Huxa Fólkafloksungdómur

20/03/2026

Tað skal loysa seg at arbeiða og vera ungur í Føroyum💚. X við Rúna

19/03/2026

17/03/2026

Meira enn helvtin av teimum ungu velja Fólkaflokkin❗️💚
Um miðnámskúlin á Kambsdali var ein bygd hevði Fólkaflokkurin eina rátt fyri borgum💚

Í dag hevur Huxa verið og vitja á Kambsdali við stórum og flottum Huxa bási💚
Vit hava hitt ungu veljararnar, ið flestu fara á val fyri fyrstu ferð, og ein kann sanniliga siga at framtíðin er grøn💚💚

15/01/2026

HUXA setur hægri mál: Styrkt nevnd klár til 2026

Vit hava stórar ætlanir fyri 2026. Tí hava vit valt at víðkað nevndina við tveimum dugnaligum kreftum: Jessicu og Talitu.

Tær báðar høvdu ikki møguleika at vera á sjálvum aðalfundinum, men boðaðu stutt eftir fundin frá, at tær ynsktu at vera við til at lyfta tær týðandi politisku uppgávurnar, ið liggja fyri framman.

Vit fegnast um hetta initiativið, tí við Jessicu og Talitu afturat í liðnum, leggur nevndin týðandi royndir og eyka førleikar afturat arbeiðinum, sum fer at styrkja okkara politisku rødd og virksemi í tí týðandi valárinum, ið stendur fyri framman.

Vit bjóða teimum hjartaliga vælkomnum; HUXA stendur nú sterkari, og er klárt at vinna valárið 2026 við einum samansettum og væl mannaðum liði.
Vælkomin Jessica Cazabon Celibashi, og Talita Hanusardóttir Gregersen.

Vh
Nevndin í HUXA

12/01/2026

Føroya størsta politiska ungmannafelag mannað nýggja nevnd við orku og royndum.

HUXA hevur nú skipað seg fyri árið 2026. Við einari blanding av royndum andlitum og nýggjum kreftum, er felagið fult mannað og til reiðar at fara undir eitt avgerandi politiskt ár, har valstríð stendur fyri framman.

Á skipanarfundinum varð greitt, at Rúni Hammer heldur fram á formanspostinum. Saman við restini av nevndini fer hann at standa á odda fyri einum drívnum liði, sum er til reiðar at lyfta uppgávurnar, ið liggja fyri næstu mánaðirnar.

Eisini skal dentur leggjast á støguða vøksturin í felagnum. Eftir loknan aðalfund er enn einaferð staðfest, at HUXA er størsta politiska ungmannafelag. Føroyski ungdómurin ynskir eitt borgarligt, konservativt grundarlag, og er hetta tekin um tað. Nevndin fer framhaldandi at kempa fyri at varpa henda boðskap, og tæna borgarliga ungdóminum!

Nevndin ber brá av støðufesti, samstundis sum nýggj orka er komin inn at seta sín dám á arbeiðið hjá felagnum. Hendan javnvágin millum royndir og nýhugsan tryggjar, at HUXA er væl fyri at gera seg galdandi í politiska kjakinum, og tæna áhugamálunum hjá føroyskum ungdómi.

Nevndin í HUXA fyri 2026:
● Formaður: Rúni Hammer (heldur fram)
● Næstformaður: Fríði Leitiskarð (heldur fram)
● Kassameistari: Olaf Sundstein (heldur fram)
● Skrivari: Filip Hansen (nývaldur)
● Nevndarlimur: Martin Gardar (nývaldur)
● Tiltakslimir: Eyðun Tausen (nývaldur) og Askur Eyðunsson (heldur fram) Rógvi Hvidbro (heldur fram)

Árið fyri framman.
Við 2026 sum einum týðandi valári, er nevndin longu farin í gongd við fyrireikingarnar. Málið er greitt: HUXA skal vera ein sjónlig og sterk rødd fyri borgarlig og konservativ virði. Felagið fer at leggja stóran dent á at virka sum ein týðandi partur av politiska kjakinum, har bæði hugsjónir og ítøkiligir politikkur fara at vera á skránni.

Nevndin er til reiðar at taka sín part av arbeiðinum, so HUXA eisini í framtíðini verður fremsta politiska boðið hjá ungdóminum í Føroyum.

Vit takka limunum fyri ein aktivan aðalfund, gott prát og góðan stuðul, og vilja ynskja øllum eitt gott 2026.

Vh

Nevndin í Huxa

06/01/2026

Landsfundurin hjá Huxa verður leygardagin 10. januar 2026 kl. 19.00.
Fundurin verður hildin í Hotel Brandan (Brúgvin), Tórshavn.

Skráin verður hendan:

- Orðstýrari og skrivari verða valdir.
- Uppteljing av atkvøðum
- Ársfrágreiðing
- Framløga og góðkenning av roknskapinum
- Framløga og góðkenning av ársætlan
- Framløga og góðkenning av fíggjarætlan
- Innkomin mál til viðgerðar og støðutakan
- Val av 5 nevndarlimum og eykalimi/limum
- Frítt prát

Allir limir og Huxa áhugað eru hjartaliga vælkomin💚

Vinarliga
Nevndin.

12/12/2025

Í gjár, 11. Desember tók Rúni Hammer, formaður í Huxa, sæti í býráðnum fyri Birgir Nielsen.
Nógv var á skrá og uppá hjarta til býráðsfundin, ið leikti á til á miðnátt.
Rúni Hammer er borgarligur við stóra B, og tók sjálvasgt eisini orðið tá orðaskiftið var um “almannagagnlig bústaðar feløg” og “tænastugjald á tóm býli”
Les stutt niðanfyri um hvat Rúni Hammer heldur um hesi bæði málini:

Almannagagnligt bústaðarfelag

Hvussu ber tað til at skattagjaldarin gjalda 20 milliónur krónur sum 43 fólk fáa gagn av. Hesi 43 fólk fáa 450tkr í stuðli frá TK. Hevur meirilutin í býráðnum ikki virðing fyri skattagjaldaranum ella kanska pengum sum heild.
Hesi eru kanska heppin, men hvussu vita vit, at hesi sum sleppa inn her, eru tey sum hava ein "almannagagnligan" tørv? Ella tey, ið eru úr kommununi?
Tað at bjarga einum almennum grunni sum hevur rent seg fastan vegna dýra bygging ,og fíggjarligt óskil, hvussu blívur tað ein uppgáva hjá Tórshavnar Kommunu
Tí um Tórshavnar Kommuna endiliga vil sleppa at eiga leiguíbúðir, hví skulu tær vera so dýrar? Ber ikki til at keypa onkrar aðrar íbúðir, sum ikki eru so dýrar?

Tað stutta av tí langa, so eigur leikluturin hjá TK at vera við um at økja um útboðið, ikki bara at keypa íbúðir sum longu eru bygdar og gjørdar. Tí í hvørjum heimið økir tað um útboðið, ella møtir tørvinum, við at kommunan ígjøgnum eitt felag uppkeypir nakrar íbúðir sum longu eru á marknaðinum?

Tænastugjald á tóm hús

Øgiliga idealistiskt mál at bjarga bústaðarneyðini, at leggja ein eyka skatt á borgarar, ið búgva í kommununi, og harvið vænta at fólk fara at selja húsini og “effektivisera bústaðarmarknaðin.
Tænastugjald…. Er bara eitt annað orð hjá sosialistinum fyri ognarskatt og ger seg beinleiðis inn á ognarættin hjá Borgaranum í TK. Ikki nokk at sosialistiska samgongan í býráðnum í Havn finnur uppá ein nýggjan skatt… Nei! Her skal eisini nýggjur innkrevjingarháttur til nýggja skattin. Sostatt skulu nýggir bereaukratar til at banka uppá hvørja hurð í kommununi og kannað hvør býr í hvørjum húsið, og ikki. Hetta leggur upp til eina slatri/sosialista mentan, har grannar skulu slatra um okkurt hús stendur tómt í grannalagnum sjálvt um adressa er á.
Um at hava heimsins størsta almenna geira ikki er nóg gott í forvegin, so hava vit væl virðiliga tað nú. Skrivistovuveldi í TK hevur ongan enda og tað eru tey sum arbeiða hart og eiga sum betala fyri tað.

- Rúni Hammer
Varafólk fyri Fólkaflokkin í Tórshavnar býráð

02/12/2025

669 mangla – og Løgtingið jagstrar popularitet

Vit í HUXA mótmæla nýggja lógaruppskotinum um fosturtøku. Tað, sum verður selt sum eitt “framstig”, er í roynd og veru eitt svik móti okkara komandi ættarliðum.

Tølini tala greitt: 669 fosturtøkur vóru av børnum sum í dag høvdu veri 13-28 ár (Gen-Z) ein heilur skúli av børnum, sum ongantíð fingu møguleikan at gerast partur av okkara fólki, okkara
arbeiðsmegi og okkara framtíð. Tað er ikki bara hagtøl. Tað er lív, sum eru strikaði.

At gera fosturtøku til eitt sjálvsagt “rættindi” fram til 12. viku er ikki ein smálóg. Tað er eitt signal: lív hevur bert virði, tá tað passar inn í kalendarin. Tað er tann linjan, Løgtingið nú er í ferð við at
seta.

Uppskotið verður pyntað við orðum sum “javnbjóðis atgongd” og “tryggari skipan”. Men sannleikin er, at hetta er eitt valdspæl, har tann sterkari fær rætt til at strika tann veikara. Tað er ikki
javnbjóðis. Tað er ikki tryggleiki, tað er ein konsekvensur av at føroyskir politikarar vilja játta ekstremari og ekstremari idiologi, hettar er bara ein jagstran eftir at hava sama politiska dans sum
Íslendararnar og Danirnar sum tey hava drukki kaffi við, har lóggevandi vald ikki longur noyðist at hugsa um avleiðingar, men bara eitt spæl av politiskum one-upsmanship. Alt í tænastu til ego,
heldur enn pragmatiskar loysnir til dagsins trupulleikar.

Føroyar hava ikki ráð at missa hundratals av okkara egna fólki, hvørki moralskt ella búskaparligt. Hettar er also politikkur, sum skýtur okkum bæði í fótin, og í hjartað.

669 eru longu dripin. Skal Løgtingið nú gera tað til ein rætt at økja talið?

Popularitetur má ongantíð vigast tyngri enn lívið sjálvt.

-Huxa

03/11/2025

Seinasta vikuskiftið umboðaði formaður okkara, Rúni Hammer, Huxa á árligu sessiónini hjá Ungdommens Nordiske Råd (UNR) í Stockholm.
Og ja, tað byrjaði heldur dramatisk! 😅

Fyrsta dagin, tá eg skuldi inn í sjálva Riksdagen – ið er parlamentið í Svøríki – bleiv eg steðgaður av vaktinum og síðani handtikin av politinum. Orsøkin var ikki mætari enn so, at eg hevði ein felliknív í lummanum. Eg lærdi tann dagin, at orðatakið “Knívleysur maður er lívleysur maður” opinbart ikki er galdandi fyri sviar… Tað er nevniliga ólógligt at bera knív í Svøríki. Harvið slapp eg heldur ikki at luttaka fyrsta dagin.

Seinna dagin byrjaðu vit við arbeiðinum í arbeiðsbólkum, har vit viðgjørdu uppskot frá ymisku limafeløgunum í Norðurlondum. Eg var í bólkinum “Vøkstur í Norðurlondum”, har vit umrøddu alt frá arbeiðsmøguleikum til burðardygd og grønan vøkstur – nógv spennandi mál og gott kjak!

Triðja og síðsta dagin skuldu vit so atkvøða um uppskotini og avgera, hvørji mál skuldu sendast víðari til Norðurlandaráðið, og hvørji skuldu fella. Tað var stuttligt at síggja, hvussu nógv ung úr øllum Norðurlondum hava meiningar, vilja og eldhuga fyri felags framtíðini okkara – hóast meginparturin av teimum, sum luttaka, eru á skeiva politiska vonginum 😉

Alt í alt var hetta ein ótrúlig uppliving – bæði lærurík, stuttlig og eitt sindur ørkymlandi fyrst 😅
Stóra takk fyri møguleikan, Huxa!💚

Rúni Hammer