SSP - skúli, sosialir myndugleikar og politi

21/04/2026

Í fyrru viku skipaði økisbólkurin í Suðuroy fyri einum stuttligum Ung og lívið-tiltaki fyri øllum 7. flokkum í Sumbiar-, Porkeris-, Vágs-, Hvalbiar- og Tvøroyrar skúla.

Dentur var lagdur á samanhald og sjálvsvirðing, og at fyribyrgja rák sum nikotin/snús. Dagurin byrjaði við, at næmingarnir møttust í SALT at kvøða og dansa. Síðani varð skipað fyri ymiskum verkstovum:

- Ungdómshúsini spældu ymisk bólta- og koppaspøl, ið styrkja samstarv og samanhald.

- Føroya Politi helt kunnandi framløgu.

- Tvøroyrar- og Sumbiar skúli spældu ymisk stuttlig spøl.

- Barnaverndartænastan legði fram um, hvørji tey eru og hvussu tey kunnu hjálpa.

- Porkeris- og Hvalbiar skúli høvdu spurnakapping.

Aftaná verkstovurnar fingu tey ungu undirvísing frá Gigna um at hava tað gott í egnum kroppi.

Niðanfyri síggjast nakrar løtumyndir frá degnum.

Hvat er Ung og lívið-tiltakið?
Ung og lívið er eitt spennandi og uppbyggjandi tiltak fyri næmingar í 7. flokki, ið SSP-økisbólkar skipa fyri. Tiltakið er ætlað at gera næmingar tilvitaðir um, hvussu eitt gott ungdómslív kann vera uttan rús og við at taka góðar avgerðir fyri seg sjálvan og felagsskapin. Tað skal byrgja fyri, at ung ikki koma í vandastøður orsaka av rúsdrekka og nikotin, og hjálpa teimum at taka avgerðir, ið geva lívsgleði og innihald.

Til ber at lesa meira um tiltakið á heimasíðu okkara: https://ssp.fo/goda-ungdomslivid/ung-og-livid-tiltakid-eitt-tiltak-id-studlar-undir-tad-goda-ungdomslivid/

Tvøroyrar Kommuna, Vágs kommuna, Hovs kommuna, Hvalbiar kommuna, Sumbiar kommuna, Porkeris kommuna, Fámjins kommuna, Hvalbiar skúli, Vágs skúli, Porkeris skúli, Tvøroyrar skúli, Sumbiar skúli, Pakkhús Tvøroyri, ungdómshúsið í Vági, Føroya Politi, Gigni.

23/03/2026

SSP årsmødet 2026 – frá vitan til praksis 🌍
Dagarnar 17.–19. mars luttóku SSP umboð á árligu SSP-ráðstevnuni í Nyborg, har vit vóru heili 21 luttakarar úr Føroyum – eitt met vit eru errin av 🤗⭐

Ráðstevnan hevði eitt høgt fakligt støði📊, við bæði felags fyrilestrum og ymiskum verkstovum, við støði í seinastu gransking, har dentur varð lagdur á aktuellar avbjóðingar í arbeiðinum við børnum og ungum.

👉Evnini vit m.a. hoyrdi um:
• Ungdómskriminalitetur gjøgnum árini – vanda- og verndarfaktorar
• Digitalan kriminalitet og konspiratiónstankan innan talgilda heimin
• Gaming- og memeficering 🎮 – ávirkan gjøgnum ekstremt innihald og normalisering
• Relatiónsarbeiði og endurreisandi tilgongdir 🤝
• Ítøkilig amboð til at styrkja felagsskap, handfara ósemjur og styrkja mentaliseringsevni
• Foreldrakontrol á sosialum miðlum 📱
• Vitlíki og kriminalitetur 🤖
• Rúsevnisnýtsla millum ung (ESPAD 2024)
• Átøk um royk- og nikotinfríar skúlar 🚭

Ein týðiligur boðskapur gekk aftur:
Tørvur er á at raðfesta fyribyrging ⚠️ – eisini á tí talgilda økinum, styrkja samstørv og reagera skjótari tá stúranir eru.

🚀Praksis amboð vit serliga vilja royna:
• Affektivt málburður; um mentalisering og “eg-boðskapur” í samskifti við børn og ung
• Sirkulprosessir, sum styrkja felagsskap og álit í floksstovuni
• Endurreisandi samrøður við fokus á ábyrgd og loysnir, innan konflikthandfaran

Hví luttøkan er týdningarmikil‼️
Tí nógv av tí, sum hendir online 🌐, hevur veruligar avleiðingar offline. Rák í Danmark síggjast eisini í Føroyum – ofta heldur seinni. Tí er neyðugt at vit fáa seinastu vitanina og eru fyrireikaði.

At vit vóru 21 avstað, vísir greiða raðfesting:
Vit vilja styrkja fakligheitina og samstarvið, og tryggja at okkara arbeiðið byggir á nýggjastu vitanina.✔️

🫶Næsta stigið er greitt:
Vit eru longu farin undir at umseta vitanina til ítøkilig átøk 🚀

Tey ið vóru umboðaði innan SSP-samstarvið vóru:
SSP-politistar, SSP-lærarir, skúlastjórar, barnavernd, SSP-samskiparir og SSP-ráðgevingin.

Takk fyri eina fakliga góða og gevandi SSP-ráðstevnu 🤝

12/03/2026

Evnisdagur fyri námsfrøðilesandi

Í dag varð skipað fyri SSP-evnisdegi fyri námsfrøðilesandi á Fróðskaparsetri Føroya. Hetta er triðju ferð, vit halda ein slíkan dag fyri komandi námsfrøðingar um teirra týdningarmikla fyribyrgjandi leiklut á barna- og ungdómsøkinum.

SSP-ráðgevingin og SSP-samskipari hjá Føroya Politi greiddu millum annað frá 1) Hvat SSP er og týdningurin av almennari fyribyrging, 2) Tagnar- og fráboðanarskylduna, 3) Rættargangslógina og 4) Bólkaarbeiði um fyribyrgjandi arbeiði sum námsfrøðingur í praksis. Í hesum sambandi fingu tey lesandi møguleika at royna tilfarið TÍTT (Tiltøk Í Tøkum Tíma), ið er eitt amboð til fakfólk at meta um trivnaðin hjá børnum og til at varnast møguligar avbjóðingar.

Nógv kjak og viðkomandi spurningar komu fram um týdningin av trivnaði, og hvussu hetta kann fremjast í verki fyri øll børn.

Vit eru sera fegin um møguleikan at lána okkara komandi námsfrøðingar og ynskja teimum bestu eydnu víðari í lesnaðinum.

03/03/2026

8.a í Hoyvíkar skúla er ársins vinnari av Tryggari internetdegnum kappingini! 🥳

Flokkurin hevur framleitt filmin “Sært tú?”, ið lýsir happing á netinum.

Viðmælt verður, at tú hyggur eftir filminum, áðrenn tú lesur víðari: https://www.youtube.com/watch?app=desktop&si=ziNmERuCWnTS3NTt&v=tUpjq02gxz4&feature=youtu.be&fbclid=IwdGRjcAQTzwRleHRuA2FlbQIxMQBzcnRjBmFwcF9pZAwzNTA2ODU1MzE3MjgAAR5ISjMF_TcpZtskIn2BC3HWJhA-5_kIE9xb6OeNkIzS1UZh5Kg_qbGzp8YZfg_aem_jmU_yoOuINgkMGOL_lxBoQ
..Filmurin er deildur upp í tvey. Í fyrsta parti verður hyggjarin spurdur “sært tú?” ímeðan ein vanligur skúladagur hjá Marko verður vístur. Tá skúladagurin endar fær hyggjarin at vita, at meðan Marko hevði ein vanligan skúladag, bleiv ein floksfelagi happaður. Hyggjarin fær síðani innlit í, hvat hendi rundanum Marko, men sum hyggjarin ikki gjørdi sær far um.

Flokkurin hevur dugað sera væl at lýst, hvussu torgreidd og duld happing kann vera. Bæði fyri børn og vaksin. Happing á netinum og happing andlit til andlits hongur aloftast saman, men kann vera sera torfør at fáa eyga á, tá okkara fokus liggur aðrastaðni. Har er nógv meira sum gongur fyri seg, enn vit gera okkum far um, og tí krevur tað, at vit hyggja og síggja.
- Og mest týdningarmikla av øllum: eru vit vitni til happing, skulu vit siga frá.

Vit ynskja 8.a í Hoyvíkar skúla hjartaliga til lukku við avrikinum og takka fyri øll uppskotini, sum eru komin inn. Okkara ungu hava stórt rós uppiborið, og eru vit errin at síggja, at vit hava so dugnalig ung, ið vilja arbeiða við hesum evninum.

Takk til og fyri at stuðla við 20.000 kr til flokkin til eina felags uppliving saman.

03/03/2026

8.a í Hoyvíkar skúla er ársins vinnari av Tryggari internetdegnum kappingini! 🥳

Flokkurin hevur framleitt filmin “Sært tú?”, ið lýsir happing á netinum.

Viðmælt verður, at tú hyggur eftir filminum, áðrenn tú lesur víðari:
https://www.youtube.com/watch?app=desktop&si=ziNmERuCWnTS3NTt&v=tUpjq02gxz4&feature=youtu.be&fbclid=IwY2xjawQT4o9leHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe2FZeMby8e6vwln_8TBAlpP_UaWcDG65gRIdhXLxAJsKdcsiSjgkTsIIN-Jc_aem_5jk4p_sxMYLDfss9lvjMAA
..Filmurin er deildur upp í tvey. Í fyrsta parti verður hyggjarin spurdur “sært tú?” ímeðan ein vanligur skúladagur hjá Marko verður vístur. Tá skúladagurin endar fær hyggjarin at vita, at meðan Marko hevði ein vanligan skúladag, bleiv ein floksfelagi happaður. Hyggjarin fær síðani innlit í, hvat hendi rundanum Marko, men sum hyggjarin ikki gjørdi sær far um.

Flokkurin hevur dugað sera væl at lýst, hvussu torgreidd og duld happing kann vera. Bæði fyri børn og vaksin. Happing á netinum og happing andlit til andlits hongur aloftast saman, men kann vera sera torfør at fáa eyga á, tá okkara fokus liggur aðrastaðni. Har er nógv meira sum gongur fyri seg, enn vit gera okkum far um, og tí krevur tað, at vit hyggja og síggja.
- Og mest týdningarmikla av øllum: eru vit vitni til happing, skulu vit siga frá.

Vit ynskja 8.a í Hoyvíkar skúla hjartaliga til lukku við avrikinum og takka fyri øll uppskotini, sum eru komin inn. Okkara ungu hava stórt rós uppiborið, og eru vit errin at síggja, at vit hava so dugnalig ung, ið vilja arbeiða við hesum evninum.

Takk til Nema og Føroya Tele fyri at stuðla við 20.000 kr til flokkin til eina felags uppliving saman.

20/02/2026

Kveikingardagur 2026 – SSP-ráðstevnan.

18. februar var árligi Kveikingardagurin hildin, har vit hittast tvørtur um geirar við tí máli, at vit í felag gera okkara til, at børn og ung trívast í Føroyum.
Meira enn 300 luttakarar tóku lut á degnum og umboðaðu 33 ymiskar stovnar og felagsskapir kring alt landið. Tað vísti enn einaferð, hvussu breitt og týdningarmikið arbeiðið við børnum og ungum er – og hvussu stóran týdning tvørfakligt samstarv hevur.

Evnið í ár var “Mótivatión í roynd og veru”. Djóni Nolsøe Joensen, landsstýrismaður í Barna- og útbúgvingarmálum, setti ráðstevnuna og vit fingu íblástur frá fyrilestrarhaldarum:

• Pætur Zachariasson, sálarfrøðingur og Ph.d.-lesandi, um drúgva skúlafráveru
• Rune Kappel, cand.psych.aut., leiðandi sálarfrøðingur og rithøvundur, um sjálvstamarhald og drívmegi
• Dorthe Birkmose, sálarfrøðingur og rithøvundur, um motivatión – og hvussu vit kortini ikki hava roynt alt
• Katrin á Neystabø, ítróttarráðgevi hjá Ítróttasamband Føroya, um “flest møguligt, longst møguligt í ítróttarfelagsskapinum".

Ein dagur við fakligum áfyllingi, kjaki og nýggjari vitan – men fyrst og fremst ein dagur, har vit styrktu um felags ábyrgdina: At skapa karmar, sum stuðla trivnaði, luttøku og menning hjá børnum og ungum í Føroyum.

Takk til øll, sum luttóku og gjørdu dagin til nakað serligt. Saman gera vit mun 💛

20/02/2026

👇🏼

Politiið hevur fingið trý mál um barnalokking á telduspælinum Roblox.

19/12/2025

05/12/2025

Góð tíðindi fyri Føroya Politi og SSP 🤩

✨Vit eru ovurfegin fyri uppraðfestingarnar ið avtalan lýsir. Millum annað tað, at betra um politi-útbúgvingina👮‍♀️👮, førleikamenning og styrkja kriminalitetsfyribyrgjandi innsatsir og málrætta hjálp til útsett offur, herundir børn, ið eru fyri harðskapi.🫶

Sum nakað nýtt, verður SSP-útbúgving tøk í Føroyum 👏

🔹"Tað hevur ligið Sambandsflokkinum nær, at tað skal vera møguligt at taka eina SSP-útbúgving í Føroyum. Hetta er eisini fingið við í avtaluna."

SSP-útbúgving hevur verið tøk í Danmark í fleiri ár. Vit hava leingi ynskt javnbjóðis møguleikar, at nema sær førleikamenning innan SSP, eins og Danmark, uttan forðing orsaka høgu ferðakostnaðinum.

Avtalan kann lesast her:https://www.justitsministeriet.dk/wp-content/uploads/2025/12/Aftaletekst.pdf

https://in.fo/news-detail/foeroya-politi-og-akaeruvaldid-verda-uppradfest-i-nyggjari-avtalu

Ein meiriluti av flokkunum í Fólkatinginum hava gjørt eina nýggja fleirársavtalu um fíggingina av politinum og Ákæruvaldinum. Føroyar og Grønland verða raðfest høgt í avtaluni, og Sambandsflokkurin á Fólkatingi hevur strongt á at fáa fleiri av viðurskiftunum við í avtaluna.

26/11/2025

Verið varin við Roblox.

Roblox er ein online spæliplatformur við meira enn 40 milliónum spølum, børn kunnu velja ímillum, og verður nevnt sum mest nýtti spæliplatformur millum børn í 1. og 4. flokki, tá SSP vitjar. Samstundis hoyra vit ofta frá børnum, at tað er júst har, tey kunnu møta ókend vaksin og fyrispurningar um at samskifta víðari á øðrum talgildum pallum, har tað ber til at senda myndir ella filmsbrot.

Mest nevndu spølini millum føroysk børn á Roblox eru:

- Steal a Brainrot.
- 99 nights in the Forest.
- Grow a Garden.
- Dress to impress.
- Brookhaven.

Í spælinum Steal a Brainrot kunnu børnini til dømis keypa figurar, antin við spæli-pengum ella veruligum pengum, og hetta kann elva til bólkatrýst millum børn og foreldur at nýta pengar ella loyva barninum meira tíð á spælinum fyri at føla seg sum ein partur av felagsskapinum.

Roblox móttekur fleiri sakarmál í løtuni, í mun til lokking, og hóast forstjórin í Roblox, David Baszucki, boðar frá, at nýggj funka er á veg, har tey fara at nýta vitlíki til at skanna andlitið fyri at meta um aldur, so kann hetta ikki neyðturviliga tryggja, at skipanin ikki kann misnýtast.

Ráð til foreldur:
• Haldið aldursmarkið – aldursmarkið liggur á 13+ ár í løtuni, men møguleiki er fyri, at tað hækkar.
• Tosið heima um vandarnar við Roblox, og hví tit seta mørk.

Um barnið fær atgongd til Roblox:
• Ver saman við barninum, tá tað spælir – fá innlit í innihaldið og met um spælið er hóskandi fyri barnið.
• Nýtið ikki veruligar pengar fyri at minka um bólkatrýst.
• Set foreldrakontrol - stovna tín egna Roblox vanga og bind saman við barnið. Síðani:
- Sløkk kjattfunkuna.
- Vel vinir fyri barnið – tryggi tykkum, at barnið bert er vinir við tey, barnið kennir.
- Tosið við barnið um, at tað ongantíð skal flyta samskiftið yvir á aðrar talgildar pallar.

Til ber at hoyra samrøðu um hetta á Góðan Morgun Føroyar niðanfyri.

https://kvf.fo/greinar/2025/11/26/tu-ert-lekkur-kunnu-vit-siggjast