Tigray Housing Development Agency

04/03/2026

ምምሕዳር ከተማ መቐለ ዘመሓድሮም ኾነ ንመሸጣ ዘውፀኦም ኣበይቲ የለዉን ኢሎም ከንቲባ ከተማ መቐለ ዶ/ር ረዲኢ በርሀ ።

እቶም ከንቲባ ን104.4 ሬድዮ ኤፍ ኤም መቐለ ከምዝገለፅዎ:ምምሕዳር ከተማ መቐለ ኣብ ትሕቲ ኤጀንሲ ልምዓት ኣባይቲ ትግራይ ዝርከቡ ቦታታት ንመሸጣ ወፂኦም ዝብል ወረ ኣብ ባይታ ዘየለ ቅሉዕ ሓሶት ከምዝኾነን ነዚ ጉዳይ አጃንዳ ገይሮም ሕ/ሰብ ከደናግሩ ዝፍትኑ ዘለዉ ገለ መደናገርቲ ዝኾኑ ተጋሩ :ንትግራይ ዝኸድዕዋ ከይኣኽሎም ኣብ ባይታ ዘየለ ብዕራይ ወለደ ዝኾነ ሓሶት እናመሃዙ ይውዕሉ ከምዘለዉ ብምሕባር ከብ ከምዚ ዓይነት ተግባሮም ክቑጠቡ ከምዝግባእ ድማ ኣተሓሳሲቦም።

መሬት ትግራይ ብዕሊ ብመንግስቲ ኢ/ያ ኣይግበአኩምን እንትበሃል :ናብ ዘይምልከቶ ቤት ፍርዲ ከይዶም ኣአጊድናዮ ኣለና ኢሎም ከደናግሩ ዝፈተኑ ገለ መደናገርቲ: ኣብልዕሊ ህዝቢ ትግራይ ጀኖሳይድ ምስዝፈፀመ ጆነሳይደር ሓቢሮም ኣብልዕሊ ትግራይ ኲናት ክውላዕ ይምሕፀኑ ምህላዎም ከይኣክል:ሓዚ ድማ ካልእ ናይ ሓሶት ፈጠራ ፈብሪኾም ክደናግሩ ይፍትኑ ስለዘለዉ ህዝቢ ከተማ መቐለ በዚ ከምዚ ዓይነት ውፁእ ሓሶት ከይተደናገረ ኣብ ጎኒ ምምሕዳሩ ኮይኑ ከባቢኡ ክሕሉ ይግባእ ኢሎም ክቡር ከንቲባ ከተማ መቐለ ዶ.ር ረዳኢ በርሀ።

ነዚ ጉዳይ ኣመልኪቶም ን104.4 ሬድዮ ኤፍ ኤም መቐለ መብርሂ ዝሃቡ ምክትል ዋና ዳይሬክተር ኤጀንሲ ልምዓትን ምምሕዳርን ኣባይቲ ትግራይ ኣይተ ሰይፉ ኣዲሱ ብወገኖም: ምምሕዳር ከተማ መቐለ ኣብ ትሕቲ እቲ ኤጀንሲ ዘመሓድሮም ዝኾነ ይኹን ቦታታት ክሸይጥ ኮነ ከመሓድር ስልጣን የብሉን ኢሎም ፡፡

እቶም ምክትል ዋና ዳይሬክተር እቲ ኤጀንሲ ከም ዝገለፅዎ :መንግስቲ ብተናፀል ከልምዖም ዘይኽእል ኣብ ትሕቲ ኤጀንሲ ልምዓት ምምሕዳር ኣባይቲ ትግራይ ዝመሓደሩ ከምዘለዉ ብምሕባር: እቶም ኣባይቲ ብኸመይ ክለምዑ ከምዝኽእሉ ድማ ናይ ቤትምኽሪ ግዝያዊ ምምሕዳር ትግራይ ሓላፍነት እምበር ናይ ምምሕዳር ከተማ መቐለ ሓላፍነት ከምዘይኾነ ኣረዲኦም፡፡

ምምሕዳር ከተማ መቐለ ዘመሓድሮ ኾነ ዝእዝዞ ኣባይቲ የብልናን ዝበሉ ኣይተ ሰይፉ ኣብዚ ቐረባ እዋን ኣብ ትሕቲ ኤጀንሲ ልምዓትን ምሕደራን ኣባይቲ ትግራይ ዝርከቡ ገዛውቲ ምምሕዳር ከተማ መቐለ ንመሸጣ የውፀኦም ኣሎ ዝብል ዛዕባ ካብሓቂ ዝረሓቐን ኣብ ባይታዘየለን ውፁእ ሓሶት ከምዝኾነ ኣረዲኦም ፡፡

ኣብ ትሕቲ ኤጀንሲ ልምዓትን ምሕደራን ኣባይቲ ዝመሓደሩ ዘይለምዓ መሬት ከልምዑ ናብዝኽእሉ ወገናት ምምሕልላፍ ዝፈቅድ ዕላዊ ዝኾነ መምርሒ ኣሎ እዩ ዝበሉ ኣይተ ሰይፉ ይኹን እምበር ከምቲ ሓዚ ዝናፈስ ዘሎ በላካ ለኽዓካ ዘይኮነስ ህዝቢ ፈሊጥዎ ዝግበር እምበር ተሓቢእኻ ዝፍፀም ከምዘይኮነን ክሳብ ሓዚ ናብ ሳልሳይ ወገን ንምምሕልላፍ ተባሂሉ ዝወፅአ ኮነ ዝተፀንዐ ቦታ የለን ኢሎም ፡፡

ኣብ ትሕቲ ኤጀንሲ ልምዓት ኣባይቲ ትግራይ ዝመሓደሩ ዘይለምዑ ቦታታት ምስ መዳርግቲ ኣካለት ብምኵን ሓቢርካ ምልማዕ ከምዝከኣል ኣዋጅ ወፂእሉ እዩ ዝበሉ ኣይተ ሰይፉ እዚ ከምዚ ዓይነት ተመኩሮ ድማ ኣብ መላእ ኢ/ያ ብሰፊሑ ይስረሓሉ ዘሎ ጉዳይ ስለዝኾነ ኣብ ትግራይ በፂሑ ነውሪ ዝኾነሉ ወይ ዝእግዶ መምርሒ ኮነ ደምንቢ ዋላእኳ ተዘይሃለወ ክሳብ ሐዚ ግን ምስ ሰብ ሃፍቲ ሓቢርካ ዝለምዓ ወይድማ ምስ መዳርግቲ ኮይንካ ዝተጀመረ ነገር የለን ኢሎም፡፡
Fm Mekelle 104.4

03/03/2026

ኣብ ዞባ ደቡብ ትግራይ ንዝርከቡ ናይ ከተማታት ኣላማጣ፤ኮረምን ማይጨውን ማዘጋጃ ቤት ሓለፍትን መተሓባበርቲ ከይዲ ሰራሕ ምልማዕን ምሕደራን ኣባይቲ ስልጠና ተዋሂቡ።

ኣብቲ መድረኽ ዝተረኸቡ ም/ዋና ዳይሬክተር ኤጀንሲ ልምዓትን ምምሕዳርን ኣባይቲ ትግራይ ኣይተ ሰይፈ ኣዲሱ ከምዝገለፅዎ እተን ከተማታት ብፍላይ ኣላማጣን ኮረምን ኣብ ትሕቲ ኮማንድ ፖስት ስለዝነበራን ሐዚ ነፃ ወፂአን ስራሕተን ጀሚረን ስለዘለዋ ዋላ ናይ በጀት ፀገም እንተሃለወ እውን እቲ ስልጠና ንክወሃብ ከምዝተገበረን በዚ ድማ ኣብቶም ዝወፁ መምርሕታት ምርድዳእ ገይረካ ናብ ተግባር ንምእታውን ኣብ ስራሕትና ንምትሕግጋዝን ዝዓለመ ስልጠና ምዃኑ ኣገንዚቦም።

ኣብ ዝተመሓየሸ መምርሒ ምምሕዳር ክራይ ኣባይቲ ስልጠና ዝሃቡ ኣብ ዳይሬክቶሬት ምትሕልላፍን ምምሕዳርን ኣባይቲ መራሒ ጉጅለ ምምሕዳር ኣባይቲ ዝኾኑ ኣይተ ትካቦ ሃይለ፤ ኣብ ሕድሕድ ከተማ ዝርከቡ ናይ መንግስቲ ኣባይቲ ንፁርን ፅፉፍን መረዳእታ ብምሓዝ በቲ ናይ ክራይ ኣባይቲ መምርሒ መሰረት ዘለው ተኻረይቲ ውዕሊ ክኣስሩን ናብ ስርዓት ክኣትውን ምግባር ኣድላዪ ምኻኑ ሓቢሮም።

ብተወሳኺ ኣብ ናይ ከተማ ኣባይቲ ዘመናዊ ኣተሓሕዛ መረዳእታ ሶፍትዌር /Urban Housing Data Management System/ ስልጠና ዝሃቡ ኣይተ ዕቋር ኣርኣያ፤ ናይ መንግስቲ ክራይ ኣባይትን ሓበራዊ መንበሪ ኣባይትን /ኮንደምንየም/ ሙሉእ መረዳእታ ካብ ማንዋል ናብ ዲጂታል ስርዓት ብምቅያር መረዳእታ ብዘመናዊ ቴክኖሎጂ/ሶፍትዌር/ ብምጥቃም ናይ ተኻረይትን ኣባይትን ንፁር መረዳእታ ንምሓዝ አገዳሲ ምኻኑ ኣብሪሆም።
ካሊእ ኣብ ምልማዕ ኣባይቲ ከተማታት ዝምልከት ናይ ዓርሰ ሓገዝ ማሕበራት መምርሒ ወፂኡ ተዋሂቡ ስለዘሎ እዚ ምስቲ ናይ ሓርበኛታት ዕደላ ተኣሳሲሩ ዓቕሚ እተን ከተማታት ብዝፈቐዶ መጠን በቲ መምርሒ መሰረት ምትእንጋድ ከምዝከኣል እውን ኣብቲ መድረኽ ሓሳባት ቀሪቦም እዮም።
ተሳተፍቲ ብወገኖም ሐዚ ናብ ስራሕ ንኣቲ ስለዘለና እቶም ዝወፁ መምርሕታት ብኣግባቡ ክንድረኦምን ንምትግባር እውን ስለዝሕግዘናን ጠቓሚ ስልጠና ምኻኑ ተዛሪቦም።

ኤጀንሲ ልምዓትን ምምሕዳርን ኣባይቲ ትግራይ
ለካቲት 2018ዓ.ም
ማይጨው

27/02/2026

ኣንሕና እናሃለና ትግራይ ኣይትቁረስን።

27/02/2026

27/02/2026

ፌደሬሽን ምክር ቤት ንዘመሓለለፎ ውሳነ ብምቅዋም "ሓድነትና ንብሄራዊ ህልውናና" ብዝብል መሪሕ ቃል ኣብ ከተማ መቐለ ህዝባዊ ሰላማዊ ሰልፊ ይካየድ ኣሎ።

ውሳነ መንግስቲ ፌደራል ካብ ሕገ መንግስታዊ ስርዓት ወፃእ ምዃኑን ብሓይሊ ዝተወረረ መሬት ትግራይ ክምለስን ተመዛበልቲ ትግራይ ናብ መረበቶም ንክምለሱን ውዕሊ ስምምዕ ፕሪቶርያ ብሙሉእነት ንክትግበርን ዝፅውዕ ሰልፊ እዩ።

ንሕና እናሃለና ትግራይ ኣይትቆራረስን።

20 ለካቲት 2018ዓ.ም
መቐለ

17/02/2026

11 ለካቲት መሰረት ህዝባውነትና፣ፅንዓትናን ዓወትናን!

17/02/2026

ምምሕዳር ከተማ መቐለ ንልዕሊ 4000 ስድራ ስውኣት ከተማ መቐለ ስነ ስርዓት ምውፃእ ዕፃ መንበሪ ቦታ ሎሚ ኣሳሊጡ።

ን 4080 ስድራ ስውኣት ከተማ መቐለ ኣብ ዝተካየደ ስነ ስርዓት ምውፃእ ዕፃ መልእኽቲ ዘመሓላለፉ ከንቲባ ከተማ መቐለ ዶክተር ረዳኢ በርሀ ህዘቢ ተግራይ በብመዋእሉ ዝኸፈሎም መስዋእቲ ህልውንኡ ንምቕፃል ብምኳኑ ህያው ታሪኹ'ዩ ኢሎም።

ስውኣትና ንመሬት ኢሎም ኣይተሰውኡን፣ ዝዕደልዎ መሬት ግን ዓብዪ ኮይዩ ንመስዋእቶም ዝትክእ ዘይኮነስ ስውኣትና ንምዝካርን ስድራ ስውኣትና ንምሕብሓብን ዘለና ሕድሪ ንምፍፃም እዩ ድማ ኢሎም።

ንስድራ ስውኣት መንበሪ ንኽረኽቡ ዝተወሃበ መሬት ሓደራን መዘከርታን ስውኣትና እዩ ዝበሉ ዶክተር ረዳኢ በርሀ፦ እዚ ድማ ሓደርኦም ከምዘይንጠልም ዕላምኦም ኩሉግዘ እናዘከርናዮ ከምእንነብር ንምርግጋፅ'ዩ ኢሎም።

ኮሚሽነር ኮሚሽን ሓርበኛታት ትግራይ ናስር መሙሑር ከም ኮሚሽን ተጠቃምነት ስድራ ስውኣት ንምርግጋፅ ደንቢ ኣውፂኡ ናብ ስራሕ ምእታው ገሊፆም።

ምምሕዳር ከተማ መቐለ ዘሳለጦ ካልኣይ ዙር ስነ ስርዓት ምውፃእ ዕፃ መንበሪ ቦታ ንስድራ ስውኣት ተወፋይነትን ዝተወደበ ዓቕሚ መሪሕነትን ዘመላኽት ምኳኑ ገሊፆም ከም ፀብፃብ ድወት።

17/02/2026

ምምሕዳር ከተማ ዓድዋ ብምኽንያት ብዓል ለካቲት 11 መበል 51 ዓመት 1ይ ዙር ዕፃ ንስድራ ስውኣት ንደቒ ስውኣት ብድምር 706 ተጠቐምቲ መንበሪ ዝኸውን ቦታ ዓዲሉ።
‎
‎ ኣብ መኽፍቲ እቲ ዕፃ ምውፃእ ስነ ስርዓት ተረኺቦም መደረ ዘስምዑ ከንቲባ ከተማ ዓድዋ ኣይተ ተስፋይ ገብረልድ ከም ዝገለፅዎ እዚ ሎሚ ዝወፅእ ዘሎ ዕፃ ኣብ ፅንብል ብዓል ለካቲት 11 መበል 51 ዓመት ምጅማር ዕጥቃዊ ቃልሲ ህዝቢ ትግራይ ምኽንያት ብምግባር ሐዚ 'ውን ብሄራዊ ሓድነትና ብምስጥጣም ሕድሪ ስውኣትና ኣብ ሽቱኡ ክበፅሕ መሰረት ብምግባር ኣብዚ ዓመት ካብ ዝዕደሉ1ይ ዙር ዕፃ ሓደ ኮይኑ ንዝተረፉ ስድራ ስውኣትን ሓርበኛታትን ኣብዚ ዓመት መንበሪ ገዛን ቦታ ንምሃብ እቲ ምምሕዳር ከምዝሰርሕ ገሊፆም።
‎
‎ ቐፂሎም ዝተዛረቡ ሓላፊ ቤት ፅሕፈት ምምሕዳር መሬት ከተማ ዓድዋ ኣይተ ይባቤ ኣስጎዶም ከምዝገለፅዎ ምእንተ ህልወ ህዝቢ ትግራይ ክባር ሂዎቶም ናይ ዝኸፈሉ ስውኣት ስድራን ደቒ ስውኣትን ነበርቲ እታ ከተማና 140 ካሬ መሬት መንበሪ ከም ዝዕደልን ኣብ ቐዳማይ ዙር ብድምር 706 ኮይኑ ካብኣቶም ንስድራ ስውኣት 456 ንደቒ ስውኣት ን250 መንበሪ ዝኸውን ቦታ ከምዝዕደሉን እቶም ተጠቐምቲ ድማ ክሰርሕዎ ከምዝግባእ ገሊፆም።
‎ ኣብ መወዳእታ ዘዘራረብናዮም ስድራ ስወኣትን ደቒ ስውኣት ብወገኖም እቲ ዕደላ መሬት ንነዊሕ እዋን ሕቶ ስለዝነበረና እቲ ምምሕዳር ሕዚ ምላሽ ብምሃቡ ግና ኣመስጊኖም።
‎

17/02/2026

ኣብ ከተማ መቐለ ን4112 ስድራ ስውኣት ዝኸውን ናይ ኣባይቲ መስርሒ ቦታታት ንምዕዳል ካልኣይ ዙር ስነ-ስርዓት ምውፃእ ዕፃ ይካይድ ኣሎ።

ምምሕዳር ከተማ መቐለ ኣብ ዝሓለፈ ዓመት ን5600 ስድራ ስውኣት ዕፃ መንበሪ ዕደላ መሬት ወፂኡሎም ምንባሩ ዝዝከር ኮይኑ ሎሚ 10 ለካቲት 2018 ድማ ካልኣይ ዙር ስነ ስርዓት ምውፃእ ዕፃ ይሳለጥ ኣሎ ።

ምምሕዳር ከተማ መቐለ "ብሄራዊ ሓድነትና ንምውሓስ መሰል ዓርሰ ውሳነና" ብዝብል ቴማ እዩ ካልኣይ ዙር ስነ ስርዓት ምውፃእ ዕፃ መንበሪ ቦታ ንስድራ ስውኣት ዘካይድ ዘሎ።

ኣብቲ ስነ ስርዓት ምውፃእ ዕፃ ፕረዚደንት ግዝያዊ ምምሕዳር ትግራይ ሌተናል ጀነራል ታደሰ ወረደ ፣ ምክትል ፕረዚደንት ግዝያዊ ምምሕዳር ትግራይ ኣይተ ኣማኑኤል ኣሰፋ ፣ከንቲባ ከተማ መቐለ ዶ/ር ረዳኢ በርሀ፣ ኮሚሽነር ኮሚሽን ሓርበኛታት ትግራይ ተጋደላይ ናስር መሙሑር ፣ ሓዊሱ ካልኦት ላዕለዎት ሓለፍቲ ዝተፈላለያ ኣብያተ ዕዮታት ፣ ስድራ ስውኣት ከተማ መቐለ ተረኺቦም ኣለው።

19/01/2026

ርሑስ በዓል ጥምቀት ንተኸተልቲ እምነት ክርስትና።

09/01/2026

ምምሕዳር ከተማ ማይጨው ን474 ስድራ ስውኣትን ተመለስቲ ሓርበኛታትን ንመንበሪ ዝኸውን ቦታ ዓዲሉ።

ምእንተ ህልወ ህዝቢ ትግራይ ክባር ሂዎቶም ናይ ዘወፈዩ ስውኣት ስድራን ተመለስቲ ሓርበኛታትን ከተማ ማይጨው 140 ካሬ መንበሪ ከምዝዓደለ ምምሕዳር እታ ከተማ ኣፍሊጡ።

እቲ ዕደላ መሬት ብመሰረት እቲ ዝወፀ መምርሒ ዝተፈፀመን ን432 ተመለስቲ ሓርበኛታት ተጋደልቲን 42 ስድራ ስውኣትን ተጠቀምቲ ዝገብርን ምዃኑ ከንቲባ ከተማ ማይጨው ኣይተ ጌታቸው ሰገድ ተዛሪቦም። ብቐፃልነት ኩለመዳይ ተረባሕነት ሓርበኛታትን ስድራ ስውኣትን ንምርግጋፅ ክንርሕ ኢና ኢሎም።

ሓላፊ ቤት ፅሕፈት መሬትን ካዳስተርን ከተማ ማይጨው ኣይተ ጌታቸው ኣሰፋ ምምሕዳር እታ ከተማ ቅድም ክብል ን1085 ስድራ ስውኣት ፣ ደቂ ስውኣትን መናእሰይን ዕደላ መንበሪ ከምዘካየደ ብምግላፅ ሐዚ ድማ ካብ ካሕሳ ዝፀፈፈን ንቐፃሊ ዝክሓስን መሬት ይዕድሉ ከምዘለዉ ተዛሪቦም።

ዘዘራረብናዮም ሓርበኛታትን ስድራ ስወኣትን እታ ከተማ እቲ ዕደላ መሬት ንነዊሕ እዋን ሕቶኦም ኮይኑ ከምዝፀነሐ ብምግላፅ እቲ ምምሕዳር ዘንጊዑ ዋላ እንተነበረ ሕዚ ምላሽ ብምሃቡ ግና ኣመስጊኖም።
Tigrai Television

30/12/2025

ኣብ ወረዳ ኢሮብ ን220 ስድራ ስውኣት መንበሪ ገዛ ንምዕዳል ስነ-ስርዓት ዕፃ ምውፃእ ተኻይዱ።
ኣብ ስነ-ስርዓት ዕፃ ምውፃእ ተረኺቦም መልእኽቲ ዘመሓላለፉ ዋና ኣማሓዳሪ ወረዳ ኢሮብ መምህር ኢያሱ ምስግና ከም ዝገለፅዎ ኣብዚ መንደር ሓርበኛታት ዝካየድ ዘሎ ምውፃእ ዕፃ ን220 ስድራ ስውኣት ዝተዋሃበ መሬት ቀፃላይ ከምዝኾነን ንናይ ሰለስተ ምዕራፍ ስድራ ስዋኣትን ሓርበኛታትን ዘካተተን ተፃሪዩ ንክዕደሉ ይስራሕ ከም ዘሎ ገሊፆም።
ሓላፊ ቤት ፅሕፈት ኣጠቃቅማን ምሕደራን መሬትን መዓድንን ኣይተ በርሀ ስባጋድስ ቀዳምይ ዙር ዕጫ ምውዳቅ ሽሞንተ ጣብያታት ቅድሚ ናብ ወረዳ ምምፅኦም ኣብ ቦተአን ስነ ስርዓት ዕጫ ተኻይዱዩ።
ን 220 ስድራ ስውኣት ነፍስወከፍ ድማ 140 ካሬ ስነ ስርዓት ዕጫ ከምዝወፀ እዮም ሓቢሮም።
ተጠቀምቲ እቲ ዕድል ዝኸነ ሰድራ-ሰውኣትን ሓርበኛታትን ብወገኖም በቲ ተገይሩ ዘሎ ሰነ-ሰርዓት ምውፃእ ዕፃ ሕጉሳት ከም ዝኾኑ ገሊፆም ይብል ፀብፃብ ርክብን ሓበሬታን ወረዳ ኢሮብ ።