Debela Enkosa Ebsa

31/01/2026

04/09/2022

04/09/2022

👌👌👌👌👌👌 IN NEKEMTE TOWN

02/05/2022

𝙼𝚎𝚎𝚜𝚑𝚊𝚊𝚕𝚎𝚎 𝚆𝚊𝚊𝚓𝚓𝚒𝚛𝚊𝚊, 𝚖𝚎𝚎𝚜𝚑𝚊𝚊𝚕𝚎𝚎 𝙼𝚊𝚗𝚊 𝚔𝚎𝚎𝚜𝚜𝚊𝚊 𝚊𝚔𝚔𝚊 𝚏𝚎𝚍𝚑𝚊 𝚔𝚎𝚎𝚜𝚜𝚊𝚗𝚒𝚝𝚝𝚒 𝙺𝚊𝚗 𝚗𝚞 𝚋𝚒𝚛𝚊𝚊 𝚊𝚛𝚐𝚊𝚝𝚝𝚊𝚗 𝚝𝚊'𝚞 𝚒𝚜𝚊𝚊 𝙶𝚊𝚖𝚖𝚊𝚌𝚑𝚞𝚞𝚗 𝚒𝚜𝚒𝚗𝚒𝚝𝚝𝚒 𝙷𝚒𝚖𝚗𝚊.

01/12/2020

Nekemte

02/09/2020

--Qajeelfamoota Jireenya Kiristaanaa ulfaatoo fi hedduu barbaachisoo shanan kana dubbisaa--

Kaleessa mata duree ' BA'AA JAALALAA' jedhu jalatti qajeelfamoota jireenya Kiristaanaa shan Roomaa 12:9-21 keessatti kennamanin Waldaa keenyatti qoodee ture. Isaanis:-
: Jaalalli keessan dhugaa haa ta'u!
Kun jechuun fakkeessuu nama hin jaallatamaa jechuudha. 'Jaalala ' dhiisaa jechuudha. Bu'aaf nama jaallachuu utuu hin taane namni bifa Waaqayyoon waan uumameef jaallanna..Gaa'elli jaalala dhugaa irratti hin ijaaramin in dhiifama. Yeroo amma gaa'elli biyyoota guddatanii dhibbeentaan walakkaatti kan tilmaamu wal hiikuun xumurama. Polotikaa keenya keessattillee jaalala nuuti qabnu kan faayidaa wayii argachuu[taayitaa, qarshii, ijaa baafannaa...] irratti ijaarame malee kan dhugaan saba ofii jaallachuu keessaa madde hin fakkaatu. Jaalalli dhugaan ni ulfaata, garuu ulfinaan nama jiraachisa.

: Of jajuu dhiisaa, gad of deebisaa jiraadhaa! Yesuus ulfina isa Waaqayyo abbaa wajjin wal isa qixxeessu dhiiseetu foon uffate gara biyya lafaa dhufe. Kun waan amantii Kiristaanaa adda godhudha. Akkasumas amantii kana namni akka baay'ee qeequ Kan godhudha. Maal attamitti Waaqni guddaan gadi bu'ee nama ta'a? Maaliif achuma teessoo isaarra taa'ee waan fedhe hin godhu jenna. Kun amala namni jaallatudha. Nus yoo milkoofte ykn aangoo qabaanne gara hiyyeessaa fi isa dararamaa jiru dhaquu hin feenu..Hiyyeessi maaliif gaafa walga'ii guguddaan magaalaa Finfinnee keessatti adeemsifamu daandii irraa kaafamu seetan?! Hiyyuummaa dhoksuu feena. Hidhamaa dhoksuu feena. Rakkataa mandara keenyarraa fakkeessuu feena..Yesuus garuu gadi of deebisii isaan waliin jiraadhu jedha. Waan fedheefuu namni waan ittiin of jaju maal qaba? Hoomaa!! Of jajuun kufaatiif nama qopheessa. Kanaaf, jireenya keessatti of jajuun haa hafuutii laphee keenya keessatti yaaduunuu qajeelaa miti.
: Ijaa baasuu Waaqayyoof dhiisi!!
Gaaf tokko Daawwit lola deemee milkaa'ee gale. Saa'olis milkaa'eera garuu hamma kan Daawwit hin ga'u. Kanaan hinaaffaan itti gale. Adaraa maaloo nama wajjin dorgomuu dhiifnee mul'ataa fi kaayyoo jireenya keenyaan haa dorgomnu!..Ammas kana hin dagatinaa!!
Saa'olitti hinaaffaa sanaan dahatee seexanni itti galee akka Daawwitiin ajjeesuu qabu itti hime. Eeboo itti darbate. Ammas dabalee darbate. Waaqayyo garuu Daawwitiin eege. Gaaf tokko garuu Saa'ol harka Daawwit keessa buunaan Daawwit nama Waaqayyootti qubakoo hin buusu jedhee dhiise..Ijaa baafachuun akka gootummaatti ilaalama mitii?..Waaqayyo garuu hin jaallatu! Ofii isaa inni ijaa siif haa ba'u..Haqakees siif haa falmu..In falmammoodha. Of hin dandeenyu..Waaqayyo garuu gatii keenya nuuf baasa.
4ffaa: Diinakee nyaachisi
Tuqaan 3ffaa ijaa baasuu dhiisi jedha. Kun ammoo baddu baasayyuu diinakee nyaachisi jedha. In yaadattu obbolaa Yooseef? Isaan dabarsanii du'atti isa kennan. Akka yaada isaanitti abjuu gufachiisuu isaaniiti. Garuu inni midhaan tola isaan nyaachiseetu du'arraa isaan baraare..Deebisee obbolummaa garaa isaanii keessaa dammaqse. Biyyi lafaa diinakee nyaachisi yoo jedheef summii kenniif jechuu isaati..Waaqayyo garuu aannan obaasiitii diinummaa sana itti qabbaneessi nuun jedha..Kun baay'ee ulfaata garuu akkasitti tola jedhe Wangeelatu..
: Warra gammadanii wajjin gammadi; warra bo'anii wajjinis bo'i.
Kun gaddaa fi gammachuu namaa qooddadhu jechuudha. Bara nuuti keessa jiraannu kana keessa du'i baay'een waan jiruuf bo'uumayyuu dadhabneerra. Garuu Waaqayyo akka walii keenyaaf ba'aa bannu nu yaadachiisa. Waanan hin daganne gaafa Haacaaluun boqote bo'icha guddaa sabni keenya bo'uu sanadha. Garuu namni jedhus tureera. Sun baay'ee na gaddisiise.Akkasumas namoota mana hidhaa keessa jiranitti kan qoosan darbee darbee saba keenya keessaas ta'e saba biraa keessaa nan arga. Inuman of qaba malee waan akkasii waan meeqa na dubbachiisuu ga'a. Xiiqii hin taanettis nama hoofa. Garuu Waaqayyo jira jedheeman amanee of qaba. Nu garuu akka sabaattis ta'e dhuunfaatti kufaatii firaa miti kan nama ykn gartuu diina jennuuttillee gammaduun nurra hin jiru. Milkaa'ina isaaniif gammaduu malee..

Tuqaan shanan kun hojiirra oolchuuf ulfaataa ta'us karaa sirrii fi Waaaayyo jaallatuudha. Kiristaanummaan ammoo kan beekumsa fi humna keenyaan goonu utuu hin taanee amantii fi ayyaana Kiristoosiin kan jiraannuudha. Qajeelfama armaan olii ayyaana Waaqayyoon malee jabina namummaan hojii oolchuun waan hin dandaa'amneef Waaqayyoon na gargaari jechuu qabna.

Kun kanaati...

Sagaleen dhiyeessuuf har'a naaf hin mijanne. Boritti nan dhiyeessa. Waan dubbiftaniif eebbifamaa..