20/01/2016
Okkara mótmælið hjálpti einki í 2011 tá blokkurin bleiv hækkaður.
Sjálvt avgerðin at hækka blokkin kundi tó ikki steðga føroyinginum í at gerast meira óheftir av blokkinum enn hann var frammanundan.
í dag er blokkurin minni enn 3,8 % av BTÚ meðan hann í 2011 var omanfyri 4,6 % av BTÚ.
Blokkurin komin niður á 3,78 % av føroyska BTÚ
Blokkurin og tær ræðumyndir sum sambandsflokkarnir hava spunnið burturúr honum og hvat fer at henda um hann hvørvur eru so dyggiliga gjørdar til skammar. Ikki í nýggjari tíð hevur blokkurin verið so lítil partur av føroyska búskapinum og hóast hetta eru føroyingar nógv ríkari enn í 1998 tá blokkurin var uppi á 12,41 % av Føroyska BTÚ.
Hóast verandi samgonga ikki ein gongd hevur dirvið til at minka blokkin og undanfarna enntá vaks um blokkin í krónum og oyrum, so eru dagarnar hjá blokkinum taldir.
Sum myndin vísur so er týdningurin av blokkinum í Føroyska búskapinum við at hvørva heilt. í 1998 var blokkurin uppi á 12,41 % av føroyska BTÚ, meðan hann - um framskrivingarnar hjá hagstovuni fara at halda - kemur niður á 3,78 % av BTÚ í ár
Verandi landsstýrið hevur avgjørt at fastfrysta blokkin komandi árini á 642,4 mió kr., og um fastfrystingin av blokkinum heldur áfram komandi árini merkir tað at blokkurin kemur niður á 1 % av BTÚ um 30 ár í 2045.
Bara vi at minka blokkin 50 mió kr. um árið hevði blokkurin komið niður á 1 % av BTÚ longu um 7 ár í 2023.
Blokkurin hevur ikki verið, er ikki og fer heldur ikki framyvir at verða trygdin undir føroysku vælferðini.
Fullveldið er í eygsjón, men vit broyta ikki stórvegis uppá støðuna við at standa á gáttini og hyggja út, um vit ikki eisini taka tey fáu fetini í eftir eru og trýna útum ríkisfelagsskapsdunnuhylin.
Kelda:
BTÚ: 1998-2016 Hagstovan.
BTÚ: 2017 -> BTÚ rokna út við at brúka miðal vøksturin frá 1998 - 2016.
