Kommunala Brennistøðin

26/05/2026

Nú er tíðin komin at basa skøruni🎋

Skøra er ein innræsin planta, sum ger skaða á føroysku náttúruna, um hon fær loyvi til at gróðurseta seg í lendið. Tí er týdningarmikið at basa skøruni og at beina hana burtur á rættan hátt.

Minst til at:
✅Innræsnar plantur skulu latast til brenningar
✅Moldin skal bustast væl av rótini
✅Lat innræsnu planturnar í klárar plastsekkir

Skøra skal latast til brenningar uttan mold

21/05/2026

Allar støðir og endurnýtslur hjá Kommunalu Brennistøðini eru stongdar 2. hvítusunnudag, tann 25. mai.

20/05/2026

Takk fyri allar vitjanir í umhvørvisvikuni💚

13/05/2026

🤗♻️

13/05/2026

Í 2025 tók Kommunala Brennistøðin ímóti 23.649 tonsum av burturkasti. Hetta er uml. 14 % meira enn í 2024, tá ið burturkastnøgdin var 20.807 tons. Av burturkastinum, ið KOB tók ímóti í 2025, vórðu uml. 75 % orkuútvunnin, 22 % send til endurvinningar og knapt 3 % tyrvd.

Mongdirnar av burturkasti, sum verða sendar til endurvinningar, eru vaksnar í mun til 2024. Ein orsøk til hetta er, at metal varð avskipað tvær ferðir í 2025 í mun til eina ferð í 2024. Eisini eru tølini fyri glas og elektronikk vaksin í 2025 í mun til í 2024.

Orkuútvinningin er vaksin við yvir 1.000 tonsum av burturkasti í mun til í 2024. Tyrvingin er minkað munandi seinastu tvey árini, tí nú verður tað skilt meira, umframt at vinnan koyrir tyrviburturkastið beinleiðis til nýggja Tyrvingarplássið í Nýggjheiðum.

Les meira í okkara Umhvørvisfrágreiðing: https://www.kob.fo/um-okkum/hagtoel-og-politikkir/umhvoervisfragreiding/

12/05/2026

Allar støðir og endurnýtslur hjá Kommunalu Brennistøðini eru stongdar Kristi himmalsferðardag, hósdagin 14. mai. Opið er aftur sum vanligt fríggjadagin.

06/05/2026

🤗♻️

29/04/2026

Allar støðir og endurnýtslur hjá Kommunalu Brennistøðini eru stongdar Dýrabiðidag, fríggjadagin 1. mai. Opið er aftur sum vanligt leygardagin.

Húsarhaldsruskið, sum vanliga verður heintað fríggjadag, verður heintað gjøgnum vikuna. Tó verður húsarhaldsruskið í Nólsoy ikki heintað hesa vikuna, men vit heinta dupult í komandi viku.

28/04/2026

Vælkomin til framløgu og rundvísing á Kommunalu Brennistøðini í umhvørvisvikuni💚

Ivast tú í, hvussu tú skilir burturkastið heima við hús? Og ynskir tú at síggja, hvussu burturkastið verður handfarið víðari? Kom so til framløgu og rundvísing á Kommunalu Brennistøðini týskvøldið 5. mai kl. 19.30.

Tiltakið er ókeypis, tó er neyðugt at melda seg til her: https://www.kob.fo/borgari/skiljing/temakvoeld-laer-at-skilja-titt-burturkast/

20/04/2026

Flaggdagin, leygardagin 25. apríl, lata allar støðir hjá Kommunalu Brennistøðini aftur kl. 12. Hetta merkir, at Endurnýtslan á Hjalla bert er opin frá kl. 10-12.