Macuata Provincial Council

25/04/2026

22/04/2026

Mai qaravi rawa na Veisiko veira na Macuata tu e vanua ni cakacaka mai Lomaiviti
Cavuti na vakavinavinaka levu ena koro o Vuma ena vuku ni nodra veiciqomi vinaka kei na nodra veimaroroi ena gauna ni lakolako ni Urban Visit. E vakavinavinakataki tale ga o kemuni na lewe ni CBM Lomaiviti ena loloma kei na veitokoni levu.

Vinaka vakalevu na veitalevi kei na veirogorogoci ena gauna lekaleka ni neitou gade ena yasana o Lomaiviti. E ka ni marau levu na neitou a veimaliwai kei kemuni kece.

Lomaiviti Urban visit

22/04/2026

TUKUTUKU VAKASAVUI RARABA

ULUTAGA: MINING ACT REVIEW PUBLIC CONSULTATION

Ni sa bula vinaka tale mai na noda lewe ni yasana vakaturaga o Macuata.

E gadrevi me vakasavui ga yani na ituvatuva ni Matanitu ena kena qaravi na Mining Act Review Public Consultation

Sa koto qori e ra na kena matailalai:

Day Date Time Venue
Thursday 23 April 3pm – 6pm Korovuli Village Hall, Sasa
Friday 24 April 11am – 2pm Cawaro Village Hall, Udu
Saturday 25 April 10am – 01pm Labasa Civic Center
Monday 27 April 11am – 02pm Nubu Village Hall, Nadogo
Tuesday 28 April 04pm – 07pm Dreketi Central College, Dreketi
Friday 01 May 01pm – 04pm Sogobiau Village Hall, Nadogo

Oni sa kerei na noda lewenivanua ena kena vakadewataki yani na itukutuku qori ka meda tiko yani kina vakalewe levu meda lai solia kina na noda nanuma ena vuku ni ulutaga sa toqai koto qori e cake. Na nomuni nanuma kei na nomuni rai ena vukea sara vakalevu na ituvatuva ni matanitu ena kena vakacokotaki na veika vakalawa me baleta na Kelikeli (Mining) ena noda vanua.

22/04/2026

Mai tekivutaki nikua na nodra vuli na Mata ni Tuvakacakacaka mai na veiyasana ena Vualiku (Northern Division Urban Reps Training) ka dolavi tiko ena Civic Centre e Labasa ena mataka nikua.

Era dolava na vuli siga rua (2) qo na turaga Roko Tui Macuata, Mr. Kalivati Rabuka. Ena nodra dolava tiko na vuli qo, era a vakabibitaka tiko kina na kena sa gadrevi na noda cakacaka vata na Mata ni Tu Vakacakacaka ena nodra semati ka sikovi yani vakawasoma na noda lewe ni yasana era tu ena veikoro ni cakacaka lelevu ena noda vanua.

Era tataunaka na bibi ni veivakabauti ni Matabose ni Veika Vakaitaukei kei na Valenivolavola ni Yasana ena nodra dau talevi wasoma kei na nodra dau sikovi na lewe ni yasana ka vakauasivi na kena vakamatatataki tiko na veika eso e dau qaravi ena ripote vakavulatolu e dau vakau tiko ena veivalenivolavola ni yasana. E koto kina na vakanuinui ni veika e dau lewe ni ripote ni sa itukutuku dina ni dau lai yaga vakalevu na itukutuku va qo (data) ena buli tuvatuva ni veivakatorocaketaki ni yasana.

Sa ka bibi kina na noda veitauriligataka vata na itavi ni nodra semati ka yagani tiko na noda lewe ni yasana. Okati eke na noda biuta vata eso na ituvatuva ni noda veivakabulabulataki vakayasana ena vanua ni cakacaka me rawa ni dau kauti keda vata tiko mai ena veivanua duidui eda dui tu kina.

Na vuli qo e ituvatuva ga ni Tabacakacaka iTaukei kei na Matabose ni Veika Vakaitaukei ka ratou qarava ga na Dauniveituberi ni Matabose ni Veika Vakaitaukei e Suva.

20/04/2026

Qaravi na idola ni Vuli ni Vakau Waqa (Boat Master Training) e Nakawaga, Mali.

Na vuli qo e vakarautaka na Tabacakacaka ni Tabagone kei na Qito (Misitry of Youth and Sports) e Labasa ka soli vuli kina na Matabose ni Veisokoyaki ena noda Vanua (MSAF).

Ena sasaga ni matanitu ena nodra vakacokotaki na noda itabagone, a tuvai kina na ituvatuva qo me vukei ira e 60 na itabagone ni yasana o Macuata, me tekivu mai Udu me yaco ki Dreketi.

A sureti na valenivolavola ni yasana ena kena lai dolavi na vuli macawa 1 qo ka gole kina na Roko Veivuke ka Roko Veiqaravi tale ga e Mali, o Ropate Ramacake ena kena lai dolavi na vuli qo. Ena qai sogo tiko na vuli ena siga Vakaraubuka.

08/04/2026

Vinaa Valevu Na Yalovata Tabagone

30/03/2026

11/03/2026