15/01/2022
Solidaritat dab los cambaradas de Libertat victimas de provocacions de l'ultradrèita! Faissisme hòra d'Occitània!
PAU — Inscripcions fascistas: lo procès que’s debanarà dijaus
Lo procès de duas hemnas acusadas d’aver pintrat inscripcions fascistas sus la Tor deu Borrèu e en çò d’un militant de Libertat que’s debanarà aqueste dijaus 13 de genèr 2022 a 13:30, au tribunau de Pau.
Pendent l’estiu 2021, militantas de Libertat que trobavan pega-solets fascistas sus la pòrta deu lor locau paulin. Lo 19 de seteme, dita pòrta qu’èra solhada per inscripcions obèrtament fascistas (n**i). Lo 24 de seteme, un militant de Libertat que trobava, en çò d’eth, inscripcions similaras e miaças de mort pintradas dera madeisha color de deu madeish biaish. Lo 2 d’octobre 2021, ua navèra inscripcion fascista qu’apareishèva sus la pòrta dera Tor deu Borrèu.
Lo clam qu’estó portat a cada còp e ua mobilizacion deras fòrças vertaderament antifascistas qu’estó convocada lo 1èr d’octobre 2021 au Hedàs. Los arresultats de l’enquèsta policièra que permetón un procès lo 18 de noveme 2021 a 13:30. Mes lo lor avocat n’estant pas present, las acusadas que demandèn l’ajornament, acceptat peu tribunau e programat aqueste dijaus 13 de genèr 2022 a 13:30, au Tribunau de Pau. L’organizacion independentista e socialista d’Occitània qu’apèra a un acamp.
https://occitaniaarroja.wordpress.com/2022/01/10/pau-inscripcions-fascistas-lo-proces-ques-debanara-dijaus/
