29/03/2025
Kaleessa, har'aafi boru guddummaa Itiyoophiyaaf!
God8na Iluu Abbaa Boor magaalaa Mattuutti Bitootessa 24, guyyaa Injifannoo fi dhagaa bu'uuraa hidha haaromsaa guddicha Itoophiyaa sababeeffachuun dorgommiin fiigicha daandiirraa geggeeffameera.
Itti gaafatamaa waajjira Paartii Badhaadhinaa Damee godina Iluu Abbaa Boor obbo Moosisaa Lammeessaa, Bitootessi 24 guyyaa sabaafi sablammootni biyyattii dhimma biyyasaanii murteeffachuuf gaheefi aangoo itti gonfateefi misooma waloo humna walootiin itti eegale ta'uusaatiin guyyaa injifannoo addaati jedhan
Obbo Kaasaahun Haayiluu itti gaafatamaa Paartii Badhaadhinaa Damee Magaalaa Mattuu, Bitootessi 24, guyyaa hin danda'amuun itti danda'ameefi qaanqeen injifannoo biyya keenyaa itti qabsiifame guyyaa addaati jedhaniiru.
Fiigicha kanarratti hojjetootni mootummaafi jiraattotni magaalaa Mattuu hirmaataniiru.
Bitootessa 24, guyyaa biyyattiin qabsoo sabaafi sablammoota biyyattiitiin daandii haaraa itti eegaltedha. Karaa biraatiin immoo guyyaa dhagaan bu'uuraa hidha guddicha Itoophiyaa itti kaa'ame ta'uusaatiin guyyaa Injifannoo dachaa ta'uudhaan kabajama.
Fiigichi kun dhaadannoo harka Xiiqiif gamtaa'ee, Siidaa dhalootaa kaa'e jedhuun kan geggeeffame yoo ta'u dorgomtoota mo'ataniifis badhaasni kennameera.
