲ
መቐለ
22/11/2018 ዓ.ም