Xafiiska Xisbiga Barwaaqo Laantiisa Degmada Shiniile

03/09/2026

KULAN WACYIGELIN CAAFIMAADKA OO LAGU QABTAY MAGAALADA SHINIILE

Kulan wacyigelin ah oo ay ka soo qayb galeen bulshada qaybaheeda kala duwan ayaa maanta ka qabsoomay Magaalada Shiniile, xarunta Gobolka Sitti

Kulanka waxaa hoggaaminayay xubno ka socday Wakaaladda Maamulka iyo Dabagalka Cuntada, Dawooyinka iyo Adeegga Caafimaadka, iyo Guddoomiyaha Degmada Shiniile. Mudane jibril cumar wabari
Intii uu kulanku socday, bulshada magaalada Shiniile waxaa lagu wacyigeliyay khataraha caafimaad ee ka dhasha cuntooyinka, cabitaannada iyo dawooyinka dhacay ama waqtigoodu dhammaaday, kuwaas oo halis weyn ku keeni kara caafimaadka bulshada.

Sidoo kale, bulshada waxaa si gaar ah looga digay cuntooyinka iyo cabitaannada lagu kaydiyo ama lagu iibiyo meelaha qorraxdu si toos ah u gaadho, iyo dawooyinka ama waxyaabaha jirka lagu marsado ee aan si sax ah loo hubin, kuwaas oo sababi kara dhibaatooyin caafimaad oo halis ah.
Dhankooda, bulshada ka qayb gashay kulanka ayaa si wanaagsan u soo dhaweeyay Fatima ha

caafimaad ee lala wadaagay, iyagoo ballan qaaday inay ka qayb qaadan doonaan ilaalinta caafimaadka bulshada, iyaga oo isbeddelka naftooda ka bilaabaya, isla markaana fariimaha wacyigelinta gaadhsiin doona qaybaha kale ee bulshada

03/09/2026

Hal-kudhigyada Maalmaha Baagumee ee 2018TI

1. Maalinta Horumarka sare (Pagume 1)
2. Maalinta Soo-kabashada (Pagume 2)
3. Maalinta Adkaysiga (Pagume 3)
4. Maalinta iskaashiga (Pagume 4)
5. Maalinta Mustaqabalka (Pagume 5)

የጳጉሜን ወር አምስቱ ቀናት ስያሜዎች

1. ጳጉሜ 1 የእምርታ ቀን
2. ጳጉሜ 2 የማንሠራራት ቀን
3. ጳጉሜ 3 የጽናት ቀን
4. ጳጉሜ 4 የ ኅብር ቀን
5. ጳጉሜ 5 የነገ ቀን

01/09/2026

📢 OGEYSIIS OGEYSIIS

XAFIISKA WAXBARASHADA DEGMADA
Wuxuu Ogeysiinayaa dhammaan waalidiinta iyo bulshada in la bilaabay diiwaangelinta ardayda cusub iyo kuwii h**e ee sanad-dugsiyeedka 2019 T.I.
📅 26/12/2018 ilaa 05/13/2019 T.I.

Waalidiinta waxaa lagu boorinayaa inay carruurtooda da’da waxbarashada gaadhay waqtigii loogu talagalay ku diiwaangeliyaan dugsiyada.

01/09/2026

01/09/2026

🌿 MADASHA XISBIYADA DEEGAANKA SOOMAALIYADA OO BOOQASHO KU TAGTAY DEGMADA SHINIILE

📍 Shiniile, Gobolka Sitti

Madasha Xisbiyada Deegaanka Soomaalida oo uu hoggaaminayo Guddoomiye Ku-xigeenka Golaha Xisbiyada Siyaasadda Deegaanka, Xildhibaan CabdiNuur Cabdullaahi Faarax, ayaa booqasho wacyigelin iyo is-xog-waraysi ah ku tagtay Degmada Shiniile ee Gobolka Sitti.

Dhir-beeris & Ilaalinta Deegaanka
Intii ay booqashada ku jireen, xubnaha madashu waxay ka qaybqaateen hawlo dhir-beeris ah, iyagoo muujiyey muhiimadda ay leedahay ilaalinta deegaanka iyo kor u qaadista bilicda iyo horumarka deegaanka.

Kormeerka Mashaariicda Horumarineed
Madashu waxay sidoo kale indho-indhayn ku samaysay mashaariicda horumarineed ee degmada, gaar ahaan:

Dhismaha dugsiga KG-ga
Guryaha loo dhisayo qoysaska danyarta ah

Ayaa waxaa ay xubnuhu Booqashada kusomareen mashaariicda degmada kasocoota ee ah islamarkaana dadaallada lagu horumarinayo adeegyada bulshada

🤝 Xoojinta Wada-shaqaynta

Booqashada ayaa kusoo dhammaatay QADO-SHARAF uu Maamulka Degmada Shiniile u sameeyey Madasha Xisbiyada, taas oo muujinaysa soo dhoweyn, is-dhexgal iyo xoojinta wada-shaqaynta dhinacyada kala duwan.

🌱 Deegaan la ilaaliyo • Horumar la dardargeliyo • 🤝 Wada-shaqayn la xoojiyo

31/08/2026

OGEYSIIS DHAMAAN

Waxa Bari Si rasmi ah uga bilaabanaya guud ahaan Deegaanka Soomaalida diiwaangelinta ardayda sanad-dugsiyeedka cusub ee 2019 T.I.

Waxa waalidiinta iyo masuuliyiinta ardayda ka codsanayaa inay carruurtooda ka diiwaangeliyaan dugsiyada waqtigii loo asteeyay, si waxbarashadu ugu bilaabato si habsami leh.

Waxaan Hoggaaminta Waxbarashada qaybaheeda kala duwan faraya inay sida ugu haboon u gutan wajibaadkooda.

Waxbarashadu waa furaha horumarka. Aynu si wadajir ah uga shaqayno in dhammaan carruurta da’da waxbarashada gaartay ay helaan fursad ay ku dhigtaan dugsiga.

31/08/2026

“Fikir la’aantu waa caqabad hortaagan dowladda Wadajirka (Medemer).”

—W/Q... Ra’iisul Wasaare Dr. Abiy Ahmed Ali

31/08/2026

GOLAHA BARLAMAANKA DEGMADA SHINIILE OO ANSIXIYEY MIISAANIYADDA SANNADKA 2019-KA

Shiniile – Golaha Barlamaanka Degmada Shiniile ayaa maanta yeeshay kalfadhi rasmi ah oo looga hadlay arrimo muhiim u ah maamulka iyo horumarinta degmada, iyadoo ajandaha ugu weyn uu ahaa ansixinta miisaaniyadda sannadka 2019-ka.

Kalfadhiga oo uu shir-guddoominayey Afhayeenka Golaha Barlamaanka Degmada Shiniile, Mudane Dakir Ducale, ayaa waxaa xubnaha Golaha loo soo bandhigay qorshaha miisaaniyadda iyo sida loogu talagalay in loogu fuliyo adeegyada bulshada iyo hawlaha horumarineed ee degmada.

Guddoomiyaha Degmada Shiniile, Mudane Jibriil Cumar, ayaa Golaha ka hor jeediyey warbixin ku saabsan miisaaniyadda, mudnaanta adeegyada bulshada iyo qorshayaasha horumarineed ee sannadka cusub.

Xildhibaanada Golaha ayaa warbixinta ka dib soo jeediyey su’aalo iyo aragtiyo la xidhiidha mudnaanta miisaaniyadda, adeeg-bixinta bulshada iyo hirgelinta qorshayaasha degmada, kuwaas oo si faahfaahsan looga jawaabay.

Gabagabadii, Golaha Barlamaanka Degmada Shiniile ayaa si aqlabiyad ah u ansixiyey miisaaniyadda sannadka 2019-ka, iyadoo la filayo in miisaaniyaddu noqoto tiir muhiim ah oo lagu dardargeliyo adeegyada bulshada iyo qorshayaasha horumarineed ee degmada.

31/08/2026

Waxaa maanta kormeer noogu yimid masuuliyiin heer deegaan ah oo uu hoggaaminayay Mudane Cabdiraxmaan Axmed Xasan, Madaxa Arrimaha Siyaasadda iyo Kobcinta Awoodda Xisbiga Barwaaqo ee Laanta Deegaanka Soomaalida.

Waxaan masuuliyiinta u soo bandhignay hawlaha horumarineed, hindisayaasha Xisbiga Barwaaqo iyo shaqooyinka tabarucaadka ee ka socda Degmada Shiniile, gaar ahaan dadaallada lagu xoojinayo adeegyada bulshada iyo ka bixitaanka ku-tiirsanaanta gargaarka.

Masuuliyiintu waxay indha-indheeyeen guryaha loo dhisayo qoysaska danyarta ah, dugsiga barbaarinta Iyo bakhaarka kaydka raashinka, kuwaas oo qayb ka ah mashaariicda iyo qorshayaasha horumarineed ee degmada.

Waxaan uga mahadcelinayaa Xisbiga Barwaaqo iyo masuuliyiinta heer deegaan taageerada iyo taakulaynta ay mar walba nala garab taagan yihiin, taas oo door muhiim ah ka qaadanaysa dardargelinta hawlaha horumarineed iyo adeegyada bulshada.

Sidoo kale, waxaan masuuliyiinta ku wehlinay Magaalada Marmaarsa, halkaas oo aan kusoo indha-indhaynay mashaariicda horumarineed ee magaalada ka socda, gaar ahaan mashruuca dhismaha adeegga Hal-Goob, dhismaha waddada laamiga ah iyo horumarinta marinada magaalada.

Kormeerkan iyo indha-indhayntan ayaa fursad wanaagsan u ahaa in si toos ah loo qiimeeyo halka ay marayaan mashaariicda iyo hawlaha horumarineed, loona muujiyo baahiyaha jira iyo meelaha u baahan dardargelin.

Waxaan mar kale uga mahadcelinayaa Xisbiga Barwaaqo iyo masuuliyiinta heer deegaan garab istaagga iyo taageerada ay u hayaan Degmada Shiniile, waxaana naga go’an in aan sii wadno dadaallada lagu xoojinayo horumarka, isku-filnaanshaha bulshada iyo adeegyada aasaasiga ah ee shacabka.

30/08/2026

Nehase 25/2018

Macallimiintu iyaga oo dugsigooda jooga ayay shaqada waxbarashada bilaabayaan (Shaqooyinka Baris-Barasho ee sanad dugsiyeedka 2019 ayay sii qorshaynayaan) IA.

Sida Jadwalka sanad-dugsiyeedka 2019 ku cad, Macalin walba, Bari oo isniin ah waa in uu iska xaadiriyo dugsigiisa.